-
دخول

عرض كامل الموضوع : في اصلاح ولا مافي ؟

me2
19/02/2006, 15:34
حابب اليوم أعمل قائمتين : الأولى شو اللي اتصلح بسوريا و التانية شو اللي لازم يتصلح .. ياريت يشاركونا كل الشباب و الصبايا .. كلو واحد يضيف شي ... بلكي أخر شي منعرف شو الوضع اليوم .

اللي اتصلح :

ما عد في داعي لتأشيرة الخروج للشباب . "قوية" .

بالهجرة و الجوازات ما عاد في رشوة " مؤخرا".

طار مكرم عبيد " متل الحلم".

أعطيت أراضي للاستثمار في يعفور "بالصرماية وغصبن عن أباطرة البناء"

عدد الوزرا النضاف أكبر من الوسخين " سابقة"

في وزرا من القومي السوري " لللووولووو ويش "

الرئيس شخصيا رح يقود الحكومة " على راسي المعلم , من الأول"


اللي ما اتصلح:

دكتور أسنان يصير محافظ "شو منشان يعمل جسور تجميلية للمحافظة"

قانون الطوارىء " وي وي وي وي نو كومينت"

عمر سالم وزير ؟؟ " واتصالاتو الخارجية ؟ نو كومينت"

الجنائية " دخيلكون لا تجيبولي سيرتها"

زيادة رواتب خمسة بالمية " خجلت والله"

الخليوي "الله يسترني"
Syrian__Angel
19/02/2006, 15:42
كتير حلو هالمووضوع .. وبوقتو ... :سوريا:

اللي ما اتصلح ...

- ارتفاع "اسعار " الخروجية من البلد لــ ما بعرف اديش بالضبط حاليا .... :pos:

- الاكرامية بالمطار لكل مين قلك الحمد الله عالسلامة ....

- بطئ عمليات البناء بالمحافظات - على حسب كل محافظ وضميرو - ...
ملك الهكرز
19/02/2006, 15:57
بلا فضايح مو هيك بتنحل المشكلة
fady juventus
19/02/2006, 16:03
أنا ما رح إحكي لأني كتير متشائم ومن كلشي

و ما رح يعجبني البلد حتى لو صار متل سويسرا "مو معناتا إنو هلأ مو عاجبني :shock: "

انشالله اقدر بعدين إكتب شي بقائمة اللي تصلح ;-)
me2
19/02/2006, 16:07
أنا ما رح إحكي لأني كتير متشائم ومن كلشي

و ما رح يعجبني البلد حتى لو صار متل سويسرا "مو معناتا إنو هلأ مو عاجبني :shock: "

انشالله اقدر بعدين إكتب شي بقائمة اللي تصلح ;-)

هدا وعد ورح نستنى ...
me2
19/02/2006, 16:09
بلا فضايح مو هيك بتنحل المشكلة


كيف لكن ؟؟؟
فيروزة
19/02/2006, 16:18
الي ما تصلح

رفاهية السيارات

زيادة رواتب خمسة بالمية
me2
19/02/2006, 16:24
الي ما تصلح

رفاهية السيارات

زيادة رواتب خمسة بالمية


مظبوط والله أسعار السيارات

أسعار البيوت


الرواتب سبق ذكرها ...

يسلمو أيديكون جميعا
WHITESNAKE
19/02/2006, 17:59
النظام الضريبي يلي يخلع رقبتنا لحالو بدو حكومة
الضريبة تؤخذ من المواطن ويترك التاجر مع دفترين دفتر لموظف المالية ودفتر لأرباحه
الضريبة الحياتية من كهرباء وماء وهاتف وخصوصاً الكهرباء والهاتف وكل ما بيطلعلنا وزير المالية بقانون بيكون فيه زيادة ضريبة عالمواطن متل اقيمة المضافة (الله محيي الحريري بعد موتو)

أسعار البيوت من أهم الشغلات

البطالة الشبابية المخيفة
صياد الطيور
19/02/2006, 21:34
مشكور مي2 على الموضوع ..

أنا برأيي تحسين وتطوير شبكة الطرقات بسوريا من أهم الحاجات الملحة ..
الأهتمام أكتر بالمواقع السياحية والأثار ...
تطوير المناهج الدراسية



في كتير ...بس تركت الفرصة للباقيين
me2
19/02/2006, 21:56
كل الردود محترمة و بتدل على وعي عند كل الشباب ...و الصبايا طبعا ..
Daiski
19/02/2006, 21:56
مي تو كتير حلو الموضوع .......... :سوريا:

الاصلاحات يلي تمت :

:(

ما خطر ببالي شي و وقت اتذكر بحط ;-) يعني هيك طبيعة الانسان ما بتيزكر الا السيئات ( السفرجل ):o

يلي ما تصلح :

1- دوريات التموين العشوائية
2- قوانين الاستيراد و التصدير الغبية
3- امبراطورية الجمارك المرتشية و هي من سابع المستحيلات انو تزبط :aah:
me2
19/02/2006, 21:58
مي تو كتير حلو الموضوع .......... :سوريا:

الاصلاحات يلي تمت :

:(

ما خطر ببالي شي و وقت اتذكر بحط ;-) يعني هيك طبيعة الانسان ما بتيزكر الا السيئات ( السفرجل ):o

يلي ما تصلح :

1- دوريات التموين العشوائية
2- قوانين الاستيراد و التصدير الغبية
3- امبراطورية الجمارك المرتشية و هي من سابع المستحيلات انو تزبط :aah:


حلوة ...

حتى الجمارك بتتظبط ... يعني شو بدها شوية بنزين و قشة كبريت ...
Daiski
19/02/2006, 22:50
حلوة ...

حتى الجمارك بتتظبط ... يعني شو بدها شوية بنزين و قشة كبريت ...

لك ياريييييييييييييييييييييي يييييت :aah:

اي ها هي واحد بفش القلب :سوريا:
me2
19/02/2006, 22:52
لك ياريييييييييييييييييييييي يييييت :aah:

اي ها هي واحد بفش القلب :سوريا:

يحرق حريشك ؟.... هههههههههههه
Daiski
19/02/2006, 23:02
يحرق حريشك ؟.... هههههههههههه

يا اخي الجوع كافر :pos: :? :shock: :o
me2
19/02/2006, 23:21
يا اخي الجوع كافر :pos: :? :shock: :o



بسست .. كمشو مدير أقتصاد دمشق و تكوه بالحبس ... حزور شو التهمة ؟؟ تجسس .. والله هيك سمعت .. بس شو دخلو هدا الكلب ...؟
krimbow
20/02/2006, 06:04
في شغلة كمان حابب ضيفها

قاعدة اقتصادنا الدهبية ... "إن لم تكن مخلوف، فأنت مخالف"

بعدين شو مشان البترول ؟؟؟
رح يخلص و ما لحسنا اصبعنا
صياد الطيور
20/02/2006, 13:07
في شغلة كمان حابب ضيفها

قاعدة اقتصادنا الدهبية ... "إن لم تكن مخلوف، فأنت مخالف"

بعدين شو مشان البترول ؟؟؟
رح يخلص و ما لحسنا اصبعنا

لأ أسمحلي أنا بخالفك بأول فكرة ...
لأنو الوضع الأقتصادي بالبلد تغير كتير هالسنة
يعني مشاريع كتير وافقوا عليها وكتير انعملت وعلى مستوى عالي جدا

وما ألو علاقة فيها أبن الخال ..

يعني الوضع نسبياً تحسن كتير .. وحتى القيود والشروط الي كانت الحكومة تحطها على الأستثمارات والمستثمرين غيروها بشكل كتير كبير .. وللأحسن طبعاً ..

أما موضوع النفط ... يا أخي ما بعرف ليش كل مين بتحث معو حول هالموضوع بيقلي ( هادا خط أحمر لا تقرب عليه )
ما بعرف وين اللغز بالموضوع ...
Abo3zo
20/02/2006, 13:19
يلي ما تصلح :

1- دوريات التموين العشوائية
2- قوانين الاستيراد و التصدير الغبية
3- امبراطورية الجمارك المرتشية و هي من سابع المستحيلات انو تزبط


والله الحق معك يا خالدي...

كلامك جواهر , يعني أنا و انت ( رجلي و رجلك بنفس الفلقة ) :p

على فكرة أنا حطيت موضوع بالصالون مشان غلاء الأسعار... يعني هي ما بدها اصلاح كمان ؟

من بعد اذن الحبيب me2

يعني حتى ما تقول عم نسرقلك الزباين :?

و هي وردة لـ مي2 :سوريا: مشان الموضوع المهم
me2
20/02/2006, 23:32
والله الحق معك يا خالدي...

كلامك جواهر , يعني أنا و انت ( رجلي و رجلك بنفس الفلقة ) :p

على فكرة أنا حطيت موضوع بالصالون مشان غلاء الأسعار... يعني هي ما بدها اصلاح كمان ؟

من بعد اذن الحبيب me2

يعني حتى ما تقول عم نسرقلك الزباين :?

و هي وردة لـ مي2 :سوريا: مشان الموضوع المهم



أخي بلاها سيرة الفلقة ....أبوس رجلك ..وش وقفا.

منشان الزباين .. الله يباركلك فيهون .. "باستثناء الصبايا ":lol:
me2
20/02/2006, 23:35
في شغلة كمان حابب ضيفها

قاعدة اقتصادنا الدهبية ... "إن لم تكن مخلوف، فأنت مخالف"

بعدين شو مشان البترول ؟؟؟
رح يخلص و ما لحسنا اصبعنا

شغلة مخنوق مو مبينة اخرتها .. والله معك حق .
me2
20/02/2006, 23:38
لأ أسمحلي أنا بخالفك بأول فكرة ...
لأنو الوضع الأقتصادي بالبلد تغير كتير هالسنة
يعني مشاريع كتير وافقوا عليها وكتير انعملت وعلى مستوى عالي جدا

وما ألو علاقة فيها أبن الخال ..

يعني الوضع نسبياً تحسن كتير .. وحتى القيود والشروط الي كانت الحكومة تحطها على الأستثمارات والمستثمرين غيروها بشكل كتير كبير .. وللأحسن طبعاً ..

أما موضوع النفط ... يا أخي ما بعرف ليش كل مين بتحث معو حول هالموضوع بيقلي ( هادا خط أحمر لا تقرب عليه )
ما بعرف وين اللغز بالموضوع ...

والله قطعتلي قلبي عليه ...يقبرني انشالله مرق منو كم مشروع ؟؟؟؟ خيو منعملو لمة من الشباب منشان ما ينكسر .

مافي خطوط حمر ..هدا الوطن للكل ...
layla
21/02/2006, 08:36
اول شي مشكور مي2 عالموضوع
اغلب النقط اللي كنت بدي اذكرا انذكرت بس في شغلة ضرورة تغيير مناهج التعليم مو تطوير حذف المنهاج بشكل كامل ووضع منهاج جديد ومنهجية جديدة للتدريس
يعني الغاء شغلة الحفظ البصم الاهتمام الفردي بالطالب المبدع استخدام التطبيق العملي للمواد المدروسة اعطاء بعض الخيارات للطلاب بخصوص المواد اللي بيدرسوها وطبعا اهم شي الغاء نظام البكالوريا الظالم بشكل فظيع للطلاب يعني جعل الاعتماد مو بس عالبكالوريا او بالاحرى على اخر شهر بالبكالوريا بل على الفترة الثانوية بشكل كامل. وبفرد مرة تكبير الجامعات بمعنى اخر تنزيل المعدلات شوي
me2
21/02/2006, 10:58
اول شي مشكور مي2 عالموضوع
اغلب النقط اللي كنت بدي اذكرا انذكرت بس في شغلة ضرورة تغيير مناهج التعليم مو تطوير حذف المنهاج بشكل كامل ووضع منهاج جديد ومنهجية جديدة للتدريس
يعني الغاء شغلة الحفظ البصم الاهتمام الفردي بالطالب المبدع استخدام التطبيق العملي للمواد المدروسة اعطاء بعض الخيارات للطلاب بخصوص المواد اللي بيدرسوها وطبعا اهم شي الغاء نظام البكالوريا الظالم بشكل فظيع للطلاب يعني جعل الاعتماد مو بس عالبكالوريا او بالاحرى على اخر شهر بالبكالوريا بل على الفترة الثانوية بشكل كامل. وبفرد مرة تكبير الجامعات بمعنى اخر تنزيل المعدلات شوي


معك حق ستة ألاف بالمية .. أصلا مافي شي بهدلني بحياة ألا أخر شهر بكالوريا ... مع أني جمعت فوق الميتين من التمانينات .. بس اتبهدلت .

شكرا لألك ...
fady juventus
21/02/2006, 11:15
معك حق ستة ألاف بالمية .. أصلا مافي شي بهدلني بحياة ألا أخر شهر بكالوريا ... مع أني جمعت فوق الميتين من التمانينات .. بس اتبهدلت .

شكرا لألك ...
بشرفك جمعت فوق الميتين؟؟ :shock: ومن هون لهون ;-)
me2
21/02/2006, 11:28
بشرفك جمعت فوق الميتين؟؟ :shock: ومن هون لهون ;-)

لعمى بعيونك شو ما بتصدق .. يعني لازم ابعتلك مصدقة بكالوريا ؟؟ وحياة حياة و كلشي مات أنو ميتين و سبعة بدون ديانة .. قالولي أنو ما عندي ديانة بترفع الراس ...:lol:
me2
21/02/2006, 13:10
هدا أصلاح ولا مو أصلاح ؟؟


أول مركز لحقوق الإنسان في سوريا يفتتح غداً بتمويل أوروبي
الاخبار المحلية

تفتتح مفوضية الاتحاد الاوروبي في دمشق يوم غد أول مركز تدريبي لحقوق الانسان في سوريا بتمويل من الاتحاد الاوروبي بهدف دعم المجتمع السوري المدني وحماية حقوق الانسان والذي سيديره المحامي والناشط السوري في حقوق الانسان انور البني .

والمركز الذي تولت المنظمة البلجيكية غير الحكومية "ايفياس" تنفيذه وشاركت في تمويله بالتعاون مع ناشطين سوريين في مجال حقوق الانسان يقدم "تدريبا شاملا لمنظمات نسائية وصحافيين ومحامين ومجموعات المجتمع المدني عموما"، كما يعمل على تأمين إستشارات قانونية مجانية.
وقال فرانك هيسكة سفير بعثة المفوضية الاوروبية في سورية إن المركز "سيساعد في بناء مجتمع مدني اقوى في سوريا، ما من شأنه جعل سوريا أقوى…
وأطلقت البعثة الاوروبية في سورية ستة مشاريع تندرج في اطار برنامج "المبادرة الاوروبية للديموقراطية وحقوق الانسان" الذي انشئ عام 1994.ففي كانون الثاني الماضي تم اطلاق المشروع الاول الذي يركز على حقوق الاطفال، وتشمل المشاريع الاربعة الاخرى تأسيس مركز للرعاية في القامشلي شمال شرق البلاد لمساعدة الاطفال المشردين وبرامج تدريبية حول حقوق المعوقين ومجموعات آخرى بما فيهم اللاجئون الفلسطينيون.
يذكر ان بعثة المفوضية الاوروبية مسؤولة عن ادارة العلاقات الرسمية بين سوريا والمفوضية الاوروبية، ويندرج ضمن نشاطاتها الاشراف على مشاريع التعاون الثنائية والتي تناهز قيمتها 252 مليون يورو لدعم عملية التحديث التي تقوم بها الحكومة السورية في مجالات عدة كالتعليم العالي وتطوير القطاع الخاص والبيئة والسياحة والطاقة والاتصالات والصحة وتنمية المجتمع المدني.
كما وقعت سورية والأتحاد الاوروبي في تشرين الاول عام 2004 اتفاق شراكة لإنشاء منطقة تبادل حر بحلول عام 2010، لكن الاتفاق جمد لأسباب سياسية
fady juventus
21/02/2006, 13:47
هدا أصلاح ولا مو أصلاح ؟؟


أول مركز لحقوق الإنسان في سوريا يفتتح غداً بتمويل أوروبي




ولا مو إصلاح؟؟




















































لاء أكيد شغلة منيحة بسسسسسسسسس.........ز
me2
21/02/2006, 13:55
ولا مو إصلاح؟؟




















































لاء أكيد شغلة منيحة بسسسسسسسسس.........ز

ولا مو فادي ؟؟؟