دروس بالموسيقا و المقامات الموسيقية [الأرشيـــــف] - صفحة 5

شنكاش

19/09/2007, 13:25

شكراً للكل على الموضوع المتميز و بهني كل اللي اشتغلو و بالتوفيق لكل المتابعين و انشالله ينالوا أقصى استفادة .
إذا بتقبلوا فيني كمساعد ما ببخل أبداً ... و انا عازف بيانو من 8 سنوات و عندي YAMAHA PSR A1000 آله متقدمة جداً و ممكن فيد كتير بالميدي .
بلكي منتساعد سوا على تخريج أول طالب من هالمدرسة P:

شنكاش

19/09/2007, 13:33

رح استأذن بالإجابة عالسؤال المطروح حول الفرق بين عجم الدو و عجم الره .
أخي المقام واحد ما تغير أبداً و العوف ما بيتغير أبداً يعني ممكن تنعزف المقطوعة نفسها على 12 اشتقاق من العجم أو السيكاه أو البيات أو الحجاز .
انت مثلاً جرب تحط سي دي فضل شاكر ( سهرني الشوق ) ... و حاول تغني معه المقطه التالي :
((( يا حبيبي بحبك لا لا تبعد عني ............................................... كون بقلبي أغلى حبيب )))
رح تشوف أنو الغناء صعب على هالطبقة ..
بينما حاول لحالك ... بتشوف أنك ممكن تقدر تغني الأغنية بس على غير طبقة ( بعتقد للناس العاديين الصول )
و هاد هو الإختلاف الوحيد ... ممكن تشوفه عملي بأي أغنية بس أنا اخترت هالأغنية لأنها فيها مساحة كبيرة بالغناء .
الأمر نفسه بينطبق على أغنية عمرو دياب ( حبيبي ولا على باله ) ... أو أغنية أليسا ( إرجع للشوق ) أو شيرين وجدي ( خليني فبالك )
أتمنى أن أكون قد قدمت إجابة واضحة قدر الإمكان

marioma alghzayala

19/09/2007, 13:40

شكراً للكل على الموضوع المتميز و بهني كل اللي اشتغلو و بالتوفيق لكل المتابعين و انشالله ينالوا أقصى استفادة .
إذا بتقبلوا فيني كمساعد ما ببخل أبداً ... و انا عازف بيانو من 8 سنوات و عندي YAMAHA PSR A1000 آله متقدمة جداً و ممكن فيد كتير بالميدي .
بلكي منتساعد سوا على تخريج أول طالب من هالمدرسة P:

اهلا وسهلا فيك...:Dازا عندك شي لاتبخل علينا..\

انت كريم ونحنا منتساهل:larg:

marioma alghzayala

19/09/2007, 13:47

رح استأذن بالإجابة عالسؤال المطروح حول الفرق بين عجم الدو و عجم الره .
أخي المقام واحد ما تغير أبداً و العوف ما بيتغير أبداً يعني ممكن تنعزف المقطوعة نفسها على 12 اشتقاق من العجم أو السيكاه أو البيات أو الحجاز .
انت مثلاً جرب تحط سي دي فضل شاكر ( سهرني الشوق ) ... و حاول تغني معه المقطه التالي :
((( يا حبيبي بحبك لا لا تبعد عني ............................................... كون بقلبي أغلى حبيب )))
رح تشوف أنو الغناء صعب على هالطبقة ..
بينما حاول لحالك ... بتشوف أنك ممكن تقدر تغني الأغنية بس على غير طبقة ( بعتقد للناس العاديين الصول )
و هاد هو الإختلاف الوحيد ... ممكن تشوفه عملي بأي أغنية بس أنا اخترت هالأغنية لأنها فيها مساحة كبيرة بالغناء .
الأمر نفسه بينطبق على أغنية عمرو دياب ( حبيبي ولا على باله ) ... أو أغنية أليسا ( إرجع للشوق ) أو شيرين وجدي ( خليني فبالك )
أتمنى أن أكون قد قدمت إجابة واضحة قدر الإمكان

نايس.......:o

شنكاش

19/09/2007, 13:51

بإمكانك الإستماع للمقام الآن ... بتصور بعد هيك صرتو بتعرفوا كل أغنية من أي مقام ( عدا الصبا و البيات و الراست و السيكاه ) لأنو هدول بحاجة لتحويلات و بإذن الله بزللكم ياهون MP3 اليوم و بحاول قبل الفطور
يا جماعة اللي عنده فيكم
YAMAHA PSR A1000
أو
Ketron VEGA
أو أي نوع من الـ
KORG
يخبرنا ... ممكن تنعاون كتير

شنكاش

19/09/2007, 14:04

مقام البيات ... الزميلة مريومة كفّت ووفّت بالشرح عنه ...
المقام معروف جداً و مشهورة فيه اللاذقية بشكل كبير ... 90 بالمية من الأغاني الجبلية اللي عم تسمعوها معزوفه على مقام البيات و الأمثلة كتيرة :
الحاصودة ... خمس صبايا ... هاجر ... وأهم شي هب هب هوا العذيبي جاب النسمة من الغربي و دقلو

شنكاش

19/09/2007, 14:18

هلا منجي عالراست ... بعرفك بتسلطني عليه لما بتعزفي ... وهو عنجد شي بيسلطن ... يعني من يا مال الشام لأغلب أغاني العملاق صباح فخري ... اي والله شي بيسلطن عنجد ...

marioma alghzayala

19/09/2007, 14:30

شكرا لالك...

بظن كل مقام منزّل ..مع شكلو عالسلم كمان..

بس شكرا كتير لالك...:D

شنكاش

19/09/2007, 14:39

و أحلى شي بهالمقام لما المي نص بيمول بتقلب مبي بيمول بجواب المقام :cry:
آخ منك يا صبا آخ :cry: فتّقلي جروحاتي والله :cry:
والأغاني عليه كتيرة : هالله هالله يا جملو ... سكابا يا دموع العين ... عقرب صدرك ... أكيد عرفتوه منيح ما ؟؟؟

زوربا

19/09/2007, 22:42

اهلا زوربا..

بدي قلك انو العجم عجم..

هللأ ازا كان من الدو او من الري..

بتختلف دوساتك ..والطبقة... للي عم يغني

يعني العجم ان كان من الدو او الري او الصول كلو مشتق من بعضو..

يعني الابعاد نفس ابعاد العجم ..بس ع غير دوسات..

حدا فهم شي؟؟؟:o

يامن تعا اشراح معي..:p
أستاذة مريومة..شكراً إلك

زوربا

19/09/2007, 22:43

مزبوط حكيك ....
يعني في اشخاص ما بيطلع معاهم عجم ري كغناء ...بيعملوها اوطى درجة ..عجم دو ...
والله ما بعرف كيف بدي اشرحا ...بس انو من وين ما بلشت من ايا علامة كان ...المهم تكون الابعاد وحدة ...
وبتقدر اذا بدك تضطلع على الابعاد اذا راجعت الموضوع من الاول ....:D

اذا في اي استفسار تاني انا جاهز ...مرام ما تتركيني لحالي ..:p
لك على راسي سيد يامن..

زوربا

19/09/2007, 22:45

بإمكانك الإستماع للمقام الآن ... بتصور بعد هيك صرتو بتعرفوا كل أغنية من أي مقام ( عدا الصبا و البيات و الراست و السيكاه ) لأنو هدول بحاجة لتحويلات و بإذن الله بزللكم ياهون MP3 اليوم و بحاول قبل الفطور
يا جماعة اللي عنده فيكم
YAMAHA PSR A1000
أو
Ketron VEGA
أو أي نوع من الـ
KORG
يخبرنا ... ممكن تنعاون كتير

شكراً إلك أخي شنكاش..على المعلومات القيمة وعلى الأمثلة
ممكن تساعدني .. بمجال الميدي..أنا بدي أوصل الأورغ تبعي على الحاسب..والسؤال هل يمكن تحديثه..
الأورغ اللي عندي من نوع GEM pk5 Oriental.. يا ترى بيمشي حالو!!

زوربا

19/09/2007, 22:47

لك آآآآآآه شو هالصبا...لك حزين يا عمي شنكاش

شنكاش

20/09/2007, 03:15

آخ يا زوربا عالـ PK5 خليتني حن لأيام زمان ... والله أورغ تحفة من التحف ... و بفضله تعلمت كل هالعزف هاد .
يا ريت لو بيتحدث ... لك والله بس كام إيقاع و كام صوت بينعدو عالأصابع ليصير من أحلى الأورغات بالعالم .
هوه فيه مخرج للميدي بس لازمله كرت صوت وكتير تعقيدات ... ما بيمشي الحال ببلدنا ... بدو الوكالة حصراً .
بزماني سألت عن الموضوع لأنه في عالشاشة أيقونة فلوبي ديسك ... وكانت لإجابة أنو الشاشة كمان لأورغ لنفس النسخة و هي PK7 اللي بتحوي فلوبي .
بنصحك تسجل wav أو mp3 عن طريق الـ Jet Audio أحسن طريقة .

زوربا

20/09/2007, 03:54

آخ يا زوربا عالـ PK5 خليتني حن لأيام زمان ... والله أورغ تحفة من التحف ... و بفضله تعلمت كل هالعزف هاد .
يا ريت لو بيتحدث ... لك والله بس كام إيقاع و كام صوت بينعدو عالأصابع ليصير من أحلى الأورغات بالعالم .
هوه فيه مخرج للميدي بس لازمله كرت صوت وكتير تعقيدات ... ما بيمشي الحال ببلدنا ... بدو الوكالة حصراً .
بزماني سألت عن الموضوع لأنه في عالشاشة أيقونة فلوبي ديسك ... وكانت لإجابة أنو الشاشة كمان لأورغ لنفس النسخة و هي PK7 اللي بتحوي فلوبي .
بنصحك تسجل wav أو mp3 عن طريق الـ Jet Audio أحسن طريقة .

وأنا عم قول شو هي أيقونة الفلوبي..
شكراً إلك

yamen_h

20/09/2007, 10:11

انا انتبهت انو بال pk5 في ايقونة فلوبي بس ما فهمت شو شغلتا ....حتى اذا بتنتبه ورا في فتحة مستطيلة ...بس مسكرة بقطعة بلاستيك ...انا كنت مفكرها محل لسواقة الفلوبيات ...بس عالعموم ال pk5 منيح ...
انا عندي gem wk1 وهلق بهالفترة بيجوز جيب واحد احسن ...لنشوف ..:D

aladin_t

20/09/2007, 14:03

الشكر كل الشكر للمجهود الرائع للبروفسوره مريومه وليامن ولـ T-Max ولشنكاش وزوربا وجميع من شاركوا في هالموضوع
الفائدة منو مضمونة بالتأكيد
ألف ألف شكر

sliman

23/10/2007, 09:25

الله يعطيكن العافية بس انا عندي طلب و يا ريت تساعدوني انا بعرف انو الموشحاتن كتير بتساعد لفهم المقامات فيا ريت اللي عندو موشحات بصوت حلو و نقي يبعتلنا ياها و بالاخص موشح و الذي أسكر من عذب المى
مع شكري

محمدهلال

24/12/2007, 16:20

مشكور يااخى الكريم

ابن الشمال

01/04/2008, 04:14

marioma alghzayala

يسلمووووووووووووووووووو أيديكي

على هذا الموضوع الحلو

من زمان وأنا أدور على مثل هيك دروس

ربي يعطيك العافية

وتقبلي تحياتي ؛؛؛

nabeelthabet

14/07/2008, 16:01

يعطيك العافية

ياريت لو تكتبلنا شي سولفيج لهالاغاني:oops:

شكرا

passerby_intime

01/12/2008, 02:58

موضوع جميل يعطيكم العافية

BAVARY

02/12/2008, 01:34

هللا اول شي رح نحكي شوي عن الموسيقا بعدين بنبلش باول مقام:8)

-من المعروف ان كافة الالحان الموسيقية هي عبارة عن جمل موسيقية اما كبيرة او صغيرة..
وهذه الجمل مؤلفة من العلامات الموسيقية السبعة التي وجدت في الطبيعة من الاخفض الى الاعلى وهي:

دو - ري - مي - فا - صل - لا - سي - دو .. والدو رقم 8 يعني اخر وحدة هي جواب الدو الاولى..

وكل علامة من هذه العلامات حتى جوابها نسميه ديوان او مقام ...او بالاجنبية اوكتاف octav

وقد درس علماء الموسيقا هذه العلامات دراسة تامة تبين فيها ان اخفض العلامات الطبيعية هي دو تليها بالتسلسل بقية العلامات حتى جوابها..

وعلى هذا الاساس كل ما ياتي من علامات مرتفعة الشدة بالصوت بعد العلامة الثامنة هي جواب للسلم الاول الذي اطلق عليه العلماء سلم دو ماجور اي سلم دو الكبير بسبب كثرة الابعاد المتساوية بين علاماته علما انهم اكتشفوا ان المسافة بين مي - فا تساوي نصف المسافات الاخرى وكذلك سي - دو ايضا مثل سابقاتها .. وبالتالي اصبحت المسافات الصوتية الفاصلة بين العلامات الثمانية دو ري ........دو جواب ..كما يلي :

دو - ري بعد
ري - مي بعد
مي - فا نصف بعد
فا - صل بعد
صل - لا بعد
لا - سي بعد
سي - دو نصف بعد

وهكذا تصبح ابعاد دو ماجور الصوتية كما يلي :

بعد - بعد - نصف بعد - بعد - بعد - بعد - نصف بعد
والمجموع الكامل ستة ابعاد لا تزيد ولا تنقص مهما تغيرت وضعيات العلامات ...

وهناك ايضا ثلاثة ارباع البعد و البعد والنص ...
علامات التحويل:
1-علامات الخفض:
1- علامة بيمول ورمزها b وهي تخفض العلامة المحولة نصف بعد
2- علامة النصف بيمول ورمزها b وسن من الاعلى ..وهي تخفض العلامة المحولة ربع بعد ..

2-علامات الرفع :
1-علامة الدييز يعني متل علامة الاوبازيت يعني يساوي وفوقه شطبتين ..وهي ترفع العلامة المحولة نصف بعد
2- علامة النصف دييز ..يساوي بس بشطبة وحدة فوقه...وهي ترفع العلامة المحولة ربع بعد..

3-علامة البيكار :
وهي تعيد العلامة المحولة الى وضعها الطبيعي اثناء سير العمل الموسيقي ولمرة واحدة ...

وتستخدم علامات التحويل من اجل الحصول على نغمات جديدة غير نغمة سلم دو ماجور الطبيعي الذي هو من نغمة العجم..

وكذلك بالطبع مع استخدام بدايات جديدة...وانتقاء النغمة للمقام الجديد يجب ان ينطبق عللى اللحن المختار وان تكون طبقته مساوية ومناسبة لطبقة صوت المغني ...

العلامات الزمنية:
المستديرة:4 ازمنة يعني دائرة
البيضاء: 2 زمن b
السوداء : 1 زمن b بس معمية
السوداء ذات السن : نصف زمن ... b وفي عليه سنة من فوق
السوداء ذات السنين : ربع زمن b وفي عليه سنين من فوق
السوداء ذات 3 اسنان : تمن بعد كمان 3 سنان من فوق
السوداء ذات ال 4 اسنان : 1/16 بعد كمان اربع سنان من فوق

وكلما صغرت العلامات الزمنية كلما اسرع اللحن ....

انشالله تكونوا استفدتوا باول درس.....:سوريا: :clap: :clap:
:gem: :gem: :gem: :gem: :gem: :gem:

ويا هلا باول طالبة ...

والله أنكِ أعدتيني إلى أكثر من خمسة عشر سنة مضت

ما أحلى تلك الأيام

غادرت الموسيقا منذ فترة

أتمنى أن أعود بتّ أكتفي بسماعها

تحياتي لموضوعكِ الذي أثار مشاعري

تقبلي مروري بكل الود

فادي

اسامة مسالمة

15/01/2009, 13:12

مشكور على هاي المعلومات وياريت توافينا باكثر من هيك لانو احنى بحجتهن

king of pop

15/02/2009, 20:06

انا متشكر جدا جدا وبستفيد منك واللة بتمنى المزيد لأنى مغنى والحمد للة شاطر شويةبس نفسى اكون شاطر اوى وباذن اللة هتعلم بسرعة وارجو الرد والشرح بتفاصيل ادق بالنسبة لأستخدامها فى الغناء

king of pop

15/02/2009, 20:09

فى حاجات موجودة بس مش عارف احملها يا ريت تساعدينى فى دة شكرا

tarafa

16/02/2009, 10:57

فكرة سديدةةةةةةةةةةةةةةةةةةةةة ةةةةةةةةةةةةةةةةةةةةةةةة

tarafa

16/02/2009, 11:04

الله يعطيه العافية للي عم يكتب الدرس بس والله والله ما فهمت اي شي مبين اصعب من الرياضيات

لولو حجار

04/03/2009, 23:39

مرحبا

لو سمحتوا حابة اعرف مقامات بداية الآغاني التالية

بحلم بلقاك / وحياتي عندك / يا هاجري للفنانة الراحلة ذكرى
غريبة / اصالة نصري
السح دح امبوه / سلمتها ام حسن / كله على كله للفنان أحمد عدوية

وشكرا جزيلا مقدما

لولو حجار

05/03/2009, 03:08

شكرا كتير كتير على الدرس الآول انا فعلا بحاجة لدروس بالموسيقى المعلومات جدا مفيدة
لو سمحت حابة اعرف كيف منعزف كل مقام مثل ما وضحت انو العجم بيبلش دو ري مي فا صول لا سي دو
حابة اعرف باقي المقامات وكيفية عزفا
شكرا :clap::clap:

لولو حجار

05/03/2009, 19:40

مريومة لك يسلموا ايديكي ومخك كمان وشكر كبير كمان لباقي الآعضاء الي ساعدوا انا فعلا بحاجة لهيك دروس لاني بغني سماعي من زمان كتير عندي شوية معلومات بس هلا كتير استفدت وخصوصا انوا انا عايشة بلد غربة مافي مدرسة عربية لحتى روح اتعلم موسيقى
بس يا جماعة بدي هالمساعدة بمعرفة مقامات هالاغاني الي عم بتعلمون فاذا ممكن حدا يساعدني
وشكرا شكرا للجميع موضوع جدا حلو
انا عم بجمع مقامات اغاني كتيرة لانوا مافي حدا يساعدني هون:cry:

T_maxx

05/03/2009, 22:34

ايه بدك تسمعينا شي أول :roll:

لولو حجار

05/03/2009, 22:59

يعني متل شو يا أخ T-Max بدك اسمعك قصدك يعني شو هني الآغاني اذا هيك هي في عندي هدولي عم بتعلمون هلا

الله الله يا بابا / صابر الرباعي
زي العسل / صباح
أنا كل ماقول التوبة / بحم بيك / سواح / اول مرة تحب يا قلبي / لحبيبنا عبد الحليم حافظ
بعيد عنك / ام كلثوم
عينيك كذابين / يالي هاجرني اسرني ليه / انت سبب بلواي / نوال الزغبي
يا مسهر عيني / رامي عياش
واي اغنية لفيروز بيمشي الحال لانوا انا بغنيلا كتير وبحب كتير كتير كتير
مشكور مشكور لكل جهودكن
في كمان اغاني تانية كتبتا قبل هلا بتلاقيا فوق بردين من هادا الرد
شكرا :D

T_maxx

06/03/2009, 00:45

حلو..بس انو شلون عم تتعلمي عالأغاني؟

مسجلة شي انتي؟ ازا لاء سمعينا شي لفيروز؟
:smile:

T_maxx

06/03/2009, 00:51

حلو..بس انو شلون عم تتعلمي عالأغاني؟

مسجلة شي انتي؟ ازا لاء سمعينا شي لفيروز؟
:smile:

لولو حجار

06/03/2009, 16:20

لا والله ماني مسجلة شي هلا ، انا بغني بالحلفات عنا هون ...

inodessa

06/03/2009, 16:58

شكرا الك marioma alghzayala على هالدرس الحلو...
هاد جدول مشان شكل العلامات... من بعد اذنك يعني..:D

الإسم العربي الإسم الفرنسي الزمن الصوتي ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// المستديرة روند أربع أزمنة ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// البيضاء بلانش زمنان ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// السوداء نوار زمن واحد ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// ذات السن كروش نصف زمن ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// ذات السنين دوبل كروش ربع زمن ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// ذات الثلاثة أسنان تريبل كورش ثمن زمن

لولو حجار

06/03/2009, 23:56

[quote=لولو حجار;1230311]مرحبا

لو سمحتوا ييا جماعة انا بدي مساعدة حابة اعرف مقامات الآغاني التالية

بحلم بلقاك / وحياتي عندك / يا هاجري للفنانة الراحلة ذكرى
غريبة / اصالة نصري
السح دح امبوه / سلمتها ام حسن / كله على كله للفنان أحمد عدوية
لا مش انا لبكي / محمد عبد الوهاب
للصبر حدود / أم كلثوم
ميل يا غزيل / نسبت مين بغنيا
قولي قولي / شاهيناز
الله عليك يا سيدي / ايهاب توفيق
لا تلعب بالنار / انت الحب الكبير / طب ليه كده / راغب علامة
زي العسل / دخل عيونك حاكينا / صباح
عنيك كدابين / يلي اسرني هاجرني ليه / انت سبب بلواي / نوال الزغبي
رجاء اذا في حدا بيعرف يرد علي بليس بليس

وشكرا جزيلا مقدما

marioma alghzayala

07/03/2009, 10:31

اَه ؟...:?

MadMax

07/03/2009, 13:27

انا بغني بالحلفات عنا هون ...

السح دح امبوه / سلمتها ام حسن / كله على كله للفنان أحمد عدوية

هلأ هيك عم تغني بالحفلات ..؟؟:sick:

رجاء اذا في حدا بيعرف يرد علي بليس بليس

هلأ بيجي بليس يرد عليكي ..
بس انتي طولي بالك شوي :p

marioma alghzayala

07/03/2009, 13:55

لك مو المشكلي انو نص الاغاني ما عرفتن انا :cry:

MadMax

07/03/2009, 14:29

لك مو المشكلي انو نص الاغاني ما عرفتن انا :cry:
كل الاغاني عندي ( بما فيهم أغاني عدوية )
إذا بدك شي لأبعتلك ياه

لولو حجار

07/03/2009, 16:25

مريومة يا مريومة راح تساعديني اه وانت يا اخ MAD-MAX انا بغني سماعي عايشة ببلد الغربة يعني مو بلد عربي اي منين بدي جيب حدا يساعدني اي منيح انوا عم بمشي حالي عم بتعلم على الآنترنت هون وهونيك اس منسح مني يعني بغني بعراس ، بحفلات بالبيوت للجالية العربية افهمت هلا
مشكورين

marioma alghzayala

07/03/2009, 16:42

انتي وين ساكني ؟؟؟ وقديش عمرك؟؟...و معك فرقة او بتعزفي وبتغني او شو؟؟

يعني ازا معك فرقة مافي داعي نقول المقامات هيك المفروض:?

وازا بدك تعرفي طبقة صوتك ؟؟؟... ازا معكن بالفرقة عود ؟؟ او بيانو بتقدري توصلي معن ...

انو سمّعينا شي من شغلك ...ياريت يكون شي قديم مو شي جديد ...

الباحثة عن الحرية

07/03/2009, 19:02

اول مرة بنتبه لهاد الموضوع هون ... كنت ناوية انزل موضوع استفسارات :oops:
بس تقريبا كل الاجابات هون ...
انا بعزف على الاورغ سماعي وبهمني كثير اعرف عن المقامات
الف شكر الك مريومة وللي ساعدوكي بالموضوع ..
:akh:

لولو حجار

08/03/2009, 17:46

يا مريومة انا عايشة باميركا والجالية العربية هون ماكتير شاطرين بالموسيقى العربية لانوا معظمن ولدانين هون ومابيقروا عربي فهمتي علي فبيعزوا احيانا غلط مشان هيك لمن بغني مع عازف الكيبورد لازم ائلوا المقام مشان مايخربط وطبقتي انا بعرف وينا مو مشكلة عندي لانوا الحمدالله بالغربة مامنقدر نثقف حالنا كتير بهالمجال اي مافي محل نروح نتعلم فيوا غناء عربي او عزف عربي مشان هيك حالتنا على قدنا كلون بيدئوا وبيغنوا سماعي الك في كتير مغنين عرب عنا بكتوا الغنية بالآنجليزي لانون مابيعرفوا عربي يكتبوا شفتي هاي هي حالتنا بالغرقة مشان هيك انا عم بحاول اجمع أغاني ومقاماتها مشان تسهل الموضوع علينا لانو اذا بدي اغني مع عازف كيبورد ما بيعرفوا كل الآغاني العربية هاي المشكلة لك يا مريومة عنا هون حرام مو هيك

THE_unforgiven

19/03/2009, 17:11

هالموضوع دوا ... :D
بس انو سؤال ... بيمشو عالغيتار !؟ واللا خاصين بالآلات الشرقية ..!؟

h2002

06/04/2009, 13:41

شكراااااااااااااااااااااا اا يا مان

marioma alghzayala

23/04/2009, 10:43

هالموضوع دوا ... :D
بس انو سؤال ... بيمشو عالغيتار !؟ واللا خاصين بالآلات الشرقية ..!؟

شرقي ...

الابعاد هدول غير ابعاد الغيتار ...:D

marioma alghzayala

11/05/2009, 10:52

موسيقار؟؟ ومبتدىء ؟؟؟ ...:shock:

كيف يعني :cry: