عجبي عليك يا ابن آدم يا كبير الدار...

قومت الدنيا وما قعدتها لما قالو عليك حمار...

هو اسمي شتيمة ولا جنسي ده عار...

خلقني ربي وخلقك وما حدش له خيار...

وأنا مهما زاد الحمل فوقي صابر على المشوار...

لا في يوم أقول أشمعنى أخويا وآخذ منه تار...

ولا يوم أبص لرزق غيري وأتغاظ منه وأغار...

ولا أرفع في يوم عيني على جارتي وأصون الجار...

ولا مهر أدفع لحمارتي وشبكه وسوار...

ولا شقة أجمع في تمنها ولا أجهز دار...

ولا ست حامل تتوحم عايزه الكافيار...

ولا بنت تخرج عن طوعي وتجيب العار...

ولا ابن يدمن ويهلوس ويقع ينهار...

عايش في حالي متهني وليه أفكار؟؟؟

باكل وبأشرب وأنهق ومافيش أسرار...

وعندي ابن آدم يخدمني ليل ويا نهار...

إن جعت يشتري برسيمي بأغلى الأسعار...

وفي مرضي يفضل يعالجني ويدعي الستار...

خادم أمين من غير راتب ولا حتى إيجار...

والآن عرفت يا بني آدم.................

مين فينا الحمار؟

:lol: :lol: :lol: