مرحبا يا جماعة ...

بعد مرور سنة وشوي على انطلاق منتديات الأخوية حبيت أطرح هالموضوع ليكون متل مراجعة لأعمال السنة .. لأنو متل ما بتعرفو انو كل مؤسسة بالعالم بتعمل مراجعة بنهاية العام لكل مشاريعها بواسطة خبراء لتعرف شو أنجزت و بشو فشلت وكمان بتقيم العمال اللي عندا وتكافئ المجتهد و تحاسب المقصر والمهمل ...

ونحنا هيك لازم نعمل بس الفرق أنو نحنا ما مؤسسة نحنا أخوة ..
ونحنا ما عنّا مشاريع عنّا أهداف وأهم هالأهداف هو أنت ..
وكمان ما عنا مكافآت وما عنا عقوبات بس عنا كلمة شكر وكلمة عتب أخوي ...

بس الأهم أنو عنا خبراء وهم أنتم ...

يعني بالمختصر المفيد يا ريت كل عضو من الأعضاء بيكتب رأيو بموقع الأخوية بكل صراحة وبيحكي بتفصيل شوي زيادة عن النقاط السلبية اللي شايفها..

الرجاء أن يتضمن تقييمكم أعضاء المنتديات وأقسامها ومشرفي الأقسام و الادارة وأي اقتراح تضيفونه لكي نتمكن سوية من رفع مستوى الموقع


وبالآخر بحب أطلب منكن طلب أنو يا ريت الكل يساهمو معنا بهالموضوع وياريـــــــــــــــت ما يتحول الموضوع للتخويت متل العادة لأنو رح نضطر آسفين لحذف أي رد غير نافع وخارج عن الموضوع ..
وكمان يا ريت أنو العلاقات الشخصية المباشرة ما تدخل بالتقييم ...

وشكراً للجميع ..


تحياتي ...

شكرا باشا:انا ماصرلي كتير مشاركة بالموقع
لكنني تعرفت عليه بطريق الصدفة على الانترنت وكتير عجبني وكتير مبسوطة
فيه لدرجة اني يوميا بفتح عليه,والله يقويكم ويعطيكم العافية,بس بريد أنو أي موضوع بيمس الاخلاق وخاصة العقائد الدينية بطريقة غير خلقية ينحذف أو تشوفولوا تصريفة وشكرا كتير :hart:

برافو أنمار

الموقع قوي من حيث تنوع المواضيع وطرق مناقشتا

طبعا والاشراف مستمر والله يعطيكون العافية

بس عندي عتب على الشباب و الصبايا يلي ما عم تشارك بالمواضيع

وعتب تاني على يلي عم يشارك بس للاسف بيكون موضوع جدي ومهم وبعدين بينقلب لتخويت

بدون زعل :D

بس عندي عتب على الشباب و الصبايا يلي ما عم تشارك بالمواضيع

وعتب تاني على يلي عم يشارك بس للاسف بيكون موضوع جدي ومهم وبعدين بينقلب لتخويت

بدون زعل :D

Me 2

والله ياشباب الموقع رائع وفيو مواضيع حلوة :D :sosweet: Akhawia.net :sosweet: :D بس كمان ناقص بعض القصص متل الشات الكتابي المحترم وأنا كتير بعتذر إذا في بعض أحيان منزتلنا شي مزحة صغيرة بشي موضوع وبتمشي معو وإنشالله منخفف منون هدول المواضيع ((( لاء عم بمزح ))) المزحات :D :D

انا بشكركن كتير عالموقع ...صار الي 3.5 سنة بالغربة وبعيد عن جو الاخويات والشباب ولنا كتير مبسوط باخويتكم او اخويتنا وبشكر كل من تحملني :D :D :hart:

بشكل عام كل شي حلو وتمام التمام انا ما بفهم بالمواقع والانترنت بس حاسس حالي فعلا" اني بجو اخوية....وشكرا مرة تانية
:)

والله الموقع ممتاز والكل عم يعبر عن رأيه على أكمل وجه.
بس المشكلة أنو بالفترة الاخيرة نزلت بعض المواضيع الدينية اللي بتهاجم الدين الآخر (وأنا مو ضدها لأنني مع الحرية للجميع) بس صار في جو مشحون من العدئية بالردود. وهذا شي سلبي

أنا كتير شفت منتديات بس متل هالمنتدى ما شفت و على الأغلب مارح شوف....
لأنو بالحقيقة منتدى رائع بكل ما للكلمة من معنى... :D
و الحكي بصراحة ...

اي تفاصيل تفاصيل .. شو المنيح والي بيجزبك للمنتدى هون .. دونا عن باقي المنتديات وشو الي برايك بدو تحسين ولازم نركّ عليه بالفترة الجاي ..
يالله الكل لازم يشاركو القديمين والجداد والي والي ..

أول شغلة وأكتر شغلة عجبتني التصميم الهادىء تبعو وتاني شي الشباب والصبايا الموجودين معنا هون :D وأكتر شي بيجزبني إلو المواضيع الحلوة والأخبار الجيدة والحلوة من الشباب الطيبة :D وفي شغلتين بدون تحسين أول وحدة الشات الكتابي وتاني شي المفروض تكبير المساحات المتاحة للملفات المرفقة لأنو كتير عم عاني منا :cry: :D :D وأهم شغلة بالمنتدى كلو هي الأخوة والأخوات فيو (((الجنة بلا ناس مابتنداس))) :D :D وشكرا لكم :sosweet: :sosweet: Akhawia.net :sosweet: :sosweet:

منشان الملفات المرفقة رح نرفع اليوم حد التحميل تبع كل الاعضاء ....
والي بيحس انو بحاجة لمساحة تحميل اكبر من هال العين قبل هال العين .. يعني فورا بس يرشق اميل او رسالة خاصة ومنرفعلو حد التحميل للحد الاقصى .. وكل ما لزمو اكتر منرفعلو اكتر ..
شغلة فاضية

بالمناسبة تم رفع حد الرسائل الخاصة للضعف صار الصندوق بيساع 100 بدل ما كان 50 وبيساع 50 بصندوق الحفظ بدل ما كان 25 .. واذا في حاجة لرفع اكتر ما في مشكلة شغلة فاضيي كمان :)

منشان الملفات المرفقة رح نرفع اليوم حد التحميل تبع كل الاعضاء ....
والي بيحس انو بحاجة لمساحة تحميل اكبر من هال العين قبل هال العين .. يعني فورا بس يرشق اميل او رسالة خاصة ومنرفعلو حد التحميل للحد الاقصى .. وكل ما لزمو اكتر منرفعلو اكتر ..
شغلة فاضية

بالمناسبة تم رفع حد الرسائل الخاصة للضعف صار الصندوق بيساع 100 بدل ما كان 50 وبيساع 50 بصندوق الحفظ بدل ما كان 25 .. واذا في حاجة لرفع اكتر ما في مشكلة شغلة فاضيي كمان

على عيني وعلى راسي يكتر خيرك بس انشالله ماتطولو برفع المساحات للملفات المرفقة :D :D :)

على عيني وعلى راسي يكتر خيرك بس انشالله ماتطولو برفع المساحات للملفات المرفقة

تم رفع سقف المرفقات * 5
صار المستخدم العادي بدل ما كان يحق له تحميل 2 ميغا صار بيحقله تحميل 10 ميغا
السوبر بدل ال 5 صار يحق له 25 ميغا
والهاي بدل ال 10 ميغا صارو 50 ميغا ..
وتم اضافتك لممستخدمين الهاي يعني بيحقلك لغاية 50 ميغا .. وبس تحس انو قصرو معك وما مكفاينك رجاع خبرنا ..

غيرو ؟؟؟؟؟

تم رفع سقف المرفقات * 5
صار المستخدم العادي بدل ما كان يحق له تحميل 2 ميغا صار بيحقله تحميل 10 ميغا
السوبر بدل ال 5 صار يحق له 25 ميغا
والهاي بدل ال 10 ميغا صارو 50 ميغا ..
وتم اضافتك لممستخدمين الهاي يعني بيحقلك لغاية 50 ميغا .. وبس تحس انو قصرو معك وما مكفاينك رجاع خبرنا ..

غيرو ؟؟؟؟؟

على عيني وراسي مشكور والله العظيم إنت مافي متلك :D مشكور ومكثور الخير :D

انا بعتئد انو لو كان الكينغ موجود لكان الو راي تاني

وين أيامك يا كينغ

انا بعتئد انو لو كان الكينغ موجود لكان الو راي تاني

آآآآآآآآآآآآآآآآآآآآخ بس لو يسمع مني ويكتب رأيو :cry: :cry:

وين أيامك يا كينغ

اي والله اشتقنا لكتابات أحلى كينغ

أنا آسف يمكن تشوفو أنو طلعت عن الموضوع الأساسي بس أنا رأيي لاء :angel:

كينغ رورو :hart: كينغ رورو :hart: كينغ رورو :hart: كينغ رورو :hart: كينغ رورو :hart: كينغ رورو :hart: كينغ رورو :hart:



رجـــــــــــــــــــــــ ــــــــــــــــــاع مشان الله رجـــــــــــــــــــــــ ـــــــاع اشتقنا لك يا كينغ :D :D :D :D

بصراحة و بدون مجاملي حبيت المنتدا كتير يعني متل ما سبق و ذكرت يكتّر خير اللي عطا الفكرة , والقائمين عليه من خيرة العالم والله ..
أحلا تحية
kakabouda
:D :D :D :D :D :D :D :D :D :D :D :D :D :D :D :D :D :D :D :D :D

أنا لساتي جديدة بالموقع وما شفت خيرو من شررو

بس بصراحة أنا شفت الموقع كتير حلو وكفكرة عامة أنو يكون في موقع للشباب المسيحية وبهالرقي ويكون في كاهن مسؤول عننو فهيي فكرة كتير منيحة وكتير مفيدة
وهوو موقع كتير متطورر بين المواقع السورية يعني فيو شغلات ما منلاقيا بكل المواقع

والمواضيع كتير حلوة وفي مواضيع مهمة ولو أني ما لحقت أقرا كل شي بس بشكل عام يعني
والجوو كتير حلوو والشباب والصبايا بجننوا عن جدد
يعني أنا بفوت لكتير مواقع ومنتديات ما لقيت موقع نضيف ومافيو وسخنة لهالدرجة يعني بصراحة كتير أوقات منشوف ناس بتسبب وبتحكي حكي وسخ وهالردود بتبقى وما بتنحذف بس نشكر الله هون ما شفت هيك شي وانشالله ما بصير هيك شي

بس لاحظت شغلة بحوار الأديان المستوى بالنقاش متدني ووقت الشخص بيحكي شغلة بعترضوا عليا الباقي بطريقة مو منيحة يعني لازم يكون في شوية أخد وعطا زيادة ولازم كل شخص بيناتنا يتقبل رأيي غيرو ولو كان مو موافق عليه بهالطريقة بصير النقاش أحسن ومفيد أكتر...ونحاول نحكي بدون تعصب للدين

وفي شغلة كمان من ناحية المنتدى أنا ما لقيت منتديات اجتماعية يعني منتديات مشان نحكي فيا عن مواضيع ومشاكل اجتماعية وأنا برأيي كتير مهمة

وكمان متل ماقالوا الشباب الشات كتير مهمة يعني بصير بالشات نقاشات ومنقدر نتعرف فيا على بعض أكتر

بس هيكككككككككككككككككك :P :wink:

يعني يمكن انا ما بحقللي أحكي لأني جديدة بس أنا عمبحكي يللي لا حظتووو ويمكن يكون غلط بس معلش تحملوني نحنا الحلبية نقاقين وما بيعجبنا العجب :oops: :wink: :oops:

وهالموضوع كتير مهم ولاحظت أنو في استجابة للمقترحات يعني ماقي تطنيش متل غير محلات وهادا كتير مهم

على كل حال انشالله يصير الموقع أحسن وأحسن

وميرسي الكون
باي

اهلين وميرسي ل الله الي جمعنا ولمنااااااااا ..
منشان منتديات اجتماعية يا خيتو الموقع كلو من ساسو لراصو اجتماعي بس عموما لو بتوضحي طلبك بدقة اكتر بقسم الاقتراحات .. ممكن يكون معك حق . ..
من ناحية المسبات وانو المنتدى انضيف وراقي لااااااء .. هاي بس هلق الشباب والصبايا خجلانيني لانك جديدة ..
كام يوم بياخدو عليكي وما عاد تعرفي الزلع من وين بتجيكي هههههههههههههههههههههههه (منشان الله ما اتواخزيني ما قصدي زلعة زلعة .. يعني هيك كناية :lol: )

منشان الشات وانو يتعرفو الاعضاء على بعض اكتر .. لا لا .. لا تخافي ولا يكنلك هم ..
الرسائل الخاصة اكلي الجوووووووووو ..
بس انا كمان مع فكرة شات كتابي محترم حبتين ..
بركي بالقريب على التياسير ..

:D

ميرسي دكتور على ردك



وما عاد تعرفي الزلع من وين بتجيكي


بس شو معناة زلعة؟؟؟ :roll:

معك حق الموقع كللو اجتماعي أكيد بس انا قصدي انو متل ما في عنوان الصالون وحوار الأديان وهيك شي يكون في شي عنوان مشان المواضيع الاجتماعية

وانشالله بصير في شات قريبا

وميرسي على اهتمامكن
باي

زلعة يعني طيارة يا ساجي

لازم ما تتركي القاموس الحمصي من ايدك

:lol:

لازم ما تتركي القاموس الحمصي من ايدك


اي والله معك حق بس قاموسي هنن رفقاتي وما بتركن بحياتي :wink: :P :wink:

بس أنا الحلاق حالق للكل الا بعض الجماعات :jakoush: :jakoush:

بس أنا الحلاق حالق للكل الا بعض الجماعات :jakoush: :jakoush:

:shock: :shock: :confo:

له يا حبيب انت على العين و الراس و لا يكون مسك التعليق مع اني و من خلال مشاركاتك حسيتك قريب على القلب و المقص

و مع هيك انت ظريف و مهضوم

أسف بس لازم قولا حلاااااااق :P

تحياتي ساجي :D

هاي للجميع

هذه أول مشاركة الي بالمتدى
بصراحة المنتدى عجبني كتير .. الواضيع المطروحة متنوعة و حلوة كتير

يتمنى تقبلوأ انضمامي الكم :oops:

والله هدا أحلى منتدى شفتو مع أني ماصرلي مشترك من كم يوم

بس عندي عتب على الشباب و الصبايا يلي ما عم تشارك بالمواضيع

وعتب تاني على يلي عم يشارك بس للاسف بيكون موضوع جدي ومهم وبعدين بينقلب لتخويت

بدون زعل :D

Me 2
me 3
walla ya shabab el site kter 7elo wo feyo kteer a3da2 wo fe nesbi kberi 3am tsharek, ya3ni ana shefit el site 2awal ma balash wo ba3den ma 3ad fetet 3leh shi 7 months bas hala2 rje3et edkhol wo la2et fe ta7senat kteri wel montadayat shaghali. bas ana 3andi shaghli beddi 2ola.
ba3rif inno hada mouke3 tabe3 lal knesi bas ya ret lawo betkhafefo shwayet mawade3 deneyee.... la2ano yalli bedo yakhod dros bel deyani 2ao ye7ki be 2ashya2 deneye ero7 3ala el knesi a7sanlo.... hala2 akeed into 3amlen montada motakhases be kel shaghli bas ya rait tkhafefo el tarkeez 3an el 2eshya el denyee wo t7eto kel el tarkeez 3ala eshya 3elmyee -hala2 bet2ololi el deen 3elem- 3ala rasi wo 3eni 3elim bas mo honi 7abket yet3alamo.... 3ala kelen ya3tekon el 3afi ya shabab wo khalekon haik la 2edam...... wo salam kteer khas la Dr.HUS yalli 2elo fadel kteer 3ala hada el site...... wo la t2akhzona la 2ano tawalna 3lekon

شو هل الحلا كلو
شكرن لكل الي تعبو بتصميم الموقع الناجح وخاصة بشكلو الجديد
على هل العيد وكل سنة وأنتو سالمين :D

منتدى مميز وخاصه انو فيه اخويه
وانا بصراحه بتصبح فيه وبتمسى فيه يعني بلف النت كلو وبالآخر باجي امسي عليكم
لاني ادمنت انا على الموقع خلص وصار لازم اشتكي عليكم للشرطه لانكم بليتوني فيكم :roll: يا بتعطوني تعويض :pos:
وما بتنازل عن حقي حتى لو ادخل ابو حاتم >> :? مين ابو حاتم :shock: ولكم ابو حاتم المختار
خلص ما عاد بدي شي
وانشاءالله بالتقدم المستمر :D

اول شي بحب انو قولوا انو انا جديد هون بالموقع و بصراحة كتير زعلان لانو تأخرت لحتى تعرفت على الموقع
و تناي شي بصراحة بقلك يعطيكون العافية على الموقع لانو بشري موقع رائع لا احسن من رائع و بتمنى انو تمشوا على هل الطريق و تحسنوا بالموقع و متل ما قلت انا حابب قول شغلة انو بتمنى من كل الشباب يلي بهل الموقع انو لما بدون يحكوا او يردوا على شي موضوع انو يحكوا بجدية و ما ينقلب الجد لمسخرة و يحوا حكي طالع نازل بس منشان يزيدوا مشاركاتون بالموقع
و بتمنى انو يكون هاي السنة احسن من القبلها و نشالله موفقين
عضو جديد

اول شي بحب انو قولوا انو انا جديد هون بالموقع و بصراحة كتير زعلان لانو تأخرت لحتى تعرفت على الموقع
و تناي شي بصراحة بقلك يعطيكون العافية على الموقع لانو بشري موقع رائع لا احسن من رائع و بتمنى انو تمشوا على هل الطريق و تحسنوا بالموقع و متل ما قلت انا حابب قول شغلة انو بتمنى من كل الشباب يلي بهل الموقع انو لما بدون يحكوا او يردوا على شي موضوع انو يحكوا بجدية و ما ينقلب الجد لمسخرة و يحوا حكي طالع نازل بس منشان يزيدوا مشاركاتون بالموقع
و بتمنى انو يكون هاي السنة احسن من القبلها و نشالله موفقين
عضو جديد
أهلا بيك خاي :D :D