-
دخول

عرض كامل الموضوع : الى الأخ غاندي

me2
16/03/2006, 11:53
يا أنا يا أنا أنا وياك ...

حتى لو بدي عيش متل غاندي .. بس هون بوطني مو بالهند , مستحيل ..

في أم راحت لعند غاندي و طلبت منو اقناع طفلها أنو يمتنع عن أكل الحلويات .. فطلب منها غاندي أنو ترجع مع الطفل بعد 3 أسابيع ... رجعت و حكى غاندي مع الطفل كلمتين و أقنعو أنو يبطل ياكل حلويات .. سألت الأم : ليش خليتني أنتظر 3 أسابيع ؟؟ قال لها غاندي : بهالأسابيع أقنعت نفسي أنو أتوقف عن أكل حلويات.
krimbow
16/03/2006, 17:22
حلو كتير ....

بس ليش اصلا لحتى يبطلوا ياكلوا حلويات ؟.؟؟؟

ما الحلويات بتنعمل لحتى تتاكل مو لحتى تنصمد زينة
me2
16/03/2006, 21:04
حلو كتير ....

بس ليش اصلا لحتى يبطلوا ياكلوا حلويات ؟.؟؟؟

ما الحلويات بتنعمل لحتى تتاكل مو لحتى تنصمد زينة

سلام كريم بعد زمان ...

بلكي أنو الحلويات غالية أو مضرة للأسنان ؟؟؟
krimbow
16/03/2006, 22:15
اي والله بعد زمان

خيو انا شفت الموضوع بشكلو الرمزي و اسقطتو على مجموعة وقائع منعيشها

السكر بيعمل سكري و الحلو بشكل عام بيزيد السمنة (البدانة) و ازا بدنا نحكي عن المضار ما منخلص لبوكرا

بس مع ذلك ... بيبقى الحلو حلو
و لو كان الو عمل تاني غير انو ناكلو و نستمتع بأكلو (لاحظ انو الحلو دايما بيرتبط بمفهوم الجائزة... حتى بالجنة شي نهر عسل و شي نهر خمر .. سمعت عن نهر كاتشب بالجنة ؟؟؟)

بذات المقياس
الديمقراطية بتسبب الفوضى
حرية التعبير بتسبب مقاطعة مكعبات زبدة و ليغو و الخ و حتى حرق سفارات و اعلام دول ما الها علاقة بالموضوع ازا بدك

بس بتبقى الديمقراطية و الحرية موجودين لحتى نعيشهم، لحتى نرتقي و نتطور فيهم بعالم بعيد عن اليوتوبيا ملايين السنين الضوئية

بالنهاية، يللي ما بياكل حلو بتروح عليه
و يللي بياكل حلو ... وحدو بيعرف طعم الحلو
me2
17/03/2006, 00:24
اي والله بعد زمان

خيو انا شفت الموضوع بشكلو الرمزي و اسقطتو على مجموعة وقائع منعيشها

السكر بيعمل سكري و الحلو بشكل عام بيزيد السمنة (البدانة) و ازا بدنا نحكي عن المضار ما منخلص لبوكرا

بس مع ذلك ... بيبقى الحلو حلو
و لو كان الو عمل تاني غير انو ناكلو و نستمتع بأكلو (لاحظ انو الحلو دايما بيرتبط بمفهوم الجائزة... حتى بالجنة شي نهر عسل و شي نهر خمر .. سمعت عن نهر كاتشب بالجنة ؟؟؟)

بذات المقياس
الديمقراطية بتسبب الفوضى
حرية التعبير بتسبب مقاطعة مكعبات زبدة و ليغو و الخ و حتى حرق سفارات و اعلام دول ما الها علاقة بالموضوع ازا بدك

بس بتبقى الديمقراطية و الحرية موجودين لحتى نعيشهم، لحتى نرتقي و نتطور فيهم بعالم بعيد عن اليوتوبيا ملايين السنين الضوئية

بالنهاية، يللي ما بياكل حلو بتروح عليه
و يللي بياكل حلو ... وحدو بيعرف طعم الحلو


والله يا كريم أنت عطيت الموضوع بعد أحلا من اللي انا قصدتو ... و أنا متشكر لمساهماتك.


بالحئيئة انا كان بودي أنو نبه أنه انو "فاقد الشيء لا يعطيه" و أنو اللي بيحكي بالحرية أو الديموقراطية مثلا .. لازم يكون هو أولا حر و ديموقراطي و يمارس حريته و ديموقراطيته بشكل عادي و بدون تكلف و تصنع.
butterfly
17/03/2006, 00:35
لازم ما نمتنع عن الحلو .. لكن لازم أنو يكون قرار تناولو بأيدنا .. يعني كل الأمور ألا مضار ... بس أنت لازم تكون متحرر من أنو تسيطر عليك .. يعني الولد ما كان عم يقدر يقاوم الحلو ... مشان هيك لازم يتحرر من سلطة الحلو عليو
انشالله تكون فهمت عليي لانو أخر كام جملة أنا ما عدت فهمت عحالي :سوريا:
me2
17/03/2006, 00:42
لازم ما نمتنع عن الحلو .. لكن لازم أنو يكون قرار تناولو بأيدنا .. يعني كل الأمور ألا مضار ... بس أنت لازم تكون متحرر من أنو تسيطر عليك .. يعني الولد ما كان عم يقدر يقاوم الحلو ... مشان هيك لازم يتحرر من سلطة الحلو عليو
انشالله تكون فهمت عليي لانو أخر كام جملة أنا ما عدت فهمت عحالي :سوريا:


ولا يهمك انا بفهم عن حالك .... مية وردة لعيونك ...
butterfly
17/03/2006, 00:49
ولا يهمك انا بفهم عن حالك .... مية وردة لعيونك ...
تسلم :oops:
بخصوص غاندي أنا بظن أنو المغزى أنك ما فيك تشارك شخص وتأقنعو بشي أنت مانك عايشو .... لازم تفهم الأخر كيف بيحس تمام لتقدر تأثر عليو .. وتأقنعو ..
me2
17/03/2006, 18:48
تسلم :oops:
بخصوص غاندي أنا بظن أنو المغزى أنك ما فيك تشارك شخص وتأقنعو بشي أنت مانك عايشو .... لازم تفهم الأخر كيف بيحس تمام لتقدر تأثر عليو .. وتأقنعو ..


تمام ... يسلم تمك ...
toocoolfriend
17/03/2006, 19:21
عفكرة الموضوع محطوط من قبل بالصالون من الأخت السورية المشتاقة.
بس ما بيمنع انو الموضوع حلو. بس بدك مين يطبق, هالأيام ما ماشي غير التنظير والتفشيط والتقريق وما في شي بقاموسنا اسمو تطبيق.
me2
17/03/2006, 19:39
عفكرة الموضوع محطوط من قبل بالصالون من الأخت السورية المشتاقة.
بس ما بيمنع انو الموضوع حلو. بس بدك مين يطبق, هالأيام ما ماشي غير التنظير والتفشيط والتقريق وما في شي بقاموسنا اسمو تطبيق.

والله ماني عرفان .. أنا مو شغل صالون ... حقك عليي ..
toocoolfriend
17/03/2006, 19:47
ولا يهمك.
أصلا هيدا الموضوع للعبرة مش للنقاش. ما في مانع يتكرر
السورية المشتاقة
17/03/2006, 22:42
لك شوووووو يا لك علي صاير عم تلطش مواضيعي

:jakoush: :jakoush: :jakoush:









عم امزح




بتمووووووووون :lol: ;-)
krimbow
18/03/2006, 04:11
والله يا كريم أنت عطيت الموضوع بعد أحلا من اللي انا قصدتو ... و أنا متشكر لمساهماتك.


بالحئيئة انا كان بودي أنو نبه أنه انو "فاقد الشيء لا يعطيه" و أنو اللي بيحكي بالحرية أو الديموقراطية مثلا .. لازم يكون هو أولا حر و ديموقراطي و يمارس حريته و ديموقراطيته بشكل عادي و بدون تكلف و تصنع.

فاقد الشيء لا يعطيه

صحيح
بس هالموضوع ما بينطبق ع الحرية
لأنو حرية الشعب بتنطلق من حرية افراد من هالشعب

خلينا نفترض جدلا انو فاقد الحرية لا يعطيها
معناها يللي بيعطيها هوي جهة بيتمتع بالحرية
يعني ازا بدنا نغير وضع الحرية او الديمقراطية ببلدنا لازم نستنى حدا "حر" او "ديمقراطي" لحتى يعطينا ياها و هالشي مو صحيح
الفرنسيين حصلوا على حريتهم من استبداد الملوك بايدهم
و كذلك الروس مع قياصرتهم، و حتى الاميركان تحرروا من نير عبودية الملكة الانكليزية بدمهم

حتى السوريين تحرروا من الفرنساوية بدمهم

انا معك انت و الفراشة و السورية المشتاقة بأنو لازم نقتنع بالشي لحتى نقدر نقنع غيرنا فيه
و الموضوع تبع غاندي بالذات مطروق كتير بمحاضرات التسويق بكل الجامعات

و لما حكيت عن موضوع انو ليش لحتى نبطل ناكلو من الاساس كان هالسؤال احد الاسئلة يللي سألت فيها استاذ التسويق بجامعتي و طردني من المحاضرة لأني عم "قفل"
ربك رحيم يللي كان ما بيعرف اسمي قام لما سألني قللتلو "سمير غانم" و فعلا سجلو للاسم و ما بتصور انو عمك سمير رح ينجح بهالمادة بحياتو
شطيت كتير عن الموضوع ماهيك ؟؟
منرجع للموضوع

فاقد الشيء لا يعطيه
صحيح هالكلام
ازا انت بتدخن ما رح تقدر تقنع حدا انو يترك التدخين مهما سعلت و مهما فرجيتو صورة صدرك السينية
ازا حدا مكبل حالو بكل انواع التحجر العقلي... سواء كانت من النوع الديني او الاقليمي او العشائري او من النوع المرتبط بالاعراف و التقاليد السيئة .. او المرتبط بالخوف او الرعب من الاجراءات التعسفية تبع اجهزة الامن
اكيد ما رح يقدر يقنع حدا بالحرية او الديمقراطية
و هيك شخص ما بعتب عليه
عتبي على المثقف الواعي و المدرك لمخاطر انعدام الحرية و الديمقراطية ببلدنا