يا ترى مين عم يفكر فينا بهالثانية [الأرشيـــــف]

لاوديسا

31/01/2006, 15:14

كتير من الاحيان بتصير معنا شغلات غريبة و ما منعيرها اي اهتمام وبتكون صحيحة مية بالمية ومنفكر انو هالشي ضد ارادة الله سبحانه او حتى انو منقول انو العلم عند الله
هو صحيح العلم عند الله سبحانه و تعالى بس هالشي ما بيخالف ارادة الله لانو علم النفس ونظرياته والتجارب اللي عملوها العلماء اكدت هالشي اللي راح اذكرو هلأ
حبيت احكي عن التخاطر بالروح اللي هو موجود فينا كلياتنا و خصوصي للي روحو شفافة واحساسو عالي
صحيح انو التخاطر الروحي بيندرج تحت المواضيع الباراسايكولوجية اللي ما بتخضع للتكرار او القياس يعني بصورة اوضح ممكن تتكرر بس مالها قانون يحكم تكرارها
كتير من الاحيان منكون قاعدين و بيخطر على بالنا شخص معين ومنصير منفكر فيه وبيصير قلبنا بيدق و لهفتنا بتزيد لنسمع اخبارو منقوم منتصل فيه و منتفاجأ انو باللحظة نفسها كنا على بالو نحنا كمان وكان قايم يتصل فينا
هالشي بيصير معنا كلياتنا باعتقادي و بكل سهولة
هالمشاعر هي باطنية وطبعا الها شرط يعني مو كل ما ذكرنا شخص او خطر على بالنا يعني ممكن نكون نحنا على بالو لا ابدا لا ابدا هي حالة عاطفية وشعور باطني بالدرجة الاولى

disto

31/01/2006, 16:25

فعلا الحساس ده بيولد عندنا كلنا وبيخضح تحت منطق التخاطر الروحي
ان الكثير من هذه الظواهر تحدث تحت اسم الميتافيزيقا او ما وراء الطبيعيات
وهناك قصه ما تثبت هذه الظاهره رجل انجليزي عاد من عمله مرهقا وتأهب للنوم جلس على السرير واراح راسه وسمع صوتا يستنجد به ....

هب من جلسته مفزوعا وارتدي ملابسه وخرج من المنزل لا يعرف الى اين؟؟

ركب سيارته وانطلق وهو لا يعرف الي اين هو راحل ظل يسير في الشوارع وكان المطر يهطل بشده وعلى جانب الطريق وجد عربه مقلوبه و يدرجلا يحاول الخروج باستماته فاكتشف انه صديقه المقرب فانجده ....
وبعد الحادث ذكر صديقه انه كان يفكر فيه ويناديه

وشكرا جزيلا على الموضوع

Abo3zo

31/01/2006, 16:42

و الله أنا مرة صارت معي هيك قصة ..

كنت نايم بأمان الله شي الساعة 3 بالليل , و فجأة صحيت
ما بعرف ليش و أنا عم فكر بشخص معين بحبه كتير و عزيز على قلبي

بعد حوالي الدقيقة بيتصل فيني الشخص نفسه و بيقلي أنه واقع بمشكلة
و من خمس دقايق عميفكر يدقلي بس متردد لأنه المفروض أني نايم !! :o

و الله شي بيحط العقل بالكف :jakoush:

Tears_Castle

31/01/2006, 22:50

موضوع حلو ... وياريت تعطينا معلومات أكتر عن هالظواهر أو الميتافيزيقيا وشكرا

لاوديسا

01/02/2006, 11:10

اول شي انا كتير شاكرة ردكن على الموضوع
وعلى فكرة هيك امور بتحصل لاي انسان فينا بس الاغلبية بياخد الامور بالضحك وبانو صدفة لكن متل ما سبق وذكرت التخاطر والروحي و الشعور الباطني موجودين وكتير مهمين بعلم النفس والشاطر هو اللي بيقدر يدرب حالو على هالشغلة لانها نظرية صحيحة مية بالمية وانا لو باكد صحتها اكيد انتو بدكن تقولو مين انا حتى اكد او اجزم معكن حق انا انسانة عادية بس صدقا صارت معي هالحالة كتير و دائما عم تكون مظبوطة راح اعطي مثل
انا هلأ خارج البلد وكتير من الاحيان بحس بانسان وبصير بفكر فيه بلحظة معينة وكأنو حدا نبهني وبصير بحس بلهفة تجاهو طبعا انا عم استعمل كلمة - بحس - كتير لانو الاحساس اهم شي بهالنظرية وبصير بتمنى شوفو او اسمع صوته او اعرف اي شي عنو هون بيكون التخاطر او الشعور الباطني تحرك عندي وبتفاجا بالنتيجة انو الشخص اللي انا عم فكر فيه كان عم بيفكر فيني بنفس اللحظة و بدو يساوي الشي اللي ساويتو انا وهالشخص ممكن يكون امي ولا ابي ولا اختي او رفيقتي ...... وصدقوني اذا راقبتو احساسكن ومشاعركن وتدربت على هالنظرية راح تشوفو انو كتير من السهل نعرف مين عم يفكر فينا بهاللحظة ومع الايام منقدر نحدد نوعية هالمشاعر كمان
تحياتي للكل وشكرا لردودكن

Abo3zo

01/02/2006, 11:48

اول شي انا كتير شاكرة ردكن على الموضوع
وعلى فكرة هيك امور بتحصل لاي انسان فينا بس الاغلبية بياخد الامور بالضحك وبانو صدفة لكن متل ما سبق وذكرت التخاطر والروحي و الشعور الباطني موجودين وكتير مهمين بعلم النفس والشاطر هو اللي بيقدر يدرب حالو على هالشغلة لانها نظرية صحيحة مية بالمية وانا لو باكد صحتها اكيد انتو بدكن تقولو مين انا حتى اكد او اجزم معكن حق انا انسانة عادية بس صدقا صارت معي هالحالة كتير و دائما عم تكون مظبوطة راح اعطي مثل
انا هلأ خارج البلد وكتير من الاحيان بحس بانسان وبصير بفكر فيه بلحظة معينة وكأنو حدا نبهني وبصير بحس بلهفة تجاهو طبعا انا عم استعمل كلمة - بحس - كتير لانو الاحساس اهم شي بهالنظرية وبصير بتمنى شوفو او اسمع صوته او اعرف اي شي عنو هون بيكون التخاطر او الشعور الباطني تحرك عندي وبتفاجا بالنتيجة انو الشخص اللي انا عم فكر فيه كان عم بيفكر فيني بنفس اللحظة و بدو يساوي الشي اللي ساويتو انا وهالشخص ممكن يكون امي ولا ابي ولا اختي او رفيقتي ...... وصدقوني اذا راقبتو احساسكن ومشاعركن وتدربت على هالنظرية راح تشوفو انو كتير من السهل نعرف مين عم يفكر فينا بهاللحظة ومع الايام منقدر نحدد نوعية هالمشاعر كمان
تحياتي للكل وشكرا لردودكن

مشكورة لجهودك الحلوة يا :clap: بنت اللاذقية :clap:

فعلا أنا بأيد كل شي قلتيه .;-)

محمد ابراهيم

01/02/2006, 11:56

هو فعلا موضوع مهم .بس مو شرط يكون تخاطر بالروح .لانو ممكن يكون صدفه .
بس انا كنت سمعت ان فيه تخاطر بين اشخاص انقياء (روحيا)يستطيعون التكلم مع بعض على الرغم من وجود الاف الاميال بينهم.لكن دائما مثل هذه الاشياء يحتاج لاثباتات لتصديقها.
شكرا على موضوعك المهم.

لاوديسا

01/02/2006, 12:08

مشكورة لجهودك الحلوة يا :clap: بنت اللاذقية :clap:

فعلا أنا بأيد كل شي قلتيه .;-)

شكرا على ردك الحلو وتاييدك
تحياتي

لاوديسا

01/02/2006, 12:16

هو فعلا موضوع مهم .بس مو شرط يكون تخاطر بالروح .لانو ممكن يكون صدفه .
بس انا كنت سمعت ان فيه تخاطر بين اشخاص انقياء (روحيا)يستطيعون التكلم مع بعض على الرغم من وجود الاف الاميال بينهم.لكن دائما مثل هذه الاشياء يحتاج لاثباتات لتصديقها.
شكرا على موضوعك المهم.
اخي محمد اكيد ممكن يكون صدفة يعني موشرط كل مااجا حدا على بالنا نكون نحنا على بالو لا ابدا بس علماء النفس ومن خلال تجاربهن قالو انو في احساس باطني جوا كل انسان هو اللي بيخليه او اللي بيساعدو انها تظبط هيي الشغلة معو وصدقني مبارح كنت عم اقرا عن هالموضوع بالذات و عن التجارب اللي ساووها العلماء بخصوص هالموضوع وما اكترها من تجارب
تحياتي الك وشكرا ع ردك

disto

02/02/2006, 12:58