حبيت اطرح هالموضوع لنتعرف على بعض الكتب يلي بتقرأوها
فالمطلوب هو انه اذا عجبكن كتاب قرأتوه فممكن نذكر عنوان الكتاب واهميته والكاتب ازا مافي مانع مع نبذة مختصرة عن مضمون الكتاب بيكفي سطر
وشكرا

مرحبا يا أخت حنان
هوي بالحقيقة هادا هوي الهدف الحقيقي و الاصلي و الوحيد من منتدى قرات لك... انك اذا قرات شي "كتاب" تحكيلنا عنو... بس الوضع شوي مكركب هون و في كتير مواضيع ما لازم تكون هون...

الظاهر ماحدا عم يقرأ كتب ,أو مو حابب يكتب عن أي كتاب قرأوا ليستفيد الجميع ,ولو أنو اطلع اطلاع بسيط عليه,يا جماعة وينكون, :(
طيب راح بلش أنا بكتاب قرأته عنوانه (الكشف عن تلمود اليهود )للدكتور متري هاجي أثناسيو
الكتاب رغم صغره بيحتوي على حقائق مهمة وخطيرة وعلى أحداث سببها التلمود اليهودي وبيوضح الفرق بين التلمود والتوراة وسبب نشوئه والافكار والقوانين القائم عليها التلمود ونظرته للبشرية كلها ,وبيذكر عن عادة تصفية دماء غير اليهود و كيف يضاف هذا الدم في فطير العيد.قد يشعر البعض انه كتاب ديني لكنه تاريخي يتضمن حقائق واحداث تاريخية .بنصح كل مثقف يقرأه .

طيب راح بلش أنا بكتاب قرأته عنوانه (الكشف عن تلمود اليهود )للدكتور متري هاجي أثناسيو
الكتاب رغم صغره بيحتوي على حقائق مهمة وخطيرة وعلى أحداث سببها التلمود اليهودي وبيوضح الفرق بين التلمود والتوراة وسبب نشوئه والافكار والقوانين القائم عليها التلمود ونظرته للبشرية كلها ,وبيذكر عن عادة تصفية دماء غير اليهود و كيف يضاف هذا الدم في فطير العيد.قد يشعر البعض انه كتاب ديني لكنه تاريخي يتضمن حقائق واحداث تاريخية .بنصح كل مثقف يقرأه .

مشكورة أخت حنان على هالمبادرة الطيبة اللي لازم تكون موجودة عند الجميع وأنا رح أحكي عن كتاب المركب السكران للكاتب الفرنسي آرتور رامبو اللي يعتبر مؤسس القصيدة النثرية في أوروبا ومن أبرز شعراء الحداثة والكتاب عبارة عن مجموعة قصائد شعرية بتوصف حالات انسانية مؤلمة بس حقيقية وبتجسد معانات الفقراء ومعانات الشاعر نفسه الذي كان من أسرة أرستقراطية بس موهبتو كانت أكبر من أن يبقى مع أسرته ومحبته للفقراء كانت سبب لنبذه من أهله والمجتمع المخملي الذي ولد فيه عاش حياة شاقة" وكان ينام أغلب الأيام تحت الجسور حيث كان يشرب الخمر ويكتب ويسهر حتى شروق الشمس التي كانت تتجلى في قصائده كثيرا" ..وقد قطعت ساقه وهو في عمر ال 22 سنة مما زاد من معاناته وبالتالي من ابداعه وقد توفي كما أغلب المواهب في ريعان الشباب وهو على أبواب الثلاثين ..
وأنا أنصح بقرأته لأنه من الكتب التي تحرك الانسان المدفون في داخلنا..
ولا تواخذونا..

اخت حنان
انا بعتقد انو بهل الفترة كتير قليل الواحد انو يقرأ كتب لانو الانترنت مخطى على كل وقتوا بس اكيد يلي ما الو قديم ما الو جديد
و انا بالنسبة الي قريت كذا قصة بس اكتر شي حبيتوا
هوي الاجزاء الثلاثة للكاتبة احلام مستغاني
1-ذاكرة الجسد
2-فوضى الحواس
3-عابر سرير
و انا اكتر شي عجبني بهل الروايات الثلاثة انو بتأخد لعالم مليء بالتناقض ان كان بالحب او بل الحياة العادية و الكاتبة بتبن انو الحب لما نعيشو هوي حب مكتوب قبل ما نعيشو و انا بنصح انو اي واحد انو يقراه لانو بجد كتير حلو على فكرة اذا ما قريتوا الروايات التلاتة ما رح تفهموا شي(انا اسف) بس لانو 3 مرتبطين ببعض

1-ذاكرة الجسد
2-فوضى الحواس
3-عابر سرير

:D والله أحلام مستغانمي دمعة وفعلا" اللي ما بيقرأ الروايات الثلاثة مرح يفهم شي :wink:

1-ذاكرة الجسد
2-فوضى الحواس
3-عابر سرير

:D والله أحلام مستغانمي دمعة وفعلا" اللي ما بيقرأ الروايات الثلاثة مرح يفهم شي :wink:
وانا من رايك ...... :!: :!: :!:

انا اخر كتاب قريتو هو كتاب الكتروني اسمو
(( Che Guevara Hero File )) يللي بيجكي اكيد عن سيرة حياة القائد ارنستو غيفارا
مع انو كلنا منعرف قصة حياتو بس مع هيك كتير استمتعت بقرايتو
ومشكورة حنان عالمبادرة اللطيفة ((صاحبة المبادرات اللطيفة :wink: )) وعالطرح الحلو لفكرة قديمة :D

في كتاب انتهيت من قراءته من يومين، اسمه ((شفرة دافنشي)) ...
وهو رواية من تأليف كاتب أمريكي ما كان مشهور قبل هالكناب، وبصراحة ما حافظ اسمه، بس لحد هلأ صار منباع أكتر من 8 ملايين نسخة منه في كل أنحاء العالم!!!!!

فكرة الكتاب هو قصة بوليسية تجري في فرنسا، في متحف اللوفر، تبدأ مع قتل القيم على المتحف... ويكون بطل القصة رجل أمريكي وحفيدة القتيل...
حتى الآن لا يوجد شيء يستحق كل هذا العدد الهائل من المبيعات!!! ولكن الفكرة هذه القصة البوليسية هي عبارة عن غطاء للأفكار التي أراد الكاتب إيصالها.. حيث يكشف ((برأيه طبعا)) عن وجود جمعية سرية اسمها جمعية سيون الدينية، هذه الجمعية تدعي معرفة حقيقة المسيح، وهي تقول أن يسوع يؤمن بالله الأنثى وأنه كان شخص عادي وتزوج من مريم المجدلية وسلالته معروفة حتى الآن... وهذه الجمعية ينتمي إليها: اسحاق نيوتن، ليوناردو دافنشي، فيكتور هيغو... وآخرين...

وبرأيي الرواية جميلة جدا، واالألغاز التي تطرحها جميلة، والموضوع الذي تناقشه يطرح (بالنسبة لي) للمرة الأولى...
وأنا لا أتفق مع تفاصيل هذه الرواية حول المسيح والكأس المقدسة، ولككني أحترم رأيه والطريقة الرائعة التي تناول بها الموضوع.....

ببساطة، لن أتكلم أكثر عن الرواية (مشان ما تبيخ)، ولكنه بالحقيقة كتاب يستحق القراءة...

كتاب آخر عم أقره هلأ... عنوانه: ((نص لص)) من تأليف بسام كوسا... إي إي ما تشابه أسماء.. المؤلف هو الممثل السوري الأكثر من رائع بسام كوسا...
والكتاب عبارة عن مجموعة قصص قصيرة، حوالي العشر قصص، موضوعها اجتماعي إنساني...
وهو من الكتب الجميلة حقا.. وأنا رح نزل من هذا الكتاب في قسم القصص القصيرة...

مشان كتاب شيفرة دافنشي .. عندي رفيق بحمص لما كنت هنيك حكالي كتير عن الكتاب ...و أنا كنت سمعان عنو من قبل كمان .. وقبل ما سافر بيومين حتى قدر الشب يلاقي نسخة من الكتاب .. وضل حاملو معو أول يوم كل الوقت (( بتذكر كان مرسوم على جلدة الكتاب صورة الموناليزا ... )) وبصراحة شوقتوني مشان إقرأ هاد الكتاب ... بقا ما بعرف أخ فارس إذا الكتاب كان عندك نسخة الكترونية فينك تخبرنا منين جبتها أو إذا في مجال تنزلو بالموقع .... لأنو عنجد أنا تشوقت إنو إقرأ هاد الكتاب ..
وبالنسبة إلي .. عمبقرأ بالأعمال الكاملة لنزار قباني .. و عنجد هالمجلد ما بينشبع منو .. هاي شي تالت مرة بقراه بحياتي ..
و جبت معي من سوريا رواية للفيلسوف الألماني جوته ... إسمه الآم فارتر .. بس إسا ما بعرف شي عن الكتاب .. بس حابب إقرأ شي لغوته و خصوصي إنو كتير كتير مشهور هون بألمانيا .. و إنشالله يكون حلو ..

مشان كتاب شيفرة دافنشي .. عندي رفيق بحمص لما كنت هنيك حكالي كتير عن الكتاب ...و أنا كنت سمعان عنو من قبل كمان .. وقبل ما سافر بيومين حتى قدر الشب يلاقي نسخة من الكتاب .. وضل حاملو معو أول يوم كل الوقت (( بتذكر كان مرسوم على جلدة الكتاب صورة الموناليزا ... )) وبصراحة شوقتوني مشان إقرأ هاد الكتاب ... بقا ما بعرف أخ فارس إذا الكتاب كان عندك نسخة الكترونية فينك تخبرنا منين جبتها أو إذا في مجال تنزلو بالموقع .... لأنو عنجد أنا تشوقت إنو إقرأ هاد الكتاب ..
وبالنسبة إلي .. عمبقرأ بالأعمال الكاملة لنزار قباني .. و عنجد هالمجلد ما بينشبع منو .. هاي شي تالت مرة بقراه بحياتي ..
و جبت معي من سوريا رواية للفيلسوف الألماني جوته ... إسمه الآم فارتر .. بس إسا ما بعرف شي عن الكتاب .. بس حابب إقرأ شي لغوته و خصوصي إنو كتير كتير مشهور هون بألمانيا .. و إنشالله يكون حلو ..


مشان نسخة الكترونية، بصراحة ما بعرف...

أما غوته فهو بالطبع مشهور ليس فقط في ألمانيا وإنما في كل أنحاء العالم... ولكن اللغة الإلمانية بحد ذاتها صعبة (خصوصاً الفلسفية منها) فكيف إذا ترجمت إلى العربية!!!! مشان هيك أنا بحس غوته كتير صعب....

و جبت معي من سوريا رواية للفيلسوف الألماني جوته ... إسمه الآم فارتر

كتاب رائع ولا تندم على جيبتو :D

مرحبا شباب أنا قريان كتير كتب بس أكتر شي حبيتو وحسيت أنو أستفدت منو هو مجموعة للكاتب الروسي(أنطون تشيخوف) والي هي عبارة عن أربع كتب (المسموحين بسوريا) تلت كتب منون عبارة عن قصص قصيرة وخواطر وفي شوية قصص طويلة والكتاب الرابع هو مسرحيات
أنا بنصح بقرائتهم لأنو عنجد كتير حلوين وحتى في بعض القصص بيبكو الحجر وبلخصو جزء كبير من الأدب الروسي ألي هو كتير حلو
هلأ بحمص ما بتوقع أنو تلاقون عند مكتبات عادية بس أكيد رح تلاقون بالمركز الثقافي
ملاحظة: نصيحة أذا كنت عم تقرأهم حاول تكون بوقت الشتوية وأنك تعد جنب الصوبية وجنبك كاست شاي عم تغلي غلي من شان تحصل على المتعة القصوة من القرأة :) :)

مرحبا شباب أنا قريان كتير كتب بس أكتر شي حبيتو وحسيت أنو أستفدت منو هو مجموعة للكاتب الروسي(أنطون تشيخوف) والي هي عبارة عن أربع كتب (المسموحين بسوريا) تلت كتب منون عبارة عن قصص قصيرة وخواطر وفي شوية قصص طويلة والكتاب الرابع هو مسرحيات
أنا بنصح بقرائتهم لأنو عنجد كتير حلوين وحتى في بعض القصص بيبكو الحجر وبلخصو جزء كبير من الأدب الروسي ألي هو كتير حلو
هلأ بحمص ما بتوقع أنو تلاقون عند مكتبات عادية بس أكيد رح تلاقون بالمركز الثقافي
ملاحظة: نصيحة أذا كنت عم تقرأهم حاول تكون بوقت الشتوية وأنك تعد جنب الصوبية وجنبك كاست شاي عم تغلي غلي من شان تحصل على المتعة القصوة من القرأة

مشكور عالهلنعلومة وانشاء الله رح حاول جيبهم لأني بحب الأدب الروسي .. :D

مشكور عالهلنعلومة وانشاء الله رح حاول جيبهم لأني بحب الأدب الروسي .. :D[/quote]
أهلا وسهلا :)

مرحبا شباب أنا قريان كتير كتب بس أكتر شي حبيتو وحسيت أنو أستفدت منو هو مجموعة للكاتب الروسي(أنطون تشيخوف)


أنطون تشيخوف... كاتب راائع بكل معنى الكلمة..
بس للأسف أنا ما بعرف غير مسرحياته، يعني باقي الكتب ما عندي!!

مرحبا شباب أنا قريان كتير كتب بس أكتر شي حبيتو وحسيت أنو أستفدت منو هو مجموعة للكاتب الروسي(أنطون تشيخوف)


أنطون تشيخوف... كاتب راائع بكل معنى الكلمة..
بس للأسف أنا ما بعرف غير مسرحياته، يعني باقي الكتب ما عندي!!
أخ فارس أذا عنجد بدك تقرأ الكتب الباقين أنا عندي ياهون كلون هن أربعة في واحد هون بأميركا وتنين بحمص أذا بدك تقرأهم بس خبرني
لأنو القصص القصيرة تبعيتو أحلى من المسرحياة بكتير وفي منا بتبكي الحجر لأنا بتمثل الألام ألي كان يعاني منا الشعب الروسي في ظل الحكم الأقطاعي والأستبدادي

أخ فارس أذا عنجد بدك تقرأ الكتب الباقين أنا عندي ياهون كلون هن أربعة في واحد هون بأميركا وتنين بحمص أذا بدك تقرأهم بس خبرني
لأنو القصص القصيرة تبعيتو أحلى من المسرحياة بكتير وفي منا بتبكي الحجر لأنا بتمثل الألام ألي كان يعاني منا الشعب الروسي في ظل الحكم الأقطاعي والأستبدادي

والله معك حق :(

حاليا عم بقرا كتاب ( أو بالأحرى موسوعة تقريبا لأنو هوي عبارة عن 6 أجزاء) اسمو " الملوك الملاعين" لكاتب فرنسي اسمو ماوريس درون...كتاب بالنسبة ألي حلو كتير لأنو بيحكي على شكل رواية عن سيرة ملوك فرنسا من أيام لويس التاسع و حتى سقوط الملكية في فرنسا , و بيحكي بشكل موثق كيف الحروب اللي شنتها فرنسا بهديك الأيام و اللي راحو فيها كتير ناس كانت نتيجة نزاعات شخصية بحتة و أو نزوة طيش من شي مراهق غبي حطو القدر و نسبو العائلي ملك...
الكتاب قديم شوي و ما بعرف اذا مترجم عالعربي...بس بنصح فيه كتير في حال توفرو...و خصوصا للناس يللي متلي ضد الملكية و الحكم بالوراثة
تحياتي

والله يا أبو مارل شي مغري شكلو هالكتاب ..ومادام أنت عم تقرأو فأكيد حلو :D :D

الموضوع جميل وفكرته رائعة لية ماحدش تابعوا
انه كل واحد يحكى عن كتاب قرا وبيحبوا
اكيد راح شارك فيه بس مش دلوقتى لانى ناسية كل اللى قريته

بصراحة أنا حاب اشارك في الموضوع لكي أستفيد و أفيد

الكتب الرائعة و الجميلة كثيرة جدا و أنا الان سأذكر شوي منها في كذا موضوع

الروايات من أواخر الروايات التي قرأتها رواية اسمها السجينة لمليكة اوفقير رواية رائعة حقا
و كذلك رواية بائعة الخبز الفرنسية و هي رواية تستحق القراءة

الأدب من أجمل الكتب الحديثة كتب الاديب علي الطنطاوي و خاصة صور و خواطر

في الموضيع الانسانية كتاب لا تحزن للدكتور عائض القرني كتاب جميل و ممتع جدا و قراءته سهلة و هو من اكثر الكتب العربية مبيعا و ترجم لكثير من اللغات

موضوع جيد ولكن التفاعل اقل من المطلوب

عموما

الكتب اللي قريتها واستفدت منها كثيرة ولله الحمد

اللي اتذكر منها :

1- نيلسون مانديلا رحلتي الطويلة من اجل الحرية

يسرد الزعيم الجنوب افريقي ذكرياته من طفولته في الارياف حتى دراسته الجامعية
ثم عمله في القانون ثم في الحزب السياسي ثم مطاردته وحياته هاربا ثم 27 عاما في السجن
من ضمنها 18 سنه في سجن جزيرة روبن واخيرا الحرية والرئاسة كتاب رائع ومفيد .

2- حياة في الادارة للكاتب والاديب الدكتور الوزير السعودي غازي القصيبي

كتاب لحياة ادارية تزخر بالانجازات والمصاعب من المدرسة الابتدائية حتى الدراسة في مصر
ثم الماجستير في امريكا ثم العمل في عمادة جامعة الملك سعود ثم رسالة الدكتوارة في بريطانيا
ثم العودة للوطن والمهمات الادارية الكبيرة من عميد جامعة الى مدير مؤسسة السكك الحديده
ثم وزير الصناعة والكهرباء ثم وزير الصحة ثم سفير في البحرين واخيرا سفير في بريطانيا
كتاب رائع واسلوب قصصي ممتع من الاديب غازي القصيبي .

3- كتاب انيس منصور 217 يوم حول العالم

في الواقع لم اكمل قراءة هذا الكتاب ولكنه كتاب رائع لرحلة حول العالم .. الهند واليابان وامريكا

وغيرها كثير , طبعا انيس منصور كاتب كبير و حسب علمي اكثر كاتب عربي في الانتاج الفكري وعدد

الكتب .

4- الكتاب الرائع الجميل الذي لن يمحى من ذاكرتي "" دورة مع الشمس "" للكاتب عبدالكريم الجهيمان

كتاب قرأتة و عمري 15 عام او 16 عام اي قبل 5 سنوات تقريبا ولازالت اذكر هذا الكتاب جيدا واسلوبة الرائع

اللذي يحكي قصة رحلة حول بلاد العالم الصين تايوان وهونغ كونغ وامريكا وفرنسا وغيرها .



5- كتاب "رحلة لباريس " للكاتب عبدالكريم الجهيمان

كتاب رائع جدا وسلس لرحلة الكاتب واقامته في فرنسا وباريس عاصمة النور .



6- كتب الشيخ الاديب الراحل "علي الطنطاوي" رحمه الله واسكنه فسيح جناته

صور وخواطر , تعريف عام بدين الاسلام , ذكريات , وكتابه في رحلتة لاندونيسيا ولا اذكر اسمه بالظبط .



7- كتاب الرجال من المريخ والنساء من الزهرة

كتاب جيد لفهم طريقة التصرف المثلى مع النساء ومع الرجال ... كتاب جيد ضروري للمتزوجين

او المقبلين على الزواج " ولست منهم ولله الحمد :lol: " .


8- كتاب كفاحي للاسطورة " ادولف هتلر "

قرات ملخص الكتاب المنشور باللغة العربية ... كتاب عادي ولكني وضعته هنا من اجل كاتبه :pos:


9- كتاب TrueSuccess وقمت بانزال هذا الكتاب على جهازي من هذا المنتدى الرائع

كتاب رائع لتحسين الذات والارتقاء بتفكير وطموح الشخص .


10- كتاب لاتكن لطيفا اكثر من اللازم .

كتاب من اكثر الكتب مبيعا حول العالم ... يختص بالاشخاص مرهفي الاحساس الذين يجعلون رضى الناس

مقياس لافعالهم ولايصاحبون الا الاصدقاء الذين يثقون بهم ثقة تامه وعند ادنى خطأ من هاولاء الاصدقاء يتركونهم

الذين لايجدون صديق بهذه الدنيا ويحاولون ارضاء الناس ولكن يكتشفون ان افعالهم تذهب ادراج الرياح

ببساطة كتاب مفيد ورائع لمن يحاول ان يصل الى الكمال ولا يسامح نفسه باي تقصير ويجتر اخطاء الماضي

دائما بشكل يفسد عليه حياته . هذا الكتاب من الوسائل للخروج من هذا الفكر العقيم .



هذا مايحظرني حاليا اتمنى اني افدتكم .

حالياً عمبقرا كتاب "عشت لأروي " لـ غابرييل غارسيا ماركيز ... وهو مذكراته الشخصية ، لما بخلصو رح اكتب عنو اما الكتاب المهم فهو "الأخوة الأعداء "لـ نيكوس كازانتزاكيس بيحكي فيو عن الحرب الأهلية اليونانية وهو كتاب مميز بمستوى زوربا ، تقرير إلى غريكو، المسيح يصلب من جديد ...بس للأسف مفقود من المكتبات ... خلال 10 أيام رح اكتب مقتطفات منو و احطها بـ "قرأت لكم

7- كتاب الرجال من المريخ والنساء من الزهرة

كتاب جيد لفهم طريقة التصرف المثلى مع النساء ومع الرجال ... كتاب جيد ضروري للمتزوجين

او المقبلين على الزواج " ولست منهم ولله الحمد :lol: " .


انا بحب الكتاب دة جدا وفعلا كنت ناوية اتكلم عنه وهو موجود بأخوية كمان
هو بيفترض ان الرجال من كوكب المريخ والنساء من كوكب الزهرة وبينزلوا الاتنين على كوكب الارض وبينسوا ان كل واحد ليه طبيعة مختلفة ومن هنا بتبدأ الخلافات ان كل واحد بيتوقع من التانى رد فعل بطريقه تفكيرة مش طريقة تفكير غيره وبعدها بيحكى عن طبيعة الحياة فى المريخ واية اللى بيحبوه واية اللى بيعملوه واية اللى بيحصل فى الزهرة وكانوا عايشين ازاى وبيحبوا اية وبعدها نصائح للرجل والمراة وبالنهاية بيتكلم عن الحب وفصوله (ربيع الحب-صيف الحب-خريف الحب - شتاء الحب)
بجد كتاب حلو اوى يارب يعجبكم

أول شي الموضوع مو حلو بس.............الموضوع خارق:o
أنا حاليا عم أقرا (حرب الثلاث سنوات1967__1970) لوزير الحربية السابق الفريق أول محمد فوزي
الكتاب عم يحكي بالبداية عن أسباب خسارة 67 من العدوان الثلاثي للوحدة والانفصال بين سوريا ومصر مرورا بصراع السلطة بين المشير عبد الحكيم عامر وجمال عبد الناصر للتحضير لحرب 73 الي كانت مقررة بخريف 70 وتأجلت بسبب موت جمال عبد الناصر لربيع 71 وباقي أسباب التأجيل لل73 الكاتب ما بيعرفها لانو كان بطل وزير

وحابب انصح ببعض الكتب إلي قرأتهاإلي برأي انها جميلة :
1- المجموعة الكاملة للمؤلفات العربية لجبران خليل جبران
2- الحرب والسلام لتولستوي
3- مجدولين ترجمة المنفلوطي
4- الشاعر ترجمة المنفلوطي
5- برتوكلات حكماء صهيون
6- الاستنزاف الاخلاقي مؤلف فرنسي ترجمة سهيل أبو فخر

انو الواحد بيحتار شو بدو يقرا ليقرا مشان هيك فكرت انو كل واحد يكتب شو احلى كتاب قرأه ولمين الكاتب
روايات او قصص
وهيك الواحد بيتعرف عن الكتب جديدة كانت او قديمة

أجمل الروايات العربية ليالي ألف ليلة لنجيب محفوظ والجزء الأول من الثلاثية بين القصرين ورواية الشحاذ
شرق المتوسط لعبد الرحمان منيف موسم الهجرة الى الشمال للطيب صالح
أجمل المسرحيات مسرحية السد لمحمود المسعدي شهرزاد توفيق الحكيم منمنمات تاريخية لسعد الله ونوس والمهرج للماغوط
وفي الرواية العالمية رواية صورة دوريان غراي لأوسكار وايلد

دمجت الموضوعين ..
لأنو بنفس الفكرة ..
:fglasses:

كتاب آخر عم أقره هلأ... عنوانه: ((نص لص)) من تأليف بسام كوسا... إي إي ما تشابه أسماء.. المؤلف هو الممثل السوري الأكثر من رائع بسام كوسا...
والكتاب عبارة عن مجموعة قصص قصيرة، حوالي العشر قصص، موضوعها اجتماعي إنساني...
وهو من الكتب الجميلة حقا.. وأنا رح نزل من هذا الكتاب في قسم القصص القصيرة...
:lol: كتاب ... جميل لو كنت لاقيتو
:cry::cry::cry: فتلت حلب كلها ... وما كنت لاقيه ..

بس شو مشان انو نازل من ال 2005:shock:

نيكوس كزنتزاكيس وأعماله كلها .. :lol: ( وخاصة زوربا .+ ومن جديد الأخوة الأعداء لأنو رهيبة بجد )
غادة السمان ومعظم أعمالها ( وخاصة رواية بيروت 75 )
:fheart:

من اكتر الموضوعات اللى كانت عجبانى هو دة وكنت بزعل لانى مش شايفة فى تفاعل
المهم ميرسى لاحياء الفكرة من جديد

بستمتع باعمال احلام مستغانمى يعنى ثلاثيتها من اجمل الروايات.. اسلوبها بيجنن

حلوة الفكرة.
رح سمي احلى الكتب اللي قرأتها
دميان لهرمان هيسة.
الاخوة كارمازوف لدوستويفسكي.
موجز تاريخ الزمن للدكتور ستيفن هوكنغ.
الكون للدكتور كارل ساغان_موجود باخوية سلسلة عالم المعرفة.
هكذا تكلم زرادشت لنيتشة.
قريت مبارح سياف الزهزر للماغوط كتير بضحك وظريف.
زوربا لنيكوس كازانتزاكسي.و القائمة كتير طويلة بس هاد اللي تذكرتو...

حلو هالموضوع

من احلى الكتب اللي قريتا السنة الفاتت,

رواية (-ذاكرة الجسد-فوضى الحواس-عابر سرير) للكاتبة احلام مستغاني

الاخوة كرامزوف مع اني ماحبيت الجزء التاني ;-)

رواية (طريق العودة..نائب عزرائيل) ليوسف السباعى،

حاليا عم اقرأ كتاب اسمو تنبؤات نوستراداموس للدكتور شرف الدين الاعرجي الكتاب بيحكي

عن التنؤات اللي تنبأ نوستراداموس ئبل شي خمس قرون والمثير والبيفلج عن جد انو

هالتنبؤات فعلا تحئئت :shock:كيف ماعم ستوعب:o

لساتني مبلشى فيه مبارح شي بخلصو بئلك انطباعي عنو مع اني فايت بمية حيط :frown:

ويسلمو ع الفكرة:D

لاخوة كرامزوف مع اني ماحبيت الجزء التاني
انو كيف ما عجبك مع انو بدونو ما بتكتمل الرواية
اي قسما بالله النهاية بتبكي الدبب....بذكر اني قفلت باب غرفتي عحالي شي ساعتين لما خلصتها.

نائب عزرائيل
انا بدات اقراه من حوالى 3 سنين بس حصلت ظروف وما كملته وبعدين الكتاب مش عارفه راح فين هو يمكن كنت واخدة فكره عن نهايتة بس بجد شىء رائع
يعنى تخيل انه انت روحك انقبضت بالخطأ ولقيت نفسك مش فى كشف اللى هيتحاسبوا وبيحتار فيك عزرائيل وبعدين بيخليك نائبه لان عنده ميعاد مع حبيبته

انو كيف ما عجبك مع انو بدونو ما بتكتمل الرواية
اي قسما بالله النهاية بتبكي الدبب....بذكر اني قفلت باب غرفتي عحالي شي ساعتين لما خلصتها.


مابعرف بس لئيت الجزء التاني ممل شوي والنهاية ماحبيتا :notok:

روايـة ][ بول و فرجيني][ لـ الـكـاتـب الـفـرنـسـي ][ برنادين دي سان بيير ][

والله الفكرة حلوة كتير ...

أخر كتاب قرأته هي رواية :


دموع على سفوح على المجد

بقلم الدكتور عماد زكي



تتناول هذه الرواية حياة شاب طموح جداً وخلوق وطالب نابغة بين زملاؤه في كلية الطب . يمر عبر حياته بموجات من الوعي و الإدراك و العاطفة و الحب .

يرشده صديقه المخلص إلى طريق الهداية و الدين وذلك بمناقشة واعية يُبين فيها ظاهر الدين و حقيقته الواجبة , مع الإشارة إلى الواقع الأخلاقي المتردي الساري بالمجتمع المتأثر بتيارات العالم الموحية بسعادة الإنسان .

الرواية قصة حقيقية حصلت في ثمانينيات القرن الماضي .

أود أن أضع بعض من الاقتباسات المميزة من القصة , وبالحقيقة هم كُثر , لكني اقتطعت ما تيسر بسبب قيود حقوق النشر , أرجو ان تنال إعجابكم :





اقتباس :

الله .. هو الحقيقة التي انحسرت من حياتنا فغابت بغيابها كل القيم النبيلة و أصبحت الحياة أشبه بغابة !..

اقتباس :

لماذا لم يحظ هذا الدين الذي ينتمي إليه باهتمامه وهو الذي لا ينجو من فضوله شيء؟ .. كيف تسرب إلى ذهنه أن الإسلام مجرد صوم وصلاة ؟ .. كيف غابت عنه هذه الآفاق الرحيبة التي نقله إليها صديقه سعد ؟ .. تساؤلات عاصفة شتى تهز ضميره بقوة فينفض عنه ركام الأوهام و المفاهيم المزيفة الدخيلة , ويتهيأ للانطلاق نحو الحقيقة الخالدة في رحلة بحث طويلة..







اقتباس :
لقد جربت البشرية كل المذاهب والفلسفات فلم تجنِ منها إلا التمزق والضياع . لقد أخفقت كل الأنظمة الأرضية في تأمين السعادة الحقيقية للإنسان.. في إيجاد التصور الذي ينسجم مع إنسانيته بجوانبها المختلفة.. التصور الذي يُشبع جسم الإنسان وعقله وروحه .



لقد استطاعت حضارة اليوم أن تشبع جسد الإنسان وأن تقدم له ما يحتاجه من وسائل المتعة والراحة, واستطاعت أن تشبع عقله بالتقدم العلمي المذهل الذي أوصله إلى القمر , وحلّ له الكثير من أسرار الكون و ألغاز الحياة , لكن روحه بقيت خاوية عطشى يعذبها الظمأ إلى القيم العليا , و يقلقل كيانها الضياع , فلا هي تدري لماذا وُجدت ولا إلى أين تسير ؟ , تجهل غاية وجودها ومعناه.. و يلف مصيرها الغموض ".


اقتباس :
ماهي نظرة الإسلام للحب ؟

الحب ؟ .. الحب عاطفة إنسانية نبيلة أودعها الله في قلب الرجل و المرأة ليكون الشرارة المقدسة التي تولد الحياة وتضمن استمرارها على الأرض .

الحب طاقة روحية طليقة لا تخضع لقوانين العقل وتفسيراته


_ الحب في ذاته ليس حراماً.. لكن الإسلام يرفض أن يكون الحب ذريعة للانحراف و الفساد ووسيلة لتحقيق مآرب رخيصة, فباسم الحب تُرتكب الآن أرذل الجرائم و تُخدع نفوس طاهرة بريئة خفقت في فؤادها تلك العاطفة الفطرية النبيلة , فاستغلها آخرون من أصحاب الأهواء المريضة وقادوها إلى مواطن الرذيلة و الفساد وجردوها من أخلاقها و عفتها وحطموا سمعتها و مستقبلها

آخر ما قرأت كتاب فرويد قلق في الحضارة
وهو اكثر كتب فرويد قربا من الفلسفة حيث يعيد النظر في القيم الحضارية عبر الكثي من القضايا

غريبة هيك موضوع حلو يوقف من سنة ما حدا شارك فيه

آخر كتاب قرأته هو رواية للكاتب الكبير ( عبد الرحمن منيف ) بعنوان ( سباق المسافات الطويلة )
وبرأيي هو اجمل ما كتب عبد الرحمن منيف بتحس حالك وإنته عم تقرأ إنك عم تقرأ لكاتب عالمي خصوصا إنو موضوع الرواية كمان عالمي.. بس أسلوب الكاتب بهالرواية غير كل رواياته من قبل.

.
يسلمووووووو على هالموضوع الجميل
:D