العلمانية.. الالحاد.. وشوية حكي [الأرشيـــــف]

Nay

06/12/2009, 20:09

الإلحاد وصف لاي موقف فكري يرفض الايمان بوجود الالهة والالحاد بالمعنى العريض (أو الصرف) هو عدم الايمان بوجود الله.

الملفت للنظر أنه ليس هناك تعارض بين الالحاد والدين فالبوذيون بالعادة يؤمنون بدين ولكنهم لايؤمنون بالله..
وكلمة الالحاد تحمل نفس معنى اللاربوبية .. والملحد هو نفسه اللاربوبي..

الملحد الإيجابي ينفي وجود الله وقد يستعين بنظريات علمية وفلسفية لإثبات ذلك الملحد السلبي يكتفي فقط بعدم الاعتقاد بالله نظرا لعدم قناعته بالأدلة التي يقدمها المؤمنون

MadMax

06/12/2009, 20:11

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

الله يرحم هاك الأيام

Nay

06/12/2009, 20:14

اللادينية هي اتجاه فكري يرفض مرجعية الدين في حياة الإنسان ويؤمن بحق الإنسان في رسم حاضره ومستقبله واختيار مصيره بنفسه دون وصاية دين أو الالتزام بشريعة دينية، وترى أن النص الديني لا ينطوي على قداسة خاصة ولا يعبر عن الحقيقة المطلقة.
لكنه لا يرفض فكرة وجود الله.. بمعنى آخر اللاديني يؤمن بوجود الله لكنه لاييبع دينا معينا

إن كل ملحد هو لاديني ولكن اللاديني ليس ملحدا

Nay

06/12/2009, 20:20

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

الله يرحم هاك الأيام
كنت ما رح كفي الموضوع لما شفت اللينك ..
بس موضوعي أكبر شوي من موضوع كريم .. مع انو متأكدة ما رح يكون غني بالمشاركات متل موضوعو..

MadMax

06/12/2009, 20:23

كنت ما رح كفي الموضوع لما شفت اللينك ..
بس موضوعي أكبر شوي من موضوع كريم .. مع انو متأكدة ما رح يكون غني بالمشاركات متل موضوعو..
ما حطيت اللينك مشان توقفي ..

حطيتو مشان يللي بيقرا هالموضوع .. يقرا كمان هداك الموضوع

Nay

06/12/2009, 20:34

اللاأدرية أو الأغنوستية مذهب ديني يؤمن باستحالة التعرف على وجود الله و التوصل لهذا الإيمان ضمن شروط الحياة الإنسانية. يعني الخالق اكبر من مقدرتنا على ادراكه ومعرفته والتوصل اليه

الذات الإلهية بالنسبة لهم موضوع غامض كلية و لا يمكن تحديده بسبب قصور أدوات الانسان الادراكية ..

يجب التفريق بين اللاادرية الاغنوستية وبين
الغنوصية اللي تسمى كمان ب ( العارفية أو العرفانية) هي مدرسة عقائدية أو فلسفية حلولية نشأت حول القرن الأول الميلادي وتحوي فلسفات وتعاليم باطنية ولا تتعارض مع الديانات التوحيدية

Nay

06/12/2009, 20:46

الزندقة عبارة عن مصطلح عام يطلق على حالات عديدة, يعتقد أنها أطلقت تأريخياً لأول مرة من قبل المسلمين لوصف أتباع الديانات الوثنية و الدجالين ومدعو النبوة

ولكن المصطلح بدأ يطلق تدريجيا على الملحدين و أصحاب البدع و لكل من خالف مبادئ الاسلام الأساسية.

Nay

06/12/2009, 21:10

العلمانية: تعني فصل الدين والمعتقدات الدينية عن السياسة والحياة العامة.

العلمانية سياسيا هي حركة في اتجاه الفصل بين الدين والحكومة (وغالباً ما كان يطلق عليه الفصل بين الكنيسة والدولة)، والقضاء على التمييز بين المواطنين على أساس الدين

- من المهم معرفة أن العلمانية ليست في موقع مقابل للدين .. ولا تذهب لانكار الدين او الذات الالهية .. انما يرى الكثير من الباحثين أن العلمانية تكرس حرية الاعتقاد وتكفل مقدرة المواطنين على ممارسة شعائرهم الدينية لأبعد الحدود..

من المهم أيضا أن نعرف أن هناك رجال دين اسلاميين وعلمانيون في نفس الوقت امثال : محمد شحرور . جودت سعيد. خالص جلبي. محمد أركون

Nay

06/12/2009, 21:29

الديمقراطية الليبرالية النيو ليبرالية
يتبع................................

firdaous

06/12/2009, 22:59

حلو حلو ناي مستنيين التتمة :D

Dndoshy

06/12/2009, 23:27

الملحد ما بيؤمن بالله وبيعتبرو غير موجود لأنو ما عندو أدلة ملموسة يلي بتخليه يتعرف عليه..(يعني بيحكم عقلو)
اللاأدريين أو الأغنوستيين..بيعتبرو أنو الله ما فينا نفسرو بشكل علمي لأنو أكبر من قدراتنا بسبب أنو إله..(يعني عالعمياني)

يتبع اليتبع...............

مجنون يحكي وعاقل يسمع

06/12/2009, 23:45

حلو ناي
متابعين معك
ومارح نعطي آراء حتى تنتهي من التعاريف

Nay

07/12/2009, 02:49

الديمقراطية:
لغويا بتعني حكم الشعب..
سياسيا للديمقراطية رُكنان: حُكمُ الأكثريّة و حمايةُ حقوق الأقليات و الأفراد، وتحوي عدة مبادئ.. من النادر ايجاد جميع المبادئ في نظام حكم واحد

مبد أ حكم الاكثرية
مبدأ فصل السلطات
مبدأ التمثيل
سيادة القانون
تداول السلطات
اشكال الديمقراطية
الديمقراطية المباشرةو تسمى عادة بالديمقراطية النقية وهي نظام يصوت فيه الشعب على قرارات الحكومة مثل المصادقة على القوانين أو رفضها وتسمى بالديمقراطية المباشرة لأن الناس يمارسون بشكل مباشر سلطة صنع القرار من دون وسطاء أو نواب ينوبون عنهمكما هو حاصل في سويسرا

الديمقراطية النيابية وهي نظام يصوت فيه أفراد الشعب على اختيار أعضاء الحكومة الذين بدورهم يتخذون القرارات التي تتفق و مصالح الناخبين.

على الهامش
الديمقراطية مفهوم واسع ومتشعب كتير واي توضيح انا جاهزة

Nay

07/12/2009, 02:55

الديمقراطية الليبرالية
يتم الخلط خطأً بين الديمقراطية و الديمقراطيةالليبرالية (الحرة)، ولكن الديمقراطية الليبرالية هي بالتحديد شكل من أشكال الديمقراطيةالنيابية حيث السلطة السياسية للحكومة مقيدة بدستور يحمى بدوره حقوق و حريات الأفراد والاقليات (و تسمى كذلك الليبرالية الدستورية). ولهذا يضع الدستور قيوداً على ممارسة إرادة الأغلبية. أما الديمقراطية غير الليبرالية فهي التي لا يتم فيها احترام هذه الحقوق و الحريات الفردية.

Nay

07/12/2009, 03:12

الليبرالية كنظام سياسي
تقوم الليبرالية على الإيمان بالنزعة الفردية القائمة على حرية الفكر و التسامح و احترام كرامة الإنسان و ضمان حقه بالحياة و اعتبار المساواة أساسا للتعاون و منطلقا لإحترام الأفراد وضمان حريتهم و لا يكون هناك أي دور للدولة في العلاقات الاجتماعية أو الأنشطة الاقتصادية إلا في حالة الإخلال بمصالح الفرد و المجتمع.

و تقوم الليبرالية أيضا على تكريس سيادة الشعب عن طريق الاقتراع العام و ذلك لتعبير عن إرادة الشعب و التخلص من الفساد في المجتمع و احترام مبدأ الفصل بين السلطات التشريعية و القضائية و التنفيذية و أن تخضع هذه السلطات للتعديل من أجل ضمان الحريات الفردية و للحد من الإمتيازات الخاصة و رفض ممارسة السيادة خارج المؤسسات لكي تكون هذه المؤسسات معبرة عن إرادة الشعب باكمله..

الحريات الليبرالية

الحق في الحياة و السلامة الشخصية
التحرر من العبودية
المساواة أمام القانون و أن تأخذ العدالة مجراها في ظل سيادة القانون
حرية الصحافة و الحصول على المعلومات من مصادر متنوعة للمعلومات
حرية الإنتساب للجمعيات و التجمع
حرية التعليم
حرية الدين
وجود قضاء مستقل
الحق في اتملك وفي البيع و الشراء

Nay

07/12/2009, 03:59

الليبرالية الاسلامية

ظهرت العديد من التيارات الفكرية التي تدعو لليبرالية لإعادة تفسير النصوص الدينية وعدم الأخذ بتفسيرات رجال الدين القدامى حيث يرون أن الإسلام بعد تنقيته من هذة الآراء والتفسيرات فإنه يحقق الحرية للأفراد خاصة فيما يتعلق بحرية التعبير والاعتقاد

من أشهر رواد التوجه الإسلامي الليبرالي فرج فودة جمال البنا سيد القمني وغيرهم.

firdaous

07/12/2009, 14:49

متابعة...:D

Nay

07/12/2009, 15:05

الراديكالية
يقصد بها عموما مرادف تماما لكلمة أصولية أي العودة إلى الأصول والجذور والتمسك بها والتصرف أو التكلم وفقها
ويمكن القول هي نهج أو سياسة تسعى لإدخال إصلاحات جذرية على النظام الإجتماعي القائم
من معاني الراديكالية كذلك التطرف، أي النزعة إلى إحداث تغيرات متطرفة في الفكر والعادات السائدة والأحوال والمؤسسات القائمة... والصقت الكلمة بالأحزاب الماركسية والاحزاب اليميية المتطرفة.. وفي الوقت الراهن أصبحت الراديكالية كلمة مرافقة تماما للتيارات الاسلامية

Nay

07/12/2009, 15:09

safafita (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////) و Dndoshy (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)
فردوس وسامر وصديقي المجنون
شكرا كتير للمتابعة .. حسيت الموضوع جاف كتير وما توقعت حدا يحبو.. وناطرة التعليقات

Nay

07/12/2009, 15:14

المصادر:
الحقيقة انو ما في مصدر محدد للموضوع.. يعني اذا رجعت للمصدر ما رح تقدر تلاقي مكان معين فيه كل المعلومات اللي بدك ياها..
انما بشكل رئيسي:
1- موسوعة الويكيبيديا
2- مركز دراسات "مقاربات"
3- مساعدة كتير كبيرة من والدي الحبيب

الموضوع بشكل عام اكتمل انما اذا خطرلي شي ممكن زيد بشكل دائم

firdaous

07/12/2009, 16:02

kingknights

07/12/2009, 16:08

الله يعطيكي العافية على الموضوع هالطرح الحلو
و الموضوع عن جد حلو كتير

Nay

07/12/2009, 16:16

الله يعطيكي العافية على الموضوع هالطرح الحلو
و الموضوع عن جد حلو كتير
شكرا جزيلا...:D

Nay

07/12/2009, 16:30

لا بالعكس الموضوع مو جاف في كثير مصطلحات فيها كثير اشياء بتنحكي

لك بدي اسئلك شو الفرق بين الديموقراطية الليبيرالية و الديموقراطية النيابية يعني ما فهمت ها الفرق بيناتهم ؟

و منكم نتعلم و شكرا :D
الديمقراطية الليبرالية هيي متل ما حكينا بالموضوع شكل من أشكال الديمقراطية النيابية..
يعني بالديمقراطية النيابية بيكون في ممثلين عن الشعب عن طريق انتخابات بالبرلمان وكمان بالحكومة... وهادا الشي ممكن كتير يشكل خطر على الأقليات بالمجتمع .. يلي بيكون تمثيلها ضعيف بالحكومة
بس لما بتدخل الليبرالية على الديمقراطية النيابية بتغير شي.. شو هوي هادا الشي؟؟؟
الليبرالية مو اتفقنا انو بتحمي حقوق الافراد؟ وانو الحرية الفردية بالنسبة الها اولوية.. وهيك لما بتدخل الليبرالية كنظام سياسي على الديمقراطية البرلمانية بيكون في دستور بيحمي الاقليات والأفراد والحريات بالمجتمع حتى لو ما كان لهي الاقليات تمثيل بالحكومة او كتلة نيابية بتحميها..
مشان هيك منشوف بأوروبا انو حتى مثليي الجنس حصلو على حقوق وحريات رغم انو هنن اقلية ومستحيل يكون الهون قوة بالبرلمان لكن نظام الديمقراطية الليبرالية بيضمن حقوق جميع الافراد وحرياتهم

أبو الولايم

08/12/2009, 06:07

يسلمون ناي الغالية الموضوع كتير حلو

بس سؤال هلق ديكتاتورية البوليتاريا

مو بيقصد فيها تركيز الحكم في يد البورليتاريا

أو لا و اذا في شي تعريف مرتب الها

:D على راسي

saman

08/12/2009, 06:22

firdaous

08/12/2009, 15:26

الديمقراطية الليبرالية هيي متل ما حكينا بالموضوع شكل من أشكال الديمقراطية النيابية..
يعني بالديمقراطية النيابية بيكون في ممثلين عن الشعب عن طريق انتخابات بالبرلمان وكمان بالحكومة... وهادا الشي ممكن كتير يشكل خطر على الأقليات بالمجتمع .. يلي بيكون تمثيلها ضعيف بالحكومة
بس لما بتدخل الليبرالية على الديمقراطية النيابية بتغير شي.. شو هوي هادا الشي؟؟؟
الليبرالية مو اتفقنا انو بتحمي حقوق الافراد؟ وانو الحرية الفردية بالنسبة الها اولوية.. وهيك لما بتدخل الليبرالية كنظام سياسي على الديمقراطية البرلمانية بيكون في دستور بيحمي الاقليات والأفراد والحريات بالمجتمع حتى لو ما كان لهي الاقليات تمثيل بالحكومة او كتلة نيابية بتحميها..
مشان هيك منشوف بأوروبا انو حتى مثليي الجنس حصلو على حقوق وحريات رغم انو هنن اقلية ومستحيل يكون الهون قوة بالبرلمان لكن نظام الديمقراطية الليبرالية بيضمن حقوق جميع الافراد وحرياتهم

تسلمي لي ناي :D

Nay

08/12/2009, 15:52

انو الله يعطيكي العافية ... ناي .. :gem:
بس سؤال من فترة كنت بمهرجان الشيوعيين يلي صار بالشام .. نص الخطابات كانت عم تهاجم الليبرالية ... انو يا انا فهمان الليبرالية غلط .. يا هني ... يا اما هني فعلاً ضد الليبرالية ! :shock:
ممكن توضيح !:?

:D

اهلا سامان..
هلأ نحنا اتفقنا على انو الليبرالية مفهوم عام .. ولما بيكون نظام ليبرالي بيكون بيقدس الحريات الشخصية وبيحافظ عليها تحت نظام ديمقراطي برلماني غالبا..

هلأ في شي اسمو اقتصاد السوق او الاقتصاد الحر واقتصاد السوق هو النظام الاقتصادي لليبرالية وبيعني عدم تدخل الدولة فى الانشطة الاقتصادية وترك السوق يضبط نفسة بنفسه، لأنو حسب رأيهون انو بما ان الفرد ولد حر حرية مطلقة بالتالي فألو الحرية فى انو يقوم بأى نشاط اقتصادى...
هلأ ليش الشيوعيين ضد..
لأنو النظام الاقتصادي الليبرالي "اقتصاد السوق" بالتأكيد رح يولد احتكارات وشركات ضخمة .. و رح يأثر على الشركات الصغيرة ويحاربها .. ورح يجمع المصاري بأيد المتنفذين ..

يتبع......................

Nay

08/12/2009, 16:30

بشكل رئيسي سامان في نموذجين لليبرالية..
الليبرالية الامريكية والليبرالية الاوربية

الفرق بيناتون
الليبرالية الأوروبية باستثناء بريطانية بتجمع بين اقتصاد السوق من جهة وبين تدخلات الدولة في توفيرالحمايات الاجتماعية الضرورية للناس ، يعني بتحرص على اقـتصاد الرفاهية يعني باوروبا نظام الضمان الاجتماعي التأمينات بكل أنواعها والتأمين الصحي خاصة والتعليم كلو على الدولة وانظمة التعليم بالجامعة كتير بتدعم الطلاب.. وبيعتمدو نظام ضرائب تصاعدية بتعتمد على شرائح.. يعني كل ما كان دخلك اعلى كل ما كان الضريبة أكبر وبتصل الضريبة لخمسين بالمية من الدخل عن بعض الشرائح

على خلاف أمريكا اللي فيها كل مين ايدو الو ومعك قرش بتسوى قرش .. الدولة بتقدم للعاطلين عن العمل مساعدات قليلة وللمشردين اماكن مؤقتة للنوم ونظام التأمين خاصة التأمين الصحي بيعتمد على شركات تأمين ضخمة وبيعتمد مبدأ الشرائح.. يعني قد ما بتدفع شهريا مقابل قسط التأمين بتكون تغطيتك التأمينية على الصحة أشمل.. وبالفترة الاخيرة كان عم بنحكى انو اوباما بدو يعمل نظام صحي مشابه لأوروبا.. ويلغي مسألة التأمين من قبل الشركات..

اذا في شي مو واضح خبرني سامان..

Nay

08/12/2009, 18:04

السبب الرئيسي لاختلاف الليبرالية الاوروبية عن الليبرالية الأمريكية هوي وجود أحزاب يسارية واشتراكية بكثرة بأوروبا.. وهي الاحزاب كانت قوة ضغط كتير كبيرة على الحكومات المتعاقبة ... وحافظت على مصالح الأفراد الاقتصادية المعيشية.. على خلاف الوضع بأمريكا..

انا بشوف وهادا رأيي الخاص .. أنو الليبرالية الاوروبية قدرت تقدم للانسان أكتر بكتير مما قدمتلو الشيوعية بالاتحاد السوفييتي على كل الاصعدة.. وهادا بيعرفوه تماما اللي عاشو بالنظامين على أرض الواقع..

مايسترو

08/12/2009, 21:52

كلام كتير ظريف..شكرا ناي

Nay

09/12/2009, 00:17

كلام كتير ظريف..شكرا ناي
شكرااااا.. رح كمل كمان وكمان..

ابو نجبو

09/12/2009, 03:31

وأحسن شي الواحد يعملو ...

انو ياخد كل مصطلح و يتعمّق فيه ....و بمصادرو ...

واللي عندو رأي يحطّو هون ...

متابع معك ....

:D

Nay

09/12/2009, 15:10

وأحسن شي الواحد يعملو ...

انو ياخد كل مصطلح و يتعمّق فيه ....و بمصادرو ...

واللي عندو رأي يحطّو هون ...

متابع معك ....

:D
اي مشان هيك رح ننطر لبكرا لحتى نضيف معلومات جديدة.. مشان اذا حدا عندو اضافة ما يفوت الموضوع ببعضو..
:D

Nay

09/12/2009, 21:32

رح نكمل بالمرحلة القادمة الحكي عن اليسار -الاشتراكية - الماركسية- الشيوعية - اللينينية - الماوية - التروتسكية- الكوسموبولتية - البروليتاليا - ديكتاتورية البروليتاليا وشوية حكي...
اذا حدا عندو اقتراح لمصطلح نضيفو للمجموعة بيكون حلو..

Nay

09/12/2009, 21:35

اليسار واليمين:
يرجع اصل مصطلح اليسارية إلى الثورة الفرنسية عندما جلس النواب الليبراليون الممثلون لطبقة العامة أو الشعب على يسار الملك لويس الساد عشر في اجتماع لممثلي الطبقات الثلاث للشعب الفرنسي عام 1789 وكان النواب الممثلون لطبقة النبلاء ورجال الدين على يمين الملك في ذلك الاجتماع المهم الذي ادى إلى سلسلة من الاضرابات والمطالبات من قبل عامة الشعب وانتهى إلى قيام الثورة الفرنسية. من الجدير بالذكر ان هذا الترتيب في الجلوس لايزال متبعا إلى هذا اليوم في البرلمان الفرنسي

فروق اليسارية:
-اليسارية في الغرب تشير إلى الاشتراكية أو الديمقراطية الاجتماعية في أوروبا
-و الليبرالية في الولايات المتحدة ،
من جهة أخرى فإن اليسارية في الأنظمةالشيوعية تطلق على الحركات التي لاتتبع المسار المركزي للحزب -الشيوعي وتطالب بالديمقراطية في جميع مجالات الحياة .

Nay

09/12/2009, 22:01

هيدي الفقرة حبيتها كتير ورح توضح تماما الفروق بين اليسار واليمين وتحل كل اللغط والتخبيص بما يتعلق بهي الشغلة..

التركيز علىالمساواة هي اليسار والتركيز على الحرية هي اليمين.
الحكومة العلمانية هي اليسار و الحكومةالدينية هي اليمين .
سياسة التشجيع على الفردية هي اليمين و اعتبار الانتماء إلى المجتمع هي الأولوية يعتبر يسارية
تجربة الجديد هي اليسار و محاولة الحفاظ على ماهو تقليدي هو اليمين.
مبدأ كون القانون هو الذي يحددثقافة المجتمع ما عبارة عن فلسفة يسارية بينما اعتبار ثقافة و عرف وتقاليد مجتمع عوامل رئيسية في صياغة القانون هي فلسفة يمينية
اليسار اقرب إلى الديبلوماسية بينما اليمين اقرب إلى الحل العسكري
كما وبيرفض اليسار سياسة عدم المساواة الناتجة عن اقتصاد السوق و الليبرالية الاقتصادية

Dndoshy

10/12/2009, 02:28

Nay

10/12/2009, 02:44

up
معناة هالحكي أنو أميركا دولة يمينية بسبب كونها بتعتمد الحل العسكري(لدرجة معينة)وبتعتمد النظام الرأسمالي..وبنفس الوقت يسارية لأنها بتدعم المساواة وحكومتها علمانية وقوانينها بتحدد ثقافة مجتمعها!!
ما فيك تقول انو امريكا يسارية أو دولة يمينية.. فيك تقول انو بتميل اكتر لليسار أو لليمين.. وعلى كل حال أمريكا فيها تنظيمات أميل لليسار متل الحزب الديمقراطي وتنظيمات اميل لليمين متل المحافظين

هلأ رغم انو الشيوعية مصنفة يسار إلا انو تعتبر في أقصى يمين التنظيمات اليسارية لأسباب عديدة

ورغم انو جميع التيارات الاسلامية تصنف يمين الا انو فيها منها يصنفو يمين اليمين وفي منها يسار اليمين...

اذا ما وضّحت كما يجب بحكي أكتر اذا بدك...

Dndoshy

10/12/2009, 15:29

لا شكراً مشي الحال:D

Nay

10/12/2009, 20:56

الاشتراكية
نظام اجتماعي اقتصادي يقوم على ايديولوجيا تقول أن الجماهير العاملة من الشعوب هي التي يجب أن تمتلك وسائل الإنتاج وانو يجب اذابة الطبقات الاجتماعية و المساواه بين الجميع ماديا ومعنويا

الفرق بين الشيوعية والاشتراكية
كثيرا ما يتم الخلط بين الشيوعية والاشتراكية كمنهج اقتصادي,
- الشيوعية أكثر شمولية و تشددا والثانية أكثر ديموقراطية و تركيزا علي المنهج الاقتصادي
- الشيوعيون يؤكدون أنهم اشتراكيون
اما الاشتراكيون لا ينظرون لانفسهم علي انهم ماركسيون ويطلقون علي انفسهم دائما الديموقراطيون الاشتراكيون

من المهم الاشارة الى أن مصطلح الاشتراكية العلمية استعمل أول مرة في ادبيات كارل ماركس

Nay

10/12/2009, 21:11

الماركسية
مصطلح يدخل في علم الاجتماع والاقتصاد السياسي والفلسفة. سميت بالماركسية نسبة لمنظر الماركسية الأول كارل ماركس، وهو فيلسوف ألماني، و عالم اقتصاد
أسس نظرية الشيوعية العلمية بالاشتراك مع انجلز فقد كان الإثنين إشتراكيان بالتفكير، لكن مع وجود الكثير من الأحزاب الإشتراكية، تفرد ماركس وأنجلس بالتوصل إلى الاشتراكية كتطور حتمي للبشرية بأدوات ثورية.

لا أرغب بالدخول بتفاصيل الماركسية.. لأن لها تشعبات كبيرة.. وأقسام متداخلة .. لأنها كما أراها نظرية شاملة تتدخل في كل جوانب الحياة ولا مجال هنا لذكرها

الشيوعية
الشيوعية لغة تعني تماما المشاعية
وهي نظرية إجتماعية وحركة سياسية ترمي إلى السيطرة على المجتمع ومقدّراته لصالح أفراد المجتمع بالتساوي ولا يمتاز فرد عن آخر بالمزايا التي تعود على المجتمع

من ميزات العهد الشيوعي انه عهد أممي، وتزول الدولة تلقائيا وتضمحل بحيث يتلاشى وجود الدولة ويصبح العالم كله دولة واحدة بلا أديان أو قوميات

Nay

10/12/2009, 21:23

الكوسموبولتية
يستعمل بما معناه :
الشركات العابرة للقارات في أدبيات الاحزاب اليسارية
العولمة في أدبيات فوكوياما
الامبريالية كما سماها ليبين في كتبه

مصطلح استعمله ماركس لوصف حالة الشركات الاحتكارية ، وبيعني اندماج بين شركات من عدة جنسيات ، تبحث عن يد عاملة رخيصة و مواد أولية وفيرة ، بحيث تفقد الشركات صبغتها القومية ، و يصبح منتجها مصنعا في أكثر من بلد

firdaous

10/12/2009, 21:50

اذا ما وضّحت كما يجب بحكي أكتر اذا بدك...

يعني اي اذا بتسمحي ...لو ما في ازعاج شو هي الاسباب يلي بتخلي الشيوعية موجودة في أقصى يمين بعض التنظيمات اليسارية و شو هي امثلة بعض هاد الانظمة ؟:D

و شكرا كثير الك مجددا

و متابعة معك

Nay

11/12/2009, 03:35

يعني اي اذا بتسمحي ...لو ما في ازعاج شو هي الاسباب يلي بتخلي الشيوعية موجودة في أقصى يمين بعض التنظيمات اليسارية و شو هي امثلة بعض هاد الانظمة ؟:D

و شكرا كثير الك مجددا

و متابعة معك
بتعرفي هادا سؤال كتير مهم.. لتوضيح الصورة.. كتير انا سعيدة بهادا السؤال..

بالأنظمة الشيوعية بيطلقو كلمة يسارية على الحركات اللي لاتتبع المسار التقليدي والاساسي للحزب الشيوعي وعلى الحركات اللي بتطالب بالديمقراطية.. يعني بالنظام الشيوعي نفسو بيعتبرو الحركات التحررية هيي حركات يسارية ..

من جهة تانية فمعظم اليساريين بيرفضو ربطون بالشيوعية وهادا الشي كتير بيصير فيو خلط وتخبيص.. تخبيص مو طبيعي.. دائما يتم الصاق صفة الشيوعي باليساري عند الناس القليلي الاطلاع في حين انو الشيوعي هوي يساري بينما اليساري ليس شيوعي بالضرورة
الشيوعية شمولية ولا تراعى فيها الحريات الفردية وبالانظمة الشيوعية كلنا منعرف السياسات القمعية اللي تم اتباعها..
وحسب كارل بوبر اهم مفكر سياسي واجتماعي بالقرن الماضي فيجب اعتبار الشيوعية حالة خاصة ويجب تحليلها بمعزل عن اليسار السياسي

أشهر الاحزاب اليسارية اللي كانت تشوف انو الشيوعية القليدية بتمثل نظام شمولي وبعد عن اليسارية هنن حسب الويكيبيديا:
حزب العمال البريطاني والحزب الاشتراكي الفرنسي وغيرون بأوروبا بشكل رئيسي

Nay

11/12/2009, 03:56

اللينينية:
هيي تيار من تيارات الشيوعية بيرجع لفلاديمير لينين وهوي الليحول الشيوعية من فلسفة نظرية قدمها ماركس الى تجربة تطبيقية وروية شاملة للدولة الشوعية على ارض الواقع

الستالينية:
هوي تيار مهم من تيارات الشيوعية بيتمثل بأفكار جوزيف ستالين وطريقة رؤيتو لنظام الحكم الشيوعي وهيي:
سياسة الحديد و النار
التفرد بالرأي.
النزعة الفردية في الحكم.
قتل أو نفي المعارضين.
سياسة البوليسية مع التخويف.التروتسكية وهيي تيار آخر من تيارات الشيوعية صاحب التيار هوي ليون تروتسكي اللي طور مفهوم خاص أسماه الثورة الدائمة يعني أن تحقيق الشيوعية يحتاج لثورة دائمة وعلى مر السنين..

الماوية
تيار شيوعي يتبنى أفكار الثوري الصيني ماوتسي تونغ وقدتميزت الماوية بضرورة قيام الحركات الشيوعية بتمردات عسكرية على الأنظمة البرجوازية والامبريالية واستعمال العنف المسلح للوصول الى الهدف

saman

11/12/2009, 04:03

اهلا سامان..
هلأ نحنا اتفقنا على انو الليبرالية مفهوم عام .. ولما بيكون نظام ليبرالي بيكون بيقدس الحريات الشخصية وبيحافظ عليها تحت نظام ديمقراطي برلماني غالبا..

هلأ في شي اسمو اقتصاد السوق او الاقتصاد الحر واقتصاد السوق هو النظام الاقتصادي لليبرالية وبيعني عدم تدخل الدولة فى الانشطة الاقتصادية وترك السوق يضبط نفسة بنفسه، لأنو حسب رأيهون انو بما ان الفرد ولد حر حرية مطلقة بالتالي فألو الحرية فى انو يقوم بأى نشاط اقتصادى...
هلأ ليش الشيوعيين ضد..
لأنو النظام الاقتصادي الليبرالي "اقتصاد السوق" بالتأكيد رح يولد احتكارات وشركات ضخمة .. و رح يأثر على الشركات الصغيرة ويحاربها .. ورح يجمع المصاري بأيد المتنفذين ..

يتبع......................
بشكل رئيسي سامان في نموذجين لليبرالية..
الليبرالية الامريكية والليبرالية الاوربية

الفرق بيناتون
الليبرالية الأوروبية باستثناء بريطانية بتجمع بين اقتصاد السوق من جهة وبين تدخلات الدولة في توفيرالحمايات الاجتماعية الضرورية للناس ، يعني بتحرص على اقـتصاد الرفاهية يعني باوروبا نظام الضمان الاجتماعي التأمينات بكل أنواعها والتأمين الصحي خاصة والتعليم كلو على الدولة وانظمة التعليم بالجامعة كتير بتدعم الطلاب.. وبيعتمدو نظام ضرائب تصاعدية بتعتمد على شرائح.. يعني كل ما كان دخلك اعلى كل ما كان الضريبة أكبر وبتصل الضريبة لخمسين بالمية من الدخل عن بعض الشرائح

على خلاف أمريكا اللي فيها كل مين ايدو الو ومعك قرش بتسوى قرش .. الدولة بتقدم للعاطلين عن العمل مساعدات قليلة وللمشردين اماكن مؤقتة للنوم ونظام التأمين خاصة التأمين الصحي بيعتمد على شركات تأمين ضخمة وبيعتمد مبدأ الشرائح.. يعني قد ما بتدفع شهريا مقابل قسط التأمين بتكون تغطيتك التأمينية على الصحة أشمل.. وبالفترة الاخيرة كان عم بنحكى انو اوباما بدو يعمل نظام صحي مشابه لأوروبا.. ويلغي مسألة التأمين من قبل الشركات..

اذا في شي مو واضح خبرني سامان..

السبب الرئيسي لاختلاف الليبرالية الاوروبية عن الليبرالية الأمريكية هوي وجود أحزاب يسارية واشتراكية بكثرة بأوروبا.. وهي الاحزاب كانت قوة ضغط كتير كبيرة على الحكومات المتعاقبة ... وحافظت على مصالح الأفراد الاقتصادية المعيشية.. على خلاف الوضع بأمريكا..

انا بشوف وهادا رأيي الخاص .. أنو الليبرالية الاوروبية قدرت تقدم للانسان أكتر بكتير مما قدمتلو الشيوعية بالاتحاد السوفييتي على كل الاصعدة.. وهادا بيعرفوه تماما اللي عاشو بالنظامين على أرض الواقع..
ميرسي كتير ناي ع التوضيح .. ومتل ما قلتي بالاخير ... اللليبرالية قدمت للانسانية اكتر بكتير من الشيوعية ... وهاد رأيي كمان :D