-
دخول

عرض كامل الموضوع : ديجافو............ظاهره حيرت العلماء

disto
21/01/2006, 14:02
.. ديجافو.............

يصادف المرء مواقف يظن أنه قد رآها سابقاً
ولكن لا يذكر أين ؟؟ ومتى ؟؟


هذه ظاهرة حيرت العلماء كثيرا وسموها

بظاهرة (ديجافو) أي بمعنى شوهد من قبل بالفرنسية ,
..




ثبت علمياً .. أن الجنين في فترة نومه في بطن أمه ..


يرى دورة حياته منذ الولاده وحتى مماته ..

لذلك في أثناء ممارسة الحياة الطبيعية .. ..




التفسير العلمي يقول أن سبب هذه المسالة هو عملية نقل المعلومات عبر الشرايين الى المخ ...

فحين تتعامل مع موقف ما يتم نقل المعلومات الى صدغي المخ الايمن والايسر ,

ويحدث أحيانا ان تصل المعلومة الى الصدغ الايمن قبل الايسر فتكون حاضر بالنسبة

لهذا الجزء من المخ (قد وقع ) بينما يجدها الجزء الاخر من المخ غيبا (لم يقع بعد ) ......

ولهذا تكون انت في حالة إرتباك حينها متصورا أن هذا المشهد قد عشته من قبل .....




أرجوا ممن لديه معلومات أن يفيدني بها

وجزاكم الله خيرا
yass
22/01/2006, 02:35
صدقوني عم بحاول أكتب رد بدون ما يكون يشبه المسخرة بس ما عم يطلع معي...

يرى دورة حياته منذ الولاده وحتى مماته ..



وين مسجلة لحتى يشوفها؟؟ CD أو DVD

عملية نقل المعلومات عبر الشرايين الى المخ ...
:shock: :shock: :shock:


فحين تتعامل مع موقف ما يتم نقل المعلومات الى صدغي المخ الايمن والايسر ,

ويحدث أحيانا ان تصل المعلومة الى الصدغ الايمن قبل الايسر فتكون حاضر بالنسبة

لهذا الجزء من المخ (قد وقع ) بينما يجدها الجزء الاخر من المخ غيبا (لم يقع بعد ) ......

ولهذا تكون انت في حالة إرتباك حينها متصورا أن هذا المشهد قد عشته من قبل


و الله ما بعرف شو بدي أقول !!!
----------------------------------------------------------------------------------------
Mark101
22/01/2006, 03:14
مشكور يا صاحبي ...
بصراحة اول مرة سمعت عنها من فيلم ماتريكس الجزء الأول ..
لما شاف نيو القطة السودة ... و رجع شافها نفسها بعد أقل من ثانية!!!


فعلا ظاهرة غريبة !!!!
ياريت اذا حدا عندو تفسير علمي يفيد الجميع !!!!!
Willi
22/01/2006, 05:08
ولهذا تكون انت في حالة إرتباك حينها متصورا أن هذا المشهد قد عشته من قبل .....

والله اكتر من مرة صايرة معي
وحاول اعرف صايرة معي ولا لاء
وقول انو مستحيل تكون صايرة معي
بس ليش متذكر انها صارت معي

فكرت حالي جانن:clap:

بس والله بالفعل ومندون مسخرة احيانا بصير معي شي من هالحكي
منيح طمنتني فكرت حالي مجنون
تيريزا
30/01/2006, 20:34
:سوريا: :سوريا: :سوريا:

الموضوع جميل والنقاش فيه اجمل

لما يمر الانسان او يحس انه سبق ومر بتجربة معينه ,او سبق وشاف هالشخص ,او سبق وحس هالاحساس في حادثة ما .

مثلا.. كتير من الاحيان بيصادفنا شخص معين او غريب ومنحس لوهله او بضع ثوان ان ماحدث
في تلك الثوان حصل لنا مؤكدا قبل ذلك!! لكن اين وكيف؟؟ لاتستطيع الامساك بالخيط..

انه تفسير هالظاهرة شي بيدوخ ... ومحير ... لكن لما بيتوصل الانسان للطريقة العلميه يمكن يكون هالشي مفسر لهاي الظاهرة

اخر تفسير لهذه الظاهرة...
التفسير بيقول...

الدماغ ينقسم الى قسمين.. يتزامنان في العمل سويا دون خلل!! لكن احيانا يحدث التالي..

العين اليمنى مرتبطه ببالقسم الايسر من الدماغ.. اوكي؟

والعين اليسرى مرتبطه باقسم الايمن من الدماغ..

احيانا.. انت ترى مشهدا امامك.. تشاهده بكلتا عينيك.. لكن في حالة دي جافو..

العين اليمنى ترسل المنظر للفص الايسر من الدماغ... فيقوم الفص الايسر من الدماغ
بتحليل المشهد وفهمه وتخزينه في الذاكره.. ثم تقوم العين اليسرى بأرسال المشهد للفسم

الايمن من الدماغ فيحلله ويأتي ليخزنه في الذاكره!! فيجد ان المشهد موجود

مسبقا في الذاكره !!!!!!!!!!!! فيتولد لك احساس بأنك تعيد حياتك للحظات...

طبعا العملية اللي اوردت تفسيرها..... عملية اسرع من البرق... اجزاء من اجزاء الثانية!!

هدا التفسير العلمي لهاظاهرة لكن في التفسير النفسي وهو الخروج الاثيري !!!



انا راح خوض في التفسير التاني بس مش هلا برجعلكم .
Willi
31/01/2006, 03:00
انا ناطر التفسير التاني

يا سلام حاسس حالي متل الحمار :lol:
lonly_man0000
04/05/2006, 07:53
:سوريا: :سوريا: :سوريا:

الموضوع جميل والنقاش فيه اجمل

لما يمر الانسان او يحس انه سبق ومر بتجربة معينه ,او سبق وشاف هالشخص ,او سبق وحس هالاحساس في حادثة ما .

مثلا.. كتير من الاحيان بيصادفنا شخص معين او غريب ومنحس لوهله او بضع ثوان ان ماحدث
في تلك الثوان حصل لنا مؤكدا قبل ذلك!! لكن اين وكيف؟؟ لاتستطيع الامساك بالخيط..

انه تفسير هالظاهرة شي بيدوخ ... ومحير ... لكن لما بيتوصل الانسان للطريقة العلميه يمكن يكون هالشي مفسر لهاي الظاهرة

اخر تفسير لهذه الظاهرة...
التفسير بيقول...

الدماغ ينقسم الى قسمين.. يتزامنان في العمل سويا دون خلل!! لكن احيانا يحدث التالي..

العين اليمنى مرتبطه ببالقسم الايسر من الدماغ.. اوكي؟

والعين اليسرى مرتبطه باقسم الايمن من الدماغ..

احيانا.. انت ترى مشهدا امامك.. تشاهده بكلتا عينيك.. لكن في حالة دي جافو..

العين اليمنى ترسل المنظر للفص الايسر من الدماغ... فيقوم الفص الايسر من الدماغ
بتحليل المشهد وفهمه وتخزينه في الذاكره.. ثم تقوم العين اليسرى بأرسال المشهد للفسم

الايمن من الدماغ فيحلله ويأتي ليخزنه في الذاكره!! فيجد ان المشهد موجود

مسبقا في الذاكره !!!!!!!!!!!! فيتولد لك احساس بأنك تعيد حياتك للحظات...

طبعا العملية اللي اوردت تفسيرها..... عملية اسرع من البرق... اجزاء من اجزاء الثانية!!

هدا التفسير العلمي لهاظاهرة لكن في التفسير النفسي وهو الخروج الاثيري !!!



انا راح خوض في التفسير التاني بس مش هلا برجعلكم .

شكرا على المعلومات ديه ... انا مستنى التفسير التانى ..
golan hights
04/05/2006, 10:54
انا ناطر التفسير التاني

يا سلام حاسس حالي متل الحمار :lol:

مو من زمان قريت مقالة عن الموضوع بتقول انو المخ بيعمل بذاكرتين متل الحاسوب يعني ذاكرة مؤقتة او لحظية وذاكرة طويلة والديجافو هو عبارة عن خلل بالاّداء الوضيفي لهاتيين الذاكرتين لانو بشكل طبيعي كل حدث بصير معك بيتخزن بالذاكرة القصيرة الامد كمرحلة اولي ويا بيرجع بروح عالذاكرة الطويلة او ما بروح بيتعلق بنوعية الحدث نفسو بس المعروف انو الذاكرة القصيرة هي الذاكرة المعتمدة بتحليل الامور يعني اذا بتشوف شي معين بيرسل الى الذاكرة القصيرة فورا وهن بصير الخلل انو مرات هاللي بصير انو بصير في خطأ بالارسال فيرسل الحدث الى الذاكرة الطويلة الامد وتدخل الارشيف وطبعا المخ من شغلتو انو يحلل كل حدث بصير معو وطبعا اذا هالحدث كان موجود بالارشيف من قبل فبيستعين بالارشيف تبعو وهاد اللي بصير لانو بخليك تعتقد انو هالحدث موجود بمخك من زمان مع انو هوي غلطة تقنية بتنفيذ المهام !!!!!!!!!!!!!!!!!!!!!!!
Willi
04/05/2006, 22:46
ما فهمت زيادة
اوكي خلل
بس ليش ليخليك تعتقد انو صاير معك؟؟
lonly_man0000
05/05/2006, 00:33
شكرا على التفسير ده وانا مش عارف ليه فيه ناس لسه مش فاهمه ؟؟ بس بطبيعة الحال اننا لازم نعرف ان كل حاجة بتحصل فى هذه الظاهرة بتحصل مرة واحدة .. مش بتكرر زى ما بيتهيالنا
golan hights
05/05/2006, 18:43
ما فهمت زيادة
اوكي خلل
بس ليش ليخليك تعتقد انو صاير معك؟؟

لانو الديجافو مخزن عندك بالذاكرة الطويلة فهي عبارة عن معلومة نجابت من الارشيف بالمخ يعني معلومة مخزنة مشان هيك انت بتحس انو صايرة معك من قبل بس عمليا هو مو صايرة معك من قبل بس صار في تطابق بين الارشيف والذاكرة اللحظية بخليك تعتقد انو هالشي صاير معك
krimbow
05/05/2006, 22:12
تفسير تيريزا هوي الاقرب للصحة

رح قربلك ياها ويللي

تخيل انو عقلك كومبيوتر

فيو فلاش ميموري بتتخزن فيه المعلومات، بعدين بتروح ع المعالج مشان تعالجها و تفسرها و ترغلجها، بعدين بتطلع من المعالج زابطة و بتتخزن بالرام ... و هالعملية بتاخد جزء من الفانية (اصغر من الثانية)

هلأ مرات بيتخربط كومبيوتر المخ و بيروح بيحط المعلومات بالرام اول شي بعدين بتمشي بالدورة الطبيعية
بيقوم المخ لما بيلاقيها مخزنة بالرام بعد ما يعالجها ... بيفكر حالو انو مخزنة من زمان كتير بس بدون ما يكون عليها تاريخ تخزين
هي هيي الديجافو

و الناس بتصير تفكر حالها انبيا انو والله بتعرف بالمستقبل
krimbow
05/05/2006, 22:13
ظاهر تانية غريبة ... بتشبه الديجافو بس ما بعرف شو اسمها

حدا فيكم هوي و غاطط بنومو بيحس حالو عم يتشقلب بالتخت و يجي ليوقع بيقوم بيفيق مرعوب و بيلاقي حالو نايم عادي و بعيد عن حفة التخت ؟؟؟؟
Geeny
05/05/2006, 22:18
ظاهر تانية غريبة ... بتشبه الديجافو بس ما بعرف شو اسمها

حدا فيكم هوي و غاطط بنومو بيحس حالو عم يتشقلب بالتخت و يجي ليوقع بيقوم بيفيق مرعوب و بيلاقي حالو نايم عادي و بعيد عن حفة التخت ؟؟؟؟
أنا انا انا بس ما بعرف ليه أنو اذا في تفسير يا ريت
krimbow
05/05/2006, 22:31
أنا انا انا بس ما بعرف ليه أنو اذا في تفسير يا ريت

ما بعرف تفسير غير هاد مرة قريتو

قال شو
قال هي مرتبطة بالذاكرة اللاواعية عند البشر،
انو البشر ضلوا اكتر من 500 الف سنة يعيشوا ع الشجر (متل العصافير) .. و بعدين انتقلوا للعيش بالكهوف، و بعدين صاروا يعملوا خيم و بيوت طين و هالشغلات

بقا الفترة الاكبر من حياة البشريةقضوها ع الشجر، و متل العصافير هلأ كان لما ينام على غصن شجرة ... مرات يوقع منها ع الارض ... بيقوم بيفيق مرعوب

و باعتبار انو قضا فترة كبيرة كتير من حياتو هيك .. قامت انحفرت بالذاكرة الغريزية اللاواعية إلى يومنا هاد

و غيري اعلم
Willi
05/05/2006, 23:08
تخيل انو عقلك كومبيوتر

فيو فلاش ميموري بتتخزن فيه المعلومات، بعدين بتروح ع المعالج مشان تعالجها و تفسرها و ترغلجها، بعدين بتطلع من المعالج زابطة و بتتخزن بالرام ... و هالعملية بتاخد جزء من الفانية (اصغر من الثانية)

هلأ مرات بيتخربط كومبيوتر المخ و بيروح بيحط المعلومات بالرام اول شي بعدين بتمشي بالدورة الطبيعية
بيقوم المخ لما بيلاقيها مخزنة بالرام بعد ما يعالجها ... بيفكر حالو انو مخزنة من زمان كتير بس بدون ما يكون عليها تاريخ تخزين
هي هيي الديجافو

لا هيك خبصتها
ما فهمت شي من هاد
بس رجعت قريت رد تيريزا الظاهر ما ركزت عليه كتير وقت قريتو هديك المرة
بس مشي الحال وصلت الفكرة بعد ما قريت رد غولدن

يسمنو شباب


و باعتبار انو قضا فترة كبيرة كتير من حياتو هيك .. قامت انحفرت بالذاكرة الغريزية اللاواعية إلى يومنا هاد

ما بعرف بس شكلو مو مزبوط
krimbow
05/05/2006, 23:13
هيك خبصتها
ما فهمت شي من هاد

اي ما انا كنت عم اكتب بسرعة ...

ما بعرف بس شكلو مو مزبوط

كتبتلك و غيري اعلم (متل و الله اعلم)...
هيك مرة قريت تفسير لهالظاهرة

هلأ انت عم تصير معك شي ؟؟؟
Willi
05/05/2006, 23:24
اي لسى من نهارين صارت معي
كنت نايم بحصة الفيزيا :lol:
lonly_man0000
05/05/2006, 23:26
لا هيك خبصتها
ما بعرف بس شكلو مو مزبوط

انا شايف انه اقرب للمنطقية بالنسبة لتفسير بداية حياة الانسان لان التواصل الفكرى الخاص بالذاكرة لايزال يرتبط بالانسان الاول
krimbow
05/05/2006, 23:29
اي لسى من نهارين صارت معي
كنت نايم بحصة الفيزيا :lol:

لك له لا تخلط الحابل بالنابل

هديك كانت مصطرة استاز الفيزيا ع راسك لحتى توعيك

عم نحكي عن حاجة تانيا خالص
Willi
05/05/2006, 23:31
لالا خيو كنت مخلص كلشي وما عندي شي اعملو قمت حطيت راسي ونمت
وحسيت انو رح اقلب عن المقعد
قمت صحيت دغري حالي بعيد عنو

بعدين انت وين مفكر حالك
لك هاي اميركا مو سوريا
قال مسطرة الاستاذ على راسك قال:jakoush:
lonly_man0000
06/05/2006, 02:11
لك له لا تخلط الحابل بالنابل

هديك كانت مصطرة استاز الفيزيا ع راسك لحتى توعيك

عم نحكي عن حاجة تانيا خالص
انجليزى ده يا مرسى ... على راى مدرسة المشاغبين ..:lol:
Reemi
15/09/2006, 00:10
انجليزى ده يا مرسى ... على راى مدرسة المشاغبين ..:lol:
up:jakoush:
شو صار معنا بالموضوع...بدي تفسير..وانا كتير بحس حالي رح اوقع وبنقز وبقوم...وبتصير معي دي جافو كمان.... :cry:
Ahmatto
15/09/2006, 00:32
كلام مثير ومنطقي و كل العالم بتصير معها هاي الحالة اكيد والكلام منطقي وشكرا للمعلومات كتيرررررررررر لانو موضوع فعلا محير سبحان الله:?
عاشقة علي
15/09/2006, 00:45
عن جد شكرا اكتر موضوع روعة
موضوع خليني افهم ليش مرات بصير معي هيك:cry: :cry:
اشياء
شكرا
~YAFA~
15/09/2006, 01:09
وااااااو بس يا ريت يطلع التفسير عنجد حقيقي
xena
29/09/2006, 18:00
ظاهر تانية غريبة ... بتشبه الديجافو بس ما بعرف شو اسمها

حدا فيكم هوي و غاطط بنومو بيحس حالو عم يتشقلب بالتخت و يجي ليوقع بيقوم بيفيق مرعوب و بيلاقي حالو نايم عادي و بعيد عن حفة التخت ؟؟؟؟
هي طبعا بتصير كتير و في الها تفسيرات كتير بس مرة قريت انو السبب هوي هبوط ضغط مفاجىء لحظي بيصير اثناء النوم
oliver68
29/09/2006, 18:14
هي طبعا بتصير كتير و في الها تفسيرات كتير بس مرة قريت انو السبب هوي هبوط ضغط مفاجىء لحظي بيصير اثناء النوم
و أنا كمان كتيييييييييير يتواجهني هي الحالة، بس حسب رأيي المتواضع جدا ما بظن شغلة ضغط دم، لسبب بسيط، إنو بكون شايف حالي قبلها إنو ماشي و اتفركشت، فبقوم مرعوب، و يعني من هالظواهر الفجائية، فما ما بعرف، خلي التفسير لأهل الطب.
oliver68
29/09/2006, 18:16
ما بعرف تفسير غير هاد مرة قريتو

قال شو
قال هي مرتبطة بالذاكرة اللاواعية عند البشر،
انو البشر ضلوا اكتر من 500 الف سنة يعيشوا ع الشجر (متل العصافير) .. و بعدين انتقلوا للعيش بالكهوف، و بعدين صاروا يعملوا خيم و بيوت طين و هالشغلات

بقا الفترة الاكبر من حياة البشريةقضوها ع الشجر، و متل العصافير هلأ كان لما ينام على غصن شجرة ... مرات يوقع منها ع الارض ... بيقوم بيفيق مرعوب

و باعتبار انو قضا فترة كبيرة كتير من حياتو هيك .. قامت انحفرت بالذاكرة الغريزية اللاواعية إلى يومنا هاد

و غيري اعلم
:lol: :lol: :lol: :lol: بشرفي بشرفي إنك نهفة، يعني الشغلة محفورة بالجينات شيتنا، عنجد نفسير بهلك من الضحك. عراسي شريك.:yahoo::clap: :D
نعمة
21/10/2006, 20:30
انا كتير بتصير معي هل الحالة
smarter_future
18/11/2006, 12:32
صدقونى تحصلى اشياء كثيرة احس انها حصلت من قبل
كتييييييييييييير جدا
حتى الواحد صار يحس انة فى جن راكبة من وقت للتانى
مشكووووووور يسلمووووووووووووووووو
وووووووووووووووووووووووو
LiOnHeArT.3LA2
21/12/2007, 14:32
تفسير تيريزا هوي الاقرب للصحة

رح قربلك ياها ويللي

تخيل انو عقلك كومبيوتر

فيو فلاش ميموري بتتخزن فيه المعلومات، بعدين بتروح ع المعالج مشان تعالجها و تفسرها و ترغلجها، بعدين بتطلع من المعالج زابطة و بتتخزن بالرام ... و هالعملية بتاخد جزء من الفانية (اصغر من الثانية)

هلأ مرات بيتخربط كومبيوتر المخ و بيروح بيحط المعلومات بالرام اول شي بعدين بتمشي بالدورة الطبيعية
بيقوم المخ لما بيلاقيها مخزنة بالرام بعد ما يعالجها ... بيفكر حالو انو مخزنة من زمان كتير بس بدون ما يكون عليها تاريخ تخزين
هي هيي الديجافو

و الناس بتصير تفكر حالها انبيا انو والله بتعرف بالمستقبل
اي بعرض اختي

لو ماني دارس هلأ درس الرامات والمعالجات وهالشغلات

ما كنت فهمت ولا كلمة

روق عالشعب يا رجل

بالله شو دارس كريمبو