-
دخول

عرض كامل الموضوع : العسكرية يا أمي , السفر يا سلام

NADER
10/02/2005, 02:47
مرحبا يا شباب و يا صبايا
بعد غيبة بدي سلم عليكن
بدي اطرح موضوع السفر
ليش كل الشباب بهالبلد الحلوي بدهن يسافرو
و أنا واحد منهن
:o مع انو المعيشة عم بتتحسن و الأمور للأمام
أنا واحد من هالعالم بدي سافر لأنو بدي أهرب من الجيش
مع انو صارت العسكرية سنتين بس
و لكن صعب على الكتير مننا يضلو مزلولين سنتين
مو هيك
و يلي عندو جواب يأنقذني
:D :D :D :D :D
عاشق من فلسطين
10/02/2005, 13:20
العزيز نضالو الهرب من البلد هوي نتيجة الخوف من المواجهة لأنو كل الشباب حاسين في شي غلط وحاسين بالظلم بس مو عم يملكو الجرأة لحتى يحكو ..وللآسف عم يكون خوفهن من الكلمة أكبر من حبهم للوطن .. بتمنى تكون فهمت قصدي تمام .. :D :D
Abo rafik
11/02/2005, 00:38
انا واحد من الشباب اللي ما خدمو عسكرية ومش خوفا" منها ولاتهربا"...بس حسبتها ولقيت اني ضيع شغل سنتين ونص أو 3 سنين واتقدم بمصلحتي وشغلي أحسن ما أقعد عالة على الجيش وع أهلي ...وخليهم يصرفو عليي ...عم قول عالة عالجيش لانو هالسنتين وتص متل ماني شايف ما عم يقدمو ولا يأخرو ...وسنة ونص بيكفو وبزيادة الواحد يتعلم كيف يمسك سلاح ..خصوصي انو بلدنا اكتر شي بحاجة بهالوقت انها تتطور من جوا وهالتطور ما بيصير الا بالعلم والمعرفة والجدية ومتل ماني شايف هون ...وبسوريا كمان شبابنا مش ناقصو شي ...ناقص هالكم ختيار اللي مسلمينهم أغلب المؤسسات بالدولة يطورو حالهم أكتر ..واذا مش قادرين يفتحو المجال لغيرهم...وبرأيي انو الاحتكاك مع الخبرات الاجنبية والسفر بالاخص أكتر شي ممكن يخلي البني آدم يتطور فكريا" وتقنيا"...يعني بحس أحيان أنو بسوريا بيعرقلو هيك أمور بأمور تافهة متل الروتين والمحسوبيات والواسطات...واذا قلت انو بلدي غني وين ما يروح كل هالخير اللي فيه ...بيقلولك ميزانية الجيش...ووقت بتشوف وبتسمع كيف عم تنسرق المؤسسات الحكومية بتتعجب....يعني ليش !!!!!!!
والله ياشباب :لوتركض ركض الوحوش غير رزقك ما بتحوش....
Abo rafik
11/02/2005, 01:36
الله يسلم هالتم يا ابو رفيق ... يعني أنا حالي مو متل حالتك ... كمان كولاياتنا بالهوا سوا ... بس شو العمل يعني متل ما قلت الواحد بدل ما يجمد حالو ماديا و اجتماعيا و نفسيا و علميا ... لأ و موبس بيجمد حالو لأ و بيرجع لورا كمان و ما بيتعلم غير الكسل الذهني و النفسي ... فاللي بيصيرلوا فرصة و بيختار السفر و الغربة ... و صدقوني ماحدا بيعرف معنى كلمة الغربة غير اللي بيعيشا ... بس الشي اللي بيهون الغربة هوي انو من اول لحظة بتدوس فيها ارض الوطن انت و جاي بشي زيارة ... بتحس بالفرق يعني اللي بيهون الغربة هوي انو واحدنا مانو مضطر يفوت على شي دائرة حكومية و يعمل شي معاملة ... تخيلو معاملة تجديد جواز سفري جمعت 146 توقيع ... والله لو قانون بالامم المتحدة ما كان هيك هادا غير الدوارة من دائرة لتانية و تضييع ايام الاجازة المعدودة بالدوائر الحكومية العطرة ... خلوها لألله ... إلا ما تنحل
Abo rafik
11/02/2005, 01:38
آخيل
11/02/2005, 01:44
لا توخزوني يا جماعة هادا انا اللي كونت عم رد ع أبو رفيق .. اللي ساكن معي بنفس البيت ... بس الاستاذ نسي يعمل ساين أوت ... و رديت أنا باسمو هوي :

الله يسلم هالتم يا ابو رفيق ... يعني أنا حالي مو متل حالتك ... كمان كولاياتنا بالهوا سوا ... بس شو العمل يعني متل ما قلت الواحد بدل ما يجمد حالو ماديا و اجتماعيا و نفسيا و علميا ... لأ و موبس بيجمد حالو لأ و بيرجع لورا كمان و ما بيتعلم غير الكسل الذهني و النفسي ... فاللي بيصيرلوا فرصة و بيختار السفر و الغربة ... و صدقوني ماحدا بيعرف معنى كلمة الغربة غير اللي بيعيشا ... بس الشي اللي بيهون الغربة هوي انو من اول لحظة بتدوس فيها ارض الوطن انت و جاي بشي زيارة ... بتحس بالفرق يعني اللي بيهون الغربة هوي انو واحدنا مانو مضطر يفوت على شي دائرة حكومية و يعمل شي معاملة ... تخيلو معاملة تجديد جواز سفري جمعت 146 توقيع ... والله لو قانون بالامم المتحدة ما كان هيك هادا غير الدوارة من دائرة لتانية و تضييع ايام الاجازة المعدودة بالدوائر الحكومية العطرة ... خلوها لألله ... إلا ما تنحل
mhmary
11/02/2005, 03:34
والله أنا تركت حمص العزيزة وقت كنت صف حادي عشر يعني عملت العاشر وسافرت أنا وأمي وابي واخي وبعد 9 تشهر من أقامتنا بأميركا أكتشفنا أنو العيشة ما حلوة ومارح ننبسط فرجعت أمي وأخي ,انا قول رجعت بس شهر زيارة والسبب الرئيسي و الوحيد لمغادرتي للبلد هو أنو كتير صعبي البكلوريا والجامعات ما كتير منيحة يعني بالمشرمحي من شان الدرس وبس خلص درس رح ارجع على حمص العزيزة لأنو ما في شي عم يزعجني لا انا ولا اهلي وتوتي توتي خلص الحتوتي :lol: :lol:
عاشق من فلسطين
11/02/2005, 13:30
والله يا أبو اللول فكرت صاير معك انفصام بالشخصية :shock: :shock: :shock:
Abo rafik
11/02/2005, 22:00
والله يا حسومي هيدا آخيل ...بس ما بعدت لانو انا أحيان بتوش معي الحكاية شوي!!!!!...
عاشق من فلسطين
12/02/2005, 13:51
والله يا حسومي هيدا آخيل ...بس ما بعدت لانو انا أحيان بتوش معي الحكاية شوي!!!!!...

والله كلنا هيك وأنا مو احيانا" غالبا" بتوش معي الحكايا
:D :lol: :lol:
rand
16/02/2005, 14:05
هاي يا شباب
رح تقولوا انا بنت و مو حاسة فيكون
بس الغربة مو سهلة كمان و يمكن تكون اضرب من العسكرية ما عم حبط من معنوياتكون بس راي بسيط و كمان ما في يا امي ارحميني بالغربة
:oops:
شكو زولو
16/02/2005, 14:24
و الله ياشباب أنا وحد من العالم يلي خدمت العسكرية و شفت
بنصح كل واحد بيحسن يسافر ما يستنا
لنو العسكرية كمان موبس زل و بتلاقي حلك مضطر تصرف
على الجيش كمان مو الجيش بدو يصرف عليك
اله يستر من هل الحكي
:mrgreen: :mrgreen: :mrgreen:
عاشق من فلسطين
16/02/2005, 15:02
والله يا أبو بسيم معك حق بس كمان يا أخي الذل بالبلد أحلى من العز بالغربة .. :D :D
NADER
17/02/2005, 02:12
ايه بس يا دوموزيل رند صحيح انو ما في يا أمي ارحميني بالغربة بس على القليلة عم تشتغلي بكرامتك
و صحيح انو عم تتعذبي بس بالنهاية كلو راجع الك و لمستقبلك
صح شباب
King RORO
17/02/2005, 02:42
هاي يا شباب
رح تقولوا انا بنت و مو حاسة فيكون
بس الغربة مو سهلة كمان و يمكن تكون اضرب من العسكرية ما عم حبط من معنوياتكون بس راي بسيط و كمان ما في يا امي ارحميني بالغربة
:oops:
هلق انا من ناحيتي ولحسن الحظ ((الله يخليلنا ياك يا ابي)) ما عندي اخوة شباب
بقى مرتاح من هالهم نشكر الله....
بس بسمع من الشباب رفقاتنا انو العسكرية مانها نصيحة بنوب :P
بس مع هيك انا من راي رند انو الغربة كمان صعبة كتير وياما ذلت عالم ..... هاد غير انو الفرقة صعبة كتير
يمكن انا ما متغرب .... بس يمكن لانو الغربة اخدت مني اغلى العالم ع قلبي ... منن رجع :hart: :hart:
ومنن بطلطل عالبلد بين فترة والتاني ومنهم يا جبل ما يهزك ريح :(
اما العسكرية في امكانية الواحد يظبط حالو :oops: ..... بزيدو حبابو ..... وعين الله عليه :lol: :lol:
NEDAL-S
17/02/2005, 02:52
أنا ما عندي عسكرية وأذا حد سأل عني أنا ماني هون وما حد بيعرفني أوك....
بــــــــــــــــــــاي :mrgreen:
عاشق من فلسطين
17/02/2005, 14:24
أأأأأأأأأأأأأأأأأأأأأأأأأ أأأأأأأأأأأأخ من العسكرية ... يا الله شباب طولو بالكن كلها سنتين وبتمضى ... أأأأأأأأأأأأأأأأأأأأأأأأأ أأأأأأأأيه...بتهون :D :D
SIMON
17/02/2005, 18:05
أأأأأأأأأأأأأأأأأأأأأأأأأ أأأأأأأأأأأأخ من العسكرية ... يا الله شباب طولو بالكن كلها سنتين وبتمضى ... أأأأأأأأأأأأأأأأأأأأأأأأأ أأأأأأأأيه...بتهون

لسا ما خدمنا هالعسكرية :roll: :roll: الله يسترنا :cry: من هالحكيات اللي بيخوّفوا اللـــ :gem:
philip
17/02/2005, 20:29
بس يمكن لانو الغربة اخدت مني اغلى العالم ع قلبي ... منن رجع

كأني عرفت اللي رجعوااا :shock: :shock: :shock: :shock:

(((((((((((((((((((((ســـــــــــــ :P ــــــ و بـــــس ــــــــــــــــــــــوري ا )))))))))))))))))))
SIMON
19/02/2005, 00:20
بدكن الصراحة.. أنا كتير سمعت حكايا و روايات عن العسكرية و سمعت عن عالم انتحرت أو قتلت المدربين العسكريين تبعوتهم أو ما شابه..
من كتر الذل و سوء المعاملة و كتير اشياء...و بقول للأخت رند أنو صح الغربة صعبة بس العسكرية شي تاني عندنا هون..
و أنا مع الرأي اللي بيقول "انفد بريشك أحسن ما يننتف بالعسكرية" أنا معك 100% أخ نادر.. و الأخ العظيم أبو رفيق..حكيك درر...
و سلام
NADER
19/02/2005, 02:52
والله يا جماعة انو أنا ممو عم جيب هدا الحكي من عندي
صار اكتر من رفيق عم بيقولولي انو مابدك كل هالعسكرية
و مو واحد بس صارو شيىء 8
فشووووووووووووووو قولكن
شو بدنا نسلوي
Abo rafik
19/02/2005, 03:32
حط ورقة وقلم قدامك واحسبها اذا رحت شو بتخسر وشو بتربح واذا ما رحت كمان وارجع لحالك بالاخير لأنو انت رح تخدم ومش غيرك....وبالنهاية بيجوز تسافر وما تكون متكل عالله وما تتوفق لذلك الاتكال ع الله أهم شي ...وهيدا كل اللي فيني فيدك فيه.....وموفق.....
Abo rafik
19/02/2005, 03:38
كلمة عظيم بتدل ع محبتك يا سيمون الغالي......
آخيل
20/02/2005, 04:18
كلمة عظيم بتدل ع محبتك يا سيمون الغالي......
يا عمي سألوني أنا أبو رفيق كل عبعضو محبة بمحبة بمحبة .... و كل ذرة بجسمو بتحكي عن الله و يسوع و المحبة .... بس ما نصيبو بالعين شوي كمان .... الرب يكون معو و مع الكل دائما ...
SIMON
20/02/2005, 20:19
كلمة عظيم بتدل ع محبتك يا سيمون الغالي......

تسلم يا معلّم كلّك ذوق يا غالي.. :D :D