حزب اسمو " كول هوا و اتطلع بالمراية" [الأرشيـــــف]

عرض كامل الموضوع : حزب اسمو " كول هوا و اتطلع بالمراية"

me2

17/02/2006, 16:03

كنت اتمنى أن يعلق أحد السوريون الشرفاء وهم كثر .. أن صور ومواضيع التعذيب في العراق هي عبرة لبعض الخونة السوريون المختبأين وراء الستار الديوقراطي الأمريكي الشيفوني "من شيفون" وهؤلاء الظاهرون ظهور الشمس في طقة الظهر .. فقط لمن يريد أن يفتح عيناه .

هؤلاء الخونة اللذين يحلو لهم أن يسمو انفسهم "معارضة" وهم الذين تفننوا بسرقة أموال الناس ونهب خيرات الوطن.

هؤلاء الخونة الذين اراقو دماء الأبرياء و خربو نفوس الموظفين ..و اليوم تكشفوا على حقيقتهم من باريس ومن لندن وحتى من حمص.

أما نحن , فياعيب الشوم علينا .. حتى فسحة الحرية اللتي انفتحت لنا , فنحن نمعن في اساءة استثمارها وكأننا نريد أن نؤكد لبعض الحاقدين في المحيط العربي اننا لانستحق الا الحذاء ليتسلط على رقابنا.

مرة أخرى أقول تحت طائلة التخلي عنكم .. لنبدأ بأنفسنا و لنحاول مساعدة الرئيس بشار شخصيا , القرار أتخذ منه شخصيا بأن تصبح سوريا دولة حرة ديوقراطية وأهلها أحرار يعيشون عيشة محترمة , ولا يتقص الا ان نبدا بأنفسنا ..

راق حديثي أم لم يرق للبعض ,, فهذه هي قناعاتي اللتي لن تتغير. مهما تعين وزراء فاسدون ومدراء عامون سارقون.. فهولاء "قلة عابرة" وتبقى سوريا .

hala

17/02/2006, 16:25

me2

17/02/2006, 16:53

مرحبا صحيح انا مو كتير بفهم بالسياسي
بس في شغلي بحب احكيها
انو احيانا بحس انو النظام بسوريا كتير كريم وكتير اخلاقي
لأنو لما كان ما في مجال للتنفس ولا للتعبير كنا مسكرين تمنا وساكتين وما بننطق غير بالهتافات والكولكي, بعدين لما قرر النظام انو يعطي شوية حرية تم استغلالها للتخوين والسب والعمل على تغيير النظام وهدا الشي اللي عم ضيق فسحة الحرية المعطاة يعني ما في عنا (يا بنطخو يا بنكسر مخو).
طيب ليش ما بنفكر عن جد انو الدكتور بشار فعلا عم يحاول اجراء تغيير جدي بالبلد لصالح البلد وبنعمل معو على هدا الشي, وكل واحد ينطلق من حالو متل ما حكي الاستاذ صاحب الموضوع
لأنو مو كل الاخطاء بتحملها النظام القسم الكبير نحنا اللي بنتحملوا.

:سوريا: :سوريا: :سوريا:

يؤسفني ويسعدني بنفس الوقت أني قول أنك بتفهمي بالسياسة أكتر من كتير من قادة الأحزاب و المدعيين. اللي بيحب وطنو بيفهم بالسياسة بشكل غريزي.. بدون فذلكات وكولكة خدامية .

من يوم اللي الرئيس بشار بدأ درب الأصلاح , انجنت علينا أمريكا و ذيولها في المنطقة .. بس يلي بدو ما يشوف , غير الله ما بيخلي يشوف .. وبعض الشباب المتحمس والمندفع , عم يستغل أبشع استغلال من قبل من يسمي نفسه معارضة .. بس لو أعرف مين نصبهم مدافعين عنا ؟؟..
الله محيي أصلك ...

طنش تعش

17/02/2006, 17:00

مرحبا صحيح انا مو كتير بفهم بالسياسي
بس في شغلي بحب احكيها
انو احيانا بحس انو النظام بسوريا كتير كريم وكتير اخلاقي
لأنو لما كان ما في مجال للتنفس ولا للتعبير كنا مسكرين تمنا وساكتين وما بننطق غير بالهتافات والكولكي, بعدين لما قرر النظام انو يعطي شوية حرية تم استغلالها للتخوين والسب والعمل على تغيير النظام وهدا الشي اللي عم ضيق فسحة الحرية المعطاة يعني ما في عنا (يا بنطخو يا بنكسر مخو).
طيب ليش ما بنفكر عن جد انو الدكتور بشار فعلا عم يحاول اجراء تغيير جدي بالبلد لصالح البلد وبنعمل معو على هدا الشي, وكل واحد ينطلق من حالو متل ما حكي الاستاذ صاحب الموضوع
لأنو مو كل الاخطاء بتحملها النظام القسم الكبير نحنا اللي بنتحملوا.

:سوريا: :سوريا: :سوريا:

مشكورة ياهالة .............والشكر الكبير الك يا مي2

وانا بضيف لحكي هالة انو عاايام زمان كانت طلبات التحديث والتطوير تتكدس فوق بعضا ........

بس من وقت استلام الدكتور بشار ....كان كل طلب الو علاقة بالتطوير والتحسين يرجع بالموافقة وهاد شي محسوس ومرئي...

يعني بالنسبة للادقية عنا شوفوا شوا صار :

كل مايستلم محافظ جديد كان يبعت تقرير جديد لتطوير الطرقات وبناء الجسور والانفاق
ووووووووووووووو............اكتر الاشياء عم ترجع بالموافقة .....

ولحد هلق صارو مشتغلين باكتر من 3 انفاف وجسرين .......وعم يشتغلو هلق باضخم مشروع لتحسين الطرقات عند دوار محطة القطار......وصار في تنظيم لكتير امور........

يعني البلد بحالة تطوير مستمر..........وانا مابعتقد انو كانت الحركة هيك من قبل ..........
يعني في مدة قصيرة لاي مشروع عم ينشغل فيه .......مثلا مشروع النفق الاول: دوار هارون

كانت المدة تلات شهور .....واجا الدكتور بشار ودشن النفق وقت الي خلص ..........
يعني في تطوير سريع .............. وهاد بعتقد اسمو شغل للبلد.........

me2

17/02/2006, 17:09

مشكورة ياهالة .............والشكر الكبير الك يا مي2

وانا بضيف لحكي هالة انو عاايام زمان كانت طلبات التحديث والتطوير تتكدس فوق بعضا ........

بس من وقت استلام الدكتور بشار ....كان كل طلب الو علاقة بالتطوير والتحسين يرجع بالموافقة وهاد شي محسوس ومرئي...

يعني بالنسبة للادقية عنا شوفوا شوا صار :

كل مايستلم محافظ جديد كان يبعت تقرير جديد لتطوير الطرقات وبناء الجسور والانفاق
ووووووووووووووو............اكتر الاشياء عم ترجع بالموافقة .....

ولحد هلق صارو مشتغلين باكتر من 3 انفاف وجسرين .......وعم يشتغلو هلق باضخم مشروع لتحسين الطرقات عند دوار محطة القطار......وصار في تنظيم لكتير امور........

يعني البلد بحالة تطوير مستمر..........وانا مابعتقد انو كانت الحركة هيك من قبل ..........
يعني في مدة قصيرة لاي مشروع عم ينشغل فيه .......مثلا مشروع النفق الاول: دوار هارون

كانت المدة تلات شهور .....واجا الدكتور بشار ودشن النفق وقت الي خلص ..........
يعني في تطوير سريع .............. وهاد بعتقد اسمو شغل للبلد.........

العفو ولو .. مابدي شكر على أني صرحت عن اللي ببالي .. بس تسلم .

أنا سمعت أنو المحافظ نقل مكتبو الى مكان جانب النفق .. ولذلك انتهى العمل بالنفق بزمن قياسي نسبة لنفق الأمويين ...

الله يعمر سوريا ..

fady juventus

17/02/2006, 17:55

me2

17/02/2006, 18:06

أنا حاسس إنكن التلاتة بعيدين كتير عن الجو
وين طنشتو الفساد اللي نخر عظم الدولة
قوام بدنا ننط على كل الحواجز لنوقف مع الرئيس
أنا ماني ضد هالكلام
بس الرئيس شو عمل للبواليع والحيتان؟؟؟؟ ولا شي لللأسف :pos:
عنا ما يقرب من مليون فاسد فاسق عطيني قيادة تقدر تضبطن لكون معها إيد بإيد.

هدا رأيي أنت و كل واحد رأيو خاص ..

بس على كل حال أنت ما قرأت بدقة اللي انكتب ... لأنو ما حدا طنش الفساد ..

تانيا . حكيك متناقض .. شوي بدك يانا ما نط عن الحواجز ونوقف مع الرئيس .. وأنو شو عم يعمل الرئيس مع المفسيدي .. وشوية بتقول أنو الفساد صعب أصلاحه ولا يمكن ضبطه...

الرؤساء مو متلنا بيفكرو بعواطف و تسرع وحنين .. هدول ناس لازم يكونز من طبيعة خاصة و بيفكرو برواق وعلم ما عنا ياه ...

على كل حال مانا بعيدين عن بعض ...

hala

17/02/2006, 18:23

أنا حاسس إنكن التلاتة بعيدين كتير عن الجو
وين طنشتو الفساد اللي نخر عظم الدولة
قوام بدنا ننط على كل الحواجز لنوقف مع الرئيس
أنا ماني ضد هالكلام
بس الرئيس شو عمل للبواليع والحيتان؟؟؟؟ ولا شي لللأسف :pos:
عنا ما يقرب من مليون فاسد فاسق عطيني قيادة تقدر تضبطن لكون معها إيد بإيد.

يا عيني نحن ما طنشنا الفساد بس رفضنا اطلاق الاحكام المسبقة بواسطة حرية الرأي اللي وهبنا (وعم حط سطر تحت وهبنا) ياها الرئيس.
عم تسألني شو عمل أنا بقلك انو عمل راجع حالك من 5 سنيين لهلأ بتعرف بس نحن بنشوف اللي لسا ناقصنا وما بنشوف اللي تحقق
طيب أنا رح قلك مثال كيف ممكن نساعد الرئيس:
على فرض عندك معاملة بأي دائرة كانت في الدولة وطلب منك الموظف اكرامية انت على على استعداد انك ما تعطيه هي الاكرامية وتقوله (فشرت) للأسف لأ وأغلب الناس نفس الشي.
أنا برأيي بنكون عم نساعد الرئيس لما بنقول لهدا المرتشي لأ وهيك قصد الأخ بموضوع انطلق من نفسك.
بعدين يا جماعة ما في بلد صارت بدون تضحيات ولو على اي صعيد فخلونا نضحي شوي معليش كرمال سورية اللي كلنا بنحبها.

me2

17/02/2006, 18:40

يا عيني نحن ما طنشنا الفساد بس رفضنا اطلاق الاحكام المسبقة بواسطة حرية الرأي اللي وهبنا (وعم حط سطر تحت وهبنا) ياها الرئيس.

ياعيني مو هيك ... أولا الزلمة ما اتهمنا بالأحكام المسبقة .. بعدين أنو مسبقة ؟؟ البعث صرلو من خمسين سنة بالحكم .. والرئيس صرلو خمس سنوات .. ومع ذلك الأخ لفت نظرنا أنو في فساد و نحنا منرد عليه و منقول أنو نحنا ما عم انطنش القساد .. نحنا عم نتجاوز الفساد و عم نحاول ما نعمم وجود الفساد على الكل .. لنو الفساد نسبة و ليس عام .

تانيا : الحرية لا توهب .. الرئيس بيعرف أنو نحنا منستاهل الحرية ..

عم تسألني شو عمل أنا بقلك انو عمل راجع حالك من 5 سنيين لهلأ بتعرف بس نحن بنشوف اللي لسا ناقصنا وما بنشوف اللي تحقق
طيب أنا رح قلك مثال كيف ممكن نساعد الرئيس:
على فرض عندك معاملة بأي دائرة كانت في الدولة وطلب منك الموظف اكرامية انت على على استعداد انك ما تعطيه هي الاكرامية وتقوله (فشرت) للأسف لأ وأغلب الناس نفس الشي.
أنا برأيي بنكون عم نساعد الرئيس لما بنقول لهدا المرتشي لأ وهيك قصد الأخ بموضوع انطلق من نفسك.
بعدين يا جماعة ما في بلد صارت بدون تضحيات ولو على اي صعيد فخلونا نضحي شوي معليش كرمال سورية اللي كلنا بنحبها.

الباقي معك مية بالمية ... بس أنا قصدي انبلش من نفسنا بكل شي .. خاصة بالتقيد بتعليمات و توقيت كب الزبالة و نظام المرور "الزبالة" .

شكرا على أغناءك للحديث الشيق .

hala

17/02/2006, 18:57

ياعيني مو هيك ... أولا الزلمة ما اتهمنا بالأحكام المسبقة .. بعدين أنو مسبقة ؟؟ البعث صرلو من خمسين سنة بالحكم .. والرئيس صرلو خمس سنوات .. ومع ذلك الأخ لفت نظرنا أنو في فساد و نحنا منرد عليه و منقول أنو نحنا ما عم انطنش القساد .. نحنا عم نتجاوز الفساد و عم نحاول ما نعمم وجود الفساد على الكل .. لنو الفساد نسبة و ليس عام .

أنا ما عم قول انو fady juventus اتهمنا بالأحكام المسبقة, عم قول انو نحن رفضنا اطلاق الأحكام المسبقة بس ما طنشنا الفساد لأنو في محاولة لمحاربة الفساد.

تانيا : الحرية لا توهب .. الرئيس بيعرف أنو نحنا منستاهل الحرية ..

لأ بعد ازنك هون الحرية وهبت!! ببلد ما فيها غير 50 أو 60 معارض والباقي عايشين ومبسوطين على أساس مو ناقصون شي بتكون الحرية وهبت, وما حدا الزمو يعطينا هي.
لأنو نحن شعب ادا عطونا بناخذ بس ادا عزنا ما بنطلب.

الباقي معك مية بالمية ... بس أنا قصدي انبلش من نفسنا بكل شي .. خاصة بالتقيد بتعليمات و توقيت كب الزبالة و نظام المرور "الزبالة" .

شكرا على أغناءك للحديث الشيق .
وأنا نفس الشي أصدي بس عطيت مثال مو أكتر
وشكرا الك على ردودك:سوريا: :سوريا:

me2

17/02/2006, 19:09

أنا ما عم قول انو fady juventus اتهمنا بالأحكام المسبقة, عم قول انو نحن رفضنا اطلاق الأحكام المسبقة بس ما طنشنا الفساد لأنو في محاولة لمحاربة الفساد.
[size=3][color=#ff0000]

لأ بعد ازنك هون الحرية وهبت!! ببلد ما فيها غير 50 أو 60 معارض والباقي عايشين ومبسوطين على أساس مو ناقصون شي بتكون الحرية وهبت, وما حدا الزمو يعطينا هي.
لأنو نحن شعب ادا عطونا بناخذ بس ادا عزنا ما بنطلب.

وأنا نفس الشي أصدي بس عطيت مثال مو أكتر
وشكرا الك على ردودك:سوريا: :سوريا:

مابدي كتير غوص بنقاش بدو قعدة طويلة أو حديث مو ضمن منبر عام ... بس نحنا كتير متقاربين .. مع أني بشوف أنو اللي بيكرهو النظام أكتر من خمسين ستين .. في كتير ناس بتكره لمجرد الكره و ليس لأنو النظام أذيها .. وبعدبن حرام عليكي .. هلق رواتبنا منيحة ؟؟؟ وحياتنا كتير حلوة ؟؟؟ مع أنو في تحسن ملحوظ و متسارع في الأيام الأخيرة .. بس الله يسامحهم على هل الزيادة بالرواتب . و بالأسعار .

أنا رأيي أني القرار متاخد و الرئيس بشار مصمم انو يغير حياتنا .. بس لسى الطريق طويلة ...

yass

17/02/2006, 22:21

أنا معارض
لا أقصد أنني معارض للنظام فقط , معارض لوجهة نظر هذا الموضوع , مع فائق شكري و احترامي لكاتبه .
من ناحية العراق و مشاكله ... أود أن أثير الموضوع من أوله و سأتكلم عن نفسي ..
أنا شخصيا ضميري مرتاح لأنني متأكد أنني فعلت من أجل العراق من مغتربي أكثر بكثير مما فعله محتكروا الوطنية في سوريا , قبل الحرب , أثناءها و بعدها ... ان كان من الناحية الانسانية بتنظيم جمع التبرعات لصالح الصليب الأحمر, و سياسيا بتنظيم مجموعة هائلة من المحاضرات و حملات التوعية و جمع التواقيع و حتى تنظيم الاحتجاجات و المظاهرات السلمية بالتعاون مع قوى اليسار المحلية .

و الآن أسأل "الرفاق" عما فعلوا...

طبعا وحشية الاحتلال الأمريكي و اجرامه أمر لا شك فيه , و كنت ولا زلت عاملا مخلصا ضده و ضد أي تدخل غربي يتعدى حدود الصداقة و التعاون بين الشعوب .
العدوان الغاشم المستمر ضد الشعب العراقي العزيز من قبل الوحش اليانكي أمر علينا الوقوف بوجهه و أن نتعاون جميعا لانهاء هذا الكابوس البغيض .

لكن .... أرفض تماما أن أضع يدي بيد النظام البعثي , لسببين أساسيين :
الأول : النظام يستغل هذا الوضع لاخافة الشعب السوري من خطر التغيير ( من منطلق: شوفو العراق شو صار فيه , خليكون عاقلين أحسن ما يصير فيكون متلو).
الثاني : في السجون السورية وفي أقبية المخابرات تمارس جرائم قد تفوق ما يفعله الجزارون الأمريكان , هل للنظام السوري "وجه" كي يتحدث عن حقوق الانسان ؟؟

me2

17/02/2006, 22:33

أنا معارض
لا أقصد أنني معارض للنظام فقط , معارض لوجهة نظر هذا الموضوع , مع فائق شكري و احترامي لكاتبه . شكرا
من ناحية العراق و مشاكله ... أود أن أثير الموضوع من أوله و سأتكلم عن نفسي ..
أنا شخصيا ضميري مرتاح لأنني متأكد أنني فعلت من أجل العراق من مغتربي أكثر بكثير مما فعله محتكروا الوطنية في سوريا , قبل الحرب , أثناءها و بعدها ... ان كان من الناحية الانسانية بتنظيم جمع التبرعات لصالح الصليب الأحمر, و سياسيا بتنظيم مجموعة هائلة من المحاضرات و حملات التوعية و جمع التواقيع و حتى تنظيم الاحتجاجات و المظاهرات السلمية بالتعاون مع قوى اليسار المحلية .

و الآن أسأل "الرفاق" عما فعلوا... " اذا في رفاق ياريت يردو "

طبعا وحشية الاحتلال الأمريكي و اجرامه أمر لا شك فيه , و كنت ولا زلت عاملا مخلصا ضده و ضد أي تدخل غربي يتعدى حدود الصداقة و التعاون بين الشعوب .
العدوان الغاشم المستمر ضد الشعب العراقي العزيز من قبل الوحش اليانكي أمر علينا الوقوف بوجهه و أن نتعاون جميعا لانهاء هذا الكابوس البغيض .

لكن .... أرفض تماما أن أضع يدي بيد النظام البعثي , لسببين أساسيين : "حقك وأنت حر"
الأول : النظام يستغل هذا الوضع لاخافة الشعب السوري من خطر التغيير ( من منطلق: شوفو العراق شو صار فيه , خليكون عاقلين أحسن ما يصير فيكون متلو).

ما بدنا مين يخوفنا .. اللي عم بيصير بيقشر الأبدان .. والحكومة مقصرة بنقل الصورة الحقيقية من العراق .. كونك مو ساكن بسوريا .. أنا بعرف أكتر منك بهدا الموضوع .
الثاني : في السجون السورية وفي أقبية المخابرات تمارس جرائم قد تفوق ما يفعله الجزارون الأمريكان , هل للنظام السوري "وجه" كي يتحدث عن حقوق الانسان ؟؟

للأسف .. أنا توقعت من أي حدا تاني انو يتسرع بالقراءة و الرد .. ألا أنت ..

أولا : ما حدا عم يطلب منك اتحط ايدك بأيد حدا لا من النظام ولا غيرو.

تانيا : نحنا شايفين بداية تغيير , وأنا شخصيا متأكد انو في قرار من الرئيس بشار . لا قلت أنو فروع المخابرات فيه رحلات ترفيهية لجبال الألب ولا بعرف كيف شكلها من جوا "الحمد الله".

تالتا : بفرض كل اللي حضرتك قلتو صحيح .. ونحن اليوم أمام خطرين : شو بتريدني أعمل ؟ انطنش عن خطر امريكا و نركز على العلويين مثلا أو على النظام ..؟؟ هدا اذا حضرتك معتبر أمريكا خطر على السوريين .

ما تزعل مني و خلينا نتناقش بهدوء .. نحنا عم نحاول نبدأ بحالنا .. ما عم نقول أنو نروح على خيم المسخرة بساحة الأمويين وغيرها .

أرجو أنك تفهمني بهدوء ..

fady juventus

17/02/2006, 22:52

شو بتريدني أعمل ؟ انطنش عن خطر امريكا و نركز على العلويين مثلا أو على النظام ..؟؟ هدا اذا حضرتك معتبر أمريكا خطر على السوريين
مع إني مختلف معك بالنظرة للسلطة عنا
بس بهاي النقطة ... للأسف معك حق
في فئة بسوريا بدها أمريكا ولا يضلوا العلويين مستلمين الحكم
من خلال خلطتي القوية مع إخوتي الإسلام لاحظت هالنظرة بقلب كتير منن؟؟؟

عالهامش:
أحد زملاء الجامعة، وبعد كام يوم من غزو العراق ، لما فتحنا الموضوع وحكينا كتير فيه ،قام أول كلمة قالها:
"يا جماعة الشيعة عم يلعبوا طابة مع الأميركان" ولا جاب سيرة عراق ولا مقاومة ولا احتلال!!!

yass

17/02/2006, 22:53

بداية التغيير :
استمرار اعتقال الناشطين السياسيين و مضايقتهم هم و عائلاتهم .
استمرار حالات الفساد و التلاعب بالمال العام ,الاحتكار و استغلال السلطة بشكل غير شرعي بعلم و موافقة القيادة العليا في سوريا
و فوقها .... رئيس بلدية يحمل طفلين مسؤولية موتهما غرقا بحفرة آسنة مكشوفة نتيجة الاهمال ولا أحد يستقيل و لا أحد يحاسب .

لا يا سيدي ... ليس هذا نظاما تعلق عليه الآمال أبدا , نظام مبني على تكذيب الآخر , تخوينه و الغاءه ليس نظاما صالحا لحكم وطن يفترض أننا متساوون فيه , و حين أتحدث عن النظام أقصده كاملا من رأسه حتى آخر صاحب قرار فيه .

طبعا أنا أتحدث و أناقش من منطلق تبادل الرأي و مع كل الاحترام لشخصك ... أرجوك ألا تعتبرني متهجما عليك أو ما شابه

yass

17/02/2006, 22:57

في فئة بسوريا بدها أمريكا ولا يضلوا العلويين مستلمين الحكم

يعني ما بحب أحكي بهالأمر...قصدي الطوائف و هيك أمور .

حسام ملحم , زميلي و صديقي و رفيق أفكاري ...المعتقل حاليا في سجون النظام هوي علوي ... هاي لمعلومتكون .

يعني رجاءا لا تبحثوا عن التفسير الطائفي للمعارضة ... على الأقل للفكر اللي أنا متبنيه

me2

17/02/2006, 23:03

بداية التغيير :
استمرار اعتقال الناشطين السياسيين و مضايقتهم هم و عائلاتهم .

اذا حضرتك موافق على أنو تعتبر الحمصي و رياض سيف ناشطين , لإانا شخصيا بخجل من أنو هدول سوريين .. بس بيبقى حقك تعتبر اللي بدك ياه .. واذا قصدك ابن عارف دليلة .. مع احترامي للدكتور عارف و كرهي الشديد لحطو بالسجن , أبنو واحد تافه .. ماحدا قلو يروح يتدحوش و يتزوج أخت أحد أحقر المسؤوليين السوريين .

استمرار حالات الفساد و التلاعب بالمال العام ,الاحتكار و استغلال السلطة بشكل غير شرعي بعلم و موافقة القيادة العليا في سوريا
و فوقها .... رئيس بلدية يحمل طفلين مسؤولية موتهما غرقا بحفرة آسنة مكشوفة نتيجة الاهمال ولا أحد يستقيل و لا أحد يحاسب .

لا يا سيدي ... ليس هذا نظاما تعلق عليه الآمال أبدا , نظام مبني على تكذيب الآخر , تخوينه و الغاءه ليس نظاما صالحا لحكم وطن يفترض أننا متساوون فيه , و حين أتحدث عن النظام أقصده كاملا من رأسه حتى آخر صاحب قرار فيه .

طبعا أنا أتحدث و أناقش من منطلق تبادل الرأي و مع كل الاحترام لشخصك ... أرجوك ألا تعتبرني متهجما عليك أو ما شابه

طبعا ماني معتبرك عم تهاجمني ... بس أن متأكد أنك يا أما ما عم تقرأ اللي أنا كاتبو أو ما عم تفهمو .. يعني بيجوز هيك نقاش بدو حكي وجع لوجه ....

أما الأخر اللي عم تحكي عليه .. بدي أسألك وينو و مين هو ؟؟؟ بيجوز حضرتك بتعتبر ناس أنا ماني شايفهم ولا فيني اعتبرهم لا معارضة ولا حتى مواطنين ..

على كل حال بيبقى الموضوع .. قناعات شخصية و تجربة .. بس بحب مرة تانية قلك .. أنا متأكد من أن الرئيس بشار شخص مختلف و متعلم و مثقف و محب و متميز ..و أنه اتخذ قرار لتغيير سوريا الى ماهو أحسن .. بتريد تقتنع أهلا وسهلا . ما بدك اصطفل ..حقك.

fady juventus

17/02/2006, 23:04

يعني رجاءا لا تبحثوا عن التفسير الطائفي للمعارضة ... على الأقل للفكر اللي أنا متبنيه
هاد واقع مو من عندي
بعدين للأسف أغلب المطالبين بالديمقراطية "معارضة" بعاد كل البعد عنها وعم يرفضوا الرأي الآخر
هاد غير الهروب من الواقع والدخول بالمباديء والمثاليات اللي بعيدة تماما عن واقعنا الطائفي المتعفن

me2

17/02/2006, 23:08

يعني ما بحب أحكي بهالأمر...قصدي الطوائف و هيك أمور .

حسام ملحم , زميلي و صديقي و رفيق أفكاري ...المعتقل حاليا في سجون النظام هوي علوي ... هاي لمعلومتكون .

يعني رجاءا لا تبحثوا عن التفسير الطائفي للمعارضة ... على الأقل للفكر اللي أنا متبنيه

و نزار نيوف علوي .. ماحدا بيشك أنو في كتير سكاكين عم تحاول تضرب بسوريا .. اللي حضرتك عم تقولو أنو في ناس عم تنحبس ظلم ... نحنا لا قلنا أنو هدا شي منيح ولا قلنا أنو ما عم بيصير .. ما رح أرجع عيد حكيي .. بحس حالي أجدب ..

me2

17/02/2006, 23:10

هاد واقع مو من عندي
بعدين للأسف أغلب المطالبين بالديمقراطية "معارضة" بعاد كل البعد عنها وعم يرفضوا الرأي الآخر
هاد غير الهروب من الواقع والدخول بالمباديء والمثاليات اللي بعيدة تماما عن واقعنا الطائفي المتعفن

الطائفية مانها حالة عامة .. ولا حدا ممكن يقول أنو نحنا طائفيين .. بس أنو في "معارضة" عم تغزل على هيك مغزال ,, مو كتير بعيدة ..

toocoolfriend

18/02/2006, 03:49

موضوع سوري داخلي ما رح اتدخل

me2

18/02/2006, 12:53

موضوع سوري داخلي ما رح اتدخل

ليش من وين الأخ ؟؟ :سوريا:

krimbow

21/02/2006, 10:09

krimbow

21/02/2006, 10:16

قرفتولي صباحي الله يقرف صباحكم

و يللي بدو ياكل هوا ياكلو لحالو

و الحرية ما هيي هبة من حدا
الحرية حق حق حق

روحوا انتوا فتحوا عيونكم المعمصة من الخوف

fady juventus

21/02/2006, 10:38

شبك كريم ؟؟
لمين عم توجه كلامك ؟؟
مين خونّك ؟؟ يا ريت تحدد اسم ...
أنا رجعت قريت الموضوع وما شفت شي؟؟

me2

21/02/2006, 11:37

انا هلق لشفت هالموضوع

و انزعجت كتير لما شفتو

مين انت لحتى تخونني؟؟؟؟

انا معارض و اشرف من الشرف بذاتو ... عرفت كيف ؟؟؟؟

و آخر مرة بسمحلك تهينني بهالطريقة

و آخر مرة بسمحلك تخون حدا على كيفك

و آخر مرة بسمحلك تقول عني اني مو شايف الوضع ... بمعنى اني اجدب ما عم مميز الامور

بتحترم حالك بهالمنبر

بما أني أنا الحمار اللي كتب الموضوع , و بنا أنو ما شفت حدا خونك أنت أو غيرك .. رح افترض أنو الموضوع يا أما خطأ مطبعي أو أنو حكيك موجه ألي شخصيا ...

حضرتك شي من التالي :

المختبأين وراء الستار الديوقراطي الأمريكي

الذين تفننوا بسرقة أموال الناس ونهب خيرات الوطن

اراقو دماء الأبرياء و خربو نفوس الموظفين

؟؟؟

اذا مانك من كل هدول .. ليش مفكر أني عم أتهمك بالخيانة ؟؟؟؟ و ما رح قلك متل شامي تبع المسلة اللي بيعبر عن هالحالة .. لأني لهاليوم مقتنع أنك مو خاين. و مقتنع أنو مو شغلتي خون الناس أو ما خونهم .. و لو أني أكيد أرحم من اللي شغلتو هالشغلة .

me2

21/02/2006, 11:43

قرفتولي صباحي الله يقرف صباحكم

تبقى شوف الأخوية المسا ...لا تواخذنا أنو حكينا غير اللي بدك ياه ..

و يللي بدو ياكل هوا ياكلو لحالو

و أحلى مثلث ذهبي يخدم شواربك ...

و الحرية ما هيي هبة من حدا
الحرية حق حق حق

معك حق حق حق

روحوا انتوا فتحوا عيونكم المعمصة من الخوف

عيونا معمصة من الخوف على الوطن مو من النظام .. أنت اللي عيونك معمصة من الحقد يا كريم .. لا تزعل مني .. الحياة بدها مواجهة ..

fady juventus

21/02/2006, 13:35

بما أني أنا الحمار اللي كتب الموضوع , و بنا أنو ما شفت حدا خونك أنت أو غيرك .. رح افترض أنو الموضوع يا أما خطأ مطبعي أو أنو حكيك موجه ألي شخصيا ...

حضرتك شي من التالي :

المختبأين وراء الستار الديوقراطي الأمريكي

الذين تفننوا بسرقة أموال الناس ونهب خيرات الوطن

اراقو دماء الأبرياء و خربو نفوس الموظفين

؟؟؟

اذا مانك من كل هدول .. ليش مفكر أني عم أتهمك بالخيانة ؟؟؟؟ و ما رح قلك متل شامي تبع المسلة اللي بيعبر عن هالحالة .. لأني لهاليوم مقتنع أنك مو خاين. و مقتنع أنو مو شغلتي خون الناس أو ما خونهم .. و لو أني أكيد أرحم من اللي شغلتو هالشغلة .
بسيطة بسيطة
يمكن كريم مخربط بالموضوع ... أو مخربط بالقسم ... أو مخربط بالمنتدى كلو ؟؟؟

me2

21/02/2006, 14:09

بسيطة بسيطة
يمكن كريم مخربط بالموضوع ... أو مخربط بالقسم ... أو مخربط بالمنتدى كلو ؟؟؟

أخي فادي هدا الموضوع ما بيشتغل هيك .. ما بيصير هيك خربطة .. هدا كريم بيعرف "عادة " شو عم يحكي ... و المنتدى منتداه هو ..نحنا ضيوف ..علاكين.

fady juventus

21/02/2006, 14:24

أخي فادي هدا الموضوع ما بيشتغل هيك .. ما بيصير هيك خربطة .. هدا كريم بيعرف "عادة " شو عم يحكي ... و المنتدى منتداه هو ..نحنا ضيوف ..علاكين.
إي نسيت إنو اللي ما بيسب عالدولة بيكون خاين و عميل و بوق من أبواق النظام الفاسد وبيقرف الصباحات كمان !!!

بتعرف بشو بيذكروني أصحاب هالنظرية أو هالنظرة؟
بيذكروني بالشخص "الإخونجي" اللي لقطوه بعد ما فجروا مبنى UNالقديم بالمزة من سنتين
وقتها الأخ بالمشفى وعالسرير وبين كل أجهزة الأمن بالبلد ، لما سألوه "منين جبتو التمويل للعملية" ؟؟ قام رد :
{أخي أخد المصريات من الصندوق اللي كان مستلمو "يعني المرحوم كان أمين صندوق " و لما قلو المذيع طيب إنت مسلم ومتدين..ما بعتبر هي سرقة؟؟ قام الأخ قلو لاء مو سرقة ... نحنا حلّلنا أخد المصاري من الدولة} ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟

me2

21/02/2006, 14:31

إي نسيت إنو اللي ما بيسب عالدولة بيكون خاين و عميل و بوق من أبواق النظام الفاسد وبيقرف الصباحات كمان !!!

بتعرف بشو بيذكروني أصحاب هالنظرية أو هالنظرة؟
بيذكروني بالشخص "الإخونجي" اللي لقطوه بعد ما فجروا مبنى UNالقديم بالمزة من سنتين
وقتها الأخ بالمشفى وعالسرير وبين كل أجهزة الأمن بالبلد ، لما سألوه "منين جبتو التمويل للعملية" ؟؟ قام رد :
{أخي أخد المصريات من الصندوق اللي كان مستلمو "يعني المرحوم كان أمين صندوق " و لما قلو المذيع طيب إنت مسلم ومتدين..ما بعتبر هي سرقة؟؟ قام الأخ قلو لاء مو سرقة ... نحنا حلّلنا أخد المصاري من الدولة} ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟

أخي هدول اللي قتلو مدرسة ابتدائي بدم بارد : بيحللو أموال الدولة و بيحرمو السرقة .. و فسرها اذا فيك ...

fady juventus

21/02/2006, 14:34

أخي هدول اللي قتلو مدرسة ابتدائي بدم بارد : بيحللو أموال الدولة و بيحرمو السرقة .. و فسرها اذا فيك ...
شو بدي فيهم
انت فهمت المغزى أو لاء

me2

21/02/2006, 14:37

شو بدي فيهم
انت فهمت المغزى أو لاء

أي مبينة مو كتير بدها .. بس ما تاخد راحتك .. لازم ننتظر أجوبة ... و اللي بدو يخونني لأني هيك رأيي مبارح تهمني أني عم خونو ألو ...

hala

22/02/2006, 00:47

قرفتولي صباحي الله يقرف صباحكم

و يللي بدو ياكل هوا ياكلو لحالو

و الحرية ما هيي هبة من حدا
الحرية حق حق حق

روحوا انتوا فتحوا عيونكم المعمصة من الخوف
اول شي شكرا على الترحيب بالموضوع السابق واسمي هالة
ثانيا أنا شفتلك أغلب مواضيعك وتعليقاتك.. وما بعرف ادا بهمك رأيي بس رح قولو على كل الأحول
انت انسان مثقف وثقافتك عالية ومتعمق بالأمور وانا كتير اعجبت بكتاباتك مع انو الأنا عندك عالية شوي..
على كل حال مع انك متعمق بالأمور يعني مانك سطحي بس للأسف انو ردك هون كان سطحي على الشي اللي أنا كاتبتو وما فهمت قصدي منو.
يمكن لأنك كنت صحيان من النوم وبعدك مو مصحصح.
المهم بعتذر اذا نزعتلك صباحك وبوعدك بالتأني قبل كتابة أي حرف, لأنو الظاهر انو مفهوم الحوار بيختلف هون عن مفهوم الحوار اللي بعرفو.

krimbow

22/02/2006, 03:41

ما شفت حدا خونك أنت أو غيرك ..

انت عم تخون المعارضة
و انا معارض لهالنظام

عموما شغلة التخوين هي شغلة الضعفاء .. المفلسين فكريا يللي متلك و متل الاصوليين
يا بتكفروا يا بتخونوا
ما انتوا مفلسين ... ما عندكم حجج، كلامكم واهي، اكيد لما يطلع بوجهكم ناس واعيين و فهمانين بتقوموا بتستعملوا اساليبكم الارهابية
متلك متايل اتكسرت روسهم بهالمنبر و انت مو استثناء

افترض أنو الموضوع يا أما خطأ مطبعي أو أنو حكيك موجه ألي شخصيا
لا الموضوع موجه الك شخصيا علي

و بعتذر لأي انسان غلطت معو و بأكد انو الموضوع رد على اتهامات علي حصرا

حضرتك شي من التالي :

المختبأين وراء الستار الديوقراطي الأمريكي

لأ حضرتي مو من هدول الناس، هدول الناس بتلاقيهم بمراكز الحكم و السلطة بالبلد حصرا، او قريبين منهم، و إلا ممكن تشرحلي شو معناة كل ما تعلن اميركا تجميد اموال شي مسؤول سوري بينط النظام بيزلغط و بيستنكر ؟؟؟

الذين تفننوا بسرقة أموال الناس ونهب خيرات الوطن

مين يلل عم يسرق البترول ؟؟؟
مين يللي آخد كل مشاريع البلد ؟؟؟
باسم مين كل مؤسسات الاعلام و شركات الانتاج التلفزيوني بهالبلد ؟؟؟
مين يللي متفنن بفن الضرايب ؟؟؟

ما كلهم باسم اذيال النظام يللي عم تخونني لما قول اني بعارضهم

و بالاخير بتجي بتتهمني او بيخطرلك اني ممكن كون عم اسرق البلد ؟؟؟ ليش ضل شي ينسرق ؟؟؟

اراقو دماء الأبرياء و خربو نفوس الموظفين

مو انا يللي بكتب تقارير برفقاتي و بدكهم بالحبوس و بدمر احلامهم العادية و مستقبلهم

هدول يللي بيريقوا دماء الابرياء هنن اجهزة الامن حصرا

اذا مانك من كل هدول .. ليش مفكر أني عم أتهمك بالخيانة ؟؟؟؟

اسأل حالك هالسؤال
ليش مين انت و هي تاني مرة بوجهلك هالسؤال لحتى تخون غيرك ؟؟؟

شو بتفرق بالله عن الاصوليين
هدوليك محتكرين الدين و الله و بيكفروا كل مين ما بيمشي ع طريقهم
و انت محتكر الوطن يللي هوي للجميع و بتخون كل مين ما بيمشي ع طريقك

ما بيحقلك تخون حدا ... افهمها بقا

و ازا صار و طلعت بشي منصب بيأهلك انك تخون الناس ... فالخيانة جريمة فردية و ليست جماعية

لما بدك تخون حدا بتذكرو بالاسم

يا اما لا تستعمل هالكلمة بنوب

لأنو مو من حقك انك تستعملها

هي التهمة كبيرة
فيها اعدام
و ما خرج تستعملها ع الطالعة و النازلة

عيونا معمصة من الخوف على الوطن مو من النظام .. أنت اللي عيونك معمصة من الحقد يا كريم .. لا تزعل مني .. الحياة بدها مواجهة ..

ما رح ناقشك بشو او من شو او على شو خايف لأنو هالموضوع مو وقتو
انا عيوني معمصة من الحقد .؟؟؟؟
لما بطالب بحقوقي بصير حاقد ؟؟
لما بطالب اني عيش محترم بدولة محترمة مو حايالله عنصر امن فينو يتمقطع فيني بصير حاقد ؟؟؟
شو رأيك نغير عنوان الموضوع لحزب كول هوا يا اما بتطلع حاقد ؟؟؟

معلم صرت كزا مرة متهمني اتهامات باطلة

يا ريت تدير بالك شو عم تكتب ازا بدك ياني ما اغلط معك
لأنو لما تشوفني بعين بشوفك بتنتين

متل ما قلت ... الحياة بدها مواجهة
مو تمسيح جوخ وقت منحس بالحامي و منعرف انو المنبر عم يتراقب

يمكن كريم مخربط بالموضوع ... أو مخربط بالقسم ... أو مخربط بالمنتدى كلو ؟؟؟
ابدا ...
ولا وحدة زبطت
لما بدكم تبلشوا تحطوا تهم
ما في اشطر مني بهيك قصص و ما حدا ع راسو ريشة

إي نسيت إنو اللي ما بيسب عالدولة بيكون خاين و عميل و بوق من أبواق النظام الفاسد وبيقرف الصباحات كمان !!!

اي فادي
شو رأيك تطالعلي مشاركة وحدة انا كاتبها بتقول انو الموالاة خيانة ؟؟؟

يا سيدي رح اطلب طلب اسهل

شو رأيك تطالعلي مشاركة وحدة مخون فيها شي حدا

ليش ما عم تفهموا عليي
الخيانة مو لعبة
الخيانة مو مسبة عادية
الخيانة جريمة من اخطر و اكبر الجرايم

ما هيي لعبة

أي مبينة مو كتير بدها .. بس ما تاخد راحتك .. لازم ننتظر أجوبة ... و اللي بدو يخونني لأني هيك رأيي مبارح تهمني أني عم خونو ألو ...

والله شي شاطرين كتير بهاللعبة انت و ياه

لا عمو
انا ما بخون حدا

انا ماني مولدن متل غيري

انت يا علي يللي خونت المعارضة

شو عم تجدبها ؟؟؟

krimbow

22/02/2006, 04:14

اول شي شكرا على الترحيب بالموضوع السابق واسمي هالة
ثانيا أنا شفتلك أغلب مواضيعك وتعليقاتك.. وما بعرف ادا بهمك رأيي بس رح قولو على كل الأحول
انت انسان مثقف وثقافتك عالية ومتعمق بالأمور وانا كتير اعجبت بكتاباتك مع انو الأنا عندك عالية شوي..
على كل حال مع انك متعمق بالأمور يعني مانك سطحي بس للأسف انو ردك هون كان سطحي على الشي اللي أنا كاتبتو وما فهمت قصدي منو.
يمكن لأنك كنت صحيان من النوم وبعدك مو مصحصح.
المهم بعتذر اذا نزعتلك صباحك وبوعدك بالتأني قبل كتابة أي حرف, لأنو الظاهر انو مفهوم الحوار بيختلف هون عن مفهوم الحوار اللي بعرفو.

تشرفنا هالة

شكرا على رأيك فيي و ردك، بخصوص الانا ... معك حق
و انشالله بعالجها

بعتذر منك ازا فهمتي اني وجهت "قرفي" الك
و تأكدي انو ما كان موجه الك

في هيك شلة بلشت تفكر تستعمل اسلوب الارهاب الفكري لتمرق افكارها علينا
بتتمثل هيك اساليب بعدة نقط واضحة
التكفير
التخوين
مهاجمة الشخص... يعني مهاجمة الشخصية متل ما هيي
تذليل الاراء و اعتبارها فلسفات و فزلكات و حكي بلا طعمة، و وصلت معهم لتكذيب حقائق و اعتبارنا نحنا يللي مغمضين عيوننا عن الواقع... مو هنن يللي طامرين راسهم

بالوقت يللي نص مشاركاتهم حكي بلا طعمة، و حوارات سخيفة من مبدأ شو طبختي اليوم و شو بدك تطبخي بوكرا
و على راسي حارتك، و نورت يا حوالبي
و ما بعرف شو

هيي هيك امور عادة بتعتبر سبام بالمنبر، نوعا ما لحتى نحافظ على الرقي و نهتم بالفكرة و الرأي
و إلا شو بيفرق المنبر عن قسم ع الطاير او قسم الصالون ؟؟؟

كنت مرقها لأنو بعض الشخصيات مهزوزة لدرجة انها بتنهز ازا نقلت شي قصيدة نزلوها بالمنبر بدل قسم الشعر و بيعلنوا عن انسحابهم (و شو طلعوا رجال قد كلمتهم)
قلت لحالي يا ولد خليها ... بيضل هالزلمة مثقف و عندو رأي بيهم بعض الاعضاء، كبر عقلك يا ولد و عميل حالك مو شايف

عموما ... ارضاء الناس غاية لا تدرك
و احسن شي التزم بتعليمات الادراة من هلأ و طالع و احزف هيك سبام

ما علينا

قضيتنا انو هدول الناس بلشوا يستعملوا اساليب الارهاب الفكري
و هالاساليب من اخطر اساليب قمع حرية الرأي و الاعتقاد

فشروا ...
و رح برهنلهم مدى صحة هالكلمة

لهلأ كنت محترمهم بس هنن ما حبوا يحترموا حالهم

أما عن الحوار ... فالحوار هون ما بيختلف عن الحوار بأي منبر راقي
و بتمنى شوفلك مشاركات اكتر

me2

22/02/2006, 12:05

أفاضة بلا أضافة .. منيح كل شي واضح هلا ...

أنو منبر راقي .. بس "فشرو " و أنو نحنا عم نخون بس حماس عملاء لأسرائيل ..

fady juventus

23/02/2006, 12:15

اي فادي
شو رأيك تطالعلي مشاركة وحدة انا كاتبها بتقول انو الموالاة خيانة ؟؟؟

يا سيدي رح اطلب طلب اسهل

شو رأيك تطالعلي مشاركة وحدة مخون فيها شي حدا

انت شملت كل الكلام قصة مع" قرف الصباحات" و هيي الوحيدة الموجهة إلك يا إستاذ
الباقي إنت بتعرف لمين وما بدي إرجع عيد الحكي ووجع راسي.

Barleb

23/02/2006, 19:49

و الحرية ما هيي هبة من حدا
الحرية حق حق حق

اي صح الحرية حق و حق و حق ,
بس مو بهل زمن , يعني ما رح يجي حدا و يعطيك حريتك صدقة و هبى لوجه الله ,
بها الزمن ساري قانون الغاب , و ألعن ,
اليهود كانو 5 مليون شخص مشردين حول العالم , جمعا حالون و أخدو أرض لـ ألون بـ عرق جبينون , ما حدا اجى و عطاهن أرض صدقة ,
صح الحرية حق , بس بهل زمن الق ضايع ولازم نحارب لـ نرجعوا

me2

23/02/2006, 19:55

اي صح الحرية حق و حق و حق ,
بس مو بهل زمن , يعني ما رح يجي حدا و يعطيك حريتك صدقة و هبى لوجه الله ,

كونها حق .. بيكون مابدها انتظار لتنوهب أو يتصدقو علينا فيها ...

بها الزمن ساري قانون الغاب , و ألعن ,
اليهود كانو 5 مليون شخص مشردين حول العالم , جمعا حالون و أخدو أرض لـ ألون بـ عرق جبينون , ما حدا اجى و عطاهن أرض صدقة ,

أكيد بعرق .. بس مو بعرق جبينهم .. ب اجرامهم و دماءنا و خيانة حكامنا

صح الحرية حق , بس بهل زمن الق ضايع ولازم نحارب لـ نرجعوا

معك حق ...

krimbow

24/02/2006, 06:16

اي صح الحرية حق و حق و حق ,
بس مو بهل زمن , يعني ما رح يجي حدا و يعطيك حريتك صدقة و هبى لوجه الله ,
بها الزمن ساري قانون الغاب , و ألعن ,
اليهود كانو 5 مليون شخص مشردين حول العالم , جمعا حالون و أخدو أرض لـ ألون بـ عرق جبينون , ما حدا اجى و عطاهن أرض صدقة ,
صح الحرية حق , بس بهل زمن الق ضايع ولازم نحارب لـ نرجعوا

شكرا لانك اكدت وجهة نظري

انت اقتبست تاني جملة من ردي
الجملة الاولى يللي قبلها كانت "الحرية مو هبة"

باختصار لما اي رئيس يعطي شعبو الحرية ما بيكون عم يفضل ع راسهم بنوب
ما بيكون عم يضربهم منية

بيكون عم يعمل واجبو
عم يشوف شغلو

و غير هيك بيكون مقصر

بالنهاية .... رئيس الجمهوري (اي رئيس و اي جمهورية) مانو ملك

Barleb

24/02/2006, 14:53

me2

24/02/2006, 14:59

اقتباس:
كاتب النص الأصلي : me 2
أكيد بعرق .. بس مو بعرق جبينهم .. ب اجرامهم و دماءنا و خيانة حكامنا

هني عم يشتغلو من مبدأ الغاية تبرر الوسيلة , أذا بقينا على هل حالة , بعد 3 أربع ميت سنة
بينسو العرب شي أسموا لعدو الأسرائيلي و بتصير أسرائيل دولة ( شكيكية )

لسع بدنا ننتظر مئات السنين ؟؟؟ اذا على رأيي بعض الأشئاء البنانيين .. متل سمير طجطج , صرلها اسرائيل دولة شئيئة من السبعينات ..

بس شو بدك بالحكي : مبارح صرح ضابط اسرائيلي أتو الملك عبدالله رح يكون أخر ملك اردني .. و أنو النظام المصري في حالة أنهيار ...:lol: أنو ما هدول التنين أشكائو ... بس متل الأشكاكء الأعداء .

fady juventus

24/02/2006, 15:11

لسع بدنا ننتظر مئات السنين ؟؟؟ اذا على رأيي بعض الأشئاء البنانيين .. متل سمير طجطج , صرلها اسرائيل دولة شئيئة من السبعينات ..

بس شو بدك بالحكي : مبارح صرح ضابط اسرائيلي أتو الملك عبدالله رح يكون أخر ملك اردني .. و أنو النظام المصري في حالة أنهيار ...:lol: أنو ما هدول التنين أشكائو ... بس متل الأشكاكء الأعداء .
قولتك :pos:
بس حلوة هي طجطج :lol:

me2

24/02/2006, 17:18

قولتك :pos:
بس حلوة هي طجطج :lol:

لأنو فرط دوزانو بالسجن ....