أمريكا تصرف رواتب للي بدو يصير معارضة [الأرشيـــــف]

me2

18/02/2006, 18:00

يلي بدون يسجل أسمو بباريس أو لندن أو حتى بحمص .

رواتب بدون مقابل .. لله بالله .. من محبتها أمريكا لألنا .. بتمنع عنا الدواء و قطع تبديل المصانع وبتعطينا رواتب .. بدون مقابل .. بس نسب الحكومة كم مسبة و نسجل أسمنا .

اذا بجوع و بيموتو ولادي التلاتة "اللي لسع ما شرفوا " قدام عيوني دعس تحت دواليب ميكروباص... فشرو .... بموت مية موتة أبشع من بعضها .. بس ما ممكن اتحمل لحظة شعور بالخيانة .

صياد الطيور

18/02/2006, 18:23

اذا بجوع و بيموتو ولادي التلاتة "اللي لسع ما شرفوا " قدام عيوني دعس تحت دواليب ميكروباص... فشرو .... بموت مية موتة أبشع من بعضها .. بس ما ممكن اتحمل لحظة شعور بالخيانة .

الله محياك يا أصيل يا أبن الأصول :سوريا:

me2

18/02/2006, 18:32

الله محياك يا أصيل يا أبن الأصول :سوريا:

أي طول بالك ليفيقو الشباب "المعارضة" .. والله ليمسحو الأرض فيني ...:lol:

بس أنا ما بقول ألا اللي مقتنع في ..

الله يحيك ... كل السوريين شرفاء ... بس بدنا تمر هلكم سنة على خير و نوقف بوجه الأمريكان و زيولهم من بعض اللي عاملين حالون سوريين .

toocoolfriend

18/02/2006, 18:41

دخلك اديش قيمة هالمعاشات؟؟؟

me2

18/02/2006, 18:45

دخلك اديش قيمة هالمعاشات؟؟؟

ما بعرف بالظبط .. بس بعرف أنو بزمناتو في طيار سوري هرب على أسرائيل .. من كم شهر كان صار عليه كذا قضية بالمحاكم الاسرائيلية أقلها تجارة مخدرات و سرقو ونهب ... دلللو كم يوم و بعدين زتوه زتة الكلاب .. حتى مرتو الاسرائيلية طلقتو ...

الخاين رخيص .. أهلو ممكن يسامحو , بس اللي شغلو رح يزتو زتة الكلاب و رح يعاملو على أنو خاين .

السورية المشتاقة

18/02/2006, 18:56

بحييك ع هالكلام الحلو ... ومتاكدة انك رح تثبت عليه مهما سائت الظروف...:سوريا:
بس بتمنى من كل مواطن عم يقول هالحكي اللي انت قلتو انو لما بتتعسر الامور ما ينسى بلادو
لانو الشعب ازا راح بييجي جيل غيرو ..بس سوريا مين النا غيرها :tears:
بيكفي خطابات حاسة حالي رح اتقلع :dr:

me2

18/02/2006, 19:12

بحييك ع هالكلام الحلو ... ومتاكدة انك رح تثبت عليه مهما سائت الظروف...:سوريا:
بس بتمنى من كل مواطن عم يقول هالحكي اللي انت قلتو انو لما بتتعسر الامور ما ينسى بلادو
لانو الشعب ازا راح بييجي جيل غيرو ..بس سوريا مين النا غيرها :tears:
بيكفي خطابات حاسة حالي رح اتقلع :dr:

ما رح تسؤ الظروف أكتر من ما كانت عليه من كم سنة .. و ليكنا عايشين و لو أنها عيشة مو سهلة .. بس متل ما قلت الجوع أهون من الخيانة بكتير .. على الأقل من وجهة نظري.

على كل حال .. الأمور ما رح تتعسر .. اليوم أرادتنا كشعب أقوى و الحكومة عم تتحسوس على صلعتها .. و الوزرا بيعرفو أنو يا بيشتغلو يا بيتقلعو .. اذا ما اتحاكمو ..

مين رح يقلعك ؟؟ فشر .. :lol: :lol: رح أتقلع أنا الظاهر ..

السورية المشتاقة

18/02/2006, 19:20

ما رح تسؤ الظروف أكتر من ما كانت عليه من كم سنة ..
حين يصير الحكم في مدينة نوعا من البغاء
ويصير التاريخ في مدينة ممسحة
والفكر كالحذاء
حين تصير نسمة الهواء تاتي بمرسوم من السلطان
وحبة القمح التي ناكلها تاتي بمرسوم من السلطان
حين تصير امة باكملها ماشية تعلف بزريبة السلطان
يختنق الاطفال في ارحامهم ...
وتجهض النساء
وتسقط الشمس على ساحتنا
مشنقة سوداء ....

me2

18/02/2006, 19:22

حين يصير الحكم في مدينة نوعا من البغاء
ويصير التاريخ في مدينة ممسحة
والفكر كالحذاء
حين تصير نسمة الهواء تاتي بمرسوم من السلطان
وحبة القمح التي ناكلها تاتي بمرسوم من السلطان
حين تصير امة باكملها ماشية تعلف بزريبة السلطان
يختنق الاطفال في ارحامهم ...
وتجهض النساء
وتسقط الشمس على ساحتنا
مشنقة سوداء ....

أيو والله .. هيك بدو يصير بأمريكا ..:lol:

me2

18/02/2006, 19:24

حين يصير الحكم في مدينة نوعا من البغاء
ويصير التاريخ في مدينة ممسحة
والفكر كالحذاء
حين تصير نسمة الهواء تاتي بمرسوم من السلطان
وحبة القمح التي ناكلها تاتي بمرسوم من السلطان
حين تصير امة باكملها ماشية تعلف بزريبة السلطان
يختنق الاطفال في ارحامهم ...
وتجهض النساء
وتسقط الشمس على ساحتنا
مشنقة سوداء ....

والله الوضع مو سوداوي لهلدرجة ... بدها نظرة واقعية .. مو سحابية ...

Hus

18/02/2006, 19:59

اذا بجوع و بيموتو ولادي التلاتة "اللي لسع ما شرفوا " قدام عيوني دعس تحت دواليب ميكروباص... فشرو .... بموت مية موتة أبشع من بعضها .. بس ما ممكن اتحمل لحظة شعور بالخيانة .

خيانة شو ؟
وخيانة مين؟

اش معنى الحكومات بتاخد معونات من دول اجنبية !! والمعارضة ما بيحق ليها تاخد معونات؟؟

شخص اسمو ابو الزلوف السمين ؟
كان معارض ..
حلو
كان اذا قبل معونات من اي دولة اجنبية يتهموه بالخيانة والخيانة العظمة والعمالة ,,
حلو
نفسو ابو الزلوف السمين ,, جماعتو وتيارو استلمو الحكومة .
صار اذا بياخدو معونات من دول اجنبية شيئ شرعي لا بالعكس شيئ بينحسب بميزان حسناتهم ؟

ليش يعني ؟؟؟؟
ماهو نفس الشخص هوي هوي كان من شوي معارضة وكان اذا بيقبض فرنك بيقلولو عميل ،
وهلق لمن استلم الحكومة صار اذا قبض فرنغ بيكون قبضاي ؟؟

قلبنها ...

ابو الزلف السمين كان رئيس حزب وحكومة .. وكان بيقبل مساعدات من دول خارجية ،
دارت الأيام وصار ابو الزلف السمين معارض !! صار اذا بيقبل المعونات بيخونوه

ماهو نفس الشخص . بالتالي اذا كان بالأول رح يستخدمهم بأشياء ما منحية فهوي بالتاني رح يستخدمهم بأشياء ما منيحة ؟
هوي نفس الشخص ، لمن كان رئيس حكومة وعم يقبض معونات من برا كان عم بيمرق قرارات وسياسات لبرا ، بالتالي كان عم بيجر البلد معو بستين جهنم ؟

يعني بالعكس لمن حكومة تقبض معونات كرمال اتمرق قرارات لدولة ما ، وليكن اميركا ، فهذا اسوء الف مرة من لما شلة معارضة تقبض معونات ،
من حيث ان الحكومة صاحبة سلطة وقرار ولمن بتقبض معونات منشان تمرق شي قرار او سياسة هيي قادرة على تمريقها ،
في حين المعارض لمن بقبض مساعدات كرمال يمرق قرار او سياسة معينة فهوي يا رح يقدر يمرقها يا ما رح يقدر يمرقها ، (على حسب ايمت و كيف واذا وصل للسطلة !!!)

غلط!

يا جماعة الخيانة هي خيانة الدولة .. خيانة الوطن ! ... وليس حكّام الدولة ، وحكومتها .؟
وبنفس المقياس ، حكام الدول بيكونو خونة لمن بيكون بيدهم موارد وما بيحسنو استخدامها ، وانما بيسخروها في تكريس كراسيهم فقط ، هاي هيي الخيانة ،

والمصاري الي بياخدها اي كان كمعونات من برا ، بيتحدد ماهيتها بطريقة استخدامها فقط ،

انا بدي اعرف بس " مين الي بيضحك على مين؟ "

me2

18/02/2006, 20:06

خيانة شو ؟
وخيانة مين؟

اش معنى الحكومات بتاخد معونات من دول اجنبية !! والمعارضة ما بيحق ليها تاخد معونات؟؟

شخص اسمو ابو الزلوف السمين ؟
كان معارض ..
حلو
كان اذا قبل معونات من اي دولة اجنبية يتهموه بالخيانة والخيانة العظمة والعمالة ,,
حلو
نفسو ابو الزلوف السمين ,, جماعتو وتيارو استلمو الحكومة .
صار اذا بياخدو معونات من دول اجنبية شيئ شرعي لا بالعكس شيئ بينحسب بميزان حسناتهم ؟

ليش يعني ؟؟؟؟
ماهو نفس الشخص هوي هوي كان من شوي معارضة وكان اذا بيقبض فرنك بيقلولو عميل ،
وهلق لمن استلم الحكومة صار اذا قبض فرنغ بيكون قبضاي ؟؟

قلبنها ...

ابو الزلف السمين كان رئيس حزب وحكومة .. وكان بيقبل مساعدات من دول خارجية ،
دارت الأيام وصار ابو الزلف السمين معارض !! صار اذا بيقبل المعونات بيخونوه

ماهو نفس الشخص . بالتالي اذا كان بالأول رح يستخدمهم بأشياء ما منحية فهوي بالتاني رح يستخدمهم بأشياء ما منيحة ؟
هوي نفس الشخص ، لمن كان رئيس حكومة وعم يقبض معونات من برا كان عم بيمرق قرارات وسياسات لبرا ، بالتالي كان عم بيجر البلد معو بستين جهنم ؟

يعني بالعكس لمن حكومة تقبض معونات كرمال اتمرق قرارات لدولة ما ، وليكن اميركا ، فهذا اسوء الف مرة من لما شلة معارضة تقبض معونات ،
من حيث ان الحكومة صاحبة سلطة وقرار ولمن بتقبض معونات منشان تمرق شي قرار او سياسة هيي قادرة على تمريقها ،
في حين المعارض لمن بقبض مساعدات كرمال يمرق قرار او سياسة معينة فهوي يا رح يقدر يمرقها يا ما رح يقدر يمرقها ، (على حسب ايمت و كيف واذا وصل للسطلة !!!)

غلط!

يا جماعة الخيانة هي خيانة الدولة .. خيانة الوطن ! ... وليس حكّام الدولة ، وحكومتها .؟
وبنفس المقياس ، حكام الدول بيكونو خونة لمن بيكون بيدهم موارد وما بيحسنو استخدامها ، وانما بيسخروها في تكريس كراسيهم فقط ، هاي هيي الخيانة ،

والمصاري الي بياخدها اي كان كمعونات من برا ، بيتحدد ماهيتها بطريقة استخدامها فقط ،

انا بدي اعرف بس " مين الي بيضحك على مين؟ "

وين المصاري اللي عم تقبلها الحكومة السورية من أمريكا ... أنو مصاري ؟؟ عم تحكي عن جد ؟؟ من وين جايب هالمعلومات ؟؟

الخيانة اللي عم نحكي عليها هي خيانة الوطن .... النظام و الحكومة ما بتخلي حدا يخونها و بتاخد حقها بالقوة .. بس الوطن لما بتعرض للخيانة .. الشعب هو اللي لازم يدافع عنو مو الحكومة .

و الخيانة مو بس بالتعاون مع أمريكا لقلب نظام الحكم .. الخيانة لما مسؤول بيسرق و لما رئيس بلدية بيترك حفرة موت ليوقع فيها الأطفال و لما مدرس بيدل الطلاب على مدرسة خاصة و بيعلمهم من قفا أيدو . و ألها مية شكل تاني ..

ياريت ما تحكو معنا كاننا شي وزراء دفاع .

Reemi

18/02/2006, 20:17

أي طول بالك ليفيقو الشباب "المعارضة" .. والله ليمسحو الأرض فيني ...:.

الشاااااااااااااااطر يقرررررررررررررب
انا هوووون................:lol:

me2

18/02/2006, 20:24

الشاااااااااااااااطر يقرررررررررررررب
انا هوووون................:lol:

حياتي أتي ....."بالللاذقاني"

Reemi

18/02/2006, 20:25

واجبنا ندااافع ولووو

me2

18/02/2006, 20:29

واجبنا ندااافع ولووو

شكلو ما حدا بدو يهاجم .. الشباب معطلين ..

sezar

18/02/2006, 20:54

تعريف المعارض: هو من يقول الحقيقة في سبيل وطن أفضل ( طبعا من منظوري انا )
اذا المعارض يحب بلده و هو وطني , لكن من يأخذ مقابل معارضته فهذا مرتزق و ليس معارض لأنه يعارض من أجل المال و ليس من أجل وطن أفضل

قلبناها فلسفة بعرف بس بالعامي يلي بيقبض حق حبو لبلدو بكون مرتزق
تحياتي

me2

18/02/2006, 21:01

تعريف المعارض: هو من يقول الحقيقة في سبيل وطن أفضل ( طبعا من منظوري انا )

اذا المعارض يحب بلده و هو وطني , لكن من يأخذ مقابل معارضته فهذا مرتزق و ليس معارض لأنه يعارض من أجل المال و ليس من أجل وطن أفضل

قلبناها فلسفة بعرف بس بالعامي يلي بيقبض حق حبو لبلدو بكون مرتزق
تحياتي

هيك بيصير "معارض" بالمطلق .. بلكي الحكومة منيحة ؟؟ شو بدو يعارض ؟؟؟

برأيي : المعارض هو مواطن بيحب بلدو و بيحب يديرو بطريقة غير اللي عم يندار و يقاد فيها الوطن . دون أن يقبض أو يتصل بجهات خارجية . بالنهاية هو يعارض الطريقة أو الأسلوب.

هي أمريكا و انكلترا و غيرها بيكون أحد القطبين بالحكم فهل يا ترى بيروح المحافظون ولا العمال و بيتصلو بالعدو ؟؟؟؟

اللي بيتصل بجهات خارجية هو خاين .

وللعلم مافي جهة خارجية بتدفع مصاري لحدا لأنو بيحب بلدو.

Reemi

18/02/2006, 21:03

يعني كل شي بفرنسا مرتزق........................

me2

18/02/2006, 21:07

يعني كل شي بفرنسا مرتزق........................

نعم ستي .. من فرنسا و لندن و حتى حمص ..

هلق بيقوم علينا الحسون ...

Reemi

18/02/2006, 21:11

هههههههههههههههههههههه
ابو الحسسين باليونان هلق

بعررف انن مرتززززقه بس كنت حابه انتو تجااوبو

sezar

18/02/2006, 21:15

هيك بيصير "معارض" بالمطلق .. بلكي الحكومة منيحة ؟؟ شو بدو يعارض ؟؟؟

برأيي : المعارض هو مواطن بيحب بلدو و بيحب يديرو بطريقة غير اللي عم يندار و يقاد فيها الوطن . دون أن يقبض أو يتصل بجهات خارجية . بالنهاية هو يعارض الطريقة أو الأسلوب.

هي أمريكا و انكلترا و غيرها بيكون أحد القطبين بالحكم فهل يا ترى بيروح المحافظون ولا العمال و بيتصلو بالعدو ؟؟؟؟

اللي بيتصل بجهات خارجية هو خاين .

وللعلم مافي جهة خارجية بتدفع مصاري لحدا لأنو بيحب بلدو.
اي تمام الكلام

rawad

18/02/2006, 21:20

في شي اسمو مستعرض: بس بدو يلت ويلعي على الفاضي بالسياسي كرمال يغطي شي تاني(رياض سيف)
وفي شي عارض: وهو اللي حس المعارضة بيظهر عندو بس تتعطل مصالحو وكمان ما بيطلع من أمرو شي (عبد الحليم خدام)
في شي اسمو معورض وهو اللي بدو يعمل حالو معارضة كرمال يقبضلوا قرشين وتضرب البلد واللي فيها (الغادري)
وفي شي اسمو معارض: وهو الشخص اللي بشوف الغلط ببلدو وما بيسكت عنو وبيكون هدفوا الوطن والوطن ولا شيء سوا الوطن (متل العراضة عفوا المعارضة الموجودة داخل سوريا)

me2

18/02/2006, 21:36

في شي اسمو مستعرض: بس بدو يلت ويلعي على الفاضي بالسياسي كرمال يغطي شي تاني(رياض سيف)
وفي شي عارض: وهو اللي حس المعارضة بيظهر عندو بس تتعطل مصالحو وكمان ما بيطلع من أمرو شي (عبد الحليم خدام)
في شي اسمو معورض وهو اللي بدو يعمل حالو معارضة كرمال يقبضلوا قرشين وتضرب البلد واللي فيها (الغادري)
وفي شي اسمو معارض: وهو الشخص اللي بشوف الغلط ببلدو وما بيسكت عنو وبيكون هدفوا الوطن والوطن ولا شيء سوا الوطن (متل العراضة عفوا المعارضة الموجودة داخل سوريا)

حلووة .....

Reemi

18/02/2006, 21:40

في شي اسمو مستعرض: بس بدو يلت ويلعي على الفاضي بالسياسي كرمال يغطي شي تاني(رياض سيف)
وفي شي عارض: وهو اللي حس المعارضة بيظهر عندو بس تتعطل مصالحو وكمان ما بيطلع من أمرو شي (عبد الحليم خدام)
في شي اسمو معورض وهو اللي بدو يعمل حالو معارضة كرمال يقبضلوا قرشين وتضرب البلد واللي فيها (الغادري)
وفي شي اسمو معارض: وهو الشخص اللي بشوف الغلط ببلدو وما بيسكت عنو وبيكون هدفوا الوطن والوطن ولا شيء سوا الوطن (متل العراضة عفوا المعارضة الموجودة داخل سوريا)
ملعوووبه

me2

18/02/2006, 21:46

اي تمام الكلام

الله يتم عليك ... ما في احلى من الاتفاق ...

fady juventus

18/02/2006, 22:13

في شي اسمو مستعرض: بس بدو يلت ويلعي على الفاضي بالسياسي كرمال يغطي شي تاني(رياض سيف)
وفي شي عارض: وهو اللي حس المعارضة بيظهر عندو بس تتعطل مصالحو وكمان ما بيطلع من أمرو شي (عبد الحليم خدام)
في شي اسمو معورض وهو اللي بدو يعمل حالو معارضة كرمال يقبضلوا قرشين وتضرب البلد واللي فيها (الغادري)
وفي شي اسمو معارض: وهو الشخص اللي بشوف الغلط ببلدو وما بيسكت عنو وبيكون هدفوا الوطن والوطن ولا شيء سوا الوطن (متل العراضة عفوا المعارضة الموجودة داخل سوريا)
قوية..

هي عالقافية
روووووووووووووووووووووووو وووووح أبو الرود شايفلك

yass

18/02/2006, 22:20

طيب ....

لما تحكوا أحكوا باليقين و الوقائع ... رجاءا يعني.

لما تشوفوا رياض الترك طلع من سوريا و راح أخذ قرش واحد من أمريكا ... احكوا
لما تشوفوا أمريكا بعتت مجموعة محامين ليدافعوا عن عارف دليلة .... احكوا

ما بيجوز تحطوا كل المعارضة بصندوق واحد , أساسا ما بيصير نحكي عن معارضة ككل, لما ينحكى عن المعارضةأنا بحكي عن أشخاص , ما عم أحكي عن منظمات و أحزاب و دول..
أخي , ظلوا لبكرا الصبح خونونا , اربطونا مع المؤامرة الأمريكية-الصهيونية , اعملوا شو ما بدكون , أنا ما راح أزعل لأنو أعرف نمط تفكيري و واثق منو.
بخصوص ميزانية أميركا لتغيير النظام في عدد لا بأس به من دول العالم (ليس فقط سوريا) فخليهون يروحو يصرفوها على نيو أورليانز , و اذا بدهون الغادري يصير رئيس جمهورية , فبنصحهون يعملولو جمورية بصحراء تكساس و نبعتلو خدام يصير رئيس وزراء .

أنا شخصيا و أغلب أعضاء المنتدى من "المعارضين" راهنا دائما على التحويل الديمقراطي بشكل سلمي و من داخل سوريا حصرا , و أنا شخصيا راهنت و ما زلت مراهنا على تغيير النظام من داخل حزب البعث .
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

اللي ما بيصير نتقبلوا هو استمرار الظلم و القهر و الفساد داخل بنيان النظام السوري , و تخوين من يقف بوجه هذه الممارسات بحجة الضغوط الأمريكية .

me2

18/02/2006, 22:29

طيب ....

لما تحكوا أحكوا باليقين و الوقائع ... رجاءا يعني.

لما تشوفوا رياض الترك طلع من سوريا و راح أخذ قرش واحد من أمريكا ... احكوا
لما تشوفوا أمريكا بعتت مجموعة محامين ليدافعوا عن عارف دليلة .... احكوا

ما بيجوز تحطوا كل المعارضة بصندوق واحد , أساسا ما بيصير نحكي عن معارضة ككل, لما ينحكى عن المعارضةأنا بحكي عن أشخاص , ما عم أحكي عن منظمات و أحزاب و دول..
أخي , ظلوا لبكرا الصبح خونونا , اربطونا مع المؤامرة الأمريكية-الصهيونية , اعملوا شو ما بدكون , أنا ما راح أزعل لأنو أعرف نمط تفكيري و واثق منو.
بخصوص ميزانية أميركا لتغيير النظام في عدد لا بأس به من دول العالم (ليس فقط سوريا) فخليهون يروحو يصرفوها على نيو أورليانز , و اذا بدهون الغادري يصير رئيس جمهورية , فبنصحهون يعملولو جمورية بصحراء تكساس و نبعتلو خدام يصير رئيس وزراء .

أنا شخصيا و أغلب أعضاء المنتدى من "المعارضين" راهنا دائما على التحويل الديمقراطي بشكل سلمي و من داخل سوريا حصرا , و أنا شخصيا راهنت و ما زلت مراهنا على تغيير النظام من داخل حزب البعث .
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

اللي ما بيصير نتقبلوا هو استمرار الظلم و القهر و الفساد داخل بنيان النظام السوري , و تخوين من يقف بوجه هذه الممارسات بحجة الضغوط الأمريكية .

أنا ما بعرف اذا أخدو مصاري من أمريكا ولا لاء .. د.دليلة شخص متعلم و مثقف و استاذ .. و أكيد في شي غلط كبير صار بحبستو ..

أما رياض الترك .. بفضل ما أحكي عنو منشان ما أجرح مشاعر حدا .

رأيك بالغادري و أمريكا على عيني وراسي ..

ما حدا ما قال أنو ما في أخطاء .. بس يعني أنو لازم نغير النظام من داخل الحزب ولا من خارجو . مو ظابطة معي ... طالما الرئيس موجود و بقدرة ممتازة على المحاكمة والقيادة .. بيكفي يكون في شعب متفهم للمرحلة و متفهم ليش صاير هيك بحالنا و صرنا أخر البشر , ليترجع سوريا لأيام عزها .

ملك الهكرز

18/02/2006, 22:29

بالوقتنا هاد ما في شي اسمو معارض خايف على بلدو
كلامي عن الوضع السياسي يلي عما نعيشو هلاء مو قبل ولا بعدين
--------------------------------------------------------------------------
لانو امريكة النسة هية يلي عما تخلق المعارصة
ونصون بيطلعو والله شو سيارة وارض وبيت واخر الشهر بيعطو شوية مصاري بيقول لحالو احسن من العيشة عناااااا
بس نسيان الشرف تبعو يوم اي واحد يسألو انتى منين شو جابك بيألك معارض تعال سألو شو بتتمنا لبلدك بيألك العدل بس شو العدل بالنسبة الو ماحد بيعرف
هي المعارضين العراقيين شوفو شو صار فيون وبالعراق يعني هيك احسن امريكا تاخد خيرات العراق وأمريكا البعض بيقول انو خسرانة
اي خسرانة بشر والبشر عند امريكا ولا شي المهم النفط والعملة والسيطرة على الشرق
لساااااااا المخطط الاسرائيلي اشو من مخطط امريكا
يعني هدول المعارضين اكيد بدون يروح على الدول المعارضة للسياسة السورية وبعدين هدول الدول بيكونو متعاملين مع امريكا ترا عنا كذا وكذا اديش بيطلعنا عليهون وهلم جرة
وبتجي امريكا بتدفعلون بس امريكا من وين عما تجيب كل هاد
بتجي لسوريا ترا نحنا عنا نسبة معارضين كبير للنظام اديش بتدفعي من شان نسكوت شوي
بترجع الدولة بتدفع من شان المشاكل وما بتروح غير على المواطن السوري
يعني نحنا اعدين بدوامة يوم تكون امريكا مستعدة للحرب بتجمع كل المعارضين وبتوقعون على الموافقة على قمع النظام بتروح الامم المتحدة وبيوافق المجلس على شن حرب على النظام ومقاطة ووووووو متل ما صار بالعراق
بقى اكبر خاين بالنسبة للرئيي الشخصي بهاد الوقت هو المعارض
وبهي الاوضاع يلي عما نعيشا يعني واكبر خاسر بالحرب هوي المواطن السوري

عــــــــــــــــــــــــ ــــــــــــــــوجة

yass

18/02/2006, 22:36

طالما الرئيس موجود و بقدرة ممتازة على المحاكمة والقيادة .. بيكفي يكون في شعب متفهم للمرحلة و متفهم ليش صاير هيك بحالنا و صرنا أخر البشر , ليترجع سوريا لأيام عزها .
طيب ليش ما فيني قول أنو أنا ما بعتبر بشار الأسد شخص كفء لقيادة دولة , ولا أنا موافق على طريقة وصولو للحكم ولا موافق على آلية ادارة الدولة , ليش ما فيني احكي هيك بدون ما تعتبروني أمريكاني ؟؟
يعني أنا بالنسبة الي رياض الترك شخصية من أفضل ما أنجبته سوريا ..أنت ما بتحبو , طيب حقك !!!

بعدين انت قلت أنو سوريا لازم ترجع لأيام عزها ... أنا بعتقد أنو أيام عز سوريا لسى ما عشناها , أنو الخير لقدام , على كل هذا رأي شخصي

me2

18/02/2006, 22:39

طيب ....

لما تحكوا أحكوا باليقين و الوقائع ... رجاءا يعني.

لما تشوفوا رياض الترك طلع من سوريا و راح أخذ قرش واحد من أمريكا ... احكوا
لما تشوفوا أمريكا بعتت مجموعة محامين ليدافعوا عن عارف دليلة .... احكوا

ما بيجوز تحطوا كل المعارضة بصندوق واحد , أساسا ما بيصير نحكي عن معارضة ككل, لما ينحكى عن المعارضةأنا بحكي عن أشخاص , ما عم أحكي عن منظمات و أحزاب و دول..
أخي , ظلوا لبكرا الصبح خونونا , اربطونا مع المؤامرة الأمريكية-الصهيونية , اعملوا شو ما بدكون , أنا ما راح أزعل لأنو أعرف نمط تفكيري و واثق منو.
بخصوص ميزانية أميركا لتغيير النظام في عدد لا بأس به من دول العالم (ليس فقط سوريا) فخليهون يروحو يصرفوها على نيو أورليانز , و اذا بدهون الغادري يصير رئيس جمهورية , فبنصحهون يعملولو جمورية بصحراء تكساس و نبعتلو خدام يصير رئيس وزراء .

أنا شخصيا و أغلب أعضاء المنتدى من "المعارضين" راهنا دائما على التحويل الديمقراطي بشكل سلمي و من داخل سوريا حصرا , و أنا شخصيا راهنت و ما زلت مراهنا على تغيير النظام من داخل حزب البعث .
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

اللي ما بيصير نتقبلوا هو استمرار الظلم و القهر و الفساد داخل بنيان النظام السوري , و تخوين من يقف بوجه هذه الممارسات بحجة الضغوط الأمريكية .

كبر معلاقي .. مافيني أخرس ..

هلق شو بتسمي لما زعيم سياسي بيعمل مقابلة مع صحيفة أجنبية تابعة وبوق لنظام معادي ...؟؟؟

yass

18/02/2006, 22:44

ليش صارت الصحيفة معادية؟؟

أصبح كمان بشار الأسد خاين لأنو حكى مع الواشنطن بوست.... شو يعني حرام علينا و حلال عليكون؟

صارت المقابلة الصحفية خيانة؟؟!!!

me2

18/02/2006, 22:47

طيب ليش ما فيني قول أنو أنا ما بعتبر بشار الأسد شخص كفء لقيادة دولة , ولا أنا موافق على طريقة وصولو للحكم ولا موافق على آلية ادارة الدولة , ليش ما فيني احكي هيك بدون ما تعتبروني أمريكاني ؟؟
يعني أنا بالنسبة الي رياض الترك شخصية من أفضل ما أنجبته سوريا ..أنت ما بتحبو , طيب حقك !!!

بعدين انت قلت أنو سوريا لازم ترجع لأيام عزها ... أنا بعتقد أنو أيام عز سوريا لسى ما عشناها , أنو الخير لقدام , على كل هذا رأي شخصي

حقك تفكر اللي بدك ياه .. بس هل تعتقد أنو تعليمك و ثقافتك وخبرتك بالحياة و السياسة بتأهلك لتحكم على الرئيس بشار و اداؤه؟؟ مع احترامي الشديد . اذا بدك أسالني نفس السؤال .

كلنا منعرف أنو في أخطاء . بس الحل مو بتغيير النظام .. التغيير بيبدا من القاعدة بالمنطق .. مظبوط ولا لاء ؟؟؟ معناتو لازم يتغير تفكير الناس و طريقة عيشتهم و اداؤهم و بعدين سيفرز قادة و مدراء مناح بالفطرة . أما شغلة أنقلاب و أكل هوا .. يعني حمام دم .. واي حدا بيرضى يشوف حمام دم ببلدو بيكون خاين .. مهما كانت الاسباب.

بالمناسبة أنا ما بعتبرك أمريكاني لحتى شوفك لابس طاقية كاوبوي و راجع على البلد على دبابة ميركافا .

me2

18/02/2006, 22:50

ليش صارت الصحيفة معادية؟؟

أصبح كمان بشار الأسد خاين لأنو حكى مع الواشنطن بوست.... شو يعني حرام علينا و حلال عليكون؟

صارت المقابلة الصحفية خيانة؟؟!!!

أول شي ليش عم تقسم نحنا وأنتو ؟؟؟ مو كلنا سوريين ..؟؟ ..

وليش عمل تحمل حكيي غير معاني ؟ و ليش عم تجاوب بأسئلة ...؟؟؟

تعا ندور على نقاط الاتفاق ... أحسن و أفيد ...

yass

18/02/2006, 22:53

حقك تفكر اللي بدك ياه .. بس هل تعتقد أنو تعليمك و ثقافتك وخبرتك بالحياة و السياسة بتأهلك لتحكم على الرئيس بشار و اداؤه؟؟ مع احترامي الشديد . اذا بدك أسالني نفس السؤال .

كلنا منعرف أنو في أخطاء . بس الحل مو بتغيير النظام .. التغيير بيبدا من القاعدة بالمنطق .. مظبوط ولا لاء ؟؟؟ معناتو لازم يتغير تفكير الناس و طريقة عيشتهم و اداؤهم و بعدين سيفرز قادة و مدراء مناح بالفطرة . أما شغلة أنقلاب و أكل هوا .. يعني حمام دم .. واي حدا بيرضى يشوف حمام دم ببلدو بيكون خاين .. مهما كانت الاسباب.

بالمناسبة أنا ما بعتبرك أمريكاني لحتى شوفك لابس طاقية كاوبوي و راجع على البلد على دبابة ميركافا .

تسجيل متابعة , عندي شوية مشاغل بخلصهاو برجع ...

بحيي فيك رقيك بالنقاش

تحياتي

me2

18/02/2006, 22:58

تسجيل متابعة , عندي شوية مشاغل بخلصهاو برجع ...

بحيي فيك رقيك بالنقاش

تحياتي

يلا الشغل أضر و أكسب ....:lol:

yass

19/02/2006, 00:06

حقك تفكر اللي بدك ياه .. بس هل تعتقد أنو تعليمك و ثقافتك وخبرتك بالحياة و السياسة بتأهلك لتحكم على الرئيس بشار و اداؤه؟؟
أنا ما فيني احكم بهالشي , أنا أعتقدأنو عندي الوعي و الثقافة السياسية الكافية, لكن أظن أنو هالأمر ما بيتعلق بظني .
اللي متأكد منو أنو أنا مواطن سوري بالغ و بالتالي عندي حق الاقتراع , و فيك تعتبر كلامي تصويت بتجديد البيعة مثلا ..

مع احترامي الشديد . اذا بدك أسالني نفس السؤال .

ما راح اسألك لأنو ما بشك بوعيك و ثقافتك .... بيكفيني انك محترمني أنا و آراءي , و بشكرك على هالشي

كلنا منعرف أنو في أخطاء . بس الحل مو بتغيير النظام .. التغيير بيبدا من القاعدة بالمنطق ..

صعب تتغير القاعدة اذا رأس الهرم ما بدو يتحرك .

معناتو لازم يتغير تفكير الناس و طريقة عيشتهم و اداؤهم

كيف بدك موظف ما يرتشي مثلا اذا راتبو ما بيكفيه عشر أيام ؟؟ في أسلوب حياة بسورية فرضه الفساد المستشري , و ما عم أحكي عن رامي مخلوف , عم احكي على مستوى موظفين .
هلأ بسورية مافي خطة جدية لمكافحة الفساد , خلينا نحكي بموضوعية , كبار رجال الدولة هم بنفس الوقت أثرياء البلد , صحيح ؟ طيب معناتو كيف بدك عامة الشعب يشتغلو صح اذا بيشوفو الكبار ماشين غلط عالمكشوف , و كل ما حالهون بيرتقو بالمناصب .

أما شغلة أنقلاب و أكل هوا .. يعني حمام دم .. واي حدا بيرضى يشوف حمام دم ببلدو بيكون خاين .. مهما كانت الاسباب.

هون انا متفق معك ... خياري دائما هو الحل السلمي و من داخل سوريا حصرا مهما اشتدت الظروف .

بالمناسبة أنا ما بعتبرك أمريكاني لحتى شوفك لابس طاقية كاوبوي و راجع على البلد على دبابة ميركافا .

هالشي أكيد ما راح يصير ...و لا راح حط أيدي بأيد اللي مفكر يعمل هيك شي

SIRIUS4F

19/02/2006, 00:47

يعني انو انتو برايكم المعارضة خونة .........؟؟؟؟

وانو في بلد بلا معارضة ............................؟؟؟

وانو يعني بتصير البلد بلا معارضة (شريفة ) ..........؟؟؟؟؟؟؟؟؟؟

شكراًً

me2

19/02/2006, 10:45

أنا ما فيني احكم بهالشي , أنا أعتقدأنو عندي الوعي و الثقافة السياسية الكافية, لكن أظن أنو هالأمر ما بيتعلق بظني .
اللي متأكد منو أنو أنا مواطن سوري بالغ و بالتالي عندي حق الاقتراع , و فيك تعتبر كلامي تصويت بتجديد البيعة مثلا ..

أنا ما بشك بنية وضميرك أبدا .. بس بدي أسألك أنو ليش أساتذة الجامعات ومراكز البحوث السوريين داخل سوريا وخارجها ما بيطالبو ب "تجديد البيعة" ؟؟؟ ليش ما منسمع طلبات انضمام للمعارضة ألا من السوريين ألي ماألهم أي أساس علمي وتاريخي نضالي أصلا ؟؟ طبعا مو قصدي أنت أبدا .. أنت ألك حالة خاصة منجي عليها بعد شوي .

.

ما راح اسألك لأنو ما بشك بوعيك و ثقافتك .... بيكفيني انك محترمني أنا و آراءي , و بشكرك على هالشي

[SIZE=3]العفو . أنا عم أحكي من المحبة ألك ولكل شب خايف على وطنو و بدو ياه يكون أحسن بلد .

صعب تتغير القاعدة اذا رأس الهرم ما بدو يتحرك .

هدا حكي مخالف للمنطق .. على الأقل برأيي ... التغيير يبدأ من القواعد ليكون أثبت وأكثر مصداقية و ألية أفراز قيادة الدولة لا يمكن أن تصح ألا بصحوة القاعدة والتفاتها لوطنها . رح طول عليك و أرويلك قصة صارت معي من خمس وعشرين سنة ..

" أتعرفت على أخ فاضل عراقي من أخواننا الشيعة اللي كانو مضطهدين أيام صدام حسين و هربوا و التجؤ الى سوريا .. وكان هو و أخ ألو الناجيين الوحيدين من أحدى مجازر صدام بحق عائلنه وقريته .. الزلمة كان شبه عالم . دارس في بريطانيا ومحب للعراق وللقومية العربية .. قال لي كلمة بعمري ما بنساها ..قال : لا يكمن تشبيه صدام بالرئيس حافظ هذا ظلم شديد .. أنما الشعب العراقي بيتعامل مع صدام على أنو مرحلة و تنقضي و أنو الولاء للعراق أهم .. بينما السوريون رغم أنو الرئيس حافظ مو متل صدام .. فهم يخربون بلدهم نكاية بالنظام و برأس النظام . وهدا شيء غير مقبول ."

هلق اليوم فيك تلاقي استاذ محترم بيرضى يكون وزير ؟؟؟ طبعا لاء .. طيب ليش ما حدى و بيتطوع ليصير وزير ألا الفاسدين .؟؟؟

كيف بدك موظف ما يرتشي مثلا اذا راتبو ما بيكفيه عشر أيام ؟؟ في أسلوب حياة بسورية فرضه الفساد المستشري , و ما عم أحكي عن رامي مخلوف , عم احكي على مستوى موظفين .
هلأ بسورية مافي خطة جدية لمكافحة الفساد , خلينا نحكي بموضوعية , كبار رجال الدولة هم بنفس الوقت أثرياء البلد , صحيح ؟ طيب معناتو كيف بدك عامة الشعب يشتغلو صح اذا بيشوفو الكبار ماشين غلط عالمكشوف , و كل ما حالهون بيرتقو بالمناصب .

أنا مابدي موظف يعملي شي .. بدو يرتشي يصطفل .. بس أنا قدرت عيش بدون ما أرتكب مخالفات هي بالأصل مو من ثقافتنا ولا من ديانيتنا ولا بيتسامح فيها قانونا ..

الناس صايرين تنابل و فقدو حس الأبداع .. الحكومات السابقة ساعدت و أبدعت بهدا الشي الله لا يعطيها عافية .. بس أنا كمواطن ,, مسلم أو مسيحي لا ديني ولا ثقافتي سمحتلي أنجر ورا هدا الشي .. اليوم صار واقع راهن ويجب معالجته ... أما موضوع عدم وجود خطة , فهي معلومة مو دقيقة .. في خطة و تنفذ بتأخير زمني بسيط . يجب رفع الرواتب لتصير تكفي و بعدين يمكن محاسبة الناس قبل ما يكونو شبعانين من رواتبهم ..

مين قصدك كبار رجال الدولة اللي هم أثرياء البلد ؟؟؟ في كم واحد بقيو معهم مصاري و أنما هدول مو كبار الدولة .. و جهاز الحكم اليوم تقريبا كلو جديد ..

هون انا متفق معك ... خياري دائما هو الحل السلمي و من داخل سوريا حصرا مهما اشتدت الظروف .

هالشي أكيد ما راح يصير ...و لا راح حط أيدي بأيد اللي مفكر يعمل هيك شي

لو ما بعرف و متأكد من هدا الشي ما كنت بلشت كل هدا النقاش .. أنا بعرف أنك مو مجرم و أنا متأكد أنك بتعرف أني مو سجان "مجرم" .

يا أخي ليش عم نضيع حالنا بتفاصيل بدها تدقيق ومعلومات ما حدا منا عندو ياها ... خلينا على المتفقين عليه و هو برأيي التالي و ألك حق تزيد أو تحزف :

ضرورة العمل على تحسين وضع المواطن

ضرورة العمل على أنهاء الفساد و الانتهازية وانعدام المبادرة.

ضرورة أنهاء كل مخلفات النظام السابق وزبائنه.

ضرورة لم شمل كل أبناء والوطن وأشركهم بالعملية السياسية و قيادة الوطن و أعماره.

أما الطريقة :

البدء بالنفس و تصحيح الذات بما يتناسب مع ثقافتنا السورية الشريفة "القديمة" .

محاولة تربية أبناء صالحين .و تعميم ثقافة الخير والحب في مجتمعاتنا الصغيرة .

عدم الانخراط في تنظيمات ظاهرها ملمع وباطنها مرتبط.

الحفاظ على كل ما هو عام و أخبار أي سلطات بأي تخريب مقصود أو نتيجة أهمال.

ما ني شايف كتير هالحكي الرومانسي صعب .. وأي موظف ما عندو دخل أضافي بطريقة أو بأخرى بتمنى يقول ليش .. وبتمنى أنو يكون الدخل نظيف ..

me2

19/02/2006, 10:51

يعني انو انتو برايكم المعارضة خونة .........؟؟؟؟

طبعا هدا الحكي مو دقيق ... المعارضة مانها وحدة ولا ألها نفس المواصفات .. في منها خونة أكيد .

وانو في بلد بلا معارضة ............................؟؟؟

طبعا المعارضة الوطنية الحقيقية أغناء للوطن وضرورة .

وانو يعني بتصير البلد بلا معارضة (شريفة ) ..........؟؟؟؟؟؟؟؟؟؟

طبعا لاء

شكراًً

شكرا لألك .... بس بدي نبه أنو أحيانا الشباب عم يقرأو رد وحيد أو أكتر .. اذا بيقرو كل الموضوع و الردود عليه من كل الأطراف بيصير ردهم أغني و بيوفر أعادة الحكي عدة مرات .. أنا من حالي مستعد ضل عيد و أفتق لحتى نوصل لصيغة تريح الكل و توضع الكل بنفس الخيمة و هي خيمة محبة الوطن ... "مو خيمة الأمويين" ..

me2

19/02/2006, 16:33

واكد حسن عبد العظيم الناطق باسم التجمع الوطني المعارض (ائتلاف يضم خمسة أحزاب معارضة) وأحد أبرز المساهمين في وثيقة "إعلان دمشق" رفض أحزاب التجمع وأطراف "إعلان دمشق" " قبول أي دعم مالي من أي دولة خارجية". وقال: "نحن في وثيقة إعلان دمشق، وإذا ما لمسنا أن طرفا من أطراف المعارضة قبل معونة خارجية فسنأخذ موقفاً حاسماً منه"، وأكد: "لا نقبل الدعم والتمويل من أي جهة لا أميركية ولا أوروبية، ونعتمد على اشتراكات أعضائنا وتمويلنا الذاتي".

وقال الناشط والكاتب ميشال كيلو إن "لا أحد يريد تمويلاً من (كوندوليزا) رايس ولا من غيرها، لأن مشاكل المعارضة السورية ليست مالية بل سياسية، ومستقبل العملية السياسية في سوريا لا يتوقف على التمويل بل على البرامج الصحيحة وانفتاح القوى السياسية بعضها على البعض، وانفتاح النظام على شعبه وعلى أحزاب المعارضة". وأوضح ان "أميركا ليست الجهة التي تفكر المعارضة السورية في تلقي دعم مالي منها، لأن سياستها في الشرق الأوسط وحيال الشعب الفلسطيني لا تسمح، ولن تدع أحداً يفكر في مد يده إليها ومن يفعل ذلك فلن يجد مكانا له في إعلان دمشق".

Reemi

19/02/2006, 16:45

شو يعني نكته؟؟؟؟؟؟؟؟؟؟؟

me2

19/02/2006, 16:54

شو يعني نكته؟؟؟؟؟؟؟؟؟؟؟

لا والله عن جد .. هيك عم بيقول ... أبصر أنو معارضة اللي بدها تقبض ..

Reemi

19/02/2006, 17:04

هع هع هع ههههههههههههههه

toocoolfriend

19/02/2006, 22:00

حين يصير الحكم في مدينة نوعا من البغاء
ويصير التاريخ في مدينة ممسحة
والفكر كالحذاء
حين تصير نسمة الهواء تاتي بمرسوم من السلطان
وحبة القمح التي ناكلها تاتي بمرسوم من السلطان
حين تصير امة باكملها ماشية تعلف بزريبة السلطان
يختنق الاطفال في ارحامهم ...
وتجهض النساء
وتسقط الشمس على ساحتنا
مشنقة سوداء ....
يمكن وصلنا للزمن اللي كان عم يوصفو نزار
يمكن بطل بدنا سياسيين يحكمونا, صار لازم يحكمنا الشعراء
وينك يا نزار وينك يا قائد وينك يا رجل الأمة العربية الأول

me2

19/02/2006, 22:03

يمكن وصلنا للزمن اللي كان عم يوصفو نزار
يمكن بطل بدنا سياسيين يحكمونا, صار لازم يحكمنا الشعراء
وينك يا نزار وينك يا قائد وينك يا رجل الأمة العربية الأول

معك حق .. على الأقل نزار كان عمل الوزارة كلها نسوان حلوين ... والله ضاق خلقنا من نايلة معوض ...

krimbow

20/02/2006, 06:00

تم حذف الردود الخارجة عن اعراف و تقاليد الكتابة بالمنبر الحر

يا جماعة بدكم ما تواخزوني ... اجتني مرضة قوية هاليومين ... و بكل الاحوال انا نادرا ما اقدر ادخل ع النت ايام السبت و الاحد

فازا صار تقصير لا تواخزوني

بعدين شغلة مهمة

ليش متخاصمين مع زر "المخالفات" ؟؟؟
اي هاد الزر يلي شكلو متل مثلث دهبي فيو اشارة تعجب على يمين كل مشاركة، يللي محطوط مشان لما تشوفوا مشاركة عاطلة تكبسوا عليه مشان يوصلنا بطريقة اسرع

ليش متخاصمين معو ؟؟؟
ليكون مو عاجبكم شكلو ؟؟؟

krimbow

20/02/2006, 06:38

واكد حسن عبد العظيم الناطق باسم التجمع الوطني المعارض (ائتلاف يضم خمسة أحزاب معارضة) وأحد أبرز المساهمين في وثيقة "إعلان دمشق" رفض أحزاب التجمع وأطراف "إعلان دمشق" " قبول أي دعم مالي من أي دولة خارجية". وقال: "نحن في وثيقة إعلان دمشق، وإذا ما لمسنا أن طرفا من أطراف المعارضة قبل معونة خارجية فسنأخذ موقفاً حاسماً منه"، وأكد: "لا نقبل الدعم والتمويل من أي جهة لا أميركية ولا أوروبية، ونعتمد على اشتراكات أعضائنا وتمويلنا الذاتي".

وقال الناشط والكاتب ميشال كيلو إن "لا أحد يريد تمويلاً من (كوندوليزا) رايس ولا من غيرها، لأن مشاكل المعارضة السورية ليست مالية بل سياسية، ومستقبل العملية السياسية في سوريا لا يتوقف على التمويل بل على البرامج الصحيحة وانفتاح القوى السياسية بعضها على البعض، وانفتاح النظام على شعبه وعلى أحزاب المعارضة". وأوضح ان "أميركا ليست الجهة التي تفكر المعارضة السورية في تلقي دعم مالي منها، لأن سياستها في الشرق الأوسط وحيال الشعب الفلسطيني لا تسمح، ولن تدع أحداً يفكر في مد يده إليها ومن يفعل ذلك فلن يجد مكانا له في إعلان دمشق".

منيح

كنت جايي اسفقك هالديباجة
بس اجت منك مو مني، و في تصاريح لرياض سيف و مأمون الحمصي بشأن هالمساعدات و كتير مهم تقراها

عموما انا بعارض رأي الحكيم بالنقطة يللي طرحها (تبع ابو الزلف السمين)
لما ابو الزلف يكون بالحكومة و يقبل معونة خارجية، لازم يقبلها باسم البلد و حكومة البلد ... المفروض انو ما يقبلها لجيبتو (و ازا صار بيكون خاين... و على هالمقياس قيسوا مين الخاين، لك وصلت الاعطيات بفترة من الفترات انو يعطوا الجنسية و خصوصا تبع دولة نفطية شكيكة)
لما يقبل هيك معونات لازم يقبلها لدعم برنامج الحكومة السياسي ... يعني مشاريع للوطن و لمصلحة المواطن اولا و أخيرا
و مو عيب ابدا انو يلحس اصبعتو هوي و جماعتو من هالمشاريع (و ليس من المعونات)
بس تزكروا
يلحس اصبعتو ... مو يلحس المشاريع متل ما هيي، بالنهاية ابو الزلف و جماعتو لما يكونوا حكومة بيمثلوا الاغلبية، و بالتالي هنن الجزء الاكبر من المواطنين

يعني ليس من الخيانة انو لما بدي ادخل المعترك السياسي اني استفيد ماديا، و إلا فأنا بأكدلكم انو الناس يللي بتنفق مليارات الدولارات ع المعارك الانتخابية هيي ناس مجنونة و غير واقعية، و العكس غير ذلك

أما
لما يكون ابو الزلف معارضة و بيقبل معونات خارجية (خارجية حصرا) هون بيكون خاين
ليش اصلا عم يعطوه هالخارجيين معونات ؟؟؟ صدقة ؟؟ زكاة ؟؟؟ ما هوي اصلا لساتو برات الحكومة، و برامجو كلها (سياسة و اقتصادية و .. الخ) لساتها مجرد وعود، و حسب علمي انو الوعود ببلاش (إلا ازا حطوا عليها ضريبة من جديد)

بعدين انا ضد انو ينفتح هالباب من اي جهة كانت
تخيلوا الآتي
مصر تمول حزب الناصريين
السعودية تمول حزب الاسوة الحسنة
كردستان يمول حزب البي كي كي
اميركا تمول حزب الديمقراطيين
فرنسا تمول حزب الليبراليين
ارمينيا تمول حزب الطاشناك
موناكو تمول حزب 3 سبعات
تضرب براس اليابان و يروحوا يمولوا حزب الخضر مثلا

طيب برأيكم هي الاحزاب رح يصير همها مصلحة البلد ؟؟؟ و اللا همها مصلحة مصادرهم المالية؟؟؟؟

صياد الطيور

20/02/2006, 13:02

سوريا تدين التمويل الأميركي للمعارضة وتعتبره تدخلا بشؤونها////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////دان وزير الخارجية السوري وليد المعلم في مؤتمر صحفي بدمشق قرار الإدارة الأميركية تمويل الجماعات المعارضة داخل سوريا, معتبرا الإجراء تدخلا مرفوضا في الشأن الداخلي السوري.

يأتي ذلك في أول رد فعل لدمشق على قرار واشنطن الذي صدر الأسبوع الماضي والقاضي بتقديم نحو خمسة ملايين دولار في شكل منح لمن أسمتهم واشنطن "الإصلاحيين الديمقراطيين في سوريا".

وترى دمشق أن هذا الإجراء يأتي أيضا في إطار تكثيف واشنطن انتقاداتها لسوريا بشأن دورها المزعوم في اغتيال رئيس الوزراء اللبناني الأسبق رفيق الحريري.

وتقدم المنح الأميركية ضمن صندوق تمويل خصصته واشنطن لما تصفه بالإصلاحات في الشرق الأوسط وشمال أفريقيا. وقد خصصت حتى الآن مبلغ 300 مليون دولار لمشاريع في 14 دولة ومناطق فلسطينية. ولم يتضح بعد ما إن كانت جماعات سورية قدمت طلبا للحصول على التمويل أم لا.

وفرضت واشنطن مجموعة من العقوبات على سوريا عام 2004 في إطار مزاعم بأن سوريا تدعم الإرهاب، وقادت المساعي الدولية لعزل دمشق بع[/URL]د اغتيال الحريري يوم 14 فبراير/شباط 2005.[URL="////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// C6F1188-AA8D-4596-B457-821E6E7B734C%2ehtm&FRAMELESS=false&NRNODEGUID=%7b5C6F1188-AA8D-4596-B457-821E6E7B734C%7d&NRCACHEHINT=Guest#"]////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// C6F1188-AA8D-4596-B457-821E6E7B734C%2ehtm&FRAMELESS=false&NRNODEGUID=%7b5C6F1188-AA8D-4596-B457-821E6E7B734C%7d&NRCACHEHINT=Guest#)

المصدر سيريا نوبلز