الموقع عنصري اتجاه الاسلام بامتياز
الموقع مسيحي اي ديني مسيحي وليس ديمقراطي ابدا وخصوصا المنبر الحر الذي تستطيع فيه عمل مايحلو لك بعقائد وأفكار الناس ومعروف ان المسلم أكثر من يهمه عقيدته واذا قررت ان تنقد اي طقس من الطقوس المسيحية فانت تجاوزت حدود المنبر الحر ويجب ان تذهب لحوار الأديان
أما ان يقوم عضو بفكرة تغيير الحج او الصلاة او نقد الحجاب فهذه أمور فكرية فيها حرية تامة لأنها تمس الاسلام والمسلمين وهذا شيء يرضي الموقع وأعضائه المسيحيين واللادينيين (المسيحيين) أولا ومن ثم المسلمين ويرضي المشرفين وادارة الموقع التي لا أظنها نائمة ولكن هذه سياستها ولكن المشكلة انها تتغطى بغطاء الحرية والديمقراطية وعن جد عن جد سابقة لم يحدث لها مثيل في العالم هذه الحرية ولكن بتصوري هناك من يعمل على هذه الشاكلة وهو اللوبي اليهودي الصهيوني واسرائيل الكيان الصهيوني
حيث أنك تستطيع ان تحكي ماشئت في اي منبر او تخرج فيلم يناقش اي شيء عن الاسلام والذي ربطوه بالارهاب(حيث لم يوفر نسر السريان فرصته بوصف الرسول الكريم والاسلام بالارهابيين) ولكن من المحظر ان تقترب نحو اليهودية او اي شيء من هذا والا فأنت معادي للسامية ومجرم كما حدث مع ميل غيبسون في آلام المسيح مع أنه برر لهم بأن يسوع سامح اليهود يعني خوش بوش صارو وقال غيبسون انه هذا تاريخ وسرد حقائق مع انه برأيي ورأي الكثير الفيلم لا يمس اليهود بأي شيء

يعني سياسة أخوية بمنبرها الحر تتبع محاباة المسيحي واللاديني تحت غطاء الديمقراطية وبعنصرية تامة لا تختلف ابدا عن عنصرية اليهود في هذا الزمان

لو انني تكلمت كلمة وحدة ضد الدين الاسلامي او نقدت شيء من القرآن وهكذا.....فسترى كل الأعضاء تقريبا والمشرفين يصفقون لي وبأنني أتكلم الحق وعكس ذلك فهو ضدهم

نسيت شغلة
مسموح للكل (عضام الرقبة تبع الادارة والموقع) بالتهكم كيفما شاؤو وانت سيقومون بتنبيهك وبيقولولك اذا ما عجبك المنتديات معبية النت (تتهنا يا كريمبو على هيك ديمقراطية)
ورجعو ليللي قالتو وايت رووز بتعقيبها على موضوع وهي الصورة لمين وشوفو التهكم المسموح من قبل ناس والباقيين غير مسموح

عن جد عن جد شر البلية مايضحك
عيـــــــــــــــــــــــ ـــــب أخوية عيـــــــــــــــــــــــ ــــــــــــــــب



أخيرا:
لتقوم الادارة وبوضوح بارسال رد بأن المنتدى مفتوح للكل وليبس عنصريا
اي يا اما بتقولو انو غير مسموح دخول التاليين
السعودي والخليجي عموما ومن ثم المسلم المتدين
او تقولو اذا دخلو وسجلو فغير مسموح لهم المناقشة بمواضيع تمسهم وتكون ضدهم (كما حصل مع أبو أنمار)
أو يكون المنتدى مفتوح للكل دون تمييز ولا بأي نوع من أنواع التمييز
نرجو كتابة عنوان عريض على الصفحة الرئيسية لنفهم
طلب ضروري

رددت عليك في موضوع آخر , و شكاياتك مكانها بريد المنتدى ... الرجاء من الأعضاء عدم تكبير المشكلة

عفوا هدا مو شكوى أخي ياس
هاد نقد للمنتدى وبتصوري حسب مستوى تفكيري لما قريت شروط المنبر انو مكانو هون ولا شو مو صح كلامي وهاد حقي عالقليل؟

يعني حقيقة أنا أستغرب السهولة التي لبست فيها ثوب الضحية يا سيد , ألم تر الصراعات الغير منتهية التي حصلت في حوار الأديان؟؟ نحن لا نريد أن تتكرر الآن و اتهامك لنا بالعنصرية و معاداة الاسلام باطل لا محالة , لا أحد هنا ضد الاسلام , و الدليل هو : هل حذف أحد موضوع : و هاي الصورة لمين ؟؟
المنتدى له طبع و فيه جو ميزه عن باقي المنتديات , و نحن نعمل على تميز منتدانا , و لا أفهم كيف تطالبون بتغيير عمل أكثر من سنتين لأجلكم , هذا هو النتدى , هذا هو شكله , وهؤلاء هم أعضاءه , و نحن نرحب بكم دائما طالما لاحترام لصفة الأكثرية من الأعضاء موجود...

سؤال بسيط , بافتراض أن أحد الأعضاء المسيحيين دخل منتدى خليجي ما ,ووضع علامة الصليب في الصورة الرمزية , ماذا سيحصل؟؟

مشكور حبيبي وايت سنيك على الموضوع
تقبرني شو بحبك

لك يصطفو الخليجية ياس حبيبي انتة مركز معي شي؟؟؟؟
انا عم حاكيك مو واحد سعودي انا باسل اسمي هون بالشام

الشي يلي عم تتواخذو فيه انتم كادارة انو سميتو المنبر بالذات والمنتدى عموما بالحر او غلبتو طابع الحرية عليه هاد المفروض بس بما انو لعبة الديمقراطية الوسخة منتشرة بالدنية فبالتالي انتو متأثرين كتير بهالشي
ولما انتة بتجيب مثال موضوع هي الصورة لمين بتكون لوحدك عم تجاوب وتأكد كلامي ولا ما انتبهت أخ ياس؟؟؟؟؟

يعني يا جماعة رح احكي رأيي بصراحة دون التحيز أنو أنا بحبو لوايت سنيك
انا حسيت انو الموقع عنصري ومن زمان وحكيت ها الشي
كتييير على صفحاتو ومشاركاتي بتشهد
وانا بحب المنتدى كرمال هيك ياريت يعيدا النظر
وكراهيتو لأهل الخليج وخصوصي السعوديين واضحة من العضاء
رجاء بدكون تطوروا المنتدى والناس تحبو غيروا السياسة
وافتحوا باب الديمقراطيه الحقيقي
وبدي وجه تحية لكريمبو لأنو مزوق وحباب
وياريت يهنم برأيي وبراي وايت سنيك(:sosweet: )

باسل الماسنجر عم يفصل وينك مشي الحال

باسل الماسنجر عم يفصل وينك مشي الحال

مخترعين شي اسمو الرسائل الخاصة...سمعان فيه شي؟؟


منرجع لباسل (وايت سنيك) :
خيو أهلا و سهلا فيك و تشرفنا بمعرفتك
حابب بس انبه على شغلة ... أنا ماني عضو ادارة بهالمنتدى , أنا عضو قديم نوعا ما و كنت سابقا المشرف على هذا القسم...لما عم برد عليك عم رد بصفتي الشخصية فقط ... أنا حاليا مجرد عضو.
يا صديقي بيجوز انت جديد بهالمنتدى و ما لحقت فترة العلقات الكبيرة بحوار الأديان (على رأي حشت نشت القسم كان اسمو حوار أبو الأديان , لأنو الحكي فيه كان على نمط "أبوك على أبو دينك") ..... على أيامها فعلا كنت مشرف و كانت المشكلة أنو كل طرف بيفكرني متحيز للثاني , و كانت وجع راس نظامي ... المهم أنو مشكلة حوار الأديان انتهت لما تحددت صلاحية الدخول فيه...
الفكرة هيي...أنا ضد أنو تنتقل مشاكل حوار الأديان السابقة الى المنبر , المنبر رغم أنك بيجوز ما توافقني عليه أنا أعتبرو منارة حرية , و لما بتزعلو لما اعتب عليكون للتحيز للاسلام عم بتنسو أنو كمان عتبت على مينيمي , و مافي داعي اذكر المشاكل اللامنتهية اللي صارت بيني و بين مينيمي بهالمنتدى...
بالنسبة للعنصرية و التحيز ضد الاسلام , هاد موقع ذو غالبية ساحقة مسيحية (أقصد الاعضاء) فطبيعي أنو لما ينزل موضوع فيو مس أو ما شابه بالمسيحية أنو الرد حيكون شامل ضد اللي كتبو (لاحظ , عم بقول طبيعي ..هالشي ما يعني أنو أنا موافق على هالشي) .
كختام ...حابب اذكرك أنو التعايش الديني السليم اللي نتمتع فيه بسوريا بيجوز ما بيفهمو اللي من برا , و بتطلع مواضيع من نمط (أرجو من السنة عدم الانتقام...الخ) .... هيك مواضيع حساسة لأنو الفترة الحالية حساسة...و آخر ما نتمناه هو صراع أديان ...

و عشان ما تقول أنو مختلفين ع كل شي...أنا كمان فرقتي المفضلة هي بينك فلويد ;-)

شكرا لتفهمك يا yass
ومنشان رأيي فيك تقراه بصراحة ووضوح بالموضوع الأساسي واضح رأيي وشو عم قول
وبالنسبة لنسر يعني ياريت السيد كريمبو يشوف ردك وأنا مارح قول شي كنت ناوي قللك الله يسامحك بس أحيانا بجن فجأة (بما اني بسمع بينك فلويد ياس هههه) فقررت انو قللك يبدو انك كتير شبعان وآكل سندويش ووجبات مرجلة اليوم؟
منيح معناها مابيحطو واحد متلك ادارة لأنو كان الموقع من زمان تسكر لوحدو

في ناس بضلو معصبين كانو
ما؟؟
بتحسون بضلو متجاكرين
ما؟؟

yass
ما هي هية القصة الله وكيلك الله وكيلك معبى عندي رفقات من كل التعدديات اسلام مسيحية متديننين ملحدين مالو علاقة فنانيين شركس علويين ...........الخ ورغم اختلافنا بكتير شغلات لكن منلتقى بصحبتنا ومنتناقش ومنحكي بس ماحدا منا بيلغي التاني ماعدا هون عن جد ياس انا كتير عم حس بتمييز وعنصرية هون وكتير مسلمين متلي مو بسبب الأعضاء لأنو هاد رآيهم وحريتهم ولكن المشرفين متل كريمبو فهو نبهني وترك نسر و عدة قصص ومثالها آخر رد لنسر انتة شو قلتلو بعكسي انا كريمبو فورا بعتلي عالخاص ونبهني وعمللي عقوبة بالله هي شو اسمها معلش؟

(////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)yass (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)
ما هي هية القصة الله وكيلك الله وكيلك معبى عندي رفقات من كل التعدديات اسلام مسيحية متديننين ملحدين مالو علاقة فنانيين شركس علويين ...........الخ ورغم اختلافنا بكتير شغلات لكن منلتقى بصحبتنا ومنتناقش ومنحكي بس ماحدا منا بيلغي التاني ماعدا هون عن جد ياس انا كتير عم حس بتمييز وعنصرية هون وكتير مسلمين متلي مو بسبب الأعضاء لأنو هاد رآيهم وحريتهم ولكن المشرفين متل كريمبو فهو نبهني وترك نسر و عدة قصص ومثالها آخر رد لنسر انتة شو قلتلو بعكسي انا كريمبو فورا بعتلي عالخاص ونبهني وعمللي عقوبة بالله هي شو اسمها معلش؟
(////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)
حرام عليك !!! ليش هلأ عم تقول عن الاشراف أنوعنصري...طيب شو عرفك أنو المشرف مثل ما نبهك نبه غيرك؟؟؟

كلامك عين العقل

الي اشوفه انا انهم فاهمين

الديمقراطيه بشكل ثاني

بس متى يتعدلون مدري

شكلي لازم اهكر المنتدى عشان يتوبون :> كككككككككك

خيو أول شي ياريت تحافظ على هدوئك مشان يتم الحوار حضاري مثل ما هو هلأ..
انا بحب وضح شغلي صغيري عن انو المنتدى عنصري.. أخي المنتدى مو عنصري بس المنتدى بأغلبية مسيحية وشي طبيعي انو تكون الصفة المسيحية هي الطاغية عليه.. وهده هي الحرية.. يعني مثلا بيحسن المسيحي انو يروح على موقع غالبيتو مسلمي ويقولهم بدي غير بمنتداكم..
اكيد لأ...
بس موضوع الاساءة للرسالات السماوية والانبياء انا برأيي انو هدا موضوع معتقد شخصي يعني طالما انت مؤمن بالله وبالحساب فتكون هي شغلتو مو شغلتي ولا شغلتك لنحسابو.. بس المشكلي انو الموضوع عم يصير شخصي لما عم يحط حالو العضو مكان الله ويرد على الشخص اللي أساء وكأن هل الإساءة موجهة للشخص نفسو........
تحياتي

موضوع قديم بالمنبر الحر من تاريخ 30-6-2005

عذاب 24ساعة أم عذاب عمر ...من أولى بأن يكون رباً (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)


عادة لا أتدخل بالأديان و أحاول أن تكون مواضيعي بنفس المكيال

هذا الموضوع القديم نزل بالتزامن مع موضوع الحجاب

و القارىء الجيد لكلا الموضوعين يعرف ماذا يحدث


أصفق للمسيحيين طريقة تعاملهم مع الامور و تفهمهم



على الهامش :
الموضوع أيضاً أثير بعد ظهور توقيع جديد عند بعض الأعضاء

أصفق للمسيحيين طريقة تعاملهم مع الامور و تفهمهم
مين الأمور برايك

أخي المنتدى مو عنصري بس المنتدى بأغلبية مسيحية وشي طبيعي انو تكون الصفة المسيحية هي الطاغية عليه
يعني منقدر نعتبر هاد اعتراف بأنو كلامنا صح

يعني أخ رواد ومتل ماقلت بهدوء تام
انو المنتدى مسيحي فهاد شي ما أنكرناه يعني بأغلبية أعضاؤه وليس بطابعه ولكن اذا انتة عم تقللي هيك والمشرف الفلاني بيقول غير هيك والمنتدى مسمي حالو ديمقراطي يعني شو معناة ديمقراطي بالمفهوم السوري المسيحي الأخوي؟ هل هوه حرية الأغلبية وقمع الأقلية بالمنتدى ؟ اذا هيك فمعناها سياسة الأغلبية السنية بسورية صحيحة بعدم اعطاء المسيحي حريته او شي من هاد؟ وطبعا هاد غلط يعني ليش لنغالط نفسنا المنتدى وخصوصا المنبر الحر ديمقراطي هكذا رسم عليه وماعندي عن حالي عم احكي ماعندي اي مشكلة بأي طرح بس بتمنى لما رد او حاور او ناقش يكون في ديمقراطية وتقبل لكلامي مو بيكون الموضوع مسموح له تحت غطاء المنبر بديمقراطيته وعند احتدام الرد من قبلنا بيصير المفروض ينتقل لحوار الأديان اويتوقف وهاد الشي يلي عم يصير هون بالمنبر الحر

هلأ انو مندوب عن الله فسمحلي قللك هي عقيدتنا نحن هيك موجودين وانتة لما عم تحكي هيك بتكون ضمنيا عرفان انو كل المسلمين هيك عقيتهون بالدفاع عن اي شيء مقدس وعدم المساس فيه (بالنسبة الي ممكن اسمعك او غيرك ونتناقش) مثال معاكس: لما انحطت صورة البابا الكل داقع عنو فياريت كان تتركوه يدافع لحالو بما انه سفير وممثل الرب على الأرض - صح ولا كلامي خطأ-؟؟؟ ياريت بس تشوف المعادلة يللي بتخلقوها انو فيها طرفين وليس طرف واحد نرجو ماتشوفو بعينكون وبس مابدنا تشوفو بعينتين بس خللو للعين التانية نصيب

يا حبابي الدين لله والوطن للجميع
الدين معاملة كيسة وكلمة حلوة ونظرة وابتسامة.................................. .خلصنا ياااااااااااااااااااااه
لســـــــــــــــــــــــ ـــــــــــــــــــــــــ ـــــــــــــــــا مابتعرف شو بدو

مرحبا شبيبة

معلش خلونا نرتب افكارنا شوي لحتى نقدر نستفيد و نفيد و مشان ما تصير الشغلة شوربا

جملة الموضوع بيتلخص بالنقط التالية...

تحيز الادارة لمصلحة المسيحيين
تحيز الادارة ضد الاسلام بصورة عامة و الاعضاء المسلمين بصورة خاصة
تحيز الادارة ضد الخليجيين بشكل عام و السعوديين بشكل خاص
الادارة المسيحية للمنتدى
سياسة الخيار و الفقوس بفرض العقوبات على الاعضاءبس قبل ما ناقش هالنقط بدي حط تزكير ببعض سياسات الاخوية

مع انو طلع ع لساني شعر انا و عم احكي هالنقطة بس رح عيدها
اخوية موقع سوري سوري سوري و بامتيازات
باعتبار انو نحنا مش شوفينيين او فاشيين فمنقبل اعضاء غير سوريين
لما يكونوا على خلق و قادرين على التواصل الايجابي مع باقي الاعضاء (متل السنيورة مونيا) بيوصلوا لدرجة الاشراف بقلب اخوية
و لما يكون طبعهم نزق و داخلين لافتعال المشاكل و المشاغبات مع باقي الاعضاء بيوصلوا لدرجة ايقاف العضوية و يمكن الطرد النهائي.

اخوية منتدى بدون توجه ديني
ما بقصد بهالكلام انو اخوية لادينية فحسب، بل اقصد انو ما عننا اي استعداد ضمن سياسة المنتدى انو نلتزم باحترام اي عقيدة دينية
مو لأنو نحنا معاديين للاديان ... لا اطلاقا ... بس لأنو نحنا ما عننا اي استعداد انو نقوم بدراسة هالعقائد ... و بالتالي ما عنا اي معرفة بمقدسات اي عقيدة دينية، و اي معرفة بهالمقدسات منعتبرها اجتهاد شخصي غير ملزم لادارة الموقع و بالتالي لسياستو

و شغلة تالتة اشار الها ياس ... و هيي انو غالبية الاعضاء مسيحيين ... بس هاد ما بيتداخل مع سياسة ادارة الموقع

رابع شي: منبر اخوية الحر بيسمح باكتر الافكار و الآراء تطرفا انها تكون موجودة بين طياتو

تحيز الادارة لمصلحة المسيحيين
هاد الاتهام مرفوض جملة و تفصيلا، متل ما في نكات لا دينية عن المسلمين و الاسلام في نكات لا دينية عن المسيحيين و المسيحية
متل ما بيتم معاملة سابا و جورج و طنوس و ماريا عم يتم معاملة محمد و علي و حسين و خديجة
حسون عدادو رح ينفجر ع شوي و ساكت ... بينما وايت سنيك قام القيامة مشان خمسة بالمية

و لما منتعامل مع نظام العقوبات باخوية منتعامل معو من دون معرفة سابقة بدين العضو
يعني نحنا ما منضرب بالمندل لنعرف شو دين الزلمة يللي بدنا نعاقبو
ازا هوي ما صرح بهالشي بشكل مباشر او غير مباشر ... نحنا كادارة و اشراف ما منقدر نعرف دين العضو

مع انو ياس عمرو بالمنتدى من عمر المنتدى ... بس انا لليوم ما بعرف شو هوي دينو ... و صدقا ما بيهمني اعرف
مع انو قامت بيني و بين مينيمي جولات من الحروب و المشاكل ... لليوم ما بعرف شو هوي دينو
مع انو متحاور مع حسون باكتر من الف موضوع و قابلتو شخصي بحمص... لليوم ما بعرف شو هوي دينو
لو ما كان ابو النسيم و طارق و سيزار من اعز اصدقائي ... ما كنت عرفت شو هوي دينهم (يللي ع البسبور و الحقيقي)

و صدقا ما بيهمني اعرف لا انا و لا ادارة الموقع كلها
و حتى لو عرفنا ... هالشي ما بيأثر على اي قرار منتخذو

تحيز الادارة ضد الاسلام و المسلمين
يللي بدو يعمللو ابريق متة او كاسة شاي و ناطر ليخلص قراية يقوم يساويهم لأنو رح اشرح وجهة نظر الادارة من هالنقطة باستفاضة

المسيحيين قدروا على مر العصور من انهم يتخلصوا من سلطة الكنيسة الزمنية بكل اشكالها، بدءا بالتكفير و الغفران مع قيام ثورة مارتن لوثر البروتستانتية، و انتهاءا بسحب منهم سيطرتهم على الحياة الزوجية من خلال تنظيم الموضوع بالقانون المدني باغلب المجتمعات المسيحية، مرورا بكف يدهم عن شؤون الصحة و الطب... و هالشي كلو لغى من المسيحية تأثيراتها الدنيوية و تحولت لديانة روحية بحتة

بينما المسلمين عقيدتهم بتمس الشؤون الدنيوية بشكل مباشر، بدءا بعظائم الامور متل انظمة الحكم و اساليب التعامل بين الدول، و انتهاءا بصغائر الامور متل نمط الاكل المسموح و الممنوع، و كيفية تناول الطعام او النوم او الدخول على الحمام المقبولين، مرورا بانماط الحياة اليومية متل الحجاب و الصيام و العلاقات التجارية المسموحة و المرفوضة، و ايضا بانماط الحياة المصيرية متل الزواج و الميراث ...

هلأ...
بالوقت يللي عم يتوجه فيه المسيحيين لالغاء بقايا السلطة الزمنية للكنيسة و رجال دينهم، عم يتمسك المسلمين بتدخل الدين و رجالو بكل شؤون حياتهم و عم يدافعوا عن هالشي بشراسة

و متل ما اشرت اعلاه سياسة المنبر الحر بتقبل اكتر الافكار و الاراء تطرفا هي واحد ... و تنين ... سياسة الادارة ما عندها استعداد للدفاع عن اي نوع من انواع المقدسات الدينية، من باب جهلها بالشيء، و الانكى انو ادارة اخوية غير مستعدة لمعرفة هي المقدسات ... و ان تم هالشي فهو اجتهاد شخصي ما بيمت للادارة بأي صلة

شو تطبيق هالحكي على ارض الواقع بقلب المنبر ؟؟؟؟
باعتبار انو الاتهام الموجه كانت ادلتو هوي موضوعي الحجاب السياسي و تأجيل الحج
خلينا نشوف المشاركات و قبل خلينا نتصور التالي و رح نحكي كمثال عن موضوع تأجيل الحج
هلأ ازا اجا مينيمي بدو يطرح فكرة تأجيل الحج بشكل علني باحد المنتديات
ازا المنتدى اسلامي رح ينحذف الموضوع و صاحبو كلو من الداتابيز
ازا المنتدى مسيحي رح يتثبت الموضوع و يطبلولوه و يزمرولو و يحذفوا المناهضين لهيك فكرة
بينما بالمنبر تم طرح الموضوع متلو متل اي موضوع تاني و تم مناقشتو و اسمعنا كل الأراء، و انا من الناس يللي كونت فكرة بعد قراءتي لكل الآراء بعدم جدوى تأجيل الحج مشان توفير المصاريف
ممكن حدا يفهمني شلون طلع معكم انو نحنا متحيزين ؟؟؟؟

تحيز الادارة ضد الخليجيين
قلت و برجع بعيد انو ادارة اخوية بترحب بكل البشر ... بس بتميز السوري بشكل كبير و واضح عن غيرو ضمن الموقع، و بتعطيه حقوق و امتيازات خاصة فيه و بتتحيز الو ضد غيرو
هي سياسة الموقع
هيك صاحب الموقع يللي دافع عليه دم قلبو و عرق جبينو بيريد
الزلمة عندو منتديات تانية اجنبية و عربية الها سياسات تانية بس هوي هيك رايد تكون سياسة اخوية و ما حدا اخو مراقو، و بهي الشغلة بالذات خص نص ما عندو ديمقراطية و بيعتبرها خط احمر بيسد عين الشمس
و نحنا كإداريين و مشرفين منربط الحمار مطرح ما بيقول صاحبو
و انتوا كأعضاء مرحب فيهم من حقكم تقبلوا هالسياسة و تبقوا اعضاء محترمين ... او تتركوا الموقع و الشقى على من بقا
يعني ما حدا ضارب حدا ع ايدو يقبل او ما يقبل
كوجهة نظر شخصية ... انا شايف انو الزلمة معو حق
يعني بكل تاريخ الاخوية ما مرق خليجي واحد (باستثناء امير المحبين) شجعنا على انو نعيد النظر بهالخط الاحمر

و مع ذلك ... نحنا ما حجبنا الموقع عن السعودية و الخليج اجمالا .. عل و عسى (عشم ابليس بالجنة) انو يتكاتروا الخليجيين الكويسين باخوية

مسيحية الادارة
يا عمي حاج ماسكين هالشغلة و ماشيين فيها
شو عيب تكون الادارة مسيحية يعني ؟؟؟
و اللا حرام و اللا شرعا ما بيجوز ؟؟؟؟
حدا سألكم انتوا و فايتين شو هيي ديانتكم ؟؟؟ او مين بتعبدوا ؟؟؟ او بتعبدوا اساسا و اللا مو فارقة معكم ؟؟؟

اصلا اصلا نحنا كإدارة منرفض رفض قاطع انو حدا يتهمنا انو نحنا مسيحيين
و انا شخصيا بعتبر هالشي فخر لالي، فخر كتير كبير اني كون من اتباع كلمة يسوع الناصري
و كل واحد اداري او مشرف او عضو، حر يعتنق الديانة يللي بتعجبو

مشكو كريم عهالمقالة واله معك حق بكل كلمة التها يعني من زمان كان لازم ينحط هالحكي وبرجع بشكرك مرة تاني...
تحياتي..

شو عيب تكون الادارة مسيحية يعني ؟؟؟
السبب بسيط لانهم يريدون ان تكون جميع المواقع العربية تغني بصوت واحد الا وهو .......
ولهذا عند دخولك الى باقي المنتديات التي يديرها المسلمون يخال لك انها نسخ عن بعضها البعض
نفس المواضيع نفس الاهتمامات نفس التوجهات ونفس الاراء خاصة اذا كنت ازاء منتدى خليجي
والبعض القليل منها التي يديرها مثقفون (وما اقلها) تمتاز بطعم مميز يختلف عن باقي المنتديات

ولووووووو شو ها المقالة

krimbow

مع احترامي الشديد .

على قول المتل . اسمع كلامك اصدقك اشوف امورك استعجب

نعم التحيز واضح وسافــر و عيني عينك . والامثله لا حصر لها وأنا على استعداد لتقديمها لك . نحن لا نطلب إلا بالسماح لنا برد با لمثل لا ان تحذف مشاركاتنا وبشكل فاضح .

ياخــي لو كانت سياسة اذا ظلمت الكل عدلت . لكانت أفضل . و كنت ضمنت حب الكل لا أخويه



بينما المسلمين عقيدتهم بتمس الشؤون الدنيوية بشكل مباشر، بدءا بعظائم الامور متل انظمة الحكم و اساليب التعامل بين الدول، و انتهاءا بصغائر الامور متل نمط الاكل المسموح و الممنوع، و كيفية تناول الطعام او النوم او الدخول على الحمام المقبولين، مرورا بانماط الحياة اليومية متل الحجاب و الصيام و العلاقات التجارية المسموحة و المرفوضة، و ايضا بانماط الحياة المصيرية متل الزواج و الميراث ...


الا اســـلام . تشــريع . ونظام حياه دين ودنيا كفل للمسلم . الدنيا ولاخــرة . لم يترك صغيرة ولا كبيرة في حياة المسلم . وهنا ليس مجال لشرح الاســـلام

والأ ســلام ليس كلمسيحية رهبنه . و ما لله لله وما لقيصر لقيصــر .

تحيز الادارة ضد الخليجيين
قلت و برجع بعيد انو ادارة اخوية بترحب بكل البشر ... بس بتميز السوري بشكل كبير و واضح عن غيرو ضمن الموقع، و بتعطيه حقوق و امتيازات خاصة فيه و بتتحيز الو ضد غيرو
هي سياسة الموقع
هيك صاحب الموقع يللي دافع عليه دم قلبو و عرق جبينو بيريد

يأ خي ميز الســوري زي ( ما بدك ) وتحيز الســوري زي ( مابدك ) بس لا تنســى انه وقت
ما يتجاوز السوري او غيره . الى معتقدات الناس وانتمائتها المختلفه مثل انتمائه لدوله معينه .
والخ . وانا هنا اقصد ( المسلم ) فأننا نتدخل في الحاله هذه مجبيرين شاء صاحب الموقع ام ابا
وكما هو يرا ان له الحق في وجهة نظره ايضا الغير له الحق في وجهة النظر . وهنا للحريه حدود وخطوط حمراء .


و نحنا كإداريين و مشرفين منربط الحمار مطرح ما بيقول صاحبو
و انتوا كأعضاء مرحب فيهم من حقكم تقبلوا هالسياسة و تبقوا اعضاء محترمين ... او تتركوا الموقع و الشقى على من بقا

اعتقد ان الاعضاء ليسو حميرا تربط حسب رغبات صاحب الموقع . وقت ما يغلط ندخل كمان في عينه وليس في الموقع فقط .

يعني ما حدا ضارب حدا ع ايدو يقبل او ما يقبل
كوجهة نظر شخصية ... انا شايف انو الزلمة معو حق

انت شياف انو معا ه حق . نعم معاه حق في حدود عدم التعدي على الاخرين .

و مع ذلك ... نحنا ما حجبنا الموقع عن السعودية و الخليج اجمالا .. عل و عسى (عشم ابليس بالجنة) انو يتكاتروا الخليجيين الكويسين باخوية

ياخى الخلجيين كويسين بس موقعكم هذا اجباري يغير مسار اي انسان كويس للعكـس . تماما . لكم فكر معين تريدون فرضه على الاخرين .

سا تقول لي انك لست مجبر على العضويه في الموقع . نعم انا لست مجبر . ولاكن موقعكم هذا على شبكه . لا يملكها صاحب الموقع . و لو عثر اي انسان على موقعكم هذا صدفة ووجد ما يسىء له فلن تستطيع انت او صاحب الموقع من منعه من الرد .

ان شاء الله بس يروق لك كلامي وما تروح تمارس ساديتك الى حسب رغبات صاحب الموقع . و تنعتني كم تنبه . وتكمل النا قص . وتقبل تحياتي




أبـــو أنمـــــــــــــــار

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////