صرخة الم من اخوية [الأرشيـــــف]

hanny dagher

22/02/2006, 16:38

شباب عيوني اخواتي انا لما كنت بسورية كانو يلوموني رفقاتي اني صريح وبحكي دج
وكنت قلن طالما انا بحب الشخص اللي عم احكي معا وبتهمني مصلحتو فمعناتا لازم كون صريح معو ولذلك هلأ خلونا نحكي كلمتين
من هدول جماعة اللي بيطعمو خبز ومن جماعة الكلام اللي بيجي منو بالفحص بصراحة وبشفافية ونسمي بالاسم
انا بعرف انو الموضوع طويل شوي بس بما انو اخوية راكدة هالايام فاكيد عندكن وقت تقرو مشان نرجع اخوية متل ما كانت
من فترة كترت الاعتراضات باخوية وكتر الحنين للاعضاء القدامى واللي رافقو كمان زيادة بالمواضيع المكررة والتافهة
ما بعرف شو السبب الحقيقي لهالشغلة بس انو كان السبب المطروح هوي الاعضاء الجدد اللي دخلو على الموقع مو عرفانين الله وين
حاططن يعني الموضوع ينقلو من منتديات اخرى ان كان خليجية او عربية او اجنبية ويحطو بقسم تاني غير المخصص الو باخوية
هالشي سبب مشاكل لانو الموضوع نفسو يكون نازل بمحلو الصحيح فيصير عنا تكرار وضياع
انا بهالموضوع اشتغلت على اني جيب امثلة عن المواضيع المكررة ونشوف وين الغلط مشان نحلو
بس في عندي كلمتين قبل ما بلش
1- اخوية مقسمة تقسيم رهيب من ناحية تنزيل المواضيع يعني في قسم للكتب في قسم للشعر في قسم للاغاني في قسم للصور في
قسم للرياضة في قسم النكت والضحك وفي الصالون اللي هوي عام لكل موضوع ما بيندرج تحت اي قسم من الاقسام السابقة وغيرو
من الاقسام اللي كلنا صرنا نعرفا
2- كان في اعتراض على البيئة الجديدة انو في عالم كانت تحب البيئة القديمة وهيك
انا معكن لانو بالبيئة الجديدة في كتير اقسام ضايع حقا كيف يعني ؟؟؟؟؟؟؟؟؟؟؟؟
مثلا قسم الخواطر والخربشات من اروع الاقسام باخوية لكن المواضيع اللي عم تنزل في ما عم تاخد حقا لانو ما عم ينزل تنبيه
بالموضوع الجديد هادا لما بيقولو اخر رد بقلم فلان بصفحة اخوية الرئيسية فقليل العالم اللي عم تفوت علي يعني اللي بيعرف انو
كاكابودا بيكتب خواطر حلوة بيفوت بيقراها وبس وباقي الاعضاء ولا مرة يمكن فاتو شافو شو فيا الخواطر والخربشات
قسم اللغات انا واحد من الاعضاء اللي ما بفوت على اي لغة من اللغات واكيد في كتير اعضاء متلي

ومع هيك في عالم شغلتا الكولكة وتمسيح الجوخ كل ما نزل موضوع منهيصلو للعضو اللي نزلو ومنغنيلو وهوي من كتر مو فهيم
بيصدق حالو وبيبلش تنزيل مواضيع بطعمة وبلا طعمة وبيقلك ولو خيو انا شو فارق معي طالما في عالم عم تهللي وترقصلي يعني عم
نشتغل على مبدأ نفشو وشوف ما اجحشو
يعني عنجد سقى الله ايام الاعضاء القدامى قدام هالاعضاء يعني وين ايام ما كانت اخوية منتدى اخوية شباب سورية وين anmar -
keko -zozo -znno
وقت اللي كان التنظيم باعلى درجاتو
بجوز انا ما لحقتن بس انا قبل ما بلش نزل مشاركات باخوية رجعت شوف الصفحات القديمة اللي بجوز كتير عالم نستا وشفت كيف
كان المستوى ايام زمان وشفت كيف صاير هلأ يعني وحياة الله شي بيبكي يعني
طيب خلونا نرجع لورا كم صفحة شوي ونعمل متل مقارنة بسيطة بين المواضيع القديمة والمواضيع اللي عم تصير هلأ انتي شو رايكن
؟؟؟؟؟؟؟ لقيتو شي فرق ولا لاء سؤال بتمنى تجاوبو علي ضمن ردودكن
وين مواضيع النقاشات اللي كانت كل اخوية القديمة تتفوت تتناقش فيا انا نزلت موضوعين نقاش من حياتنا يعني ما في شي جبتو من
برا والموضوعين انطرحو بجلسات نقاش بحياتنا العملية وكنت متوقع انو ياخدو اهتمام كبير مو لانن مواضيعي لاء بس لانن متل ما
قلت من حياتنا وشي بيهمنا كلنا بتفاجأ انو المشاركين ما بيطلعو 10 اعضاء من اصل 200 عضو فعال او اكتر بالمنتدى طب ليش
هيك ؟؟؟؟؟؟؟؟؟؟
طب انا رح اسال سؤال تاني مفتوح للرد علي ضمن ردودكن
ليش نحنا منهرب من مواضيع النقاش ومنروح على مواضيع العلقات ومواضيع طق الحنك اللي ما منا فائدة ؟؟؟؟؟؟؟؟؟؟؟
انا ما بدي لوم حدا ولا بدي عاتب حدا بس السبب اللي خلاني اكتب هالموضوع انو انا غبت اسبوعين عن المنتدى وكنت مفكر انو بدي
ارجع لاقي المواضيع الكبيرة اللي عليا القيمة معباي الاقسام
رجعت لقيت ما في شي جديد تيتي تيتي متل ما رحتي متل ما جيتي
سؤال آخر نحنا ليش اذا شفنا فلان الفلاني رادد بالموضوع الفلاني عالسريع منروح منشوف شو في ومنرد علي كمان وحتى لو كان
الموضوع سخيف يا اخي بجوز اللي بيعجبك ما يعجبو ومن ناحية تانية اذا شفت واحد ما بحبو منزل موضوع ولو كان ضخم وعلي
القيمة ما بفوت برد علي ولك ولا بقرا حتى ليش؟؟؟؟؟؟؟؟؟؟؟؟؟؟؟؟؟ (هادا كمان مفتوح لتجاوبو بردودكن )
يعني اسا في كتير حكي ينحكى بس لاني بعرف انو ما حدا رح يسمع وما حدا رح يفوت على الموضوع من اصلو لانو بس نفتح
الموضوع ونلاقي انو طويل لهالدرجة ما رح نلتكش وانا اكيد من هالشغلة وشو اللي مخلاني عزب حالي واكتبو مو عرفان بس انو
فشة خلق يمكن
المهم هلأ مو كترة الحكي المهم الفعل اللي بدنا نشتغلو مشان نرد اخوية متل ما كانت ونطالعا من هالحالة كيف من كان بابرة بالوريد
بابرة بالعضل بس المهم اخوية تطيب وترجع اخوية اللي كلنا منحبا واللي كانت مزينة الانترنت
رح اجمع الاسئلة اللي طرحتا هون :
1- طلبت منكن ترجعو كم صفحة لورا وتعملو مقارنة بين القديم والجديد وتقولولي انو احسن لنمشي علي
2- ليش نحنا منهرب من مواضيع النقاش ومنروح على مواضيع العلقات ومواضيع طق الحنك اللي ما منا فائدة ؟؟؟؟؟؟؟؟؟؟؟
3- ليش اذا شفنا فلان الفلاني رادد بالموضوع الفلاني عالسريع منروح منشوف شو في لاء ومنرد علي وحتى لو كان
الموضوع سخيف يا اخي بجوز اللي بيعجبك ما يعجبو ومن ناحية تانية اذا شفت واحد ما بحبو منزل موضوع ولو كان ضخم وعلي
القيمة ما بفوت برد علي ولك ولا بقرا حتى ليش؟؟؟؟؟؟؟؟؟؟؟؟؟؟؟؟؟
هدول الاسئلة اذا جاوبتو علين بيكون يكتر خير الله بعرف انو اسا فيكن خير للتغيير
ويا ويلو ويا سواد ليلو اللي بيطلع برات الموضوع حاجتنا حكي بلا طعمة خلونا نركز شوي

ملاحظة : انا الموضوع ما كنت بدي نزلو لولا ما قنعوني بعد المحبين لاخوية انو نزلو ونشوف شو فينا نشتغل بما فيه مصلحة اخوية

hammoooza

22/02/2006, 17:10

1- طلبت منكن ترجعو كم صفحة لورا وتعملو مقارنة بين القديم والجديد وتقولولي انو احسن لنمشي علي

هيدا شي ما في جدال يعني ما لازم نتحارج علي ولازم يكون من المسلمات
يعني بس نظرة وحدة للمواضيع الجديدة يللي كلها بياخة وسخافة والمواضيع القديمة يللي لا غبار عليها بأكد هالشي

2- ليش نحنا منهرب من مواضيع النقاش ومنروح على مواضيع العلقات ومواضيع طق الحنك اللي ما منا فائدة ؟؟؟؟؟؟؟؟؟؟؟

لأنو الصراحة نحنا ناس فاضيين وما في ورانا شي ولا بهمنا شي
ما منحب لا نتحاور ولا نتناقش بدنا كل شي جاهز وكل شي مزح
منحب المواضيع يللي هيي بس للزناخة حتى بالأخير يا نحط "مشكور أخي" أو "ملعوبة معلم"
بصراحة هاي مشكلتنا ويمكن انا كمان بعاني منا ما بقول لأ بس أنا بحب اني غيّر

3- ليش اذا شفنا فلان الفلاني رادد بالموضوع الفلاني عالسريع منروح منشوف شو في لاء ومنرد علي وحتى لو كان

عنجد ليش بتحس انو الواحد بكون ناطر ما عم يعمل شي بس ناطر لشي عضو يحطلوا شي رد حتى دغري يرد علي ويمسحلو جوخ اذا كان رفيقو او يبهدلو اذا كان ما بطيقوا

يعني لا بعلق على الموضوع ولا شي
حتى اذا علق بكون تعليقو لا بيحل ولا بيربط
يعني الواحد لازم يعطي كمان وجهة نظرو بس هالشي ما موجود ليش؟
يمكن لأنو ما حدا الو خلاء انو يفكر :jakoush: او انو يحكي بشي بدو عقل ومنطق وحوار

Syrian__Angel

22/02/2006, 18:23

كلام كتير حلو ... يعطيك الف عافية ابو الهن :سوريا:

ورح بلّش انا ...

- طلبت منكن ترجعو كم صفحة لورا وتعملو مقارنة بين القديم والجديد وتقولولي انو احسن لنمشي علي

اي نعم رجعت .... ومافي مجال للمقارنة بين هلأ وقبل ...
القديم احسن واحلى وأفيد ... يعني ما كانت تضيع كل هالساعات عالنت على حكي بلا طعمة ..
كان الواحد يطلع بالاخير بموضوع حلو قرأوا وغيّرلوا تفكيرو .. بخاطرة حلوة عجبتو وحركت مشاعرو ... بنكتة جديدة سمعها وضحكتو ..
امّا هلأ ،، ؟؟؟؟؟ ..... فيك تتطلع على قائمة المواضيع وتحكم بنفسك ...

ليش نحنا منهرب من مواضيع النقاش ومنروح على مواضيع العلقات ومواضيع طق الحنك اللي ما منا فائدة ؟؟؟؟؟؟؟؟؟؟؟

لأنه ما حدا صاير الو مراق يقرأ مواضيع للنقاش هالايام !!! واذا صار وقرأ .. مالو مراق يرد وبعدين يدخل بنقاش الو اوّل مالو آخر مع كذا عضو ... وبتصير القصّة فتيلتها طويلة ( وهو مو فاضي )...:pos:
أما بحالة العلقات ... داااااااايما الشعب جاهز للخناقات وبيصير عندو كل الوقت اللي بالدنيا ليثبت وجهة نظرو للتاني ويسمّعنا رأيو - قد ما يكون هو الغلطان والحق عليه - بس المهم انّه الكلمة الاخيرة تكون الو ... ومشان هيك بتلاقي مواضيع العلقات بتوصل ل10 صفحات بساعات .. ومواضيع النقاش لو صارت صفحتين خلال الاسبوع .. بيكون الف الحمد الله
امّا بحالة طق الحنك ... هي مدري كيف بتصير !! .. بيكون الواحد كاتب رد والسلام .. بيجي بعد شوي بدو يشوف ردود الاعضاء .. بيلاقي واحد مقتبس كلامو ومعلّق عليه ... بيقوم هو بيرجع بيرد على هالشخص ... وبتشتغل القصة بيناتهم على صد ورد هييييك كذا صفحة.. وبالاخير بيضيع الموضوع الاساسي !!

وذكرتني بشغلة تانية هلأ ...انو في كتير مواضيع بهالفترة ما عم تاخد حقها بالردود .. لسببين :
1- بيدخل العضو على الموضوع الفلاني .. بيقوم بيلاقيه طويل وفي فلسفة كتير .. بيقوم بيطلع دغري وقبل ما يكمّل قراءة المقطع الاول منّو ... بيقوم الموضوع بيطير للصفحات الورّانية وبينستى ...
أو انو ...
2- بيجي العضو الفلاني وبينزّل كذا موضوع بنفس اليوم ... وبيبلّش كل ما دخل حدا يرد عليه بنفس الدقيقة .. مشان يبقى موضوعه براس الصفحة ... بتقوم بتروح على الشخص اللي بيكون منزّل موضوع - وعم احكي هون عن اي موضوع بغض النظر عن اهميتو - قبلو بشي نص ساعة .. وكماااااان بهالحالة بيطير الموضوع للصفحة ال 2 او ال 3 .. وبينتسى ... لحد ما يجي صاحب الموضوع تاني يوم ويشوف هيك .. ويرجع ينكشو لينبّه الاعضاء عليه !!

- ليش اذا شفنا فلان الفلاني رادد بالموضوع الفلاني عالسريع منروح منشوف شو في لاء ومنرد علي وحتى لو كان
الموضوع سخيف يا اخي بجوز اللي بيعجبك ما يعجبو ومن ناحية تانية اذا شفت واحد ما بحبو منزل موضوع ولو كان ضخم وعلي
القيمة ما بفوت برد علي ولك ولا بقرا حتى ليش؟؟؟؟؟؟؟؟؟؟؟؟؟؟؟؟؟

ايواااا .. هي بقا المشكلة الكبيرة ... لانه القصة صايرة على حسب كل واحد وشعبيتو .. وحتى احيانا حزبو ...

يعني بيجي فلان الفلاني المعروف ( أخوياً ) وبيكتب رد .. بتقوم انت بتقول يييه والله هاد واحد فهمان ورادد على الموضوع .. اي معناها اكيد الموضوع عليه القيمة .. يلا ونحنا كمان رأينا من رأيو ... وبالمرّة بنشكر صاحب الموضوع مع سمايلي ابو وردة ...
أما لو كان كاتب الموضوع شي واحد انت ما هضمتو .. بتقول اي بالناقص من الرد على موضوعو ..
خلّي ( شلتو ) ترد عليه ....

والي رجعة للموضوع انشالله .. بس لتكتر الردود والآراء ..

سلام

hammoooza

22/02/2006, 20:17

والي رجعة للموضوع انشالله .. بس لتكتر الردود والآراء ..

اذا بدك تنطري لتكتر الردود بقلك رح تنطري كتير للأسف واذا عم تسألي ليش انتي جاوبتي حالك:سوريا:

وذكرتني بشغلة تانية هلأ ...انو في كتير مواضيع بهالفترة ما عم تاخد حقها بالردود .. لسببين :
1- بيدخل العضو على الموضوع الفلاني .. بيقوم بيلاقيه طويل وفي فلسفة كتير .. بيقوم بيطلع دغري وقبل ما يكمّل قراءة المقطع الاول منّو ... بيقوم الموضوع بيطير للصفحات الورّانية وبينستى ...

zen

22/02/2006, 20:35

zoon
zozo
عاشق من فلسطين
و و و و و و
كتار راحوا
يارب يرجعوا
انا من جهتي كل وقتي بالارشيف ما بعلف على كل المواضيع
بتمنى يرجعولنا البيئة القديمة يارب ترجع احلى واريح
ويارب يكون في مسؤلية من الاعضاء الجداد
:cry: :cry: :cry:

Willi

22/02/2006, 23:26

يا سيدنا
لان بكل بساطة اكتر الاعضاء بالنهار الواحد بنزلو شي 500 موضوع (هني ما بكونو قريانينون)
يعني مثلا بجي انا بدخل على الصالون فيه 15 موضوع جديد
يا سلام
المنبر 10
عالطاير 20
وهيك بكل مكان
اي منين بدي لحق رد عليهون انا
وكل واحد بيجي بيكتبلك الموضوع 20 صفحة
طيب اوكي
يعني موضوع عشرين فيه فائدة
طيب
بس مو كلو لعي وحكي فاضي
لا والاحلى من هيك كل يوم كل يوم
اي مين هالمجنون اللي بدو يقعد يقرا كل هالقد
بعدين يعني واحد بروح على منتدى بلاقي موضوع حتى لو ما عجبو بجيبو وبحطو باخوية
بس مشان انو على اساس يعني كتب موضوع
طيب يا اخي هالموضوع ما بشد العضو
مافيه شي بخلي العضو ينشد لالو
لك حتى كاتب الموضوع ما بكون قريانو
كمان

هلق قريت موضوع بمنتدى عجبني
حطيتو باخوية
بس مو باليوم عشر مواضيع
وكلهون من غير منتديات
اكتبلك شي شغلة جديدة من عندك
ما بيطلع معك لا تكتب بالخالص بكون احسن

يعني معلش هلق كل الاعضاء (بدون استثناء) اللي عم يحطو مواضيع كتيرة بالمنتدى ناسخينهون من منتديات تانية
طيب اكتبولكون موضوع بالاسبوع
موضوعين
او حتى تلاتة
بس يعني بالاسبوع عم يوصل عدد مواضيعكون لل50 موضوع
او مثلا عضو بغيب شهر
بيجي بنهار واحد بحط مواضيع عن هالشهر كلو
؟؟؟؟؟؟؟؟؟؟؟؟؟

كترة المواضيع ونسخها من منتديات تانية برأيي هيي السبب بكل شي
هيي جواب على كل مقالتك
يعني ماني عم قول انو مثلا ما تجيبو شي من منتديات تانية بس يعني شي معقول

والسبب التاني لوجود هالمواضيع
هوي تمسيح الجوخ تبع الاعضاء
انا اول ما دخلت عالمنتدى لحقت شوي من البيئة القديمة
كتبت بالبداي موضوعين من منتدى تاني
بالتنين قالولي الاعضاء انهون مكررين
بطلت اكتب مواضيع من منتديات تانية
طبعا يمكن كاتب شي 4 مواضيع من منتديات تانية وبس لاني حسيت انو عليهون القيمة

انا بالنسبة الي ماني عم ادخل على المواضيع المكررة ولا حتى عم اقراها
بس يمكن لازم ادخل واكتب مكررة
يعني بكون قريانها بغير منتديات شي 10 مرات
وهون شي 5 مرات
حلو كتير اي من ***** رح رد عليها

ملك الهكرز

23/02/2006, 00:47

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

انا برئيي يرجع ينحط شريط اخبار اخر الموضيع
وشريط كمان اهداء

butterfly

23/02/2006, 00:59

1- طلبت منكن ترجعو كم صفحة لورا وتعملو مقارنة بين القديم والجديد وتقولولي انو احسن لنمشي علي
ما بختلف معك أنو المواضيع القديمة حلوة .. بس أنو نرجعلا ونمشي عليا ما بضيف روح ... يمكن المواضيع القديمة اللي ما أخدت حقا
لازم نسعى أنو ننزل مواضيع بالقوة القديمة ..

2- ليش نحنا منهرب من مواضيع النقاش ومنروح على مواضيع العلقات ومواضيع طق الحنك اللي ما منا فائدة ؟؟؟؟؟؟؟؟؟؟؟

منهرب لكتير أسباب ... يمكن ما منحب نعبر عن ذاتنا وأفكارنا قدام الناس ... يمكن ما عنا جرأة نفوت للعمق بنقاشاتنا فبنختار المواضيع اللي عالسطح أو منقول حلو وما حلو ومنكتفي أو ما عنا أساسا الفكر اللي بيسمحلنا نفكر ونناقش .. وإذا كان هادا هوي السبب فعلا .. فالله يكون بالعون لأنو رح تعم البياخة ونقول عنا حلوة لأنو ما عنا بعد نظر نشوف أكتر من انفنا ...
وأنا برأيي أنو في كتير مواضيع ما عم تاخد حقا من العجقة ... مواضيع كتير يعني أنا كل يوم عالنت ومابلحق أأقرا ربعا ... ما غطلي يومين شو بيصير :? وأغلبا مواضيع وجمل ممكن تنحكى عالمسنجر ... عالتليفون بين تنين .. بس مو بالمنتدى .. كل موضوع بيتحول لردود شخصية وبيموت الموضوع الأصلي
طيب والحل ؟؟؟ نقول للناس ما تنزل مواضيع ؟؟ شو نعمل ؟؟
لأنو جد في مشكلة غزارة وما في نوعية ... ومقالات مكررة ومنقولة والأغلب قريانا .. فكيف منحافظ عأخوية من أنو تتحول لنسخة عن كل المنتديات التانية ..
أنا بقترح أنو يمنع النقل والمواضيع المنقولة ... اللي حابب ينزل موضوع يكتبو هوي .. نحنا منحب نتناقش معو بأفكارو .. مو بقدرتو على النسخ .. إذا توقفت المواضيع المنقولة .. بيرتاح المنتدى شوي من الكترة ومنصير نقدر نركز أكترعمواضيع جدية

3- ليش اذا شفنا فلان الفلاني رادد بالموضوع الفلاني عالسريع منروح منشوف شو في لاء ومنرد علي وحتى لو كان الموضوع سخيف يا اخي بجوز اللي بيعجبك ما يعجبو ومن ناحية تانية اذا شفت واحد ما بحبو منزل موضوع ولو كان ضخم وعلي
القيمة ما بفوت برد علي ولك ولا بقرا حتى ليش؟؟؟؟؟؟؟؟؟؟؟؟؟؟؟؟؟

كمان كترة الأشخاص واحد بيبحث يقرا للأشخاص اللي بيعرفو ن هيدا مو مشكلة أنا بشوف المشكلة أنو بيرد ( حلوة وملعوبة وبرافو ) حتى لو ما شايفها هيك احتراما للشلة و بيصفق لكل المواضيع اللي بتنزلا ...
أنا بعترف في أشخاص بدور كل يوم شو ردو :oops: افكارون بتعجبني وبرد عليا .. بس وقت ما بتعجبني مابرد ..
وأكيد كوني بحب أأقرا لأشخاص معينين مابيمنع أني أأقرا لغيرون ورد على غيرون

ويا ويلو ويا سواد ليلو اللي بيطلع برات الموضوع حاجتنا حكي بلا طعمة خلونا نركز شوي
بتمنى كون ما طلعت برا الموضوع ... وهاني هي مني ألك وردة :سوريا:

hanny dagher

23/02/2006, 02:38

بالله العظيم ضيفولي سؤال لقائمة هالاسئلة
ليش صار عدد المشاهدات 61 مشاهدة وعدد الردود بس سبعة مو بس بهادا الموضوع بكل المواضيع اللي عليا القيمة

layla

23/02/2006, 08:32

ابو الهن يسلم ايديك عالموضوع ( مو تمسيح جوخ :pos: ) المهم من زمان بدنا هيك نكشة وصح متل ماحكيت انو مدري كم واحد صارو فايتين عالموضوع وسبع ردود بس مع انو برأيي كل واحد بيحب اخوية لازم يرد هون وكلنا سوا منقدر اخوية لاخوية زمان اخوية عن صحيح
منجي للنقط اللي طارحها انت
اخوية مقسمة تقسيم رهيب من ناحية تنزيل المواضيع يعني في قسم للكتب في قسم للشعر في قسم للاغاني في قسم للصور في
قسم للرياضة في قسم النكت والضحك وفي الصالون اللي هوي عام لكل موضوع ما بيندرج تحت اي قسم من الاقسام السابقة وغيرو

برأيي هالشغلة كتير كتير مهمة ومساعدة بالتنظيم اللي منطمح الو كلنا
بس نحنا ماعم نساعد حالنا ولاعم نساعد الموقع
شباب انا قبل ماكون مشرفة هون كنت عضوة متلي متلكون وبحب الموقع من كل قلبي وبالفعل بيهمني يرجع متل ماكان لانو شيلو المزح ع جنب انا من وقت ماسجلت باخوية لليوم ( يعني رح يصير شي عشر شهور ) يوميا في ست سبع ساعات هون وبصراحة مابخفيكون كتير بيهمني اني استفيد منهون لانو بالفعل ماعندي وقت ضيعو وهاني بيعرف منيح كيف عم يضيع الوقت
بالماضي كنت عنجد استفيد
مواضيع مطروحة مهمة كتير خلتني غير آرائي بكتير شغلات
في اشيا كتير كنت دافع عنها وبدون ماحس وطوشة عرب ومدري شو شوي شوي تعلمت اسمع تعلمت انو انا مو دائما صح
غيرت رأيي وقناعاتي بكتير شغلات ( اكتر ماتتخيلو ) من ورا هالموقع
هلأ لاحدا يسألني شو دحش هالحكي بالاقسام لانو مابعرف بس اللي بعرفو انو الانسان دائما بحاجة لتنظيم والا بيضيع
بالفعل يعني عنجد بس تخيل اوضتك قايمة قاعدة ومافي غرض بمحلو ولك اي والله بتحس مافيك تقعد
وهون صاير نفس الشي اخوية متل بيتنا بس قايمة قيامتو كتير كتير ولازمو ترتيب مع انو تقسيمو كتير منيح

كان في اعتراض على البيئة الجديدة انو في عالم كانت تحب البيئة القديمة وهيك
انو مابعرف ليش حاطين نقركون من نقر البيئة الجديدة
ياجماعة والله البيئة الجديدة فيها شغلات كتير منيحة ومفيدة
طيب بالبيئة القديمة كان يصير مدايقات عبر الرسائل الخاصة ( ومتل ماكلكون بتعرفو الادارة مابتتدخل بالامور الشخصية للاعضاء ) وكانو الكل يطالبو انو يصير في خاصية انك تعمل بلوك للي مابدك ياه بالبيئة الجديدة صارت الخاصية موجودة
بالبيئة الجديدة في خاصية انك تقيم الموضوع وصاحبو يعني موضوع ماعجبك مافي داعي للرد اللي بيجرح فيك بكل بساطة تقيمو انو موضوع سيئ وماترد عليه او ترد عليه بنقد بناء وهيك صاحبو بيعرف وين غلطو ( وهون لازم كلنا ننتبه انو ماحدا الو محمل شخصي عالتاني وماحدا لازم يزعل من النقد ) وهيك بيصير فيه يصلح هالغلط مرة الجاي
في شغلة تانية تنبيه عن مشاركة سيئة كنا من قبل اذا حدا حكا كلمة عاطلة والمشرف مو منتبه يضطر الواحد يبعت رسالة خاصةومدري شو او لحتى المشرف الله يهديه ويقراها هلأ صار في عنا شي اسمو تنبيه عن مشاركة عاطلة وهي عبارة عن مثلث ذهبي تحت اسم الشخص
بس ماتعجبك المشاركة فيك تبعت للمشرف تنبيه عليها
وبهالمناسبة في عنا خاصية التنبيهات او العقوبات وانتو كلكون بتعرفو اديش في ناس تأحطلها من ورا زيادة عداد التنبيهات
بس بنفس الوقت كمان في اقسام ماحدا منتبهلها وهالشي بشع شوي بس بيتصلح
طلبت منكن ترجعو كم صفحة لورا وتعملو مقارنة بين القديم والجديد وتقولولي انو احسن لنمشي علي
مافي داعي قول رأيي
انا بيجوز معدودة من الجيل القديم تبع اخوية واللي ضالين معي من هداك الجيل بينعدو عالاصابع
ريتا وكريم ومجد وسيزار واسامة ومجود وزين وجيني وهنون وابو السوس
ضيفو على هدول ضعفون بخمس مرات اللي تركونا بدون مانحس
ومابدي اذكر اساميهون بس رجعو لورا ولحالكون بتعرفوهون
هلأ السؤال انو ليش نحنا منحب نبكي كتير عالاطلال وانو تركهون اخوية هوي اللي رجعا لورا
بيجوز كان في عامل مساعد انو 90 بالمية من اعضاء اخوية بيعرفو بعض شخصي وعايشين بنفس الحارة بس هاد مو سبب
ليش نحنا اللي هون هلأ ما منشتغل على حالنا ومنرجع مستوى المواضيع للي كان عليه
والله مو صعبة بس بدال مانقضيها طق حنك وسوالف بالمواضيع فينا نفكر بشي فكرة نقاش حلوة بشي مسابقة تنعمل اي شي بيخطر عبالكون والبريد مفتوح للي عندو اقتراح وحابب يوصلو للادارة
اخوية اكبر كتير من انها تكون موقع عالنت وبس
في تلت شباب كانو رفقاتنا هون متلون متلكون
اغلبكون مابيعرف غير ابو طريق بس الشبين البقية سهل كتير تلاقو اساميهون ومواضيعون
هدول الشباب بالحبس هلأ وسبب من الاسباب اللي ودتهون لهونيك هوي المنبر الحر
بالنسبة الي هاد فخر كبير بعتبرو للموقع
اخوية قطعت شوط كبير من حلما خلوها تكفي هالحلم
ليش نحنا منهرب من مواضيع النقاش ومنروح على مواضيع العلقات ومواضيع طق الحنك اللي ما منا فائدة ؟؟؟؟؟؟؟؟؟؟؟
بكل بساطة لاننا كسلانين ماعم نشغل مخنا :jakoush:

ليش اذا شفنا فلان الفلاني رادد بالموضوع الفلاني عالسريع منروح منشوف شو في لاء ومنرد علي وحتى لو كان
بالنسبة الي عم رد عاللي بلاقيه خرج وبس ( لهيك ماعدني عم رد كتير )
في نقطة الشللية تبعكون هون كتير صايرة قوية
حلو الواحد يكون عندو رفقة ويحبون ويدافع عنون ومدري شو بس كمان حلو يشوف الطرف التاني اللي مابيشبهو لانو كتيـــــــــــــــــــر رح يتعلم شغلات جديدة
وفهمكون كفاية

لعيت كتير بعرف بس العتب على قد المحبة
اخوية متل بيتكون اعتبروه وكيف بتحبو يكون بيتكون ساوو اخوية
والحكي مني وجر كلنا لازم نرجع نشتغل لانو انا اول وحدة مقصرة وبعرف حالي
مانها صعبة شباب كلنا عنا افكار حلوة وخرج الواحد يتناقش فيها وخاصة كلنا من نفس الاعمار تقريبا وطالعين من نفس البيئة يعني كلنا منفهم على بعض
في نقطة قالتها فراشة انو بيجوز نحنا مامناقش لانو ماعنا الجرأة نفوت للعمق بنقاشاتنا
ياترى شو السبب؟ السبب برأيي انو ماعنا المعرفة الكافية لنفوت بهيك نقاش ( بغض النظر عن الموضوع )
انك تكون ماتعرف شغلة مو عيب عندك جهل بناحية معينة ادب سياسة فن طب اي شي نزل موضوع سؤال والكل بيساعد اللي عندو معلومة بيحطها لانو اكيد اكيد مو بس انت اللي مابتعرف هالشي في كتير متلك وهيك بتكون استفدت وفدت

لاتزعلو مني طولت عليكون كتير كتير بس بظن هيك احسن

MarieSou

23/02/2006, 08:38

MarieSou

23/02/2006, 09:14

انا حكيت فوق كتير وما برف شو حكيت بس عندي ملاحظة ايجابية:سوريا: هالشللية والناس اللي بيعرفو بعضون لما بيحكو مع بعض وين راحو و بدون يروحو وبقوا اسماء الاماكن انا كتير بنبسط وبتذكر الوطن والناس وبشتاق كتير لك حتى للناس اللي مابحبون يعني الروح المرحة البسيطة والاخوية واحيانا العائلية كتير حلوة انا عمبحكي عن حالي يعني عن جد الاخوية بكل المواضيع مهما كانت انا بحس حالي بحارتي او مدرستي بسوريا وبنسىانو انا بالغربة يمكن وجعتلكون راسكون سامحوني بس :pos:

hanny dagher

23/02/2006, 09:41

هاي لكل الموجودين :سوريا:
انا قرات الموضوع ولاحظت انو الردود كتير منيحة ومتل ما بتريد :ok: بس اللي عمينتقد الواضيع اللي عالطاير والردود اللي عالطاير يعني كلمتين ـ حلوة و ملعوبة وغيرا...ـ ما الكل عميكتب هيك حتى انتو ؟؟؟:confo: ....انا ما رجعت لورا لحتى شوف الفرق بين هلق وقبل بس رح ارجع واقراها .بس سؤال شو الحل برايك:!: وصفت المشكلة بس ما اقترحت الحل غير انو نقتفي الاسلوب القديم ونسير على خطاهم :pos: ما بعرف شو كتبت الافكار بسرعة براسي ما عملحقا سورري للركاكة بالترتيب وميرسي 8)

انا والكل عم نحاول نوصل لسبب الخطأ اول الشي وبعدين منقترح الحل
انا ما قلت انو ننكش مواضيع قديمة او نمشي على خطا القديمين
ليش القديمين احسن منا؟عندن افكار اكتر منا ؟
لاء مو صح هالحكي نحنا عنا افكار كمان ونحنا منعرف نناقش كمان
بس المشكلة ما بعرف وين صايرة ممكن انو كون خايف من النقاش ممكن يكون ما عندي معلومات بالموضوع المطروح ممكن بس انا كمان عندي افكار اطرحا واحكي فيا في عندي مواضيع كتيرة بيصير في اختلاف بالراي بالحياة العملية بيني وبين رفقاتي طيب ليش ما بطرحا هون وباخد راي الكل فيا

MarieSou

23/02/2006, 09:57

hanny dagher

23/02/2006, 10:02

do you think. thanks for your answer
اللي خلى الاعضاء اللي تركو الاخوية الو علاقةباللي قراتو بقسم الادارة و النقاش الساخن هونيك ؟؟؟؟سؤال عالهامش يعني للفضول هلق قرات الموضوع ؟؟؟
بتمنى انو تكون الاخوية متل ما لازم تكون اخوية عن جد
سلام

انا من جهتي قريت الموضوع وانا على معرفة شخصية ببعض الاعضاء القدامى
ومزبوط متل مو مزكور بالموضوع انو تركو اخوية بسبب المشاكل
بس هالشي ما بيخلي حتى الاعضاء الجدد يتركو بسبب عدم كفاءة المواضيع والاشخاص اللي باخوية

MarieSou

23/02/2006, 10:19

thanks and see you tomorow

لؤلؤة الجنوب

23/02/2006, 14:06

لما دا لا تقرا موضوع اسباب فشل هدا المنتدا الدي وضعته فلة
باختصار اهمال المشرفين وعدم تدخلهم في الوقت المناسب هو السبب الاكبر.
وعدم احترام الاعضاء بعضهم البعض.

marioma alghzayala

23/02/2006, 22:22

مرحبا شباب وميرسي هاني عالموضوع كتير حلو وسوري عالتاخير لاني ما شفت الموضوع ....

اما بالنسبة لاخوية فرح قول انو انا ما لحقت اخوية القديمة ... وفتت لما تحدث الموقع ..
وما بدي عيد اللي حكيتو لانو كل شي معكن حق في ...
بس في شغلة كمان بدي علق عليا انو ليش بكل موضوع عم يدخّلوا الطوائف ؟؟؟
يعني والله صرت اكره الفوتة ع شي قسم فيه هيك شي ....:cry:
والمشكلة وين ؟؟؟ انو هالعالم اللي عم تفوت ما عم تعرف شو معنى الموقع اخوية :cry: :cry: .....
وخصوصي باخر فترة هاي الشغلة اللي صارت مع توكول فريند وسيلين وبعض الاعضاء ..:(

كمان في شغلة ...انو بتحس كتير من الاعضاء فايتين بس لحتى يقاتلوا ويخلقوا مشاكل ...ليش كل هالعدوانية ما بعرف؟؟؟...:?

المستحيل

23/02/2006, 22:27

مشكور يا هاني والله معك حق حتا انا ما عاد نزلت ولا موضوع من شي 4 ايام
لاني معك حق الموضوع المنيح ما بينعطا حقو والموضوع اللي بدو لازم يتثبت ما حدا برد عليك ولا كأني حطيت شي
على فكرة انا صرت فوت على هل المنتدى من الناس اللي فيه مو اكتر لاني في كتيرمواضيع مو مهمة ومكرررة شي 10
مرات ولما بتقول لواحد مكرر بزعل منك
وبالنسبة الللي انا من فترة كنت غايب شي 10 ايام لاني وانا بهل المنتدى حدا من الشبابا الطيبة بعتللي شي فايروس
من هل المواضيع على الكومبيوتر وضليت 10 ايام ما احسن فوت على المنتدى غير من كومبيتر رفاقاتي
المهم حتا فرمتت الكومبيوتر حتا صار يفون على المنتدى على كل حال مشكور على الموضوع وان شاء الله نحنا بنريد يكون المنتدى
احلى واروع منتدى لهيك مشكور يا هاني
وان شاء الله بنكون احسن مني وجر
واذا في راي خطء يا ريت حدا يشوفو وينبه التاني من شان المرة الجاية
ومعكم

MarieSou

23/02/2006, 22:48

:confo: hi to every one :سوريا:
ضروري الانسان في كل مجال يعمل نقد لحالو;-) بيكتشف عيوبو وبصلحا 8) كتيير منيح الحكي وبدل على انو في ناس فعلا قلبا عل الاخوية:hart: وانشالله بتصير الاخوية احسن من الاول :clap:
مادام في ناس عمبترد معناتا عمتقرا :confo: :roll: و تشوف الغلط او شايفة الغلط المهم نعرف وين ومتى يتصلح وبالنهاية الكل بيربح اخوية حقيقية واصدقاء :pos: :oops: وباييييي انا لازم روح :bye: :bye: :bye:

Willi

24/02/2006, 09:26

لما دا لا تقرا موضوع اسباب فشل هدا المنتدا الدي وضعته فلة
باختصار اهمال المشرفين وعدم تدخلهم في الوقت المناسب هو السبب الاكبر.
وعدم احترام الاعضاء بعضهم البعض.

الحق مو عالاشراف
الحق عالاعضاء
ليش مين المشرف حتى يقلي شو لازم اكتب وشو مو لازم اكتب
انا بعرف شو المظبوط وشو المو مظبوط اكتر من المشرف
وماني بحاجة حدا يقرالي ردودي ومواضيعي ويقلي اني غلطت هون وما غلطت هون
المشرفين عم يتدخلو وقت عم يكون في توسيخ وبس
وانا برأيي هاد الصح

fady juventus

24/02/2006, 19:43

طرح الموضوع بهالوقت كتير منيح و مفيد نتناقش فيه ، وعلى فكرة هاني ...أنا قريتو أوف لاين و هلأ عندي بداية التالتة و مع هالشي أكل مني نص ساعة قراية لأني قريت كل الردود على ميت مهلي.
بس للأسف ما في فايدة
ما رح يتغير شي وما حدا رح يلتفت لقصة الإنتظام و الترتيب
بس فيي أكدلك شغلة... إنو موضوعك أثر فيي مظبوط و أكيد رح يغير بشي من أسلوب تعاملي بأخوية بالإيام الجاية.
بس صدقاً بالفترة الأخيرة في مراحل و لحظات عم حس فيها بقرف و ملل من أخوية ؟؟؟ و إنت بتذكر إني حكيتلك هيك شي مرة.
أنا أحيانا بكره حالي لما بفوت إتغالظ بشي موضوع لدرجة إني حطيت موضوعين وسميت واحد "موضوع مكرر : ... "
و التاني "موضوع مكانو عالطاير:... "
وكنت وقتها مو مبسوط و رايق أبداً !!! بالعكس قرفان من المواضيع المكررة وهي عطول بتنعكس من دون ما انتبه على نفسيتي

ملاحظة: المواضيع اللي عم تنزل بهافترة كلها وصلتني إيميلات وأحيانا من زمان كتير، وكل يوم بلاقي موضوع نازل بالصالون وعالطاير والكاريكاتير والصور... خطرلي إني صير نزل الموضوع أول ما يجيني الإيميل قبل ما حدا ينزلو... يومين و مليت من القصة و زهدت
انشالله نقدر نحسن شي ، من ناحيتي رح حاول غير أسلوبي ... وعد

Willi

25/02/2006, 05:36

عرفت شو المشكلة
بس ماني حابب حطها لان 50 بالمية اذا مو اكتر من اعضاء المنتدى رح يتحسسو منها
بدي ناقشها مع حدا بالاول

mhmary

25/02/2006, 08:44

hanny dagher ما رح جاوب على الأسئلة الي حطيتون لأنو ما في داعي رح جاوبك من اول ما كنت عم تحكي بالموضوع ورح احكي نفس الكلام الي بقولو على طول لأنو هادا الموضوع صار منحكا في كتير ومعروفة اسبابو

هلق انا حسيت (ماني متأكد) أنو انت عم تقول انو الوضع من زمان كان أحسن وهلق الوضع ما منيح ولازم نحاول نرجع بالوضع متل الأول وبعدين قلت انو انت بتعرف الوضع كيف كان من الأول من خلال قرأتك للمواضيع القديمة

انا ماني متأكد أذا عنجد انت كنت تعرف كيف كان الوضع من زمان عكلن الوضع من زمان كان (أخوية) يعني بكل معنى الكلمة أخوية وما كان مسموح يفوت اي عضو على الموقع الا من الأخوية أو أصدقاء العالم الي بالأخوية هاي اول اول شي يعني وقت كان الموقع في شي 20 عضو المهم وقتا كان الجو عادي بعدين صار مسموح يفوت اي عضو بس ما كان يسجل الا الأعضاء القريبين من اعضاء الأخوية وهون عاد كان احلى وقت بالموقع( هادا رأيي كل واحد عندو رأيو) المهم انو متل ما لاحظت انو الموقع توسع كتير يعني صار في اعضاء كتير من كل الألوان

هون بيبساطة صار الموقع مانو أخوية شايف شلون طيب برجع لكلامك هادا الشيء ما بيعني انو الموقع فشل او في شي خطأ او لازم نصلح لألأ بيبساطة الموقع صار الو نمط تاني ما متل الأولاني يعني انا كنت فوت كان في شي 200 عضو يمكن كنت اعرف نصون وكلون رفقاتي اما هلق ما بعرف حدا طيب انا ما لازم قول الموقع فاشل لألأ عادي هيك صار بس كل الي صار انو تغير نمط الموقع من جو اخوية كان عنجد بيمثل جو سيدة السلام لموقع من نمط تاني والي هو هادا النمط التوسعي الكبير

بس هيك يعني ما في خطأ ولافي فشل وما لازم نصلح شي كل الي صار انو الموقع توسع واصبح نمط تاني

أذا حسيت انو انا ما رديت على سؤالك بشكل واضح قلي من شان ارجع وضح.........

hanny dagher

26/02/2006, 06:54

اخ mhmary شكرا على ردك على الموضوع
انا بعرف انو الموضوع انحكى في كتير بس ما وصلنا لنتيجة وانا ما ني واثق انو وصل لنتيجة من هادا الموضوع كمان

انا حابب وضح شغلة قبل ما رد عليك انا بهالموضوع ماني عم حاول زيد مشاركاتي او بين اني فهمان او شي من هالشي لهيك ما رح رد على ردود من نفس رايي فلا حدا يقلي رد عليي اوكي

بالنسبة للكلام اللي قالو فادي على انو عم يحس بملل من اخوية مو بس قادي اللي قلي هالشي في كتير عالم وانا واحد منن كمان

بالنسبة لكلام mhmary انا بعرف اخوية القديمة بجوز ما لحقتا من اول تاسيسا ما بعرف كيف كان نظام التسجيل فيا من اول بس انا بعرف من وقت ما سجلت يعني من شهر اب لهالوقت انو اخوية تغيرت كتير
انا تعرفت على كتير اشخاص جدد من اخوية وما في داعي اذكر اسماءن وكانت علاقتي فين كتير طيبة وكتا اكتر من اخوة يمكن اكتر من علاقة الاعضاء اول ما بلشت اخوية
بس اللي لاحظتو انو من اخر شهر تشرين التاني ولحد ما نزلت هالموضوع نزل مستوى المواضيع
لاكتر من النص
كمان طريقة الاعضاء الجدد بالمناقشة ما شدتني اتعرف على حدا فين غير النادر النادر
لانو حسيت انو رح اعلق معاهن اكتر من اني رح استفيد منهن

شغلة اخيرة انا بعرف انو اخوية توسعت اكتر من وقت ما بلشت بس هالشي ما بيمنع انو تحافظ على قوتا وتحافظ على علاقة اعضاءا الحلوة ببعضن

وانا ما بدي غير هيك
وانشالله نوصل لنتيجة قريبا او...................................
بعض العالم بيعرفو او شو وانشالله ما اضطر اعمل الاو

yamen_h

26/02/2006, 12:59

مرحبا أخواتي ...:سوريا:
أنا بدي قول بعض لافكار و الآراء الخاصة ...
بس قبل هالشي بدي اشكر كل واحد رد قبلي ..لأنو فعلا كل الأخوة اللي ردو خير وبركة ..
وهاني انا بتشكرك كتير كتير ومن كل قلبي (لا حدا يفكر تمسيح جوخ :jakoush: ) لأنو انا بقول للأعور أعور بعينك ...ويمكن هاي صايرة عيب او غلط بهالأيام ...:pos:

المهم ...:
1- مشان موضوع البيئة القديمة والجديدة ...أنا بتمنى انو ترجع البيئة القديمة مضموناً مو شكلاً .. كيف يعني ؟؟؟ يعني أنو ترجع المواضيع اللي عليها القيمة والأعضاء اللي عليهن القيمة ..(مع احترامي للشباب والصبايا المشتركين جديد والفهمانين ) ...

2- أنا صارلي تقريبا شي عشر شهور أو أكتر شوي ...يعني لنيسان بيكون صارلي سنة مشترك ...والله وكيلكن كل يوم عم فوت و لمدة ساعتين او تلات ساعات كمعدل وسطي .....اي المهم ..أنو انا اول ما اشتركت كنت فوت على كل قسم وما اترك ولا واحد ...وكنت استفيد من كل الأقسام ...وفعلا تغيرت طبيعتي وطريقة تعاملي مع الناس بالحياة العادية ...
بس ما بعرف اذا انتبهو الاعضاء القديمين على شغلة مهمة انو من شهر حزيران الماضي صارت هجمة كتير كتير كبيرة عالموقع ...يعني اجت دفعة مشتركين جدد كتير كبيرة ..وكانت الأغلبية من أهل الخليج والسعودية تحديدا ..(أنا مابدي ارجع انكش المشكلة مع السعوديين ) بس انا عم قول شو لاحظت ....
اي ومن بعد هالهجمة ..تغيرت الأخوية تغيير جذري ...
يعني أنا كنت فوت عالطاير مثلا ...مشان اضحك وروق واستفيد بنفس الوقت ..أما هلق وللأسف اذا بدي ادخل رح انجلط ورح ينهز بدني من السخافة ..واذا بقللكون يمكن ما تسدقوا ..أنا صارلي تقريبا شي اربع شهور ماني فايت على قسم عالطاير ....ما صارلي غير اسبوع او اكتر بشوي رجعت فوت مشان موضوع اللي حطو اسامة واللي هوي (تضربو انتو والجواز ) واللي كمان كان من البيئة القديمة ..يعني انا مافتت مشان شي جديد ابدا ...
ولقيت أنو أنا بعد عن هالقسم وبقية الاقسام اللي ما عاجبتني ...احسن من اني اعمل مشاكل ..وتوجيه ملاحظات لأنو راسي صار يوجعني من هالشغلة ...

وما بعرف اذا انتبهتوال ..انو انا رح يصيرلي تقريبا سنة بس لسا عدد مشاركاتي قليل وهاد أبدا مو كسل مني ابدا ابدا ...ليش انا شو خسران اذا كبست عالرد الصاروخي وكتبت هالكلمتين : الله يعطيك العافية معلم ملعوبة ...او حطيتلي سمايلي ابو وردة وبدون اي تعليق او شي ..
اي لو بدي اعمل هالشغلة كان صار عندي مليون مشاركة بس مشكلتي ما بحب جامل ......
مو متل كتير عالم ..يعني ماصارلون يومين بتلاقيهن صاروا مستشارين ومدري شو ..:jakoush:
:jakoush:

بعرف اني طولت عليكن كتير كتير وأني كررت بعض الأفكار اللي حكوها اخواتي بردود سابقة
بس سامحوني

على فكرة أنا كمان ماني مطول هون ...يعني بدي اترككن فترة ورح ارجع ...وبتمنى ارجع وشوف اخوية اللي كنت بعرفها من زمااااااااان ...

اسف على الإطالة ....

yamen_h

26/02/2006, 15:09

نسيت قول :
انو كل موضوع مكرر او مو بمحلو رح قول انو مكرر او مو بمحلو ..
واللي بدو ينزعج الله مع دواليبو ..
وبتمنى من الكل يعمل هالشي ..
لأن المشرف مانو الله لحتى يلحق لكل المواضيع والردود ...
كل واحد بيحب الأخوية لازم يعمل متلي ...

:سوريا:

hanny dagher

27/02/2006, 04:14

Willi

27/02/2006, 04:17

المواضيع الدينية السخيفة
والاعضاءة اللي حطوها
يفضل ينحلقلهون برات المنتدى

mhmary

27/02/2006, 04:22

طيب اجا وقت الجد هلأ
لانو الموضوع صرلو فترة وعرفت العالم اللي بتهما مصلحة اخوية من العالم اللي ما بتهما

المهم شو فينا نحنا نساوي لنرد اخوية متل ما كانت خلينا نقول مو متل اول ما بلشت بس انو نردا متل ما كانت قبل كم شهر ؟

يا مان ليش هيك؟؟؟ طيب معلش خلينا نتفق على صيغة معينة قبل ما نبلش نقول شو بدنا نعمل يعني قصدي خلينا نحدد مضبوط كيف بدك ترجع اخوية لمتل ما كانت قبل كام شهر
وانا برايي انو ما في داعي لهالحكي لأنو ما ممكن نرجع اي شي متل ما كان قبل كام شهر كانت الأخوية متل هلق بيجوز قصدك قبل شي 6 تشهر هيك معقولة بس كمان ما فينك ترجعا لأنو برجع بقلك عدد الأعضاء صار كبير والجو تيع الموقع بيتحدد بيعدد الأعضاء
من شان هيك خلينا نقول ونحاول نصلح الأخطاء الي موجودة هلق لأنو مستحيل ترجع الوضع متل أول

hanny dagher

27/02/2006, 04:31

mhmary

27/02/2006, 04:40

طيب اوكي بجوز الصيغة اللي استخدمتا انا غلط
كيف فينا نرجع مواضيع اخوية وعلاقة اعضاء اخوية بنفس قوتن من زمان
يعني كيف فينا نخلص من مواضيع السخافة والعلقات اللي ما الا طعمة
كيف فينا نخلص من هاللخبطة اللي عم بتصير
انتي عم تقلي الاعضاء كتار
لك يا اخي انا بعرف انو الاعضاء كتار والله يزيد ويبارك وبعرف انو الموقع كبير وانو اقسامو كتار
بس هالشي ما بيمنعنا نحنا كاعضاء مهما كان عددنا انو تكون المواضيع اللي عم ننزلا عليا القيمة
وانو اذا نزل شي مو كل هالقد نقدر نقول عنو انو مو كل هالقد

طيب خيو هيك صارت الصيغة واضحة انا عاد من هون فيني اعطي رأيي.... بالنسبة لسؤالك
(كيف فينا نرجع مواضيع اخوية وعلاقة اعضاء اخوية بنفس قوتن من زمان) هاي شغلة يعني مافي داعي تعمل شي لأنو هادا شي عائد للأعضاء عن بين بعضون بيتفقو مثلا صار اكتر من اجتماع من اعضاء الموقع هديك الصيفية وهديك الشتوية انا كنت بواحد منون وبرايي انو نرجع مثلا نعمل هيك شي يعني بالموقع الفلاني وبالوقت الفلاني في اجتماع الي بحب يجي فكرة حلوة وكتير مفيدة

بالنسبة لبقية الأسئلة رح جاوبك عليون بس ما هلق هلق لاوم روح

شغلة تاني انت كمان جاوب عليون ونشاء الله انو كل الشباب يجاوبو من شان نوصل لشيء.........
لنا عودة.....

hanny dagher

27/02/2006, 11:54

نرجع مثلا نعمل هيك شي يعني بالموقع الفلاني وبالوقت الفلاني في اجتماع الي بحب يجي فكرة حلوة وكتير مفيدة

بالنسبة لبقية الأسئلة رح جاوبك عليون بس ما هلق هلق لاوم روح

شغلة تاني انت كمان جاوب عليون ونشاء الله انو كل الشباب يجاوبو من شان نوصل لشيء.........
لنا عودة.....

بالنسبة للفكرة مو بطالة بس بتبقى المشكلة انو كل واحد ببلد او بمنطقة غير التاني

وانا ناطر اجوبتك على الاسئلة
وبالنسبة لاجوبتي انا انا متفق مع كل الاشخاص اللي ردو

Syrian__Angel

27/02/2006, 17:28

عدنا ...

(كيف فينا نرجع مواضيع اخوية )

بأنّو كل واحد يبدأ بالتغيير من نفسو ..
يعني انت مثلا ً لو وصلك ايميل بايخ وما حلو ولا حبّيتو .. ليش لحتى تركض وتحطو باخوية !؟؟
لك اذا انت نفسك ما حبيتو ... بتتوقع العالم هون تحبّو مثلا !؟ ولا بس زيادة مواضيع ومشاركات !؟؟!
يعني بالمختصر .. اخي اعفينا من المواضيع اللي انت - بتقييمك الشخصي - ما بتلاقيها حلوة .. مشان ما حدا يدخل على موضوعك ويسمعك كلمة تضايقك وتنزعج حضرتك وتسوء العلاقة بينك وبين العضو الفلاني ... هي شغلة

الشغلة التانية هيي شغلة الحكي الزايد وفتح الموضوع ماسنجر بينك وبين بقية الاعضاء .. معلش يا حلوين خففولنا ياها شوي :سوريا: - وانا بعترف انو من كم يوم صار بيني وبين يامن نقاش صغير بهالشغلة مشان ردود انا قايلتها :pos:
على كل .. انشالله ما عاد تتكرر ;-)

وعلاقة اعضاء اخوية بنفس قوتن من زمان

هلأ الشغلة اللي اقترحها معماري ووافق عليها هاني .. شوي صعبة حالياً .. لسببين :
1- انو كل واحد ببلد وصعب تجي اجازاتنا كلنا بنفس الوقت ... 2- انو عدد الاعضاء هلأ كتير كبير !!! انت - بقصد معماري - لما قلت انو اجتمعتوا .. انا متأكدة انو هالشي صار لما كانت اخوية ببداية انتشارها..يعني ما كان في هالعدد الكبير ... وشغلة تدبروا وقت ومحل لتجتمعوا فيه كانت اسهل بكتير من اذا بدك تحاول تعيدها هلأ !!!

نرجع للوقت الحالي .. برأيي انو اعضاء اخوية الموجودين هلأ فيهم يكونوا علاقات قوية بين بعض .. بس هنّي اللي مو قدرانين - او يمكن مو رضيانين - يعملوا هالشي .. لانه كل واحد ماسك شلّة من الاعضاء وماشي معهم ...شو ما عملوا بنصقّفلهم وشو ما غلطوا بنداري عليهم ...
ولا حتى بيحاولوا يتطلعوا شو عم يعملوا غيرهم ولا بشو عم يفكروا او يتناقشوا او حتى يقترحوا ... واكبر دليل على هالشي موضوعك هاد !!! ...
انّو فعلاً شغلة غريبة !!! .. وين الاعضاء النشيطين والمبلطين باخوية اللي كل ما ادخل بشوف اسماءهم بقائمة الاعضاء المنورين المنتدى حالياً !؟؟
يعني لا تقللّي لهلأ ما شافوا الموضوع !!!... ولا يمكن الموضوع ما بيهمهن لهالدرجة ؟!!؟ او يمكن القصة انّو ...... !!! ما بعرف .. ولا بدّي اعرف :pos: ... بس عنجد ... شي غريب !!!!!!!!!

mhmary

28/02/2006, 02:04

يعني كيف فينا نخلص من مواضيع السخافة والعلقات اللي ما الا طعمة
كيف فينا نخلص من هاللخبطة اللي عم بتصير

بالنسبة لسؤال الأول يعني بسيطة كتير كل مشرف على قسمو يتبع سياسة الحذف اي موضوع مانو كفو عالأرشيف بدون مناقشة (بس طبعا ما اي موضوع ما بيعجبو للمشرف لأ أي موضوع سخافة) أنا هلق فيني فوت احذف 30% من المواضيع الي بالموقع
عفكرة عملية الحذف كتير منيحة اول شي موضوع واحد بالقسم يشارك في كل الأعضاء ويكون علي القيمة ونستفيد منو احسن من عشرة مالون طعمة وكمان الي بينحذفلو موضوع مرة وتنين بيصير بيدور على مواضيع خرج تنحط وبيقل العلاك المصدي

السؤال التاني بدك تشرحلي شو قصدك بالخبطة بعرف داقت خلاقك مني بس انا بحب اني جاوب على ضوء........

واذا خطر بيبالك اسألة تاني انا جاهز

hanny dagher

28/02/2006, 03:18

mhmary

28/02/2006, 03:27

انا قصدي اللخبطة
يعني انو موضوع بينزل باكتر من قسم واكتر المواضيع نازلة مو بمحلا
يعني مثلا مبارح نزل موضوع اعرف شخصيتك من طريقة نومك نزل بعلى الطاير اول الشي بعد بكم ساعة نزل بالصالون يعني انو في كتير مواضيع عم يصير فيا هيك

ابو الهن هاي مسألة بسيطة كتير يعني لازم كل مشرف يعرف شو المواضيع الي لازم تكون بقسمو وشو المواضيع الي ما لازم تكون
بس هيك بكل بساطة يعني اذا مشرف شاف انو هادا الموضوع ما محلو هون بيغير محلو وبس:سوريا:
اذا عندك اسالة تاني انا بيسعدني لأنو لسا ما حطيت ايدك على الجرح

hanny dagher

28/02/2006, 03:34

يا سيدي بس نحنا ما فينا نعتمد على المشرفين بكل شي لانو مو كل الوقت على الانترنت
نحنا كمان لازم من حالنا نتابع الاقسام ونعرف كل قسم شو المواضيع اللي لازم تنزل في
يعني تحت كل قسم مكتوب تعليق هالقد قدو في وصف القسم ليش ما منستفيد منن

طيب خيو انا ما حطيت ايدي على الجرح ساعدنا وحطا انتي بلكي منقدر نطلع من الوضع اللي نحنا في
يعني انا ما نزلت الموضوع مشان اسال انا بس لازم كلنا نتساعد بهالشغلة وكل واحد عندو سؤال يحطو

mhmary

28/02/2006, 03:38

hanny dagher

28/02/2006, 03:45

fady juventus

28/02/2006, 12:23

عفكرة عملية الحذف كتير منيحة اول شي موضوع واحد بالقسم يشارك في كل الأعضاء ويكون علي القيمة ونستفيد منو احسن من عشرة مالون طعمة وكمان الي بينحذفلو موضوع مرة وتنين بيصير بيدور على مواضيع خرج تنحط وبيقل العلاك المصدي

هاد الحكي المظبوط ، المشرفين لازم يضلوا متواصلين مع المنتدى بحكم المهمة اللي مكلفين فيها والله يعطين العافية بكل الأحوال ، بس المشرف اللي مانو قد الحمل ... يبعد ويترك مكانو لحدا أفضى أو أقدر على ضبط الأمور.
المشرف صاحب مسؤولية و عليه واجب قبل ما يكون شخص مميز أو على راسو ريشة متل ما بعض المشرفين"يا حرام" معتقدين.
ووقت بدها تنحزف المواضيع السخيفة وبشكل مستمر ، رح ينضبط الوضع ، لأنو الشخص المخرب أو الغليظ رح يمل من تنزيل مواضيع عم تنحزف بسرعة ، ورح يصير يفكر ميت مرة قبل ما يحط موضوع يطيرلو اياه المشرف.

و بالنسبة للجرح شو قصتكن ما حدا حابب يحط إيدو عليه :?
إذا قرفانين ... أنا بحط إيدي ما عندي مشكلة :lol:

mhmary

02/03/2006, 06:10

لاء المشرفين مو كافيين

لانو انا فيني نزل الف موضوع نكت والف موضوع كمبيوتر والف خاطرة بالصالون وخلي مجد وسعيد يكفرو بالعبري وما يخلو عليي مسبة ويشهقو وما يلحقو وفيني نزل كل وحدة بقسما وكون ساعدت كتير بالتنظيم يعني المشكلة مو بالمشرفين المشكلة فينا نحنا

وانا ناطر ايدك لتنحط على الجرح بلكي بتكون الا سحر وبتشفي

طيب رح حط ايدي على الجرح بيبساطة أنو مستوى الأعضاء عم يتنازل يعني عم بيدخل كتير أعضاء مستواهم متل مستوى المواضيع ألي انت عم تحكي عنا يعني وقت بتقلي شو الحل لنلغي المواضيع التافهة هادا هو الجرح أنو الموضوع بيعبر عن مستوى العضو الي بيحطو لهالموضوع من شان هيك وقت بتشوف مستوى المواضيع عم ينزل معناتا مستوى الأعضاء عم ينزل

شغلة تاني انو صار في تغير كبير بطريقة المشاركة بالمواضيع يعني بيجي شي واحد بيكتب موضوع بتلاقي شي 5 صفحات ردود بس كلا عبارة عن محادثة عادية بين الأعضاء وبرات الموضوع هادا الشيء سببو انو العضو بدو يحاول يجمع عدد مشاركات كبير بغض النظر عن محتوى المشاركة

كمان شغلة مثلا أقسام القصة القصيرة والشعر وهالشغلات مثلا بتفوت بتلاقي انو الردود كلون عم يمدحو المواضيع ما في اي نقض انا بتذكر من زمان كنت أستحي أكتب رد على شي خاطرة بأنو بس قول (حلوة شكرأ) هلق صرت أستحي فوت حط نقض او عين الأخطاء لأنو بدو الي كتب5 هاشغلة ينزعج ما عد في هدف الفائدة

هيك شغلات يعني يالأضافة انو المواضيع الصغيرة الي بتنقرا بسرعة عم تاخد ضجة أكبر لأنو متل ما قلتلك الأعضاء عم ينزل مستواهن وعم تصير المشاركات اكتر ساخفة عم بيصير هدف التسلية والمحاثة العادية بين الأعضاء غالب على الأستفادة من المواضيع

hanny dagher

02/03/2006, 06:23

انا اسف ما بقدر رد هلا لانو ما عندي كيبورد عربي وعم اكتب بواسطة موقع والكتابة صعبة كتير رح رد باقرب فرصة انشالله

hanny dagher

03/03/2006, 03:42

طيب يبا هدول شوية من الجروحة مو كل الجروحة يعني انتي طرحت شوي وانا طرحت شوي
بس بيبقى السؤال انو كيف فينا نداويين
يعني ما حدا يقلي انو المشرفين ما فينا نعتمد بكل شي على المشرفين
نحنا لازم نبلش من حالنا وننزل مواضيع قوية
وفي شي طرحتو ليلى اسمو تقييم المواضيع و في شي اعلام عن مشاركة عاطلة
في شي انو هالاعضاء اللي ملاقاي انو في شي غلط هيي تتحرك وتشتغل تنزل مواضيع قوية تفتح ابواب للنقاش حاجي قاعدين وعم نحكي مني وجر يعني ما بدي حط الحق على بقية الاعضاء لاني انا كمان في عليي حق لانو صرلي زمان ما نزلت مواضيع تضل بالصفحات الاولى وترد بقية المواضيع السخيفة للصفحات الاخيرة

ورح اقتبس عن الحكيم قولو :
"بدنا بالنهاية مظاهرة متل الي بيطلعو بالافلام الابيض والاسود لما يتظاهرو الناس وماسكين ايدن بعض .. وشادين .. اي شادين ..

وبعدها اذا اذا نجحت المظاهرة وحققت اهدافها منضل ما سكين ايدين بعض ومننزل على الدبكة ..و مندق بقوة على الارض .. دقة وحدة .. وبكل قوتنا .. دقة وحدة ."

هيك بدنا نحنا

فيللا على الشغل