-
دخول

عرض كامل الموضوع : وأنا احمل وردة حمراء لأضعها على قبر شهداء جولاني الخالدين

me2
14/02/2006, 15:41
منقول عن سيريا نيوز ....


أنا إنسان مثلكم,… عربي مثلكم…, سوري مثلكم …. أشتاق كما تشتاقون ,… أحب كما تحبون …أعشق كما تعشقون.

لكنني أختلف عنكم ببعض الأمور
فانا اليوم سجين …ولدت سجين عشت حياتي كسجين…. في بيتي في ارضي بين إخوتي كنت ولا زلت سجين …حياتي عبارة عن سوط جلاد ورفسة عسكر ومقاومة محتلين ….عشقت دمشق التي حرمت من رؤيتها …..عشقتها لأني رأيت فيها كل ذرة تراب من تراب وطني الكبير .
إخوتي انتم تسمعون لعبد الحليم وأم كلثوم في عيدكم وانأ كبرت على أغاني الشيخ إمام ومارسيل خليفة وسميح شقير……
انتم تتغزلون وتكتبون القصائد لحبيبتكم… وأنا أتغزل بتراب الجولان وشموخ قاسيون وصمود الحر مون.
انتم تحلمون بحبيبتكم… وأنا احلم بالشام وحاراتها الضيقة وبيوتها العربية.
انتم تشتهون قبلة الحبيب …… وأنا اشتهي أن اقبل تراب الشام.
انتم اليوم تحتفلون بالفلانتاين…. وأنا اليوم احتفل بذكرى انتفاضتنا الخالدة وحرب الهوية.
انتم تحملون وردة حمراء لتهدونها لحبيبتكم في هذا اليوم … وأنا احمل وردة حمراء لأضعها على قبر شهداء جولاني الخالدين…..
انتم تحلمون بالبيت وتقسيم غرفة …أما أنا احلم بوطني الكبير
انتم تحلمون بعرسكم …وأنا احلم بعرس التحرير
انتم تهربون في هذا اليوم من الضجة وتفكرون بالخلوة مع الحبيب ….أما أنا اشعر بالوحدة بعيدا عن الحبيب واحلم بضجيجه.
إخوتي ليس ذنبي أو ذنبكم أنني ولدت في الجولان المحتل , لكن أردت أن أرسل لكم رسالتي من سجني هذا من تحت سوط المحتلين لأقول لكم انتم من أعشقكم… بعشقكم…. ببيوتكم…. بترابكم ….بحبكم ….أنتم عشقي الأزلي
بطاقتي هذه التي أتمنى أن تصل إليكم لكل العرب والسوريين ليحتفلوا معي في عيدي الكبير لأنها حكاية كل الجولانيين .
كل عام وأنت بخير …. وعيد عشاق سعيد لكل المحبين في وطني الكبير.
Syrian__Angel
14/02/2006, 15:46
وعيد عشاق سعيد لالك على هالنّقل الحلو للموضوع .... :سوريا:
zen
14/02/2006, 15:51
إنسان مثلكم,… عربي مثلكم…, سوري مثلكم …. أشتاق كما تشتاقون ,… أحب كما تحبون …أعشق كما تعشقون.
لكنني أختلف عنكم ببعض الأمور
فانا اليوم سجين …ولدت سجين عشت حياتي كسجين…. في بيتي في ارضي بين إخوتي كنت ولا زلت سجين …حياتي عبارة عن سوط جلاد ورفسة عسكر ومقاومة محتلين ….عشقت دمشق التي حرمت من رؤيتها …..عشقتها لأني رأيت فيها كل ذرة تراب من تراب وطني الكبير .
إخوتي انتم تسمعون لعبد الحليم وأم كلثوم في عيدكم وانأ كبرت على أغاني الشيخ إمام ومارسيل خليفة وسميح شقير……
انتم تتغزلون وتكتبون القصائد لحبيبتكم… وأنا أتغزل بتراب الجولان وشموخ قاسيون وصمود الحر مون.
انتم تحلمون بحبيبتكم… وأنا احلم بالشام وحاراتها الضيقة وبيوتها العربية.
انتم تشتهون قبلة الحبيب …… وأنا اشتهي أن اقبل تراب الشام.
انتم اليوم تحتفلون بالفلانتاين…. وأنا اليوم احتفل بذكرى انتفاضتنا الخالدة وحرب الهوية.
انتم تحملون وردة حمراء لتهدونها لحبيبتكم في هذا اليوم … وأنا احمل وردة حمراء لأضعها على قبر شهداء جولاني الخالدين…..
انتم تحلمون بالبيت وتقسيم غرفة …أما أنا احلم بوطني الكبير
انتم تحلمون بعرسكم …وأنا احلم بعرس التحرير
انتم تهربون في هذا اليوم من الضجة وتفكرون بالخلوة مع الحبيب ….أما أنا اشعر بالوحدة بعيدا عن الحبيب واحلم بضجيجه.
إخوتي ليس ذنبي أو ذنبكم أنني ولدت في الجولان المحتل , لكن أردت أن أرسل لكم رسالتي من سجني هذا من تحت سوط المحتلين لأقول لكم انتم من أعشقكم… بعشقكم…. ببيوتكم…. بترابكم ….بحبكم ….أنتم عشقي الأزلي
بطاقتي هذه التي أتمنى أن تصل إليكم لكل العرب والسوريين ليحتفلوا معي في عيدي الكبير لأنها حكاية كل الجولانيين .
كل عام وأنت بخير …. وعيد عشاق سعيد لكل المحبين في وطني الكبير.
me2
14/02/2006, 15:54
وعيد عشاق سعيد لالك على هالنّقل الحلو للموضوع .... :سوريا:


شكرا لألك .. بس هدا العيد بالنسبة ألي هو عيد القديس فالنتين .. بس محلات بيع الورد حولو لعيد العشاق ... وبالمناسبة البنات بالشام مصدقين أكتر من الشباب ..

ومية وردة ديجتال ببلاش لعيونك ..:سوريا:
blade
14/02/2006, 16:04
اسمحلي قلك انه موضوعك مجرد حلم لانه الواقع عكس هيك تماما
لانه نحنالمسجونين وهم الاحرار وحياتنا عبارةعن سوط جلاد ورفسة عسكر وعم نسمع عبد الحليم خدام و بثينة طرزان
blade
14/02/2006, 16:06
اسمحلي قلك انه موضوعك مجرد حلم لانه الواقع عكس هيك تماما
لانه نحنالمسجونين وهم الاحرار وحياتنا عبارةعن سوط جلاد ورفسة عسكر وعم نسمع عبد الحليم خدام و بثينة طرزان
me2
14/02/2006, 16:14
اسمحلي قلك انه موضوعك مجرد حلم لانه الواقع عكس هيك تماما
لانه نحنالمسجونين وهم الاحرار وحياتنا عبارةعن سوط جلاد ورفسة عسكر وعم نسمع عبد الحليم خدام و بثينة طرزان

لأ سيدي كل من الأخوين ضراط .. شهاب الدين و أخوه ..
طنش تعش
14/02/2006, 16:21
والله يامي 2 هاد حكي بوعى الواحد اكتر ..........وشكرا عاهالموضوع الحلو والحساس ........
مشكوررررررررررررررررررررر ..
blade
14/02/2006, 16:23
لأ سيدي كل من الأخوين ضراط .. شهاب الدين و أخوه ..

فيك توضحلي ما وصلتني فكرتك
me2
14/02/2006, 16:24
والله يامي 2 هاد حكي بوعى الواحد اكتر ..........وشكرا عاهالموضوع الحلو والحساس ........
مشكوررررررررررررررررررررر ..


كلك زوق و أخلاق .. و الشكر للي كتب الموضوع .. ولسيريا نيوز اللي مضروب عندها فيوز...
me2
14/02/2006, 16:26
فيك توضحلي ما وصلتني فكرتك


الوضع واحد هونيك و هون ... مع اختلاف الجهة القامعة ..
Syrian__Angel
14/02/2006, 16:28
شو يا زنزون ؟!؟ :? ... الهيئة وصلتك العدوى ؟!



لانه من ساعة بالضبط نزّلو me2 بالمنبر ;-)
blade
14/02/2006, 16:28
الوضع واحد هونيك و هون ... مع اختلاف الجهة القامعة ..

عم تحكي جواهر
zen
14/02/2006, 16:32
مو مشكلة اذا موضوع عن الجولان ينزل بكل الاقسام
Syrian__Angel
14/02/2006, 16:39
طيب لا تعصب ...متل ما بدّك ... :pos:
golan hights
14/02/2006, 17:03
شكرا الك يا زن انا من الجولان وعايش فيها وبحب قلك انو حكيك كثير حلو بس مو كلو صح وحكي بلايد كمان حلو بس مو كلو صح الواقع غير هيك بكثير لكل شي في سلبيات وايجابيات انا عشت بسوريا ست سنين وبتمنى ارجع بس مو على سوريا اليوم اللي الغلط راكبها ولا تفهمني غلط الغلط من النضام الهمجي مو اكثر بس كمان هون انا ناقصني شي اسمو هوية بس اكثر شي مزعج بالموضوع كلو انو بالست سنين بالشام كانو يمن بس 10% اللي بيعرفو انو لسا في جولان محتل وبالقي بيعرفو او هيك نقلن انو الجولان تحرر وما بيعرفو شي عن هالمنطقة ولا عن سكانا ويمكن انا بعتقد هيك لانو سكان اللي ضللو دروز وكلكن بتعرفو شو يعني دروز بسوريا او بالنسبة للمسلمين السنة بالذات واللي هن اكثرية بسوريا ما بدي احكي بهالموضوع لانو حساس بس بشكرك على هاللفتة الحلوة اللي يكن قلال كثير اللي بيعرفو انو اليوم هون بالجولان هو ذكرى الاضراب الكبير مو الفالنتين!!!!!!!!!!!!!!!!!!!!!!!
hala
14/02/2006, 22:47
إخوتي ليس ذنبي أو ذنبكم أنني ولدت في الجولان المحتل , لكن أردت أن أرسل لكم رسالتي من سجني هذا من تحت سوط المحتلين لأقول لكم انتم من أعشقكم… بعشقكم…. ببيوتكم…. بترابكم ….بحبكم ….أنتم عشقي الأزلي

هدا ليس ذنب بل شرف تستحق التهنئة عليه
شكرا على الموضوع الرائع
وبستغرب كيف بعض الأعضاء بقارنو بين الهموم اليومية اللي بعيشها اي مواطن باي دولي بالعالم وبين الاحتلال
مرة تانية شكرا كتير على الموضوع
blade
14/02/2006, 23:03
وبستغرب كيف بعض الأعضاء بقارنو بين الهموم اليومية اللي بعيشها اي مواطن باي دولي بالعالم وبين الاحتلال
مرة تانية شكرا كتير على الموضوع

قبل ماناقشك باي شئ بدي اسالك سؤال
انت انعزمتي بزمناتك على شي فرع تحقيق او عطوكي اقامة باحد المعتقلات السياسية ؟
hala
14/02/2006, 23:08
قبل ماناقشك باي شئ بدي اسالك سؤال
انت انعزمتي بزمناتك على شي فرع تحقيق او عطوكي اقامة باحد المعتقلات السياسية ؟
الله لا يسمع منك :cry: :cry:
شو عاملتلك أنا :shock: :shock:
انا أصدي انو ما في مشكلي بالمعارضة يعني من مظاهر الحياة السياسية الصحية انو يكون في معارضة بالبلد يعني يسار ويمين بس المعارضة ما بتعني انو نتغزل بالعدو ونتمنى انو يكون حاكمنا
blade
14/02/2006, 23:30
الله لا يسمع منك :cry: :cry:
شو عاملتلك أنا :shock: :shock:
انا أصدي انو ما في مشكلي بالمعارضة يعني من مظاهر الحياة السياسية الصحية انو يكون في معارضة بالبلد يعني يسار ويمين بس المعارضة ما بتعني انو نتغزل بالعدو ونتمنى انو يكون حاكمنا

انا ماكنت عم اتغزل بعدوي بس كمان المعتقلات مالها من الروتين اليومي للحياة الطبيعية
و لا تنسي وجه التشابه بين القمع اللي عايشه فيه مع قمع الاستعمار في الاراضي المحتلة
hala
14/02/2006, 23:36
انا ماكنت عم اتغزل بعدوي بس كمان المعتقلات مالها من الروتين اليومي للحياة الطبيعية
و لا تنسي وجه التشابه بين القمع اللي عايشه فيه مع قمع الاستعمار في الاراضي المحتلة
الوطن ما بيتجسد بأشخاص الوطن أكبر من هيك بكتير
وهدا الجولاني لما كان عم يحكي كان عم يحكي عن الشام مو عن النظام
فلا تشدو الموضوع لجانب تاني
blade
14/02/2006, 23:41
نحن مالنا عم نشد الموضوع هو لحالوا بياخد معنا هادا المنحى اتوماتيكلي
hala
14/02/2006, 23:47
نحن مالنا عم نشد الموضوع هو لحالوا بياخد معنا هادا المنحى اتوماتيكلي:lol: :سوريا: :lol: :سوريا:
لأنو شكلك مشتهيلي هدليك الزيارة
blade
14/02/2006, 23:48
:lol: :سوريا: :lol: :سوريا:
لأنو شكلك مشتهيلي هدليك الزيارة

لا انت الصادقة كنت هنيك
me2
14/02/2006, 23:50
عم تحكي جواهر

جواهر لال نهرو ؟؟
blade
14/02/2006, 23:52
جواهر لال نهرو ؟؟

?????????????????????
شو مشان تكتب بالعربي مو بالشيفرة
me2
15/02/2006, 00:01
?????????????????????
شو مشان تكتب بالعربي مو بالشيفرة



انو شفرة ؟؟ شفرة جيليت ؟؟؟


حقك علييي ..أنا أسف .. شكرا على الردود .. ياريت حكينا بيوصل لشي ..
blade
15/02/2006, 00:06
انو شفرة ؟؟ شفرة جيليت ؟؟؟


حقك علييي ..أنا أسف .. شكرا على الردود .. ياريت حكينا بيوصل لشي ..

يا سيدي فينا نحلم طول مالامل موجود
me2
15/02/2006, 00:11
يا سيدي فينا نحلم طول مالامل موجود


هي سهلة ومانها ضد القانون ...
blade
15/02/2006, 00:14
هي سهلة ومانها ضد القانون ...

اذا بدك شئ ضد القانون عميل انقلاب ساعتها بيحطوا اسمك بالتاريخ وانت بسجن تدمر
me2
15/02/2006, 00:19
اذا بدك شئ ضد القانون عميل انقلاب ساعتها بيحطوا اسمك بالتاريخ وانت بسجن تدمر

حبيب .. انا جبان لدرجة العهر ..و ما بتعشى ألا جبنة بالعلامة,, لذلك بالله عليك لا تدحشني بغير مكاني ..:lol:
blade
15/02/2006, 00:25
حبيب .. انا جبان لدرجة العهر ..و ما بتعشى ألا جبنة بالعلامة,, لذلك بالله عليك لا تدحشني بغير مكاني ..:lol:

اصبح بمعيتك بعتلي شي قالب جبنة بس يكون بلدي مو مخشوش مشان نصير متل بعض
me2
15/02/2006, 00:28
اصبح بمعيتك بعتلي شي قالب جبنة بس يكون بلدي مو مخشوش مشان نصير متل بعض


حبيب انا شغل روكفور او كوموممبير ... هههههههه :lol:
blade
15/02/2006, 00:37
حبيب انا شغل روكفور او كوموممبير ... هههههههه :lol:
مالي مصلحها
krimbow
15/02/2006, 00:43
تم دمج الموضوعين حتى ما تضيع الردود
blade
15/02/2006, 00:46
تم دمج الموضوعين حتى ما تضيع الردود

و انا مفكر الصنف اليوم مضروب
ضلع الغلط انه في تنين وانا مفكر الصاروخ مخشوش
krimbow
15/02/2006, 08:01
الله لا يسمع منك :cry: :cry:
شو عاملتلك أنا :shock: :shock:
انا أصدي انو ما في مشكلي بالمعارضة يعني من مظاهر الحياة السياسية الصحية انو يكون في معارضة بالبلد يعني يسار ويمين بس المعارضة ما بتعني انو نتغزل بالعدو ونتمنى انو يكون حاكمنا
اول شي برحب فيكي هلا او هالة ... حتى يمكن حلا .. المهم انو برحب فيكي معنا بالمنبر

و كلامك صحيح مية بالمية
و يا ريت المكلف بمتابعة هالصفحة انو يعرف هالشي ... يعني يعرف انو نحنا هيك رأينا
blade
15/02/2006, 12:53
و كلامك صحيح مية بالمية
و يا ريت المكلف بمتابعة هالصفحة انو يعرف هالشي ... يعني يعرف انو نحنا هيك رأينا
ممكن تكتب شو هو رايك وبصراحة ومحدد ومايكون الجواب حامل صفة السؤال او او جواب بميزة وجهين يعني جواب قاطع ليس قابل للتفنيد او التوقعات
krimbow
16/02/2006, 00:56
ممكن تكتب شو هو رايك وبصراحة ومحدد ومايكون الجواب حامل صفة السؤال او او جواب بميزة وجهين يعني جواب قاطع ليس قابل للتفنيد او التوقعات

تكرم عينك

و لو انو طلبك بيجوز يجيب آخرتي

بس تكرم

إلى عنصر المخابرات المكلف بمتابعة آخر المواضيع في منبر أخوية الحر
تحية و بعد
يسرني و يبهج قلبي أن تعرفوا اني أعتبر المعارضة أمر صحي و مشروع، كما و أرجو ان تبلغوا رؤساء الفروع التي تتبعون لها على اختلاف مشاربها الأمر التالي:
يرجى أخذ العلم أني أعارض الأوضاع البالية التي آلت إليها حال البلاد، و أحيانا بيطلع معي (مو دايما، احيانا) انو حزب البعث و المسؤولين عنه إلى اعلى السلم الهرمي فيه و في الدولة هم المسؤولين عن هذه الاوضاع بشكل أو بآخر
و يهمني جدا ان تعرفوا اني لم و لا و لما أتعامل مع اي قوى خارج حدود الوطن الغالي
بمعنى، اني مثلكم و اكتر بشعرة ... نعتبر اسرائيل عدوا استراتيجيا لوطننا، كما اني أعتبر أن السياسات التي تتبعها اميركا منذ سبعينات القرن الماضي إلى يومنا هذا ... هي سياسات معادية لمصالحنا القومية

بالعادة بختم كلامي بـ "ودمتم"
بس انتوا بالذات ارجو اللا تدوموا

المواطن المفعوص تحت بصاطيركم
كريمبو (و يللي بدو يقول طز .. طز عليه هوي)
blade
16/02/2006, 01:41
يا حضرة المشرف بشكرك على الاجابة الشفافة وهي اول مرة بقرا رد عفوي وما اظن حدا عنده القدرة على الرد للجواب الصادق و العفوي
انسان بلا حدود
22/08/2006, 12:49
كلنا انسان يا انسان.