-
دخول

عرض كامل الموضوع : هلق الفلسطينيين بشر ؟؟؟!!!!

السورية المشتاقة
05/01/2006, 20:35
مرحبا ...
حبيت احكيلكن هالقصة ...اللي صارت قدام عيوني اليوم :(

مع انه اليوم عطلة رسمية ...عملت مدرستي يوم مفتوح للحملات الطلابية الحرة ....

يعني كل مجموعة من الطلاب بتعمل حملة لهدف سامي وانساني ...

قررت انا ورفقاتي نعمل حملة تضامنا مع الشعب السوري ورفض للاتهامات الباطلة بحقة من دون ادلة ... مع اني انا السورية الوحيدة بين رفيقاتي ...

المهم طبعنا منشورات ولافتات وقصائد وخرائط ومعلومات عن الجمهورية السورية ...

وقررنا ننشرها بالمدرسة بين الطلاب و ننشرها بالشوارع بين الناس ...

اجت المديرة وصارت تلف عكل المجموعات وتعطي رايها ...فجاة ما لقيتلكن الا وحدة من بنات
الحادي عشر طلعت فوق كرسي وهي حاملة لافتة عليها صورة اكتر من حيوان متل الغزال ودب الباندا ...وهالبنت سكوتلندية ...

و بلشت تهتف بحقوق الحيوان ................8) :pos:

بعد ماخلصت وراح صوتها نزلت من على الكرسي وراحت لعند مجموعة تانية لتوزع عليها منشورات بتندد بقتل الحيوانات ...وتحذيرات لانقراضها ...

قامت بنت فلسطينية قالتلها مو احسنلك لو تعملي شي عن حقوق الانسان ؟؟؟!!!! :lol:
قالتلها الاسكتلندية ...وحقوق الحيوان تضل مهدورة ؟؟!!!
قالت :لا بالعكس حملتكن حلوة وهادفة ...لكن في اشياء اهم بكتير ...وين حقوق الفلسطينين

قالت الاسكتلندية ..مو ليكونو بشر ؟؟؟؟

وعلقت بيناتهن ...وعوقبت الاسكتلندية ...

المهم من هالقصة اللي بتهز البدن ...انو انهز بدني طول اليوم ...من الاستخفاف بقدر الانسان
يا عمي والله ما حدا قاللكن شي ..لازم ندافع عن حقوق الحيوان ..
لكت انه تيجي وبكل وقاحة تحكي هيك عاخواننا بفلسطين ؟؟؟:cry:

احيانا بحس انه تحرير فلسطين معجزة ..وانتهى زمن المعجزات ...
ما النا الا اننا ندعي ونصلي لاخواننا بفلسطين ..ونقرا قصائد احمد مطر ...عنجد والله بحس انه هو اكتر شاعر قدر يحكي عن حالة الفلسطينيين :cry: وهي قصيدة للشاعر الكبير احمد مطر اهداء الكن...
.................................................. ............................................

عائدون


هرم الناس وكانوا يرضعون ،
عندما قال المغني عائدون ،
يافلسطين وما زال المغني يتغنى ،
وملايين اللحون ،
في فضاء الجرح تفنى ،
واليتامى من يتامى يولدون ،
يافلسطين وأرباب النضال المدمنون،
ساءهم مايشهدون ،
فمضوا يستنكرون ،
ويخوضون النضالات على هز القناني وعلى هز البطون ،
عائدون ، .ولقد عاد الأسى للمرة الألف، فلا عدنا ولاهم يحزنون

.................................................. ..................................................
ولكل واحد بالمنتدى بتوجه بطلب ..اعملوا اي شي مشان سوريا ..مشان فلسطين ...
اعملوا اي شي ...عالانترنت بالجرايد بين الناس ...سورية بحاجة لمواطنينها لشبابها ...
مين النا غيرها ؟؟؟؟:cry: :cry: :cry:

باي
sezar
05/01/2006, 22:46
و الله انربط لساني :waa3:

شكرا يا مشتاقة :سوريا:
حسون
05/01/2006, 23:25
تحياتي إليك يا مشتاقة
here i am
06/01/2006, 00:17
المشكلة أنو هنن بيعتبرو كل العرب همج و بيعتبرو أنو أقل مستوى منون بس مابيتطلعو أنو العرب متل الغرب فيو منيح و فيو قبيح يمكن القبيح كتير شوي بس ليش ليسكرو عالكل صرماية الفلسطيني الصغير يلي عم ياكل هوا كل يوم بتسواها هي و حيواناتها
anglic
06/01/2006, 00:29
معقووووول الحيوانات ............ حدهم الحيوانات وزياده عليهم انه يطله مستوى تفكيرهم ويصيرو متلنا بشر
minime1967
06/01/2006, 00:38
يعني الاسكتلندية ما معها حق .. خاصة أنه مضطهدة "نسبيا" من قبل الأنكليز ... بس اللي ما معهم حق أبدا هنن الزبالة العرب "ما الكول" اللي بتركو هيك مشاعر تكبر ..

بالمناسبة الحكومة دفعت ملايين ادولارات و عملت مركز أعلامي سوري لتحسين صورة سوريا و العرب في لندن .. بقيادة يحيى العريضي ؟؟ رجاء لا حدا يسألني شو عمل لهلق , بيجوز طق و موت .

أنا رايح ألى لندن بعد أسبوعين .. اذا حدا بدو شي من الشام , أمانة يقول ..
السورية المشتاقة
06/01/2006, 01:22
شكرا كتير sezar و حسون و here i am و anglic شكرا عالمرور .. شكرا كتير لاحساسكن الرائع ..ومشاعركن الحلوة :سوريا:
السورية المشتاقة
06/01/2006, 01:24
يعني الاسكتلندية ما معها حق .. خاصة أنه مضطهدة "نسبيا" من قبل الأنكليز ... بس اللي ما معهم حق أبدا هنن الزبالة العرب "ما الكول" اللي بتركو هيك مشاعر تكبر ..

بالمناسبة الحكومة دفعت ملايين ادولارات و عملت مركز أعلامي سوري لتحسين صورة سوريا و العرب في لندن .. بقيادة يحيى العريضي ؟؟ رجاء لا حدا يسألني شو عمل لهلق , بيجوز طق و موت .

أنا رايح ألى لندن بعد أسبوعين .. اذا حدا بدو شي من الشام , أمانة يقول ..

شكرا عمرورك :سوريا:
و انا بوصيك تروح تسلم على عمتي بلندن ..لا تنسى ;-)
shadi
06/01/2006, 01:40
والله كل واحد بدافع عن الشعب يلي هو بينتمي أله
يعني مثال واقعي
انتي دافعتي عن الشعب السوري وسوريا لانك سورية
ورفيقتك دافعت عن الشعب الفلسطيني وفلسطين لانها فلسطينية
وهديك دافعت عن الغزال والدب والباندا والحمار والتيس لانهم اهلها وقريبينها


ولا يهمك يا أحلى مشتاقة هيك عالم ما بيغبرو على بوطك
مشكورة ياأمورة
sezar
06/01/2006, 05:21
ظابطة هي قوية و ملعوبة :o :clap:
Tarek007
06/01/2006, 10:11
اعجبني كثيراً قلم المشتاقة ....
بغض النظر عن الموضوع ......


أرى كاتبة في الافق ....
fady juventus
06/01/2006, 18:09
يا ستي أحلى شي بالموضوع هوي خوفك ع بلدك مع إنك مغتربة
وهون الشعب عم ينهش اللي ضل من لحم بلده
سرسورة
06/01/2006, 19:20
الله محييكي وشكرا لأنو خبرتينا بالقصة
السورية المشتاقة
07/01/2006, 20:55
اسفة كتير عالرد المتأخر ...مشاغل كتيرة ..أسفة كتير...
حبيت اشكر مشاعركن الحلوة .. والردود الرائعة اللي بتنكتب بالدهب :king:

شكر لكل اللي شاركوا واللي قراوا الموضوع ...:سوريا:

واقبلوا مني هالهدية الرمزية اللي بالصورة ...:سوريا:
yamen_h
08/01/2006, 10:31
هلق الفلسطينيين بشر ؟؟؟!!!!

اكيد لأ ....
لأنون متل الكلاب عايشين عنا بسوريا وبينتفوا بدقننا ....
والاوسخ من هيك اني لهلق ماقابلت فلسطيني وكان قلبوا طيب او محترم ..
minime1967
08/01/2006, 14:02
مو حلوة منك يا زعيم yamen_h :

والله يا حبيب حتى لو ما قابلنا أحمد ياسين و عبد العزيز الرنتيسي و يحيى عياش و غيرو وغيرو بيبقى ألهم احترام وعشق وغصة وحرقة في قلوب كل ذي أصل .
sezar
09/01/2006, 01:44
اكيد لأ ....
لأنون متل الكلاب عايشين عنا بسوريا وبينتفوا بدقننا ....
والاوسخ من هيك اني لهلق ماقابلت فلسطيني وكان قلبوا طيب او محترم ..
:lol:
و ليش حارق قلبك كل هل قد
:jakoush:
السورية المشتاقة
09/01/2006, 11:09
اكيد لأ ....
لأنون متل الكلاب عايشين عنا بسوريا وبينتفوا بدقننا ....
والاوسخ من هيك اني لهلق ماقابلت فلسطيني وكان قلبوا طيب او محترم ..
له يا اخي له ...ازا نحنا هيك بدنا نحكي عالشعب الفلسطيني ...كل شعب فيه المنيح والعاطل ومستحيل يكون في شعب كله منيح ...لازم نكون ايد وحدة مع الفلسطينيين والله ينصرهن :oops:
السورية المشتاقة
09/01/2006, 11:12
مو حلوة منك يا زعيم yamen_h :

والله يا حبيب حتى لو ما قابلنا أحمد ياسين و عبد العزيز الرنتيسي و يحيى عياش و غيرو وغيرو بيبقى ألهم احترام وعشق وغصة وحرقة في قلوب كل ذي أصل .
بالفعل بارك الله فيك ...الله يكون معهن اخواننا الفلسطينيين وينصرهن ...ويكون معنا وينصرنا نحنا السوريين كمان :cry:
minime1967
09/01/2006, 11:19
{بالفعل بارك الله فيك ...الله يكون معهن اخواننا الفلسطينيين وينصرهن ...ويكون معنا وينصرنا نحنا السوريين كمان}

الله يبارك بأهلك ونسبك ...

نحنا "السوريين" وهنن "الفلسطينين" بالهوا مو كتير سوا .. على الأقل هنن بيعرفو أنو عندون عدو , غريب ولئيم , أما نحنا فعدونا منا وفينا ولئيم .. و الخيار الوحيد هو دبابة وحيدة قرن غربية أو بسطار عسكري محلي الصنع .. و الآختيار هو يامحلى ريحة هلي. و على دلوعونا عليى دلعونا بي بي الغربة الوطن حنونا {حتى لو ثبت العكس }
Tarek007
09/01/2006, 11:34
{بالفعل بارك الله فيك ...الله يكون معهن اخواننا الفلسطينيين وينصرهن ...ويكون معنا وينصرنا نحنا السوريين كمان}

الله يبارك بأهلك ونسبك ...

نحنا "السوريين" وهنن "الفلسطينين" بالهوا مو كتير سوا .. على الأقل هنن بيعرفو أنو عندون عدو , غريب ولئيم , أما نحنا فعدونا منا وفينا ولئيم .. و الخيار الوحيد هو دبابة وحيدة قرن غربية أو بسطار عسكري محلي الصنع .. و الآختيار هو يامحلى ريحة هلي. و على دلوعونا عليى دلعونا بي بي الغربة الوطن حنونا {حتى لو ثبت العكس }
ابو شريك البسطار المحلي انهرا ....بيجوز من خشونة رقابنا


خلينا نجرب شي بسطار امريكي ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
minime1967
09/01/2006, 11:42
{ خلينا نجرب شي بسطار امريكي }

لك ياغالي خليها بالقلب تجرح .. ليش هو ابسطار الأمريكي راضي يجي ؟ عم بيبوسو أيديه ورجليه بس ما عم يرضى . قال شو "الصيدة غير محرزة اقتصاديا"

شششووو لا تحكي لحدا .. خليون مفكرين أنو نحنا محرزين .
Tarek007
09/01/2006, 11:50
بس لو اجو .......هاد البسطار ما بينهرا ؟؟؟؟!!
WHITESNAKE
09/01/2006, 14:40
هوه البسطار بيجي بس خايف من الأرض تدايقو --- شبها معامل الدفاع وبساطيرها؟؟؟!!!!!!!!!!
برهومة
09/01/2006, 14:51
شكرا يا مشتاقة ( انا احمد من فلسطين من مدينة نابلس بدرس ادب لغة انجليزية سنة4 ) وانا مقدر فعلا مدى حبك وتعاطفك مع الشعب الفسطيني بجد) وانا كمان بجد زعلان كتير على المهزلة والطامة الكبرى والمؤامرات اللى عم تحاك ضد الشعب السوري الشقيق والله قلبي عم يحترق على ها لخزعبلات اللي اللي من شانها تدمير الوطن العربي قاطبة واحنا العرب بالاخص ينطبق علينا قول الشاعر:نرجو النجاة ولم نسلك مسالكها ان السفينة لا تجري على اليبس الصديق: احمد ( فلسطين)
السورية المشتاقة
09/01/2006, 15:20
ابو شريك البسطار المحلي انهرا ....بيجوز من خشونة رقابنا


خلينا نجرب شي بسطار امريكي ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
شباب و الله حرام عليكن ..شو هدا البسطار ؟؟؟
بدنا مترجم ...:(
يا اخي لا تجيبو مترجم حكو انجليزي ...:pos:
السورية المشتاقة
09/01/2006, 15:21
شكرا عالرد برهومة :سوريا:
minime1967
09/01/2006, 15:39
معك حق يا مشتاقة .... هي كلمة كتير صبيانية و معناتها البوط العسكري ... للأسف.
السورية المشتاقة
09/01/2006, 16:07
معك حق يا مشتاقة .... هي كلمة كتير صبيانية و معناتها البوط العسكري ... للأسف.
:clap: :clap: :clap: :clap: :clap: شكرا كتير :سوريا:
minime1967
11/01/2006, 00:10
المشتاقة :

ياريت كان فينا نخدمك بتفسير كلمات أكتر أهمية متل : الشرف العسكري ... خدمة العلم ... القائد المباشر .. التسلسل القيادي و غيرها من التعابير العسكرية التي تنتهل لدرجة تقشعر البدن.
السورية المشتاقة
11/01/2006, 02:19
المشتاقة :

ياريت كان فينا نخدمك بتفسير كلمات أكتر أهمية متل : الشرف العسكري ... خدمة العلم ... القائد المباشر .. التسلسل القيادي و غيرها من التعابير العسكرية التي تنتهل لدرجة تقشعر البدن.
بتعرف هيك صار وجهي لما قريت هالمصطلحات :shock: :shock: :shock:
بس مين هدول اللي عمتحكي عنهن ؟بس ما يكون قصدك ع حبيباتك ايام الدراسة ! ;-) :lol:
ميرسي كتير الك :سوريا:
whiterose
11/01/2006, 04:32
حلو سورية حاكم الغرب ما أخد عقلون غير أخواتن!!!!!
minime1967
11/01/2006, 16:23
المشتاقة :

أثنا الدراسة ما حبيت كتير .. بس بعدين يا ساتر ... بدها موقع لحالها ...
السورية المشتاقة
12/01/2006, 14:55
whiterose شكرا عالمرور كتير وخلينا نشوفك دائما :سوريا:
السورية المشتاقة
12/01/2006, 14:56
المشتاقة :

أثنا الدراسة ما حبيت كتير .. بس بعدين يا ساتر ... بدها موقع لحالها ...
كمان هي فيها مصطلحات بحاجة لمعجم ؟ ;-)