حسام ملحم و علي علي [الأرشيـــــف]

me2

18/02/2006, 01:35

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

صوفيا – الوطن :

اعتقلت الاستخبارات الجوية السورية وهي فصيل تابع للاستخبارت لعسكرية في البلاد الطالبين الجامعيين علي علي وحسام ملحم , فيما تواصل مطاردة وملاحقة اخلاين بعد اتهامهم بالتحضر لانشاء تجمع شبابي ديمقراطي مستقل عن النظام الحاكم , وقال الناشط السياسي أنور البني الذي يترأس مركز الدراسات والابحاث القانونية في دمشق ان هدف التجمع الذي كان ينوي الطلبة تشكيله هو مناقشة مشاكل الشباب وهمومهم وقضاياهم الحياتيه .
وقال البني أن عناصر الامن هددت اهالي المطلوبين باعتقالهم كرهائن اذا لم يبادروا الى تسليم أنفسهم طوعا .
ويدرس علي علي ادارة الاعمال فيما يدرس حسام ملحم الصحافة في جامعة دمشق

الخبر مبين كلو كذب وتلفيق ...و فيو مية خطأ ..

zen

18/02/2006, 01:45

حسام ملحم
وعلي علي اعضاء باخوية

me2

18/02/2006, 01:48

حسام ملحم
وعلي علي اعضاء باخوية

شو يعني يا زين ؟؟؟؟؟؟؟

zen

18/02/2006, 01:50

ما بعرف شو يعني بس ليش الخبر كذب

me2

18/02/2006, 02:01

ما بعرف شو يعني بس ليش الخبر كذب

لأنو كلو أخطاء .. مارح أحكي تفاصيل مانها للنشر ...

السبب التاني المصدر هو دولة الكويت الشقيقة ...

Barleb

18/02/2006, 11:29

وقال البني أن عناصر الامن هددت اهالي المطلوبين باعتقالهم كرهائن اذا لم يبادروا الى تسليم أنفسهم طوعا .
[/quote]
شو وين عايشين نحني؟؟؟؟؟؟؟ :x

sezar

18/02/2006, 11:41

اي ليش مستغرب :?
من التمانينات الشباب بيتبعو اسلوب الرهائن و التهديد متل أي مافيا عالمية

و أخ Me2 بحب خبرك انو الخبر صحيح 100% و ما بحسن اثبتلك بس روح سآل الفرع بيقلولك :lol:

me2

18/02/2006, 12:28

اي ليش مستغرب :?
من التمانينات الشباب بيتبعو اسلوب الرهائن و التهديد متل أي مافيا عالمية

و أخ Me2 بحب خبرك انو الخبر صحيح 100% و ما بحسن اثبتلك بس روح سآل الفرع بيقلولك :lol:

سيزار .. أنا مارح ولا فيني أسأل حدا ... بتمنى أنو الخبر يكوت مو مظبوط ..

سيزار فيك تخبرني عن جد شو كانو الشبين عم يعملو ؟؟؟ يعني لا تقلي منشان كم مقالة بالأخوية أو غيرها .. لأنو اذا أنت عم تقول أنو الخبر صحيح بما فيه , معناتو أنو علي وحسام حاولو يساوي شي مو قانوني "بعرف الحكومة " ما تفهم حكيي أنو عم أتهجم على علي وحسام .. أنت بتعرف أني بحبون وبتمنالهم الخير .. بس اذا عم أتأكد أنو الخبر صحيح , فشو كانو عم يعملو ؟؟

me2

18/02/2006, 12:33

وقال البني أن عناصر الامن هددت اهالي المطلوبين باعتقالهم كرهائن اذا لم يبادروا الى تسليم أنفسهم طوعا .

شو وين عايشين نحني؟؟؟؟؟؟؟ :x[/quote]

هدا أحد عناصر ضعف المقال ... وأنا متأكد مية بالمية أنو هدا الحكي غلط .. أصلا حسام تحديدا رجال وما بيتخبى ولا بيسمح لحدا يهدد أهلو .. وبيروح على أي مكان وراسو مرفوع .. الزلمة مانو خاين و مية مرة قلتلو يخفف حدة ورفض . الزلمة مستعد يموت دون قناعاتو .. اللي ماني موافق عليها شخصيا ..

sezar

18/02/2006, 12:34

انت تعلم تماما انو بسوريا أي عمل اجتماعي كان او سياسي لا يكون تحت جناح الحكومة يكون ممنوع
و الشباب حسب "إيلاف" :
كانو عم يعملو تجمع شبابي لنقاش هموم الشباب السوري و طلاب الجامعات

ملاحظة :
مشان تكون على علم me2 يلي أخدو الشباب حسام و علي عم يقرو الكلام يلي هون حرف حرف

me2

18/02/2006, 12:43

انت تعلم تماما انو بسوريا أي عمل اجتماعي كان او سياسي لا يكون تحت جناح الحكومة يكون ممنوع
و الشباب حسب "إيلاف" :
كانو عم يعملو تجمع شبابي لنقاش هموم الشباب السوري و طلاب الجامعات

ملاحظة :
مشان تكون على علم me2 يلي أخدو الشباب حسام و علي عم يقرو الكلام يلي هون حرف حرف

ايلاف موقع مسيء للسوريين ..وكلو كذب واكل هوا و بيدس السم في العسل ..

أنا عم أسألك اذا أنت بتعرف شي .. مو اذا موقع تافه متل أيلاف عم يذكر ..

ياريت ماحدا يقول متأكد مية بالمية لما بيكون مصدر الخبر موقع على الانترنت .

واذا عم يقرو ..؟؟ شو عم أحكي أنا ولا أنت غلط ولا مؤامرة .؟؟؟ يفترض أنو غاية الجميع "بما فيهم اللي عم يقرو" هي مصلحة الوطن .. اذا حسام وعلي غلطو بشي نتيجة اندفاع شبابي مو معناتو أنو ينقضى على مستقبلون ... حسام تحديدا مندفع وبيغلط ومرة ضرب شوفير مكرو و لمتو كتير و اعتذر وعرف حالو أنو غلطان ... و اليوم أنا عم أسأل لأني أظن أنو بحاجة مساعدة وأنو لازم يفهم أنو الأمور لاتؤخذ بالعنف ....

اذا بتعرف شي بيفيد حسام وعلي ياريت تحكيه , طالما أنت مقتنع أنو اللي أخدوهم عم يقرو .. بلكي بتوضح وجهة نظرهم السلمية ومسالمة ووطنية مخلصة .

me2

18/02/2006, 12:49

انت تعلم تماما انو بسوريا أي عمل اجتماعي كان او سياسي لا يكون تحت جناح الحكومة يكون ممنوع
و الشباب حسب "إيلاف" :
كانو عم يعملو تجمع شبابي لنقاش هموم الشباب السوري و طلاب الجامعات

ملاحظة :
مشان تكون على علم me2 يلي أخدو الشباب حسام و علي عم يقرو الكلام يلي هون حرف حرف

هدا الموضوع اللي لازم تتناقش فيه الحكومة .. ولا يمكن لأي حكومة تسمح أنو يصير هيك عمل ألا بموافقتها . و ألا بيصير الموضوع فوضى ...و اذا بدك فيك تشوف أي دولة ديموقراطية بالعالم "غير لبنان " وتتأكد أنو بالقانون أي تجمع أو تحرك بدو موافقة مسبقة .

منتدى الأتاسي كان مفتوح لوقت قريب .. لمى شط عن المسموح اغلق .. يعني الأخوان المسلمين تنظيم ممنوع و ألقاء بيان للبيانوني من شي سنة داخل المنتدى عمل تافه ومدسوس .. واليوم واضح أنو رأي الحكومة بالبيانوني مظبوط .

sezar

18/02/2006, 12:56

حبيبي يلي عم يقرو بيعرفو شو الحق و شو الباطل !
و يلي عم يقرو عناصر لا حول لهم ولا قوة

بس بقلك انو انا مصادري مباشرة و ليست النت

آخر مكان قريت في عن اعتقال الشباب هوي النت ;-)

me2

18/02/2006, 13:02

حبيبي يلي عم يقرو بيعرفو شو الحق و شو الباطل !
و يلي عم يقرو عناصر لا حول لهم ولا قوة

بس بقلك انو انا مصادري مباشرة و ليست النت

آخر مكان قريت في عن اعتقال الشباب هوي النت ;-)

على راسي مصادرك .. بس مانها دقيقة ولانها مظبوطة .. وان غدا لناظره قريب ...

sezar

18/02/2006, 13:04

:lol:
شكلك ما رح تصدق او ما بدك

بس عم قلك مصادري بني آدمين و مو النت و بعدا انت حر تصدق أو لأ :dunno:

me2

18/02/2006, 13:11

:lol:
شكلك ما رح تصدق او ما بدك

بس عم قلك مصادري بني آدمين و مو النت و بعدا انت حر تصدق أو لأ :dunno:

مابدي صدق ؟؟ طبعا مابدي صدق .. لأني بحب سوريا و بحب شبابها ..

وانا عم قلك البني أدميين مصادرك غلطانين ... والخبر كلو غلط والغاية منو ما بتختلف عن غاية أمريكا من تجميد أموال ضباط سوريين .

وبتمنى من الشباب اللي خارج سوريا ما يزاودو علينا "اللي داخل سوريا" بدقة المعلومات والمصادر .. هدا موضوع كتير صاير مزعج .. مابدي اذكر هون مثل شامي مو كتير مهذب.

sezar

18/02/2006, 13:17

حبيبي الشباب هدول مو أول و مو آخر شباب عم يعتقلو

يا ما في شباب اعتقلو و ضلو بالسجن عشر سنين و 8 سنين بدون محاكمات حتى و هون عم حاكيك بمئات الأشخاص و ليس تنين او تلاتة

شو بتعرف عم سجن صيدنايا , شو بتعرف عن سجن تدمر ( و شو صار بقلب سجن تدمر ) ,
شو بتعر عن قصة الشخص يلي خلو يبلع فار ( اي فار أبو دنب , اي هاد يلي بحب الجبنة ) بلعو يا للزلمة أثناء التحقيق , و شو بتعرف عن الكرسي الألماني و شو بتعرف عم السجاير يلي عم تنطفا بيدين الأشخاص و المعتقلين أثناء التحقيقات ..........
مارح احكي أكتر رغم انو في حكي أحكي بس حاجة ..........

me2

18/02/2006, 13:21

حبيبي الشباب هدول مو أول و مو آخر شباب عم يعتقلو

يا ما في شباب اعتقلو و ضلو بالسجن عشر سنين و 8 سنين بدون محاكمات حتى و هون عم حاكيك بمئات الأشخاص و ليس تنين او تلاتة

شو بتعرف عم سجن صيدنايا , شو بتعرف عن سجن تدمر ( و شو صار بقلب سجن تدمر ) ,
شو بتعر عن قصة الشخص يلي خلو يبلع فار ( اي فار أبو دنب , اي هاد يلي بحب الجبنة ) بلعو يا للزلمة أثناء التحقيق , و شو بتعرف عن الكرسي الألماني و شو بتعرف عم السجاير يلي عم تنطفا بيدين الأشخاص و المعتقلين أثناء التحقيقات ..........
مارح احكي أكتر رغم انو في حكي أحكي بس حاجة ..........

نكش ونبش التاريخ هلق هو متل نكش ونبش القبور ... نحنا عم نحكي على اليوم .. أنا شايف غير اللي انت شايفو .. أنا منظاري غير منظارك على مايبدو ...

بالمناسبة ياريت تفوت و تعدل مشاركة أبو النسيم المخلة بأقل قواعد الأدب. وشكرا

me2

18/02/2006, 13:25

اذا بدو يتحول المنبر والأخوية لمكان للعنتريات دون احترام الأخرين رح يكون ألي حق الاعتذار من الجميع والرحيل .

sezar

18/02/2006, 13:25

--انا لست مشرف في المنبر --

و بعدين هلأ صار بدنا الحاضر ؟؟
ليش ما بينسو الماضي ازا بدنا الحاضر ؟؟
هاد مو كلام ..
انو يصير رئيس فرع ( و انت بتعرف شو يعني رئيس فرع ) سابقا وزير داخلية حاليا هاد مو كلام ...
و ازا ما بتعرف شي عن الأشياء يلي ذكرتا بالرد يلي قبل , اسئل بتعرف ( بس عريف مين تسأل )

me2

18/02/2006, 13:31

--انا لست مشرف في المنبر --

و بعدين هلأ صار بدنا الحاضر ؟؟
ليش ما بينسو الماضي ازا بدنا الحاضر ؟؟
هاد مو كلام ..
انو يصير رئيس فرع ( و انت بتعرف شو يعني رئيس فرع ) سابقا وزير داخلية حاليا هاد مو كلام ...
و ازا ما بتعرف شي عن الأشياء يلي ذكرتا بالرد يلي قبل , اسئل بتعرف ( بس عريف مين تسأل )

لك يا سيزار بالله عليك بلاها هل الافتراضات .. اللي صار وزير داخلية شخص محترم و شي بيشرفنا أنو بعد كذا وزير خرا .. اليوم صار قي وزير داخلية محترم .. يعني مهاجمة وزير نظيف اليوم شو اسمها ؟؟ وطنية ولا خيانة ؟؟ ولا غباء .؟؟

هدا الوزير تحديدا أنقدني مرتين .. لا تحكي حكي ما بتعرفو .. ياأما لازم تعيد النظر بالناس اللي مسميهم "مصادر موثوقة" يا أما مافي داعي تتهمني أنو ما بعرف ...

أنت بتعرف احترامي ألك ... ياريت الناس اللي برا ما يزاودو علينا وما يورطو شبابنا أكتر من هيك .

sezar

18/02/2006, 14:00

انا ما هاجمت شخص الوزير

اصلا بيقربني :?
و بعرف انو الزلمة لما استلم الشرطة العسكرية الكل لاحظ الفرق باتجاه الأحسن و صار في انضباط بأمور الشرطة العسكرية أكثر

انا لما حكيت عل النقطة قصدي المبدأ و ليس الشخص بالعكس انا انبصطت لما عرفت انو استلم لأنو شخص نضيف بالفعل

me2

18/02/2006, 14:08

انا ما هاجمت شخص الوزير

اصلا بيقربني :?
و بعرف انو الزلمة لما استلم الشرطة العسكرية الكل لاحظ الفرق باتجاه الأحسن و صار في انضباط بأمور الشرطة العسكرية أكثر

انا لما حكيت عل النقطة قصدي المبدأ و ليس الشخص بالعكس انا انبصطت لما عرفت انو استلم لأنو شخص نضيف بالفعل

يا عيني عليك .. اتفقنا .. الزلمة تدرج بالعمل الوظيفي وصار وزير .. وين الغلط ؟ وين المبدأ اللي أنت شايفو غلط ؟؟؟ بدل ما تحكي على هدا المبدأ .. روح أسأل قديش على الوزير عمر سالم في سمعة سيئة ..

أنا ضد التعميم .. الوضع بلش يتغير . ونحنا لازم نساعد يا شباب .. نعمل اللي علينا فقط .. أنا حزين كل الحزن على الشباب اللي عم تتشتت جهودهم و يتشتت حبهم للوطن .. الأعلام الغربي اللي مانو قدو ألا بحبنا لوطنا وتفانينا .. لك يا أخي وسعو افقكم و اقبلو الأخر متل ما عم نجبرو يقبل أي أخر ..

تعالو لهون و شوفو ... كل شي عم يتغير ...

sezar

18/02/2006, 14:14

اي كلشي عم يتغير ....
بزيدو المعاش من هون و بيغلا كلشي من هون ...
بنزين مازوت تلفون ... أساسيات الحيات عم ياخدوها من المواطن ...
كيف بتقلي بلش يتحسن ..
من سيء لأسوأ

me2

18/02/2006, 14:18

انا ما هاجمت شخص الوزير

اصلا بيقربني :?
و بعرف انو الزلمة لما استلم الشرطة العسكرية الكل لاحظ الفرق باتجاه الأحسن و صار في انضباط بأمور الشرطة العسكرية أكثر

انا لما حكيت عل النقطة قصدي المبدأ و ليس الشخص بالعكس انا انبصطت لما عرفت انو استلم لأنو شخص نضيف بالفعل

يا عيني عليك .. اتفقنا .. الزلمة تدرج بالعمل الوظيفي وصار وزير .. وين الغلط ؟ وين المبدأ اللي أنت شايفو غلط ؟؟؟ بدل ما تحكي على هدا المبدأ .. روح أسأل قديش على الوزير عمر سالم في سمعة سيئة ..

أنا ضد التعميم .. الوضع بلش يتغير . ونحنا لازم نساعد يا شباب .. نعمل اللي علينا فقط .. أنا حزين كل الحزن على الشباب اللي عم تتشتت جهودهم و يتشتت حبهم للوطن .. الأعلام الغربي اللي مانو قدو ألا بحبنا لوطنا وتفانينا .. لك يا أخي وسعو افقكم و اقبلو الأخر متل ما عم نجبرو يقبل أي أخر ..

تعالو لهون :adal: و شوفو ... كل شي عم يتغير ...

me2

18/02/2006, 14:27

اي كلشي عم يتغير ....
بزيدو المعاش من هون و بيغلا كلشي من هون ...
بنزين مازوت تلفون ... أساسيات الحيات عم ياخدوها من المواطن ...
كيف بتقلي بلش يتحسن ..
من سيء لأسوأ

مارح نوصل لحل وسط ..

من خمس سنين لليوم الرواتب زادت مية بالمية و الأسعار زادت بالحد الأقصى خمس وعشرين بالمية .. الاقتصاد بلش يتحرر و أغلب المواد صارت مسموحة استيراده "متل مابدو الشعب" وهدا شكل عبء على الليرة .. بس لليوم كل شي عم يتحسن ... بدك تصدق صدق .. ما بدك تصطفل ..

تعال و شوف السيارات اللي بالبلد .. تعال شوف أعداد المطاعم و امتلاءها ... تعال شوف الضواحي السكنية اللي عم تتعمر .. تعال شوف اللي بدك ياه .. الوضع عم يتحسن .. منتمنى أنو يكون أسرع .. بس أنا مو خبير اقتصاد و ما بتمنى يصير متل مصر .. بس اللي بيهمني النية و القرار بالتغييرو انشالله ما يكون معي أكل .. بس على الأقل يكون عندي أمل.

أبو النسيم

18/02/2006, 16:34

في تعليق صغير

إذا في حدى مانو مصدق أنو الشباب معتقلين أو في حدى عم يكذب المصدر

بحب خبرهون أنو الخبر صحيح

وأنا من أحد مؤسسي هذا التجمع وهلق عم نروح ونيجي على الفرع كل يوم

كل يوم تحقيق أنا وشب تاني ويمكن يتحقق معي بعد هذا الرد

أنا و الشب التاني فيك تقول شبه معتقلين بس عم نام بالبيت أخر الليل

والقصة بلشت مشان منبر أخوية الحر

والشباب طالعوا كل الحكي من تم حسام وعلى

على فكرة علي العلي مالوا اي علاقة بموضوع التجمع لا من قريب ولا من بعيد بس المسكين نعفط مع حسام بلمعية

إذا مانك مصدق

راسلني على الخاص وبعطيع أسمي الحقيقي و تفاصيل القصة

وشكرا

أذكرونا بالخير

بعد هاد الرد:cry: :cry: :cry: :cry: :cry:

rawad

18/02/2006, 16:43

إذا مانك مصدق

راسلني على الخاص وبعطيع أسمي الحقيقي و تفاصيل القصة

وشكرا

أذكرونا بالخير

بعد هاد الرد:cry: :cry: :cry: :cry: :cry:
لا براسلك ولا بتراسلني انا بالغلط فتت لهون كنت رايح على الصالون وخربطنا بالطريق
روح الله ياخذ بيدك

sezar

18/02/2006, 17:13

:lol: :lol: :lol: :lol:

me2

18/02/2006, 17:34

في تعليق صغير

إذا في حدى مانو مصدق أنو الشباب معتقلين أو في حدى عم يكذب المصدر

بحب خبرهون أنو الخبر صحيح

وأنا من أحد مؤسسي هذا التجمع وهلق عم نروح ونيجي على الفرع كل يوم

كل يوم تحقيق أنا وشب تاني ويمكن يتحقق معي بعد هذا الرد

أنا و الشب التاني فيك تقول شبه معتقلين بس عم نام بالبيت أخر الليل

والقصة بلشت مشان منبر أخوية الحر

والشباب طالعوا كل الحكي من تم حسام وعلى

على فكرة علي العلي مالوا اي علاقة بموضوع التجمع لا من قريب ولا من بعيد بس المسكين نعفط مع حسام بلمعية

إذا مانك مصدق

راسلني على الخاص وبعطيع أسمي الحقيقي و تفاصيل القصة

وشكرا

أذكرونا بالخير

بعد هاد الرد:cry: :cry: :cry: :cry: :cry:

انشالله ما يحاسبوك على الحكي الغير مهذب اللي حكيتو من كم يوم ... على كل حال بما أنك بتعرف كل هالمعرفة ليش طولة اللسان ؟؟؟ شو رح تستفيد اذا انحكمت شي كم سنة ؟؟

مارح أتعاطف معك اذا بتستخدم كل أيقونات الدموع يلي بالأخوية .. يعني يلي بدو يكون معارضة على الأقل يكزن مهذب منشان يحبب الناس فيه و بالمعارضة . أم و أنو حكيك بيكره العالم فيك و بالتيار اللي بتمثلو , فهدا بيؤكد أنكم ناس يا اما طاقق مخكم , أو خونة .. ولو أني بستبعد الخيار التاني لأنو حتى أمريكا ما بتدفع لهيك خونة . عندها بباريس و لندن و حتى حمص غير مزاريب.

me2

18/02/2006, 17:35

لا براسلك ولا بتراسلني انا بالغلط فتت لهون كنت رايح على الصالون وخربطنا بالطريق
روح الله ياخذ بيدك

حلوة ..:lol: :lol: :lol: مع أنو الزلمة ما قال لمين يراسلو . على أساس انو المراسلة على الخاص بتمرق ... بدها كبر عقل .

Joe

19/02/2006, 07:44

تكذيبك للخبر يا ابو الشباب فيه إهانة و إساءة لتنين شباب عم يعانوا و غالبا عم يتعرضوا لضرب و تعذيب لشغلة هي من أبسط حقوق الإنسان ألا و هوي الحديث عن الديمقراطية و التغيير الديمقراطي

و الخبر صحيح و من عدة مصدار... و تم تأكيده من قبل مكتب الأمنستي الرئيسي بلندن و طبعا من ناس مرتبطين بالخبر بشكل أساسي

رجاءا اذا مانك مصدق لا تصدق تصطفل... بس محاولتك المستميتة لتكذيب الخبر فيها إهانة كبيرة ما منرضاها

شكرا

me2

19/02/2006, 11:05

تكذيبك للخبر يا ابو الشباب فيه إهانة و إساءة لتنين شباب عم يعانوا و غالبا عم يتعرضوا لضرب و تعذيب لشغلة هي من أبسط حقوق الإنسان ألا و هوي الحديث عن الديمقراطية و التغيير الديمقراطي

و الخبر صحيح و من عدة مصدار... و تم تأكيده من قبل مكتب الأمنستي الرئيسي بلندن و طبعا من ناس مرتبطين بالخبر بشكل أساسي

رجاءا اذا مانك مصدق لا تصدق تصطفل... بس محاولتك المستميتة لتكذيب الخبر فيها إهانة كبيرة ما منرضاها

شكرا

أنا متأكد أنو الخبر كذب .أو تلت أرباعو.. بس أنتظرو على رزفكم كم يوم .. مابدها تسرع و مصادر مدري شو أسمها ...

fady juventus

19/02/2006, 17:44

بما أنك ما لح تفهم

بقى الرد كتير عليك

خليك عم تع** يا ***
هاد بيأكد كلامي اللي حكيتو إنك مثير للإشمئزاز و الإقياء
إنك دون مستوى الرد تبعي
مشان هيك أنا بترفّع عن الرد بدءا من هلأ على سخافاتك
وما رح إنزل لمستواك المتدني من جديد لأنو مكانتي ما بتسمح بهالشي
و تفوووووووووووو على هالزمان

WHITESNAKE

19/02/2006, 17:45

بتضامن مع الأخوة فادي وme2 وبرفض كلام أبو النسيم جملة وتفصيلاً
الحرية او المعارضة ما بتعني النزول لهيك مستوى والمنبر أصبح ينضح بما فيه
يعني بأيد كلام كتير من me2 بخصوص المواطن وعيشتو ومشاكلو وبعارضو ببعضها ومنحكي بمستوى العاقلين يمكن نلتقى كلنا مرة او تنتين ونعمل شي لبلدنا وطبعاً نفس الشي فادي او الباقي متل دانيتو او حسون او غيرهون
بس يلي عم تستخدمو أبو النسيم انتة او غيرك بطريقة سيئة جداً وما بيرتفع لمجال او ادنى حد من حدود النقاش الانساني (أرجو منك ما تسبني) بس يلي عم تحكيه لازم يتوقف ومرفوض من كل الأعضاء باختلاف تفكيرنا وحواراتنا

أبو النسيم

19/02/2006, 17:57

هاد رابط أهداء لفادي ومنمي

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

me2

19/02/2006, 22:21

بتضامن مع الأخوة فادي وme2 وبرفض كلام أبو النسيم جملة وتفصيلاً
الحرية او المعارضة ما بتعني النزول لهيك مستوى والمنبر أصبح ينضح بما فيه
يعني بأيد كلام كتير من me2 بخصوص المواطن وعيشتو ومشاكلو وبعارضو ببعضها ومنحكي بمستوى العاقلين يمكن نلتقى كلنا مرة او تنتين ونعمل شي لبلدنا وطبعاً نفس الشي فادي او الباقي متل دانيتو او حسون او غيرهون
بس يلي عم تستخدمو أبو النسيم انتة او غيرك بطريقة سيئة جداً وما بيرتفع لمجال او ادنى حد من حدود النقاش الانساني (أرجو منك ما تسبني) بس يلي عم تحكيه لازم يتوقف ومرفوض من كل الأعضاء باختلاف تفكيرنا وحواراتنا

شكرا ألك لتهذيبك وتربيتك المنزلية .. الاختلاف و التنوع هو أغناء للوطن ... لازم يكون في تلوين ولازم يكون تباين .... لحتى عن جد نكون يد بيد لبناء سوريا .. يعني مو بس نرفع شعار بلا طعمة ....

krimbow

20/02/2006, 05:41

شو هالمهاترات هي ؟؟؟؟

يا عيب الشوم عليك ابو النسيم

مهما كانت صداقتنا بتربطنا بس ما بسمحلك انك تطاول على اعضاء المنبر بهالطريقة البشعة

بدك تتهم الناس جيب ادلة واقعية

في بالاخوية اكتر من 6000 عضو مسجل

يللي منعرفو انو حسام و علي اندقوا تقرير و التقرير مدعوم بمواضيع من المنبر
بس مو ممكن انو نلقي التهمة ع اي حدا

عموما تم اتخاذ الاجراءات العقابية الكافية

krimbow

20/02/2006, 08:05

ع فكرة الخبرية صحيحة مية بالمية

و صرلي اكتر من جمعتين عم احكي بهالقصة

يا ابو الميم يا حبيبي
ازا نشرت الخبر جهات معادية للنظام بسوريا متل "ايلاف، و الوطن الكويتية، و المستقبل اللبنانية، و فرانس بريس(هلأ صارت معادية لسوريا)" مو معناها انو الخبر كاذب
شو منعمل ازا هنن بيحبوا يستغلوا هيك خبر ؟؟
منكذبو ؟؟؟

ليش ما النظام السوري بيبطل هيك حركات قرعا، و بيقطع الطريق على اعداؤو ؟؟؟؟

ليش ما بيتحاكموا الشباب محاكمة عادلة ؟؟؟ هاد ازا فرضنا جدلا انو عاملين شي غلط

بعدين الخبر نشرتو منظمة العفو الدولية (امنستي)
و هي جهة حيادية

و انشالله في ناس عم يحاولوا ينشروه بتقرير الهيومان رايتس واتش

me2

20/02/2006, 23:15

ع فكرة الخبرية صحيحة مية بالمية

و صرلي اكتر من جمعتين عم احكي بهالقصة

يا ابو الميم يا حبيبي
ازا نشرت الخبر جهات معادية للنظام بسوريا متل "ايلاف، و الوطن الكويتية، و المستقبل اللبنانية، و فرانس بريس(هلأ صارت معادية لسوريا)" مو معناها انو الخبر كاذب
شو منعمل ازا هنن بيحبوا يستغلوا هيك خبر ؟؟
منكذبو ؟؟؟

ليش ما النظام السوري بيبطل هيك حركات قرعا، و بيقطع الطريق على اعداؤو ؟؟؟؟

ليش ما بيتحاكموا الشباب محاكمة عادلة ؟؟؟ هاد ازا فرضنا جدلا انو عاملين شي غلط

بعدين الخبر نشرتو منظمة العفو الدولية (امنستي)
و هي جهة حيادية

و انشالله في ناس عم يحاولوا ينشروه بتقرير الهيومان رايتس واتش

أنا ما شفت حدا حكى على هدا الوضوع قبلي .. يا ريت أنكسرت أيدي فبل.

على كل حال ...

الخبر "بالصيغة اللي متوب فيها" من قبل كل المصادر "العظيمة" فيه أخطاء أساسية أدت لني أنا نكرتو جملة وتفصيلا .. هلق مارح أذكر التفاصيل الخاطئة لأنو بدو ينط حدا ما ويقلي أنو ليش مهتم بالتفاصيل بينما الجوهر أنو الشباب بالحبس ؟؟

ومع ذلك أنا الي حرية رأي أتي أقراء المكتوب من عنوانو .ز وهدا اللي ساويته بانتظار أني اتحقق من التفاصيل .. علما بأنو التحقق مو سهل وغير آمن.

بالنتيجة أنا اختفيت اليوم وقضيت خمس ساعات في اجراءات تفتيشية .. النتيجة معي و هي مو كتير حلوة ..ما بتنحكى بشكل عام لأنو في ناس بلأخوية شغلتهم الأذى لمجرد الأذى و هدول المرتزقة عم يأذو النظام اكتر ما عم يأذو المعارضة.. ماني خايف على حالي منو , خايف على الأبرياء اللي ما عم يعرفو يعبرو عن حب لوطنهم بطريقة مناسبة .

اللي سرب الخبر لكل "المصادر" اللي ذكرتها يا كريم .. بيهمو أنو ما يبين أثر للشباب و عم بيضيع جهود البحث عنون .. وبيهمو ما ينعرف بالظبط شو تهمة الشباب و نقى حسام لأنو عصبي و ممكن يغلط قدام الحكومة بسبب عنفوان و رهافة أحساسو .. و يبدو أنو اللي ورطتو نجح .. "حسب حكيك" .

هدا المرتزق رح ينكشف يوما من الأيام للحكومة و للمعارضة وينال عقابو الدنيوي لأنو العدالة في الأرض مو بالسماء.

اليوم البلد مليان بالخونة أكتر من أي وقت تاني .. واليوم خدام النووي متصل مباشرة بقادة جند الشام و التصعيد الطائفي ضد العلويين وصل لمراحل خطيرة و نحنا مفكرين الشغلة لعبة و مفكرين انو والله اللي بيكتب مقال على الانترنت ضد الحكومة بيتجرجر على السجن .. هدا الحكي بسيط وسطحي وغبي.

أي تنظيم سياسي غير مسلح ولو أنو ممنوع اليوم و رح يصير نظامي على مايبدو , يتم التعامل معه على حسب القانون "اللي بدو تغيير واللي عم يتغير"

صرلنا أربعين سنة بلا أحزاب , ما فينا ننتظر كم يوم أو كم شهر أو سنة بالكتير؟؟

الحكومة عفت حتى عن الأخوان المسلمين المدانين بجرائم .. ليش مستغربين أنو ينظم الأحزاب ؟

المخابرات الجوية اللي بعمرو ما حدا جاب سيرتها بالعاطل , حدا من الشباب خطر على بالو ليش هالهجمة العنيفة عليها بالأشهر السابقة؟؟

هل يا ترى حدا ربط : الهجمة على المخابرات الجوية ب خدام ب كون الجوية عم تعتقل جند الشام ؟؟

مو كلشي بينعرف بينقال ... اللي بيحب بلدو .. ينتظر هل كو شهر .. يا أما بتظبط "وبدها تظبط" يا أما بيجي خدام و بيعمللكم حرية رأي و بيطالعلكم المعتقلين من السجن ... بيجوز يعمللنا حرية بالصرماية .

krimbow

21/02/2006, 05:53

بيجوز
خيانة و وطنية و استشهاد و ...الخ

بخصوص شغلة انو نطول بالنا
يعني ما حيلتنا هالشغلة شئنا ام ابينا

بخصوص شغلة الخيانة و الوطنية
خيو خلينا نتفق على شغلة
خلنيا نتفق انو كل مين بيحب سوريا ... و حصرا سوريا، يعني بدون ما يحب مصر، او مكة، او قم، او باريس مع سوريا
كل مين بيحب هالبلاد الملعونة و المباركة بذات الوقت بطريقة الهية غريبة
هوي انسان وطني مبدئيا
يعني خلينا نتعامل مع بعض على هالاساس
بعدين ...
ازا تصرفاتنا دلت على غير شي ... منعود منخون بعض، او منحط نقاط جديدة للتخوين
ماشي ؟؟؟

واللا قلك ... رح افتح موضوع خص نص لهالشغلة

me2

21/02/2006, 11:49

أخي كريم:

ليش طنشت ردي و عم تحاول تغير كل الموضوع و تنقل الحديث لمكان تاني ؟؟؟؟

كأنك عم تأكدلي حكيي لما بطنشو ... هي مجرد ملاحظة .

whiterose

21/02/2006, 12:40

:gem: :sleeping: :7asheesh: :blow:
هاد ردي

me2

21/02/2006, 12:48

:gem: :sleeping: :7asheesh: :blow:
هاد ردي

ليش مين أنت ؟؟؟ كنت عم أسأل كريم ...

whiterose

21/02/2006, 13:09

ليش مين أنت ؟؟؟ كنت عم أسأل كريم ...
مابهمني رأيك ولا رأي كريم
مع احترامي ألكن:سوريا:

me2

21/02/2006, 13:26

مابهمني رأيك ولا رأي كريم
مع احترامي ألكن:سوريا:

ليش هيك عم تحكي ؟؟؟ والله أنا مو قصدي الأساءة و بتمنى أسمع رأيك و أي رأي تاني .. بس أنا فعلا عم أسأل كريم و ما فهمت رأيك أبدا ... على كل حال شكرا .

whiterose

21/02/2006, 13:30

ليش هيك عم تحكي ؟؟؟ والله أنا مو قصدي الأساءة و بتمنى أسمع رأيك و أي رأي تاني .. بس أنا فعلا عم أسأل كريم و ما فهمت رأيك أبدا ... على كل حال شكرا .
أنا مابعرف ليش فهمت أنو قصدي أساءة
وليش لتسأل كريم عني:shock:
أصلاً يمكن أنا كمان ما بهمو
ومن الأساس ليش لتقلي مين انتي
وعم اسال كريم
يعني مو ملاحظ انو شوي غريب

fady juventus

21/02/2006, 13:33

شو هالمهاترات هي ؟؟؟؟

يا عيب الشوم عليك ابو النسيم

مهما كانت صداقتنا بتربطنا بس ما بسمحلك انك تطاول على اعضاء المنبر بهالطريقة البشعة

بدك تتهم الناس جيب ادلة واقعية

في بالاخوية اكتر من 6000 عضو مسجل

يللي منعرفو انو حسام و علي اندقوا تقرير و التقرير مدعوم بمواضيع من المنبر
بس مو ممكن انو نلقي التهمة ع اي حدا

عموما تم اتخاذ الاجراءات العقابية الكافية
بتعرف شغلة كريم...
يا عيب الشوم عليك إنت
هالمرة نزلت من عيني ، وطلعت مغشوش فيك ، بس ما كنت عم انتبه أو ماني راضي انتبه وصدق حقيقتك
و هلأ شايف حالي مضطر صدق كل اللي انتقدوك بإنك منحاز لأنك هالمرة زودتها كتير
و بضيف عليها بإنك مشرف غير مسؤول ، وغير أهل لهالمهمة للأسف

لكل اللي ما عرف شو صار .. بقول بهاد الموضوع صار ما يلي :
1- نقاش عادي عن الشباب المعتقلين.
2- أبو النسيم بيدخل بيحكي كلام غير مسؤول وبيوزع اتهامات سخيفة و مسبات بلا طعمة شرق وغرب .
3- رديت أنا عليه و رد عليي كالعادة بالمسبات .

...أول مرحلة خلصت...

4- تدخل السيد كريم وعاتب أبو النسيم "بشكل ما بيخلى من النفاق" لأنن من نفس الطينة..."
5- كريم حذف الردود تبع أبو النسيم "كلها مسبات " وحذف ردي عليه ... والتنين بيعرّوا أبو النسيم وبيفرجوا صورة مشوهة كتير عنه ...
6- بيفوت أبو النسيم مبارح وبيعتذر على الكلام المزعج وقال إنو كان معصب كتير " وأنا قدرتلو هالحركة ما بخفيكن"

...هلأ الجديد اليوم...

7- دخلت اليوم الصبح ولقيت إعتذار أبو النسيم محذوف ؟؟؟؟؟؟؟؟؟؟؟

أنا بدي توضيح من كريم ، مع إني عطيتو فرصة ع فكرة قبل ما رد "بعتلو رسالة خاصة وطلبت توضيح بس الأفندي ما رد !!!

يعني و الله عيب
فعلاً اللي استحوا ماتوا

تفوووووووووووووووو على هالزمن

me2

21/02/2006, 13:33

أنا مابعرف ليش فهمت أنو قصدي أساءة

لأنك عم تقول أنو ٍايك ما بيهمني ...

وليش لتسأل كريم عني:shock:

أنا ما سألت كريم أو غيرو عنك

أصلاً يمكن أنا كمان ما بهمو
ومن الأساس ليش لتقلي مين انتي

لأني فكرت أنو كريم عامل أسمين لأنو اجا ردك على سؤالي لكريم ..
وعم اسال كريم
يعني مو ملاحظ انو شوي غريب

بكل الحالات .. حقك عليي .. وأنا أسف

whiterose

21/02/2006, 13:44

بتعرف شغلة كريم...
يا عيب الشوم عليك إنت
هالمرة نزلت من عيني ، وطلعت مغشوش فيك ، بس ما كنت عم انتبه أو ماني راضي انتبه وصدق حقيقتك
و هلأ شايف حالي مضطر صدق كل اللي انتقدوك بإنك منحاز لأنك هالمرة زودتها كتير
و بضيف عليها بإنك مشرف غير مسؤول ، وغير أهل لهالمهمة للأسف

لكل اللي ما عرف شو صار .. بقول بهاد الموضوع صار ما يلي :
1- نقاش عادي عن الشباب المعتقلين.
2- أبو النسيم بيدخل بيحكي كلام غير مسؤول وبيوزع اتهامات سخيفة و مسبات بلا طعمة شرق وغرب .
3- رديت أنا عليه و رد عليي كالعادة بالمسبات .

...أول مرحلة خلصت...

4- تدخل السيد كريم وعاتب أبو النسيم "بشكل ما بيخلى من النفاق" لأنن من نفس الطينة..."
5- كريم حذف الردود تبع أبو النسيم "كلها مسبات " وحذف ردي عليه ... والتنين بيعرّوا أبو النسيم وبيفرجوا صورة مشوهة كتير عنه ...
6- بيفوت أبو النسيم مبارح وبيعتذر على الكلام المزعج وقال إنو كان معصب كتير " وأنا قدرتلو هالحركة ما بخفيكن"

...هلأ الجديد اليوم...

7- دخلت اليوم الصبح ولقيت إعتذار أبو النسيم محذوف ؟؟؟؟؟؟؟؟؟؟؟

أنا بدي توضيح من كريم ، مع إني عطيتو فرصة ع فكرة قبل ما رد "بعتلو رسالة خاصة وطلبت توضيح بس الأفندي ما رد !!!

يعني و الله عيب
فعلاً اللي استحوا ماتوا

تفوووووووووووووووو على هالزمن
طول بالك اخ فادي
بس ياريت تتذكر وقت اجيت ضدي لما حكيت انو كريم بينحاز لأصحابو لو على حساب الحق