////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

يكفي مسخرة
يكفي مسخرة
هذا باسم كل مسيحي في هذا المنتدى ممن لا تصل اصواتهم إلى الإدارة
طلبنا كمسيحيين حذف الموضوع لأن فيه أساءة كبيرة لأنه يفسر الآيات كما يريد ويكتبها بشكل يسيء لنا ولمعتقداتنا ( بما أنو شغلة المعتقدات وحرية الصحافة شغالة هل اليومين )
وقد شاركنا بهذا بعض المسلمين وقد ردينا بردود على الشخص الذي كتب المقالة وكتب الأخ البابلي قصائد تماثل هذه القصيدة فكان الرد من المشرف المحترم سيزار هو الآتي وهذا بعد حذف قصائد البابلي




أسف على التأخير لكن الأعمال كثيرة
و بإمكانكم ارسال رسالة خاصة في حالات مماثلة

لن يغلق الموضوع في الموضوع الأساسي لا شيء يسيء انما هو رأي و انما في الردود المتلاحقة أي من رد محبة و نازل بلشو الشباب تخبصي

لذلك سأترك موضوع الردود لضمائركم

هذا هو الرد المفحم الصاعق العادل الذي رد به المشرف الحيادي الذي لا يوجد عنده اي تحيز أبداً أبداً علينا ولكن بما أننا همجيين ومتحيزين ردينا عليه

غريب كل العالم غلط وحضراتكن الصح وصف الله بسبب تفسيراته الخاطئة التي شرحت أكثر من مرة ولكن كالعادة آذان تسمع ولا تفهم ماتسمع أمر طبيعي وعادي ووصف المسيحيين باقبح الأوصاف أمر عاد ولكن رسم صور لمحمد أمر غير عادي ومرفوض
وكل الذين أعترضوا بالموضوع وهاجوا اي كل المسيحيين على غلط وحضرتك سيد سيزار وحضرة المجاهد على حق
عفواً نسينا أن الحق دائماً مع الإسلام ببلادنا العربية كتب على طول الطريق تهاجم المسيحية ولا أحد يعترض ولكن ماأن نكتب حرف واحد ضد الإسلام حتى يصبح هذا كفر يستوجب الموت
ورد عليه احد الأخوة المدعو samolb

اطالب ادارة الاخوية بتغيير مشرف حوار الاديان


ورد القلب المثنى وهو أخ مسلم

كلامك صحيح أخي محبة وأنا معك



فكان رده علينا
محبة ممكن تخلي عنصريتك على جنب بعدين رد بـ ( حوار الأديان )
ولذلك أطالب الإدارة للمرة الثانية بوضع حد لهذه المهزلة التي تحدث ولا ننسى المهزلة التي حدثت منذ شهر تقريباً أو أكثر مع أنسر مي مسلم ولم تتخذ الإدارة أي إجراء بل هي على سياستها تفضل أن تخسر العضو تلو الآخر على مايبدوا لكي تكسب اعضاء من الوهابية ( مع أحترامي للجميع )
ونذكركم بقول الشيطان لخليل بمسرحية رحلة شيطانية ولكن هذا لمن يفهم ماوراء الكلام فقط
ماحدا بيراهن على الحصان الخسران حتى لو كان اصيل بس الكل براهن على الحصان الربحان حتى لو كان ........
مع تحيات فاوست
سلام

وارجو للمرة الأخيرة أن نقول يكفي مسخرة بنيتم بالبداية المنتدى على انه مسيحي فليس من ذنب الأعضاء المسيحيين فيه أن تلغوا صفة المسيحية عنه وتستبدلوها بهذه التصرفات بالوهابية

للتذكير فقط بمشكلة انسر مي مسلم الذي ترك المنتدى بسبب هذه التصرفات وهي حذف مواضيعه بدون سبب
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
بارككم الله

قل لي من بدأ بالسباب بالموضوع أرئيت كلمات البابلي
قارنها بأي كلمة من كلمات مجاهد

و موضيع السباب تملأ حوار الأديان من كلا الطرفين أبحث عن موضيع محمد
و لكنك تقبل ان تمس مقدسات الآخرين دون المساس بمقدساتك
و انا تركت هذا الموضوع لأصل الى هنا

انكم ( محبة و البابلي و سامبل ) و هناك آخرين تقبلون بالكلام على مقدسات غيركم و الكن تقلبون الأرض عندما يمس أحد مقدساتكم
-------------

هناك خطوط حمراء يتعداها كلا الطرفين مسلمين و مسيحيين يجب ان يوجد لها حل
------------

انا لست سوى عامل نظافة في حوار الأديان أكنس ما يلقى من أفواه الأعضاء
و لم أورط نفسي في هذه المهزلة ( ما يسمى بحوار الأديان ) إلا لأنني أشعر بالعار عندما أرى السباب و الشتم من الزنار و نازل قد عرض في أخوية
و كان حوار الأديان قد بقي بلا مشرف فعرضت على الحكيم ان أستلم الحوار على الأقل لأبقيه على الأقل ضمن الخط الزهري و ليس الأحمر

--------------
و مشكلة أنسر كنت بررت سبب حذف الموضوع و انتهينا و لن أقبل يد أحد حتى يبقى لو كان يريد البقاء لبقي
من أقوال حكيمنا ( يلي بدو يبقى أهلا و سهلا في و يلي بدو يروح الله معو )
--------------
وارجو للمرة الأخيرة أن نقول يكفي مسخرة بنيتم بالبداية المنتدى على انه مسيحي فليس من ذنب الأعضاء المسيحيين فيه أن تلغوا صفة المسيحية عنه وتستبدلوها بهذه التصرفات بالوهابية

يعني ازا متل ما عم تقول لازم يلتغى حوار الأديان أو يحول الى ( قرب و شوف و تمسخر على باقي الأديان )
لأنك بهل حالة عم تلغي رأي الطرف الآخر و ما بظن هي سياسة أخوية
--------------------------------------------------------------
ملاحظة قد تهم البعض :
انا بالجواز مسلم ( لأنو جد جدي مسلم )و لكني لا ؤمن بالأديان
اتعامل مع ربي مباشرة
العبرة اني ما بهمني ازا الواحد مسلم او مسيحي

قل لي من بدأ بالسباب بالموضوع أرئيت كلمات البابلي
قارنها بأي كلمة من كلمات مجاهد
يا أمة بلا عقل قد سخر منكم الأنام
فمن تعبدي يا أمة ضحكت عليكي الأنام ؟
أهي العقول برأسكم أم هي رأس البقر

هذه ماذا تسميها سيد سيزار مدح
من أول جملة فيه وهي العنوان الكلام شتم وسب بطريقة من الطرق ولكن أعود وأكرر
أن الأمور تقاس بمقايسكم أن يقول عني المسلم كل يوم كلمة كافر ويشتمني ويسبني ويتهمني مئة أتهام وأتهام باطل هذا حق لأني بنظره لا أؤمن بمحمد أما أنا إن كتبت كلمة واحدة على محمد استوجب المحاكمة هذه مسخرة وقمة المسخرة
موضيع السباب تملأ حوار الأديان من كلا الطرفين أبحث عن موضيع محمد
و لكنك تقبل ان تمس مقدسات الآخرين دون المساس بمقدساتك
و انا تركت هذا الموضوع لأصل الى هنا
أسمع سيد سيزار عندما أناقش مسلم اجلب لهآيته وأجلب له حديثة من مصدر إسلامي وشرحهما من مصدر إسلامي وأناقشه اعطني أسم مسلم واحد جلب لي شيء من مصدر مسيحي فبالتالي أنا عندما اهاجم افكاره اهاجمها بإعتراف مصادره اما هو يهاجمني كما يرى الموضوع شيوخهم ومضوع قصيدة المجاهد موضوع إن رد عليه فرد على الأقل بعشر صفحات بهذا المنتدى قبل هذا ولكن أن يقدم بطريقة اننا امة لا تفهم وامة بلا عقل هذا الكلام مرفوض ليقدم شبهة ونحن نجيب ولكن يقدم شيء ويحكم سلفاً أننا بلا عقل هذا مرفوض
انكم ( محبة و البابلي و سامبل ) و هناك آخرين تقبلون بالكلام على مقدسات غيركم و الكن تقلبون الأرض عندما يمس أحد مقدساتكم
تقصد كل المسيحية بمنتدى حوار الأديان أنا حوار الاديان كان ومازال مرتاح مني بس دخولي بناء على طلب بعض الاشخاص الذين سيتركون المنتدى على شعرة بسبب هذه التصرفات
ولا تنسى أن المسلمين انتقدوا الموضوع مثل قلب المثنى وطلبوا حذفه لأنه مسيء وهدفه الإساءة وأيضاً وحتى الحق أحق أن يتبع كتب
يا ادارة المنتدى اطالبك بحدف هذا الموضوع قبل التمادي في هذا الصراع!!!!
وتقول لي لم يقل شيء
مشكلة أنسر كنت بررت سبب حذف الموضوع و انتهينا
لا لم ينتهي لأن تصرفاتك جعلت المنتدى يخسر شخص من اهم المحاورين فيه وأنت بمراجعتك للموضوع لم تعطي أجابة قاطعة وصريحة لحذف مواضيعه هذه نقطة أما النقطة الأخرى
من أقوال حكيمنا ( يلي بدو يبقى أهلا و سهلا في و يلي بدو يروح الله معو )
فأنا بأنتظار رأي الحكيم أهذا رأيه الصريح إن كان هذا رأيه أذكره أن هذا المنتدى لولا نشاط من تركوه بسبب الهمجية لما وصل لهذا المستوى ولا أظنه سينكر فضل الأقدمين بالمنتدى على هذا المنتدى فإن قال هو هذه الكلمة فهذا يدل وبصراحة على عدم أخلاق والسبب هو نكران عمل الآخرين ولكن مع هذا أظنه لم يقل هذه الجملة ولذلك ساساله بشكل مباشر حكيم هل تفضل الهمج والقليلي التربية والمتخلفين أصحاب العقل الوهابي الرائع على أعضاء المنتدى الاساسيين ؟

يعني ازا متل ما عم تقول لازم يلتغى حوار الأديان أو يحول الى ( قرب و شوف و تمسخر على باقي الأديان )
ياريت تسأل كريم على اقتراحي

أعود وأكرر أن المثل الشائع يقول من غير الممكن أن يكون رأي الاغلبية هو الخطأ ورأي شخص واحد هو الصحيح
بإنتظار جوابك الصريح حكيم إما أفضل الوهابيين أو أفضل اعضاء المنتدى

تحياتي
بعد ألقاء النظر عالموضوع و الردود الموجودة
سيزار بعتذر منك بس فعلا الموضوع بيمس المعتقدات المسيحية بشكل واضح و طريقتو استفزازية فهو لا طريقة شعرية هادفة ولا هو موضوع بناء يتم التطرق إليه بهدف حوار يعني بمعنى تاني موضوع ما ألو غير مغزى واحد هو المساس بالمعتقدات الأخرى غير المسلمة و هذا بينطوي تحت العنصرية
بشكل تاني حوار الأديان هو حوار معتقدات بهدف طرح أفكار و النقاش حولها بطريقة بنائة ... الأسلام اليوم بيرفضو حرية التعبير الدينماركية تحت طائلة التعدي على المعتقدات الأسلامية و على رسول الله و هذا شي كل العالم بتستنكرو لهيك كيف بيسمح لنفسو الأخ و بيتطاول ع معتقدات غيرو
هذا الحكي بالنسبة لهذا الموضوع أما بشكل عام
سيزار حرية الرأي ضرورية جدا بس برأيي في مقدسات لدى كل الأطراف و يرجى احترامها من كل الأطراف مسيحين و مسلمين نحن هدفنا حوار راقي و عرض لمعتقدات و ليس انتهاكها
انشالله تفهموني

انا معكون يا شباب الموضوع خاطئ و أكيد ماني فرحان في
بس قلبو صفحة صفحة حوار الأديان صاير مو حوار هاد بسب على هاد و هاد بسب على هاد
هاد بقلو انتو بتشربو بول البعير و التاني بقلو أشياء لا أستطيع ذكرها

العبرة أنو
يا بدكون تعتبرو المنتدى حيادي ولا يقبل ذم أي طرف للآخر يا أما قولو انو مسيحي بحت ساعتا بدكون تسكرو حوار الأديان و متل ما قلت تحولو الى اظهار نواقص الآخر ( و ليس الحوار معه )
انتم تعلمون ان طرق الحوار المتبعة ليس هنا( أقصد حوار الأديان )فقط بل في جميع منتديات الحوار
يصل فيها الحد الى الشتائم هون عنا حلين
اما العمل على قانون يمنع تهكم كل الأطراف و اما اغلاق الحوار نهائيا
في حوار الأديان اناس كفء و يحترمون بعض ( من كلا الطرفين ) بس مدري شو بصير فجأة ببلشو سبسبة على بعض مليون مرة بلشو من جديد و صفحة جديدة بس الصفحة عم ترجع تتلطخ
...
تحياتي مجد
ما بدي اعتذار لأنو ما بدي غير الصراحة
و في نقطة انو ليش ما بتنتبهو غير بس على يلي بمس المسيحيين مو في مليون موضوع مسيء للمسلمين و رسولون و مليون تانين مسيء للمسيح و الصليب
بس كان هذا الموضوع الشعرة يلي قصمت ظهر البعير ( اسف على التشبيه بس قصدي العبة منو )

انا ما بدي غير حل لهل مسألة
و بدي انو اخوية تبقى نظيفة


تحياتي محبة

انا معكون يا شباب الموضوع خاطئ و أكيد ماني فرحان في
هيك معناتا دعمنا توجه خاطئ و هذا خطأ أكبر
بس قلبو صفحة صفحة حوار الأديان صاير مو حوار هاد بسب على هاد و هاد بسب على هاد
هاد بقلو انتو بتشربو بول البعير و التاني بقلو أشياء لا أستطيع ذكرها
كمان شي مو صحيح يكون هذا شكل الحوار
يا بدكون تعتبرو المنتدى حيادي ولا يقبل ذم أي طرف للآخر يا أما قولو انو مسيحي بحت
يا حبيب القلب المنتدى حيادي لأنو ماعم ينادي لأي توجه ولا عم يشد الحبل لأي طرف أما برأيك أن كان مسيحي فهو يقبل ذم طرف أخر ؟؟
اما العمل على قانون يمنع تهكم كل الأطراف و اما اغلاق الحوار نهائيا
أنا مع منع التهكم حيادية أكيد للحصول ع حوار نضيف بس المشكل أنو السوس أكلنا يا مسبات بالموضوع يا بلا
في نقطة انو ليش ما بتنتبهو غير بس على يلي بمس المسيحيين مو في مليون موضوع مسيء للمسلمين و رسولون و مليون تانين مسيء للمسيح و الصليب
أبو السيز الأساءة للطرفين غلط بعدين أنت يلي لازم توقف هالتهكم يلي عم يصير و ماتسمح لحدا يغلط لهدف الغلط يا يتبعو نقاش راقي و هادف و طبعا مابيخلى الأمر من مشاحنات بس مو هيك


آسف بس هي وجهة نظري فقط دون النظر لخطوط القسم أو المنتدى

هاد بقلو انتو بتشربو بول البعير و التاني بقلو أشياء لا أستطيع ذكرها
مع احترامي لرد هير ايم وله الشكر
سيزار عندما يأتي مسيحي لعند مسلم ويقول له أنت تشرب بول البعير هل ياتي بمصدر إسلامي أم مسيحي ؟؟؟؟؟؟؟؟؟؟؟؟؟ وبتفسير معتمد إسلامي أم مسيحي ؟؟؟؟؟؟؟؟؟
أما عندما يأتي مسلم ويقول لمسيحي أنت تؤمن بثلاث أو أنت ألخ من التخاريف ماهو المصدر الذي يجلبه
عندما أقول لك شيء جلبته من مصدر يخصك انت فلا يحق لك أن تعترض إما أن ترفض مصدرك وتتبرا منه أو توافق عليه وعندها تتقبل المناقشة
لو الأخ مجاهد جلب الآيات مع تفسيراتها المعترف بها لما أعترض احد
في نقطة انو ليش ما بتنتبهو غير بس على يلي بمس المسيحيين مو في مليون موضوع مسيء للمسلمين و رسولون و مليون تانين مسيء للمسيح و الصليب
كل شيء بدون دليل أو رابط معتمد يخص هذا الشيء يجب أن يحذف أما إذا كنت جايب شي مع رابطوا المعتمد فلا يحق لأي أحد أن يعتبره تهجم

محبة افهمني ارجوك
لست بصدد الحديث عن طرق الحوار انما اريد التوصل لحل جذري

اقرأ كل كلامي انت رددت على أشياء ان ذكرتها كأمثلة

انا مضطر الى الذهاب الآن
تحياتي

الحل الجذري إلغاء حوار الأديان ووضع بدلا منه منتدى يسمى الشبهات الوهمية حول المسيحية الفائدة من هذا :
1- إن كان توجه الأخوية مسيحي فهي تهتم بإظهار النظرة الخاطئة عن المسيحية للأخوة المسلمين
2- عدم المساس بأي معتقد إسلامي لأن المساس بالمعتقدات الإسلامية هي التي تجعل المشاركين المسلمين يثورون دون ان يعلموا لماذا يثورون رغم ان كل كلامك يكون مأخوذاً من مراجعهم وبالتالي لن يكون هناك سب متبادل وشتائم
3- هدف المنتدى هو طرح شبهة والرد عليها وليس نقاش الشبهة فقط رد دون مناقشة لأن المناقشة البيزنطية غير مفيدة
4- لن يكون هناك سب متبادل لأن طارح الشبهة يجب أن يطرحها بطريقة حضارية ويتم الإجابة عليها بطريقة حضارية والشبهة المخالفة تحذف فوراً
5- لا يوجد داعي لفتح منتدى عن الشبهات الإسلامية فالمسيحية لا تكفر احد ولا تختلق الأكاذيب بل كل كلامها مأخوذ من أم الكتب الإسلامية وليس المسيحية ( مع احترامي لجميع المسلمين ) والتفسيرات التي سيقدمها المسلمون سلفاً سيرفضها المسيحيون لأنها ستخالف التاريخ والعلم وخاصة عندما يأتي بعض المتشددين ويقول التاريخ يخطأ والتاريخ غلط والعلم غلط والقرآن هو الصحيح ( إن كان كلامي خطأ أورد شخص مسيحي واحد يقول أن التاريخ والعلم غلط والإنجيل هو الصحيح )

أنا هذا هو الحل الجذري برأيي

شكرا
ما عندي مانع
بانتظار آراء الشباب

ونذكركم بقول الشيطان لخليل بمسرحية رحلة شيطانية ولكن هذا لمن يفهم ماوراء الكلام فقط
ماحدا بيراهن على الحصان الخسران حتى لو كان اصيل بس الكل براهن على الحصان الربحان حتى لو كان ........
مع تحيات فاوست

عفوا انا ما حضران هاي المسرحية ، وما بعرف شو بديل النقاط ، وما فهمت او خليني كون صريح ما بحب افهم انو الحصان الخسران هوي فلان من الناس او الطائفة كذا !
بعدين مين هذا فاوست ؟؟ :?


وارجو للمرة الأخيرة أن نقول يكفي مسخرة بنيتم بالبداية المنتدى على انه مسيحي فليس من ذنب الأعضاء المسيحيين فيه أن تلغوا صفة المسيحية عنه وتستبدلوها بهذه التصرفات بالوهابية

ما صح هال الحكي ، ما صح هال الحكي ، ما صح هال الحكي ..
بدي استأذنك تجبلي مرة واحدة فقط قلت فيها انا _او اي اداري_ ان المنتدى مسيحي!

(.. بسنة اولى اول ما رحت القاهرة ، كان السؤوال اليومي الي بنسئلو _وعلى اعتبار في تباين طائفي كبير هونيك _هوي : انت مسيحي او مسلم ، وكان دائما جوابي : انا سوري!!)

يا عزيز ، رجاء تتفهم انو في اختلاف _وليس خلاف_ بيناتنا ، انا بفهم الدين بطريقة غير الي انت بتفهما ، معلش انا بحترم فهمك للدين وفهم فلان من الناس وفهم غيرو ، فرجاء قدر اني انا بفهم الدين بغير طريقة ،
فرجائا تعتقني من موضيع توصيف أخوية كمنتدى مسيحي ، اخوية منتدى سوري . (نقطةعلى السطر) وانا نفسي ماني مسيحي!! _ولا مسلم ولا ملحد ولا غيرو_ ، انا سوري سوري سوري
و من باب اني برفض ينلزق عليي ماركة متل البسكوت !!
(البسكوتي بتتعلب وقبل ما تطلع من المعمل بينطج عليها ماركة بتصير ماركتها ، وبرفض كون بني قادم طلع من بطن امو قام انطج عليي ماركة انو هذا مسلم او هذا مسيحي او هذا بطيخ )

بس ما بخفيك ولا بخفي أي كان ، ان بفضل _جدا_ نمو المنتدى وزيادة الأعضاء بيه من المسيحيين (والملحدين والادينيين و ..)، وبميل لهذا مش من باب طائفي اطلاقا وانما من باب ان المسيحيين ولا الادينيين ولا الملحدين بشكل عام عندهم قدرة على تقبل الآخر اكثر من غيرهم .. وعندهم قدرة مكتسبة و موروثة ، في فصل الدين عن الدولة في فصل الدين عن العلم في فصل الدين عن نقاش العقل في فصل الدين عن ما ليس ديني وهيك .. لهيك بشكل عام برتاح لمن يزداد عدد هال النوع من الأعضاء بالمنتدى ، وبقلق لمن بيزداد عدد المتشددين (مسيحيين او مسلمين او شو ماكانو)

تصوري لأخوية كإنعكاس ايجابي بنّاء للواقع .. يعني صورة محسنة من الواقع او صورة مستقبلة للواقع ، ومجتمعنا السوري الفسيفسائي فيه من كل الأطياف والألوان ، وهذا عامل اثراء مهم جدا ، وبفضل حافظ عليه -التنوع- بأخوية ، و من مصلحة الجميع التعايش مع الواقع بواقعية ، يعني مافينا نهمل ونتجاهل المسلمين بالنت او بمنتدى بالنت لانو هني بالشارع وبحياتنا وبمجتمعنا وبكل تفاصيل حايتنا موجودين ، ومافينا نتجاهل المسيحي (موجهة للمجتمع المسلم) بالنت بمنتدى ما او موقع معين لانو المسيحية موجودين على الأرض و بكل تفاصيل الحياة وهيك ..

بالتالي بالتالي ، ليكون منتدى بنائه سليم ، صحّي ، لا بد من وجود جميع الأطياف والتيارات بيه ، ليعيشو باللنت بطريقة متقاربة والواقع ،
فشو الفائدة اذا كان منتدى كل الي فيه اخوان مسلمين ، ولمن ينزلو على الشارع يلاقو الشيعي والعلوي والمسيحي والملحد ...... شو الفائدة اذا شو ما حكيت اتلاقي كل الناس عم بتصفق وعم بتعيد وتعلك نفس الأفكار ونفس الكلام ، التنوع شيئ اساسي للإغناء ..

اما بالنسبة للمشكلة الي طرحت على ضوئها موضعك ، فالرابط الي انت حاطو هو رابط حوار الأديان وليس موضوع محدد ، وعليه ما قدرت اطلع على المشكلة (بحبشت بس مافي امكانية اقراء كل المواضيع لاعرف شو المقصود ، اذا ممكن حدى بيعرف الموضوع يحطلنا رابطو)

من أقوال حكيمنا ( يلي بدو يبقى أهلا و سهلا في و يلي بدو يروح الله معو )

فأنا بأنتظار رأي الحكيم أهذا رأيه الصريح إن كان هذا رأيه أذكره أن هذا المنتدى لولا نشاط من تركوه بسبب الهمجية لما وصل لهذا المستوى ولا أظنه سينكر فضل الأقدمين بالمنتدى على هذا المنتدى فإن قال هو هذه الكلمة فهذا يدل وبصراحة على عدم أخلاق والسبب هو نكران عمل الآخرين ولكن مع هذا أظنه لم يقل هذه الجملة ولذلك ساساله بشكل مباشر حكيم هل تفضل الهمج والقليلي التربية والمتخلفين أصحاب العقل الوهابي الرائع على أعضاء المنتدى الاساسيين ؟

نعم انا قلت هال العبارة كما هي سابقا ، اي بس ما فهمت شو المزعج فيها ،
اخوية ليها خطوط عريضة ، الي بينسجم وخطوطها العريضة يا ميت هلا فيه ، والي بدو يفلّ (على قولة اللبنانية) بسبب انو ما عجبتو استراتيجية اخوية وخطوطها العريضة فشلون يعني بدنا نعمل غير انو انقلو الله معو؟
انو انغير خطوطنا على حسب رغبات الأعضاء ما بينفع !
الي بيتفق و خطوط الموقع العريضة وتوجهه اليبرالي العام ميت هلا فيه ، والي ما بيتفق وهذا فمع اسفنا الشديد بس ما فينا غير نتمنالو التوفيق !

اما عن الأعضاء القدام والجدد ،
طبعا احنا ندين بالإمتنان لكل من حط حرف بأخوية ولكل من ساهم بالقول او بالفعل في اعمار الموقع ، بس ما منفضل حدى على حدى ، بمعنى
في شيئ اسمه الإصطفاء الطبيعي، يعني الموقع ليه توجه معين ، بيسجل عضو بيكتب شوي بعدين بيكتشف انو توجه الموقع غير توجهه الخاص ، بيترك الموقع ،
بيسجل عضو بيكتب شوي بيلاقي انو توجه الموقع يتفق وتوجهه الخاص والشخصي بيلزق وبيحب الموقع اكثر ..
وهيك مع الوقت رح يفضل بأخوية الناس الي آمنو برسالة الموقع (اذا صح التعبير المجازي هذا ) والناس الي اتفقت و خطوط الموقع .. ورح يترك الموقع الي ما انسجمو معو ..
بس كل هال الحكي شيئ طبيعي وبيحصل بأي مكان بالعالم وبأي منتدى ،،، يعني وين ما كان مع الوقت بيبلش التمايز ، بيفضل الأعضاء الي خطهم وخط الموقع متقاربين و بيروح الي ما اتفقو والموقع وهيك ..

ولذلك ساساله بشكل مباشر حكيم هل تفضل الهمج والقليلي التربية والمتخلفين أصحاب العقل الوهابي الرائع على أعضاء المنتدى الاساسيين ؟

افضل من يتفق وينسجم ويفهم خط و توجه الموقع ، حتى لو كان بربري الجزور تتري الهوية!
وما بفضل الي توجهو لا يتفق وتوجه الموقع ، حتى لو كان عضو بمجلس اللوردات البريطاني ولا سيناتور اميركي ولا من الصحابة او من الأشراف !

بأخوية ما حدى بيطلعلو يزاود علينا بالنسب بنوووووووووب ،
احنا هون من اهم واشهر واحسن عائلة عرفتها الأرض ... ونسبنا معروف للكل وما بيطلع لحدى يشكك فيه بنوب
احنا من عائلة الإنسانية و نسبنا بيرجع لآدم .,, اي نعم آدم من جدودي (وجدودنا) -بعتقد ما بيطلع لحدى يزاود علينا او يشكك بعراقة اصلنا مو ؟-
ومن يتفق بإنتمائه الأول لهال العائلة ولهال النسب الشريف العريق مننبسط بوجودو بيناتنا ،

أعود وأكرر أن المثل الشائع يقول من غير الممكن أن يكون رأي الاغلبية هو الخطأ ورأي شخص واحد هو الصحيح
بإنتظار جوابك الصريح حكيم إما أفضل الوهابيين أو أفضل اعضاء المنتدى

باسم: شخص ممتاز جدا ، عندو ثقافة عالية ، ومتفهم وواعي ومحب للناس، وشاطر بحياتو وبردسو و بيفهم كتير ,,, يعني باسم شخص من افضل الأشخاص ..
رباب: شخصة منيحة ،، بس يعني كيف ظروف حياتها ما سمحتلها بالتعرف عن كثب على الأفكار الأخرى ،، لسبب او لآخر ما صحلها تنفتح على الأخرين ونشأت بنوع من الإنغلاق ,,

طيب اذا عملنا منتدى من نموزج باسم ، كلو ناس مثقفين واعيين فهمانين ،،، شي رفع رفع .. وعلى كيف كيفك ..
شو نحنا قدمنا للمجتمع ؟ شو فدنا الإنسانية والبشرية ! ماهو كلون ناس من احسن ما يكون .. الي حيصير فعلا حيكون في جو حلو بيناتون ويتسلو مع بعض كتير ، ورواق على كيفك بيكون المنتدى بس هذا منتدى سلبي .. سلبي يعني ما عم بيقدم شي

نموزج 2 - لو كان كل الي بالمنتدى من نوع رباب،، منغلقين ... بدون وعي او ثقافة .. بدون قبول للأخر ..
شي بيهوي .. حيكون منتدى بيهوي لانوكل الأشخاص سيئين

نموزج 3- لو جمعنا بمنتدى واحد ناس متل باسم مع ناس متل رباب،
الي بيصير انو صحي رح بيكون المنتدى مش متل النموزج 1 على اعتبار انو في نمازج من رباب كتيرة بالمنتدى ,, وانو رح بيعكرو الجو على الباسميين .. بس عمليا الناس الي متل باسم بياخدو بإيد الناس الي متل رباب ، بتتحسن رباب ، بيصير عندها ثقافة بيصير عندها وعي وقبول للأخر وهيك ..

اصدي قول انو اخوية موقع بنائي (واشرت لكلمة بنائي بأدبيات الموقع سابقا كثيرا ، لقول وكون دائما عم قول انو اخوية ليه دور ببناء المجتمع ، وليس منتدى فئوي او نخبوي ... )
يعني بنظرنا اهمية وجود الأشخاص المناح ليست من باب انو يصير في ناس مناح بالموقع وكفاها الله ، وانما استقطابنا للناس المناح اولا من باب انو بيقدرو يساعدو المامناح لحتى يصيرو مناح ،، بيقدرو ياخدو بإيدي الأقل منهم فهما او استيعابا او تقبلا للآخر ..

يعني مرة أخيرة اخوية بيهمها تستقطب الناس المانون مناح بنفس القدر الي بيهمها تستقطب الناس المناح ،
عرفت كيف ..
بحيث بيقدر الموقع يساعد المانون مناح لحتى يصيرو مناح ،، _هاي لو نظرنا للموضوع من اضيق الأبواب_ وهيك بيكون فعلا احنا ناس مؤثّرة فعالة بالمجتمع السوري والإنساني،

-------
لوضح شوي شغلة قايلها بإحدى الشروحات او الردود سابقا ، وهي موضوع التنفيس ،
انا ظاهريا ما بقدر ما انزعج من شخص متطرف (وليكن سوري) بيدخل الموقع وبيقعد يسب على المسيحيين مثلا ، وينعتهم بنعود يمين وشمال ،
بس باطنيا بنبسط ،
هذا الشخص معبّى ,,, مشحون ... هذا الشخص اذا نفس بوشي وسبني بيجوز يتخلص من كمية التعباي السلبية الي ممتلئ بيها ،
بس اذا ما نفس بوشي ولا بوش غيري .. ممكن ينفس عن الحقد الي جواه بإنو يلف حزام ناسف وينزل يفجر حالو بكنيسة او بسوق او بمول او وين ما كان ..

وهذا المثال عم بطرحو من اضيق الأبواب ،
يا جماعة .. الي بيكرهكم اذا سبكم ونفس عن الكره الي جواه بالسباب.. افضل الف مرة ما يفجر حالو فيكم او بأهلكم او احبائكم ...!!

يا اخي انا فلان تعى سبني للصبح ,, وسب اهلي وسب عشيرتي وربعي ,, ونفس كل الي محشاه جواك من حقد وغلالي ، ممكن اقدر بكلمة هديك وصحيك ،، ممكن اقدر بفكرة عدلك فكرك ،، بس اذا انت ضليت ساكت وكل ما بدك تحكي اجي سكتك انا ، كل ما بك تعبر عن شي اجي خرسك انا ، وعم تنتفخ بعلك افكارك نفسها ، فما بستبعد تفجر حالك واتفجرني واتفجر الدنيا كلها ...

اهم اسباب انتشار ظاهرة الإرهابيين وتناميها ، انو في فآت مغلقة ومنغلقة على نفسها ، عم بتعيد علك نفس الأفكار دائما ، وعم بتزاود فيها ، ...
لأسباب سياسية او اقتصادية او اجتماعية او دينية .. ما أتيحت ليها الظروف تتطلع على اي افكار اخرى او تيارات اخرى او توجهات اخرى .. سواء لانو كانو عم بيسكتوهم او لانو ما عم يسمعوهم ...
ونتيجة علك نفس الأفكار بينتهي بيهم الحال بالتطرف و من ثم الإرهاب ...

يا اخي ليش نادر اتلاقي مسلم اوربي اتحول لإرهابي
وسهل اتلاقي مسلم سعودي اتحول لإرهابي
مع انو نفس القرآن هوي هون هوي هون ..
ونفس الكتب تبع الحديث والتفسير وغيرها هيي هون هيي هون ..

بس الأوربي اتيحت ليه الظروف يطلع على فكر آخر ، اتيحت ليه الظروف ينفس عن غضب جواه بالسباب مثلا ، او بالنقد مثلا ، او بغيره ..
وهداك السعودي ، عم بيشوف بخلتقو نفس الناس ، عم يحكو نفس الأفكار ويعديو ويزيدو فيها .. اذا حقدو على شيئ مافي مجال ينفسو حقدهم فبيضل ينتفخ الحقد او الكره جواهم لحتى يصيرو متطرفين او ارهابيين او من هال الاشكال ...

وهذا ما بينطبق على المسلمين مثلا وحدهم ،
هذا بينطبق وبينطلي على كل المجتمعات المغلقة ،
شوف جماعة النازيين الجدد بألمانيا مثلا ؟ او السكين هيد مثلا .. نفس الشي .. السبب هوي نفسو ، بسبب الإنتماء القومي الشديد خلاهم هذا ينغلقو على نفسهم او بالأصح منعهم من الإختلاط بالأخرين بالتالي صارو يعيدو علك نفس الأفكار لحتى صارو متطرفين .. وهيك

الحل الجذري إلغاء حوار الأديان ووضع بدلا منه منتدى يسمى الشبهات الوهمية حول المسيحية الفائدة من هذا :
1- إن كان توجه الأخوية مسيحي فهي تهتم بإظهار النظرة الخاطئة عن المسيحية للأخوة المسلمين
2- عدم المساس بأي معتقد إسلامي لأن المساس بالمعتقدات الإسلامية هي التي تجعل المشاركين المسلمين يثورون دون ان يعلموا لماذا يثورون رغم ان كل كلامك يكون مأخوذاً من مراجعهم وبالتالي لن يكون هناك سب متبادل وشتائم
3- هدف المنتدى هو طرح شبهة والرد عليها وليس نقاش الشبهة فقط رد دون مناقشة لأن المناقشة البيزنطية غير مفيدة
4- لن يكون هناك سب متبادل لأن طارح الشبهة يجب أن يطرحها بطريقة حضارية ويتم الإجابة عليها بطريقة حضارية والشبهة المخالفة تحذف فوراً
5- لا يوجد داعي لفتح منتدى عن الشبهات الإسلامية فالمسيحية لا تكفر احد ولا تختلق الأكاذيب بل كل كلامها مأخوذ من أم الكتب الإسلامية وليس المسيحية ( مع احترامي لجميع المسلمين ) والتفسيرات التي سيقدمها المسلمون سلفاً سيرفضها المسيحيون لأنها ستخالف التاريخ والعلم وخاصة عندما يأتي بعض المتشددين ويقول التاريخ يخطأ والتاريخ غلط والعلم غلط والقرآن هو الصحيح ( إن كان كلامي خطأ أورد شخص مسيحي واحد يقول أن التاريخ والعلم غلط والإنجيل هو الصحيح )

أنا هذا هو الحل الجذري برأيي

الإقتراح حلو كتير ، بس يبدو انو في سوء تفاهم ، و بستغرب كيف صار هيك (اصدي سوء التفاهم)

حوار الأديان ما أنشئ كرمال يثبت المسيحي للمسلم فشل دينه او يثب المسلم للمسيحي فشل دينه ،
وحقيقة الأمر ان لم يكن بالحسبان (عند التفكير في انشاء القسم بالبداية) ان يكون القسم لنقاش الأشياء السبلية في كل دين ابدا ابدا ابدا ..
وانما لنقاش نقاط التلاقي في الأديان
ومنه كان الإسم حوار الأديان ، بحيث يكون بهال القسم منبر توافق بين الأديان ، بيتم بيه تباحث التقاربات بين الاديان وخاصة الاأديان الموجدودة بمجتمعنا ، بحيث ننظر لنصف الكأس الملآن وليس الفارغ ..

بس الي صار شيئ مش محسوب ليه حساب، وما قدرنا غيرناه ، او تفاديناه ..

والي عم بيصير اليوم هوي انو الناس عم تتطلع لحل لمشكلة حوار الأديان ، انطلاقا من واقعه الحالي وهذا الشيئ مش صح
لانو الواقع الحالي ما بيهمنا اصدي انو الي عم بيصير بالقسم ليس هدفنا ، والسيطرة على القسم ليست هدفنا ، وضبط القسم ايضا ،
الهدف من الأساس تم تماشيه بطريقة غلط

الي لازم يصير هوي اعادة حوار الأديان لفكره وتوجهه الذي بني عليه ، وهو ايجاد وتباحث نقاط التلاقي .. بين الأديان ،،
بصراحة اكتر ما مهم شو رح يبحث بدقة ، بس المهم يكون القسم فاعل بالمجتمع ، ويودي بنتائج وافرازات ايجابية للمجتمع .. من تقارب وليس تنافر

وهيك

طيب انا حاليا قمت بإغلاق جميع الموضيع لحتى نفهم شو بدو يصير للقسم انا ناطر توجيهات ازا صح التعبير

حكيم هي اللينك تبع الموضوع يلي صار عليه المشكل كرمال الأتطلاع


////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

شكرا مجد،

انا بإنتظار تعقيب محبة على النقاط الي اشرت ليها ، و تعقيب الي عندهم ما يدلوه بهذا الصدد ،

طيب انا حاليا قمت بإغلاق جميع الموضيع لحتى نفهم شو بدو يصير للقسم انا ناطر توجيهات ازا صح التعبير

شو ساوي انا هلأ ؟!!
ممكن حدا يقلي!

مكانك راوح

الي لازم يصير هوي اعادة حوار الأديان لفكره وتوجهه الذي بني عليه ، وهو ايجاد وتباحث نقاط التلاقي .. بين الأديان ،،
والله يا حكيم
ازا بدك الصراحة يعني
... صعب
ما بحب كلمة مستحيل مع انو بتناسب الموقف تماما
خلينا ع "صعب"
لازم بالاول يكون فيه "حوار اسلام" ... بيحاول المسلمين من خلالو انو يوحدوا توجهاتهم، و افكارهم
لازم بالاول يكون فيه "حوار مسيحيين" ... بيحاول المسيحيين فيه انو يوحدوا توجهاتهم و افكارهم
في حال وصلنا لنتيجة ... ساعتها منفكر نعمل حوار بيناتهم

الاديان ... اولا عن اخرا هيي عبارة عن فلسفات
بتجاوب على نفس الاسئلة يللي بتطرحها الفلسفات
بس بتتميز عن باقي الفلسفات بسطحيتها اولا
و بعدم مناقشة الاجوبة تانيا
و بوضع قوانين للتأكد من عدم محاولة ايجاد اجوبة اخرى تالتا (محدودية التفكير، الايمان ثم الايمان ثم الايمان)
و عدم السماح بالبحث عن الكمال (الخالق او الله) إلا ضمن اطرها العقيمة رابعا

بدك تفيد الوطن و المجتمع بليرة ؟
ساهم بقضية بتطعمي خبز اكتر من هي ... متل انو تفتح قسم خاص لمناقشة فصل الدين عن السياسة و الاقتصاد و القضاء (طبعا هاد مجرد مثال) و بضمنلك نجاح منقطع النظير .. عدا عن مشاركة نخبة الناس يللي بيكتبوا بالنت بهيك قسم

متل انو تفتح قسم يناقشوا فيه شغلة توحيد الاعياد
يعني القصة قربت كتير كم 100 سنة و بتنحل
و ما باقي غير عضة كوساية

هلأ بتعرفوا شو جمالية قسم حوار الاديان (على الرغم من كل بشاعتو) ؟؟؟
انو ما فيو ماكياج
بقا بترجاكم
شو ما كانت القوانين يللي رح تحطوها
لا تنزعوا من خلالها الجمالية الوحيدة لهالقسم

الموضوع مغلق من حيث ان نقل إلى هنا (من قسم المشرفين) كما هو ،من باب ان اصبح هذا الموضوع حق عام ، ووجب الإطلاع عليه لمن يهمه الأمر ،

الموضوغ غير مطروح للنقاش وانما لأخذا العلم


والله وليّ التوفيق