كان من المنتظر أن يعلن الرئيس بشار الأسد عن قرب صدور قانون للأحزاب في الجمهورية العربية السورية في خطابه الأخير أمام المحامين العرب , الا أن ما حدث كان مجرد وعد باصدار هذا القانون دون الدخول في التفاصيل.

ما يهم في هذا الموضوع ليس الموقف من هذا الخطاب أو الموقف من بشار الأسد .


أدعو رواد المنبر الحر للتعبير عن آراءهم و تطلعاتهم تجاه قانون الأحزاب الافتراضي , هل أنت مع أو ضد صدور قانون أحزاب جديد في سوريا , و ماهي ملاحظاتكم على هذه الأخبار .

بانتظار آراءكم...

طبعا انا ضد الحززي الشمولي
وبتمى اليوم قبل بوكرة يطلع قانون الاحزاب
بس بتمنى انو ما يكون بين الاحزاب احزاب دينية او عرقية
لانو هيك احزب بتكرس الفرقة بسن ابناء الشعب
واكيد المجموعة الاكبر من عرق او طائفة معينة
راح يكون الها نصيب اكتر من غيرها وانا ضد هالشي
انا بحب انو يكون الحرب علماني يضم كل الاديان والاعراق
وشكرا
:سوريا: شكرا ياس على الموضوع

أنا طبعا مع صدور قانون أحزاب دون شروط (دون شروط فكرية ...أكيد أنا ضد أن يكون لهذه الأحزاب ميليشيات و جماعات مسلحة...الخ) .
لست ضد الأحزاب القومية طالما أنها تحترم الدستور السوري و تحترم وحدة الأراضي السورية.
لست ضد الأحزاب الدينية المعتدلة , التي تحترم حرية الفكر و الاعتقاد .

أنا مع صدور قانون الأحزاب بشرطين أساسيين
1- إلغاء المادة رقم 8 حتى يقدر هادا القانون يأمن المساواة لجميع الأحزاب تحت رايتو
2- أن يقوم هذا القانون على أساس مبدأ شرعية الجرائم و العقوبات أي لا جريمة و لا عقوبة إلا بنص قانوني
و بهالحالي الأحزاب يلي ارتكبيت مخالفات قبل صدور هالقانون ما رح تتحاسب كأحزاب بس يمكن يتحاسبوا أعضاء هالأحزاب كأشخاص

طبعا أنا مع قانون أحزاب جديد !!!
لانو القانون الحالي (طبعا اذا سلمنا بوجوده!!) هو قانون الحزب المركزي الواحد :gem: !!!!

و بضم رأي ل حسون بخصوص المادة 8 من الدستور !!

انا مع صدور قانون احزاب جديد
لاكن ضد انو يكون حزب ديني

ومتل ما قال ياس
أنا ضد أن يكون لهذه الأحزاب ميليشيات و جماعات مسلحة...الخ) .

لانو القانون الحالي
بالوقت الحالي ما في قانون أحزاب بسوريا
لاكن ضد انو يكون حزب ديني
ملاحظة : أنا ضد أنو يكون قانون الأحزاب بدو يحدد لهالأحزاب كيف بدو يكون توجهها السياسي أو الفكري
الأخزاب بحقلها تطرح الأفكار و الشعارات يلي بدها إياها و الشعب بيختار

انا مع تشكيل قانون الاحزاب

هلأ مشان الاحزاب الدينية و العرقية

عندي توجه كتير حلو بيحل الازمة ...
كل حزب بيسمح بانتماء اي مواطن سوري بيتمتع بالاهلية القانونية لصفوفو هوي حزب مقبول .. و غير ذلك لأ
يعني ازا في حزب ما بيقبل الارمني السوري بصفوفو هاد حزب واجب منعو
ازا في حزب ما بيقبل الدرزي بصفوفو هاد حزب واجب منعو كمان و هيك

و معكم بمنع مظاهر التسليح للحزب و اقتصار التسليح على الجيش و رجال الامن

و ضد التمويل الخارجي للاحزاب
لا تقولوا مهاجرين و مغتربين و ما بعرف شو ...
اول ما ينفتح هالباب رح تصير حاكمتنا هيي السعودية و فرنسا و اميركا و .... الخ

نحنا بدنا احزاب سورية تحكمنا

أنا برأيي انو مو هلق وقتو ليش:
أولا يجب أن يسبق هذا القانون اعطاء الحريات على صعيد المؤسسات و على صعيد الفرد.. يعني مو معقول شعب الو 35 سني نايم تجي تفيقو على قانون أحزاب أو بدو يكون القانون مفصل وبتكون شغلتك تلبس بدون اي اعتراضت يعني على شكل أحزاب الجبهة..
بعدين قانون الأحزاب مفروض يكون نتيجة للديمقراطية.. مو لأنو عم ينحكى عن الديمقراطية بنعمل قانون أحزاب (يعني ضحك على الذقون)

أنا برأيي انو مو هلق وقتو ليش:
أولا يجب أن يسبق هذا القانون اعطاء الحريات على صعيد المؤسسات و على صعيد الفرد.. يعني مو معقول شعب الو 35 سني نايم تجي تفيقو على قانون أحزاب أو بدو يكون القانون مفصل وبتكون شغلتك تلبس بدون اي اعتراضت يعني على شكل أحزاب الجبهة..
بعدين قانون الأحزاب مفروض يكون نتيجة للديمقراطية.. مو لأنو عم ينحكى عن الديمقراطية بنعمل قانون أحزاب (يعني ضحك على الذقون)
يعني ما بعرف شو بدي قول
معطك حق رواد
حرية احزب
بدون حريات ضحك على اللحى بس يعني براي بس يعطوا الحرية للاحزاب
حكما راح يكون في حريات عامة

يعني ما بعرف شو بدي قول
معك حق رواد
حرية احزب
بدون حريات ضحك على اللحى بس يعني براي بس يعطوا الحرية للاحزاب
حكما راح يكون في حريات عامة
بس الفكرة أنو على الوضع الراهن انا بشوف انو اذا ما رح يكون في حريات قبل الاحزاب رح تكون مثلو مثل مجلس الشعب مثل الجبهة مثل...............
وبدون الحريات يعني القانون اللي بينطرح على مجلس الشعب بجتمعو هل كم مهرج وبيرفعو ايدهون للتعبير على الموافقة عليه وبدون ما يكلفو حالون وحتى يقرو للقانون وبيتوافق على القانون على شكلو بدون اي تعديل.. وبصير في أحزاب جديدي بس {لصاحبها حزب البعث} (بتعرفها هي النكتي).........

بس الفكرة أنو على الوضع الراهن انا بشوف انو اذا ما رح يكون في حريات قبل الاحزاب رح تكون مثلو مثل مجلس الشعب مثل الجبهة مثل...............
وبدون الحريات يعني القانون اللي بينطرح على مجلس الشعب بجتمعو هل كم مهرج وبيرفعو ايدهون للتعبير على الموافقة عليه وبدون ما يكلفو حالون وحتى يقرو للقانون وبيتوافق على القانون على شكلو بدون اي تعديل.. وبصير في أحزاب جديدي بس {لصاحبها حزب البعث} (بتعرفها هي النكتي).........
لا تقلي مجلس شعب
لانو بتذكر مسرحية عبد الحليم خدام
:lol: :lol: :lol: :lol:

بس الفكرة أنو على الوضع الراهن انا بشوف انو اذا ما رح يكون في حريات قبل الاحزاب رح تكون مثلو مثل مجلس الشعب مثل الجبهة مثل...............
وبدون الحريات يعني القانون اللي بينطرح على مجلس الشعب بجتمعو هل كم مهرج وبيرفعو ايدهون للتعبير على الموافقة عليه وبدون ما يكلفو حالون وحتى يقرو للقانون وبيتوافق على القانون على شكلو بدون اي تعديل.. وبصير في أحزاب جديدي بس {لصاحبها حزب البعث} (بتعرفها هي النكتي).........

خيو كلامك صح لازم يكون في حريات بس عفكرة في شغلة انت نسيانا انو ما بيصير حريات من دون احزاب يعني وين بدو الفرد يعبر عن رأيو ما رح يطلع على الشارع ويعيط يعني مثلا القوميين كانو ما يسترج يتحلفضو هلق اذا الحكومة قررت انو تعمل قانون حريات بكون اول خطوة هي انو تسمح للأحزاب بمارسة نشاطا وهيك بيقدر القومي انو انو يروح على الحزب تيعو ويعطو رأيو من دون ما يخاف بمعنى تاني الأحزاب هي خطوة اولى لأعطاء الحريات ما العكس

وانا اكيد مع وجود الأحزاب بس المشكلة انو هادا القانون متل كتير من القوانين الي انطرحت وما طبقت كما يجب بس نشاء الله منتأمل خير لأنو متل ما قلت هاي اول خطوة لأعطاء الحريات

خيو كلامك صح لازم يكون في حريات بس عفكرة في شغلة انت نسيانا انو ما بيصير حريات من دون احزاب يعني وين بدو الفرد يعبر عن رأيو ما رح يطلع على الشارع ويعيط يعني مثلا القوميين كانو ما يسترج يتحلفضو هلق اذا الحكومة قررت انو تعمل قانون حريات بكون اول خطوة هي انو تسمح للأحزاب بمارسة نشاطا وهيك بيقدر القومي انو انو يروح على الحزب تيعو ويعطو رأيو من دون ما يخاف بمعنى تاني الأحزاب هي خطوة اولى لأعطاء الحريات ما العكس

وانا اكيد مع وجود الأحزاب بس المشكلة انو هادا القانون متل كتير من القوانين الي انطرحت وما طبقت كما يجب بس نشاء الله منتأمل خير لأنو متل ما قلت هاي اول خطوة لأعطاء الحريات
هدا الحكي صح وما بنختلف عليه..
بس أنا فكرتي انو قانون الأحزاب القيادي السياسي هي اللي عم تحطو واللي هي بعثية.. هذا القانون دستوريا لازم يتناقش بمجلس الشعب وويتم اقراره هنيك.. هي كمان ما فيك تنكر انو مؤسسي بعثية..
يعني ما في حدا رح يعترض على القانون وبحطو الشروط التعجيزية اللي بتناسبهم.. بعدين لو الاحزاب هي الحل ما هي في احزاب بالجبهة وعن جديد انضم القومي السوري الون بس بحياتي ما سمعت خطاب لأي أمين عام لحزب من احزاب الجبهة الا وفكرتو بعثي

هدا الحكي صح وما بنختلف عليه..
بس أنا فكرتي انو قانون الأحزاب القيادي السياسي هي اللي عم تحطو واللي هي بعثية.. هذا القانون دستوريا لازم يتناقش بمجلس الشعب وويتم اقراره هنيك.. هي كمان ما فيك تنكر انو مؤسسي بعثية..
يعني ما في حدا رح يعترض على القانون وبحطو الشروط التعجيزية اللي بتناسبهم.. بعدين لو الاحزاب هي الحل ما هي في احزاب بالجبهة وعن جديد انضم القومي السوري الون بس بحياتي ما سمعت خطاب لأي أمين عام لحزب من احزاب الجبهة الا وفكرتو بعثي

صدقني اول سطر مافهمت عليك شو قصدق بس القسم التاني صح كلامك وهادا الي قلتو انا بالأخير قانون الأحزاب متل كتير من القوانين انطرح بس لسا ما اشتغل مظبوط

يا جماعة بتصور انو فكرة الموضوع انو لو (و ركزولي على كلمة لو) كان بايدكم قرار قانون الاحزاب ... شو رح يكون شكلو ؟؟؟

كل حزب بيسمح بانتماء اي مواطن سوري بيتمتع بالاهلية القانونية لصفوفو هوي حزب مقبول .. و غير ذلك لأ
بس هاد الحكي مانو مقبول
لأنو بهيك حالي بنكون عم بنتدخل بالشؤون الداخليي للأحزاب من قبل السلطة
يعني هادا موضوع بحددوا القانون الداخلي للأحزاب
و للمعلومات بكل حزب في شروط انتساب
البعض بحط العمر و البعض الآخر بحط الكفاءة و البعض الآخر بحط الدين أو العرق


أما بالنسبي لأيا شغلي لازم تكون أول قانون الأحزا وللا الحريي فأنا بشوف
بأنو أول شي لازم تلغى المادي رقم 8 و تلغى حالة الطوارئ
و بعدين بصير في قانون أحزاب
يا جماعة بتصور انو فكرة الموضوع انو لو (و ركزولي على كلمة لو) كان بايدكم قرار قانون الاحزاب ... شو رح يكون شكلو ؟؟؟
1- ترخيص جميع الأحزاب بشرط عدم مخالفة الدستور و عدم استخدام السلاح و عدم تنسيب أعضاء عسكريين
2- تعتبر الأحزاب شخصيات اعتبارية
3- العمل على مبدأ شرعية الجرائم و العقوبات

طبعا هاي رؤوس أقلام

البعض الآخر بحط الدين أو العرق

هالحكي ما بينفع ... المفروض أنو دستوريا كل المواطنين متساوون في الحقوق و الواجبات.
هلأ بألمانيا في حزب اسمو المسيحي الديمقراطي ... طبعا واحد مسلم ما راح يفكر يدخل فيه ...بس لو عنت ع بالو و راح ينتسب ماراح يسألوه شو دينو...فهمت كيف؟

مرحبا حسون


بس هاد الحكي مانو مقبول


خلينا ندرس الحكي يللي قلتو قبل الحكم عليه

انا قلت كل مواطن سوري اولا و يتمتع بالاهلية القانونية تانيا
هلأ سوري بتصور انها مفهومة
اما الاهلية القانونية فمعناتا انو ...
1- ما بيصير يكون الزلمة مجرم ضد الدولة او المجتمع
2- ما بيصير يكون اخوت او اهبل او اجدب او مجنون ... يعني قانونيا ما بيصير يكون سفيه او مجنون او مغبون غبن استغلالي او معتوه
3- لحتى يتمتع بالاهلية القانونية لازم يكون بلغ سن البلوغ القانوني


و للمعلومات بكل حزب في شروط انتساب
البعض بحط العمر

على عيني ... و لاحظ انو الاهلية القانونية شملت هالشي
هلأ مو معقول يجي حزب البعث ينسب ولاد عمرهم 10 سنين بصفوفو
و لا حتى عمرهم 16 سنة ... يعني هدول الناس قانونيا ما عندهم القدرة على اختيار نمط حياتهم لا عنا و لا باميركا
فيك ازا حابب تتوجه (كونك حزب على فرض) لهالشريحة انك تعمل اندية او تعمل جمعيات او حركات ... الخ
بس ما بيجوز تنسب عالم زغار بقلب حزبك

اما بخصوص الناس الكبار بالعمر (يعني ستين و طالع مثلا) فمتل مو شايف حزب كاديما الاسرائيلي كل اعضاءو انتسبولو فوق الستين ... و هاد الحزب رح يقود اسرائيل ع شوي
يعني ما في مشكلة بتحديد سن للانتساب ... اصلا نحنا عم نحكي عن حزب سياسي مو حزب رياضي شغل عضلات و هيك...


البعض الآخر بحط الكفاءة

معلش تشرحلي شو يعني كفاءة بمفهومك الحزبي ؟؟؟
يعني على فرض انو انا حابب انتسب لحزب جبهة تحرير الاخوية تبعك انت و رفقاتك ... شو هيي الكفاءة المطلوبة مني ؟؟؟؟
اني دق ع العود مثلا ؟؟؟
و اللا يكون معي 2 دان بالجودو ؟؟؟
و اللا بعرف صلح سيارات ؟؟؟
شو هيي الكفاءة الحزبية حسب مفهومك ؟؟؟؟

بعدين مين هوي يللي رح يقرر هالكفاءة ؟؟؟
بعدين ازا الحزب كلو ناس كفؤين حزبيا ... يعني رح يكون عنا حزب كلو روس ... و خود على مصايب على زعامة الحزب

يتبع بس اجاني زبون

يعني على فرض انو انا حابب انتسب لحزب جبهة تحرير الاخوية تبعك انت و رفقاتك ... شو هيي الكفاءة المطلوبة مني ؟؟؟؟

ما مطلوب مناك كفاءة بس مطلوب مناك أناك ما تكون إداري
:lol: :lol: :lol: :lol: :lol: :lol: :lol:
معلش تشرحلي شو يعني كفاءة بمفهومك الحزبي ؟؟؟
يعني مثلا يا سيدي
مرة واحد باللجني المركزيي لحزب العمال الثوري قلي أنو الواحد لازم يكون قريان كميي كبيري من الكتب لحتى ينتسب لحزبون

و عفكرة أنا متحفظ على هالفكرة
بعدين مين هوي يللي رح يقرر هالكفاءة ؟؟؟

الحزب أو نظامو الداخلي أو قيادتو
بعدين ازا الحزب كلو ناس كفؤين حزبيا ... يعني رح يكون عنا حزب كلو روس ... و خود على مصايب على زعامة الحزب
لك شو دخل هاي بهاي
و بعدين أنا ما قلت أني مع شرط الكفاءة أنا قلت
البعض
و شددلي على كلمة البعض

و كمان أنا زكرت شغلتين
هادا موضوع بحددوا القانون الداخلي للأحزاب
بكل حزب في شروط انتساب
و إنتا ما انتبهت غير عالشغلي التانيي

هلأ من شان شغلة القانون الداخلي أو النظام الداخلي للحزب فما بتصور أنو قانون الأحزاب بحقلو يتدخل بالنظام الداخلي للأحزاب و ما بحقلو يفرض أعضاء على هالحزب بدون ما يكون بدو
يتبع بس اجاني زبون
بدو حشيش
:lol: :lol: :lol: :lol: