مرحبا لكل مشرفي واعضاء اخوية الحبيب

زواج الفتاة بشاب اصغر منّا بالسن .... بتعتبر مشكلة او شي غريب ببعض المجتمعات العربية
بالزمن الماضي وكمان بعد في منا شوي
ومتل ما منلاحظ انو صارت منتشرة بهيدا الوقت .. وشفنا انو في منن مع هلفكرة وبالتالي في ناس كمان بيشعروا انو بتثير السخرية وانو بتدفع هلقصة الفتاة لمتاهات هيي بالغنى عنّا


فبدي منكن تقولولي شو رايكم تجاه هلموضوع
انتو مع او ضد زواج الفتاة بشاب اصغر منّا بالسن ؟؟؟؟؟


تحياتي سيلين...

هاي سيلين الفكرة كتير حلوة بس المجتمع عم يرفضا لانو لحد هلق في اشخاص ما بتامن بالحب وبانو البنت اذا حبت شخص واعجبت فيه ما بتفكرلابسن ولابشكل وكذللك الامر بالنسبة للشب المهم انا مع فكرتك شرط وجود الحب و قبول الاخر متل ماهوي بسن صغير او كبير مابتفرق المهم الحب

الحب ما بيعرف لا عمر ولا فوارق أنا هاد رايي بالموضوع ..
طبعاً من وجهة نظري الخاصة أنو مافيها شي ...
بس للصراحة أنا ما باخد أكبر مني :lol: لأ عم بمزح أكيد اذا حبيت أكبر مني أكيد ما رح وقف عند العمر ..
شكراً لناشر الموضوع :سوريا:

شكرا لردودكن
بس انا ما بحب تكون الزوجة اكبر من الزلمي ما بحب بالمرةةةةةة
بحسّا شغلة غريبي بس انو بتقبلا لحدا تاني
بس الي لا ما بحب
عنّا بالبلد في كتير ناس ومن القرايب كمان متزوجين هيك

أنا رأيي ما حلو تكون البنت اكبر من زوجاا عنجد بحسا شغلي غريبي ما بكون فيي تناسب يعني انا ضد

انا مستحيل اقبل بانو تكون المرا اكبر من جوزها
ولو كانت قصا منيحه كنت لقيت عالم كتيير عاملينها

هي بتصير بس المهم التفاهم ................يعني انا لو صارت معي ممكن اقبل الفكرة اذا كنا متفاهمين...................

في سؤال مهم ؟؟؟
اذا الاتنين حبو بعض (افتراض) يتركو بعض مشان هي اكبر منو
وانا ما بقصد فرق سن كبير
يعني فوق 20 سنه

ايه وين الغلط عادي شو اكبر وشو اصغر كم سنة اكبر كم سنة اصغر ما في فرق بتوقلو البنت تكبر بسرعة هلق ما في وحدة عم يكبر كلو بيعطي اصغر من عمرو الحمدالله

ايه وين الغلط عادي شو اكبر وشو اصغر كم سنة اكبر كم سنة اصغر ما في فرق بتوقلو البنت تكبر بسرعة هلق ما في وحدة عم يكبر كلو بيعطي اصغر من عمرو الحمدالله

انو فهمت اول كم كلمة يعني لعند ما في فرق بس بعدين ما ضل حيط وما فتت في :shock: :shock:

بالنسبة لرأيي ما بيختلف عن راي كتير من الشباب اللي حطو لمساتن بالموضوع بشرط انو ما يكون فرق العمر كبير كتير (يعني ما كسيمم بالنسبة الي سنة ) وانو يكون في تفاهم بين التنين
وهاي رايي
وشكرا سيلين لطرح الموضوع :سوريا:

بالنسبة لرأيي ما بيختلف عن راي كتير من الشباب اللي حطو لمساتن بالموضوع بشرط انو ما يكون فرق العمر كبير كتير (يعني ما كسيمم بالنسبة الي سنة ) وانو يكون في تفاهم بين التنين
وهاي رايي
وشكرا سيلين لطرح الموضوع :سوريا:
ما تشكرها
حتكون هي السبب في المعركه الكبيرة ...انتظر شوي;-) ;-) ;-)
ليش بقى ماكسيمم سنه ؟؟؟؟؟؟؟؟؟؟؟؟
يعني لو سنتين ما بينفع :cry: :cry: :cry:
ولو تلاته او خمسه ;-) ;-) ;-)
الموضوع مو بالسن
بس مو قاصدي يكون الفرق كبير ...يعني هي متل امو او من جيل جدتو :clap: :clap: :clap:

هلا صار في كتير حكي وجدال مشان هالشغلة وبالنسبة الي :
اول شي يعني اذا بدك تاخد على حسب العمر كانو صار تمييز ...مثلا انك ترفض حدا لانو صغير بس اذا بيفهم بالشغلة العم يعملا هاد تمييز وكمان الزواج نفس الشي اذا بدو يصير رفض مع انو في تفهام يعتبر تمييز متل الالوان او الديانات ...يعني ما لهلدرجة بس انو...
المهم يكون في حب متبادل اكتر من الحب العادي وانو يكون في تفاهم بين الطرفين اكتر من اي زوجين حتى يضلوا مستمرين
طبعا بدي اكد انو ما يكون في فرق اكتر من سنة او سنتين مكسيموم مشان يكون ولاد نفس الجيل ويكون في تفاهم لانو اكتر من هيك بيكون كل واحد من جيل شكل وبتكون افكارون متضاربة وما متفاهمين ..تحياتي

كلام جميل ...واحسن من كل الردود
حتى ردي بامانه هيك رايي

كلام جميل ...واحسن من كل الردود
حتى ردي بامانه هيك رايي


تسلم عراسي يا مزوق:سوريا:

ضــــــــــــــــــــــــ ـــــــــــــد

انا متل ماشفت في كتير اشخاص بيتقبلوا هاد الموضوع بس انا بالنسبة الي بحسوا غلط وبحس من اساس العلاقة والارتباط يكون الرجل اكبر من المراة مو العكس واكيد في حالات شاذة بهل الموضوع متل الحب مثلا.:sosweet:

ضــــــــــــــــــــــــ ـــــــــــــد


بيعجبني الواضح و الصريح !! :سوريا: ;-)

بخصوص الموضوع انا براي كمان تتصلو بالشحرورة صباح وهي بطعطيكن اكبر مثال على هل الموضوع

هلء المهم الحب وبعدين أي أي مشكلة بتنحل. وما في أي مشكلة تكون من عمرو أو أكبر أحسن ما يتزوج زحدي يربيها من أول وجديد.

أنا من ناحيتي بس لاتخرج نشالله ما رح اتزوج غير وحدي من عمري مش أزغر مني نشالله.

وانت عمرك كام ؟؟؟؟؟؟؟؟؟؟؟؟؟؟؟؟؟

عمري 18 هلء عقبى للمية نشالله

طبعا بدي اكد انو ما يكون في فرق اكتر من سنة او سنتين مكسيموم مشان يكون ولاد نفس الجيل ويكون في تفاهم لانو اكتر من هيك بيكون كل واحد من جيل شكل وبتكون افكارون متضاربة وما متفاهمين ..تحياتي
فعلا شي غريب!!!!:shock:
ليش لما يكون الزلمي أكبر منها بأكتر من سنة وسنتين ما بكونو ولاد غير جيل وبتكون أفكارن متضاربة!!
الا اذا كنت مع رأيي أنا اللي بقول انو لازم الزوج والزوجة يكونو من عمر بعض تقريبا ما يكون حدا أكبر من التاني أكتر من سنتين.

عمري 18 هلء عقبى للمية نشالله
وبتفكر بالزواج فهالوقت :shock: :shock: :shock: :shock:
اللعنه عالجيل الجديد:jakoush: :jakoush: :jakoush: :jakoush:

يا سعدون انا قلت بعد ما اتخرج.
بس شو رأيك بتعليقي على كلامVaron (اللي انتا أيدتو). مش منطقي!!

يا سعدون انا قلت بعد ما اتخرج.
بس شو رأيك بتعليقي على كلامVaron (اللي انتا أيدتو). مش منطقي!!
مين سعدون هاد المهم
يا خلدون انا قلت بتفكر (بتفكر)مو بدك تتزوج هالوقت ...
ورايي بتعليقك انو منطقي وتقريبا انا مأيد الفكرة العامه
بس مشان جاملتوني فموضوع السنتين هاد بعديها

أنا بفضل أنو يكون العمر قريب ...يعني فرق سنتين...او اربع سنين ماكسيمم

و أنو يكون الشب اكبر


بس كوني بفضل هالشي ما معناتو اني ضد غير حالات

ديموقراطي انا

مين خلدون ومين سعدون
صار في عناّ اسماء جديدة بالمنتدى
انا بحب دايما المرا تكون اصغر من الزلمي حتى لو كانت اصغر منو ب 10 سنين مش مشكلة
هيك بتضل هيي دلوعة وصغيري بنظرو وما بتروح عينو لبرا 8)

يا سعدون انا قلت بعد ما اتخرج.
بس شو رأيك بتعليقي على كلامVaron (اللي انتا أيدتو). مش منطقي!!
ولك ابا جهل هههههه مين سع
ون
بعدين ليش انا ما قلت انو يكون سنة او سنتين ما اكتر

بما انو التفاهم موجود ما بتوقع انو الزواج برجل اصغر مشكلة

لكن الافضل برايي يكون هو الاكبر ...

لانو المراة عاطفية اما الرجل لازم يكون هو الواعي

لهيك الافضل يكون اكبر منها بكم سنة او من عمرها لانو بتكون خبرتو بالحياة اوسع

تحياتي

هلء على الجهتين هوي رح يتطلع لبرا. بس الفرق حسب ما كنت عم بقرا بكتاب عن الحب والزواج انو اذا اتزوج وحدي من عمرو أول حياتن ما بيتطلع لبرا بس بعدين بس ليكبرو بصير يتطلع. أما اذا تزوج وحدي أزغر منو فأول حياتن رح يتطلع لبرا عشان هيي أزغر منو وهوي بكون عندو صاحبات من عمرو وهالقصص بس بعدين ما بعود يتطلع.

أما رأيي أنا انو تتزوج (أو يتزوج) وحدي من عمرو هيك أول حياتو ما بيتطلع لبرا لأنو ما حدا بيضمن المستقبل يمكن حدا منن يموت وما تزبط معهن. ولا لأ؟؟

انااااااااااااا ضد لانووووووووو موووووو حلوووووو انوووووووو الرجال يكون اصغر من مرتوووووووو

حب حبيبك لو كان اكبر منك دهر

بعرف واحد اتزوج وحدي اكبر مينو ب20 سنه

هوي رحل الى العام الاخر من شي 5سنين وهية قاعدي زي ال

حب حبيبك لو كان اكبر منك دهر

بعرف واحد اتزوج وحدي اكبر مينو ب20 سنه

هوي رحل الى العام الاخر من شي 5سنين وهية قاعدي زي ال
زي اميل لحّود:clap:

زي اميل لحّود:clap:
:o :o :lol: :lol:

زي اميل لحّود:clap:

يا سيدي هاي رهيبة شو بدنا :lol: :lol:

لاء سحيب ما اشبك شي ;-)

هي بتصير بس المهم التفاهم ................يعني انا لو صارت معي ممكن اقبل الفكرة اذا كنا متفاهمين...................

وأنا رأيي من رأيك

ليش يعني البنت يلي عمرها 17 او حتى 16 سنة ما بتفهم او بتقدر.........:?

لمعلوماتكون البنت عقلها سابق عمرها

و برأيي انو اذا البنت كانت اكبر من الشب فنسبة نجاح هيك زواج 5%

و رأي العلم و يلي بتعرفوه و دائما اهلنا بيقولوا لنا ياه انو:

البنت بتكبر قبل الشب ........... يعني الرجل بيصير عمرو 40 و هو بعزو و المرأة 40 .....

بس طبعاً متل ما بيقولوا الحب يصنع المعجزات :lol:

لانو الزوجة هون بدها توازن شخصيتها و كيانها و بين رغبة و رأي قائد السفينة يلي هو الرجل وهاد

الشي بس عنا و هو كتير نادر ;-)

بعدين مين سعدون ؟؟؟:o

شكرا سيلين............ موضوع اكتر من رائع:سوريا:

اهلا خيلووووووو

يا سيدي هاي رهيبة شو بدنا :lol: :lol:

لاء سحيب ما اشبك شي ;-)
انتا ابو الضروب ما تحكي
موضوعك صار شي 100 صفحة طلع ضرب بالأخير. هيدي هيي السحبة بحد ذاتا بو شريك

هلىء هاد موضوع شائك شوي

بالنسبة ألي أنا كبنت أنا ماممكن أني حب شخص أصغر مني
مابعرف بحس أنو الرجولة عندو ناقصة
حتى بحبو يكون اكبر مني بكتير يعني مثلاً 8 سنين هيك بحب

باعتبار أنا أكبر منو
دغري بلا شعور بحسو أخي
وهيك صار معي بالجامعة

أنا ضــــــــــــــد بصراحة

وفي أسباب تانية

أنو المرأة بطبيعتها الجسدية بتكبر قبل الشب
حتى بفترة المراهقة بتكبر قبلو

يعني مرأة بالأربعين احتمال تكون غير قادرة على الأنجاب
بينما رجل بالستين بيكون قادر
أنا ضد وبنصح يلي قصتون هيك يوقفو العلاقة

بالنسبة ألي أنا كبنت أنا ماممكن أني حب شخص أصغر مني
دا شيء خاص بيكي .يعني انتي حرة
مابعرف بحس أنو الرجولة عندو ناقصة
كلام غلط خالص هي الرجوله الها سن او
نسبيه بتتاثر بفرق السن بين الزوجين
(وتقولي ايه يا مؤمنه يا مسلمه ....فان رسولك (ص)اتزوج وهو عندو 25 سنه من السيده خديجه وكان عندها 40 سنه )ما في داعي اكمل
حتى بحبو يكون اكبر مني بكتير يعني مثلاً 8 سنين هيك بحب

باعتبار أنا أكبر منو
دغري بلا شعور بحسو أخي
وهيك صار معي بالجامعة
هو كلام جميل بس شخصي يعني لايعبر عن فكر الصبايا

وفي أسباب تانية

أنو المرأة بطبيعتها الجسدية بتكبر قبل الشب
حتى بفترة المراهقة بتكبر قبلو

يعني مرأة بالأربعين احتمال تكون غير قادرة على الأنجاب
بينما رجل بالستين بيكون قادر
تفتكري الراجل ممكن يكون عايز ينجب على طول ؟؟؟؟او مستني مراتو تنجب على طول !!!!
في حاجات كتير غير الانجاب خصوصا انهم انجبو قبل كده يعني عندهم اولاد
أنا ضد وبنصح يلي قصتون هيك يوقفو العلاقة
مش من حقك لحد هنا وبس :jakoush: :jakoush:
لو في اتنين بيحبو بعض يبقى لازم يكملو مشان الحب هو اللي ببعمر بيتهم وحياتهم

مش من حقك لحد هنا وبس :jakoush: :jakoush:
لو في اتنين بيحبو بعض يبقى لازم يكملو مشان الحب هو اللي ببعمر بيتهم وحياتهم
مابعرف ليش عصبت كتييير
مابدها ها الأد

هاد رأي شخصي بظن وأنا حرة فيه

مابعرف ليش عصبت كتييير
مابدها ها الأد

هاد رأي شخصي بظن وأنا حرة فيه

ما في عصبيه ولا حاجه 8) 8)
انتي بستان ورد ما حد بيتعصب من الورد :سوريا: :سوريا: :سوريا: :سوريا: :سوريا:
الموضوع كان من باب النقاش مو اكتر :سوريا: :سوريا:

مرحبــــــــــا ....
انا ضد هالشغلة وضد العكس والاسباب كتيرة
ما بنكر انو لكل قاعدة شواذ وكتير من الحالات نجحت بس اكيد بيضل فيه حساسية بطريقة التعامل
ومنشان اذا بيحبو بعض لازم يكفو .... يمكن صح
بس الحب ما بيضل حب .. بيتغير مفهومو وبيتطور يعني حب العلاقة غير حب الخطبة غير حب الزواج غير الحب وقت بيصير في اولاد بالنهاية الحب لوحدو ما بيكفي اهم شي التفاهم

انا برأيي انو نترك العالم بحالا وكل واحد ياخد اللي بيحبو
لايمت رح نبقى متخلفين ونفكر بالاكبر والاصغر
بشرفكون سمعتو شي مرة شي حدا غربي سأل هالسؤال
اكيد لاء

اي طبعا في غربين بفكروا هيك
لانو ما كل اصابيعك نفس الشي
وكمان اذا بدنا كل ما نعمل موضوع نفكر هيك ما بتوفي معنا ساعتا بيفضى المنتدى
يعني لازم نتحاور ونشوف آراء بعض كتير عادي يعني

برغم ان مجتمعنا يرفض هذا الا اني لا اجد فيه عيبا مادام الزوجان متفقان ومتفاهمان ولا تنسو ان الرسول صلى الله عليه وسلم تزوج خديجة وهي في 40 بينما كان عمره 25

يعني وين المشكلة اذا كانت المرة أكبر من الزلمة يعني اذا حبيت وحدة ولقيتها مناسبة للزواج بس طلعت أكبر مني يعني ما بتزوجها . لك حاجة بقا تخلف ومسخرة يااااااااااااااااا .
عادات وتقاليد بالية أكل وشرب عليها الزمن .
أنو وين المشكلة؟
بس نفس السؤال للصبايا أذا اتقدم شب اصغر منك للزواج بتوافقي ولا لأ

ابدا مو حلو يكون البنت اكبر من الشب وخصوصي للعمر المتقدم
يعني الشب احلى عمروا ب الاربعينات وهي بيتكون ختيرت

ابدا مو حلو يكون البنت اكبر من الشب وخصوصي للعمر المتقدم
يعني الشب احلى عمروا ب الاربعينات وهي بيتكون ختيرت

هلئ سؤال اذا تنين بحبو بعضن بالجامعة واتجوزو مو بكونو من جال بعض وفي كتير أمثلة على هالشي . طيب بدال ما يكونو من جال بعض وكانت البنت أكبر بشي سنتين تلاتة وين المشكلة .

شو عم ئلك اتجوز وحدة أكبر ب 10 سنين