-
دخول

عرض كامل الموضوع : مشاكل بالدخول

Anonymous
31/10/2004, 12:16
سلام يا جماعة


صرلي شي يومين كل ما بدخل على الموقع لحالو عم يعمل ساين اوت , و كل ما بدي اكتب رد او موضوع جديد بيطلب مني ادخل مرة تانية .............. بدخل و بكتب الرد بجي بدي ابعتوا .......... بيطلب مني ادخل مرة تانية مع اني دخلت .............. و بيروح الحكي اللي كتبتوا ........... و بعيدا شي الف مرة داخل طالع داخل طالع لحتا يمشي الحال ................ يعني وهلاء و انا عم اكتب هاي صارت معي شي مية مرة ........... والله دخت .
dimozi
31/10/2004, 12:20
يعني هلاء عملي هاي المشاركة عابر سبيل .............. مع انو كنت داخل على الموقع .......... في حال عملها مرة تانية ............ Dimozi صاحب الشكوى ...................
Akhawia
31/10/2004, 16:28
اي تقريبا بعرف السبب ..
بس بدي نقطتين منك
الاولى تعمل حزف للكوكي كلها
IE
tools
internet options

Delete cookies

وادخول عادي للمنتدى بعدها باليوزر والباسورد العادي ..
وردلنا خبر شو بيصير معك بعديها

نقطة ثانية في حد تاني عم بتصير معاه المشكلة هاي او شي مشابه بما يخص الدخول والخروج
يكتب شو صار معو بالظبط
نوع المتصفح الي بيستخدمو واي اصدار من ويندوز الي هوي عليه
من اي بلد عم يدخل و بالبظط شو نوع الاتصال ببلدو

---
الحقيقة عم بعمل شوية حركات فنية بما يخص جوجل والمنتدى يعني نوع من ترغيب جوجل لزيارة المنتدى و هيك
بقا في احتمال بالفعل يصير مشاكل نتيجة هال الشي وما تظهر غير عند البعض
ساعدوناااا
Joe
31/10/2004, 18:47
اي انا كمان عم تصير معي هاي المشكلة احيانا و ما عم اقدر ادخل.. و خصوصي لما كون بالجامعة.. صارت شي مرتين او 3
Anonymous
31/10/2004, 18:55
أنا عم تصير معي كذا شغلة..
مثلا هلأ صرت كاتب قصر قصيرة (4) مرات وكل مرة بيرجع بيطلب الاسم وكلمة السر، وأنا وراه وراه، يعني عملت حفظ للقصة وعم أعمل copy paste كل مرة ولنشوف مين أتنح

المشكلة الثانية وقت بكون بالبيت (أنا هلأ بمحل انترنت) المشكلة أنو كل مرة بدي أدخب على الموقع لازم سجل اسمي مرتين، أول مرة بظهر بالقائمة بس ما بيفرجيني الرسائل الخاصة، وتاني مرة بيمشي الحال

سلام...
Fares
31/10/2004, 18:57
هادا أنا فارس تبع الرد الأخير.. طفيت الجهاز وشغلتو مرة تاني عساه يظبط!!!!
Joe
31/10/2004, 19:03
شو اخي فارس ظبط طمنا؟ :wink:
Hus
31/10/2004, 20:54
طيب هلق شباب ممكن كل مين من محل ما هوي يجرب يدخل ويطلع وهيك ..
ويردلنا خبر .. لسا في مشاكل بالدخول والخروج ولسا عم يطلب كلمة المرور بعد ما تدخل من جديد ولا كيف
المفروض اتكون انحلت المشكلة .. يا مسهل
Anonymous
01/11/2004, 13:08
نا بمحل انترنت .............. فما فيني كتير العب بالاعدادات و فوت على القصص ............ ها تالت يوم عم تصير معي القصة .........عم حاول اكتب اي شي ما عم يمشي الحال .............. و ما عم اقدر ادخل او ابعت مشاركات الا بطلوع الروح ......... على ها الجهاز ويندوز XP و المتصفح اكسبلورر................ و في حال ما طلع اسمي هلاء ............ انا Dimozi
HashtNasht
02/11/2004, 02:15
يا جماعة أنا ما عندي مشاكل بالدخول ...عندي مشاكل بالخروج !!

يعني اذا بضل بكبس ع زر الخروج 4 ساعات ما بصير خروج لحتى امحي الكوكيز . شو قولكن بطيب ؟
Joe
02/11/2004, 07:09
انا بتصير معي كمان هاي تبع الخروج... بس بيمشي الحال بكبستين... انت الظاهر حالتك اصعب شوي :?
عبير
09/11/2004, 23:55
يا جماعة وانا كمان عم سجل خروج ما عم يمشي الحال عم يبقى اسمي كمان موجود
شو العمل؟
Hus
10/11/2004, 01:09
اي بسيطة رح بنحلها باقصر وقت ..
واذا اجى اقصر وقت وما انحلت .. رجعو خبرونا
Anonymous
10/11/2004, 13:22
والله اجا اقصر وقت يا حكيم , من شي يومين , مرق و سلم و ما حدا رد عليه , زعل و راح

و اساتنا عم نتعذب بالدخلة و الطلعة و المشاركات


Dimozi
Hus
10/11/2004, 14:42
المشكلة انو المشكلة عويصة ! وما عم تنحل
Anonymous
10/11/2004, 15:20
أنا fares ..
اليوم معصلجة الأمور ع الأخير، يعني ما عم يدخل أبداً...

الفكرة أنو ما عم تصير معي هالقصة وقت كون بالبيت بحمص.. (ما بعرف إذا صدفة)..
:confo: :confo: :confo:
:confo: :confo:
:confo:
philip
10/11/2004, 17:10
طيب يا شباب يلي بيفوتوا من البيت يحطوا الدخول الأوتو ماتيكي ويلي ما بيدخلوا من البيت الن الله :D
Hus
10/11/2004, 18:42
s h i t
Akhawia
10/11/2004, 19:51
طن طن!
تم حل المشكلة , انشاء الله ..
لو لسا في حد عندو مشكلة بالدخول والخروج يكتب رده هنا شامل
نسخة المتصفح الي عم يستخدمها explorer واو firefox , mozilla ,opera
+ الويندوز الي عندو XP - 98 -2000
هل عم يدخل على النت من البيت او من كفي نت

فائق الاحترام
عبير
10/11/2004, 23:18
طيب انا لساتها المشكلة قائمة عندي وانا عم ادخل من البت والمتصفح عندي اكسبلورر والوندوز xp :?
dimozi
11/11/2004, 12:37
اليوم ما عندي مشكلة , عم استخدم نفس الكافي كل مرة


و الخط نار :lol: و السعر ظريف


بدكن العنوان؟؟؟
Hus
11/11/2004, 23:13
طيب انا لساتها المشكلة قائمة عندي وانا عم ادخل من البت والمتصفح عندي اكسبلورر والوندوز xp :?
عبير .. روحي على Tools >>> Internet Options>>>>delete cookies
وبعدها ادخلي اي سايت تاني غير اخوية وارجعي ادخلي اخوية .. سجلي دخول وسجلي خروج ورديلنا خبر انحلت او لاء

شباب اي حدى لسا عندو المشكلة يخبرنا .. واي حدى كان عندو مشكلة وانحلت المشكلة كمان يخبرنا ..
لانو المشكلة في اجهزة واجهزة .. يعني على اجهزتنا ما عم بيصير اي مشكلة المشكلة على اجهزة بموصافات محددة تقريبا وما قدرنا نحصر هذه الاجهزة او المواصفات ولا قدرنا نحصر وين الخلل الفني الي عم بيصير ..
عملنا حركة اخيرة مفروض حلت المشكلة بس عبد رد عبير رجعت اتشاءمت :(
Abo rafik
12/11/2004, 03:09
انا كان عندي نفس المشكلة وانحلت بعد ما عملتDELETE COOKIES بس هلق ابعتت موضوع 3 مرات لأنو كل مرة ابعتو عم يطلعلي CANNOT DISPLAY PAGE ومابعرف شو السبب ؟؟؟قولك فيروس؟؟؟(انا بالبيت وعندي XP)وشكرا" لك وعذرا" مرة تانية لانو الموضوع نزل 3 مرات :cry: :( :(
Fares
13/11/2004, 15:34
أنا هون فتت من حمص من البيت والأمور عال العال..
بس اكتشفت اكتشاف خطير، أنو أنا وديموزي أكتر تنين عندنا مشاكل وكمان نحنا التنين عم نفوت عند نفس الكافي ..
برجع بعيد حكي ديموزيه: السرعة رائعة والسعر مناسب!!!
philip
13/11/2004, 16:45
اليوم ما عندي مشكلة , عم استخدم نفس الكافي كل مرة


و الخط نار و السعر ظريف


بدكن العنوان؟؟؟

دلنا علي الله يخليك لأنو رح انجلط :D :D :D