معنى العنف

* العنف:
- أصبح العنف من الأشياء الخطيرة التي تهدد جودة حياتنا، فهو يوجد في كل مكان من حولنا في المنزل - الشارع - المدرسة - العمل. فكل إنسان بداخله طاقة مكبوتة يعبر عنها بصور مختلفة وإحدى هذه الصور هو العنف.

والأطفال أو النشء الصغير بوجه عام هم أكثر العناصر البشرية تأثراً بهذه الظاهرة، فإذا تعلم الطفل في صغره أو شاهد سلوكاً غير حميد يؤثر عليه بالسلب فيما بعد وفيما يتبعه من أنماط في حياته. لماذا لا نرفض العنف ونعلم أطفالنا وأجيالنا الجدد كلمة أخرى نضيفها إلي جانب هذه الكلمة "العنف" وهى "عدم" التي تعطي معني انعدام الشيء وعدم تواجده أو أن نستخدم المعني المضاد لها وهو السلاسة والتعامل مع الأمور بحكمة وهدوء؟ وأظن أن الإنسان الذي يلجأ إلي العنف هو إنسان ضعيف في اللغة يحتاج إلي تعلم كلمات جديدة ... "بمعني آخر يحتاج إلى دروس لكى يتعلمها"

أولاً الدرس الأول: لابد وأن يتعلم النشء الصغير من خلاله كلمة جديدة هي "عدم العنف" مع تقديم شرح وافٍ لهذه الكلمة أي علي الأقل تفسير مبسط حتى يستطيع التعامل معها وتكرارها. ومعني هذه الكلمة "رفض استخدام الاعتداء الشفهي أو الجسدي الذى يسود ويسيطر علي تعاملاتنا اليومية مع كافة الأشخاص. كما تعني هذه الكلمة أيضاً حل الصراعات التي توجد من حولنا بكافة مشاكلها وأنماطها، ففي المنزل مثلاً نجد استخدام العنف المتمثل في العقوبة الجسدية التي يمارسها الآباء علي أبنائهم (ضرب الأطفال). وينطوي عدم استخدام العنف أيضاً علي أن نتعلم ونمارس السيطرة علي النفس وإلا سنفقد أعصابنا في أى موقف نتعرض فيه للضغوط.

ثانياً الدرس الثاني: كيفية تجنب العنف مع أبنائنا من خلال دراسة الأسباب المؤدية لذلك، لأنه للأسف يستخدمه العديد منا علي أنه إحدى وسائل التسلية والمتعة.

1- لابد من إيلاء اهتمام كبير لوسائل الترفيه والتسلية التي تعلم الأبناء العنف فدائماً نجد أن القصص التي تقدم في أفلام الأطفال عبارة "عن خير وشر" أي أنه هناك شخص شرير يحارب شخص خير وتدور أحداث القصة في الصراع الذي يدور بينهما ولا يتم الانتصار علي هذا الشخص الشرير إلا من خلال العنف.

2- ألعاب الفيديو "الفيديو جيم" كما يطلقون عليها، يكون مضمونها أيضاً بطل ما يحارب عدو له إلي أن ينتصر عليه، وإذا لم يخوض البطل أية معارك خلال اللعبة ستجد بعض الإيماءات التي تدل علي الشر والصراع مثل: ضحكات الشر، وكلمات التهديد فالعنف ليس جسدي فقط وإنما معنوي أيضاً، فلابد أن نعلم أبناءنا عدم التجرد من الصفات الإنسانية.. فأنت تعلمهم منذ الصغر علي السلوك الحميدة ثم تجد من يهدمها!!

3- القصص أو الكتب التعليمية التي تحتوي علي سرد الأحداث المليئة بالحروب دون ذكر أوقات السلم أو تجاهل الجهود السلمية الناجحة بدون استخدام الحروب في حل الصراعات.

4- ممارسة الرياضة العنيفة هي أيضاً من أحد الأسباب التي تدمر أجسامنا ولا تساعد علي بنائها.

5- انتشار بعض العادات السيئة مثل: شرب الكحوليات، تدخين السجائر، أو إساءة استعمال العقاقير يساهم في انتشار العنف وخاصة بين الشباب أو النشء الصغير لأنها تخرج الإنسان عن شعوره وتذهب بعقله.

6- الأسلوب الخاطئ الذي يتبعه الآباء في حياتهم اليومية من انشغال الأم والأب بأعباء الحياة، أو عدم استقرار الحياة بينهما وممارسة الشجار أمام الأبناء دون أن يعوا أن ذلك له تأثير سلبي لأن الطفل يفهم كل شيء يدور حوله بل يتعلم السلوك الخاطئ أسرع من السلوك الصحيح.

ثالثاً الدرس الثالث: التفريق بين الكلمتين "العنف" وفي مقابلها عدم العنف. لكي تضيف كلمة عدم العنف لابد وأن تعي أولاً معني العنف وتراه لكي تتجنبه. أذكر العنف أمام أطفالك للتفريق بين مميزاته ومساوئه، علمهم كيف يحبون أعدائهم ولكن في نفس الوقت لا يثقون بهم. والشيء المنطقي هو استحالة السيطرة الكاملة علي أعصابك، وقد يخطئ الآباء أحياناً في نفاذ صبرهم مع الأبناء.

رابعاً الدرس الرابع: تعلم كيف تتحمل ما تتبعه من أساليب خاطئة في التربية وذلك عن طريق بذل المزيد من المجهود لتعليم الطفل قيم جديدة حميدة.


منقول موقع فيدو

يُثبت مؤقتاً للاضطلاع والفائدة
:mimo:

ذكرت نقاطاً مُهمة في تلكَ الآفة " العنف "

وَ أغفلت " العُنف اللفظي "

وَ الذي أجده مِنْ أقسى أنواع العُنف ضرراً على نفسية الإنسان وَ بالتالي سلوكياته

تحياتي

:D

الموضوع حلو وواسع كتير لانو الو فروع كتير..
اللي حابة احكي انك لمن بدك تبلش تربي ابنك بتشوف انو هالحكي كلو نظري نظري كتير.. المشكلة بالاولاد اللي حاملين هالمسدسات والسيوف وعم يدبحو بعض..والمشكلة كمان بابنك اللي بتكون معلمو يحل مشاكلو بالكلام مو بالعنف..وبيجي من الروضة كل يوم آكل قتلة وعيونو مورمة وايدي معضوضين..وبيطلع ابنك هو العجيب.. والحق عليه لانو ضعيف الشخصية وما بيعرف يدافع عن حالو!!.. واذا حبيت تخلي يرافق طفل متلو بدك تدور كتيييييييييييير...وانو الاهل موحاسين ابدا بالمشكلة واذا بتحكي شي بيقولو لشو الفزلكة..بدي قلك لازم اعادة تاهيل دورات تثقيفية توعية..ما بيمشي الحال
المشكلة مو مشكلة تربية صدقني المشكلة انو حضارتنا حضارة عنف.. نحنا عنيفين بالفطرة كأنو..ومتل كلشي بها البلد تركا على التوكل احسن.. وزت ابنك بين الروس وقول يا قطاع الروس..او ترك الجمل بما حمل وهج على بلاد الكفار لانو هنن ضد العنف...

المشكلة مو مشكلة تربية صدقني المشكلة انو حضارتنا حضارة عنف.. نحنا عنيفين بالفطرة كأنو..ومتل كلشي بها البلد تركا على التوكل احسن.. وزت ابنك بين الروس وقول يا قطاع الروس..او ترك الجمل بما حمل وهج على بلاد الكفار لانو هنن ضد العنف...




أوافقك هنا فقط , المُشكلة مُشكلة تربية

لكن

" زت ابنك بين الروس وقول يا قطاع الروس "

هذا قمة التخلف !

" وزت ابنك في بلاد الكفار "

عُنصرية !

لا يوجد مَنْ هم كُفار وَ أخيار

يوجد مَنْ هوَ إنسان وَ مَنْ هوَ وحش

فمَنْ الوحش ؟

مزبوط صح كلام ناي ... يا اخي بيطلع ابنك نيئه عن الخليئه .... فانت بتبلش تقلو امي الي بيضربك كف اضربو تنين ... :pos:...والا بيطلع ابنك ملطشة المدرسةكلها

مزبوط صح كلام ناي ... يا اخي بيطلع ابنك نيئه عن الخليئه .... فانت بتبلش تقلو امي الي بيضربك كف اضربو تنين ... :pos:...والا بيطلع ابنك ملطشة المدرسةكلها

أن تربي طفلك على الخوف وَ الترهيب

يؤديهِ ذلك إلى عقدة الانزواء وَ عدم اندماجه بالمجتمع كما يجب

وبـِ التالي ضعف بالشخصية

وَ شيء طبيعي أن يَتعاركَ الأطفال فيما بينهم

فليسَ كُل الأطفال " وديعين "

انا عم اتمسخر يمكن فهمتني غلط..
انا لما عم احكي والله من وجعي... ولما قلك بلاد الكفار ..بيكون عم استعير الكلمة اللي بيقولوا الناس عنا..ما بكون عم عبر عن رايي انا...ولما بقلك حط ابنك بين الروس بيكون كمان من وجعي
لما بيصير عندك ولد بتحس باللي عم حسو.. بيكفي نحنا غريبين بالمجتمع وبيأن عن الخليقة ماحدا بيفهمنا كمان ولادنا هيك؟؟؟
يعني بتم نظرلك لبكرا بالتربية صدقني بس واقعنا مختلف وما بيزبط نجيب نظريات غربية ونطبقها على واقعنا..
ولك من كم سنة لحتى بطلو الضرب بالمدارس.. الولاد عوفون حالون للاساتذة لانو اهلون بيضربوهون بالبيت لما يغلطو.. ومعلومك اللي متعود على الخبيط ما بيمشي بالحكي.. الولاد عم يصير وقحين كتير بالمدارس
لانو في فجوة كبيرة كتير بدا تعباية عند الناس...

أعتقد انو كلام Nay صحيح..

الشغلة مانا انو في مشكلة بتربية شخص بعينه هو العنيف, انما المشكلة بتركيبة اجتماعية عنفية بأحسن الأحوال و بأسوأها يجوز الها صفات عاجز هلأ أجيبها بشكل جيد...

يعني ياما بمنطقتي في مشاكل وصلت للقتل بين العشاير بلشت على خناقة ولاد... و الولد يشوف انو أهلو و اهل أهلو ما بيخجلو من هالتصرف انما لأ.. مدعاة فخر انو فلان ما قبل انو ابنو ينضرب...


يعني الولاد الصغار هيك.. بكل دول العالم يتعاركو و يضربو بعض و اللي شنتايتو أبشع من شنتاية رفيقو بدو يخربلو ياها.. هنن الفرافير هيك... ملاعين:lol:.. لكن الشي اللي مو طبيعي كتير هو انو كمان الكبار أضرب منهون.. و هالشي عايشتو شخصيا.. والدي بعتبرو انسان واعي و مثقف و هو شخص متعلم و الو مكانة علمية جيدة... لما كنت صغير أمي دائما بتقلي انو اذا حدا ضربني بروح اشكي لآنستي أو احكي لأخواتي الكبار يروحو يشتكو عني, بس أبوي بهالشغلة ما كان يتقبّل هالشي.. ما بدو ياني قال كون فسّاد.. كان بيقلي انو اللي يضربني لازم اضربو, و اذا أنا ما ضربتو هو راح يضربني (رغم انو ما مد ايدو علي بحياتو).. بس منيح بهالحالة رديت على أمي أكتر.. و هو ما كنت انضرب كتير بالمدرسة (غير يمكن مرتين أو ثلاثه و وحدة منهون أكلتا في سبيل الوحدة العربية و مكافحة الاستعمار قتلة بتسوى حياتي:lol:)

عم خبّص ما هيك؟ حاسس كلامي فايت ببعضو... الهم, بعتقد انو الأمر هو علة اجتماعية عامة و ليست مشكلة تربية طفل بشكل نقطي.. مجتمعنا عنيف و يقدّس العنف.. سادي و يقدّس السادية (باسم الحق المقدس و الانتقام و كل هالحكي) ... فقيش هووووووووون (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

ريس
ما بدي انكش موضوعك شيت السادية بس بدي اعرف شي
هلق لما عم تطلع مشاهد القتل والذبح والبطيخ المبسمر والمابعرف شو من قطع رؤوس بالعراق او او القتل بفلسطين او حتى يا سيدي مشاهد الاعدام بالمسلسلات التاريخية
ليش بيصروا الاهل انو يا ابني تعا شوف تعا اتفرج
قال والله خليه ليتعلم يكون قوي ويعرف شو عم بيصير بالناس هدول الاعداء
طيب هاد مو تشجيع على انو تتكون فيه غريزة العنف اكتر

هلا أول شي الطفل عايش بمجتمع عنيف ... هالكلام لا غبار عليه
ضغوط الحياة على الأهل عم تخليهم يتحولو للعنف ... هلا ما رح قول أنو قبل كانو الأهل أحسن من هيك
لكن صار في عوامل زيادة لعبت دورا بهالأيام لزيادة العنف
مشاهد القتل يلي عم تطلع عالتلفزيون بنشرات الآخبار ... أفلام كرتون المليانة العنف ....الجلوس لساعات علاألعاب الكمبيوترية يلي بتشوش بمافيه الكلفاية
هلا هل يمكن السيطرة على عالعوامل برأيي المتواضع إي
أول شي الأهل لازم يخففو من العنف مع أولادهم سواء كان جسدي أول لفظي ولفت نظري كلام اللامنتمي حول العنف اللفظي ... في شي بأصول التربية بيقول أنك لما رح تنتقد طفلك لازم تنتقد تصرفو وليس ذات الطفل ..مثال أنت اليوم تصرفت بشكل سيئ لما كسرت لعبة أختك .....ما يقولوا أنت ولد سيء

بالمدرسة ورح استفيد من كلام ياسين شوي ... لازم الأهل يعلمو الطفل يشتكي عاللي تعدى عليه والأهل لازم يتابعو هالشي بزياراتهم للمدرسة لأن ماشالله الآنسات عنا كتير كفو :pos:

هلا من ناحية النشاطات للأسف الأهل ما عندون وقت وبدون يخلصو من ولادهم فبيقعدوهم ادام التلفزيون أو عالألعاب الكمبيوترية وأكيد هالشي غلط
الطفل عندو طاقة وبدو يفرغها وحلو أنو يكون بنشاط جسدي رياضي متل التسجيل بنادي أو ياخدوه عالحديقة بالطبيعة ويلعب ويفرغ طاقتو

ناحية مهمة تانية وهي يحاول الأهل يحادثوا ولادهم دايما ويعرفو شو بيفكروا ... الطفل كائن حساس كتير وبيحس بعواطف كبيرة ممكن ما يقدر يعبر عنها بشكل مباشر وهالشي بيخلق ضغط عندو وبياخد ردة فعل عنيفة .. لهالشي يحاول الأهل يساعدة الطفل بالتعبير عن نفسو

يعني ما بعرف ما جربت كون أم :p وما بعرف إذا هالأمور صهبة التطبيق على أرض الواقع ولا لا بس يعني لازم الواحد يشتغل على هالشي
:D وردة للكل و :akh: خاصة لناي مو لأنها بنت بس سر بيناتنا :fwink:

في شي بأصول التربية بيقول أنك لما رح تنتقد طفلك لازم تنتقد تصرفو وليس ذات الطفل ..مثال أنت اليوم تصرفت بشكل سيئ لما كسرت لعبة أختك .....ما يقولوا أنت ولد سيء

هشي كتير كتير مهم... ما لازم ازا بدنا ننتقد تصرف غلط مع اي حدا خصوصي الاطفال انو نوجة الانتقاد لشخصو وانما لتصرفو... لانو الانتقادات يلي بتتوجة للشخص كتير بتجرح وبتحسس بالاهانة بينما الانتقادات يلي بتتوجة لتصرف هاد الشخص تعتبر بناءة وتهدف للاصلاح في هاد التصرف...

هلا من ناحية النشاطات للأسف الأهل ما عندون وقت وبدون يخلصو من ولادهم فبيقعدوهم ادام التلفزيون أو عالألعاب الكمبيوترية وأكيد هالشي غلط
الطفل عندو طاقة وبدو يفرغها وحلو أنو يكون بنشاط جسدي رياضي متل التسجيل بنادي أو ياخدوه عالحديقة بالطبيعة ويلعب ويفرغ طاقتو
متل ماهو معروف هي القعدة قدام التلفزيون او الانترنت هيي من اكثر العوامل يلي بتنمي الشخصية العنيفة بداخل اي طفل او اي فرد بالمجتمع... بس كمان من منظور اخر... الاهل بجد ماعندون وقت!!! يعني في كتير اهل عارفين هشي وعواقبو بس ماعم يقدرو يعملو شي... لأن وقتون ماعم يسمح انو يشتغلو برات البيت وبالبيت ويربو اطفال... وهشي كمان كتير بيتعلق بعدم التعاون بين الام والاب بالبيت وبعدم مساعدة الرجل في التخفيف عن المرأة... هي الدوامة يلي بيوقعو فيها معظم الاهل... انو كيف رح يقدرو يربو اولادهن تربية سليمة ومسالمة بظل كل هي الضغوطات يلي عم يعيشوها...

:D وردة للكل و :akh: خاصة لناي مو لأنها بنت بس سر بيناتنا :fwink:
وردة الك كمان يسلمو.. بس انو سر!! ما فهمت..
انا جربت كون ام بنتي عمرا سنتين... احلى بنت بالعالم..مو صعب تربي الطفل ما يكون عنيف.. بالعكس سهل كتيير كتيير..بس متل ما قلت مو المشكلة كيف بدك تربي.. المشكلة كيف بدو يرد على العنف.. ووين بدي لاقيلا لهالبنوتة ولاد متلها.. وبيشبهوها وتستفيد منون ومن اللعب معون.. الحقيقة مافي.. يعني الناس اللي بيهتمو بغير اكل وشرب ولادون قلال كتير.. وهي الصعوبة مشان هيك قلت المشكلة مو مشكلة تربية امشكلة مشكلة ثقافة مجتمع...

ريس
ما بدي انكش موضوعك شيت السادية بس بدي اعرف شي
هلق لما عم تطلع مشاهد القتل والذبح والبطيخ المبسمر والمابعرف شو من قطع رؤوس بالعراق او او القتل بفلسطين او حتى يا سيدي مشاهد الاعدام بالمسلسلات التاريخية
ليش بيصروا الاهل انو يا ابني تعا شوف تعا اتفرج
قال والله خليه ليتعلم يكون قوي ويعرف شو عم بيصير بالناس هدول الاعداء
طيب هاد مو تشجيع على انو تتكون فيه غريزة العنف اكتر

إي أكيد بيأثر
شو نسينا مشهد إعدام صدام شو عمل ... صرنا نسمع عن كذا حادثة أنو ولاد عم بعلبو مع بعض لعبة إعدام صدام :?

هشي كتير كتير مهم... ما لازم ازا بدنا ننتقد تصرف غلط مع اي حدا خصوصي الاطفال انو نوجة الانتقاد لشخصو وانما لتصرفو... لانو الانتقادات يلي بتتوجة للشخص كتير بتجرح وبتحسس بالاهانة بينما الانتقادات يلي بتتوجة لتصرف هاد الشخص تعتبر بناءة وتهدف للاصلاح في هاد التصرف...

متل ماهو معروف هي القعدة قدام التلفزيون او الانترنت هيي من اكثر العوامل يلي بتنمي الشخصية العنيفة بداخل اي طفل او اي فرد بالمجتمع... بس كمان من منظور اخر... الاهل بجد ماعندون وقت!!! يعني في كتير اهل عارفين هشي وعواقبو بس ماعم يقدرو يعملو شي... لأن وقتون ماعم يسمح انو يشتغلو برات البيت وبالبيت ويربو اطفال... وهشي كمان كتير بيتعلق بعدم التعاون بين الام والاب بالبيت وبعدم مساعدة الرجل في التخفيف عن المرأة... هي الدوامة يلي بيوقعو فيها معظم الاهل... انو كيف رح يقدرو يربو اولادهن تربية سليمة ومسالمة بظل كل هي الضغوطات يلي عم يعيشوها...
اي بالضبط وهالشي لمحت عليه بكلامي
أنو صعب تطبيق هالتوصيات بظل هالظروف الضيقة اللي عم تضيق الخناق عالأهل
بس يعني الواحد بينتبه قدر الإمكان لهالشي وبيحاول يعتني أكتر بولادو ويضبط حالو ويفش خلقو بعيد عنهم
شو تربية الطفل سهلة !!! لا أبداً بنوب وبكرا لما منصير أمهات منحكي لبعض :lol:

وردة الك كمان يسلمو.. بس انو سر!! ما فهمت..
انا جربت كون ام بنتي عمرا سنتين... احلى بنت بالعالم..مو صعب تربي الطفل ما يكون عنيف.. بالعكس سهل كتيير كتيير..بس متل ما قلت مو المشكلة كيف بدك تربي.. المشكلة كيف بدو يرد على العنف.. ووين بدي لاقيلا لهالبنوتة ولاد متلها.. وبيشبهوها وتستفيد منون ومن اللعب معون.. الحقيقة مافي.. يعني الناس اللي بيهتمو بغير اكل وشرب ولادون قلال كتير.. وهي الصعوبة مشان هيك قلت المشكلة مو مشكلة تربية امشكلة مشكلة ثقافة مجتمع...

عزيزتي هي كانت وردة لفكرك ولشعورك الإنساني يلي تحدثنا عنه امبارح
وهلا كمان بحيي فيكي الأم يلي عم تعتني بطفلتا والله يخليلك ياها
فعلا كيف بدو يرد عالعنف ... هي كمان معضلة لأن مو كل يلي حوالينا بيفهموا أنو يا جماعة بلا العنف بالتربية
هلا من جهة أنا مع فكرة أنو الأهل يعلمو أبنون يشتكي للأستاذ أو الأنسة لما بتعرض لعنف بدل الرد وكمان الأهل يتابعو هالشي
بس بعتقد الوضع أعقد للذكور بهالناحية بعد عمر معين ... لأن ممكن يصير عرضة للسخرية من رفقاتو

يعطيك العافية على الموضوع الرائع
يسلمووووووووو:D
تحياتي // وردي
:hart:

إي أكيد بيأثر
شو نسينا مشهد إعدام صدام شو عمل ... صرنا نسمع عن كذا حادثة أنو ولاد عم بعلبو مع بعض لعبة إعدام صدام :?



طب شو مبرر انو يشوفوه يعني ما بيتعلموا الاعداء والمقاومة الا من الاعدامات
لسا شو نستيي قطع الرؤوؤس بالقاعدة والعراق

طب شو مبرر انو يشوفوه يعني ما بيتعلموا الاعداء والمقاومة الا من الاعدامات
لسا شو نستيي قطع الرؤوؤس بالقاعدة والعراق


لا ما نسيت بس عطيت مثال واحد عن حالات سمعنا فيها
أما ليش هيك بيعملو
فبعتقد بسبب الجهل وقلة الوعي عند الأهل لخطورة رؤية الطفل لهيك مشاهد

لا ما نسيت بس عطيت مثال واحد عن حالات سمعنا فيها
أما ليش هيك بيعملو
فبعتقد بسبب الجهل وقلة الوعي عند الأهل لخطورة رؤية الطفل لهيك مشاهد

بيقولوك خليه يتعود على هيك مناظر ليعرف يحارب العدو

انا بشوف انو صار الموضوع اكبر من قصة افلام كرتون وانترنت ...صارت القصة انو الاولاد ذاتن عم يطلعو من العيلة يللي شو ما كان فيها العنف رح يكون شي بسيط ويندمجوا بمجتمع المدرسة من عمر خمس سنين وهالشي رح يخليهم يتعرضوا لكتير مواقف ورح ينضربوا ورح يشوفوا اطفال تانيين عم يمارسوا تصرفات لا اخلاقية بهدف اثبات الذات واخذ حق القيادة بالصف او بالمجموعة وهون كل واحد بيصير ياخد من التاني تصرفات عدوانية وبيصير تشكيلة ولا اروع !!!! فيعني ممكن العنف يتربى بالطفل بسبب رغبتو باثبات ذاتو والسيطرة على غيرو واندماجو بمجتمعو غير انو احيانا الطبيعية البشرية بتكون ميالة للعدوانية والقصة بتصفة قصة عدوى:D