يا جماعة شكلو مخي مسكر هاليومين
ما عم افهم عليكم

حدا يفهمني شو علاقة انو الاكراد برا زعران بقضية تجنيسهم ؟؟؟
اصلا مين عم يحكي عن الاكراد يللي عايشين برات سوريا ؟؟؟
بعدين من ايمت كان في بقوانين الجنسية السورية انو والله الواحد لازم يكون آدمي و ماشي الحيط الحيط ؟؟؟

القصة و ما فيها انو في مليون كردي (و مليون واحد مو اكتر حسب احصائيات رسمية) من أصل اكتر من 25 مليون كردي بالعالم، هالمليون عايشين بسوريا
اجدادهم عاشوا بسوريا
قبور اجدادهم بسوريا
ما عندهم وطن غير هالوطن
انشالله يكون اصلهم من بلاد الواق الواق
و انشالله يكون تاريخهم كلو اسود و ما فيو لا صلاح دين و لا يوسف عظمة

و انشالله يكونوا نسوانهم اشبه بالشامبانزي

هالشي ما بيمنع انهم سوريين
و الجنسية السورية حقهم الطبيعي

اما شغلة انهم حرامية و نصابين و ارزال
في سجون و محاكم و شرطة خصوصي لهيك شي
و الحرامي ازا كان سوري و اللا كردي و اللا زطي ... كلهم محلهم السجن ...

بس بعمري ما سمعت عن حرامي سحبوا منو جنسيتو لأنو سرق

بأيدك كريم بكل كلمة قلتها وبحب ضيف شغلة:
في كتير أكراد معروفين صارو بالشام بالكراد الشوام ومنهم عوائل كبيرة متل آل رشي و دقوري وأومري والأيوبي .....الخ ومنهم ناس كتار مفكرين او مشايخ او صايعين مابيهم المهم انهم كترة ومعروفين انهم سوريين ومابيعرفو شي عن الكراد غير الأصل وهدول نسبة كبيرة بالشام وبيحبو بلدنا (بشكل عام) ومابيربطهم بالكردي يلي مثلاً بعفرين او القامشلي شي تقريباً

انا مصمم على ان الاكراد يتجنسوووووون ؟؟
افضل الحكومه تجنسهم بالطيب او مصيرهم ياخذوها بالقوة بصرااااحه
او ينفصلون عن سوريا ويتبعون البرزاني ,,

في كتير أكراد معروفين صارو بالشام بالكراد الشوام ومنهم عوائل كبيرة متل آل رشي و دقوري وأومري والأيوبي .....الخ


بالنسبة للنا س المذكورة هي عوائل مجنسة
اما بالنسبة للاكراد الي براد البلاد و الرعران هن نفسهن اكرادالبلد وبعدين شو بالنسبة لشعارات الاكرادمشان تحرير ارض كردستان وفيك تحددلي على الخريطة وين موقع هي الارض وهدا الحكي مو من عندي فيك تسال اي سوري مقيم بالخارج عن الوضوع وساعتها رح تسمع العجب

انا مصمم على ان الاكراد يتجنسوووووون ؟؟
افضل الحكومه تجنسهم بالطيب او مصيرهم ياخذوها بالقوة بصرااااحه
او ينفصلون عن سوريا ويتبعون البرزاني ,,

المقصود من التجنيس محي هوية ووجود الاكراد خوفا من مطالبهم بارض كردستان

يا اما انت كردي وعم تحكي بلغة الوعيد

اولا انا سعووودي وكلي فخر ان انتمي للاكراد احفاد صلاح الدين الايوبي
وبعدين انا قلت انا مصمم انهم يجنسونهم او انهم راح يتبعون الابرزاني ويصيرون دولة كرديه موحده
وهذ1 اللي اعتقد ,,,

أول شي حابب أشكر الجميع على أنو الموضوع صار ست صفحات و لساتو ماشي نظامي .... يعني من زمان ما شفت موضوع نقاش بهالحلاوة بالمنبر...بهنيكون !


بالنسبة لموضوعنا .... أستغرب أنو ليش عم نعتبر الأكراد كأنهون أجسام غريبة عن سوريا ... طيب ما الأكراد موجودين قبل العرب بفترة طويلة , يعني حلوة كتير أنو واحد عربي يقول أنو بدو يطرد الكردي اللي كان ساكن هون قبل ما يجو العرب (ولسا بتسمع ناس تنتقد اسرائيل ... مانفس الشي عم بتساووه) .

بالنسبة للأمر الواقع ... ما بعرف ليش بعض الأخوة الأعضاء بيستنكرو أنو الكردي يكره التركيبة الاجتماعية السورية الحالية ....شي طبيعي , انتو بنفسكون عم تحكو أنو الأكراد همج و بدون عقل و ما بعرف شو , لما في بيناتهون ناس من كبار رجال الفكر و السياسة و العلم و حتى الفن ...

أنا شخصيا أعتبر الأكراد جزءا لا يتجزء من تركيبة المجتمع السوري , و أتضامن مع مطالبتهم بحقوقهم كاملة .

طيب في عندي سؤال
ليش في عوائل كردية تحمل الجنسية السورية وفي عوائل مالها حاملتها وبعدين لايغيب عن بالك مناداة الاكراد ومطالبتن باقامة الدولة الكردية فهي المطالب فيك تشرحلي ياها وتحت اي بند او باي وجه حق نمنح جنستنا لناس عم تنادي باقتطاع جزء من ارض بلدك

الأكراد لهم الحق في التجنيس

وليس فقط التجنيس بللهم الحق بالمطالبه بدوله مستقره لهم

وانا مصمم على هذا

الأكراد لهم الحق في التجنيس

وليس فقط التجنيس بللهم الحق بالمطالبه بدوله مستقره لهم

وانا مصمم على هذا

اذا سمحت يا سلاش في مجال ماتناقش بالموضوع لانه انا اكيد ماعندك خلفيات عن الموضوع وعن النقاط المطروحة و المخفية بين السطور و منكون من الشاكرين الك

المشكلة مغيبة عن الحوار بسبب أسلوب الحكومة العتيدة بمعالجة مختلف القضايا من هذا النوع "إذا زعجك شيلو" أو "حبسو" أو "قمعو"
بالبداية قبل طرح حلول للمشكلة أهم خطوة في أي منهجية معتمدة لحل أي مشكلة هي: تحديد المشكلة يعني تشخيص المشكلة
المتابع للنقاش من بدايته يلاحظ أن المشكة ليست مشخصة ، صحيح أن السؤال هل أنت مع تجنيس الأكراد و لكن يبدو أن الكثيرين لا يعلمون أن الأكراد غير المجنسين أو قيد الدرس أو سمهم ما شأت هم (بغالبيتهم الساحقة إذا لم يكن جميعهم) أناس تم سحب الجنسيات منهم في الخمسينات
إذا دعونا نحاول تشخيص المشكلة، ياحبذا لو كان في الأخوية أعضاء أكراد على اطلاع حقيقي على الموضوع ليدلوا بدلوهم
لا يمكن الجزم بأن الأكراد يطالبون بدولة مستقلة أو حكم ذاتي إذ لا يوجد صوت ممثل أو حركة منظمة تعبر عن رأي الأكراد ، فعلى أي أساس يتم محاكمتهم و إصدار إدانات بحقهم؟
كما أشار الأستاذ YASS في مشاركته الأكراد هم سوريين (قد يكون هناك أكراد وافدين لكن بالنهاية الغالبية الساحقة هم سوريين) عندما أقول أكراد لا أتخيل مجموعة من المخلوقات الفضائية أو اللاجئين المهجرين .. أنا أتخيل مجموعة من السوريين المتوزعين في مختلف مناطق سوريا الشمالية الشرقية الشمالية و الجنوبية و حتى الوسطى و الذين تم تهميش مشكلة أساسية و محاولة دغم ثقافتهم و لغتهم دون هدف واضح سوى عن مناوره سياسية رخيصة أو قرار من قرارات الحكومة الطائشة (الطائشة عائدة على قرارات مع أن هذه القرارات تعبر عن مصدرها) و التي لم تنتهي و ليست حصرا على الأكراد (فعلى سبيل المثال في موضوع غير متعلق مباشرة : قانون تنظيم البناء الصادر في العقد الأخير يفرض رسوم على من يبتغي بناء غرفة واحدة لتأويه مع عائلته الكبيرة و يعاني منه سكان المنطقة الشرقية العرب ذوي الدخل السوبر محدود حيث لا يستطيعون تحمل أعباء بناء و لو غرفة واحدة ... ) كل ذلك لأن القرارات منتهية البيرقراطية و لا تتم بطريقة ممنهجة و لا تتيح مساهمة الإدارات المحلية التي ترفع صوت السكان المحليين و تتيح لهم إدارة شؤونهم بما يتناسب مع أوضاعهم المعيشية الثقافية و الاجتماعية بما يتماشى مع السياسة العامة للحكومة بدلا عن ذلك يتم إصدار القرارات بشكل مركزي و يهمل وضع الآلاف و مئات الآلاف .. و هذا أساس مشكلة القضية الكردية و التي لم يتم علاجها على مدى ست عقود تقريبا..
كيف يمكن أن نلوم شخص نقوم بازدراءه و نبذه و تهميشه إذا شعر بالحنق أو الغضب على الحكومة ، الوطن يبنيه ابناءه بوقوفهم جنب إلى جنب و ليس حكر على مجموعة اثنية أو طائفية أو دينية على قاعدة أنها تشكل الأكثرية و ما معنى الأكثرية العددية فهل نحن قطعان حيوانات الغلبة فيها للأقوى أو الأكثر عددا؟؟؟؟؟؟؟؟؟؟؟؟؟؟؟؟

ياعزيزي danito
نحن مالنا عم ناقش قرارات اواسلوب اومبادئ حكومتنا لانه مااظن في تنين بختلفه على هالشئ لانه مو بس الاكراد عم يعانوا من اسلوب الحكومة
انا بالنسبة لمسالة الجنسية فالشعارات و مطالب الاكراد بتخليك تحط علامة استفهام عند موضوع التجنيس

ياعزيزي danito
نحن مالنا عم ناقش قرارات اواسلوب اومبادئ حكومتنا لانه مااظن في تنين بختلفه على هالشئ لانه مو بس الاكراد عم يعانوا من اسلوب الحكومة
و أنت عيني: مو بس الأكراد عم بيعانوا ... يعني هني جزأ من الشعب الذي يعاني و هذه هي معاناتهم... طيب نحنا على أي أساس أعطينا نفسنا الصلاحيات على تداول قضية الأكراد السوريين كما لو أنهم مجموعة غير كاملة الأهلية و نحن لنا وصاية عليهم؟؟ مع أنو بالحقيقة و للأسف و بسوريا و مع آخر فنون الحكومة التي أعيتني في إيجاد الصفات لها (تداول قانون الأحزاب) حزب البعث هو الوصى على الجميع..


انا بالنسبة لمسالة الجنسية فالشعارات و مطالب الاكراد بتخليك تحط علامة استفهام عند موضوع التجنيس

مرة أخرى على أي أساس حددت شعارات و مطالب الأكراد؟ حتى هنا في المنبر لم أسمع أي كردي يطلق شعارات انفصالية أنا بقلك بصراحة استشعرت شعارات انفصالية في السابق من الأكراد بس هاد كان قبل احتكاكي القريب مع الأكراد في الشمال و على قلة هذا الاحتكاك و عرضيته إلا أنو بتجربتي الشخصية كان ألي لقائين عابرين مع عائلتين أكراد على بساطة اللقاء و محتواه كان بعيد الأثر و مازال الصورة قائمة بداخلي كما لو أنها حدثت البارحة، سوريين بسطاء (بمعنى غياب الأجندات المخفية و ليس بساطة تفكيرهم ) مليئين بالحب و الوداعة و و الضيافة يعني سورييين بكل ما تحمل الكلمة من معنى ، يعني أنا ما دخلت معهم بنقاش فكري عميق بس حديثنا العابر كان مليء بالأخوة و الاحترام المتبادل
و هو ما دعاني للتفكير من هو وراء الترويج بأنهم دخلاء؟ من هو الذي يسمح للمدسوسين بنشر التفرقة و إعلاء الأصوات المتطرفة من الجانبين؟ يعني لماذا لا يسمح لهم بممارسة حقوقهم الثقافية على أرض وطنهم بدلا من دفعهم و بالقوة للالتجاء للغرباء لأنهم يلوحون باحترام حقوقهم؟؟

يعني لماذا لا يسمح لهم بممارسة حقوقهم الثقافية على أرض وطنهم بدلا من دفعهم و بالقوة للالتجاء للغرباء لأنهم يلوحون باحترام حقوقهم؟؟
هادا متل ماقلتلك اسلوب حكومتنا القمعي مو هو موضوع نقاشنا
اما شان شعارات ومطالب الاكراد فهادا الحكي من خلال معايشتي واحتكاكي للاكراد في مكان اقامتي و كن واثق تماما مافي شي من عندي او تفكر من دوافع شخصية عم ناقش انا عم ناقش بالشي اللي لمسته و شفته بعيني

انا اعتقد ان الاكراد قنبله تنتظر من يشعل فتيلها فقططط ,,,

من الحكمه ان تقوم الحكومه بمنحهم الجنسيه وارضائهم وتقديم بعض التنازلات لهم ,,
والا سيحدث مالا تحمد عقباه ؟؟

انا اعتقد ان الاكراد قنبله تنتظر من يشعل فتيلها فقططط ,,,

من الحكمه ان تقوم الحكومه بمنحهم الجنسيه وارضائهم وتقديم بعض التنازلات لهم ,,
والا سيحدث مالا تحمد عقباه ؟؟
هذا مفهوم خاطئ يعني تنازلات و تهديد و وعيد ما بيمشي الحال ، الحكومة صاحبة سيادة و هي لا يجب أن تخضع لتهديد و وعيد و لكن يجب أن تراعي و تنسق بين مصالح مواطنيها و في ما يخدمهم و يخدم المصلحة الوطنية بالمجمل ، أرفض مقولة الخضوع للتهديد و خاصة من قبل الحكومة و على كل يا سيد صقر العروبة فالحكومة السورية ماسكة الأمور بقبضة من حديد و فيها تخضغ الجميع بالقوة

هادا متل ماقلتلك اسلوب حكومتنا القمعي مو هو موضوع نقاشنا
اما شان شعارات ومطالب الاكراد فهادا الحكي من خلال معايشتي واحتكاكي للاكراد في مكان اقامتي و كن واثق تماما مافي شي من عندي او تفكر من دوافع شخصية عم ناقش انا عم ناقش بالشي اللي لمسته و شفته بعيني
يا أخي هو مو موضوع النقاش بشكل عام و لكن هي قضية ذات بعد سياسي و قضية إنسانية و حتى تجربتك الشخصية هي تجربة فردية و مهما توسع إطارها لا تصلح أن تكون مقياس .. يعني على فرض أنك قابلة شريحة أو عينة واسعة من الأكراد السوريين كيف الضمان أنها شريحة أو عينة ممثلة و غير متحيزة ، بمعنى و كونك فرد فأنت قابلت أناس من شريحة عمرية محددة أو على خلفية معينة (العمل الدراسة ..) بينما أي دراسة لتحديد أراء جماعة بشكل مقبول علمي و بالتالي بطريقة يمكن اعتمادها لدراسة الحالة و اتخاذ قرارات يجب أن تكون على عينة ممثلة و منتقاة بطريقة علمية .. عدا عن ذلك و بدون زعل لن أقبل رأيك كجواب نهائي تام شامل عن راي الأكراد السوريين بقضية الانفصال و الحكم الذاتي
و حتى لو افترضنا أنه كان هذا الموضوع مطلب كردي فليس الجواب أن يتم سحب الجنسيات منهم فلو أن الحياة السياسية بخير كان الموضوع أخد منحى سجال سياسي اجتماعي و تنافش تحت قبة البرلمان بشكل موضوعي و تم التوصل لقرارات و تفاهم بين جميع الاطراف
مثلا في شمال إيطاليا في إنفصاليين و حتى رئيس الوزراء برلسكوني مرتبط فيهم بقوة و مع ذلك ما حدا سحب منهم الجنسيات بقي الموضوع موضوع سجال ..
يعني في كثير بسوريا ناس تتكلم عن سورية سوريا و ليس عن عروبة سوريا فهل نطالب بسحب الجنسيات منهم؟ و جزأ غير قليل من الناس يطالبون بنظام علماني فهل إذا وصل حزب ديني إلى السلطة يقوم بسحب الجنسيات منهم؟؟

يجب عليكم كمواطنيين سوريين شرفاء ارجاع الحق لاصحابه شمال شرق سوريا للاكراد وحاجه عنكم تصويت وكانكم بتتكرموا بالجنسيه السوريه



بالله شو فائدة الجنسيه السوريه؟؟؟؟؟

يعني في كثير بسوريا ناس تتكلم عن سورية سوريا و ليس عن عروبة سوريا فهل نطالب بسحب الجنسيات منهم؟ و جزأ غير قليل من الناس يطالبون بنظام علماني فهل إذا وصل حزب ديني إلى السلطة يقوم بسحب الجنسيات منهم؟؟

مين ماكان يكون يحكم سوريا بس المهم يرجع للشعب حقوقه ويحسس الشعب انه اولاد بلد وحدها موينشر بينهم الطائفية والعزل والتفرقة بتعرف شئ وانا عم اقرا ردك شعرة انه المشكلة ماهي مشكة كردي و سوري المشكلة الحقيقية ببلادنا هي السياسة الداخلية اللي عايشينها والقائمة على مبدئ فرق تسد و صدقني الحل مو بالجنسية الحل بالتغير لوضع اللي نحن عايشينوا و بالتالي رح يتغير كل شي لحالوا
و على فكرة بدي اشكرك لتنبيهي لشئ كان غايب عن بالي

يعني في كثير بسوريا ناس تتكلم عن سورية سوريا و ليس عن عروبة سوريا فهل نطالب بسحب الجنسيات منهم؟ و جزأ غير قليل من الناس يطالبون بنظام علماني فهل إذا وصل حزب ديني إلى السلطة يقوم بسحب الجنسيات منهم؟؟

فعلا جملة مهمة جدا و تستحق لفت الانتباه ... و هذا موضوع أرغب بالتحدث عنه ... لكن ليس هنا اذ أن الموضوع الأساسي هو عن الأكراد

:سوريا:

يجب عليكم كمواطنيين سوريين شرفاء ارجاع الحق لاصحابه شمال شرق سوريا للاكراد وحاجه عنكم تصويت وكانكم بتتكرموا بالجنسيه السوريه



يا صديقي و للأسف الشديد الشعب السوري لا يملك قراره ... و لا أعتقد أن أغلبية المشاركين تحدثوا عن "التكرم" بمنح الجنسية... أنا على الأقل أعتبرها حقا طبيعيا.

بالله شو فائدة الجنسيه السوريه؟؟؟؟؟
فعلا سؤال صعب ... يذكرني بسؤال آخر بمثل صعوبته : ما معنى الحياة؟