-
دخول

عرض كامل الموضوع : مزارع شبعا ؟؟؟

me2
24/01/2006, 13:07
حدا يفهمني شو صاير .... مزارع شبعا منطقة حدودية فيها تداخل ... لهون فهمت ... بس ليش سوريا عم بتقول أن ترسيم الحدود مطلب اسرائيلي ؟؟ شو مصلحة اسرائيل ؟

وليش بعض اللبنانيين مستقتلين على ترسيم حدود شبعا ؟

كمان : ليش الأسد قال أنها مو سورية ؟ ليش ما قال أنها لبنانية ؟

طيب ليش اللبنانيين "جنبلاط" عم يربطو المزارع بالمقاومة وغطاء المقاومة ؟؟

فهمونا منشان الله ...
Hus
24/01/2006, 18:24
اي ..شوف المعطيات:
- مزارع شبعة سورية (بحسب خرائط الأمم المتحدة) الخرائط هاي بمنتصف الخمسينات الستينات ..
- مزارع شبعة لبنانية بحسب سايكس بيكو
- سوريا ليس لها حدود جغرافية مباشرة مع طبريا بحسب سايكس بيكو
- سوريا لها حدود جغرافية مطلة على بحيرة طبريا بحسب ال (1967)

الي بدها ياه سوريا:
ترسم الحدود مع لبنان بحسب سايكس بيكون (بيطلعلهم هيك مزارع شبعة وبيكون السوريين غطو المقاومة وشرعنوها)
وبدها اترسم الحدود مع اسرائيل (او فلسطين) بحسب ال 67 بمعنى بدنا نوصل لطبريا

كان الخلاف السوري الأسرائيلي باواخر التسعينات وقت المفاوضات (مفاوضات السلام) على وصولنا لطبريا ..
هني عطونا لبعد 20 متر عن طبريا .. واحنا مصرين نوصل لطبريا .. -نحن عم بنفاوض على حدود ال67-

الفكرة بالنسبة للسوري
اذا رسم الحدود مع لبنان بحسب سايكس بيكون (وعطيناهم مزارع شبعا) بينط الأسرائيلي بيقلك اي دامك رسمت مع لبنان على سايكس بيكون فبترسم معي على سايكس بيكون وعليه ما بيطلعلك توصل لطبريا

الفكرة بالنسبة للإسرائلي
نفس الشي بدو يانا نرسم مع لبنان على سايكس بيكو، بالتالي بيسقط حقنا بمالمطالبة بالوصول لطبريا

الفكرة بالنسبة لجنبلاط
اذا شبعا سوريا فالمقاومة فاقدة الشرعية .. وبنفس الوقت بيعرف انو ما بينفع احنا اليوم انرسم الحدود ونعطي شبعا للبنان كرمال ما اشرت ليه فوق

يعني كسرويا مصلحتنا انرسم مع لبنان على سايكس بيكون ومع اسرائيل على ال 67.. وعليه ما بينفع انرسم مع لبنان قبل ما انظبط اوضاعنا مع اسرائيل.. (متل ما اشرت سابقا بتصير بدها ايانا انرسم معها بنفس الصيغة -سايكس بيكو - بالتالي بيبطل يطلعلنا شط على طبريا ..
me2
24/01/2006, 23:59
من زمان مشتهي شوف سوري عم يحكي حكي مدوزن ..

الله يسعدك يا أحسن مستشار .. يعني مستشار مو أونطة ...

شكرا جزيلا ..

ممكن تكمل معروفك معي وتقلي اذا في وثائق مثلا على الانترنت أو في أي مكان ؟

واذا ما عندك ... فأنا اقتنعت جدا و شكرا كفيت ووفيت ..
yass
25/01/2006, 00:04
من زمان مشتهي شوف سوري عم يحكي حكي مدوزن ..


آخ من هالزمن اللي صارت فيه كلمة "سوري" مسبة !!!
طبعا ما عم أحكي عنك يا صديقي , ذاتا اذا مانك سوري بتفهم تماما أنو تفكر أنو كل السوريين همج
me2
25/01/2006, 00:19
أخي ياس :

أنا سوري لدرجة المرض ... يعني كوليسترول وشحوم ثلاثية وسكر دم و سوريا ... بس مو سوريا هيي اللي هلق شايفينا .. غير سوريا .. ما حدا شافها .. موجودة في قلبي فقط.
Willi
28/01/2006, 08:28
الي بدها ياه سوريا:
ترسم الحدود مع لبنان بحسب سايكس بيكون (بيطلعلهم هيك مزارع شبعة وبيكون السوريين غطو المقاومة وشرعنوها)
وبدها اترسم الحدود مع اسرائيل (او فلسطين) بحسب ال 67 بمعنى بدنا نوصل لطبريا

هلق انا ما فهمت عفوا يعني
انت عم تقول على حسب سايكس مزارع شبعة لبنانية
فشلون اذا رسمو الحدود مع لبنان على حسبها رح يطلعلهم مزارع شبعة وبيكونو السوريين غطو المقاومة ؟؟؟
me2
28/01/2006, 10:59
هلق انا ما فهمت عفوا يعني
انت عم تقول على حسب سايكس مزارع شبعة لبنانية
فشلون اذا رسمو الحدود مع لبنان على حسبها رح يطلعلهم مزارع شبعة وبيكونو السوريين غطو المقاومة ؟؟؟

يعني لحتى تصير المقاومة شرعية .. لازم تدافع عن أرض لبنانية وليست سورية ..
Willi
29/01/2006, 01:50
اي طيب بس معنات هالحكي انو السوريين ما رح يطلعلهون مزارع شبعا
انا هيك فهمت

بس حسام كاتب انو رح يطلعلهون
Tony 124
29/01/2006, 02:14
يا ولي لك وليييي عليك
القصه اكبر من مزارع شبعا القصه حدي بين بيبو (بشار )و جنبلاط
وكل المزارع اصغر من الحير
Willi
29/01/2006, 02:22
هلق انا ما عم اسال عن المساحة
بس انو ليش ما بيعملو على اساس سايكس
وهيك بيرتاحو من مشكلة اسرائيل
وما رح يكونو خسرو شي

هوي انا ما عم ناقش
بس الموضوع ما فهمتو
Tony 124
29/01/2006, 02:28
يا جادو يا حبيبي لما اهم الناس ب المنطق بيت قاتلو على ميت متر ما بت عود الاهميه ب الميت متر بت صير المشكله مين رح ينفذ الكلمه
Willi
29/01/2006, 02:55
يعني شغلة تتنيح وتكسير راس
\\\
29/01/2006, 04:26
اخي Dr_HUS

عندي سؤال.؟

ليه مايرسمون الحدود مع إسرائيل ولبنان بحسب خرائط الأمم المتحده ( 1967)..؟

وبكذا تكون معهم مزارع شبعا و طبريا

دمت بود
me2
29/01/2006, 12:01
يا جماعة الجواب واضح وما بدو كتير أخد وعطا .. والله ما عمبفهم سؤال الأخ تلت بك سلاشات ..
Willi
29/01/2006, 12:04
سؤالو متل سؤالي
انو انتو عم تقولو حسب الامم المتحدة
مزارع شبعا لسوريا وحدود سورية بتوصل لطبرية

فليش ما بيرسمو الحدود على اساس الامم المتحدة
بالوقت اللي ممكن يخسرو اراضي اكتر اذا رسموها على حسب سايكس
me2
29/01/2006, 12:48
يا شباب .. والله أنا ضعت .. ممكن ما تسعنلو ضمائر الغائب ؟؟؟ يعني مين اللي "ليش ما بيرسمو الحدود" ؟؟؟
me2
29/01/2006, 12:57
بس منشان الشباب يرجى ملاحظة مايلي :

لابد للسوريين من أن يكيلو بمكيالين .. ليش ؟ لأنو لبنان بلد عربي شقيق بينما اسرائيل عدو ومحتل .

"خسارة" مزارع شبعا للبنان فيها مكاسب استراتيجية منها دعم حزب الله و تحقيق توازن طائفي في لبنان .

يعني سوريا مستعدة تتخلى عن المزارع و تبقي على حقها بالحدود على البحيرة .. وبنفس الوقت اسرائيل بدها تعطي سوريا المزارع و تبعدها عن البحيرة ... لذلك الرئيس كان محق في كلامه أو طلب ترسيم المزارع هو طلب اسرائيلي ... لأنو رح يحط سوريا بين شرين الأول التخلي عن المطالبة بحدود على البحيرة والشر التاني هو خسارة حزب الله .
Willi
29/01/2006, 22:35
وصلت الفكرة
مشكور معلم
me2
30/01/2006, 10:57
وصلت الفكرة
مشكور معلم

تأمر حبيب .. باعتقد أنو أنتو أهملتو "بغير قصد" علاقة سوريا بحزب الله و أهميتها ضمن منظومة الدفاع عن الأرض و استرجاع الأراضي المحتلة ... و بالحقيقة حزب الله هو المنظومة .. يعني مافي غيرو لا جيش ولا بطيخ.
MR.SAMO
30/01/2006, 12:01
في كتل شعبي بيقول مو الحق على الرمانة القلوب مليانة
وهيدي قصتنا مع لبنان واللبنانيين
تحياتي
me2
30/01/2006, 13:00
في كتل شعبي بيقول مو الحق على الرمانة القلوب مليانة
وهيدي قصتنا مع لبنان واللبنانيين
تحياتي


حلوة وملعوبة ... شكرا
MR.SAMO
30/01/2006, 13:03
حلوة وملعوبة ... شكرا
اهلا فيك
me2
30/01/2006, 13:08
اهلا فيك

;-) أهلا فيك وحدك ... رجاء لا تكبر ...:lol: