لكل واحد بيهوى الرسم [الأرشيـــــف]

طنش تعش

01/03/2006, 19:25

حابب اعمل هون متل البوم للرسم
يعني كل واحد الو مراق بالرسم بيجي بحطلنا خربشتو هون .......وكلشي في بالمنتدى بيعطي رأيو ..................
كان ايجابي ولا سلبي........وبتمنا انو اذا في اي اشكال بالرسم تعطونا رايكون لحتى نتمكن ونتعلم من اخطائنا.........
وحبيت اعرضلكون هالرسمة كبداية لشوف شو رأيكون فيها...........

hammoooza

01/03/2006, 19:40

أهلين خيي أبو طنيش

بتصدق انو مبارح كنت عم فكر حط هيك موضوع بس سبقتني علي يللا مش مشكلة

المهم يا سيدي انا لما شفت رسمتك بطل بدي حط ولا رسمة الي

لأنو على هالحالة رسماتي ما بيطلعو شي قدام رسماتك

عنجد روعة كتير كتير كتير وخصوصا التظليل واستعمال التدرج شي روعة

المهم لازم هالموضوع يصير متل مكتبة لهواة الرسم كل واحد بحط شغلو "ويرجى التثبيت"

طنش تعش

01/03/2006, 20:35

هلا بالحبيب ومشكور...بس ياخيي حمزة اذا بدنا نشتغل هيك والله بخجل نزل رسمتي ومابعرف شو اي بعمرنا مارح نتعلم................
بقى نزلا...... هاد الموضوع خلق من شان هيك .....وبنتعلم من بعض......انا كنت هيك ودخلت معهد رسم من شي اربع سنين وضليت فيه فترة شهر واستفدت من ناحية التظليل.....بقا هلق ناوي ارجع وفضي حالي لهالشغلة.......وعم ارسم هلق لوحة عالقزيز بس تخلص رح نزلا..........

نور الهدى

01/03/2006, 21:30

شي كتيير حلو زميل و انا كمان رح اخجل اعرض رسوماتي بعد اليوم:oops: :oops: :oops:

بس سؤال ليش مو واضحة كتير كيف منزلها بالسكنر؟؟؟؟

انا اللي شايفتو انو نحنا لازم نتعلم منك, بس خطي مو لازم تلبسها كمان بتبرد بعدين:p :p :p :p

بس انا هلق زعلانة كتيييييييييييير منك لأنك رديت على موضوعي و ما نقدتني بنوب انا ما بزعل من اللي ما بيعرفو بالرسم بس منك انا زعلت انا متأكدة انو عندك ملاحظات و انا نشرت الرسمة مشان تعلقولي عليها و تنكشولي اخطاء مو مشان تقولو حلوة نا ما درست رسم و كل شغلي من ملاحظتي الخاصة مو اكتر مشان هيك بحب استفيد من خبرة غيري

و برد بقلك بتعقد بس لو أنها أوضح

kinda

01/03/2006, 22:08

بتسمحولي شارك معكون؟؟؟
والله الرسمة كتير حلوة عنجد و بدون نفاق بس متل ما قالت نور الهدى كان لازم تسترها شوي مو مشان شي بس مشان ما تبرد :o :o :o :o :o
بس على كل حال انا بوكرة لما اكبر ما حدى بيعرف ممكن صير متلك هه
وهلأ ما بدي كتير تتوقعو مني رسومات غير شكل كل مين على قدو

طنش تعش

01/03/2006, 22:09

رح حاول نزلها بشكل اوضح............. بس هي طلعت هيك لانو انا صورتا عالموبايل ونزلتا عالكومبيوتر وطلع قياسا كبير يعني ماتحملت معي لهون..........رحت عملتلها تعديلات ليصغر قياس الصورة............يعني فاتت بميت مرحلة.............بس المهم مبينة ملامحا.........

اما بالنسبة لرسماتك يانور في رسمة قديمة الك بعتقد انو عطيتك رأيي فيها.......وياريت تنزلي كل رسماتك لهون.........من شان تنعرف اكتر...........وبعتقد انو مشكلتك بالتظليل.... يعني لمسات التظليل عندك خفيفة.......بس اساسيات رسمك كتير حلوة ....وبتمنى شوف العرض هون.
ومشكورة......................

واهلا يا كندا ...ومعلش هون مالخبراء الرسم يعني بنتعلم من اخطاء بعضنا وبنعطي رأينا بالعيوب........ومشكورين جميعا.........

marioma alghzayala

01/03/2006, 23:12

ياعين صبي دمع :o ... لك شو هادا يا هابو ؟؟؟ وين مخبّي هالمواهب ولو؟؟..;-)

بس بدي قللك كتيييير رسمك حلو عن جد فن .... :سوريا: :سوريا: :king:

وانا ما بعرف ارسم كتيير يعني بحب شوف ... وانشالله يتثبت الموضوع ..:clap:

والبنت بتجنن :king: .... بس ما بتشبهني :shock: ..انا احلى ..:p

طنش تعش

01/03/2006, 23:41

وهي كرمال المدام المزوقة....................ولعيونكو ن..................وانشالله تكون هي اوضح.....
وبدنا نشوف همتكون...................

marioma alghzayala

01/03/2006, 23:48

ياخ ..هابو ..عن جد هيك بترسم ؟؟؟:?

يا زلمة خيلة :king: ...حلو كتييررر ... :king: :سوريا:

طنش تعش

02/03/2006, 00:26

لك انا عادي بس انت الخيلة.............تكرم عيونك مدام........
وهي رسمة تالتة من البوم رسماتي........وعدلت التانية لانو ماطالع غير نصها والتالتة نزلتا بطريقة اوضح...........ولسى ماشفتو شي لسى الخير لقدام ........الدفتر مليان.......

نور الهدى

02/03/2006, 02:52

لاااااااااااا زميل من الأول خلينا نتفق:? :? :? :?
يعني قاعد بتنشرلنا بهالرسمات الحلوة و كأنها تقليعة, بس مو مباشرة يعني كانك
عمتقول شو مفكرين حالكون خدولنا هالخربشة و افرقونا:pos: :pos: :pos: :pos:

هههههههههه عمبمزح........:lol: :lol: :lol:
الرسمة التانية كمان كتير حلوة بس كمان مو كتير واضحة التالتة اوضح الشي, بس ممكن أعرف بشو راسم بالضبط لأنو ما بين معي
منيح
و بدي قول انو انا عمنق على شغلة انو تكون الصور أوضح لأني انا بحب جمع
الرسومات الحلوة و بحز بنفسي انها ما تكون واضحة انا بصور رسوماتي بالكاميرا ,
صحيح انها ما بتطلع على حقيقتها بس أوضح من هيك.
و بالنسبة لرسمي انا ما صرلي بالقصر من امبارح العصر شلون عمتقلي رسمة
قديمة؟؟؟؟
معقول مخربط بيني و بين حدى تاني؟؟؟ انا الرسمة الوحيدة اللي نشرتها هون هيي
Natalie Portman اذا بتقصدها انا بقلك انو معك حق الظل فاتح شوي بس انا مو
محترفة يا دوب برسم بقلم رصاص عادي و على ورق رسم عادي كمان و ما بطلع
معي الظل أغمق من هيك مع اني جبت اكتر من نوع لقلام الرصاص و بدرجات
مختلفة.................:dunno: :dunno: :dunno:
اذا في عندك نصيحة لا تحرمنا..............
و هي رسمة من رسوماتي بس بالألوان انا بحب ارسم الشخصيات بالرصاص و الورد
بالالوان و بدي رايكون

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

آسفة اني نشرتها بهالشكل هاد بس طريقتكون ما عمتزبط معي:cry: :cry: :cry: :cry: :cry:

(((الجنرال أبوجعفرالورد)))

02/03/2006, 03:24

حبيبنا إيهابو الصور كتير حلوة ........ تسلم يا فنان ...........
بس للأسف أنا مالي بالرسم يعني قلي شو بتكره بقلك الرسم ....... لأني معاني فيه ....

تقبل تحياتي وإلى الأمام .... أحسنت ..

طنش تعش

02/03/2006, 07:29

و بدي قول انو انا عمنق على شغلة انو تكون الصور أوضح
رح ندبرلا حلة لهي................................
انا مو
محترفة يا دوب برسم بقلم رصاص عادي و على ورق رسم عادي كمان و ما بطلع
معي الظل أغمق من هيك مع اني جبت اكتر من نوع لقلام الرصاص و بدرجات
مختلفة.................
وبالنسبة لالك يانور انا متلي متلك يعني متل مانك شايفة........ عاشقفة ورقة ومعي قلم رصاص عادي بس انا بشدد بالتظليل عالاماكن الي بتكون معتمة ...يعني بعطيها جهة انكسار ضوء ....هلق رسمتك انا نزلتا عاجهازي وشفت انو ماعاطيتيا حيوية للصورة وبتمنى انو ماتزعلي مني بس انت طلبتي انو كون صريح معك...هلق في اماكن كتير بدا تدريج لون وكانو ضارب الضوء فيها يعني وانتي نازلةمن الخفيف للغميق..... وفي اماكن بدها تعتيم وتظليل متل تحت الرقبة وهيك شغلات هي الي بتعطي نسبة كبيرة من التحسينات عالرسمة.....
وانت مبين عليكي فينك تشتغلي عاهالشي .......و لك نور عافكرة عنجد صدمتيني بهالرسمة يعني وين عم تقليلي بضيعكون وفرقونا ...لك شي كتير حلو وكتير ظابت التظليل بالاحمر عالمناطق المعتمة......وعطيتيا تدريج بالابيض عاطي متل لمعة كتير حلوة...........لك انا مابيطلع معي هيك...
اب جعفر الحبيب عيونك الحلوين وبشوفو كلشي حلو......وحضرلي حالك بدي اطرقك رسمة شي فخفخة .....

mio haddad

02/03/2006, 12:39

هيدي احدى خرابيشي في كتير غيرها بس عطلانة السكنر عندي
لا تاكلو هم بكرا بدبرها
سلام الرب

ما مشي الحال آل شو قياس الصورة كبير رح حاول صغرها و حطها واذا في حدا يعملي وساطة بركي بحطها متل ما هيي:aah: :aah: :aah: :aah:

طنش تعش

02/03/2006, 13:37

حبيب القلب....كبوس عاصورة الرسمة بزر الماوس اليمين وعملا فتح باستخدام المايكروسفت بيكتشر مانجير..........وهنيك عمول تحرير الصور.... مكتوبة بالشريط باعلى الصفحة......وعدل بقياسها وحجما. وحفوظ التعديلات..وانشالله بيمشي الحال......

نور الهدى

02/03/2006, 16:42

وبالنسبة لالك يانور انا متلي متلك يعني متل مانك شايفة........ عاشقفة ورقة ومعي قلم رصاص عادي بس انا بشدد بالتظليل عالاماكن الي بتكون معتمة ...يعني بعطيها جهة انكسار ضوء

مممممممممممم ما بعرف بس فعلا جربت

هلق رسمتك انا نزلتا عاجهازي وشفت انو ماعاطيتيا حيوية للصورة وبتمنى انو ماتزعلي مني بس انت طلبتي انو كون صريح معك...هلق في اماكن كتير بدا تدريج لون وكانو ضارب الضوء فيها يعني وانتي نازلةمن الخفيف للغميق..... وفي اماكن بدها تعتيم وتظليل متل تحت الرقبة وهيك شغلات هي الي بتعطي نسبة كبيرة من التحسينات عالرسمة.....

أول شي شكرا كتير عالاهتمام, و تاني شي انا مبسوطة و مو زعلانة لأني بحس بشي غلط و ما بعرف شو هوي بريد أسال غيري بلكي بقلي بس الكل بيقولو حلوة و بس, لدرجة اني صرت اكره هالكلمة, بوعدك اني رح حاول اعمل بنصيحتك و ظبطها و بدي رأيك بعدين اذا فهمت عليك ولا لأ

و لك نور عافكرة عنجد صدمتيني بهالرسمة يعني وين عم تقليلي بضيعكون وفرقونا ...لك شي كتير حلو وكتير ظابت التظليل بالاحمر عالمناطق المعتمة......وعطيتيا تدريج بالابيض عاطي متل لمعة كتير حلوة...........لك انا مابيطلع معي هيك...

ما رح قول غير هالشي من زوقك و بالنسبة لأنو بيطلع معك انا متأكدة بيطلع المسالة مبدا موهوب أو لأ و انت موهوب

و زميل mio haddad في طريقة تانية انو تنزل الصورة على موقع تنزيل صور و بعدين تحط الكود هون متلي يعني

نور الهدى

02/03/2006, 20:06

مممممممممم ما بعرف هي جربت و مو كتير مقتنعة بس مو نلوية عدل فيها أكتر من هيك منجرب بغير شي بعدين
شوفولي ياها و بدي رايكون, و زميل طنش وين المفاجأة عمبستناها

اوفففففففففففف ما عميزبط معي الارفاق رغم انها تحملت و حجمها مقبول بس ما عمتطلع ليييييش
هاد رابط الصورة و يا ريت تساعدوني بشغلة المرفقات

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

طنش تعش

02/03/2006, 20:24

بهنيكي عالرسمة الحلوة وانا ياريت فيي طول بالي متلك عاتظليل الشعر.....ولاحظت انو الصورة صارت اغمق........بس بدي قلك شغلة..: انو وقت الي بترسمي ماتخلي خط القلم يبين يعني الحدعم تشدي عليه .......والافضل انو تستعملي التظليل لترسمي خط واضح............

Abo3zo

02/03/2006, 20:40

شو هالموضوع لك أبو طنيش ؟؟

عنجد الرسومات رائعــة

:clap:

على فكرة اذا عم تواجهوا مشاكل مشا نشر الصور و حجمها

حاولوا ترفعوها لشي موقع مجاني و بعدين حطوا وصلة

;-)

بهنيك على الموهبة الرائعة
أنت و نور الهدى
و
كل يلي شاركوا كمان
:سوريا:

طنش تعش

02/03/2006, 20:56

هلا بااب عزو عراسي اصلك والله......ورح نعمل بنصيحتك.........

Abo3zo

02/03/2006, 21:13

هلا بااب عزو عراسي اصلك والله......ورح نعمل بنصيحتك.........

تسلم حبيب القلب

:سوريا:

نور الهدى

02/03/2006, 23:54

بهنيك على الموهبة الرائعة
أنت و نور الهدى
و
كل يلي شاركوا كمان
:سوريا:

شكرا زميل عالمرور الحلو.............و عطول زينلنا الموضوع بردورك

طنش تعش

03/03/2006, 15:46

حبيت نزللكون هالرسمة بس الصراحة الصراحة ما انا راسما .......هي بنت زميلتنا..رسمتا وحبيت اعرضلكون ياها................

نور الهدى

03/03/2006, 16:55

مممممممممممممم شي حلو و الله بس ممكن نعرف عمر الرسامة الحلوة و ليش ما بتشارك شخصي؟؟؟؟؟؟؟؟؟؟؟؟؟؟؟؟؟؟؟

و سؤال من دون تعليق على سؤالي هاد انريكي شي؟؟؟

بس فعلا حلوة

طنش تعش

03/03/2006, 18:09

اي بامرك زميلة نور..............هي زميلتنا تعرفنا عليا بمعهد الرسم وعمرا....... 23 سنة .......
وليش مابتشارك لانو ماعندا جهاز .......بس عم تعمل دورة هلق وقريبا بتشارك.....

وظنك بمحلو هاد انريكي وهي كتير بتحبو......

طنش تعش

20/03/2006, 03:16

يرجى من المشرفين تثبيت الموضوع لانو متل ماشايفين انو الموضوع مهم وعم نطالب بتثبيتو.....

وانا هلق عم اشتغل عارسمة حصانين تحت ضو القمر بس تخلص رح نزلها عالسريع....

وبتمنى انو شوف اعمال جديدة للهواة.............وتحياتي للجميع....

(((الجنرال أبوجعفرالورد)))

20/03/2006, 03:21

ثبتولوا الموضوع لأبو الطنش والله بيستاهل ........... إلى الأمام ياحبيب أحسنت ......

marioma alghzayala

20/03/2006, 14:25

اي والله يا ريت يتثبت والله الموضوع بيستاهل .. :king:

بس انو ليش انريكيه كل هالقد ضارب بوز؟؟:pos: ..

بس عل كل حال حلوة الرسمة مشكورين ..:سوريا:

طنش تعش

21/03/2006, 19:12

شو بلشتي تضربي بالحكي مدام............بعدين هو بالاصل حنكو بيضل مرتخي.........
والرسمة عادية بس انت الحلوة...................................... ..................

....................... يرجى التثبيت .....................هي للمرة الاخيرة بدي اطلب منكون هالطلب..............ولا مافي رقابة عالمواضيع لحتى مطنشينا ......

marioma alghzayala

21/03/2006, 19:16

طنش تعش

21/03/2006, 19:24

تركيون لشوف.............والله اذا ماثبتولي ياه لنزل كل ربع ساعة موضوع جديد باسم ثبتولي موضوع لكل واحد بيهوى الرسم...............لحتى يثبتو............

(((الجنرال أبوجعفرالورد)))

21/03/2006, 23:18

هو صحيح أنا ما بحب الرسم ويلعن اختو شو بكرهو للرسم .......... بس مع هيك لازم تثبتوا الموضوع مشان تشجعوا المواهب يلي عم تطلع والأهم من هيك كرمال أبو الطنش بيستاهل كل خير ......................

طنش تعش

22/03/2006, 01:04

مشكور يااب جعفر ............شايفين كيف الكل عم يطالب بالتثبيت وانتو مو سائلين......
طيب عطونا سبب لعدم التثبيت وانا بخرس وماعاد بفتح تمي؟؟؟؟؟؟؟؟؟؟؟؟؟

طنش تعش

05/04/2006, 12:59

وهي خلصت الرسمة الي وعدتكون فيها ........والاصلية يلي بالابيض والاسود والتانية عدلتا منشان تبين متل الغروب.......وبدي مشاركات اكتر من شلة الرسامة ........
هو انا مو مقتنع فيا كتير فا اذا في اي ملاحظة بتمنى انو تطرحوا وتنبهونا عليا .......
واذا كانت الصورة مو واضحة ومغبشة فهاد بيكون من طريقة التنزيل لانو عملت شي 100 عملية لنزلت معي.....بس مبينة واضحة بشكل عام.....
وثبتولنا الموضوووووووووووووووووووع يامششششششششششششرفين:aah: .........وشكرا..

YaSeR

05/04/2006, 13:11

والله انو الله يعطيك العافيه على هالرسمات كتيير حلوين واحلا شي اول وحده نزلتها
هلا انا ما برسم بس بحب اتفرج والله يعطيكون العافيه

marioma alghzayala

05/04/2006, 20:26

شغلة ابو طنيش .... :سوريا: :سوريا:

(((الجنرال أبوجعفرالورد)))

06/04/2006, 00:14

أبو الطنش الحبيب ........... أنت زلمة فنان ...... تحياتي ألك .......

لاوديسا

13/04/2006, 14:59

لك عنا هيك فنان موهوب بحارتنا وماني دريانة :o
ماشالله ويخزي العين
يسلمن لهالديات قديش رسماتك حلوين

طنش تعش

14/04/2006, 21:53

لك الله يخليلي ياكون يامذوقين......ولعيونكون ........
وميت هلا بالمدام عليم الله اني مشتقلك ومشتاق لابو جعفر والشلة.....
واحلى تحية لبنت حارتي.........بعجبك انا لكن شو........
وهلا بياسر............
تحياتي للجميع..........

marioma alghzayala

15/04/2006, 10:02

لك الله حيوووووووووووووو ....:gem: :سوريا::gem: :سوريا:

(((الجنرال أبوجعفرالورد)))

16/04/2006, 02:12

أبو الطنش الحبيب ...... عيوني ألك .... هلا حبيبنا والله .......

طنش تعش

16/06/2006, 02:31

ماحدا عرف يثبتلي هالموضوع؟؟؟؟
انا من جهتي رح ضل طالب بالتثبيت لحتى يجيني ولاد ويطالبو بالتثبيت من بعدي.......

(((الجنرال أبوجعفرالورد)))

16/06/2006, 06:48

يلعن أخت هالموضوع إذا رح يتثبت .........................

Reemi

10/08/2006, 22:25

ايهاب
ابو الليث
هابو
ابو الطنش
انو ما طبيعي وين كان رايح مني هالموضوع؟
دخلك بترسمني؟
رسماتك خيلةةةةةةةةةةةةةةةةةة

يمان Rooooonaldo

11/08/2006, 15:54

فعلا رسم روعة روعة روعة ويا ريت نشوف شغل كمان

هلبا

11/08/2006, 16:15

مرحبا شباب
ايه شو هالموضوع الحلو انا من زمان نقيت على هيك شي بس ما كان يطلع معي
بس بجد ابو التطنيش رسماتك خيله الله يعطيك العافيه اشي بجنن
وعلى فكرة انا كمان برسم و مشتركه بفريق رسم للهواة اسمه فريق اصدقاء الريشه
وهلاء عم نحضر لمعرض
رح جرب حط رسمات لا الي لانو عادة ما بيزبط معي وانا مو كتير شاطرة بتصغير حجم الصورة وما بعرف شو
بس رح حاول وضلك حطلنا صور وكتر منون
يلا سلام

طنش تعش

13/08/2006, 19:15

انو ما طبيعي وين كان رايح مني هالموضوع؟
دخلك بترسمني؟
رسماتك خيلةةةةةةةةةةةةةةةةةة
ام الرور انت الخيلة وبكرا بس نشوفك بننتعك رسمة لعيونك....
فعلا رسم روعة روعة روعة ويا ريت نشوف شغل كمان
لك عيونك الروعة بيشوفو كلشي روعة مشكور
ايه شو هالموضوع الحلو انا من زمان نقيت على هيك شي بس ما كان يطلع معي
بس بجد ابو التطنيش رسماتك خيله الله يعطيك العافيه اشي بجنن
وعلى فكرة انا كمان برسم و مشتركه بفريق رسم للهواة اسمه فريق اصدقاء الريشه
وهلاء عم نحضر لمعرض
هليا منين جايبتيلي انت كمان ابو التطنيش هي ....بس حلوة منك ...
وبالنسبة للرسمات انا اخد موقف من الادارة لعدم التثبيت ومارح نزل رسمات حتى يثبتولي ياه
وفهمت منك انك شغل معارض فياريت تزينيلنا الموضوع بشغلك...ومشكورة