افرض لو فقدت الحبيب ماذا تفعل ...؟؟؟ [الأرشيـــــف]

سنفورة

19/02/2006, 05:08

هناك سؤال يحيرني ............لم أجد له حلا في نفسي

لو افترضنا جدلا أنك فقدت الحبيب الذي تحب و تعشق
ماذا تفعل ................؟
أتمنى من جميع من يدخل الى هذا الموضوع بأن يبدونن الرأي
و ثم افرض لو أن الحبيب فقدك انت...............!؟
ماذا حبيبك وعشيقك فاعل بعد فقدانك ؟؟
.................................................. ...........................

موضوع حساس و أشعر بأنه غير قابل للنقاش مع بعض الناس
ولكنه يدور في وجداني لأني أشعر بشعور غريب
تمنيت لو يشاركني به أحد
حتى لو كان على صفحات الانترنت
آسف من كل عشاق الحياة على هذه الكلمات ولكن أتمنى
و من كل قلبي بأن يشاركوني تخميناتهم الثمينة و برأيي المؤلمة
على قلوبهم

(((الجنرال أبوجعفرالورد)))

19/02/2006, 05:16

موضوع حلو ومنطقي هلق بالنسبة لو أن الحبيب فقدني ما بعرف شو يمكن يعمل
أما إذا أنا فقدت الحبيب بترجع للسبب يلي فقدتو فيه يعني أن كان حبيبي ما في منو وبحبني عن جد عيوني ألو بحاول ساوي المستحيل على مبدئ الحب فن التنازلات وإذا ما طلع بئيدي شي فرح ضل حسرة بقلبي وكما قال الشاعر الكبير يلي ما بعرف شو أسمو :

نقل فؤادك في الهوى حيث شئت فما الحب إلا للحبيب الأولي

أخخخخخخخخخخخخخخخخخخخخخخخخ خخخخخخخخ من الزمن :( :( :( :( :( :(

سنفورة

19/02/2006, 05:19

اه يا اولي

شو عم بتاشعر حبيب

(((الجنرال أبوجعفرالورد)))

19/02/2006, 05:24

وما خفيا كان أعظم ...............:cry:

سنفورة

19/02/2006, 05:32

ما فهمت

ابو جعفورة

لا تطلع برا الموضوع:aah: :tears:

(((الجنرال أبوجعفرالورد)))

19/02/2006, 05:37

المقصود يا عزيزتي أنو العذاب شو بيعمل بالواحد هلق أنا فقدت حبيبتي لأسباب معينة من شي3 سنين ورح نفوت بالرابعة وما في يوم غابت عن بالي كل شي بذكرني فيا كل ما أسمع شي غنية بكون سمعانا أنا وياها بيصير معي شغلات غريبة ........ بكفي التفكير بيدبح دبح الله وكيلك ....

سنفورة

19/02/2006, 05:43

لك التلك انو الحياة لعبة مرة الك او مرة لغيرك

انا اذا بفكر مجرد تفكيربحس حالي مخنوقة او ماعندي شي فكر في غيرو لانو اذا طلع من حياتي بتحس حياتي فاضية اونحس مين بدو يناقرني ويعمل مشاكل معي او يتحملني غير اكيد هو

لاتقلي الو بصمة حلوة كتير بحياتي

(((الجنرال أبوجعفرالورد)))

19/02/2006, 05:47

الله يهنيكم سوى وما يفرقكم ولا دوئي يلي دئتو

وأنا معك أو الحيا ة لعبة ولعبة كبيرة كمان ...........

طنش تعش

19/02/2006, 05:58

رح احكي قصتي بشكل مختصر تضامنا معك؟؟؟

ياام الرور يلي صاير فيني انو تمسحت يعني ماعاد يأثر فيني؟؟؟؟

بس ليش هيك صار كلو من ورا اول حب ؟؟؟ والقصة انو فقدنا بعضنا نحنا التنين بعدين بفضل الدراسة رجعنا اجتمعنا وتصفت القلوب.....بس رجعنا فقدنا بعضنا للاسباب نفسا الي خلتنا نفترق اول مرة؟؟؟؟؟؟وحسمنا الموضوع...وهي انتقلت من بيتها بعد فترة؟؟ وهيك فترقنا ؟؟؟

بس في احساس غريب دايما بشعر فيه تجاهها انو بتمنا لو نحنا نكون مع بعض طول العمر ؟؟

وكل فترة وفترة بشوفها بالغلط يعني بالسوق... عالكورنيش ...بالصدفة؟؟

ولما بشوفا بتلبك مع انو عمري ماتلبكت قدام حدا؟؟؟ وهي نفس الشي يعني بصير تنيناتنا مو مصدقين لحتى نخلص ونقول باي؟؟؟؟

بس بعدين بصير بقول العما ليش ماسالتها شو صار معا بهديك الشغلة او كيف هيك او ايمت هيك ؟

وهي نفس الشي لانو لما بنرجع بنلتقي بالصدفة بتقلي نسيت ماسالك هديك المرة شو صار معك منشان ؟؟؟؟ وبرد عليها..وبعدين بكون نسيت شو كان بدي اسالها؟؟؟

وانا احساسي من وقت الي فترقنا لهلق انو بضل فكر فيها وبتلبك بس شوفا لهل البنت بس والباقي اقلا من عادي؟؟؟؟

والي بدو اعملو تجاهها انو كل مرة بقول بس شوفا بدي اعزمها عالكفتيريا . وصارحا؟؟؟

بس لما بشوفا منكون مستعجلين عااساس؟؟؟

هي كلشي عااساس باختصار؟؟؟؟

والي بدو يعلق ويكتب يااما يكتب شي بفيد يااما رجاءا يوفر وبلا حكي فاضي؟؟؟؟؟

يعني خلوه موضوع صريح ؟؟؟؟؟؟؟؟

(((الجنرال أبوجعفرالورد)))

19/02/2006, 06:03

أبو طنيش الحبيب كلامك منطقي بس أنا رأي أنولو فيكون ترجعوا سوى كتير منيح
وإذا مافي مجال فحتى السلام العابر ما بدكون ياه لأنو برجعك بتفكيرك لأيام حلوة كنتو فيها سوى يعني تفكير على الفاضي ........ و الموضوع بيرجع ألك يعني كل واحد رأيو شكل لك خيو .....

طنش تعش

19/02/2006, 06:21

والله ياابو جعفر ياريت بس المشكلة انو في تردد ؟؟؟ يعني مو عارف احسم امري معا؟؟

بس رح حاول اول ماشوفا... يعني يابرغل ياشعير ؟؟؟؟؟... وخالصين....

(((الجنرال أبوجعفرالورد)))

19/02/2006, 07:00

بترتاح لك حبيب صدقني

Tony 124

19/02/2006, 07:06

يا سنفوره انا بحياتي ما فقدت حبيب
بس فقدت شي اغلى
كان عندي رفيقي الاغلى الي عندوا 3 اخوه شباب
بيوم من الايام برجع وبشوف انو في عندون لوشه سالت اهلي
قالولي اخواتو لرفيقي توفوا على الموتور توفوا اتنين شباب بحادث ميتو
ليكي لاتصدي بس شي مستحيل انو تعشي باي شعور تاني
حسيت لما شلت التابوت كاني شايل شي مني وصرنا نغنيلون طالع ناهون متل العرسان مع شامبانيا وقواس وفرقه نحاسيه
عن جد بت ضلي شي جمعه وانتي عم تحسي انو الي عايشتيه هو حلم بس بالاخير بدك تصحي وتشوفي الحيات شو مره

سنفورة

19/02/2006, 07:09

والله ياطوني صح حكيك وانا عرفت انت على مين عم تحكي

وحياة الله معك حق هل الزمان الواحد صار كل شي يتوقع منو

(((الجنرال أبوجعفرالورد)))

19/02/2006, 07:20

ما فينا نقول غير الله يصبرك يا طوني .....................................

ghazool

19/02/2006, 12:06

هناك سؤال يحيرني ............لم أجد له حلا في نفسي

لو افترضنا جدلا أنك فقدت الحبيب الذي تحب و تعشق
ماذا تفعل ................؟
أتمنى من جميع من يدخل الى هذا الموضوع بأن يبدونن الرأي
و ثم افرض لو أن الحبيب فقدك انت...............!؟
ماذا حبيبك وعشيقك فاعل بعد فقدانك ؟؟

ممكن يكون فقدان الحبيب مادي أو معنوي .. المادي انو ببساطة يفترقو اللي بيحبو بعض .. و ينسو كل اللي كان واللي صار .. و المعنوي .. انهن يبقو مع بعض .. بس ما يعودو يحسو بأي شي !! و انا برأي فقدان الحبيب المعنوي أصعب بكتيييير ..
بشـكل عام .. فقدان الحبيب شي كتير مزعج و حساس .. يعني الاحساس بالفراغ بيخلي الواحد يكره عمرو ..:( خاصة بعد ماتكوني تعودتي عليه بكتير اشياء .. وصار جزء من حياتك .. من المكان و الزمان .. بيصير وجودو حولك بكل الأماكن .. و كل شي بيذكرك بشي صار معكن .. و بتصير الأيام بارده و بطيئة .. و مو بس انتي بتكوني مشتاقة .. كل شي حولك بيكون مشتاق .. الصباح و المسا .. ضو القمـر .. المطاعم و المقاهي .. الأغـاني .. كل شي .. .. كل شـي:oops:
في مقطع من قصيدة للمبدع نزار قباني :
لأني أحبك ، أصبحت أجمل ..
و بعثرت شـعري على كتفي ..
طويلاً .. طويلاً كما تتخيـل
فكيف تمل سـنابل شـعري؟
و تتركه للخـريف و ترحل .... ....
و كيف سـأخبر مشـطي الحزين ؟
إذا جائني عن حنانك يسـأل ..
أجبني ، و لو مرة يا حبيبي ..
إذا رحت .. ماذا بشـعري سـأفعل ؟؟

و ميرسي ع الموضوع الحلو ..:سوريا:

Abo3zo

19/02/2006, 15:15

و الله يا أبو طنيش أنا رأيي من رأي أبو جعفر

أبو طنيش الحبيب كلامك منطقي بس أنا رأي أنولو فيكون ترجعوا سوى كتير منيح
وإذا مافي مجال فحتى السلام العابر ما بدكون ياه لأنو برجعك بتفكيرك لأيام حلوة كنتو فيها سوى يعني تفكير على الفاضي ........ و الموضوع بيرجع ألك يعني كل واحد رأيو شكل لك خيو .....

بس قبل ما تفكر بالرجعة , فكر منيح أنه يا ترى نقطة الخلاف يلي بينك و بينها بتقدروا
تحلوها بشكل نهائي ؟؟

و ممكن يكون ألكن مستقبل مع بعض , و لا في حواجز كبيرة ؟؟

بعرف أنه يلي بيحب ما بيعود بيشوف قدامه كل المعوقات أو الحواجز..

بس بما أنك أنت بمرحلة بعيد عنها نسبيا .. فبأمكانك تتصرف التصرف الأكثر عقلانية
و ليس التصرف الذي يفرضه قلبك

:سوريا:

العاشق مننا

19/02/2006, 17:32

آآآآآآآآآآآخ حطيت ايدك على الوجع

Abo3zo

19/02/2006, 17:35

آآآآآآآآآآآخ حطيت ايدك على الوجع

شو حبيب ..؟

ما تقلي أنك اسم على مسمى

" عاشق "

حكيلنــا شو قصتك

:pos:

Fulla

19/02/2006, 17:36

يمشي حبيب وياتي اخر.....راهم غير مشتين فالزنقة

سنفورة

19/02/2006, 17:42

شكرا اخوتي المعنين والمحددين ضفتولي شي كتير حلو لاني عم حس فيكون الله يكون بعونكون

Fulla

19/02/2006, 17:47

عفوا نحن دائما في الخدمة.....المبعكة

سنفورة

19/02/2006, 17:53

عفوا نحن دائما في الخدمة.....المبعكة

انا قلت المحددين افهميا يا شاطرة

Fulla

19/02/2006, 18:02

طبعا فهمتها البريقة
عيق البريق لا تشبع تسرفيق من عند الخالق

سنفورة

19/02/2006, 18:05

شنووووووووووووو لغة عربي

Fulla

19/02/2006, 18:08

هده لهجة مغربية

ghazool

19/02/2006, 18:54

لو فشكونا ع المشكيشو و شنكحونا بباباأووووبا ... مين يكون البمبحكميشو من عند الكمبحونا
:shock:

:oops: صح ؟

لؤلؤة الجنوب

19/02/2006, 18:57

اولا ارجو من الاعضاء الكتابة بالفصحى لانني اجد صعوبة في بعض الكلمات

انا مثلا ادا فقدت الحبيب وكان الخطء مني فسوف افعل اب شيء لاسترجاعه
وادا كان الخطء منه فساحدف اسمه من الائحة.
اما في ما يخص الزميل طنش تعيش فلمادا لا تدهب لخطبتها بدلا من ان تتعدب يا حرام.

Daiski

19/02/2006, 22:25

اولا ارجو من الاعضاء الكتابة بالفصحى لانني اجد صعوبة في بعض الكلمات

انا مثلا ادا فقدت الحبيب وكان الخطء مني فسوف افعل اب شيء لاسترجاعه
وادا كان الخطء منه فساحدف اسمه من الائحة.
اما في ما يخص الزميل طنش تعيش فلمادا لا تدهب لخطبتها بدلا من ان تتعدب يا حرام.

هلىء بيجي ابو طنيش راح يغسل ايديه من اكلة الفول :lol:

شغلة الرجعة للمحبوبة او المحبوب مو سهلة متل مابيتصور البعض خصوصي اذا طولت الشغلة و كتر الحكي الفاضي :pos:

sweetbaby

19/02/2006, 22:53

طوني عنجد بكيتني وزكرتني لمن فقدت يمكن شخص غالي عليي كتير
رفيقي بالمدرسة كتير كنت حبو اصلا الكل كان يحبو
بالتاسع طلع معو السرطان
كان يغيب كتير عن المدرسة
بالعاشر اول فصل مااجا
لنهار جمعة بيجي رفيقنا الصبح ابل المدرسة مبسوط عم بيقلنا انو مبارح(الخميس)شافوا لعلاء وقللو انو بدو يرجع يداوم الفصل الجاي
بعد الحصة التانية منطلع ع الفرصة منلاقي ورقة نعوة علاء بلوحة الاعلانات
يمكن هي كانت اكبر صدمة عندي
ويمكن لمن رحنا لعندو ع البيت كانت اكتر مرة بتدايق فيها رحنا تقريبا كل المدرسة
ولهلا كل مابتذكر هالشغلة ببكي:cry:

Varon

19/02/2006, 23:04

طوني عنجد بكيتني وزكرتني لمن فقدت يمكن شخص غالي عليي كتير
رفيقي بالمدرسة كتير كنت حبو اصلا الكل كان يحبو
بالتاسع طلع معو السرطان
كان يغيب كتير عن المدرسة
بالعاشر اول فصل مااجا
لنهار جمعة بيجي رفيقنا الصبح ابل المدرسة مبسوط عم بيقلنا انو مبارح(الخميس)شافوا لعلاء وقللو انو بدو يرجع يداوم الفصل الجاي
بعد الحصة التانية منطلع ع الفرصة منلاقي ورقة نعوة علاء بلوحة الاعلانات
يمكن هي كانت اكبر صدمة عندي
ويمكن لمن رحنا لعندو ع البيت كانت اكتر مرة بتدايق فيها رحنا تقريبا كل المدرسة
ولهلا كل مابتذكر هالشغلة ببكي:cry:

:pos:>>>>>>>>>>

sweetbaby

19/02/2006, 23:08

:pos:>>>>>>>>>>
شو؟:cry::cry::cry:

Gazita

20/02/2006, 01:26

طوني عنجد بكيتني وزكرتني لمن فقدت يمكن شخص غالي عليي كتير
رفيقي بالمدرسة كتير كنت حبو اصلا الكل كان يحبو
بالتاسع طلع معو السرطان
كان يغيب كتير عن المدرسة
بالعاشر اول فصل مااجا
لنهار جمعة بيجي رفيقنا الصبح ابل المدرسة مبسوط عم بيقلنا انو مبارح(الخميس)شافوا لعلاء وقللو انو بدو يرجع يداوم الفصل الجاي
بعد الحصة التانية منطلع ع الفرصة منلاقي ورقة نعوة علاء بلوحة الاعلانات
يمكن هي كانت اكبر صدمة عندي
ويمكن لمن رحنا لعندو ع البيت كانت اكتر مرة بتدايق فيها رحنا تقريبا كل المدرسة
ولهلا كل مابتذكر هالشغلة ببكي:cry:
:cry: an jad she ktir mouhzenalah yrhamou

Willi

20/02/2006, 01:28

والله يا ام الرور انا خبروني عنو وقت كنت بأميركا
زعلت عليه كتير
بالفعل كان الزلمة محبوب
انا كنت حبو مع انو كان اكبر مني بسنة
بس كان في صحبة بيني وبينو

Tony 124

20/02/2006, 01:30

طوني عنجد بكيتني وزكرتني لمن فقدت يمكن شخص غالي عليي كتير
رفيقي بالمدرسة كتير كنت حبو اصلا الكل كان يحبو
بالتاسع طلع معو السرطان
كان يغيب كتير عن المدرسة
بالعاشر اول فصل مااجا
لنهار جمعة بيجي رفيقنا الصبح ابل المدرسة مبسوط عم بيقلنا انو مبارح(الخميس)شافوا لعلاء وقللو انو بدو يرجع يداوم الفصل الجاي
بعد الحصة التانية منطلع ع الفرصة منلاقي ورقة نعوة علاء بلوحة الاعلانات
يمكن هي كانت اكبر صدمة عندي
ويمكن لمن رحنا لعندو ع البيت كانت اكتر مرة بتدايق فيها رحنا تقريبا كل المدرسة
ولهلا كل مابتذكر هالشغلة ببكي:cry:
?????????????????????????????????????
ليش نحنا كل هل شي ضعاف

Abo3zo

20/02/2006, 11:04

هلىء بيجي ابو طنيش راح يغسل ايديه من اكلة الفول :lol:

شغلة الرجعة للمحبوبة او المحبوب مو سهلة متل مابيتصور البعض خصوصي اذا طولت الشغلة و كتر الحكي الفاضي :pos:

طولت كتير أكلة هلفول

انشاء الله خير

:pos:

ماله بالعادة يطول الغيبة أبو طنيش

العاشق مننا

20/02/2006, 21:07

شو حبيب ..؟

ما تقلي أنك اسم على مسمى

" عاشق "

حكيلنــا شو قصتك

:pos:

خليها لربك يا مواطن
على قولة ابو وديع
الله يكون في عون العاشق مننا

نادين

20/02/2006, 21:38

طوني عنجد بكيتني وزكرتني لمن فقدت يمكن شخص غالي عليي كتير
رفيقي بالمدرسة كتير كنت حبو اصلا الكل كان يحبو
بالتاسع طلع معو السرطان
كان يغيب كتير عن المدرسة
بالعاشر اول فصل مااجا
لنهار جمعة بيجي رفيقنا الصبح ابل المدرسة مبسوط عم بيقلنا انو مبارح(الخميس)شافوا لعلاء وقللو انو بدو يرجع يداوم الفصل الجاي
بعد الحصة التانية منطلع ع الفرصة منلاقي ورقة نعوة علاء بلوحة الاعلانات
يمكن هي كانت اكبر صدمة عندي
ويمكن لمن رحنا لعندو ع البيت كانت اكتر مرة بتدايق فيها رحنا تقريبا كل المدرسة
ولهلا كل مابتذكر هالشغلة ببكي:cry:
:cry: عنجد أثرت فيي هالقصة يلا لله يرحموا

Reemi

20/02/2006, 21:41

اول شي بحب قول لطوووني.... يلعن ابو الموتيرااات.... (وانا مع الحمله الي صارت عنا اخر شي بانن صارو يحجزوهن)) و الله يرحمهم...

وبقول لريتا.... الله يرحمه كلنا عهالطريق... وانا كمان توفى رفيقي بالجامعه.. بحادث سياره.. و الي زعجني اكتر اني اخر مره شفتو فيها كنت معصبه عليه:( (بس كان معي حق) ع كل حال الله يرحمه...

و بقول كمان انا فقدت شخص كتير عزيز عليي و هوه جدي.. ولهلق ببكي عليه.. :cry:

واخر حد فقدته وهو خطيبي ... تركنا انا و اياه.. وكل شي بيذكر فيه ... البيت و الشارع و الهووى و كل شي...

بس الانسان لازم يكووون اقووى من ضعفه ... و بضل بقووول هووه ما رح الا لانو بدو يجي الاحسن منو....

انا كتيررررررررررر متفااائلـــــــــــــــة ببكرى...:lol:

Kakabouda

20/02/2006, 21:46

ايوا هيك لكن ...
لك يا سنفورة كل مواضيعك حساسي صايرة ... شو صاير معك :confo: يعني كأنو في شي مخبيتي عننا .. خلص قوليها بالمشرمحي :lol: ..

ستي بالنسبي أنو اذا فقدني الحبيب أكيد ( تجاوزاً) لازم يكون في سبب كتير كبير ..

و اذا فقدت الحبيب ( كمان تجاوزاً) أكيد رح يكون في شي كبير كمان ..

ستي من الأخير بما أنو الوضع هادي بهالأيام و ما في حبيب .. مندعي لالله يصير في حبيب و ساعتها اذا صارت التجربة ببقا باخد رقمك و بخبرك :lol: شلوووووون ملعوبي مو بالله ههههههه
يعني والله ما منقول فول غير ليصير بالمكيول :eat: علم معلمتي ..
التوقيع : سنفور ظغنوط:sanfoor: :lol:

layla

20/02/2006, 22:06

ايوا هيك لكن ...
لك يا سنفورة كل مواضيعك حساسي صايرة ... شو صاير معك :confo: يعني كأنو في شي مخبيتي عننا .. خلص قوليها بالمشرمحي :lol: ..

ستي بالنسبي أنو اذا فقدني الحبيب أكيد ( تجاوزاً) لازم يكون في سبب كتير كبير ..

و اذا فقدت الحبيب ( كمان تجاوزاً) أكيد رح يكون في شي كبير كمان ..

ستي من الأخير بما أنو الوضع هادي بهالأيام و ما في حبيب .. مندعي لالله يصير في حبيب و ساعتها اذا صارت التجربة ببقا باخد رقمك و بخبرك :lol: شلوووووون ملعوبي مو بالله ههههههه
يعني والله ما منقول فول غير ليصير بالمكيول :eat: علم معلمتي ..
التوقيع : سنفور ظغنوط:sanfoor: :lol:
ابو جريج شو عم يصير معك :cry: والله كنت آدمي :p

Kakabouda

20/02/2006, 22:09

ابو جريج شو عم يصير معك :cry: والله كنت آدمي :p
آآآآآخ يا ليلى خليها بالقلب تجرح ولا تطلع و تفضح :cry:

Reemi

20/02/2006, 22:11

آآآآآخ يا ليلى خليها بالقلب تجرح ولا تطلع و تفضح :cry:
خيوو موضوع الامثال هووونيك

layla

20/02/2006, 22:21

آآآآآخ يا ليلى خليها بالقلب تجرح ولا تطلع و تفضح :cry:
:cry: :cry: شوووووووووووو

Kakabouda

20/02/2006, 22:35

خيوو موضوع الامثال هووونيك
حكا بدري ...
عدي عاقلة يا حمصة الكي :lol:

sweetbaby

20/02/2006, 22:38

حكا بدري ...
عدي عاقلة يا حمصة الكي :lol:
ابو جريج شو عم بيصير معك:?

Kakabouda

20/02/2006, 22:52

ابو جريج شو عم بيصير معك:?
لك هي فارة الطحين بتضل تنطلي بكل محل :lol: :lol:

sweetbaby

20/02/2006, 22:55

لك هي فارة الطحين بتضل تنطلي بكل محل :lol: :lol:
لك مينها انت بس دلني عليها

Kakabouda

20/02/2006, 22:57

EVE الغليظة

sweetbaby

20/02/2006, 23:01

EVE الغليظة
لك لاء ولو والله eve حبابة ومافي منها

بس عم تعذب ابو جريج
طيب انا ثعلت منت:jakoush::p