-
دخول

عرض كامل الموضوع : البؤساء ... هل يمكن أن تكون بلا فائدة ؟

السورية المشتاقة
04/01/2006, 21:51
السلام عليكم يا احلى اعضاء واخوة بالمنتدى ...:سوريا:
انا قارئة متعلقة بروايات الكاتب والشاعر الفرنسي الكبير فكتور هوغو احب الادب الغربي بشكل عام ....

رواية البؤساء من اشهر الروايات العالمية الانسانية ...ولمن قرأها القدرة على كشف الموهبة التي امتلكها الكاتب فكتور هوغو في الحبكة...
المهم حبيت اطرح هالموضوع لنشوف ارائكن من ناحية النقد اللي توجه به الكتاب والنقاد بهديك الفترة بعد اصدار الرواية لفكتور ....

البؤساء ...المكتوب واضح من العنوان ...
قصة تتناول جوانب انسانية بحتة ...تحدث بها هوغو عن الحب و الحرب و الطفولة المفقودة
و السجن الذي اضاع حياة بطل القصة جان فالجان لسبب تافه وهو بحثه عن لقمة العيش ...
تحدث بها عن نابليون بونابرت ...والشباب البونابرتي الديمقراطي ...
تناول هوغو كل هالمواضيع برواية وحدة انطرحت بشكل حزين و تراجيدي ...

الكتاب والنقاد توجهوا بانتقادات لاذعة لفكتور مشان هالرواية ...
ادعاءا بانه روايته ماساوية وبلا فائدة ...
فكان رد الكاتب الكبير فكتور هوغو عليهم ...

بما ان الفقر والبطالة والحروب وانحطاط المراة وضياع الطفولة مشاكل موجودة ...مشاكل يعيشها ويعاني منها الكثير ...فلا يمكن ان تكون "البؤساء" بلا فائدة ...

من وجهة نظري الخاصة ...البؤساء رواية انسانية رااااااااااااااائعة
وبتوقع انه هوغو رد عليهن الرد المناسب ..
لانه المشاكل اللي تناولها لحد هلق موجودة ايها الكاتب العظيم...واكتر شخصية تاثرت انا فيها هي الطفلة كوزيت ...

السؤال الكن ...هل توافق هوغو في وجهة نظره ؟؟؟
ام ان البؤساء رواية ماساوية بلا فائدة ؟واذا كنت قد قرات البؤساء فشو هي اكتر شخصية تاثرت فيها ؟

شكرا الكن :سوريا:
Tarek007
06/01/2006, 02:04
و الله صعبة ارجع بالذاكرة اكتر من عشر سنين :cry:


بس الشخصية يلي ما بتروح من بالي


هي امها ل كوزيت .......:cry:

مدري ليش ....بحس كل الحزن بكوم يلي بالقصة و ام كوزيت بكوم

بيجوز انا فتت بشخصية ام كوزيت ( ع هديك الايام ) اكتر من الكاتب

بس هي اول شخصية بتخطر ببالي وقت بيحكوا عن البؤساء







لي عودة
السورية المشتاقة
06/01/2006, 02:13
اهلا يا طارق نورت الموضوع :سوريا:

والدة كوزيت اسمها "فانتين " وبالفعل شخصية كتير مؤثرة ...
لكني تاثرت بكوزيت اكتر ..يمكن لانه فانتين كان دورها بالقصة بسيط ...
شكرا كتير عمرورك :سوريا:
SABE
30/01/2006, 22:37
متل ما قال طارق .. الرواية انا كمان صرلي زمان قريانها .. ولهلأ بذكر شلون علقت فيها جمعة كاملة ..حى رحنا رحلة مع أهلي على الضيعة روحت الرحلة كلها و أنا عمبقرا بهالرواية ..

ما بتذكر كتير كتير تفاصيل , بس بذكر إنو بأكتر من مقطع دمعت عيوني .. وخصوصي بآخرة الرواية ..
الأشخاص اللي علقو بذاكرتي ..
حبيبها لكوزيت .. لأنو وقت كنت عمبقرا هالقصة كمان كنت مفكر حالي طامس بالحب لقراقيط أدنيي .. وتأثرت كتير بالجزء اللي بيحكو فيه عن قصتهون مع بعض .. و كمان جزء تبع الحرب كتير حلو ومؤثر ..

و القصة شو ما حكو عنها .. هي أو غيرها .. إذا قدرت الرواية توصل صاحبها لشعور حقيقي (( كالدمعة مثلاُ .. أو الإبتسامة )) فبيكون الكاتب قدر يوصل شيء للقراء ..
ومشكورة عالموضوع الحلو ..
Daiski
30/01/2006, 23:32
انا ما صرلي فترة شايف الفلم تبعها و كان كتير حلو....................:lol:
يعني حسيتو جسد الرواية تقريباً:?

ليش تقريباً

لانو انا بتذكر انو بنهايه الرواية بموت جان فالجان ;-)
butterfly
31/01/2006, 01:11
أكتر شغلة عجبتني بالقصة شخصية جان فالجان .... وكيف قدر يصور الكاتب قديش أثر الحب في تغيير شخصيته
بتذكر موقف وقت بيسامحو الكاهن ... و بتضل عالقة كتير بذاكرتو وكمان قديش حبو لكوزيت وتعلقو فيا بيعطي معنى لحياتو
michca
31/01/2006, 01:23
هاي كيفك0 0 ما بتصور انو في حدا ما قرأ الرواية او شاف الفيلم تبعها أو حتى شافها بأفلام الكرتون 00علأقل
بس برأيك000ناقصنا هم و أحزان بهلزمن00 يعني نحنا بحاجة لنهرب من همومنا وعم ندور عشوية ضحك 000بصراحة اذا منشوف مستر بن اريح من وجع هلراس أذا ضل في راس أصلا00000;-) بااااااي
TOTI
04/02/2006, 20:46
بسم الله الرحمن الرحيم
بعد التحية والسلام عليكم اود الانضمام اليكم في هذا الموضوع الرئع حقا وهو
الروياة الادبية العالمية ومدى اصتخلاص العبر منها وفهمها وتعبيرها الى حدا ما
فمثلا مثل هذه الروية والتي تدعى البوئساء للكاتب العظيم فيكتور :king:
ورد مني على بعض اراء الاصدقاء وجوبا لسوئلهم الجميل جدا اقدم مايلي :
1:ان هذه القصة تبين لنا معاني كثيرة جدا ومنها ان الانسان الصلح والطيب
يحاول ان لا يقع في الاخطاء ويحاول تفديها وراينا في الرواية كيف ساعد
جان فلجان السيد ام كوزيت وابقها في منزله وهي مريضة وحاول ان يجد لها ابنتها
ورأينا مدى تغير شخصية جان في الروية اي ان الناس كلهم باتو يقدسون هذا الرجل
وهذه القصة من رأي الخاص محاكة بشكل فظيع اي انا عندما كنت اقراء الروية
وفي اخرها عندما اطلق الشرطي سراح جان ازهلت بهذا المقطع لانني لم اكن اتوقع
ان يطلق سراح جان السعي لعمل الخير :adal: :adal:
وانا على العكس مع اراء الاصدقاء بانها رواية بلا فائدة !!!!!!!!كيف بلا فائدة وهي تعلمنا
كيف نسامح الاخرون على اخطائهم وافعالهم وهي تعلمنا مامعنى الوعد اي وعد جان لام كوزيت
وكيف تحول الرجل السارق الى رجل الخير والعطء بعد ذالك المشهد في بيت الراهب



اسف لقد اطلت عليم اتمنى ان لاتزعلو مني على بعض الموضيع :aah: :aah: :aah: :aah: :gem:
وهذه المشاركة الاولى لي في هذا الموقع

توتيييييييييييييييييييييي ييييييييييييييييييييي :jakoush: :jakoush: :jakoush: :jakoush: :jakoush: :jakoush: :jakoush:
السورية المشتاقة
05/02/2006, 15:21
..
حبيبها لكوزيت ..

اي اسمه ماريوس اللي كان بده ياخد حق والده المقاتل :سوريا:

لأنو وقت كنت عمبقرا هالقصة كمان كنت مفكر حالي طامس بالحب لقراقيط أدنيي .
;-) ;-) ;-) ;-) :lol: :lol: :lol:


شكرا لمرورك :سوريا:
السورية المشتاقة
05/02/2006, 15:24
شكرا khaldi عالرد ..

بتذكر موقف وقت بيسامحو الكاهن ...
بالفعل هاد موقف مؤثر جدا جدا لما بتيجي الشرطة ولولا مسامحة الكاهن ماكان نجا فاجان ...
السورية المشتاقة
05/02/2006, 15:25
بس برأيك000ناقصنا هم و أحزان بهلزمن00 يعني نحنا بحاجة لنهرب من همومنا وعم ندور عشوية ضحك 000بصراحة اذا منشوف مستر بن اريح من وجع هلراس أذا ضل في راس أصلا00000:wink: بااااااي

اي طول بالك لسا بكير عالهموم ;-)



شكرا توتي عالمشاركة الحلوة وانا معك بالراي :سوريا: