-
دخول

عرض كامل الموضوع : الحرب الأهلية الأخوية

HashtNasht
08/02/2006, 02:22
8)

مرحبا يا أوادم

أول شي بتمنى من المشرفين أنو ما ينقلو هاد الموضوع ع الصالون أو ع الطاير ع الطاير ....الموضوع بجوز يكون لعبة ...بس اذا وجهنا بالاتجاه الصحيح ...رح يكون مكانو المنبر الحر


الفكرة ببساطة هي افتراض أنو أعضاء اخوية وصلو لمرحلة حساسة ..و يعني صارو على شفير الهاوية ...و ما بقي قدامنا غير أنو نفوت بحرب أهلية لكسر هالتوازن الحرج و خلق توازن جديد للقوى ( الأخوية )

و المطلوب ...و بجدية ....يعني بمنتهى الجدية .....أنت كعضو بالمنتدى ....كيف رح تتعايش مع الحرب الأهلية داخل المنتدى ؟

مع مين رح تتحالف و ليش ؟

هل رح تخوض الحرب بطريقة شريفة ...أو ممكن أنك تعمل أي شي...شو ما كان لتربح الحرب ؟

هل أنت مستعد أنك تستشهد الكترونيا في سبيل قضيتك الأخوية ؟؟

شو رح يكون شعورك اذا كلفت باغتيال احد اكتر الاشخاص القريبين منك بالمنتدى و اللي طلع للأسف بالمعسكر التاني اثناء هالحرب ؟؟

طبعاً الأسئلة مفتوحة ....ع قد مساحة الخيال

خلونا نشوف كيف ممكن كل واحد يعيش الحرب الأهلية الأخوية
HashtNasht
08/02/2006, 02:34
رح بلش أنا بالرد


مع مين رح تتحالف و ليش ؟



احتمال كبير اني ما اتحالف مع حدا .....أنا بطبيعتي ما بحب التحزب....و الحالة الوحيدة اللي ممكن اني اتحزب فيها هي أني كون انا زعيم الحزب .... بعتقد أنو بحالة حرب أهلية أخوية ...رح خوض الحرب مستقلاً :lol:



هل رح تخوض الحرب بطريقة شريفة ...أو ممكن أنك تعمل أي شي...شو ما كان لتربح الحرب ؟




مع احترامي الك يا حشت نشت ...سؤالك غبي :?

مافي شي اسمو حرب شريفة ...كيف يعني حرب و شريفة !!!!
اذا كان المطلوب اني اربح الحرب...طبعا رح اعمل اي شي ....شو ما كان لحتى اربح الحرب ...اما شريفة و لطيفة و سعاد و فاتن و نجاح ...ما بينفعوك منوب منوب منوب وقت بكون القصف شغال فوق راسك ....8)



هل أنت مستعد أنك تستشهد الكترونيا في سبيل قضيتك الأخوية ؟؟




لاء .....لا الكترونيا و لا غير الكترونيا .....يعني أنا ما رح ارمي حالي باتجاه الموت ....لأنو اذا بدي ضحي بحالي في سبيل قضيتي ...شو رح يضل لقضيتي معنى ؟؟

طبعا ...بنفس الوقت الموت ..و بهالحالة اسمو الشهادة ما رح يكون رادع الي بالحرب ..بس يعني اذا استشهدت ...اتأكدو تماما أني ما رح كون مبسوط و أنا شهيد .....حتى لو سمي ع اسمي عشر مدارس ثانوية و حطو فيهن احلا صبايا :sosweet:



شو رح يكون شعورك اذا كلفت باغتيال احد اكتر الاشخاص القريبين منك بالمنتدى و اللي طلع للأسف بالمعسكر التاني اثناء هالحرب ؟؟



العمى ...هي حقيرة

أنو شو رح يكون شعوري؟؟؟ شعور تافه ....رح حاول أنو ما يكون عندي شعور ..... رح يكون عندي كذا يوم لازم اشتغل فيهن ع حالي ...غسيل دماغ ذاتي يعني ...لحتى اوصل لقناعة مطلقة أنو هالشخص صحي هو كان من زمان اقرب انسان الي ..بس هو تغير كتير ...و صار ندل و حقير و جبان و كافر :lol: و أنو اذا هالشخص ما قتلتو ...هو أكيد رح يقتلني .......و هيك بكون قدرت نفذ العملية و ضميري مرتاح ....و بنفس الوقت بكون انا مقتنع تماما أنو الشخص اللي انا قتلتو هو تماما غير الشخص اللي كان عزيز عليي ;-)


و الله ظريفة الحرب الأهلية .....شي تسالي يعني .... عم فكر أنو هيك اذا صار شي حرب أهلية ...رح كثف اتصالاتي مع شي سعودي رافع راسو .....و خلي يسحب شي كم واحد من موديلو ..مشان يجو يفجرو حالن بالاقسام المعادية ......و طبعا بكون وعدتن انو بس يموتو رح ينكتبلن عمر جديد بمنتدى المشرفين ..و انو لكل واحد رح يطلعلو ليلى و سورية مشتاقة و وايت روز :lol: :lol: :lol: :lol:
mhmary
08/02/2006, 06:58
8) مع مين رح تتحالف و ليش ؟
أنا رح أتحالف مع أعضاء الموقع القدماء الي بلشو مع الموقع من أولتو والي كان الموقع على دورون احلى شي
ليش لأنو الموقع بالأصل أسمو أخوية وكان بهداك الوقت وعدور هدوليك الأعضاء عنجد أخوية والكل بيعرف بعض من شان هيك بحس اننون قريبين الي

هل رح تخوض الحرب بطريقة شريفة ...أو ممكن أنك تعمل أي شي...شو ما كان لتربح الحرب ؟ اي اكيد رح اعمل اي شي الا اني خون حزبي او اني ما اوفي بوعودي وبعدين ما بدي صير مجرم حرب:lol:

هل أنت مستعد أنك تستشهد الكترونيا في سبيل قضيتك الأخوية ؟؟

:lol: :lol: :lol: مافهمت شو قصدك:lol:

شو رح يكون شعورك اذا كلفت باغتيال احد اكتر الاشخاص القريبين منك بالمنتدى و اللي طلع للأسف بالمعسكر التاني اثناء هالحرب ؟؟
أمممممم صعبة هاي بس اذا قريب كتير ما رح اقبل حتى ولو اغتالوني الكترونياً:lol: :lol:
Barleb
08/02/2006, 19:27
8)


و المطلوب ...و بجدية ....يعني بمنتهى الجدية .....أنت كعضو بالمنتدى ....كيف رح تتعايش مع الحرب الأهلية داخل المنتدى ؟

مع مين رح تتحالف و ليش ؟
مع الباطل ,,,,, لأنو دايماً ربحان بهل بلد .

هل رح تخوض الحرب بطريقة شريفة ...أو ممكن أنك تعمل أي شي...شو ما كان لتربح الحرب ؟
شو شريفة ما شريفة , وين عايش أنت يا زلمة ؟

هل أنت مستعد أنك تستشهد الكترونيا في سبيل قضيتك الأخوية ؟؟
وشو بستفاد أنا أذا أنا متت ؟؟ بركي الباقيين خانو و هربو ؟ بيكون رحت من كيس حالي

شو رح يكون شعورك اذا كلفت باغتيال احد اكتر الاشخاص القريبين منك بالمنتدى و اللي طلع للأسف بالمعسكر التاني اثناء هالحرب ؟؟
أنا صحيح مع الباطل , بس ما بغدر بشخص بيعز عليّ , بس يمكن جيبو أسير ;-)

خلونا نشوف كيف ممكن كل واحد يعيش الحرب الأهلية الأخوية
يا شباب طولو بالكن , اللي بدو ينضم ألنا , بياخد كيس سكر , ربع كيلو رز , كيليين حنطة ,
رغييفين خبز و علبة سيلاني و خمسين ورقة ,
ما حدا ضربكون على أيدكون وقلكن تعو لعنا , لكننا لسا الوحيدين و لكننا المنتصرين دائما و أبداً ,
Reemi
08/02/2006, 20:12
من الجهات المشاركة بالحرب يا اخي؟؟؟؟؟؟؟؟؟؟؟
حتى نعرف مع مين بدنا نصف
krimbow
09/02/2006, 05:47
من الجهات المشاركة بالحرب يا اخي؟؟؟؟؟؟؟؟؟؟؟
حتى نعرف مع مين بدنا نصف

كلنا بدنا نشارك
هي حرب اهلية
ما بيصير يكون في عالم قاعدة على جنب

من جهتي انا بعتبر الحرب اسرار (لا تدع عدوك يعرف بماذا يفكر)
و باعتبار انها حرب اهلية
انتوا كلكم اعدائي

مشان هيك ... ازا بتطلع عيونكم بالطول و بالعرض ما بقلكم على مخططاتي بهالحرب

بعدين ابو نهلا هاد مو عدل ( بعرف انو nothing is fare in love and war)
انت بالمنتدى تبعك عندك قسم كامل لادارة الانقلابات و الازمات
الشباب هون ما عندهم هيك شي
يعني لوجستيا انت ربحان من اولها

بس كمان المشرفين (حزب الخضر) عندهم اقسامهم الخاصة
مشان هيك احسن شي بعملو اني اتحالف معك و معهم سوا:gem:

هجووووووووووم:jakoush: :jakoush: :jakoush:
Reemi
09/02/2006, 16:48
هههههههههههههههههه يا رجل كاين رئيس شي فررع بالمخابرات بهداك الجيل؟
zen
09/02/2006, 17:06
انا ما بحب الحرب الاهلية
بس شايف حالي مضطر لخوض حرب عرقية
ضد الخليجين
بس مو كلون في استثنائات
:jakoush: :jakoush: :jakoush:
Barleb
09/02/2006, 17:16
أعلن أنا , نسر السريان , ومن هذا المنبر الكريم , بأنشاء حزب خاص , المسمى "حزب الدفاع عن المنبر الحر لأخوية "
يهدف الى تنظيف المنبر من جميع لأعضاء الذين يسعو لـ تخريب المنبر ,
أعادة الحيوية و الأيام الخوالي للمنبر ,
التعرض لمخربي المنبر بـ كافة الوسائل ,
البقية تأتي
ودمتم سالمين
Reemi
09/02/2006, 17:23
بس تاتي البقيه ياتي الرد
Barleb
09/02/2006, 17:31
اللي بدو ينتسب لحزب الدفاع عن أخوي يقوم بأرسال رسالة خاصة لي ,
بعد ما أدرس العضو و مشاركاتو و توجهاتو و مبادؤو , رح يجيه الرد ,
تحياتي
معاً من أجل أخوية أخوية
Reemi
09/02/2006, 17:51
شو اهداف حزززبك يا رجل ؟
Barleb
09/02/2006, 17:52
يهدف الى تنظيف المنبر من جميع لأعضاء الذين يسعو لـ تخريب المنبر ,
أعادة الحيوية و الأيام الخوالي للمنبر ,
التعرض لمخربي المنبر بـ كافة الوسائل ,
Reemi
09/02/2006, 18:11
هجوووووووووووووووووووم اذا هيك
:gem: :gem: :gem:
Barleb
09/02/2006, 18:13
أول شي بدا ننظم الحزب و نرتب وضعنا ,
بعدين لكل حادث حديث
Reemi
09/02/2006, 18:18
اوك اوك انا معك .... ان شاء الله كوون مقبووله
Barleb
09/02/2006, 18:20
ولو أنتي من عضام الرقبة ,
بس بدنا تجاوب أكتر من الأعضاء
Reemi
09/02/2006, 18:28
هلق بيجووو ولا يهمك هنن بمووتو بشي اسمه حروووب
\\\
09/02/2006, 18:29
وانا ضمني معك

والله مشتاق للمواضيع أول مثل مواضيع عاشق فلسطين

بهالوقت مانلقا مواضيع زي العالم كلها تفصيع هرج
Barleb
09/02/2006, 19:22
طلبك مرفوض بعد الدراسة , لأنو ماشفت لألك مشاركة وحدة أفادت المنبر
\\\
09/02/2006, 19:25
طلبك مرفوض بعد الدراسة , لأنو ماشفت لألك مشاركة وحدة أفادت المنبر


يازلمه خاف الله شو مألي مشاركه فادت المنبر انا كلي خير وبركه

ككككككككككككككككككككككككك ككككككككككككككككككككككككك كك
Barleb
09/02/2006, 19:31
شو صار معك أيفي ؟
كترانين الجراثيم
Barleb
09/02/2006, 19:43
أهداف الحزب
1- تنظيف المنبر
2- كل عضو يحاول تشوه المنبر بمشاركات لا فائدة لها
أولاً: يقاطع من كافة أعضاء الحزب و يتم تجاهله كلياً
ثانياً: يقوم وفد من الحزب بـ تقديم شكوى ضد العضو للأدارة
3-رفع مستوى مواضيع المنبر و الرقيّ بها , و تجاهل المواضيع السخيفة
4- أرسال تقرير بـ كل موضوع لم يوضع بمحله ألى كل من :
الأدارة والمشرف الأداري
ومشرف المنبر االحر السيد كريم
5- العمل على نقل خناقات المنبر ألى السقيفة لعدم تشويه المنبر
6- العودة بالمنبر لأيام زمان , الأياما لخوالي .
7- التضامن مع معتقلي الضمير
دمتم ذخراً للوطن
butterfly
09/02/2006, 20:06
6- العودة بالمنبر لأيام زمان , الأياما لخوالي .

واللي أجو جدد شو يعملو بحالون ؟؟؟
ينتحرو وإلا :jakoush:
:waa3:
أبو النسيم
09/02/2006, 20:27
هههههههههههههههههه يا رجل كاين رئيس شي فررع بالمخابرات بهداك الجيل؟

شكلو لهلق8) 8) 8) 8) 8)
Reemi
11/02/2006, 17:09
شو صار معك أيفي ؟
كترانين الجراثيم
عقولة ابو الفد(فادي) طفيليات.... ولكن واتباعا لاهداف حزبنا الكريم ...
2- كل عضو يحاول تشوه المنبر بمشاركات لا فائدة لها
أولاً: يقاطع من كافة أعضاء الحزب و يتم تجاهله كلياً

سوف نتجاهلللللللللللللللللللل لللللللللله ......!
Reemi
11/02/2006, 17:10
شكلو لهلق8) 8) 8) 8) 8)
انا شكيت بالموووضوووع ...ههههه
Reemi
11/02/2006, 17:10
6- العودة بالمنبر لأيام زمان , الأياما لخوالي .

واللي أجو جدد شو يعملو بحالون ؟؟؟
ينتحرو وإلا :jakoush:
:waa3:

لا يا قمرر ما بتنتحررري بس بتثبتي جدااارتك بالمنتدى ...