رياضة الميكرو [الأرشيـــــف]

hanny dagher

20/03/2006, 04:07

بمناسبة حديثنا عن رياضاتنا الشعبية علينا ان نلقي الضوء على رياضة هامة بل وهامة جدا لانها لا تتعلق كسابقتاتها بفصل من فصول العام بل انها فصل ناقص قائم بحد ذاته وهي رياضة مزعجة نوعا ما لانها عنيفة الرياضة المعنية هي رياضة الصعود والهبوط من الميكرو صباحا وظهرا وعصرا ومساء
حيث تبدأ صافرة البداية عند اجتماع الناس على الموقف ونظرات التحدي والوعيد التي يتبادلونها وعندما يبدأ ذلك الشيء الابيض او الاصفر من ماركة ايسوزو بالاقتراب من الجموع الغفيرة يقوم اللاعبون بالتأهب للانطلاق (كما في سباقات العاب القوى ) وما ان يبدأ بضرب فراماتو حتى يبدأ الرياضيون بالتفنن في عملية التدافع كل حسب طريقته وتربيته وبيئته والمنتصر هو من ينجح في رفس العدد الاكبر ممن خلفه والصعود رغما عنهم ويتأنزع في صدر الميكرو مجهزا الخمسة بكل فخر واعتزاز وبنفس الطريقة تكون المباراة على الجهة الاخرى من طرف الفريق النازل من الميكرو حيث يقوم اعضاء هذا الفريق بكل ما اتاهم من قوة بلبط ولبج ولكم لاعبي الفريق الخصم لانهم ينزلون اما بالورب او بالقفز العشوائي بدون مظلة او يعلق احد اعضائهم الجسدية بالميكرو وينشحط معه لمسافة لا تقل عن عشرة امتار ذلك لان الشفير يكون قد انتبه فجأة لوجود شرطي لاطي عالسوكة فيفز بالميكرو بشكل مفاجئ تجنبا للمخالفة اللعبة الماضية قد قام اليابانيون باخذها عنا بنجاح اما هذه اللعبة فمن المستحيل على اي شعب ان يقوم بالتفكير في ممارستها لصعوبة قواعدها وما تتطلبه من تيسنة وعدم توافر الملاعب المخصصة لها الا عنا ........

hanny dagher

21/03/2006, 03:54

شو مشان محد التكش بالموضوع :? :cry:

Syrian__Angel

21/03/2006, 08:27

لصعوبة قواعدها وما تتطلبه من تيسنة

بتجنن هالجملة .... :lol: :lol: :lol:

كتير حلو الموضوع .... ذكرتني بشغلة .. بسنة من السنين -ايام ما كنت عاقلة - كنا طالعين عالفيجة .. رحنا عالكراجات قام طلع مافي ميكرو واقف وجاهز ( حاليا ) !! .. بدك تستنى شي خمس او عشر دقايق .. قلنا اي مو مشكلة .. وكان اعداد الناس اللي قاعدين عم يستنوا عالكراسي - بالاسم كراسي - كتاااااااار !!!
بس اشكالهم كلهم يا اما ( انا تعبان ومو حسنان اتحرّك ... اووو النوع التاني اللي بتلاقيها عم تتطلع فيك وتتفحصك ... اوووو التالت اللي ماسك شي حدا جنبو ومستلمو بشي سيرة ) ...

المهم بس وصل الميكرو .. شايف هال 3 انواع ؟!! يا سبحااااان الله ... بقدرة قادر .. الكل دبّت فيه الحياة !! ... لك انا كنت واقفة واقرب شي للميكرو .. بسسس عم استناه ليوقف !! .. ما لقيت الا اندفشت مدري من مين .. وصرت ورا بآخر العالم ... وطلعوا الكل وامتلى الميكرو ومشي !!! ....

و بعد ما مشي انا وقفت :shock: ... عنجد انصدمت !!! بس لاني زيكو تعلمت بسرعة .. :lol:
بس اجى اللي بعدو .. طاحشنا وركبنا .. واكلنا كم كلمة على كم زورة من بعض العالم :p
بس يلاّ ... -بالطقّاق - .. :lol: :lol:

عنجد الدرس اللي بتتعلمّو بسوريا هو ...... ( الحياة معركة شاملة ) :pos:

hanny dagher

21/03/2006, 11:01

لك ديما لا تخليني احكي
وقت اللي كنت بالجامعة بحمص فكنت اطلع من الدوام شي الساعة اربعة وبتكون كل الطلاب طالعة وما في سرافيس بتكفي فاللي مستعجل بدو يمشي شي كيلو متر لحتى يطلعلو سرفيس او المانو مستعجل بينطر شي بين تلت رباع الساعة والنص ساعة وبالاخير بيجي سرفيس بيوصلو لنص المسافة اللي بدو يوصلا وبيكون هيك حظو بيفلق الصخر

ايييييييييييييييييييييييي يييييييييييييييييه ايييييييييييييييييييييييي ييييييييييييييه لك والله كانت ايام ما في احلى منا :cry:

Syrian__Angel

22/03/2006, 08:21

ايييييييييييييييييييييييي يييييييييييييييييه ايييييييييييييييييييييييي ييييييييييييييه لك والله كانت ايام ما في احلى منا

ليش هالسمايلي اللي عم يبكي ؟!

على شو مافي احلى منا ؟!؟ ... على التعتير اللي يومياً لازم تعيشو لحتى تحس انك سوري ؟!

على كل .... انا قصة الميكرو ما بتتضايقني قد ما بتتضايقني التكاسي بسوريا ..

انا بعرف انو وقت اللي بتوقف تكسي . بتقللو خدني على البطيخ بيقلّك حاضر وبيمشي !!
الا بسوريا !! ... انت بتصير عم تترجاه لياخدك !! .. لانه اذا ما كنت على طريقو ما مستعد يوصلك !! لك لشو اسمك تكسي ؟!! :lol: ... طبعاً هاد غير قصة العداد ونص وعدادين :lol: ... رهيبين الشوفيرية السوريين :p :lol:

MarieSou

22/03/2006, 08:50

ليش اذا بتوقفي تكسي////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// وببطلعك بعد ما يسال لوين يا بيقول طلاع ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////يا بيقول مو طريقي ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////بطالع شي طلبين على الطريق ويمكن تكوني انت الطلب التاني وما بهمن ولا بيسالو ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

Syrian__Angel

22/03/2006, 08:58

:lol: :lol:

اي والله صح .. كيف نسيت هالحركة كمان ؟!؟ :lol: .. شكرا ماري سو عالتذكير :p

hanny dagher

22/03/2006, 11:27

اول الشي السمايلي اللي عم يبكي من حرقة القلب
يعني والله العظيم الواحد لما بيشوف هالمناظر على الطرقات يا اما بدو يكفر بكل لغات العالم يا اما بدو يحكي من الزنار وتحت يا اما بدو يبكي
يللا الا ما تفرج :pos:

YaSeR

22/03/2006, 11:51

فعلا انا كمان بلاقي وضع التكاسي عنا اسوأ من المكرويات
لانو شوفيريه التكاسي جد اكتر عالم ولاد حرام بالكره الارضيه كلها (طبعا الا ما تلاقي حدا منيح)

hanny dagher

22/03/2006, 12:00

فعلا انا كمان بلاقي وضع التكاسي عنا اسوأ من المكرويات
لانو شوفيريه التكاسي جد اكتر عالم ولاد حرام بالكره الارضيه كلها (طبعا الا ما تلاقي حدا منيح)

هلأ انو للحقيقة تنيناتن اضرب من بعضن ان كان بالسرافيس او بالتكاسي
يعني ان كان عنا بحمص اللي فيا شوفيرية التكاسي ما بيعرفو شي اسمو عداد
او بالشام اللي شوفيرية التكاسي بيعرفو شي اسمو عداد بس ما بيعرفو كيف يستخدمو

يعني وما بعرف ببقية المحافظات بس اكيد الوضع مو احسن من هيك

يعني بيعين الله

rawad

22/03/2006, 12:40

يسلمو أبو الهن على الموضوع
يا سيدي ما قصرت فيون لهل البشر
بس تعا شوف شريك بالشام هي الرياضية.. يعني عنا هون صار دوري المحترفين بهي الرياضة وصاروا يجيبو المحترفين من شوفيريي وركاب من باقي المحافظات..
لأ والاضرب أنو في ظاهرة جديدي عنا بهي الرياضة وهي ظاهرة التشبير ورح اشرحلك يا سيدي شو هي ظاهرة التشبير
بتكون واقف بالشارع وناطر الفرصة المناسبة لاقتناص شي كرسي تسلل في شي سرفيس وبتبلش تشوبر للسرفيس بأيديك ورجليك فبتتفاجأ أنو السائق بأشرلك بأيدو بإشارة بتدل على الشبر وبوقفلك العينتين... وبتنقض على السرفيس مثل الصقر وبتفتح الباب لتتفاجئ أنو ما في ولا كرسي
بتقولو وين الكرسي معلم...فبجابوك بلغة المسؤولين اي دبر راسك ما أشرنالك انو قرفصة
فبتستنتج انت انو هي الشبر بتعني القرفصة..
ودبر راسك لقلك على أساس ناقصنا أمور ندبر راسنا فيها.

Syrian__Angel

22/03/2006, 12:50

بأشرلك بأيدو بإشارة بتدل على الشبر ...
فبجابوك بلغة المسؤولين اي دبر راسك ما أشرنالك انو قرفصة

:lol: :lol: :lol:

فرطتني ضحك ... :lol: ... قرفصة لكان !! هههههههه

على فكرة مرة صارت معي ... بتقعد على الدولاب :lol:

يا امي والله فرطت خلص ههههههههههههههه

Majood

22/03/2006, 13:39

الي زمان ما ضحكت...
زكرتوني بهديك الايام...
القرفصة واردة.. بس كمان سرفيس بتلاقي الشوفير بيقول لاحد الركاب: بمعيتك طلعلو الكرسي من تحت المقعد ... بيكون كرسي حديد من هدول يلي بينضبو...
و الدوري تبع هالرياضة بيصير برمضان... لانو انسب وقت لممارسة هالرياضة ...
و دوس دوس يا شوفير :clap: ... كملوها انتو :p

السورية المشتاقة

22/03/2006, 13:44

شكرا هاني

ضربت ع وتري الحساس

وزكرتني بالبلد

الاتحاد الحلبي

22/03/2006, 15:12

ليش كل هالحقد على التكاسي والسرافيس ياشباب
اي بشرفي شوفيرية التكاسي والسرافيس كتير طيبين وامورين عنا بحلب يازلمي حتى من كتر موووو طيبين بتسابقوووو على الراكب
وحتى بالعلامة مرة في سيرفيسين عنا بحلب عبتسابقووووو على راكب عند الموقف قام من حدة السباق الراكي انعفس ياحرااااااااااااام :lol: :lol: :lol: :lol:

اما فشوفيريت التكسي عنا بحلب فحدث ولاااااااا
اول مابتدخل على التكسي بيستقبلوووووك بابتسامة عريضة وبوصلوك حتى لو كانت طلبيتك على حمص
وطبعا مابياخدوووو على العداد ولا فرنك زيادة

بقى شفتوووو ياشباب ويا بنات شقد شوفيريت التاكسي والسيرفيسات طيبين وامووووووورين عنا بحلب؟؟؟؟؟؟؟؟؟؟؟؟؟؟
;-) ;-) ;-) ;-) ;-) ;-)

YaSeR

22/03/2006, 16:56

هلأ انو للحقيقة تنيناتن اضرب من بعضن ان كان بالسرافيس او بالتكاسي
يعني ان كان عنا بحمص اللي فيا شوفيرية التكاسي ما بيعرفو شي اسمو عداد
او بالشام اللي شوفيرية التكاسي بيعرفو شي اسمو عداد بس ما بيعرفو كيف يستخدمو

يعني وما بعرف ببقية المحافظات بس اكيد الوضع مو احسن من هيك

يعني بيعين الله

اي بس شريك هلا الفرق بيناتون انو شوفير الميكرو انشالله يفتل الشام كلها وتضل معو اربع ساعات لتوصل
غير هالخمسه مالو لو يبظو عيونو
اما شوفيريه التكاسي حدث ولا حرج
وعلى سيره حمص مرا كنت بحمص واخدت تكسي نسيت من وين لوين بس بذكر انو كانت المسافه قريبه طبعا ما كان في عداد ودينو وربو بدو 40 ليره
عطينا 40 ليره شو بدنا نساوي مجبر اخاك لابطل انا بين ارضو وجمهورو :lol:

hanny dagher

23/03/2006, 03:00

اي بس شريك هلا الفرق بيناتون انو شوفير الميكرو انشالله يفتل الشام كلها وتضل معو اربع ساعات لتوصل
غير هالخمسه مالو لو يبظو عيونو
اما شوفيريه التكاسي حدث ولا حرج
وعلى سيره حمص مرا كنت بحمص واخدت تكسي نسيت من وين لوين بس بذكر انو كانت المسافه قريبه طبعا ما كان في عداد ودينو وربو بدو 40 ليره
عطينا 40 ليره شو بدنا نساوي مجبر اخاك لابطل انا بين ارضو وجمهورو :lol:

يا سيدي على سيرة شو فيرية التكاسي بحمص
فمرة نزلو مجموعة انسات من عنا من الضيعة على التربية وهني ما بيعرفو وين التربية انو بيعرفو المنطقة بس ما بيعرفو وين بالتحديد البناء انو بعد ما فتلو ودارو قالو تعو لنوقف تكسي تاخدنا على التربية فوقفو تكسي قالولو خدنا على التربية والله الشوفير ابن حلال طلعو طلعو الانسات
ما برم دولاب السيارة غير برمتين يعني ما في عشر متار الله الوكيل قلن تفضلو هاي التربية
عطونا 25 ليرة طيب يا ابن الحلال طالما انو عشر متار انو اشر بايدك عليا

وعلى سيرة القرفصة فهاي بحلة الجامعة بحمص الواحد بدو يطلع انشالله على ضهر السرفيس
فانا واقف اشرلي انو قرفصة وقفتو طلعت لقيت في واحد مقرفص قدامي قرفصت وركيت ضهري على الباب والله الزلمي مشي وقف على الاشارة بيجي واحد بدو يركب مو منتبه انو السرفيس ما في محل يقوم يفتح الباب ومحسوبكن دوب وعلى ضهري لورا والعالم بالسرفيس فقعت ضحك عليي
ومن وقتا تحرم اطلع مقرفص واركي ضهري على الباب

ايييييييييييييييييييييييي ييييييييه ما احلى هديك الايام

YaSeR

23/03/2006, 14:50

ههههههههه
يلاا شرييك بكرا بترخص السيارات ومنيتهون على حالهون

حلاوه كلمه بكرا انو يمكن تمط معك عشرين سنه

Kakabouda

23/03/2006, 20:15

ههههههههه
يلاا شرييك بكرا بترخص السيارات ومنيتهون على حالهون

حلاوه كلمه بكرا انو يمكن تمط معك عشرين سنه
الله لا يسمع من تمك ...
أي طبعاً لأنو هلأ السيارات غالية و عنا زحمة مو طبيعية ... بكرا ( تجاوزاً بكرا ههه ) اذا رخصت السيارات لحق على زحمة أكتر و أكتر :jakoush:

hanny dagher

24/03/2006, 03:46

الله لا يسمع من تمك ...
أي طبعاً لأنو هلأ السيارات غالية و عنا زحمة مو طبيعية ... بكرا ( تجاوزاً بكرا ههه ) اذا رخصت السيارات لحق على زحمة أكتر و أكتر :jakoush:

اي يا عمي اللي مزبط حالو وسيارتو جاهزة ايمت ما بدو بيحكي هيك حكي العترة على جماعة السرافيس

hanny dagher

30/03/2006, 04:16

اي بناء على بعض الطلبات حبينا نحط قصة جديدة هون

فهادا يا سيدي شوفيرية السرافيس بالاضافة لكل شي ذكرنا سابقا فهني بيعتبرو حالن اذكياء يعني

انو في مرة طلعت انا ورفيقي من الجامعة من قدام حد شوفير سرفيس وعم نتناقش بمسالة فوصلنا لحلا بس شوفير السرفيس راسو والف سيف انو مو هيك حلها لك يا حبيبي يا عمي هيك حلها لاء مو هيك حلها وتعى قعود فهمو ياها ونزلنا من السرفيس وهوي اسعتو معند انو مو هيك حلها :jakoush: يعني ما شاء الله الذكا

اضافة كمان انن اجتماعيين وبينسو بسرعة
طلعت مرة حد شوفير سرفيس وفتح سيرة الزلمي والله ووقتا كان الطرقات بشارع البرازيل محفرة
فصار يسب ويلعن ومن هالحكي والله قلتلو انا انو على طريق المشرفة كمان صرلن فترة محفرينو وما كانو يزبطو الي ليش حضرتك من المشرفة قلتلو اي قلي يعني بدك تنزل عند دوار الجوية عند كراجات المشرفة قلتلو اي قلي تكرم عينك والله ساق الزلمي فلما قربنا على دوار الجوية وما بقي غيري بالسرفيس اتطلع فيني قلي عمو انتي وين نازل :? طلعت في هيك يعني شو بدي احكي معو وبيني وبين حالي فاقع ضحك

اما شوفيرية السرافيس علين كل سحبة

Syrian__Angel

30/03/2006, 16:17

وكمان .. بالاضافة للي ذكرتو .. بيعتبروا حالون " مرشدك السياحي " ...

مرة وقفنا ميكرو انا واختي ... وما كان في مكان الا حد الشوفير ... يا سيدي قعدنا وانا ويّاها عم نحكي ... بالغلط بتمرء كم كلمة مو " سورية " 100 % ... راح فجأة بيقلنا انتو من وين ؟! قلنالو الشام .. قال بس مغتربين ما هيك ؟ قلنا اي !! ... قام الاخ عيّن حالو المرشد السياحي تبعنا .. وبلّش كل ما مرقنا على منطقة يقلّك شو هي وشو ماضيها وليش سمّوها هيك وشو احلى شي فيها وووووو ... ونحناااا بليييييز ارحمنا وبس خلينا نوصل ...:cry:
والاحلى بس نزلنا .. قلنا باااااي ( مع الرقم ) :lol: :lol:

ما قلتلك عجبة الشوفيرية بسوريا !! :p

Gazita

30/03/2006, 19:12

mashkour hany
mawdou2 b2eshou 4 marrat bilyoum.hayde riyada farida men naw2a wkhssoussan innou ana sakna bil assema il iktissadia.
iza tala2t lbus thess ka annou soukkan lmadena killa bil bus.iza nzelt attarek bethess kaannou laalam koullou bitarek.wiza habbet tekta2 irrassef.bethess kannou nas killloun andon sayyarat.
koulassat lkalam.:cry: b2ane men she esmou lbus:cry: an jad allah ysabberna

مايسترو

15/11/2006, 03:56

واحلى شي الاغاني اللي ما بتعرف قرعة ابوها منين.....

مرة كنت راكب وكان في تنين شكلون ملحدين من حديثهن عرفت وكان في وحدة ختيارة قاعدة مقابيلون المهم

كان واحد عم يحكي انو شوف على هالمنظر وما بعرف شو

وكان هاد الكلام اول مو نازل الموبايل ورن موبايلها
قام الشب غلط وقال شوف لا بقلها مو بايل كمان

الختيارة محجبة تقريبا نقاب وسمعتو هي سكرت وزفتو هديك البهدلة وخود على ضحك
..........................

قصة تانية
مرة رحت على مكان واول مرة بطلع بمكرو لحالي بالرجعة خربطت بالمكرو وصلت على شارع الثورة وانا مفكر انو المكرو الصح سالتو شو هاد قلي شارع الثورة طيب كيف بدنا نرجع؟قال هلق نزيل هون بيجي المكرو تبعك
والله انا ما كذبت خبر وقعدنا ننطر وبتعرفو عجقة الموظفين الساعة 2
وانا اول مرة بمرق بشارع الثورة

اخر شي اجا النقل الداخلي بعد طول انتظار وبعد معارك طاحنة قدرنا نطلع وندفع

وشوفو المنظر تقولول يوم الحشر شكيت انو بالباص في كنز يا جماعة وتخيلو ولد صغير وقصير ومحشور

وصلنا على منطقتي وطبعا ساعة وانت عم تصرخ يا معلم يا اخ يا فهيم لحد اخر شي والحمدلله رد علينا

انشالله يعجبوكن

مايسترو

hanny dagher

15/11/2006, 04:04

هادا يابي غير احيانا بيطلعو ركاب شغلتن الهضامة
والله مرة طلعت بالسرفيس (وانا معروف بس اطلع بالسرفيس باخد المقعد الوراني من ناح الشباك اليمين انو ما بعرف ليش بس بحب هالمقعد )
المهم قاعد هنيك وفي واحد قاعد قدامي والله شوي صار في سيارة اسعاف ورانا وبلش هالزلمي اللي قاعد قدامي يحمسو للشوفير " روح معلم روح كبسلا روح روح روح الطريق الك روح روح " وصلنا على اشارة كانت حمرا وبتعرفو لازم نضل ماشيين ورانا سيارة اسعاف لانو وهالزلمي اسعتو " روح معلم اشارتك فاتحة روح روح كبوس ترا سيارة الاسعاف رح تلحقك " وهالعالم تتطلع علي هيك :? وفاقعة ضحك وضل على هالحالة لحتى تركتنا سيارة الاسعاف وفاتت على المشفى لحتى سكت بس شو منظر نهفة

على سيرة سيارة الاسعاف معروف انو شوفيرية السرافيس بينطرو سيارة الاسعاف مشان يشكو قدامها مشان ما يوقفو على الاشارات
فمرة طالع بسرفيس والله وقف على اليمين مشان ينزل عالم سمع زمور سيارة الاسعاف ورا ما نطر الراكب لحتى نزل وسكر الباب مشي دغري مشان يصف قدام سيارة الاسعاف ما بيسمع غير صوت من سيارة الاسعاف بيقلو " لك يا سرفيس خليك عاليمين يا حمار الله يلعن " وما بيكفي الجملة بس العالم بالشارع وبالسرفيس صارت على ضهرها من الضحك والشوفير يا حرام وجهو صار لوحة فنية من كل الالوان

بس تسالي يابي الله يرحم هديك الايام :cry:

The morning

15/11/2006, 06:18