dimozi
06/01/2005, 18:25
خربش يخربش فهو مخربش
أنتظار .....................
ما بدا ياني أجي , مع أنو ناطرة , و أنا تأخرت , بس أوصل ما رح تلوم ولا رح تسأل وين كنت , حدا بيفرح بالموت لما يجي؟
طناش.......................
أو محاولات طناش , أسبوع أسبوعين , و يمكن أكتر , للصبر حدود مهيك , ما عاد في حدود , خلصت الأيام , و الناس نعسانة .
حكمة ......................
بيسألوك شو صار , و شو عم بيصير , و ليش عم بيصير , ما بيسألوك أنت كيف, و بالآخر بيعطوك حكمة منشان تكون ختامها مسك يعني , اللي بدوا ياني بيعرف وين يلاقيني .
أرقام ......................
أرقام عم تلعب , أرقام عم تضوي , أرقام عم تطلع و أرقام عم تنزل , بتفوت منشان عشرة لفوق , بتطلع بميتين لتحت , بآخر اليوم بتذكر و بتضحك على حالك , ما عاد بتقول لو و إذا , و بتنبسط لأنو لقيت شغلة تنسيك الست زبقي .
خوف ....................
بيمسك فيك براس معدتك , بيقلك روح عميل اللي بدك ياه , بس انا ماشي معك و رح نغص عليك يا ابن الستين كلب , خلينا نشوف شو رح يطلع معك , و بس توقع الفاس بالراس , بيصير متل القطة الصغيرة ,
أبو خالد مات , ما خلف إلا بنات .....................
اللعنة الشرقية اللي ما بتطلع من راس الأغبيا , واحد لاحق شقفة جلد و عاملها ربو......... و واحد بدوا بس ما بيرضاها على غيروا , مين المنحوس ؟؟؟؟ ولا حدا من جماعة سيد أبو غضنفر , بتروح على اللي أسمها بنت لأن محكومة تعاشر حثالة الرجال كل عمرها .
كفرية ..................
بيحاول الواحد يألف كفرية جديدة تتناسب مع حجم الموضوع , بس بعدين بيفطن أنو في رقابة , حتى هون .
كذب ....................
كذبنا , ما كذبنا , حكينا , ما حكينا
يمكن تصير المعادلة هيك , معقول كل كلمة تكون كذب؟؟
**** ****
جرح .........................
آسف لأنو جرحي نساني أنو عم أجرح كتير ناس غوالي , يمكن لما منمدح حدا ما بيستاهل المدح , منكون عم نجرح حدا ما بيستاهل الجرح بنفس الوقت , أنو شو ممكن قول , أنا واحد بيحب الحكي , بس ما عم لاقي حدا بيحب يسمع , صعب كتير قول اللي بقلبي للناس اللي بتعرف , بس يمكن هن بدن ياني قول منشان يتأكدوا كمان , يا جماعة صار جايني نفس الطلب من تلات غوالي , و انا مدري شلون بعمل حالي ما سمعان , بأذيهن و ما بحس , و فكري بمحل واحد , و ها المحل عم بيقلعني .
صدمة ..................
الصدمة كانت كلمة توسل , يعني متل كأنو فقت بعدها , صحي كنت وعيان الوضع
, بس لما سمعتها من تم حدا ما بيكذب , صدمتني , ممكن ها الشي كتير يغير الواقع , ممكن يطالع الغضب اللي جوا , يمكن يعلمني أنسا ......................... منحتاج كل فترة و فترة لصدمة .
محتار.........................
تبقا إذا تطمنت , طمني , و إذا سألوك طمنهن , قلهن اللي بدك ياه , لأنو ما عاد تفرق , أصلا أنت عمرك ما قلت شي بيقدم أو بيأخر , يمكن دايما بيأخر ............... أساتك محتار ؟؟ عمرك ما رح تعرف مع مين عم تتعامل .
خسارة ...................
ما في شي بيسوا انو نزعل دقيقتين , منبلش نضحك لما نخسر , حلو الضحك , يمكن يكون الضحك هو الخلاص
الخلاص ......... شوي كبيرة ها الكلمة ............... لأنو ما في خلاص غير بالموت , لا تجيبوا سيرة الموت لأنو في صبية جنبي بتطير العقل و ما خرج فكر بالموت , هلاء وقت التفكير بالجمال , وين وين ................ راحت .
تحملونا
أنتظار .....................
ما بدا ياني أجي , مع أنو ناطرة , و أنا تأخرت , بس أوصل ما رح تلوم ولا رح تسأل وين كنت , حدا بيفرح بالموت لما يجي؟
طناش.......................
أو محاولات طناش , أسبوع أسبوعين , و يمكن أكتر , للصبر حدود مهيك , ما عاد في حدود , خلصت الأيام , و الناس نعسانة .
حكمة ......................
بيسألوك شو صار , و شو عم بيصير , و ليش عم بيصير , ما بيسألوك أنت كيف, و بالآخر بيعطوك حكمة منشان تكون ختامها مسك يعني , اللي بدوا ياني بيعرف وين يلاقيني .
أرقام ......................
أرقام عم تلعب , أرقام عم تضوي , أرقام عم تطلع و أرقام عم تنزل , بتفوت منشان عشرة لفوق , بتطلع بميتين لتحت , بآخر اليوم بتذكر و بتضحك على حالك , ما عاد بتقول لو و إذا , و بتنبسط لأنو لقيت شغلة تنسيك الست زبقي .
خوف ....................
بيمسك فيك براس معدتك , بيقلك روح عميل اللي بدك ياه , بس انا ماشي معك و رح نغص عليك يا ابن الستين كلب , خلينا نشوف شو رح يطلع معك , و بس توقع الفاس بالراس , بيصير متل القطة الصغيرة ,
أبو خالد مات , ما خلف إلا بنات .....................
اللعنة الشرقية اللي ما بتطلع من راس الأغبيا , واحد لاحق شقفة جلد و عاملها ربو......... و واحد بدوا بس ما بيرضاها على غيروا , مين المنحوس ؟؟؟؟ ولا حدا من جماعة سيد أبو غضنفر , بتروح على اللي أسمها بنت لأن محكومة تعاشر حثالة الرجال كل عمرها .
كفرية ..................
بيحاول الواحد يألف كفرية جديدة تتناسب مع حجم الموضوع , بس بعدين بيفطن أنو في رقابة , حتى هون .
كذب ....................
كذبنا , ما كذبنا , حكينا , ما حكينا
يمكن تصير المعادلة هيك , معقول كل كلمة تكون كذب؟؟
**** ****
جرح .........................
آسف لأنو جرحي نساني أنو عم أجرح كتير ناس غوالي , يمكن لما منمدح حدا ما بيستاهل المدح , منكون عم نجرح حدا ما بيستاهل الجرح بنفس الوقت , أنو شو ممكن قول , أنا واحد بيحب الحكي , بس ما عم لاقي حدا بيحب يسمع , صعب كتير قول اللي بقلبي للناس اللي بتعرف , بس يمكن هن بدن ياني قول منشان يتأكدوا كمان , يا جماعة صار جايني نفس الطلب من تلات غوالي , و انا مدري شلون بعمل حالي ما سمعان , بأذيهن و ما بحس , و فكري بمحل واحد , و ها المحل عم بيقلعني .
صدمة ..................
الصدمة كانت كلمة توسل , يعني متل كأنو فقت بعدها , صحي كنت وعيان الوضع
, بس لما سمعتها من تم حدا ما بيكذب , صدمتني , ممكن ها الشي كتير يغير الواقع , ممكن يطالع الغضب اللي جوا , يمكن يعلمني أنسا ......................... منحتاج كل فترة و فترة لصدمة .
محتار.........................
تبقا إذا تطمنت , طمني , و إذا سألوك طمنهن , قلهن اللي بدك ياه , لأنو ما عاد تفرق , أصلا أنت عمرك ما قلت شي بيقدم أو بيأخر , يمكن دايما بيأخر ............... أساتك محتار ؟؟ عمرك ما رح تعرف مع مين عم تتعامل .
خسارة ...................
ما في شي بيسوا انو نزعل دقيقتين , منبلش نضحك لما نخسر , حلو الضحك , يمكن يكون الضحك هو الخلاص
الخلاص ......... شوي كبيرة ها الكلمة ............... لأنو ما في خلاص غير بالموت , لا تجيبوا سيرة الموت لأنو في صبية جنبي بتطير العقل و ما خرج فكر بالموت , هلاء وقت التفكير بالجمال , وين وين ................ راحت .
تحملونا