لنكن صريحين مع انفسنا. نحن السوريون نعلم ان اللبنانيين متقدمون علينا بكثير و نعلم ايضا ان كل شيئ لبناني هو "مثال" بالنسبة لنا. كل شيئ. كيف يلبسون, كيف يأكلون, كيف يسهرون, كيف يعملون, كيف يضحكون...الخ... كل شيئ.
و الله اصبحنا نعتقد و من بعد 30 سنة من احتلالنا للبنان بأن "الفلافل" و "الكبة" و "البابا غنوج" و "الفتوش" و "الحمص" و "التبولة" هي أكلات سورية و ليست لبنانية، حتى "الميجانا" و "العتابا" و "الزجل"... نريد ضمّها الينا، و حتى الكلام نريد سرقته من اللبنانيين فالكل عندنا يريد التكلم مثل اللبنانيين, من الصغير الى الكبير"merci" "oui" non" "مش معقول" "bay bay".
يجب علينا ايها الاخوة و كشعب سوري ان نقدّم اعتذارنا العميق للشعب اللبناني على ما فعله نظامنا الدكتاتوري و لأكثر من 30 سنة من سرقة اموال اللبنانيين و محاولة سرقة تاريخهم و عقائدهم.

يا سيدي أنا معجب بمواضيعك كتير كتير كتير
لأنها بتدل على ثقافتك العالية والقوية ...

التبولة والحمص والفتوش لبنانية الأصل ماهيك ؟؟؟؟ مشكلتك فهمان ..

(( merci" "oui" non" "مش معقول" "bay bay" )) هي كلمات لبنانية يا فهمان ماهيك !!!!

محاولة سرقة تاريخهم وعقائدهم ...لعمى ...من أيمت صار عندهم تاريخ وعقائد ..
ولك شو كانت لبنان بالنسبة لسوريا


(( حتى "الميجانا" و "العتابا" و "الزجل"... نريد ضمّها الينا، )) كمان ...

الميجانا والعتابا مانها ألنا ؟؟؟؟ ما قلتلك انك مثقف زيادة عن الزوم ..

روحي عمو روح ... تغطى منيح قبل ما تنام

صح الحقيقة انو اللبنانيين شاطرين كتير متل ما عم تقول، عندن كل حارة الها زعيم و رئيس، لهيك صار عندهن حوالي 100 رئيس لكل حارة وطايفة ومدينة وضيعة. الله يسهل عليهن وعلينا.

لنكن صريحين مع انفسنا. نحن السوريون نعلم ان اللبنانيين متقدمون علينا بكثير و نعلم ايضا ان كل شيئ لبناني هو "مثال" بالنسبة لنا. كل شيئ. كيف يلبسون, كيف يأكلون, كيف يسهرون, كيف يعملون, كيف يضحكون...الخ... كل شيئ.
و الله اصبحنا نعتقد و من بعد 30 سنة من احتلالنا للبنان بأن "الفلافل" و "الكبة" و "البابا غنوج" و "الفتوش" و "الحمص" و "التبولة" هي أكلات سورية و ليست لبنانية، حتى "الميجانا" و "العتابا" و "الزجل"... نريد ضمّها الينا، و حتى الكلام نريد سرقته من اللبنانيين فالكل عندنا يريد التكلم مثل اللبنانيين, من الصغير الى الكبير"merci" "oui" non" "مش معقول" "bay bay".
يجب علينا ايها الاخوة و كشعب سوري ان نقدّم اعتذارنا العميق للشعب اللبناني على ما فعله نظامنا الدكتاتوري و لأكثر من 30 سنة من سرقة اموال اللبنانيين و محاولة سرقة تاريخهم و عقائدهم.
-----------------------------------------------------------------------------
ولك شو عبقري وبتعرف باللغات واتكيت ومساف وفهمين وياي

بد ل ما تقضي وقتك بالمنتديات 000 قرالك كم كتاب لانو تعليقاتك كلا بتدل على ضعف ثقافتك

او انتا باحث بشؤون التبوله --- يافهمان
عموا 000 تعلم واقرا 00 ثم شارك بالمنتديات لانو هيك 000 عيب
تشاو

لنكن صريحين مع انفسنا. نحن السوريون نعلم ان اللبنانيين متقدمون علينا بكثير و نعلم ايضا ان كل شيئ لبناني هو "مثال" بالنسبة لنا. كل شيئ. كيف يلبسون, كيف يأكلون, كيف يسهرون, كيف يعملون, كيف يضحكون...الخ... كل شيئ.
و الله اصبحنا نعتقد و من بعد 30 سنة من احتلالنا للبنان بأن "الفلافل" و "الكبة" و "البابا غنوج" و "الفتوش" و "الحمص" و "التبولة" هي أكلات سورية و ليست لبنانية، حتى "الميجانا" و "العتابا" و "الزجل"... نريد ضمّها الينا، و حتى الكلام نريد سرقته من اللبنانيين فالكل عندنا يريد التكلم مثل اللبنانيين, من الصغير الى الكبير"merci" "oui" non" "مش معقول" "bay bay".
يجب علينا ايها الاخوة و كشعب سوري ان نقدّم اعتذارنا العميق للشعب اللبناني على ما فعله نظامنا الدكتاتوري و لأكثر من 30 سنة من سرقة اموال اللبنانيين و محاولة سرقة تاريخهم و عقائدهم.

شو هاد ... شو عم يصير يا جماعة :?:shock:

انا بحياتي بعرف سوريين كتير (شو هالصدفة).. و ولا واحد بيعمل اللبنانيين مثال إلو!! بالعكس... كل يلي بعرفهم بيشفقوا على اللبنانيين على العنهجية و التعصب الموجود فيهم ... ما بعرف اذا انت الوسط تبعك هيك فهاي مشكلتك... بس رجاءا رجاءا لا تحكي على السوريين اذا هيك

ثم انت شو عرفك بأصل التبولة و الفتوش و الجزل حتى قررت انها لبنانية؟ يعني هدول الأكلات ما دخلوا على القاموس السوري إلا من بعد 1975 مثلا؟؟؟

ثم شو هاي سرقة التاريخ و العقائد؟؟ اول مرة بسمع بهيك مصطلح!!

أصلا الموارنة اصلهم سوري بقى اذا بدك تجي على الحق هني يلي نسبوا العقيدة المورانية إلهم و خلوها مساوية للقومية اللبنانية.. و هي أصلا هوية سورية

احد المثقّفين قال : "...محاولة سرقة تاريخهم وعقائدهم ...لعمى ...من أيمت صار عندهم تاريخ وعقائد ... ولك شو كانت لبنان بالنسبة لسوريا..."

مهما قيل و كتب من روايات، فحقيقة التاريخ واحدة ولا احد يستطيع تغييرها.
فمهد الحضارة بدأت من فينيقيا و بالتحديد من العاصمة "Byblos - جبيل" وتاريخها يعود الى اكثر من 12000 سنة قبل الميلاد، حينها لم تكن موجودة سورية بالطبع، على خارطة التاريخ و لا حتى كلمة تعرف بسورية.
الفينيقيين و هم الموارنة في وقتنا الحاضر هم الشعب السامي الوحيد على الارض. فنحن العرب و اليهود ساميون في لغتنا فقط اما الموارنة فليس بلغتهم اللآرامية فقط بل و بعرقهم السامي ايضا و خصوصا الموارنة الذين يسكنون جبال لبنان.
ففلسطين و سورية و ارضنا السورية المحتلة من قبل تركيا هي أرض "فينيقيا الأم" او "Levant" او "أرض الرب" كما يسموها اللبنانيين، أي أرض "لبنان الكبير".
فنحن السوريون، و الأصح، القبائل السورية هي قبائل أصلها من الجزيرة العربية و بالتحديد من اليمن.
هذا ما قرأت في كتب التاريخ والحضارات العالمية العديدة و ليس في كتاب التاريخ السوري لعائلة "الاسد".
قول الحقيقة صعب، ولكن الحقيقة تضعك على طريق تحرير نفسك ومن بعدها تحرير الوطن.

من أجل تحرير الجولان و من أجل سورية حرّة من عائلة الأسد.

السيد المحترم أحمد الكلام الي اوردته كلام جميل ولكن للاسف تاريخيا نصه او تلات ارباعه غلط في غلط، يعني ببساطة عم بتخبص. ايمتا كانو المورانة ساميين على افتراض انو كلامك صحيح وانو العرب واليهود مانون ساميين، لكن مين ضل سامي، ممكن اسألك الاشوريين شو بيكونوا؟ وحضرتك لغيت وجود سوريا من الخريطة، شو هالسخافات. وشو جاب الفينيقيين للاراميين؟ يعني بدك تقنعني انك بروفيسور تاريخ؟؟؟؟ والله غريبة هالايام، يعني العرب صاروا ولا شئ والناس بتتبرا منن، لك ازا الموارنة اصلا عرب اكتر مني ومنك، ولعلمك انو الي بيحاول ينسب نفسه لحضارات سابقة وعظيمة مثال المصريين الي بينسبو نفسهن للفرعونيين واللبنانيين بينسبوا نفسهن للفينيقيين هو متل السحلية التي بتشبه نفسها للديناصور الي انقرض من ملايين السنين.

عزيزي المسكّف احمد نون!

أولا.. التسمية التاريخية للبنان كانت و فقط كانت محصورة بجبال لبنان الغربية. و تعود إما إلى كلمة لبن (من الثلج الأبيض) أو إلى مادة كانت تستخرج من أجل صناعة البخور و هي كلمة يونانية. أما الدولة الفينيقية فمن الغباء التفكير بحصرها بجبل لبنان... بل جبل لبنان كان جزءا من الدولة الفينيقية التي كانت حدودها من طرسوس في تركيا إلى جنوب فلسطين أو لربما إلى سيناء.. و أيضا دولة فخر الدين كانت تشمل جبل لبنان و ليس "لبنان" هو دولة فخر الدين. لا وجود لشيء اسمه لبنان الكبير إلا بعد 1925... و جميع الأقضية التم إضافتها إلى قضاء جبل لبنان الكبير.. و التي هي سهل البقاع و المنحدرات الغربية لجبال لبنان الشرقية كانت أكثر تبعية من النواحي الثقافية و الاجتماعية لولاية دمشق و ليس لولاية بيروت... اما الأقضية الشمالية فكانت تابعة لحمص.
و حمص تلك.. و التي قد تكون قد شملتها حضرتك بالقبائل العربية السورية!! كانت إحدى أهم مراكز الديانة الكنعانية .. ففي إيميسا (حمص) كان يوجد أكبر معبد للإله بعل و يقال ان المغول من دمروه و محو اثره.. و مدن لبنان الحالية (مثل بعلبك) كانت تابعة لحمص و ليس العكس بيوم من الأيام.. صحيح ان بعلبك تعني بيت بعل.. و لكن بعلبك لم تكن مدينة يوما بل كانت معبدا فقط لا أحد يعلم من بناه بالتحديد... و لكن الفكرة التي أريد ان اقولها هي ان اغلبية مدن لبنان الحالي هي من كان تابعا لمدن سوريا الداخلية و ليس العكس... و يستثنى من ذلك جبل لبنان الغربي و بيروت

أما تسمية سوريا فهي بالطبع أقدم من تسمية لبنان.. و هي تأتي من اشوريا.. و اليونان ليس لديهم حرف الشين فأصحبت اشوريه سوريه بعد ان سقط حرف الألف من المقدمة

و باعتراف رجل موراني متعصب جدا للموارنة و من المهتمين بالتاريخ و اللغة السريانية... قال لي بنفسه ان اصل اللغة و الأبجدية الاولى لا يمكن معرفة ما اذا كانت حقا من فينيقا ام من اشوريا الداخلية... فهناك احتمال ان تكون اللغة قد جاءت من اشوريا إلى فينيقا إلى اليونان... أو من فينيقا و تصدرت إلى اشوريا و اليونان..

و أساس حضارة رأس شمرا (اوغاريت) هي من وجد فيها أقدم آثار للأبجدية و ليس بيبلوس.. و لو ان هذا الكلام ليس له معنى كبير... فأنت تقول انه من 12000 سنة قبل الميلاد لم يكون هناك اسم سوريا.. هذا شيء طبيعي جدا! لأنه أصلا لم يكن هناك ابجدية لتسجيل الأسماء و تسميه المناطق... فلم يكن هناك ايضا لا لبنان و لا فينيقة.. و كلمة فينيقا لم تظهر إلا بعد فترة طويلة عند احتكاك الفينيقيين باليونان و هم من أطلق عليهم هذا الاسم

الموارنة ليسوا فينيقيين... أغلبية الموارنة جاؤوا من قلب سوريا الداخلية من منطقة قرب حلب.. كانوا سريان ارثوذكس و استوطنوا جبل لبنان.. و طبعا يمكن القول ان سكان جبل لبنان الأصليين قد تحول منهم إلى المورانية.. و لكن من المنطقي ان تكون أغلبية الموارنة اصلهم من حلب و ليس من جبل لبنان

اذا أردت ان تعرف من هو الفينيقي الحقيقي... فانظر في اللاذقية و طرطوس و طرابلس و بيروت و يافا ... هذا الشعب.. كله متل بعضه... تخلف بتخلف... هؤلاء هم فينيقيو اليوم! (تضرب فينيقيا يلي جابتهم)

لا أدري اذا كان حضرتك من دير الزور.. اذا كان كذلك فغالبا انت عربي فعلا... و لو أردنا الحقيقة فمدن دير الزور و الجزيرة أقرب لكونها امتدادا للعراق منها لسوريا... اما سوريا فهي من يشمل كل حوض نهر العاصي و حلب و كل الساحل السوري و دمشق و فلسطين.. و اذا احببت ان تطلق على الساحل السوري اسم لبنان.. لا أحد يستطيع منعك,,, و لكنه تشويه للحقيقية و اتمنى الا تنغر بالشوفينية المورانية الزائدة و الاعلام اللبناني الذي يصور لبنان على انه الاشرفية و الكسليك.. بينما يغط لبنان بالتخلف من شماله لجنوبه (يعني متل سوريا بالضبط اذا ما أسوأ!)

احمد ن عم يخترع تاريخ من عندو

خخخخخخخخخ

على راسي والله

لنكن صريحين مع انفسنا. نحن السوريون نعلم ان اللبنانيين متقدمون علينا بكثير و نعلم ايضا ان كل شيئ لبناني هو "مثال" بالنسبة لنا. كل شيئ. كيف يلبسون, كيف يأكلون, كيف يسهرون, كيف يعملون, كيف يضحكون...الخ... كل شيئ.

متل ما بدك خلينا نكون صريحين:
أنا لما بكتب بعبر عن رأيي وأنت لما بتكتب بتعبر عن رأيك مو عن رأي 20 مليون سوري
أنا بشوف اللبنانيين من وجهة نظري أنو متقدمين علينا بشغلة السهر والضحك والشخلعة بس هنن مانون مثال يحتذى به بالنسبة إلي ليك عزيزي حتى للسهر والرقص والأكل أصول متعارف عليها وهي بتدل على رقي أو تخلف ابتذال أو اتقان حرفةأو بدعة فن أو تقليد
بالنسبة للأكل أنا عايش برات سوريا وباكل أكل عربي متل الاسبان بالمطاعم الاسبانية وهي ماعاد اسمها أكلات عربية هاد أكل وبالعكس بالنسبة للأكل باعتبارك جبت سيرتو ضافولو تعديلات جديدة يعني اذا المشكلة مشكلة أكل أنو سوري أو لبناني فما في حدا بالكرة الارضية غيرك عم يقولأنو لبناني
أما بالنسبة للبس حبيب ففي شي بالعالم اذا سمعان عنو اسمو موضة وهاد الشي مانو اختراع للعبقرية اللبنانية يلي نحنا برأيك سرقناها من لبنان
اذا برأيك هي سرقة أو فضل أو اي تسمية بتحب تسمها بتمنى منك تشتكي للأمم المتحدة لأنو البنات بشكل كتير كبير والشباب هون باسبانية كلون بي يحطو كوفية على الرقبة أو الخصر
يعني حبيب شوف كيف عم يسرقو تراثنا حسب رأيك
أما بالنسبة للضحك يعني هي أول مرة أنا بسمع بهالشي هاا هاا هي هي هوهو كه كه هي انا ما فهمتا ما الضحك ما إلو جنسية أو لون أو لغة
و الله اصبحنا نعتقد و من بعد 30 سنة من احتلالنا للبنان بأن "الفلافل" و "الكبة" و "البابا غنوج" و "الفتوش" و "الحمص" و "التبولة" هي أكلات سورية و ليست لبنانية، حتى "الميجانا" و "العتابا" و "الزجل"... نريد ضمّها الينا، و حتى الكلام نريد سرقته من اللبنانيين فالكل عندنا يريد التكلم مثل اللبنانيين, من الصغير الى الكبير"merci" "oui" non" "مش معقول" "bay bay".
يعني انا بس احكي انكليزي مع اخي بكون عم قللد اللبنانيين؟؟؟؟
أو لما بتعلم فرنسي بكون عم قللد اللبنانيين؟؟؟
يجب علينا ايها الاخوة و كشعب سوري ان نقدّم اعتذارنا العميق للشعب اللبناني على ما فعله نظامنا الدكتاتوري و لأكثر من 30 سنة من سرقة اموال اللبنانيين و محاولة سرقة تاريخهم و عقائدهم.
حبيبي انت حابب تعتذر عن سرقت نظام سوريا الدكتاتوري تاريخ الأكل اللبناني وعقائدهم بالموضة والكلام الفرنسي والانكليزي اعتذر تصطفل
هاد الموضوع بخصك يعني هاد الشي مشان نكون صريحين هاد شي غريب
بعدين مشان سرقة أموال اللبنانيين صحيح صار سرقة اموال
بس انا ما سمعت اعتذار من واحد لبناني على المعاملة السيئة للعمال السوريين في لبنان من عام 1960 انا ما سمعت اعتذار لبناني عن المقولة التي كانت تردد في تظاهرات وفاة الحريري (توت توت توت سوريا عمتموت)
حبيب نحنا ولو قام بعض السوريين من ضعفاء النفوس بلبنان نحنا قدمنا للبنان دم دعمنا (بنظامنا الدكتاتوري) كما تقول دعمنا مقاومة رعينا اتفاق الطائف هاد الحكي قالو الرئيس بشار الأسد وهاد الشي صحيح
ليك يا حبيب في عنوان ديوان لمحمود درويش هاد العنوان بحد ذاتو فيه حكمة:(لا تعتذر عما فعلت)
حبيب انا بعتذر من هدول بلبنان حزب الله حركة امل انا بعتذر من كل لبناني بحب سوريا بقدس سوريا
بس مابعتذر من كل لبناني بيفتح تمو بحرف أو بس بيفتح تمو أو قبل ما يفتح تمو وهو وعم يفكر بشي سيء تجاه سوريا انا ما بعتذر هاد بيستاهل الموت
ليك حبيب سوريا على نظاما احسن من كل مافي العالم بل هي ام العالم وام الحضارة واذا جبتلي تارخ موثق بعكس هاد الشي فهاد التاريخ مزور ليك حبيب سوريا صرلها عم تتحاصر شي 40 سنة من اعظم دول العالم وما سقطت سوريا يا حبيب اعظم دول العالم

مرحبا شبيبة

بصراحة ما كنت ناوي رد ع الموضوع ابدا ...

بس احد الاصدقاء بعتلي الموضوع و متخيل انو طالب مني رد ...

يعني ببساطة ما بعرف كيف ممكن رد ع شخص عم يقللي " الشمس تشرق من الغرب" باسلوب بعيد عن التهكم الشخصي

يعني اساسا لما منشوف انو صاحب الموضوع حاططو بقسم السياسة ... ما بعود بقدر رد اطلاقا لأنو ما بفهم بسياسة البابا غنوج و التبولة

اي شبيبة ....

قلت و برجع بقول ... سوريا ما بحاجة لمين يدافع عنها ... و بنفس الوقت ... ما رح هاجم اللبنانيين لأنو بحبهم ... بحب عاصي الرحباني و فيروز يللي غنت شام يا ذا السيف و سائليني يا شآم و قرأت مجدك و يا شام عاد الصيف و حملت بيروت
و وديع الصافي يللي غنا الله معك يا بيت صامد بالجنوب
و نصري شمس الدين يللي مات ع مسرح معرض دمشق الدولي
و فيلمون وهبي يللي غنا "وقفلي خليني بوس شبابيك الحلوة بطرطوس"
و الصبوحة يللي غنت " من موسكي لسوق الحميدية "
بحب لبنان يللي ولد فيه فارس الخوري اعظم سياسي بالشرق الاوسط
و جبران يللي كان دايما يقول (انا سوري من سوريا)
عدا عن ايليا ابو ماضي و ميخائيل نعيمة و خليل مطران و بطرس البستاني
و نجيب الريس يللي انسجن بسجن ارواد و كتب اروع قصيدة بتعبر عن ظلم السجون " يا ظلام السجن خيم"

بحب الرابية يللي كان ساكن فيها جورج وسوف، بحب راس بيروت يللي انعدم فيه انطون سعادة

مسرحيات الرحابنة و اغاني فيروز خلتني زور كل الضيع بلبنان قبل ما زور ضيع الوادي بسوريا ... متل ميس الريم و تنورين و مشغرة و صنين

ما عم اذكر اسم الكتاب يللي كان عم يحكي عن تاريخ العائلات بزحلة و اكد انو اكبر سبع عيل بزحلة اساسهم من حوران و هنن يللي عمروا زحلة ... زحلة يللي غنالها محمد عبد الوهاب " يا جارة الوادي"

مليون حريري و عشرين مليون جنبلاط و ترليون تويني ما ممكن انو يخلوني اكره لبنان لحظة وحدة

و بالختام بحب اقتبس من اللبناني زياد الرحباني لما قال: العالم وصلوا ع القمر و نحنا لسا عم ندور ع مين لحن الدلعونة "

عجب

لنكن صريحين مع انفسنا. نحن السوريون نعلم ان اللبنانيين متقدمون علينا بكثير و نعلم ايضا ان كل شيئ لبناني هو "مثال" بالنسبة لنا. كل شيئ. كيف يلبسون.
.

what you,ve said can be applied only to you, cause, obviously u r retarded:mrgreen: :mrgreen: :mrgreen:

لنكن صريحين مع انفسنا. نحن السوريون نعلم ان اللبنانيين متقدمون علينا بكثير
لا علم لي بهذا الموضوع .. مع أني كنت شري مري علبنان.. يعني هو لبنان منفتح أكثر كنظام سياسي و اقتصادي و لذلك عندهم فرص أحسن بس هنن مانون متقدمين علينا

و نعلم ايضا ان كل شيئ لبناني هو "مثال" بالنسبة لنا. كل شيئ.
يعني بجوز الك بس مو الي حبيب..

كيف يلبسون, كيف يأكلون, كيف يسهرون, كيف يعملون, كيف يضحكون...الخ... كل شيئ.
مرة ثانية لا تعمم يعني صحي في "نايت لايف" أقوى بلبنان من سوريا بس يعني مو كلها من النوع اللي يبرفع الراس.. يعني و سهرة بمرمر أحلى و أرتب بـ 1500 مرة من أي سهرة بالمعاملتين و فهمك كفاية

و الله اصبحنا نعتقد و من بعد 30 سنة من احتلالنا للبنان
حبيب أنا ما احتليت لبنان... و لا أبي ما احتل لبنان و لا حدا من عيلتي ما احتل لبنان.. و بالرغم من أنو النظام السوري خبص بآخر كم سنة بلبنان و مطمط وجود الجيش بس وجود الجيش كان بدعوة لبنانية و السيطرة السورية على لبنان كانة بواسطة أمراء الطوائف اللبنانية و ليس بسبب وجود الجيش ..

بأن "الفلافل" و "الكبة" و "البابا غنوج" و "الفتوش" و "الحمص" و "التبولة" هي أكلات سورية و ليست لبنانية، حتى "الميجانا" و "العتابا" و "الزجل"...
مافيني قلك الا تخبيص بالفصة .. و الشباب جوابوك و كفوا و فوا

نريد ضمّها الينا، و حتى الكلام نريد سرقته من اللبنانيين فالكل عندنا يريد التكلم مثل اللبنانيين, من الصغير الى الكبير"merci" "oui" non" "مش معقول" "bay bay".

الفرانكو فونية مو منشأها لبنان و سوريا كانت مستعمرة فرنسية أصلا بوقتها ما كان في لبنان و سوريا و على فكرة باي باي بتنكتب : "bye bye"
يجب علينا ايها الاخوة و كشعب سوري ان نقدّم اعتذارنا العميق للشعب اللبناني على ما فعله نظامنا الدكتاتوري و لأكثر من 30 سنة من سرقة اموال اللبنانيين
يعني بجوز كان في تجاوزات من الأفراد أو حتى مجموعات من الفاسدين السوريين بلبنان بس لعلمك اقتصاد سوريا أقوى من اقتصاد لبنان بعشرات المرات لأنو سورية دولة منتجة للنفط و عندها اكتفاء ذاتي و عدد سكانها حوالي 6 أضعاف عدد سكان لبنان و عندها حدود برية مع خمس دول بينما لبنان محصور بين سوريا و فلسطين يعني بشكل إجمالي اقتصاد لبنان لولا الدعم السوري و الإقليمي و العالمي بيطير ..
و محاولة سرقة تاريخهم و عقائدهم.
جاوبوك الشباب عليها

أخيرا و ليس آخرا يعني مبين عليك لبناني عم تحاول تتخبى ورا شخصية سوري و اسمحلي اذكرلك كم ملاحظة:
- بشد على أيد كريمبو و اللي ذكره أنه في أخوة و تاريخ مشترك بين البلدين و العيلات مقسومة بالنص يعني و كل اللي صار هو بمصلحة اسرائيل
- في كثير من اللبنانيين مغرر فيهم و كلو بسبب التركيبة الطائفية المعقدة (برايي بسيطة كثير) للبنان يعني و الأحداث الأخيرة كانت فرصة لهدول الزعماء الطائفيين ليعلقوا غسيلهم الوسخ على السوريين كما لو أنهم لم يكونوا الأداة الأولى و المستفيد الأكبر من الوضع و التشويه اللي صار للعلاقات السورية اللبنانية على مدى السنوات (خلينا نقول) الـ 15 الأخيرة
- فقراء البلدين هم المتضررين من كل اللغط اللي صار يعني عفوا منك السوريين اللي كانوا ينزلوا علبنان ليتبضعوا و يصرفوا ملايين الدولارات اسبوعيا هي كلها كانت تفيد اللبنانيين و لو أنو ما كانوا صرفوها بلبنان كانوا صرفوها بمكان تاني بلش من الأردن و تركيا و مر بتايلاند و فرنسا و لا تهدي بأميركا.. يعني السوري اللي معوا مصاري مانوا منتظر اللبناني ليعلموا كيف يلبس و بتمنجه و يصرف بس كانوا يستقربوا النزلة علبنان لأنها أرخص و أسرع و مافارقة معوا كثير إذا سكروا الحدود و نفس الشي اللبناني اللي وضعوا مريش مو فارقة معو لأنوا ما بيلاقي بالنزلة عسوريا و التبضع فرصة ليوفر بالمصروف بس العمال السوريين (مو شحادين عم يشتغلوا بعرق جبينين) و متوسطي الدخل و فقراء اللبنان اللي كانوا يسترخصوا النزلة عسوريا هنن المتضررين
يلا أنا مليت من الكتابة:pos: كيف اللي عم يقرا :p

اولا اشكرك على اعتقادك بانني لبناني - "لك يا ريت"، و اشكرك على عدم تسميتي بالصهيوني او الامبريالي او الرجعي كما اعتدنا جميعنا باستعمال هذه العبارات الأسدية، و هذا جيّد.
ثانيا انا لست لبناني، انا سوري اي انا "فاعل"، لأن كل شخص سوري و مهما علا شأنه او لم يعلي، فالسوريون يبقوا دائما "فعالة" بالنسبة للبنانيين... سترها... نبقى نهرّب "ربطة خبز" من لبنان و نعمل فيها حفلة و نعزم الجيران و نبقى شي جمعة نتفاخر انه كان عندنا "ربطة خبز" من لبنان... سترها...
انا مصرّ ان اقول الحقيقة مهما جرحتنا و هذا لمصلحتنا نحن "الفعالة".

سورية فوق الجميع.

اولا اشكرك على اعتقادك بانني لبناني - "لك يا ريت"، و اشكرك على عدم تسميتي بالصهيوني او الامبريالي او الرجعي كما اعتدنا جميعنا باستعمال هذه العبارات الأسدية، و هذا جيّد.
ثانيا انا لست لبناني، انا سوري اي انا "فاعل"، لأن كل شخص سوري و مهما علا شأنه او لم يعلي، فالسوريون يبقوا دائما "فعالة" بالنسبة للبنانيين... سترها... نبقى نهرّب "ربطة خبز" من لبنان و نعمل فيها حفلة و نعزم الجيران و نبقى شي جمعة نتفاخر انه كان عندنا "ربطة خبز" من لبنان... سترها...
انا مصرّ ان اقول الحقيقة مهما جرحتنا و هذا لمصلحتنا نحن "الفعالة".

سورية فوق الجميع.

sorry but what the fish are you talking about???????

السوريون يهربون الخبز من لبنان إلى سوريا؟؟ انت مجنون؟؟؟ نحن من يزرع الخبز و لديه فائض في القمح و الحبوب و يصدرها ... و ليس العكس... مستر ليبانون الله يخليك حاج تخبيص

هل هناك أحد منكم يتجرأ و يشرح لأخونا "جو" صحّة قولي ؟


سورية فوق الجميع.

هل هناك أحد منكم يتجرأ و يشرح لأخونا "جو" صحّة قولي ؟


سورية فوق الجميع.
بس ليكون في 0.00000000000001 % من كلامك بيدخل للمخ منبقى منشرحلو ل جو
ماطبيعي انت :nono: :nono:

sorry but what the fish are you talking about???????

السوريون يهربون الخبز من لبنان إلى سوريا؟؟ انت مجنون؟؟؟ نحن من يزرع الخبز و لديه فائض في القمح و الحبوب و يصدرها ... و ليس العكس... مستر ليبانون الله يخليك حاج تخبيص
للأسف يا جوي الحكي مظبوط الخبز صحيح

شلون؟؟:humm:

شلون؟؟:humm:
يعني الخبر بلبنان احسن من الخبز بسوريا فالضباط بجيبوه من هونيك على سوريا لأنو جيراننا بسوريا لما كان ابوهون بلبنان كان يعمل هيك

ايييييييييي؟
بس هاد مابيصير اسمو تهريب
اللي بينفهم من حكي السيد احمد انو عم " نهرب " خبز من لبنان لانو ماعنا وعم نعمل حفلات وسهرات مشان ربطة خبز :frown:
هلأ كلنا بس ننزل عبيروت منجيب كتير غراض معنا بس اكيد موجود منها بسوريا بس مو تهرييييييب
وشو كمان خبز :frown:

للأسف يا جوي الحكي مظبوط الخبز صحيح

اشكرك و اهنّؤك يا سيّد to live is to die على جرئتك و اتمنى على الجميع بأن يكون عندهم هذه الجرأة. و أقول لك بأنك وضعت الخطوة الاولى لتحرير النفس من اجل تحرير الوطن. و هذا ما انا اقصده بكتاباتي و ليس غير.
يجب علينا و كشعب سوري ان يكون لنا خصوصيّاتنا لا خصوصيّات و عقائد اللبنانيين او غيرهم.


سورية فوق الجميع.

اشكرك و اهنّؤك يا سيّد to live is to die على جرئتك و اتمنى على الجميع بأن يكون عندهم هذه الجرأة. و أقول لك بأنك وضعت الخطوة الاولى لتحرير النفس من اجل تحرير الوطن. و هذا ما انا اقصده بكتاباتي و ليس غير.
يجب علينا و كشعب سوري ان يكون لنا خصوصيّاتنا لا خصوصيّات و عقائد اللبنانيين او غيرهم.


سورية فوق الجميع.

و أنا بهنيك على جرئتك وتوضيحك لنا مدى جهلك
وأنا رح كون جريئ معك وبقلك أنك جاهل .....
كيف يعني بتتمنى تكون لبناني أو صهيوني وبترجع تقول (
يجب علينا و كشعب سوري ان يكون لنا خصوصيّاتنا لا خصوصيّات و عقائد اللبنانيين او غيرهم. )
وممكن تحدد إمتى كان في تهريب خبز من لبنان
وعن شو عم تدافع عن التبولة والفلافل والفتوش ......... لبنان ماكانت لولا سوريا
وكيف فيك تقيم بلد وتفضلو على بلد أخر من لبسو وطريقة أكلو وحكيو
وشو هادا التاريخ اللي عم تخترعوا من عندك
أنت بالظاهر جوعان كتير ........... جوعان ثقافة كمان
بتمنى لمى تكتب عن شي جيب من مصادر موثوقة مو حكي يمين شمال
وإذا كتير معجب بالوضع هونيك ....الله معك

لك أخي الشغلة ما بدها لا سياسة ولا تاريخ ...ولا تنظير ولا فلسفة
الشعب بلبنان أفهم و أوعى من الشعب السوري...بشي 100 مرة كمان....بس السبب بسيط وواضح ...هني افهم لأنو عندن جامعات ...ونحنا عنا الاتحاد الوطني لطلبة سوريا ...هني افهم لأنو عندن مدارس و منظمات كشفية ( و لو كانت طائفية ) و نحنا عنا اتحاد شبيبة الثورة.....هني افهم لأنو بالمدرسة بيتعلمو لغات و هني صغار و نحنا منتعلم من نحنا وصغار هتافات وشعارات ...و هني افهم لأنو عندن إعلام ..إعلام حر ضمن حدود مصالح معروفة ...نحنا نا عنا...هني عندن مستشفيات ...نحن عنا مسالخ ....هني لو ما مرق عليهن 20 سنة حرب كانو هلأ يمكن أكبر دولة صغيرة بالعالم ...
أما فينيقيين و أراميين و شواريخ و سترينغات ...هاد الحكي بلا طعمة منوب....كل الموضوع أنو الانسان بلبنان عم يعيش انسانيتو اكتر من الانسان بسوريا ( بشكل عام ) للأسف طبعاً

للإطلاع فقط فقط فقط.....شعب الله الفهمان
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

للإطلاع فقط فقط فقط.....شعب الله الفهمان
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

حلو كتير المقال :ok:
شكراً

"...لك أخي الشغلة ما بدها لا سياسة ولا تاريخ ...ولا تنظير ولا فلسفة..."

لا تنظير ولا فلسفة... هون انا معك.
لكن التاريخ واضح، و نعلم جميعا ما معنى "أرض كنعان" او "فينيقيا الأم" و حدودها الطبيعي منذ القدم وقتها لم تكن موجودة سورية او "عائلة الأسد الكريمة"، و نعلم جيدا من هي عاصمة "فينيقيا الام" واين توجد الآن في وقتنا الحاضر هذه العاصمة.
و كما يقولون "اخواننا" اللبنانيين : "الأرز شاهد".


سورية فوق الجميع.

ثانيا انا لست لبناني، انا سوري اي انا "فاعل"، لأن كل شخص سوري و مهما علا شأنه او لم يعلي، فالسوريون يبقوا دائما "فعالة" بالنسبة للبنانيين... سترها... نبقى نهرّب "ربطة خبز" من لبنان و نعمل فيها حفلة و نعزم الجيران و نبقى شي جمعة نتفاخر انه كان عندنا "ربطة خبز" من لبنان... سترها...
انا مصرّ ان اقول الحقيقة مهما جرحتنا و هذا لمصلحتنا نحن "الفعالة".

سورية فوق الجميع.

يعني إذا كان قصدك بكلمة فعالة يعني العمل كعامل أساسي بدون أي مهارات عالية مثل عمال خطوط الإنتاج البسيطة و عمال الحفر و جمع المزروعات... يعني هادا الشغل مو عيب بل عكس اللي بيشتغل ليطعمي حالو و أسرتوا شخص بيستحق الاحترام أما النظرة الطبقية للعمل فهي نابعة من قصر نظر و تخلف و يعني مثل ما تقول مسك الحضارة من دنبها...

أما قولك بأنوا السوريين فعالة عند اللبنانيين بحيث أنك عم تفترض تفوق اللبنانيين على السوريين كون في مئات آلاف العمال السوريين بيقومو ا بالأعمال الأساسية في لبنان .. يعني هي بتأكدلي ثاني مرة أنك لبناني عم تتذاكى
شوف حبيبي أنا أبي درس بالجامعة الأميركية بيروت و من رفقاتو كان السنيورة بس هلق يعني ما في اتصال بيناتهم من وقتها بس اللي بدي ألك يا أنو صحابو التانيين و منهم المارونيين و منهم العونيين و السنيين (يعني على مختلف انتماءاتهم الحزبية و المذهبية) صحابو كثير و لهلق منسهر سوى براس السنة و منزورون و بيزورونا يعني و كل اللعلاك اللي صار ما آثر على علاقتنا و حتى الجيل الثاني (نحن أولادون) في بيناتنا صحبة و منضل على اتصال بالغربة و مرة ثانية انتماآتنا و أفكارنا مختلفة و متضاربة بس الاختلاف لا يفسد للود قضية يعني نحنا ناس متحضرين ثقتنا بأنفسنا ما بتجي من اللبس أو الأكل (لايف ستايل) عرفت شلون

يعني كلامك فيني فندوا بعشرات إذا مو مئات الصفحات مع ذكر أمثلة و أسماء إذا بدك و خاصة عند الحديث عن العمالة (العمال) اللبنانيين في سوريا إن كان المؤهلين منهم أم اللي جاؤوا على طبق فلان و علان ..

بس بدي قلك شغلة فلنفترض أنك مانك لبناني ، و أنك سوري يعني و عم تحكي عن قناعة فهي القناعة سطحية و هادا الإحساس التفوقي للشعب اللبناني على الشعب السوري و النابع من المغالطات و خلط الحقائق .. ما يبذكرني إلا بالشعور القومي لليونانيين و خاصة اللي بيعيشوا برات اليونان يبعتبروا حالوا شعب الله المختار و أساس الحضارة و أهم حضارة و و و هن بالحقيقة آخر الشعوب الأوروبية و أكثرهم استفادة من الوحدة الأوروبية بس هادا الشعور القومي الكاذب بيعطيهم دفع و بيساعدهون على تغييب حقيقة أنهم أكثر فوضى و أقل تطور من بقية الشعوب الأوروبية يعني هروب إلى الماضي بدل مواجهة الواقع بشجاعة و الاندماج بالوحدة الأوروبية بصيغة أكثر تواضع و اعتراف بفضل بقية الشعوب الأوروبية عليهم..
يعني الحضارة ما بتنقاس بركوب البي أم و الماركات الإيطالية .. و كلنا بالهوى سوى مثل ما بيقول جبران "ويل لأمة تأكل مما لا تزرع و تلبس مما لا تصنع"

"...لك أخي الشغلة ما بدها لا سياسة ولا تاريخ ...ولا تنظير ولا فلسفة..."

لا تنظير ولا فلسفة... هون انا معك.
لكن التاريخ واضح، و نعلم جميعا ما معنى "أرض كنعان" او "فينيقيا الأم" و حدودها الطبيعي منذ القدم وقتها لم تكن موجودة سورية او "عائلة الأسد الكريمة"، و نعلم جيدا من هي عاصمة "فينيقيا الام" واين توجد الآن في وقتنا الحاضر هذه العاصمة.
و كما يقولون "اخواننا" اللبنانيين : "الأرز شاهد".


سورية فوق الجميع.

وقفلي يها هي شغلة عاصمة فينيقيا يعني الفنينيقيين هم كنعانيي الجبل و حضارتون مسجلة بين 1900 قبل الميلاد و 64 قبل الميلاد يعني و كانوا معاصرين لكنعانيي الجبل أو الداخل بس حضارة كنعانيي الداخل انتهت بحدود 500 قبل الميلاد و قبل منها كان هناك الحضارة البابلية و اللي كانت في شرق سوريا و حضارة إيبلا التي هي سباقة على حضارة الكنعانيين بشقييهم (الجبل و الفينيقيين) و اللي بترجع لـ 2400 قبل الميلاد يعني 5 قرون قبل الكنعانيين
يعني و الأبجدية الأولى في أوغاريت خارج مدينة طرطوس يعني و إذا بدك أنا فينيقى أكثر منك و من 3/4 اللبنانيين لأنو عيلتي موجودة على بعد 17 كم من أوغاريت من مئات إذا مو من آلاف السنين
و أيضا الآشوريين كانت حضارتهم أقدم من الحضارة الكنعانية بحوالي 5 قرون وهي كانت في شمال شرق سوريا (الحسكة حالية) و أجزاء من العراق تركيا و هي المنطقة الشمالية لما بين النهرين
و لمعلوماتك أقدم مؤشرات على ظهور مدنية أو urbanization كانت في السابق يعتقد أنها رصدت في ميسوبوتوميا أو ما بين النهرين (جنوب العراق) بس آخر الاكتشافات التي تمت بالتعاون مع جامعة شيكاغو بينت أنو في مؤشرات أقدم من مدينة قديمة في تل حموقار شمال سوريا...

يعني كل الحكي السابق مثل ما تقول حكي تاريخ و قابل للنقاش ممكن تقرأه و تبحث في بتعمق من باب حب الأطلاع و البحث أو الرومانسية الفكرية.. بس كلو ما بيثبت شي أبدا بيضل الوضع الحالي سيء للغاية في البلدين و في المنطقة بشكل عام يعني الرشوى بتدفعها للشرطي بسوريا و الإكرامية بتعطيها للدركي بلبنان... يعني اختلفت التسميات و التجليات بس الواقع الأسود نفسه

المطلوب هو نهوض بشخصية و فكر و معتقدات السكان في هذا الجزا من العالم و ليس نهوض بتقوقعهم و تقسيمهم إلى مجموعات طائفية عرقية و قومية جاهزة للانفجار بأي لحظة .. يعني إذا كان فكرك المريض بيوحيلك أنو إثبات تفوق شعب على آخر هو حقيقة واقعية فما هو إلا دليل إلى على قصر نظر و جهل إن كنت تلبس شاروخ من صنع أبو سمير أم تلبس بوط دزاينر شانيل ولا غيرو

مافي داعي نكتب تاريخ
بس لازم نسال
شو مشان الكبة الحلبية
يعني اصلي لبنيني
من طرابلوس
ولا من المتن
ههههههههههههه
والله بيضحك كاتب هالموضوع
يعني ماعندو ثقافة بالمرة ولا بيعرف شي بالتارخ
على شو النقاش
:D :D :D :D :D

النقاش يدور عن أصول صنع الكبة والفتوش والفلافل
وأتهام سوريا دولياً بسرقة أكلات لبنينيي
وكمان ليش بيحكو لغات أكتر من السوريين
الآخ ما بيعرف يحكي أنكليزي وفرنسي
وحابب يحكي كلمة من كل لغة
أنا не на вижу Lebanon
:notok: :notok: :notok: :notok:
وبالظاهر ما ملاقي غير الأكل يساوي منها مشكلة
وعالأغلب ماسكينو شي مرة بعملية تهريب ;-) وحابب يفش خلقو هون :ok:

النقاش يدور عن أصول صنع الكبة والفتوش والفلافل
وأتهام سوريا دولياً بسرقة أكلات لبنينيي
وكمان ليش بيحكو لغات أكتر من السوريين
الآخ ما بيعرف يحكي أنكليزي وفرنسي
وحابب يحكي كلمة من كل لغة
أنا не на вижу Lebanon
:notok: :notok: :notok: :notok:
وبالظاهر ما ملاقي غير الأكل يساوي منها مشكلة
وعالأغلب ماسكينو شي مرة بعملية تهريب ;-) وحابب يفش خلقو هون :ok:
شو افي يعني حرية للرائي:jakoush: :jakoush: :jakoush:

الاحمد ن
هل تعرف ماذا تعلمنا من اللبنانيين واقصد ( اهل طرابلس وبيروت و الجنوب ) اي المحافظات السوريه التي لا تزال خارج شرعية الشام
1- ان عندنا حريه والدليل ان بعض الجهال امثالك صار يتكلم بحريه وهي حقك 00 ولكن
2- تعلمنا التهريب و الخيانه و اللؤم من خلال بعض ضعفائنا وعصبة الحريري شهيد غسيل الاموال
3 - تعلمنا ان
لا تشتري العبد الا و العصا معه ان العبيد لانكاد مناجيس
اقرا مؤلفاتي الجديده

سر التبوله اللبنانيه في الحركه السوريه
المناهل من اجل الفلافل
الكباب الحلبيه واثرها في الحركه الحريريه
احمد فتفت و الكلاب
----
قيد الطبع

كلاب تحت الطلب
سعد بن ال سعود و الفتوش
كيف كان سعد الحريري -- من فهد ام من خالد -- دراسه نقديه
الحمص هل هو من حمص-- دراسه نقديه
مريم المريخ و الماكولات
========
ولك ياعمي وين رايح

آخر من يحق له التكلم عن الحرية هو نحن، او الشخص السوري.
فاليفكر و لبعض الوقت كل واحد منّا بينه وبين نفسه بهذه العبارة : "انا انسان سوري والحمد لله أنعم بالحرية في وطني سورية".
اعرف اعرف، سوف نضحك على انفسنا بعد ان نفكر بهذه العبارة.
و اخونا عمّ يحكي عن الحريّة و كأنه لبناني... و مستكتر عليّ الانترنيت... حياة...

والله اللي ما عارف حالوا وين رايح ومنين جاي بستكتر عليه 00000

اناسوري من دون باقي الديباجه و الله
انا سوري وديني هوي سوريا وبس
انا سوري وسوريا فوق الجميع
بس 000 البرغل شفلي وضعوا لو سمحت

ليست هناك ضرورة بالحلفان بالله، فانا اعرف تماما بانك - سوري

ليست هناك ضرورة بالحلفان بالله، فانا اعرف تماما بانك - سوري
ليش حضرتك تبريت من سوريا
حبيب اللي بيقول أنو سوري ألو الشرف
وأنا سوري بقا أنت شو ............. خاين

احمد ما بظن انو سوري
بجوز سمعان اسم سوريا بالاخبار وجاي يصف حكي فاضي

[quote=hashtnasht]لك أخي الشغلة ما بدها لا سياسة ولا تاريخ ...ولا تنظير ولا فلسفة
الشعب بلبنان أفهم و أوعى من الشعب السوري...بشي 100 مرة كمانquote]

I’ve never heard of any Lebanese who invented a nuclear bomb, a car………. or even a bicycle (nor of Syrian!)
Lebanese people had been killing each other before the interference of Syrian troops, (does it show their understanding or awareness?)
If they speak broken Arabic, mixing it with English & French, it doesn’t mean that they r better, on the contrary, it shows the absence of culture & education- (the more u break ur language, the more u lose ur culture & roots
In result, u should brush ur information up!.
thanx

كلامك حلو هومان


وللي ما بيفهم انكليزي اللي كتبو هومان
هوي


انا بحياتي ما سمعت عن لبناني اخترع قنلة نووية او سيارة او بسكليت (ولا حتى سوري)
اللبنانيي كانو عم يقتلو بعضهون قبل ما تتدخل القوات السورية (هالشي ببين فهم او علم ؟)
اذا بيحكو عربي مكسر , معو انكليزي وفرنسي, هاد مو معناتها انو هالشي احسن
بالعكس هالشي ببين انو مافي ثقافة و حضارة
(كل ما بتكسر لهجتك كل ما بتخسر حظارتك واصولك
بالنتيجة لازم تتخلص من معلوماتك




بالنسبة لانو الشعب بلبنان انو اوعى وافهم من سوريا
فهالشي مو صحيح ابدا ابدا

واللي بيعرف الشعب اللبناني ما بقول الكلام اللي انقال ابدا
اكتر العالم بقولو هالحكي لان بلبنان على حسب قولهون انو بيحكو لغات متعددة وبطلاقة
فهالشي ابدا مو صحيح

بلبنان حافظين كلمتين فرنسي على كلمة انكليزية وبيقولوها دائما
بلبنان شو ما بتقلهون بيعملو بدون حتى ما يفكرو
واكبر مثال انو اميركا وفرنسا ضحكت عليهون بكلمتين قام صدقوهون
وفكرو انو صارو اصدقاء معهون

لدي صديق من ايام الدراسة في الجامعة بدمشق اسمه أيمن و هو سوري، و ايضا صديق لبناني اسمه حسين درس معنا في الجامعة.
مرة و بالصدفة رأيت عند أيمن كتابان، الاول باللغة الفرنسية و الثاني بالانكليزية، وقتها لم اهتم و لم اسئله ما هو الغرض من الكتابان.
بعد جمعة تقريبا، عدت و رأيت نفس الكتابين بين يدي أيمن، فعندها سألته : ما هي الحاجة للكتابين و انت لا تفهم لا الفرنسية و لا الانكليزية؟
فجاوبني : ان الكتابين ليسا له بل لجاره.
مر الوقت و الكتابين لا يفارقين صديقنا أيمن، و زيادة عن ذالك اصبح أيمن و في كل مرة يرى فيها صديقنا حسين يفتح الكتابين و يتصفح بهما، و لكن عندما لاحظته يحرك شفتيه و هو يتصفح، استعجبت و اقتربت منه مسرعا و سألته : "صرنا منحكي فرنساوي و انكليزي... مووو؟" فاجابني أيمن : "لأ مااا مووو."
من بعدها تركته وشأنه ولم اعد اسأله عن الكتابين و خصوصا عندما علمت بأن أيمن كان يفعل هكذا فقط امام اللبناني حسين لكي يظن حسين بأن أيمن يتكلم الفرنسية و الانكليزية.
لا استطيع هنا ان ألوم أيمن على فعله، لأن جميعنا نحن السوريون "معقدين" من اللبنانيين.
لكن الشيء المضحك و المبكي هو أنّ حسين لا يتكلم لا الفرنسية ولا الانكليزية. حسين طلع من جنوب لبنان.

لدي صديق من ايام الدراسة في الجامعة بدمشق اسمه أيمن و هو سوري، و ايضا صديق لبناني اسمه حسين درس معنا في الجامعة.
مرة و بالصدفة رأيت عند أيمن كتابان، الاول باللغة الفرنسية و الثاني بالانكليزية، وقتها لم اهتم و لم اسئله ما هو الغرض من الكتابان.
بعد جمعة تقريبا، عدت و رأيت نفس الكتابين بين يدي أيمن، فعندها سألته : ما هي الحاجة للكتابين و انت لا تفهم لا الفرنسية و لا الانكليزية؟
فجاوبني : ان الكتابين ليسا له بل لجاره.
مر الوقت و الكتابين لا يفارقين صديقنا أيمن، و زيادة عن ذالك اصبح أيمن و في كل مرة يرى فيها صديقنا حسين يفتح الكتابين و يتصفح بهما، و لكن عندما لاحظته يحرك شفتيه و هو يتصفح، استعجبت و اقتربت منه مسرعا و سألته : "صرنا منحكي فرنساوي و انكليزي... مووو؟" فاجابني أيمن : "لأ مااا مووو."
من بعدها تركته وشأنه ولم اعد اسأله عن الكتابين و خصوصا عندما علمت بأن أيمن كان يفعل هكذا فقط امام اللبناني حسين لكي يظن حسين بأن أيمن يتكلم الفرنسية و الانكليزية.
لا استطيع هنا ان ألوم أيمن على فعله، لأن جميعنا نحن السوريون "معقدين" من اللبنانيين.
لكن الشيء المضحك و المبكي هو أنّ حسين لا يتكلم لا الفرنسية ولا الانكليزية. حسين طلع من جنوب لبنان.

ضحكتني
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
وأنا بنصحك بأنو لا عد ترد مشان ماحدا يضحك على السوريين ويفكروهن كلن متلك
اللي فهمتوا .....هو أنو رفيقك منافق وبس وبغير طريقة ما بتنفهم أبداً وهيك حكي ما فيك تعمموا على كل سورية
برغم سوء المناهج التعليمية . عنا السوري بيعرف وفهمان أكتر من لبناني و أصلاً موضوع اللغات هو إجتهاد ذاتي, اللبناني حافظ 10 كلمات فرنسي و 10 كلمات إنكليزي وبيضل يرددهن طول وقتوا
مثلاً ( فاين .ميرسي لأيلاك ) يعني بالعربي ( رائع. شكراً لك ) .
وإذا مابتعرف لغة هي مشكلتك .. بسوريا في عالم كتير بتعرف مو بس لغة وحدة 2 و 3 وأكتر
وما رح بعدلك كتير مثال من المنتدىhwman بيعرف إنكليزي وروسي بشكل ممتاز وعم يدرس إيطالي . وماهر وكريمبو و ويللي وغيرهم كتير . بس نحنا السوريين ما بنتأثر بلغة تانية ومنصير نحكي بطريقة مايعة كلمة من كل لغة .
هي من ناحية اللغة أما أنو السوري طلع معقد هي شغلة جديدة حضرة الدكتور
بالظاهر أنت المعقد من لبنانيين وبرجع بقلك لا تشمل حدا بدون دليل . أنا ما سمعت حدا أنو بيتمنى يكون لبناني
والحقيقة أنا ماني حابب كمل كتابة لأنو مابعرف أنت شو بدك ولا بعرف أنت سوري ولا لبناني
وإذا سوري فيك تروح على لبنان ونرتاح. الله معك هونيك بتاكل الفلافل الفينيقية والفتوش الفينيقي
وتتعلم لغات أكتر وممكن في المستقبل تاخد جنسية أمريكية من لبنان .......شو بعرفك وممكن فرنسية ..
الموضوع القادم عن شو ؟
عن الأحذية اللبنانية ؟:tomtom: :tomtom: :tomtom:

لا استطيع هنا ان ألوم أيمن على فعله، لأن جميعنا نحن السوريون "معقدين" من اللبنانيين.


يلعن الطرقك ما بصير إلا ما تاكلك شي مسبة يعني... اذا انت معقد من اللبنانيين ليش هيك عم تعمم علينا... هون عنا بلاوي لبنانيين بالجامعة و والله ماني شايلون من أرضهم كلهم على بعضهم

ثم حاج ترفع شعار سوريا فوق الجميع... و الله انمغصنا منك... طلعت ريحتك.. كل تفاصيل كلامك بتدل على إنك لبناني لانك بتحكي بالمواضيع يلي اللبنانيية عادة بيحكوا فيها... متل المووو و هالحكي الفاضي... روح حل عن سمانا يا زلمة شوف لبنان عبيانة نشح ووسخ... :aah:

وإذا سوري فيك تروح على لبنان ونرتاح. الله معك هونيك بتاكل الفلافل الفينيقية والفتوش الفينيقي


حلوة الفلافل الفينيقية :lol:

حلوة الفلافل الفينيقية :lol:

خلي أحمد يلفلك سندويشة ؟؟؟؟؟
:lol: :lol:

كلاب تحت الطلب
سعد بن ال سعود و الفتوش
كيف كان سعد الحريري -- من فهد ام من خالد -- دراسه نقديه


مع اني مبحب احشر حالي في حوارات متخلفة ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
بحب ائولك انو المملكة مالها علائة لا بسوريا ولا بلبنان ولا بصحون الفتوش ولا بالمشاكل التي بينها
فيا ريت انو ما تجيب سيرتها
ومستعد ابصم بالعشرة انو لك اسم تاني غير هل الأسم من اسلوب كتابتك...

وبحب استأزن منكم لأني ما بدي احط عقلي بالفتوش أو الكبة أو الكباب أو فينيقيين وأو
حتي بطيخ ....
وعندي طلب صغير ازا عملتوا بكون لك شاكر ومقدر وهوي انو ما تحشرنا بمشاكلكم لو سمحت
لأنو مهما عملنا بتضلوا تطلوا فينا بدونية .....

ياخيي نحنا منحترم جيرانا بالحجاز ومنحترمن ماجبنا سيرة حدا وكلنا شعوب بتنطق بالعربيه

اما السعد واعوانه ومن اين اتى فهذا موضوع اخر
و السوريون في كل ارجاء الهلال الخصيب لا ينظرون بدونيه الى احد 000 بس بينظروا بدونيه
على من يشعر بنفسه دون مثل صاحبنا

[quote=hashtnasht]لك أخي الشغلة ما بدها لا سياسة ولا تاريخ ...ولا تنظير ولا فلسفة
الشعب بلبنان أفهم و أوعى من الشعب السوري...بشي 100 مرة كمانquote]

I’ve never heard of any Lebanese who invented a nuclear bomb, a car………. or even a bicycle (nor of Syrian!)
Lebanese people had been killing each other before the interference of Syrian troops, (does it show their understanding or awareness?)
If they speak broken Arabic, mixing it with English & French, it doesn’t mean that they r better, on the contrary, it shows the absence of culture & education- (the more u break ur language, the more u lose ur culture & roots
In result, u should brush ur information up!.
thanx

hwman
يعني ما بعرف شو دخل القنبلة النووية بالحكي اللي حكيتو انا؟؟؟ إلا اذا كنت بتقيس تمدن و حضارة و ثقافة شعب معين بقدرتو على صنع سلاح نووي ...وقتا بكون بدي اعتذر منك...لأنو ما عندي شي قولو أبداً

أنت عم تحكي عن حضارةو و أصول....يعني بفهم من كلامك أنو لازم نتمسك بالأصول ؟؟ شو هي الأصول ؟؟ وين شايف في بتاريخك حضارة ؟؟ و لأيمت بدك تضل عايش علةى اوهام حفريات و مستحاثات ؟؟
أنو يعني أنت بتحكي عرب يمنيح و اللبناني بيحكي عربي مكسر ..و مبسوط و مفكر أنك غلبتو واحد صفر !!!!
أنو يعني بلبنان صار حرب أهلية معناها الشعب هنيك ما بيفهم ...؟؟؟ دخلك شو البلد اللي ما صار فيها حرب أهلية ؟؟؟
أنو كل الأدباء و المفكرين و الفنانين اللبنانيين اللي طلعو من شقفة 10000 كيلو متر مربع ما عبو عينك ؟؟
لك نشيدك الوطني اللي هو حماة الديار ...صنع في لبنان !!! ليش بالله ؟؟ غريب ما هيك ؟ مع أنو في نعيم حمدي ....مع أنو في عصمت رشيد !!
نزار قباني سوري ....بس كان ساكن ببيروت ...مدري ليش ؟؟
لك جورج وسوف ....شقفة جورج وسوف ...تارك سوريا و ساكن بلبنان !! ليش ؟
كل الكتب المحرمة و الممنوعة لأسباب ( قذرة ) كانت تطبع و تنشر في بيروت ؟؟ ( قولك لنو هنيك الشعب متخلف يمكن ؟؟؟)

أنا ماني فهمان ليش نحنا كسوريين عنا هالنفسية ( الجقمة ) يعني أنو نحنا سوريين و هيك متل الطير النافخ ريشو !!
انت قلي على شو بالله ؟؟
أنت ع شو مبسوط بحالك انك سوري ؟؟
انت قاعد بروسيا مدري باوكرانيا مشان تجيب شهادة من هنيك ؟؟ غريب !! مافي جامعات بسوريا ؟؟
يعني مشان الله أخواتي....كلياتنا سوريين و كلياتنا منعرف شو الوضع ....و ما حدا يقول كف عدس....مجلس الشعب تبعنا بعبر عننا ....حتى لو ما نحنا اللي انتخبنا بعبر عننا ...بدو ...نحنا شعب بدوي .....طبعا يمكن انتو تنصدمو شوي...لأنو أكيد انتو اللي هون نخبة هالمجتمع وما عم تحسو انو اللبناني افهم و اوعى ...يمكن لأنو انتو عندكن مستوى وعي وفهم ما بخليكن تحسو هيك.....بس الشعب السوري بالمجمل متخلـــــــــــــــــــــ ـــــــــــــــــــــــــ ـــــف
شعب جاهل ....شعب لا يقرأ ....شعب ما عندو لا مسرح و لا سينما

لك نحنا شعب ما عنا مؤلف روائي.....و اذا طلع شي مؤلف او شي شاعر ..منقتلو ...مندبحو و منحسب الله ما خلقو ....نحنا شعب لهلأ منعتبر التمثيل فلتنة وقلة حيا ....و مع هيك منحب نحضر افلام و مسلسلات !!
نحنا شعب ..........

وحياة الشباب أنا ما كنت بدي علق و شارك بالموضوع مرة ثانية و بالأخص أنو الأخ اللي حاطط الموضوع يعني عم يناقش و يوجه الحديث بطريقة ما بتشجع للمشاركة..
بس كرمالك يا Hashtnasht حابب ناقش بعض النقط معك يعني..


يعني ما بعرف شو دخل القنبلة النووية بالحكي اللي حكيتو انا؟؟؟ إلا اذا كنت بتقيس تمدن و حضارة و ثقافة شعب معين بقدرتو على صنع سلاح نووي ...وقتا بكون بدي اعتذر منك...لأنو ما عندي شي قولو أبداً
يعني هو اللي قصده أنو مافي إنجازات جوهرية بعلوم معقدة و متقدمة بس ما بتصور بموضوع السلاح تحديدا


أنو يعني أنت بتحكي عرب يمنيح و اللبناني بيحكي عربي مكسر ..و مبسوط و مفكر أنك غلبتو واحد صفر !!!!

يعني هي الشغلة مو صراع و تنافس نقاط كل العالم خير و بركة..

أنو يعني بلبنان صار حرب أهلية معناها الشعب هنيك ما بيفهم ...؟؟؟ دخلك شو البلد اللي ما صار فيها حرب أهلية ؟؟؟
أي سمحلي هي الحرب الأهلية شغلة كبيرة و كبيرة كتير و وصمة عار مو بس على اللبنانيين و الفلسطينيين و السوريين (يعني هي كمسؤولية ما يبتحملها الأكثرية) بس يعني هي نقطة عار بتاريخ المنطقة و مو حدث عابر عرفت شلون يعني .. يعني ما هي مستمك من "سوري" على "لبناني" بس هون برجع لنقطتي الأولى أنو كل هذا النوع من الحديث يعني أشبه بحديث ولاد المدارس سيارتنا أحلى و أسرع لاء جدو كان أقوى من جدك..


أنو كل الأدباء و المفكرين و الفنانين اللبنانيين اللي طلعو من شقفة 10000 كيلو متر مربع ما عبو عينك ؟؟
لك نشيدك الوطني اللي هو حماة الديار ...صنع في لبنان !!! ليش بالله ؟؟ غريب ما هيك ؟ مع أنو في نعيم حمدي ....مع أنو في عصمت رشيد !!
نزار قباني سوري ....بس كان ساكن ببيروت ...مدري ليش ؟؟
لك جورج وسوف ....شقفة جورج وسوف ...تارك سوريا و ساكن بلبنان !! ليش ؟
كل الكتب المحرمة و الممنوعة لأسباب ( قذرة ) كانت تطبع و تنشر في بيروت ؟؟ ( قولك لنو هنيك الشعب متخلف يمكن ؟؟؟)


هي الحركة الثقافية لا شك كانت قوية جدا بلبنان و مازالت إلى حد ما حاليا بس مو مثل الأول و حتى هنن بمجال اللغة العربية عندهم بحاثة و جهابذة بس يعني هي الأمور مو حصرية فيهن و أنت نفسك قلتا المبدعين السوريين كانوا يروحوا على لبنان يعني بكلام ثاني البلدين فيهم مبدعين و مواهب بس بلبنان في حرية أكثر و هي النقطة عامل في منتهى الأهمية لظهور المواهب بشكل أكبر و هجرة المواهب إليه.. و الفوضى اللي كانت أبان الحرب كان من فوائدها شبه انعدام للرقابة و بالتالي نشطت حركة الطباعة و التأليف و الترجمة (بس كملاحظة كان ألها مساؤها من قبيل عدم احترام حقوق الملكية الفكرية و السرقات الأدبية و تدني مستوى الترجمة و التعريب بسبب الرغبة في الأسبقية على حساب الجودة) يعني فيك تقول موضوع كبير و ما بيتلخص بسطرين و ما بتم قرائته بشكل مسطح...

أنا ماني فهمان ليش نحنا كسوريين عنا هالنفسية ( الجقمة ) يعني أنو نحنا سوريين و هيك متل الطير النافخ ريشو !!
انت قلي على شو بالله ؟؟

يعني معك حق بهي شغلة نفخ الريش على أساس القومية بس يعني هي مو شغلة سورية اللبنانية رب مين نفش ريشه و على الفاضي... (مو الكل بس يعني نسبة لا يستهان بها أبدا)

أنت ع شو مبسوط بحالك انك سوري ؟؟

هي ما حبيتا منك حبيب يعني الواحد ما لازم يكون متعصب أو عنصري أو متعنجه مهما كانت جنسيته أو عرقه لأن إن كان هيك فهو الدليل على محدوديته و غباءه لكن الواحد ما بيمنع يكون عنده حس انتماء و هادا الحس بيدفع لأنه ياخد من هالانتماء و يعطيه و يفخر بحاله و بانتماءه بمعنى يكون أله هوية (مو بمعنى التعصب و العنجهية)

انت قاعد بروسيا مدري باوكرانيا مشان تجيب شهادة من هنيك ؟؟ غريب !! مافي جامعات بسوريا ؟؟
ليك في طلاب من بلدان كثيرة عم يدرسوا بسوريا حتى بالجامعة كان في معنا طالب ألماني إكستشنج (تبادل طلابي) يعني هادا موضوع طلب العلم شي تاني و بعدين الطلاب اللبنانيين منتشرين بالعالم مع أنه عندم الجامعات الخاصة (الأميركية و غيرها) موجودة من سنين و لعلمك في كثير دكاترة سوريين بيحاضروا بلبنان و الأردن (على سبيل المثال لا الحصر الدكتور إياد الشطي دكتور محاضر بالجامعة الإميركية ببيروت)

يعني مشان الله أخواتي....كلياتنا سوريين و كلياتنا منعرف شو الوضع ....و ما حدا يقول كف عدس....مجلس الشعب تبعنا بعبر عننا ....حتى لو ما نحنا اللي انتخبنا بعبر عننا ...بدو ...نحنا
يعني إذا في وضع سياسي معين و قهر هادا الشي ما بيعيب الشعب يعني نحن شعب مسلوب الإرادة كليا أو جزئيا


شعب بدوي .....طبعا يمكن انتو تنصدمو شوي...لأنو أكيد انتو اللي هون نخبة هالمجتمع وما عم تحسو انو اللبناني افهم و اوعى ...يمكن لأنو انتو عندكن مستوى وعي وفهم ما بخليكن تحسو هيك.....بس الشعب السوري بالمجمل متخلـــــــــــــــــــــ ـــــــــــــــــــــــــ ـــــف
شعب جاهل ....شعب لا يقرأ ....شعب ما عندو لا مسرح و لا سينما

لك نحنا شعب ما عنا مؤلف روائي.....و اذا طلع شي مؤلف او شي شاعر ..منقتلو ...مندبحو و منحسب الله ما خلقو ....نحنا شعب لهلأ منعتبر التمثيل فلتنة وقلة حيا ....و مع هيك منحب نحضر افلام و مسلسلات !!
نحنا شعب ..........

مرة ثانية يعني اسمحلي اعكس نقطتك هون و قلك أنو مو كل الشعب اللبناني هو اللي بتشوفوا على ال بي سي و المستقبل الحقيقة مرة أكثر من هيك بلبنان و الناس الفقير و المهجرين و المهمشين هدول مانون قلال بلبنان و مشاكل الفقر مانها قليلة بس يعني أسابها مختلفة عن سوريا.. و من جهة ثانية لا تحكم على الناس من طريقة عيشها لبسها و همومها لأنو في سوريا في كثير ناس مثقفة و قارئة نهمة و في مناطق نائية و بالرغم من شظف العيش و قلة التسهيلات .. يعني بس أنت عملك جولة بالإنترنت و على المواقع السورية أو اللي يبكتب فيها سوريين مثل الحوار المتمدن و معابر و عشرات المواقع الأخرى و شوف الكتاب و المفكرين السوريين اللي يبكتبوا من سوريا عدا عن اللي عيشين براتها يعني و شوف مستوى كتاباتهم، يعني و إذا بدنا نبلش نعد المفكرين السوريين يعني قائمة طويلة جدا
الملخص : كل شعب عنده مفكرينه و مبدعينه ، أما أنك تلقي أحكام جائرة و مسبقة و تعمم و تقولب .. الخ و هادا الشعب متخلف و هادا متطور يعني هادا الشي ما بيزبط و في ردود أله و خاصة لما عن تحاول تقارن شعبين مثل السوري و اللبناني .. يعني مرة ثانية لا تحكم من خلال اللايف ستايل أو نمط الحياة (الأكل الشرب اللباس) الواقع بيقول كل شعب عنده مشاكل و نقاط ضعفه و هي المقارنة اللي طرحا أحمد نون يعني و بالأسلوب و البنية اللي استعملها يعني حكي جرايد صفرا أكثر ماهو حكي موزون و محاولة لفتح حوار بناء و مصارحة مع الذات..
يعني و بحب قلك أنت بالنهاية سوري و شخصيتك هي نتاج هادا المجتمع و تفاعلك معه و الخ أما تعتبر حالك حالة استثنائية و من النخبة و أن البقية كمجموع مختلفين بشكل جوهري و تصفهم بالتخلف بكلمة واحدة و نقطة على السطر يعني هادا تقييم ذاتي و غير موضوعي
تحية لألك و بتمنى كون وضحت وجهة نظري

الملخص : كل شعب عنده مفكرينه و مبدعينه ، أما أنك تلقي أحكام جائرة و مسبقة و تعمم و تقولب .. الخ و هادا الشعب متخلف و هادا متطور يعني هادا الشي ما بيزبط و في ردود أله و خاصة لما عن تحاول تقارن شعبين مثل السوري و اللبناني .. يعني مرة ثانية لا تحكم من خلال اللايف ستايل أو نمط الحياة (الأكل الشرب اللباس) الواقع بيقول كل شعب عنده مشاكل و نقاط ضعفه و هي المقارنة اللي طرحا أحمد نون يعني و بالأسلوب و البنية اللي استعملها يعني حكي جرايد صفرا أكثر ماهو حكي موزون و محاولة لفتح حوار بناء و مصارحة مع الذات..
يعني و بحب قلك أنت بالنهاية سوري و شخصيتك هي نتاج هادا المجتمع و تفاعلك معه و الخ أما تعتبر حالك حالة استثنائية و من النخبة و أن البقية كمجموع مختلفين بشكل جوهري و تصفهم بالتخلف بكلمة واحدة و نقطة على السطر يعني هادا تقييم ذاتي و غير موضوعي
تحية لألك و بتمنى كون وضحت وجهة نظري

يعني والله ما بعرف شو بدي قلك .....عم تقلي الي انو ما احكم من اللايف ستايل و أنماط الحياة !!!
ليش وين شفتني عم احكم هيك .؟؟؟؟

كل القصة أنو الشعب اللبناني ( بشكل عام ) أكثر رقي و ثقافة و تحضر و تمدن من الشعب السوري ( بشكل عام ) ..و هاد واقع ...قبلنا أو رفضنا ما رح يغير شي من كونو واقع الا أنو اذا قبلنافي منكون موضوعيين و واقعيين ..و اذا رفضنا منكون فوق تخلفنا شعب خيالي . مع العلم أني نوهت من قبل أنو الثقافة و التحضر و التمجن ما بتنقاس بمقياس الشاروخ أو السترينغ ...مع أنو ممكن يكونو احد المقاييس و المعايير .....بس انت خود الطريقة اللي بدك ياها لتقيس مدى تقدم و تحضر و تمدن ...و الخ لشعب معين و قارن ..ولا تزعل
أنو ليش كتير مستصعبين الموضوع ...ما غالبية شعوب العالم فوقنا بسلم الرقي و التحضر....وقفت ع اللبنانية يعني ؟؟؟؟؟ غريب و الله !!!