لا حياة لمن تنادي

السادة المشرفين على هذا المنتدى المبجل, بادئ الأمر أحيكم تحية عربية و أشد على أياديكم المباركة.

شجعني الحوار الساخن الذي جرى في منتدى المشرفين الخاص بموقعكم على تعديل مسرى مشاركتي الأخيرة عن لغة أس كيو ال و إظهار هشاشة منتديات الحوار المطورة باستخدام بي اتش بي, الأمر الذي كنت قد ذكرته في "حوار الطرشان":

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////


أحداث القصة:
-------------
تمكنت منذ بضعة أيام (أثناء عطلة عيد ميلاد يسوع ملك الملوك) من الإطلاع على ما يدور من نقاش في منتدى المشرفين حول التشكيلة الجديدة لمشرفين هذا الموقع, و للأمانة أطالب أحد المشرفين ذوي الصلاحيات المحدودة أو المشرف الكامل الصلاحيات بنشر وقائع الجلسة كاملة بدون أي تعديل, هذا بالطبع أن امتلك أحدهم الجرأة على ذلك.

لقد كنت قادراً بالطبع على نشر المقال, لكنني لم أفعل كي لا أتهم بالتعدي على الحرمات, و اغتصاب أمن موقعكم.

و الغاية من هذا المقال ليس التشهير بسمعة المشرفين لا سمح الله, إنما فسح المجال أمام أعضاء المنتدى بالتصويت على اختيار المشرفين, و أعتقد أن لهم الحق في التصويت أكثر من المشرفين المتواجدين حالياً.

فلا تنسوا أن "ملح الأرض" هم أعضاء الموقع و ليس مشرفيه.
‍
كما أطالب أعضاء الموقع بالإطلاع على مقالة "حوار الطرشان", و التي لم تكن الغاية منها التشهير بمدير هذا الموقع الذي له مني كل التقدير و الاحترام (لأنه يذكرنني دائماً بالواقع الذي نعيشه), إنما كانت الغاية شكر الأخ "الكينغ رور" الذي أعتبره الشخص الجدير ليس بإدارة منتديات التكنولوجيا فحسب – كما قرر المشرفون الأكابر - بل بإدارة الموقع بأكمله.



تعليق ديزريت روز
-------------------
التشكيلة الجديدة للمشرفين على منتديات موقعكم مثيرة للضحك, ليس هذا استهزاء بل هو استطراء,

رشحني أحدهم لكي أصبح من المشرفين فله مني كل الشكر, لكنّي كما قال صديق لي (وهو من المشرفين) لا أملك الوقت و بالطبع هو محق لكنه لا يملك الحق أن يذكر اسمي أو طبيعة دراستي أو مكان عملي.

أنا لست باميلا اندرسون حتى يتم جذبي إلى موقعكم, كما اقترح أحد المشرفين.

رأي مدير الموقع أنه ليس بالضرورة أن يكون المشرف "فهيماً" بل يكفي أن يكون متفرغاً أي يملك من الوقت أكثر ما يملك من المعرفة- كما هي حالة معظم المشرفين- أكرر تقديري و احترامي لمدير الموقع (لأنه يذكرنني دائماً بالواقع الذي نعيشه).

أنا معكم في ضرورة تمتع المشرف بالوقت الكافي للإشراف, لكني لست معكم في أن يكون هذا الشرط أكثر أهمية من المعرفة التي يجب أن يتمتع بها المشرف.

عزل الآباء الروحيين عن الإشراف ليس خطوة حكيمة بل هو تأكيد على أن هذا الموقع يتمتع بطابع شخصي متمثل بالمدير و لا أظن أنها كانت الفكرة الرئيسية من الموقع. أكرر تقديري و احترامي لمدير الموقع (لأنه يذكرنني دائماً بالواقع الذي نعيشه),

مشاركتي هذه حرمت عددا من الأعضاء من الإطلاع على لغة أس كيو آل و هشاشة منتديات الحوار المطورة باستخدام بي اتش بي, إلا أنهم قادرون على مراسلتي إن أرادوا.

تحية ليست بتحية عربية - فلتكن مثلاً تحية على الطريقة الصينية!! - إلى الصديق "الحلاق", راجياًً يتعاون مستقبلي لما فيه خير لمجتمعنا.

إن قررتم فتح باب التصويت, فصوتي سيكون للأخ "الكينغ رور" لإدارة منتديات التكنولوجيا و الانترنت و التصميم و الغرافيكس و الخواطر و ... و... و... و...., و بعبارة مختصرة إدارة الموقع.


متي سيصبح بالامكان الكتابة بلغة أعداء الأمة الأمريكان في موقعكم؟؟؟ سؤال أوجهه لمدير الموقع.

أعرف الآن السؤال الأهم الذي يدور في بالكم جميعاً, لكن الجواب ليس عندي!!!


لكم جميعاً فائق الاحترام من ديزريت روز

انت برأيك يلي عملتو هلأ صح؟

انت لما قلت:
تمكنت منذ بضعة أيام (أثناء عطلة عيد ميلاد يسوع ملك الملوك) من الإطلاع على ما يدور من نقاش في منتدى المشرفين

كان بالاحرى.. و بما أنو موضوعك عن الصراحة... الاحرى انك تقول انك "اخترقت منتدى المشرفين عن غير وجه حق"... و ليش دحشت يسوع "ملك الملوك" بالنص هادا يلي ما فهمتو...؟

بعتقد يا أخي انو الطريقة يلي تم فيها التهجم على خصوصية منتدى ما.. أو عفوا.. الاطلاع اثناء عطلة ميلاد الرب يسوع ملك الملوك... بتجرد كل كلامك التالي من اي مصداقية و أهمية.. و لو انك ما اخترعت شي من عندك او كذبت.

بعمري ما سمعت عن حرامي رفع دعوة على أهل بيت لانو شاف شي ما عجبو جواتو!

فكر فيها لحالك

سلامات و كل عام و انت بخير

انت برأيك يلي عملتو هلأ صح؟

انت لما قلت:
تمكنت منذ بضعة أيام (أثناء عطلة عيد ميلاد يسوع ملك الملوك) من الإطلاع على ما يدور من نقاش في منتدى المشرفين

كان بالاحرى.. و بما أنو موضوعك عن الصراحة... الاحرى انك تقول انك "اخترقت منتدى المشرفين عن غير وجه حق"... و ليش دحشت يسوع "ملك الملوك" بالنص هادا يلي ما فهمتو...؟

بعتقد يا أخي انو الطريقة يلي تم فيها التهجم على خصوصية منتدى ما.. أو عفوا.. الاطلاع اثناء عطلة ميلاد الرب يسوع ملك الملوك... بتجرد كل كلامك التالي من اي مصداقية و أهمية.. و لو انك ما اخترعت شي من عندك او كذبت.

بعمري ما سمعت عن حرامي رفع دعوة على أهل بيت لانو شاف شي ما عجبو جواتو!

فكر فيها لحالك

سلامات و كل عام و انت بخير

أنا معك مية بالمية ...

رشحني أحدهم لكي أصبح من المشرفين فله مني كل الشكر, لكنّي كما قال صديق لي (وهو من المشرفين) لا أملك الوقت و بالطبع هو محق لكنه لا يملك الحق أن يذكر اسمي أو طبيعة دراستي أو مكان عملي.


والله مشان الصراحة الكاملة يا جماعة .. أنا هاد الصديق ...
بس يا سيد ديزرت روز كان لازم تشترك باسم العميل السري 007 لحتى أعرف أنو هالمعلومات (اسمك العظيم -وطبيعة دراستك السرية-ومكان عملك المتواري عن الأنظار) هيي معلومات غير قابلة للنشر ...

هلأ أنا رديت عن الجزء اللي بيخصني بس لأنو ما بقدر رد عن باقي الموضوع ..

لقد كنت قادراً بالطبع على نشر المقال, لكنني لم أفعل كي لا أتهم بالتعدي على الحرمات, و اغتصاب أمن موقعكم.


والله شايفلك لازم ننشر هالمعلومات خلي هالشعب يعرف شو عم يصير


أنا لست باميلا اندرسون حتى يتم جذبي إلى موقعكم, كما اقترح أحد المشرفين


:D :D :D لباميلا اندرسون


فلا تنسوا أن "ملح الأرض" هم أعضاء الموقع و ليس مشرفيه


هاد بنظري ونظرك, بس يمكن في كم واحد هون معتبرين حالن شوال الملح كلو...


التشكيلة الجديدة للمشرفين على منتديات موقعكم مثيرة للضحك, ليس هذا استهزاء بل هو استطراء,


لأ أخي استهزاء ونص...وأنا برأيي انو يغيرولي هالطقم الكفؤ جدا ً يلي مرشحينو :jakoush:


تقديري و احترامي لمدير الموقع (لأنه يذكرنني دائماً بالواقع الذي نعيشه).


اما و اقع :cry: :cry: :cry: :cry:


أنا معكم في ضرورة تمتع المشرف بالوقت الكافي للإشراف, لكني لست معكم في أن يكون هذا الشرط أكثر أهمية من المعرفة التي يجب أن يتمتع بها المشرف.


يمكن هاد رأيي و رأيك و رأي الأغلابية بس الواقع أنو شوال الملح عندو رأي تاني


عزل الآباء الروحيين عن الإشراف ليس خطوة حكيمة بل هو تأكيد على أن هذا الموقع يتمتع بطابع شخصي متمثل بالمدير و لا أظن أنها كانت الفكرة الرئيسية من الموقع.


بدون تعليق :jakoush:


تحية ليست بتحية عربية - فلتكن مثلاً تحية على الطريقة الصينية!! - إلى الصديق "الحلاق", راجياًً يتعاون مستقبلي لما فيه خير لمجتمعنا.


:D :D :D :D


إن قررتم فتح باب التصويت, فصوتي سيكون للأخ "الكينغ رور" لإدارة منتديات التكنولوجيا و الانترنت و التصميم و الغرافيكس و الخواطر و ... و... و... و...., و بعبارة مختصرة إدارة الموقع.


صرنا اثنين :gem:


متي سيصبح بالامكان الكتابة بلغة أعداء الأمة الأمريكان في موقعكم؟؟؟ سؤال أوجهه لمدير الموقع.


سؤال طرحتو من زمان و الجواب كان ( جكر بالأمريكان ) :lol: :lol: :P






كان بالاحرى.. و بما أنو موضوعك عن الصراحة... الاحرى انك تقول انك "اخترقت منتدى المشرفين عن غير وجه حق"... و ليش دحشت يسوع "ملك الملوك" بالنص هادا يلي ما فهمتو...؟


حبيبي سميها متل ما بدك أختراق, دخول غير مشروع.............. المهم الزلمي ما أذى المنتدى بشىء و أعترف بدخوله لمنتدى المشرفين .
و يمكن ما بدها ذكاء خارق أو مخ أو حتى نخاعات لتعرف أنو الشب كان بيوم عيد ميلاد يسوع "ملك الملوك" عم يحتفل بموقع المشرفين و يشرب كاس هالمنتدى :lol: :lol:


بعمري ما سمعت عن حرامي رفع دعوة على أهل بيت لانو شاف شي ما عجبو جواتو!


ليك يا حبيبي أذا عبالك أنو ينزل مستوى الحديث لهيك مستوى فيمكن كل واحد مننا عندو لسان متلك يتفصحن فيه ...... :aah:
و لو كان حكيك مظبوط فيمكن منتدى الهكرجية لازم يصير أسمو منتدى الحرامية :confo:


فكر فيها لحالك


و لله انت الي لازم تفكر فيها مو هوي


بس يا سيد ديزرت روز كان لازم تشترك باسم العميل السري 007 لحتى أعرف أنو هالمعلومات (اسمك العظيم -وطبيعة دراستك السرية-ومكان عملك المتواري عن الأنظار) هيي معلومات غير قابلة للنشر ...



و لله أنا مقتنع %100 انو الي عملتو غلط و كتير ولادي و شي لازم ما يجي من واحد متلك يا أنمار...يمكن لو كان بدو العالم تعرف مين هوي كان بيقدر يحكي و يعرف عن حالو .......بس يمكن الثقة حطها بغير محلها :jakoush:

1- سرقة باسوورد رفيقك المشرف ودخول منتدى المشرفين موضوع بينك وبين رفيقك انمار .. وتعليقك على هذه النقطة يا ريت اتحطلي ياه بمنتدى المشرفين _ان كان عندك القدرة بعد الان_

2-
و الغاية من هذا المقال ليس التشهير بسمعة المشرفين لا سمح الله, إنما فسح المجال أمام أعضاء المنتدى بالتصويت على اختيار المشرفين, و أعتقد أن لهم الحق في التصويت أكثر من المشرفين المتواجدين حالياً.

اي فهمت عليك
قصدك مستقبلا من خلي الرعية تختار الكاهن بالانتخابات .. ومنخلي الرعية مثلا مثلا .. تختار المطران والبترك بتاعهم كمان بالانتخابات ... هيك قصدك لا يكون ؟؟
مان ما بينفع تعمل انتخابات لوزير الصحة بين مهندسي الكمبيوتر .... هذا لا يعني ديمقراطية هذا يعني رجعية ..
نفس الشي .. الفاهم للخطوط العريضة للموقع ليس الاعضاء وانما المشرفين .. وتجري انتخاب وترشيح مشرفين جدد من قبل المشرفين القدامى .. لهذا السبب .. وهذه الدميقراطية بعينها ..
فكيف حتساوي صوت عضو ليه يوم بالمنتدى مع صوت عضو عنده 1000 مشاركة وفاهم المنتدى كلو ؟؟؟
لا بد من حصر المنتخبين بالاختصاصات .. ببساطة ما بينفع شخص ما بيكتب غير بعال الطايرة وبالصالون ولا له علاقة بالكمبيوتر يكون صوته يساوي صوت شخص اخر متعمق بالكمبيوتر .. مثلا وبالتالي ما بينفع الاعضاء يختارو مشرفيهم ..

3-
فلا تنسوا أن "ملح الأرض" هم أعضاء الموقع و ليس مشرفيه.

بالظبط .. تماما .. وهذا المثلا الي كنت انا حقولو ..
يعني الملح مثلا ما بينفع اتحطو فوق البتفور .. الملح ليه مكانه بالطعام .. ما بينفع ينحط بمكان اخر .. ؟؟
كل شيء وليه شي .. وما بينفع اتكون الدنيا شوربا وكلو تبع كلو .. وما بينفع هوشة العرب ..

4-
كما أطالب أعضاء الموقع بالإطلاع على مقالة "حوار الطرشان", و التي لم تكن الغاية منها التشهير بمدير هذا الموقع الذي له مني كل التقدير و الاحترام (لأنه يذكرنني دائماً بالواقع الذي نعيشه), إنما كانت الغاية شكر الأخ "الكينغ رور" الذي أعتبره الشخص الجدير ليس بإدارة منتديات التكنولوجيا فحسب – كما قرر المشرفون الأكابر - بل بإدارة الموقع بأكمله.

قريت مقال حوار الطرشان بس ما لقيت فيه تشهير بمديري الموقع ؟؟
وشرفت مديري الموقع بنعتهم بانهم يزكروك بالمواقع الي تعيشه .. فالبعض كان مفكرهم اميركان واوربييين .. طلع بالفعل هني سوريين :lol:

5-
رشحني أحدهم لكي أصبح من المشرفين فله مني كل الشكر, لكنّي كما قال صديق لي (وهو من المشرفين) لا أملك الوقت و بالطبع هو محق لكنه لا يملك الحق أن يذكر اسمي أو طبيعة دراستي أو مكان عملي.


رأي مدير الموقع أنه ليس بالضرورة أن يكون المشرف "فهيماً" بل يكفي أن يكون متفرغاً أي يملك من الوقت أكثر ما يملك من المعرفة- كما هي حالة معظم المشرفين- أكرر تقديري و احترامي لمدير الموقع (لأنه يذكرنني دائماً بالواقع الذي نعيشه).

ما فهمت شو دخل ..
اذا ما عندك وقت يعني ما بينفع اتكون مشرف ... ببساطة .. لانو ما بينفع يجي يكون البابا شنودة ولا البطريرك هزيم ولا المتروبورليت براهيم نعمة مشرف بالموقع .. لانو كمان ما عندو وقت !!
ولا من الاعضاء والمشرفين من هوي افهم من سيدنا مثلا ... بس برأيك معقول يكون سيدا مشرف على قسم او كل المنتدا ؟؟ طبعا لاء لانو الاشراف بدو وقت ... وليس المعيار الاول التخصص والتعمق والخبرة بمجاله بقدر ما هي الخبرة + الوقت !!

اما في ما يتناول نقطة انو باقي المشرفين قليلي الخبرة وما فهمانين .. فانت غلطان .. - ما اتواخزني - بس انتا غلطان كتيييييير ... الي بينقص المشرفين الحاليين هو الوقت .. وليس الخبرة وهوي سبب ترجيح عامل التفرغ واتيانه بالمرتبة الاولي كشرط في المشرف على عامل الخبرة ...

6-
أنا لست باميلا اندرسون حتى يتم جذبي إلى موقعكم, كما اقترح أحد المشرفين.

يا ريتك باميلا اندرسون ...... :lol: :lol:

7-
عزل الآباء الروحيين عن الإشراف ليس خطوة حكيمة بل هو تأكيد على أن هذا الموقع يتمتع بطابع شخصي متمثل بالمدير و لا أظن أنها كانت الفكرة الرئيسية من الموقع
ما دخلك بهال المواضيع بتاتا .. هذا شأن داخلي جدا جدا .. وما في داعي لمديري الموقع انو يوضحو كل خطوة بيقومو فيها بكل حيثياتها ليش تمت .. ولو انو الموضوع معروف لكثير من الاعضاء الي بيعرفو الاباء شخصي .. لكن على الرغم فيك اتراجع مشاركات الاباء وتفهم احد اسباب تغيير الصفة الي حتتناول الأباء من مشرف الي "عضو شرف " :)

8-
مشاركتي هذه حرمت عددا من الأعضاء من الإطلاع على لغة أس كيو آل و هشاشة منتديات الحوار المطورة باستخدام بي اتش بي, إلا أنهم قادرون على مراسلتي إن أرادوا.

لم افهم مبتغى هذا التعليق وما مدى علاقته بالموضوع او بغير موضوع .. ممكن طرحه كموضوع منفصل لو شئت ... + ما حدى قال ان ال MySQL افضل من SQL مثلا او PHP افضل من ASP .. موضوع ممكن مناقشته على جنب لكن عموما كل وليه اسلوب وقدرات .. وكل شي بتمنه .. منتدى مثل اخوية مصاريفه السنوية بحدود 600$ من غير اي دخل للموقع .. وهيي من جيوب الشباب ...
لما بدي اعمل موقع وشغلة SQL واخدلو سيرفر وندوز .. و و و و.. من وين بدنا انجيب ال 1000 -2000$
بالوقت الي بيئة الموقع الحالية بيئة مناسبة جدا وكافية لحاجات المنتدى .. _هذا ليس انقاص من قيمة php اطلاقا .. فلما شركة عاليمة وموقع رقم واحد بالعالم يعتمد php كلغة برمجة في صفحاته والي هوي Yahoo فاكيد لو مانها لغة تستحق ولا تعاني من الهشاشة بشيئ لما اختارها .. هني ما مفكرين بال 1000 وال 10 الاف ولا الملايين الي بيحطوها بهيك مجال .. على خلافنا .. عموما لو حبيت اطرح الموضوع على جنب ..


9-
إن قررتم فتح باب التصويت, فصوتي سيكون للأخ "الكينغ رور" لإدارة منتديات التكنولوجيا و الانترنت و التصميم و الغرافيكس و الخواطر و ... و... و... و...., و بعبارة مختصرة إدارة الموقع.


لا ليس الموضوع عرضى للنقاش والجدال .. هل سيفتح باب التصويت للاعضاء لانتخاب مشرفيهم ام لا ..
صوتك غير محتسب ..


Joe

بعمري ما سمعت عن حرامي رفع دعوة على أهل بيت لانو شاف شي ما عجبو جواتو!

يزكرني بواقع الذي نعيشه :lol:

ِAnmaar

بس يا سيد ديزرت روز كان لازم تشترك باسم العميل السري 007 لحتى أعرف أنو هالمعلومات (اسمك العظيم -وطبيعة دراستك السرية-ومكان عملك المتواري عن الأنظار) هيي معلومات غير قابلة للنشر ...

او رأفت الهجان بينفع كمان :D


هلأ أنا رديت عن الجزء اللي بيخصني بس لأنو ما بقدر رد عن باقي الموضوع ..

الباقي ما بيخصك او كيف ؟

yass

أنا معك مية بالمية ...

:D :D


لم نجد في الردود الاخرى ما يستدعى الرد .. لخروج الردود الاخرى عن بيئة الحوار السائدة في اخوية (الموضوعية الهادفة )
وليس في كلامنا الاخير وردنا على كلام "ديزرت روز" بيان شرعية ما قام به سواء بسرقة باسورد صديقه المشرف او بانتهاك حرمات بعض الاقسام ... لكن اتى هذا الرد كترسيخ احترام اخوية والقائمين عليها للخطوط العريضة التي ما فتئنا نبزل اقصى ما بوسعنا لترسيخها ونشرها .. في ما يتناول حرية التعبير و الفكر والانتماء ...


فائق الاحترام
- فصحون (ابن عم سوسو الامورة) المتحدث الرسمي باسم صهر جوز احمى سوسو الامورة .. (طويلة العمر)
:gem: :gem: :gem:

1- سرقة باسوورد رفيقك المشرف ودخول منتدى المشرفين موضوع بينك وبين رفيقك انمار ..
الباسوورد تبعيتي ما انسرقت ... يعني في باسوورد تاني لشخص تاني أكيد :jakoush: :jakoush: يعني ما دخل باسمي أكيد

و لله أنا مقتنع %100 انو الي عملتو غلط و كتير ولادي و شي لازم ما يجي من واحد متلك يا أنمار...يمكن لو كان بدو العالم تعرف مين هوي كان بيقدر يحكي و يعرف عن حالو .......بس يمكن الثقة حطها بغير محلها
لا تواخذني مشان الله .. شو بدك تعمل زغير وغلط ...

أول شي أنا بدي قول أنو انتهاك حرمة الموقع هو أمر مرفوض مية بالمية!!!! ووقت قريت الجملة التالية لديزرت روز حسيت حالي بشي حارة قبضايات وعم أحكي مع زعيم الحارة:

((تمكنت منذ بضعة أيام (أثناء عطلة عيد ميلاد يسوع ملك الملوك) من الإطلاع على ما يدور من نقاش في منتدى المشرفين حول التشكيلة الجديدة لمشرفين هذا الموقع ............ لقد كنت قادراً بالطبع على نشر المقال, لكنني لم أفعل كي لا أتهم بالتعدي على الحرمات, و اغتصاب أمن موقعكم.))

يعني الفكرة أنو إذا في شي مزعوج منه الأخ بيقدر يكتب موضوع أنو أنا شايف أنو الشغلة الفلانية غلط أو الشيء الفلاني غير صحيح، أما أن يدخل ع منتدى المشرفين (بسرقة باسوورد) فهادا خارج عن أصول التعامل في أخوية.نيت....

ولكن رغم هذا الخرق الواضح لمبادئ الحوار والكتابة في الموقع، إلا أنه ومن منطلق احترام جميع الآراء لأنها تعبر عن أصحابها، لن يتم حذف هذا المقال، وسيترك من مبدأ الموضوعية التي تأسس عليها هذا الموقع...


قال ديزيرت-روز:
كما أطالب أعضاء الموقع بالإطلاع على مقالة "حوار الطرشان", و التي لم تكن الغاية منها التشهير بمدير هذا الموقع الذي له مني كل التقدير و الاحترام (لأنه يذكرنني دائماً بالواقع الذي نعيشه),

أنا قرأت المقال بتمعن وما وجدت فيه أي شيء يمس مدير الموقع أو أحد أعضاء الموقع!!!! وما فهمت الربط بين موضوع (حوار الطرشان) والموضوع الذي تفضلت بطرحه هنا!!!!!!!!



قال ديزيرت-روز:
التشكيلة الجديدة للمشرفين على منتديات موقعكم مثيرة للضحك, ليس هذا استهزاء بل هو استطراء,

بصراحة ما فهمت شو يعني كلمة (استطراء) هاي؟؟؟؟ إذا حدا فهم يشرحلنا يا جماعة.......


قال ديزيرت-روز:
رأي مدير الموقع أنه ليس بالضرورة أن يكون المشرف "فهيماً" بل يكفي أن يكون متفرغاً أي يملك من الوقت أكثر ما يملك من المعرفة- كما هي حالة معظم المشرفين

الفكرة لم تذكر بهذه الحرفية!! الفكرة أنه لدينا العديد من الأعضاء في الموقه يملكون الخبرة الكافية، ولكنهم لا يملكون الوقت... ومن هنا كان الأقضل بالنسبة للموقع أن يشرف على إدارة أحد أقسامه عضو يجمع بين التفرغ والمعرفة المتوسطة من أن يشرف على أحد الأقسام شخص خبير ولكنه لا يستطيع أن يشارك إلا ما ندر ومساهماته لا تتعدى العشر مشاركات مثلاً....


قال ديزيرت-روز:
عزل الآباء الروحيين عن الإشراف ليس خطوة حكيمة بل هو تأكيد على أن هذا الموقع يتمتع بطابع شخصي متمثل بالمدير و لا أظن أنها كانت الفكرة الرئيسية من الموقع

مع احترامي لجميع رجال الدين إلا أن الآباء الروحيين الذين يشرفون حاليا لديهم أشغالهم التي تمنعهم من دخول الموقع، و عندما تكون آخر مشاركة للمشرف في الموقع قد تمت منذ عدة أشهر فالأفضل أن لا يستمر بموقع الإشراف (وهذا الأمر ينطبق على جميع المشرفين وليس فقط على رجال الدين) ومن هنا سيتم تنصيبهم لقب (عضو شرف)..

قال ديزيرت-روز:
إن قررتم فتح باب التصويت, فصوتي سيكون للأخ "الكينغ رور" لإدارة منتديات التكنولوجيا و الانترنت و التصميم و الغرافيكس و الخواطر و ... و... و... و...., و بعبارة مختصرة إدارة الموقع.

إذا كنت تعتقد أن هذا المقال سيفتح باب التصويت فأنت مخطئ أنك لم تدخل بطريقة شرعية، ولم تضع موضوغك في المكان المناسب... وإذا كان عندك اقتراح لهذا الشأن فلتتفضل وترسله إلى بريد المنتدى، وربما يتم أخذه بعين الاعتبار في الخطة المرحلية القادمة.....

:D :D :D

الحقيقة لما قريت الموضوع بالبداية و شفت قديش الأخ وردة الصحراء معصب إعتقدت أنو في مشكلة كبيرة بينو و بين الموقع أو أحد مشرفينو ، لأنو يلي بيقرا النص تبعو بلاحظ أنو ما في قضية جوهرية عم يدافع عنها و إنما عم ينتقل من قصة لقصة و من شخص لشخص بدون ما يوضح شو المبدأ أو القصة يلي عم يقاتل منشانا، و لكن لما سألت توضحلي أنو أغلب المشرفين ما بيعرفو شخصياً و بعضون مانو متابع مشاركاتو حتى(ما بيتعدو عدد أصابع الايدتين) و خاصة متلي أنا يلي ما إلي اهتمام بالكميوتر لا من قريب و لا من بعيد، فبتوقع أنو الشب كان لما عم يكتب تحت تأثير غضب أو ما بعرف شو لما كتب المقالة و أنا متلي متل غيري ما عرفت شو بدو
على كل حال هو طرح عدة أمور متباعدة رح حاول علق على بعضا
بالنسبة ل:

شجعني الحوار الساخن الذي جرى في منتدى المشرفين الخاص بموقعكم على تعديل مسرى مشاركتي الأخيرة عن لغة أس كيو ال و إظهار هشاشة منتديات الحوار المطورة باستخدام بي اتش بي, الأمر الذي كنت قد ذكرته في "حوار الطرشان

يعني هادا موضوع كميوتر و بهم المتابعين و المختصين و إذا عندو وجهة نظر معينة لقى مين يعارضا أو ما يشد على إيدو فيا فهادا صراع بين فكرتين كان فينو ببساطة يتابعو بطريقة علمية بالحجج المنطقية و بالمنتدى المخصص لذلك ، و هيك كان عفانا أنا و غير المهتمين بالكميوتر من الإطلاع على شي مو بس ما منفهم في و كمان بايعينو بقشرة بصلة، و بالنسبة إلى مشاركاتي بهديك الأقسام بتشهدلي :P

رشحني أحدهم لكي أصبح من المشرفين فله مني كل الشكر, لكنّي كما قال صديق لي (وهو من المشرفين) لا أملك الوقت و بالطبع هو محق لكنه لا يملك الحق أن يذكر اسمي أو طبيعة دراستي أو مكان عملي.

يعني ما بعرف إذا إنت مزعوج من صديقك لأنو ذكر إسمك فينك تروح نعاتبو و هي شغلة بينك و بينو
أما لو كنت من الناس يلي ما بحبو التعدي على الخصوصيات ليش لحتى تسرق باسوورد مو قلك و تطلع على حوارات خاصة ما إلك الحق بالاطلاع عليها و بطريقة غير مشروعة
التشكيلة الجديدة للمشرفين على منتديات موقعكم مثيرة للضحك, ليس هذا استهزاء بل هو استطراء,

يعني هادا يلي الله قدرنا عليه، و الانتقاد دائما بجي للشخص يلي عم يشتغل و الأفضل بدل الضحك أنو الواحد يعملو شي شغلة مهمة و لو الناس انتقدوها و حتى هزؤو منها ، و طالما هالواحد عندو قضية عم يشتغل كرمالا بهمو آراء الآخرين بس ما بتأثر عليه محاولات التفشيل يلي غالباً أهدافا مو سامية

بصراحة ما فهمت شو يعني كلمة (استطراء) هاي؟؟؟؟ إذا حدا فهم يشرحلنا يا جماعة.......

ما بعتقد أنو صاحبها بيعرف معناتا لأنو معناها غير مناسب لسياق كلامو
الاستطراء هو أنو الشخص يعمل شي هدفو أنو الناس تطريه يعني تمدحو ، ما بتوقع أنو يكون هادا هدف المقالة، بس الأكيد أنو ما وصل صاحبا لهل الهدف

متي سيصبح بالامكان الكتابة بلغة أعداء الأمة الأمريكان في موقعكم؟؟؟ سؤال أوجهه لمدير الموقع.

إذا قصدك الانكليزي فالمشاركة ممكنة فيهمن زمان، بس إذا قصدك لغة القطب الواحد و عدم سماع الآخر أو فهمو ، أو لغة العنجهية و الانخداع بالذات و جنون العظمة فهيي لغة ممكن الموقع يسمح للبعض باستخداما على أمل تتفتح بصيرتون بيوم من الأيام، ومن باب حرية الرأي و رحابة الصدر للجميع
بانسبة لموضوع المشرفين يلي أثرتو و خاصة موضوع الآباء يعني لوكنت عرفان عن شو عم تحكي كنت رح جاوبك بس شوف هاد اللينك ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

بالحقيقة مبارح شفت الأخ وردة الصحراء شخصياً و اعتبرتا فرصة لإني أفهم شو بدو، و لما سألتو شو يلي بتهدفو من ورا مقالتك قال أنو هو ما بهمو يعبرلي عن آراؤو ( مع أنو فايت على موقعي و حاطط المقالة و عم يتهجم على الموقع و إدارتو) و اكتفى بعد ما عصب و غلط بالحكي بأنو يهرب من الحوار و يدفن راسو بكتيب كان بايدو و تقتصر مشاركتو على الااستماع للحوار و إطلاق بعض الضحكات الحادة من حين لآخر،
عل كل حال أنا برجع بدعيه للأخ وردة الصحرا متل ما دعيتو مبارح، أنو لما بلاقي عندو الرغبة و القدرة على الحوار ، بدعيه لأنو يعبر عن فكرو و قضيتو سواء كان ذالك هون أو شخصي
و بعتقد أنو هادا هوو موقف أغلب أعضاء الموقع يلي بيتميز بالحرية الفكرية وقبول الآخر
و سواء كانت التحية عربية أو صينية أو غيرو ( ما بعرف شو أهمية هالطرح) فتحياتي للأخ صاحب المقال و جميع من شارك و لم يشارك من أعضاء الموقع فيه و خاصة كينغ رورو و أنمار :D

مساء الخير ..
انا بالحقيقة صحي بيطلع اسمي بالاخضر وهذا الاخضر بيقلع عيون بعض الناس ... بطلب منك يا اخي الكريم دكتور هوس اتساويلي اسمي بالاسود ...
لانو بالحقيقة انا ما بعمل مشاركات بالموقع بس بتصفحو بشكل دائم ... وبعرف اكيد الهدف الاساسي من وجود هذا الموقع
واسمي هوي من اول الاسماء المنتسبة لعضويتو .. وبيشرفني كتير كون عضو من اعضاؤو ..


يا اخي وردة الصحراء والي عادة وردة الصحراء ما بيكون فيها غير الشوك .. اذا عندكون بالصحراء ما في ميي ترويك منشان تكبر .. فانا بعرف كيف خليك تكبر ..


و الغاية من هذا المقال ليس التشهير بسمعة المشرفين لا سمح الله

دخيلك ليش مينك انت لحتى اتشهر بسمعة المشرفين ولا غيرهم ؟؟
,
إنما فسح المجال أمام أعضاء المنتدى بالتصويت على اختيار المشرفين

ومن ايمت عينوك الناطق الرسمي باسم الاعضاء حبيبي ؟؟؟؟؟؟؟؟؟؟؟؟؟؟؟؟؟؟؟؟؟

, و أعتقد أن لهم الحق في التصويت أكثر من المشرفين المتواجدين حالياً.

واعتقد انه ليس لك الحق في ان تتفلسف على كيفك ...............................


كما أطالب أعضاء الموقع بالإطلاع على مقالة "حوار الطرشان",

صرت مطلع عليها عدة مرات .. وكل مرة بطلع عليها بحس انو كاتبها مالو علاقة باللياقة :mrgreen: :mrgreen:


التشكيلة الجديدة للمشرفين على منتديات موقعكم مثيرة للضحك

:lol: :lol: :lol: اي منيح البينو هال الأسنان الولو.. حبيب قلبي :lol: :lol: :P


أنا لست باميلا اندرسون حتى يتم جذبي إلى موقعكم, كما اقترح أحد المشرفين.

خمسمية محروفة لالك ... عفوا لباميلي اندرسون :wink: :mrgreen: :mrgreen:


رأي مدير الموقع أنه ليس بالضرورة أن يكون المشرف "فهيماً"

ومنشان هيك الظاهر رشحوك :lol: :lol:
ترى انا ما لي علاقة بس هيك انت قلت ... انو رشحوووووووووووووك

مشاركتي هذه حرمت عددا من الأعضاء من الإطلاع على لغة أس كيو آل و هشاشة منتديات الحوار المطورة باستخدام بي اتش بي

له له له .. كلشي إلا ال اس كيو ال وال بي اتش بي ...


تحية ليست بتحية عربية - فلتكن مثلاً تحية على الطريقة الصينية!! - إلى الصديق "الحلاق", راجياًً يتعاون مستقبلي لما فيه خير لمجتمعنا.

اي وبهال المنسابة اي حلااااااااااااااااااااااا ااااااااااااااااااااااااا اااااق :lol: :lol: :lol: :lol: :jakoush:
___ وقصاصة ____ :o


إن قررتم فتح باب التصويت, فصوتي سيكون للأخ "الكينغ رور"

انا ما بعرف مين "الكينغ رور" انا بعرف الكينغ رورو ...
اذا كان هذا قصدك فعلى عيني الكينغ رورو .. بس منشان باب التصويت ما حينفتح اطمن

وبما انو وردة الصحراء حاطط لينك .. والاستاذ حاطط لينك .. وما حدى احسن من حدى ..
هاي احلى لينك للشباب الطيبة ..
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////



لكم جميعاً فائق الاحترام من ديزريت روز

اي على عيني .. بس مبدأيا رووووووووووووووووح لعااااااااااااااااااااااا ااب بعععييييييييييييييييييييي يد
اتضل ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////


وبالنهاية انا بحب انتهز هال الفرصة بان اشد على ايادي الناس المرتبة الي بقدر اخلع قبعتي الها وانحني اكبارا .. من امثال

yass , joe ,dimozi kingRORO, philip anmar , kakabouda, LoLO , عاشق من فلسطين ,, شوكوزولو وحنان ,, وحشت نشت ,,
عبير nana C.a.. والي ما حضرني اسمهم هلق
الشباب المشرفين ومديري الموقع

يا شباب أنو أنا ماني عرفان ليش عم نتعذبوا حاكن كل هل القد وتقرو هيك موضوع ..........
(مع إحترامي الشديد لكل اللي قروا).

بس القصة يا شباب أنتو هل الزلمي القادمي (desertrose) زلمي قبضاي وفهمان واسم الصليب حولوا وحولي....
بس المشكلة أنو مانو فهمان غير بالكمبيوتر والبرمجة وبس.... ويعني بس.....

أما ما تبقى من أمور الحياة فتخيل أنو الموضوع اللي أتحفنا بهل الجواهر اللي عم بتهر من الأسطر اللي كتبها فهو أكبر دليل على هو بشو بيفهم ......

يعني أنا ما رح رد على الزميل المهندس وإذا هو بيستحي بشهادة وباسموا وبمكان عملوا فأنا بئسف على الشي :mrgreen:

والله إذا منشان هيك صارت هالطوشي كلياتها فأنا ما رح علق على الموضوع أكتر من هيك ... لأني كنت حابب رد على الموضوع قبل حيبيب القلب أبو عبدو ويا سيدي إذا اللون الأخضر عم يقلع عيون العالم فخليه يا سيدي (بعد إذن مدير الموقع الغالي) لأنو هدول حساد أبو عبدو

وعين الحسود .... أحسن من عشرة عل الشجرة

ما قصدي أنو باقي الردود سيئة ..... بس هيك تصرف وهيك موضوع ما بدو حوار ومسايرة يا شباب (جو - الأستاذ - فارس ) هيك موضوع بدو قشاطين من قشاطات أبو حنا خليها تعلب على جنابك يا أبو الف...... عفوا نسيت أنو إسمك سري وما لازم ينعلن ........

على كلن بسيطة .... ومانها مشكلة ...... وصارت من قبل ورح تضل تصير ..... يعني زكرتوني بقصة الاختراق القديم .... بس بيضل في عالم هيك ..... عقلها صغييييييييييييييييييييييي يييييييييييير كتييييييييييييييييييييييي يييييييييير

مرحبا عيون كينغ رورو (( عيونو بس )) .....
أول شي ما كنت متوقع انو تطلع منكن هيك ردود و خصوصاً بعد ما كنتو مجتمعين كلكم (( ماعدا الصديق الوفي ل ديزرت روز و أخو أبو عبدو المدعو (( أبو حنين )) )) , يعني الواحد يحكي الصراحة لوكان في كاميرة فيديو عن هالقاء الحاسم لكنتو غيرتو احاديثكم شوية صغيرة (( و كان الموقع عرف ألوان قوس قزح من خلال وجوهكم ))
من خلال رد فارس الموضوعي مع أنو رأيك ضد رأينا بس موضوعي و طالع من واحد واعي و فهمان و على عيني .
أما من خلال رد (( عضو المنصة )) الأستاذ بمفهوم العساكر (( هي أذا فهمتها ) الذي يمتلك 183 مشاركة خلال سنة و شقفة بيناتون شي 180 أبتسامة و 2 تمسيح جوخ و هاي المشاركة الفعالة جداً جداً جداً فخلينا نعلق شوي :
1_ عم تقول انو ديزرت روز معصب مع أنو تنيناتنا منعرف مين كان معصب يوم أجتماع الشباب .
2_ يا ضو مع أنو عدد مشاركات ديزرت روز بينعدو على الأصابع بس كان لهم تأثير أكثر من كل أبتساماتك يلي بالمنتدى و يمكن أنو عندك أنت عدد المشاركات أهم بكتير من المضمون .
3- مع أنك أعترفت أنك ما بتفهم بالكمبيوتر و لا بأمور الكمبيوتر (( بيني و بينك ما أستغربت بنوب )) شو مفكرلي أنو الواحد ما فيه يفوت على منتدى المشرفين الا بسرقة باسورد ؟؟؟؟؟؟؟؟!!!!!!!
من طيبو ما بتشتريها بقشرة بصلة .... (( كمان ماني مستغرب ))
4_ ولله يا ضو شكلك ما فهمت كلمة أستطراء ولا رح تفهمها بحياتك, بنصحك بشغلتين أولهم معجم مختار الصحاح و ثانيهم أنك تتذكر كيف أستطراك ديزرت روز يوم الأجتماع .
5_ ليك يا ضو لو كنت كاتب المشاركي بالأنكليزي لكانت رح يطلعك الحكي بالمقلوب من اليمين للشمال و حتى لو طلعتلك من الشمال لليمين ما كنت رح تفهما لأنك ما فهمت العربي شلون بدك تفهم الأنكليزي؟؟؟؟؟؟؟ ؟!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!
6_ هاد موقعك يا ضو الله يديمو منور عليك وعلى غيرك .
7- عم تقول أنو ماعندو القدرة على الحوار ليش مينك انت يا ((( مريم نور ((ضو )) )))
:jakoush: :jakoush:

أما الأخ(( المشرف)) أبو عبدو الحرك يلي من تأسيس المنتدى تكارم علينا بـ 27 أبتسامة و هذه المشاركة التي تنم عن ذكاء و قدرة على التخويت ....
1_ بالنسبة لشغلة الوردة والشوك والتكبير و التصغير ففي مثل صراحة بستحي قلك ياه لأنو حتى هاد ما بتستاهلو .
2_ ليك أسمك بالأسود ولا بالأخضر هاد شي سخيف و بايخ انك تحطو بالمشاركة تبعيتك بس بنصحك باللون الأحمر او الأبيض لأنو هيك هيك رأيك لا بيقدم ولا بأخر .
3_كل حديث ديزرت روز كان عبارة عن رأي شخصي بحت لا أكتر ولا أقل بس ليش هيك عمل هالمعمة كلها ما بعرف!!!! على كل حال أرجاع للمثل السابق ذكره ((يا رب تكون فهمتو ))
4_حوار الطرشان أثبت أنو بالفعل أنتو طرشان و خصوصاً بموضوع الـ اس كيو ال و ال بي أتش بي يلي أنتي بالذات أثبتت أنك فاقد لكل حواسك (( مو بس السمع )) .
5_من جهة موضوع الترشيح و الفلسفة يمكن فهمت غلط قصدو الأقتراح على الترشيح لرئاسة المنتدى و الأقسام من رأي شخصي و شخصي بحت فأذا كان كل أقتراح عندك فلسفة فالأحسن أنو تغيرو أسم قسم القترحات الى قسم التفلسف و العلاك المصدي, مو هيك يا ديبو قراطي !!!!!!
6_ ديزني لاند (( هاي حلوي كتير, لما كنت بعمرك كنت أنبسط كتير لما روح عليها )) و بحب قلك أنو قناة ديزني لاند مفكوك تشفيرها على قمر الأسترا 1 ( الله وكيلك أخي الصغير بيضل عليها 24/24 ) يعني أذا ما فتحت عندك تعى قعود مع أخي و تفرج .

آآآآآآآآآآآآآآآآآآآآآآآآآ آآآه من أبو حنين ذو الوجهين ((و يا ضيعان المرحبا فيك )) >==== نقلا ً عن ((أتصال هاتفي دام 10 ثواني و انتهى بطبشة السماعة في وجهك من قبل السيد ديزرت روز .
1_ انا معك ديزرت روز مانو فهمان غير بالكمبيوتر و البرمجة (( يعني دخل بعدك بسنتين على الكلية و تخرج قبلك بـ N سنة حيث F(X)=2N+1 حيث F(X) هي سنوات الاستنفاذ هي اذا بتعرف تحلها يا مشرف قسم البرمجة ............
2-ليك يا حنون اللون الأخضر لا بيقدم ولا بيأخر بس اللون الأحمر بيأخر و ما بيقدم و خصوصا ً بعد طبشة سماعة و عقبالك باللون الأسود متل ما سمعتو و شفتو بمنتدى المشرفين ((( أذا بدك المقال المقصود فتكرم عينك بس بعد حلااااااقة على الصفر و قشة دقن))). :gem: :gem:
3_ شو يا حنين صاير نكتجي فروح على الطاير و زت نكتك هنيك و خود بنصيحة أخوك هالك الأخضر و روح تسلالك شوي بديزني لاند. :o :o :o
4_ أنا بعرف القشاطة الها شكلين و حدي بيستعملوها ستات البيوت و وحدي بيستعملوها بالمطارات و تبعيت المطارات بتذكرني بشعر واحد زبون جديد عندي بدي أحلقلو على الصفر و قشط دقنو قشط ...مو عيب عليك تقول تعلم القشاطات ...... و أنت حضرتك مشرف بهالمنتدى و لا لفاية عم تقشط الدرج ........ و الأحلى من هيك أنو ديزرت روز كان رفيق شخصي الك من 6 سنين و من يومين كان عندك بالبيت عم يعايدك ...........بس يا حيييييييييف (( حتى المرحبا معد بدنا ياها منك ... السماعة طج )). :jakoush: :jakoush: :jakoush: :jakoush:
5_أما عملية الأختراق التي تمت من قبل ذوي العقول الصغيرة بنظرك فأنت يا كبير المبرمجين بالكلية و الأقدم والمخضرم بالون الأخضر و الذي تمتلك المرتبة الشرفية بالكلية بالنسبة للقدم و أنا بعتقد رح يخرجوك تيمم....و الطريقة يلي فتنا فيها الفهمان متلك بدو شي 10 ثواني ليفهمها (( هاي أذا فهمها )) :P :P

و كما يقول الكينغ (( الرأي لألكن كالعادة )) :wink: :wink:
بس هالمرة كما بيقول حلاااااااااااااااااق :jakoush: :jakoush:

يعني أنا ماني عارف شو صاير
أنا بعتقد ياصديقي (desertrose)أنو لو كان عندك اعتراض فممكن توصلوا بالتلفون أو بالايميل إما عن طريق رفقاتك اللي بالموقع واللي هنن كتار متل anmar أو keko اللي هوي أنا أو ممكن تسأل المشرف بدل ما تعمل هيك
يعني متل ما انت بتقول خلينا نحكي شغل وقيم الرفقة على جنب
ومن هادا المنطلق أنا بقلك أنك غلطان بجميع المقاييس ولا في أي مبرر لكل شي عملتو
يعني عالقليلة إذا مانك شايف انو لازم تحترم مشرف الموقع احترم رفقاتك اللي الك معهن عالقليللة 6 سنين

مابعرف .... مابعرف

بعدين بانسبة الك سيد حلاق مع احترامي الشديد الك ما مسموح الك أبدا تتدخل وتقيم تصرفات الأشخاص بالموقع وما بسمحلك نهائيا انو تحكي هالحكي عن أنمار وإذا كان (desertrose) سامحلك فضيعان الصحبي فيه

أنا بنصح الأخ حلاق انو طالما مزعوج هالقد
فينو يفتح منتدى تاني لالو وساعتها فيو يعمل ديمقراطية قد ما بدو وهيك منرتاح منو ومن مشاركاتو القيمة

بس ما بتخيل لانو يمكنلك مانو قدها

وطالما عم تحكي على دراسة ابو حنا فيك تخبرنا انت شو بتدرس يا واعي

بالمناسبة بما انو عم تحكي عن ابو حنا نقلا عن ديزيرت روز
فحكيك غلط ورح صححلك اللي صار
اللي صار انو الصديق الوفي ديزرت روز هوي اللي حكا مع ابو حنا وهددوا من مكتب كينغ رورو وصار يحكي حي طالع نازل معو للزلمي وللصراحة ابو حنا طلع أصيل وما رد عليه بالمثل بل اكتفى باغلاق السماعة بوجه الحبيب ديزرت روز

يعني انا ما بعرف شو عم بيصير معك ديزيرت روز يعني بتحكي بتسبو لابو حنا وبتهددوا فهمنا بس تروح تحكي حكي غلط عن رفقاتك للعالم وبتدخل الغريب بيناتنا يا ضيعان كل شي فيك مو بس المرحبا كمان ضيعان الكلمة العاطلة فيك

مع احترامي بس بعتقد الأخ حلاق من اول الموضوع كان عم يكبر الموضوع و يعطيه أبعاد شخصية ... شو هل حكي الفاضي هاد كلو... رجاءا عندكم مشاكل شخصية حلوها ع جنب شو دخل المنتدى ,,, ممكن نفهم بس انت وين واقف من كل هل موضوع يا أخ حلاق.. و ليش كان عم يبعتلك سلامات و "تعاون مستقبلي" نحو مزيد من مدري شو... يعني نحنا شو دخلنا نسمع هل حكي كله ... و انت ليش عم ترد عنو و فينو جنابو أبو الستع مشاركات يلي بيعتقد انو بيعرف بمصلحة المنتدى اكتر من اهل المنتدى... و الله كل الموضوع حكي فاضي و لعب ولاد صغار

ثم يمكن الاخ ديزيرت روزز يا عم يتخيل شغلات غير موجودة يا انا صاير أعمى ... وين صار في حوار حامي الوطيس بموضوع حوار الطرشان... كله الموضوع ما فيه يمكن خمس مشاركات

بعتذر من باقي الشباب على التدخل بس انا رأيي تطنشوا الموضوع لانه حركات ولدنة ما اكتر

الأستاذ بمفهوم العساكر


حزير هاي الكلمة لمين لازم تقولها :?: :?:
لـ.....
عرفت لمين ماهيك :lol: :lol: :o :o

أنا قرأت حوار الطرشان وهي تعليقي:
والله أنا ما بيهمني اذا عم يراقبوني المشرفين لما لا لأني انا لما فتت على المنتدى فتت وعاطيه كل ثقتي ومعتبر كل الأعضاء( من مدير الموقع الى أحدث عضو في الموقع أخوتي (أخوية ) ) وبالنتيجة اذا خان المشرفون هذه الثقة فليس بالأمر المهم (مع تأكدي بأنهم لن يخونوها) لأننا نتعرض للخيانة من أصدقاءنا ومن أهلنا ومن عروبتنا ومن أولياء أمورنا (رؤساءنا) نعم رؤسائنا وسجل أنا حسام ملحم قلت هذه الكلمة ولست خائفا" اذا كان هناك من يتجسس علي أو لا لأنني ما أقوله وأكتبه وأحسه في هذا المنتدى مستعد أن أقوله على الملأ
دون خوف وليس هناك شيء أخفيه عن المنتدى أو عن أي أحد لذلك أنا أقول لك يا أفندي desertrose أنو اذا بيطلع بأيدك تتجسس عليي وتسحب كل ملفي وتنشرو وين مابدك لا تقصر لأنو مانو ما في شي مخبأ.. لأنو أنا فايت على هالمنتدى وعم أحكي مع أخواتي ..
وما بخبي شي عليهن من أصغر عضو لأكبر مشرف..واذا مو عاجبك المنتدى فأنا مو بالنيابة عن حدا..بس بالنيابة عن نفسي رح قلك الله معك في ميت منتدى تاني ترمي بلاك فيه وأنت اخترت المنتدى الخطأ...
و لا تواخذونا

الأستاذ بمفهوم العساكر


حزير هاي الكلمة لمين لازم تقولها :?: :?:
لـ.....
عرفت لمين ماهيك :lol: :lol: :o :o

لأ ماهيك لأني فتلت كتير بين هال 756 عضو وما لقيت غير فخامتك بتستاهل هالكلمة .اذا فهمت شو معنى المصطلح يا حضرطت الأستاذ بكون كتيييييير منيح وان ما دارتلك معنى الكلمة لهلأ عــــــــــــــــــــــــ ــــ...مهلك بتعرف شو معناها
ومبروكة شهادة السواقة الجديدة يا أستاذ (الله يلعن أبو الواسطة) :lol: :lol: :lol: :lol:

وبرد ذكركن انو يللي بدو يحلق عندي فالوكيل الحصري مازال أخي الكينغ :D
شروط الطلب نفسها للجميع ( أعضا ء,أعضاء منصة , مشرفين)...في حسم للذوي النفوذ :jakoush:
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
يالله أخي......يللي بعدوووووووووووووووووووو :gem: :gem: :gem:

ومبروكة شهادة السواقة الجديدة يا أستاذ (الله يلعن أبو الواسطة)


شكرا يــــــــــــــــــــــــ ـا أستــــــــــــــــــــــ ـــــــــاذ الأســـــــــــــــــــــ ــــــــاتذة
بس انتبه شي نهار وانت ماشي بالطريق ما ادعسك
يعني لسا جديد بالسواقة

ومبروكة شهادة السواقة الجديدة يا أستاذ (الله يلعن أبو الواسطة)


شكرا يــــــــــــــــــــــــ ـا أستــــــــــــــــــــــ ـــــــــاذ الأســـــــــــــــــــــ ــــــــاتذة
بس انتبه شي نهار وانت ماشي بالطريق ما ادعسك
يعني لسا جديد بالسواقة

ولك رايح تجنني...بالكمبيوتر مالك علاقة وبالتخويت بدك فت خبز كتيييييييييير ولك حتى السواقة ما بتفهم فيها ؟!!!
أنا برأيي تروح تعمل أستاذ على ولاد الحارة أو تلاقيلك شي استاذ تاني متلك تلعب معو...
وكما قال أحد السابقين ((روح لعاااااااااب بعيد يا أستــــــــــــــــــــــ ــــــاذ))

:shock: :shock: :shock: :x :x :x

صحي أنا ماصرلي زمان بالمنتدى و يمكن مابعرف كتير بس روقو شوي الشباب معون حق
كل سنة و أنتو سالمين :o

صحي أنا ماصرلي زمان بالمنتدى و يمكن مابعرف كتير بس روقو شوي الشباب معون حق

أهلا و سهلا فيك بمنتداك أخوية .. و انت بخير يا رب ..
بس في شغلة ما فهمت مين قصدك أي شباب معون حق؟؟؟

انا صرلي زمان ماني عمبقدر فوت على المنتديات هون ... غير شغلة ربع ساعة كل كام يوم .... ماني عملحق شوف شي بهالوقت ..
بس يا جماعة ما تتخيلو اديش تفاجأت لما شفت الوضع هيك صاير :cry: :cry: وخصوصي بآخر كام رد ...
شو هاد ؟؟؟ صارت المشاكل يلي هون مشاكل شخصية ... و إنقلبت الشغلة أحزاب .. أنا بصف مع هاد .. و التاني بيصف مع شخص تاني ... يعني مرة تاني (( بس هاي المرة بمنبر الأخوية الحر )) بدي قول : والله العظيم عيب ....
يعني شو نحنا ؟؟؟ ما منقد نكون أخوة ولا مرة ... ما معقول نحب الشخص التاني بولا طريقة ... أخواتي بلا ما نحب بعضنا .. خلونا نكره بعضنا كلياتنا إذا هيك بدكون .. بس على القليلة يكون في إحترام متبادل .... الله وكيلكون و أنا عمبقرا شوية ردود رح تنزل الدمعة من عيني على هالردود ... حاسس إنو في شي تار بين الأعضاء يلي هون ؟؟؟؟ والله ما بعرف شو بدي إحكي أكتر من هيك ... عنجد ما عاد ضل شي ينحكا :cry: :cry:
على كلٍ متلي متل كل الأعضاء يلي هون ... كتير منحب منديات أخوية .. و منحرص إنو تكون الأفضل دائماً و لازم نسعى إنو نطور هالموقع و نخلي العالم تحب بعضها ... مو نخرب الموقع و نعمل فتن و أحزاب و مدري شو كمان ...
شباب بدي قول كلمة أخير .. الحركات هاي عمترجع موقع أخوية لورا ... يلي عنجد صار متل بيت , كلياتنا أخوات فيه .. و ما حدا ببيخل على الآخرين بشيء من معلوماته, و ما حدا بيغلط على الآخرين ... هاي الشغلات يلي عمتصير ممكن تتعالج بمليون طريقة غير هاي الطريقة يلي إنطرحت هون .... و بتمنا إنو المشاكل الخاصة و المواضيع الخاصة بين الأعضاء تنحل كمان على الخاص ..
مع إحترامي لكل الأعضاء و سلامات

[quote]
أهلا و سهلا فيك بمنتداك أخوية .. و انت بخير يا رب ..
بس في شغلة ما فهمت مين قصدك أي شباب معون حق؟؟؟


كيفك انشالله تكون بخير
ياسيدنا أنت معك حق هو بالأول و بالأخر ماحلوة يتقاتلو كلها شغلات فاضية و بتنحل بس يروقوا شوي يعني مافي شي محرز الواحد يتقاتل مشانو
لأنو أول و أخر المنتدى كلو اسمو منتدى أخوية يعني أخوة و يلي عم يدخلو عم يدخلو ليكونوا أخوة
انشالله بفهمو علينا بس أنا قصدي أنو في حق مع الحلاق
بس بلا حساسيات :angel:
الله يوفقكون لعبو مع بعض
باي :o

انشالله بفهمو علينا بس أنا قصدي أنو في حق مع الحلاق


:D :D :D :D :D

مرحبا .........
اول شي بحب انو قدم تحية فيكن تقولو تحية احترام ل اخي وصديق العمر ديزيرت روز ليس من منطلق مضمون الموضوع السابق بل من منطلق طريقة التفكير التي تمت الكتابة بها لطرحه فكرته بجرأة وبصراحة دون المساس بسمعة أي شخص بالمنتدى ... فكما تعلمون فان دخول شخص الى منتدى المشرفين يعني بالتالي دخوله كعضو قادر على الاذى ان اراد ((كما فعل غيره سابقا)) ولكنه اكتفى باستطلاع قسم المشرفين وصرح عن دخوله ليس غبائا او افتخارا بل ليعبر عن وجهة نظر معينة ان كان باللون الاخضر او بالاسود او بالاحمر.... فالمهم الفكرة وليس اللون.
وبغض النظر عن ردود الافعال التي اثارها بتصرفه هذا وقبل القاء اللوم عليه لما دعوتموه بالسرقة او بالاعتداء على ما لا يخصه , فببساطة اود التذكير بان المنتدى غير بعيد عن امور الهاكينغ كما تعلمون , بل ببساطة اكثر اعتقد انه شيئ متوقع
فما من موقع غير مهدد بالاختراق ((وعلى الجميع التأقلم مع الامر)).
وهنا وقبل أي تعليق من أي شخص اود التنبيه ان ما اقوله هو راي شخصي بحت غير مقصود به الدفاع عن احد او التهجم على اخر بغض النظر عن شخصيته.
هذا من جهة ومن جهة اخرى فان فكرة التصويت لاختيار المشرفين ليست فكرة تستدعي كل هذه العنجهية بالردود جمعاء فهذه الفكرة مطبقة منذ القدم باكثر المنتديات عراقة...ولنذكر منها على سبيل المثال منتدى ساندروز... فليس الهدف كان ان يقوم الاعضاء بترشيح المشرفين والتصويت لهم مباشرة بلا انظمة او تنسيق متبع((كما فهمت الاغلبية))....انما هناك العديد العديد من الاليات المتبعة لذلك الامر لكن للاسف ولسبب عدم قدرة البعض للنظر الى ما وراء الفكرة وضعف خبرتهم في انظمة المنتديات المتبعة , أسقط الهدف المراد من الطرح...
لكن الغريب في الموضوع هو الردود التي هاجمت والتي اعتمدت بهجومها على الالف والباء فالاغلبية قامو باقتباس الكلمات والرد عليها وليس الرد على ما قصد بها بجو لا يخلو من المهاترات ومن طرف واحد فجميعنا يتقن كلام الاستهزاء ومبادئ الالتفاف لكن اقلاء الذين يتقنون الموضوعية .
و الأغرب من هذا و ذالك هو الموقف الذي اتخذه أصدقاء ديزيرت روز, فالجميع يعرف أن ديزرت روز احترم الجميع و لم يسىء لشخص أحد لكن موقف أصدقاءه يعبر عن وجهة نظر لن ولم افهمها
اما من ناحية ما كتب عن الاباء الروحيين فهو وجهة نظر شخصية بحتة تعبر عن وجهة نظر كاتبها وليس من حق اي شخص اي كان رتبته ان يفرض رايه علينا فمن قرأ بتمعن قرا كلمة ((تعليق ديزيرت روز)) فمن حق كل شخص ان يعبر عن وجهة نظره الشخصية فقط ومن واجبنا نحن تقبلها او عدمه ف كمثال على ذلك ما قاله الأخ ابو عبدو في معنى وردة الصحراء بينما يمكن لكثير من الاشخاص ان يرو بتلك الوردة بصيص الامل والاشراق في مكان تملئه الحاجة لذلك البصيص.
ومن الردود بعضا مما اثار دهشتي.... وخاصة بعد ماكتب عن اللقاء بين بعض من المشرفين مع الاخ ديزرت روز ... فكثير من الكلام والتعليق الذي قراته هنا لم اسمع به بذلك الاجتماع المطول والذي كنت أفضل لو كان ما كتب قد قيل .
يعني كالعادة نلتهي بالقشور والعودة لنشر الغسيل المتسخ امام الناس ....لنندم فيما بعد
اتوجه بلوم كبير لعدد كبير من الردود التي ذكرت ربما لا يحق لي بان اتوجه باي لوم في نظر كثير من الاشخاص لكن اتقدم بذلك كراي شخصي فالكثير نسى صلب الموضوع وخرج ليلقي بنكاته ومكنوناته الداخلية الخالية من أي مضمون الا مضمون السخرية التي للاسف تضعف لغة الحوار فمن كل الردود لم اجد الا بضعا فقط من الردود التي ناقشت فكرة الموضوع .
وبالنهاية حابب قول انو ما كنت متوقع انو ينحدر مستوى الكلام لمتل هالمستوى على ضرب وسواقة وما بعرف شو.....

يعني عن جد عيب وخاصة انو في حكي من اشخاص ما كنت متوقعو انو ينقال

يعني بتمنى انو يللي بحب يقول رايه يقوله بشفافيه خالية من الحقد ويخللي الحقد اذا كان موجود للرسائل الخاصة او المعاتبة الشخصية وانشالله بشوف تعاون بهالموضوع من الاعضاء..

وسلام لكل الشباب بالمنتدى وخاصة اعضاء الاجتماع جميعا :D

وكالعادة الراي لالكن :wink: :lol:

يعني بتمنى انو يللي بحب يقول رايه يقوله بشفافيه خالية من الحقد ويخللي الحقد اذا كان موجود للرسائل الخاصة او المعاتبة الشخصية وانشالله بشوف تعاون بهالموضوع من الاعضاء..



معك حق يا معلم
و كل عام و أنت بخير :o

تحية.........................

بتصور أنو الكل قال اللي بدوا يقولوا . هلاء كل الناس بتختلف , و كل الناس ممكن تتقاتل مع بعضها , بس يا ريت الواحد بعد هيك شي يومين رواق يرجع يفكر بالحكي اللي قالوا , و الكلمات اللي وجها للطرف التاني , بس يفكر بالكلمات اللي كان ممكن يلطفها شوي , أو يقولها بصيغة تانية ما تدايق حدا , ممكن بعدين يندم , و أكيد اذا بيفكر هيك , بيحسب حساب الكلمة لما بيفكر يقولها مرة تانية , و أكيد هيك المرة التانية بتكون ألطف .
بتصور الموضوع أنتهى هلاء , بتمنى أنو يكون أنتهى , ما بتمنى أبدا أنو شوف خلافات بأخويتنا الحلوة , نحنا هون كتير مبسوطين فيكن كلكن , يمكن الاخوية اهم محطة إلنا بالعالم الافتراضي , و لالنا هون حبايب و أصدقاء ما منتمى نشوف حدا منن مزعوج او متدايق .
رجائي انو الموضوع يخلص هون , و بيكون كتير رائع اذا خلص ببوسة على الشوارب , و حلوان الصلحة عليي انا .





و أسلموا



مع فائق الاحترام للجميع





:D

يعني عن جد عيب وخاصة انو في حكي من اشخاص ما كنت متوقعو انو ينقال

يعني بتمنى انو يللي بحب يقول رايه يقوله بشفافيه خالية من الحقد ويخللي الحقد اذا كان موجود للرسائل الخاصة او المعاتبة الشخصية وانشالله بشوف تعاون بهالموضوع من الاعضاء..

وسلام لكل الشباب بالمنتدى وخاصة اعضاء الاجتماع جميعا

وكالعادة الراي لالكن

والله يا أبو جورج أنك أوعى واحد بهالمنتدى وأنا بحترم رأيك بس يعني انا زلمة ما بفهم لا بالهكر ولا بالاختراق كل اللي بعرفوا اني صف شوية كلام وسميه شعر بس أنا لما شفت الموضوع انزعجت من الكل ومن نفسي لاحقا" لأني شاركت فيه ... بس أنا انزعجت أنو أنا فايت على موقع أسمو أخوية وبتفاجأ بهيك مهاترات بين الأعضاء ...
بس على كل الله يصلح الأمور وانشاء اللخ كل سنة وأنت سالم ..
وأنا بعتذر من أي شخص أسأتلوا بالمساهمة بهالموضوع ...

كيف الشباب ............................

يعني بصرلحة أنا كنت حابب كتير أنو سكر هل الجدل والمهاترات اللي عم بتصير بهل الموضوع .... وبالوقت نفسو كنت منتظر رد الحبيب أبو جورج لأنو متل ما قال بعض الشباب أنو أوعى واحد بهل المنتدى ومتل ما هو بيحترم رأيك أنا كمان مو بس بحترم رأيك وبحطو على راسي من فوق ...................

بس المشكلة أنو متل ما أنت تفاجأت بردود بعض الشباب (اللي أنا وإنت فهمنا على مين أصدقك) فأنا مفاجأتي كانت أكبر بردك ...

يعني .... بدك تسامحني فيها بس رح إعتمد لغة الألف باء (متل إنت سميتها).

1- حكيت عن شغلة الدخول إلى منتدى المشرفين والهاكينغ و ..... إلخ حلو كتير هل الحكي . بس المشكلة يا أبو جورج أنو الواحد ما عاد يعرف على مين بدو يرد ...... علّي هني من خارج البيت وهدول فينا نقول - إلى حد معين – أنو حقن يعملوا هيك ولا بدنا نرد على اللي هني من داخل البيت واللي من المفروض أنن يساعدو بخدمة هل البيت وتطورو.... يعني الواحد بيعرف أنو في حراميية (عذرا للكلمة) بالحارة بس ما كنا منعرف أنو في حرامي ببيتنا وعم يسرقنا.

2- حكيت عن موضوع التصويت لإختيار المشرفين ......وأنو فكرة ديزرت روز هي أنو لازم يصير ترشيح وانتخاب للمشرفين .... بس المشكلة أنو أسلوب طرحو كان غلط ورح قلك ليش ....... لأنو لو هو فات بهدف نبيل (بعيداً عن الحقد) لكان فهم شو الموضوع اللي عم يقرا... بس المشكلة أنو ما فهم الموضوع لأنو اللي قراه من موضوع وردود كان هو وحدة من الآليات المتعبة في تعيين المشرفين (اللي إنت ذكرتها .....وخيو لا تواخذنا على عدم قدرة البعض منا للنظر الى ما وراء الفكرة وضعف خبرتهم في انظمة المنتديات المتبعة ؟؟؟؟؟) وهي الفكرة أنو المشرف العام طرح بعض الأسامي للمشرفين الجدد وطلب رأي المشرفين الحاليين عليهن وبالتالي الموضوع لم يكن تعيين للمشرفين بل إنتخاب لهم من قبل المشرفين السابقين .... بس المشكلة كلها حسب ما شفت من تصرف ديزرت روز وأسلوب ردو كان أنو أنمار ذكر إسموا وشغلوا فإنزعج لأنو أنمار حكا بأمور في غاية السرية وما لازم حدا يعرفها ......

3- بالنسبة لقصة لـ(كلام الاستهزاء ومبادئ الالتفاف والابتعاد عن الموضوعية) فبتخيل أنو اللي بلش بهل الطريقة كان صديقك العزيز الحلاق ... فأنا مستغرب ليش عم تطرح هل الحكي هون مع أنو فيك توجهلوا ياه بشكل مباشر ؟؟؟؟؟؟؟؟؟؟؟ .... وبتخيل أنو إنت واحد من الناس اللي بيعرفوا تمام المعرفة أنو لو كنت أنا تحديدا (أو الأشخاص اللي عم يتوجهلن ردك وكانت دودن مفاجئة إلك) بدنا نستخدم هي الطريقة شو كان صار ولوين كان وصل الحكي ...... أنا مار رح علق على الطريقة اللي انفهم فيها ردي (لأنو من الواضح تماماً أنو انفهم غلط).... لأنو اللي بيعرفني بيعرف شو كان الهدف من ردي وهل الطريقة اللي طرحت فيها الرد كانت للاستهزاء أو لهدف تاني.......

4- بالنسبة لموضوع النقاش المطول اللي صار عندك وأنو إنت مو هادا الحكي اللي سمعتوا أو مو هادا اللي شفتوا صار فبتمنى عليك أنك تحكيلنا شو صار بإعتبارك قلت (وهنا وقبل أي تعليق من أي شخص اود التنبيه ان ما اقوله هو راي شخصي بحت غير مقصود به الدفاع عن احد او التهجم على اخر بغض النظر عن شخصيته) فأنت هون عم بدافع عن ناس وتهاجم ناس تانيين .... وباعتبارك من الناس اللي عم بتنادي بالديقراطية والانتخاب والتصويت فأرجو أنو تكتبلنا روايتك عن هل الاجتماع العظيم وكل واحد من المعنيين فيه (اللي كانو حاضريين) بيعلق عليه.

5- أما بالنسبة لأخر فكرة ذكرتا عن القشور والغسيل الوسخ والأمور الشخصية فرجعت وقريت الموضوع والردود وكمان للأسف شفت أنو صديقك الحلاق هو اللي بلش بهل الأمور (مع أنو في شغلات بكلاموا قلال اللي بعرفوها ووتوصلت إلى نتيجة أنو مو هو اللي عم يكتب هل الحكي ....شو رأيك ؟؟؟؟؟. )

أخيرا وليس آخرا : " عيب علي بيعمل العيب " ومتل ما أنت شفت أنو في حكي مانك متوقعوا ينقال أنا كمان شفت بردك شي ما كنت متوقع أنك تطرحوا بهل الطريقة ..........

بتمنى أنك تكون فهمت شو قصدي من هل الرد وسلام خاص لإلك .....


وبرجع بعتذر منك إذا كان ردي في شيء من الإساءة أو الكلام المزعج

مرحبا للجميع لا احد يعرفني من قبل ولن يعرفني فيما بعد.اشارك لاول مرة,احببت هذا النقاش الذي دار بينكم بخصوص المدعو ديزت روز وانا اراقب الاحداث على مر الايام ارجو ان اكون متطفل ماهر على مشاغلكم البغيضة ونفسياتكم المحطمة وروحكم الميتة التي تعتبرونها روح مليئة بالدعابة والسخرية.وانشاء الله سوف انجح في استفزاز شخصياتكم الضعيفة للرد على كلامي, انا اؤيد ديزرت روز لانه على ما يبدو استطاع ان يجعل الجميع بحالة غضب واستنفار لمجرد اختراقه الموقع وطرحه موضوع عن ما اكتشفه.واوجه تحية له واساله اذا يحتاج المساعدة في عمليات الاختراق اذا احب.

:?

شو صاير ؟؟
حدا ممكن يحطلنا تلخيص للموضوع لانو انا هلا راجع من الفحوصات و ما الي خلاء اعد ائرا :dr:

انا اؤيد ديزرت روز لانه على ما يبدو استطاع ان يجعل الجميع بحالة غضب واستنفار لمجرد اختراقه الموقع وطرحه موضوع عن ما اكتشفه.واوجه تحية له واساله اذا يحتاج المساعدة في عمليات الاختراق اذا احب.

كملت يا حبيب
هوي اسا ما كان ناقصنا الا واحد متلك
نشالله ماحدي يفهم شو قصدك

مرحبا للجميع لا احد يعرفني من قبل ولن يعرفني فيما بعد.اشارك لاول مرة,احببت هذا النقاش الذي دار بينكم بخصوص المدعو ديزت روز وانا اراقب الاحداث على مر الايام ارجو ان اكون متطفل ماهر على مشاغلكم البغيضة ونفسياتكم المحطمة وروحكم الميتة التي تعتبرونها روح مليئة بالدعابة والسخرية.وانشاء الله سوف انجح في استفزاز شخصياتكم الضعيفة للرد على كلامي, انا اؤيد ديزرت روز لانه على ما يبدو استطاع ان يجعل الجميع بحالة غضب واستنفار لمجرد اختراقه الموقع وطرحه موضوع عن ما اكتشفه.واوجه تحية له واساله اذا يحتاج المساعدة في عمليات الاختراق اذا احب.


أهلا وسهلا فيك،

بس بحب قلك أنو الموقع ما تم اختراقو أبداً... وطرح المساعدة على ديزيرت روز مشان الاختراق هو خارج موضوعية الحوار ما هيك....

على كل حال أهلا وسهلا فيك مرة تاني بالمنتدى

انا اؤيد ديزرت روز لانه على ما يبدو استطاع ان يجعل الجميع بحالة غضب واستنفار لمجرد اختراقه الموقع وطرحه موضوع عن ما اكتشفه.واوجه تحية له واساله اذا يحتاج المساعدة في عمليات الاختراق اذا احب.

أولاً:
بالنسبة للغضب أو غيرو فيني قللك أنو إذا شارون لما أمر بتفجير سيارة لمسؤول حماس بالمزة أثار غضب و استنفار كل البلد، و هون بدي أكد أنو ماني عم شبه هاد الشي بيلي عملو الأخ وردة الصحراء لا من قريب و لا من بعيد، بس الهدف من المثال هو الايضاح أنو يلي بثير الغضب أو الاستنفار مو شرط يكون موضع إعجاب و خاصة وقت بكون عامل شي سيء أو مؤذي لآخرين
ثانياً:
الأخ وردة الصحراء كان عندو فكرة حابب يوصلها، صحي الطريقة كانت غلط مية بالمية، و هاد الشي خلانا لليوم ما منعرف شو هي الفكرة، بس على الأقل عند الكل قناعة كاملة أنو هالشب كان بدو يوصل شي رغم أنو ما قدر يحقق هاد الشي
بس إنت شووووووووووووووووو :? :shock:

والله يا أخ سنايبر مافي داعي للتفكير للاجابة عن الحكي اللي انت كتبتو....يعني الاخوات بقلب البيت الواحد بيتخانقو ويمكن أحيان توصل للضرب بيناتهون ....بس بيضللو أخوات وشكرا" الك على الكلام المشجع اللي بيدل ع نفسية مريضة ...
ما فيني قللك غير الله يشفيك يا قلب.......

مرحبا للجميع لا احد يعرفني من قبل ولن يعرفني فيما بعد.اشارك لاول مرة,احببت هذا النقاش الذي دار بينكم بخصوص المدعو ديزت روز وانا اراقب الاحداث على مر الايام ارجو ان اكون متطفل ماهر على مشاغلكم البغيضة ونفسياتكم المحطمة وروحكم الميتة التي تعتبرونها روح مليئة بالدعابة والسخرية.وانشاء الله سوف انجح في استفزاز شخصياتكم الضعيفة للرد على كلامي, انا اؤيد ديزرت روز لانه على ما يبدو استطاع ان يجعل الجميع بحالة غضب واستنفار لمجرد اختراقه الموقع وطرحه موضوع عن ما اكتشفه.واوجه تحية له واساله اذا يحتاج المساعدة في عمليات الاختراق اذا احب.
شو اخر كتاب علم نفس اريانو ؟؟ كتو انا كمان بحب هل العلم....

مرحبا للجميع لا احد يعرفني من قبل ولن يعرفني فيما بعد.اشارك لاول مرة,احببت هذا النقاش الذي دار بينكم بخصوص المدعو ديزت روز وانا اراقب الاحداث على مر الايام ارجو ان اكون متطفل ماهر على مشاغلكم البغيضة ونفسياتكم المحطمة وروحكم الميتة التي تعتبرونها روح مليئة بالدعابة والسخرية.وانشاء الله سوف انجح في استفزاز شخصياتكم الضعيفة للرد على كلامي, انا اؤيد ديزرت روز لانه على ما يبدو استطاع ان يجعل الجميع بحالة غضب واستنفار لمجرد اختراقه الموقع وطرحه موضوع عن ما اكتشفه.واوجه تحية له واساله اذا يحتاج المساعدة في عمليات الاختراق اذا احب.

أهلا وسهلة فيك يا سيغموند فرويد عفكرة كان بدنا بالمنتدى طبيب نفسي والله بعتلنا اياك.. وبالمناسبة اذا لسا ماحدا بيعرفك متل ماقلت وهي أول مشاركة هيك.. أتأكد أنو رح تبقى ما حدا رح يعرفك غير المريضين الي متلك والله يشفيك ..
وبالمناسبة لا تفكر أنو نحنا بهالردور حققنا اللي بدك ياه (انشاء الله سوف أنجح باستفزازكم ) لأنو نحنا بهالردود عطيناك قيمتك لا أكتر ولا أقل ..لذا أنا رح قلك أنو أنا بعرف أنك وأنت عم تقرأ ردودنا رح تضحك ضحكة الحكيم ورح تقول نجحت التجربة لأنو أنت نموذج قديم كتير ومارر على راسي ميت واحد من شكلك لذلك رح قلك أنو لازم تبكي وأنت عم تقرأ الردود..لأنو هالردود بتدل على أنك بهالشخصية مرح تنقبل بأي جو أجتماعي لأنو زمن علماء النفس راح من أيام فرويد يا حبيبي ... وبهالأيام كلو بيفهم بعلم اللنفس..ولا تواخذنا وبتمنى أنو تتغير لأنو بتكسبنا ومنكسبك ..

في حدا بالمنتدى عاملو شي شغلة لهل الزلمة و مانا دريانين الله يخليكون كل واحد يراجع حالو ليكون عملو شي شغلة و هو مانو حاسس !! :cry:

تحية اكبار وتبجيل للجميع .لكل من تساءل وقام بتحليل شخصيتي هذا الرد قد يريحكم.لقد قمت بمشاركتي فقط لكي اشعر الجميع بان الغريب (انا) قد تدخلت في موضوع لا يعنيني بمعنا ان ما تفعلونه ببعضكم عيب وحرام والغريب ما لازم يتدخل بامور اهل الدار ولا حتى يعلم بها على الاطلاق. الان بامكان الجميع ان يتفهم اسلوبي الجارح في الحديث. وكما يقول صديقي كثرة الفهم مثل قلته.انا لم اكن رح اتدخل لوا انو ريحتكن .....عدم المؤاخذة.وانشاء الله تكون وصلت رسالتي

تحية اكبار وتبجيل للجميع .لكل من تساءل وقام بتحليل شخصيتي هذا الرد قد يريحكم.لقد قمت بمشاركتي فقط لكي اشعر الجميع بان الغريب (انا) قد تدخلت في موضوع لا يعنيني بمعنا ان ما تفعلونه ببعضكم عيب وحرام والغريب ما لازم يتدخل بامور اهل الدار ولا حتى يعلم بها على الاطلاق. الان بامكان الجميع ان يتفهم اسلوبي الجارح في الحديث. وكما يقول صديقي كثرة الفهم مثل قلته.انا لم اكن رح اتدخل لوا انو ريحتكن .....عدم المؤاخذة.وانشاء الله تكون وصلت رسالتي

بتمنى أنو هالكلام يعني أنو أنت رح تتغير وأنا من ناحيتي لاحظت أنك حسيت بخطأ ما كتبت وهالشي كتير منيح لأني بظن اني كسبتك وبتمنى أنو نشوف مشاركات حلوة منك مشان تكسبنا كلنا.. :D

تحية من القلب الى القلب:

بعد أن انتهت هذه العاصفة الهائجة التي أثارتها مقالة "لا حياة لمن تنادي", أتوجه بالشكر الجزيل لكم جمعياً من أعضاء و مشرفين و اداريين و أصدقاء و أصدقاء سابقين, و الغاية من هذا الشكر هي التأكيد على مقدرة الكلمة في التأثير في زمان تكاد أصوات قرع الطبول لا تسمع, أو أنها تسمع لكن يتم تجاهلها,كما أرغب بتوجيه شكر خاص للمشرف الذي نصحني بزيارة موقع ديزني لاند الأمر الذي ساهم بتطوير خبرتي المتواضعة على الشبكة العالمية, فسياسة الموقع سياسة ناجحة لأسباب يطول شرحها هنا, الا أنني أنصح المهتمين بزيارة الموقع أيضاً.

أوكد للجميع أن تطوير الموقع و رفع نسبة فعاليته عبر الشبكة العالمية كان هو الفكرة الأساسية من هذه المقالة, وذلك عن طريق "فتح باب التصويت لاختيار المشرفين", لكن هذه الفكرة قد تم تغييبها بشكل تام من خلال ردود المشرفين بالرغم من أن معظم الردود - عدا رد واحد هو رد مدير الموقع - جاءت بعد الاجتماع الذي حصل في مكتب الأخ "الكينغ رور", و الغاية من هذا الايضاح هو الاشارة الى أمر مهم جداً, وهو أن الأخ "الكينغ رور” قد أوصل فكرة التصويت الى المشرفين عن طريق طرح آليات متنوعة للتصويت على المشرفين, و لقد كان قادراً و هو كمستخدم للشبكة العالمية على رسم علائم الدهشة على وجوه جميع الجالسين.

و لا أخفيكم بأنني لست منزعجا أبداً من الاهانات التي تعرضت لها سواء أكانت من القريب أو من البعيد,لأنها حالة طبيعية لمن يفقد لغة الحوار فيلجأ لمزبلة التاريخ لاخراج الكلمات و صفها في جمل فارغة,و قد اتهم الصديق الحلاق باثارة النزاعات و كب الزيت على النار, لكن ما حدث هو التالي:

طرح المقالة => رد بعض المشرفين + القليل من الاهانات => رد الحلاق على المقال و على المشرفين الذين سبقوه => ردود المشرفين => رد الحلاق. هذا الخط الزمني يسقط الاتهام بشكل واضح, فلقد كابر الصديق الحلاق على نفسه و استخدم لغة للرد على بعض المشرفين و الاداريين و الاصدقاء السابقين ليس لأنه عاجز على استخدام لغة الحوار بل لأنه استنتج أن بعض المشرفين لايجيدون سوى اللغة التي كتبوا بها ردودهم, و لا أعلم ان كان هذا الاستنتاج صحيحاً أم لا؟

وكي لا أتهم مرة ثانية برفضي للحوار هذا هو رقم هاتفي 0096395416466 و أوكد أنني مستعد للحوار لتحسين استراتجية هذا الموقع من الناحية التقنية و الناحية الادارية الالكترونية بالاضافة الى ادخال أساليب الهندسة الاجتماعية في تطوير الموقع, و للأمانة أقول أن الحوار عرض على يوم الاجتماع على النحو التالي: أربعة أشخاص يتناوبون الحديث معي بعصبية منقطعة النظير, وكان شغلهم الشاغل كيفية الدخول لمنتدى المشرفين وعدم شرعية هذا الدخول, فما هو تعليقكم ؟

أوكد أنني أرفض الاساءة الى الموقع و المشرفين و الأعضاء و الأصدقاء و الأصدقاء السابقين, كما أرفض بشكل تام أن تغلب المصلحة الفردية على المصلحة الجماعية, هنا أود أن أذكر هذه القصة التي حدثت معي عندما بدأت عملي الثاني ذو الطبيعة الليلية (كي لا يتعارض مع عملي الأول) و ذلك في شركة تعمل في مجال تطبيقات الويب و الواب. أثناء المقابلة مع مدير الشركة طرح علي السؤال التالي: "شو بتعرف" و هو ينظر الى سيرتي الذاتية, فأجبته "أعرف ما أنت بحاجة اليه", فأجابني و هو يحاول اخفاء ابتسامته "لولا ضرورة العمل لكنت رفضت تعينك!", وهذا تأكيد على أن مصلحة العمل "الجماعة" تغلب المصلحة الشخصية "رفض المدير لي بسبب طريقة اجابتي على سؤاله الوحيد".

التحية الأخيرة تكون لأرواح الشهداء الذين سقطوا بعد نشر مقالة "لا حياة لمن تنادي", و دعونا نجعل المقالة "حياة لمن تنادي".

لكم جمعياً من أعضاء و مشرفين و أصدقاء و أصدقاء سابقين فائق الاحترام من ديزرت روز.

والله العظيم انك دمعة يا أخ ديزيرت وأنا بعتذر عن عصبيتي معك ومشكور كتير وعلى فكرة عجبتني هي مزبلة التاريخ .. :D

يا شباب شو صاير
أنا وقت دخلت على الموقع عجبني كتير كتير لأني حسيتو محترم و هلأ انصدمت بهالكلام فياريت يلي عندو اعتراض يلاقيلو شي حط فاضي يتسلى فيه :x

وأخيـــــــــــــــــــــ ــــــــــــــــــــــرا :D :D :D :D :D

يا شباب شو صاير
أنا وقت دخلت على الموقع عجبني كتير كتير لأني حسيتو محترم و هلأ انصدمت بهالكلام فياريت يلي عندو اعتراض يلاقيلو شي حط فاضي يتسلى فيه

:D

:?: مرحبا يا شباب و يا صبايا .
اولا بحب اشكر الاخ ديزيرت على كل الي عملو و خصوصا انو في ناس شبهتوا فيني.......
على كل حال انا صرت هون و اللي بدو شي من جيمس بوند يحكيه......
يااخ ديزيرت فهمت من حديثك انو اللي ردوا عليك بلهجة غير مناسبة هم اصدقائك السابقيين . انا بحب قللك انو ما تزعل و لا يصح الا الصحيح و لو كانوا اصدقاء عن جد ما كانو ا عملوا هيك
و كل اختراق لمنتدى المشرفين و انت بخير

مرحبا شبــــــــــــاب ...
بداية نريد أن نعتذر على اعادة نبش هذا الموضوع ..

نحنا حابين نأكد على عدة شغلات وقلت نحنا لأنو هاد الحكي من (Anmar & Keko & Abo_Hanna)

1- نحن نعتذر من كل شخص أذته ردودنا وأذاه أن يرى هذا الحوار يدور في الموقع خاصة بين الأصحاب

والأصدقاء ونأكد أنه ليس من صفاتنا توجيه الكلام الجارح أو المسخرة للآخرين .

2-نأكد على موقفنا كوننا أعضاء في الموقع ومشرفين فيه (وليس كأصدقاء) على رفض التصرف

الحاصل من العضو ديزرت روز مع علمنا أنه ذو نية حسنة ولم يكن يقصد الإساءة علماً أن هذا العمل

قد أساء للموقع وهذه وجهة نظرنا .

3- والآن سنتكلم كأصدقاء وأخوة لديزرت روز : نعتذر عن سوء أسلوب تعبيرنا عن آراءنا تجاه الموضوع

4-وأخيراً نعلم المهتمين بالموضوع بأن ازالة سوء التفاهم قد تمت وعادت المياه لمجاريها بيننا وبين

الصديق العزيـــــــــــــــز ديزرت روز :hart: :hart: :hart: ....

ولا تواخزونا .... :gem: :gem: