سؤال بيحير؟؟!! للشخص يللي كتب المساهمات [الأرشيـــــف]

عرض كامل الموضوع : سؤال بيحير؟؟!! للشخص يللي كتب المساهمات

x52

24/11/2009, 20:30

من جديد صار في شي اسمو المساهمات
واقتبست هالنص منو

"أخويةمجتمع افتراضي إلكتروني شبابي سوري ثقافي, فكري, سياسي, اجتماعي وترفيهي يهدف إلى جمع الشباب السوري تحت مظلة واحدة, غير تابع لأي جهة أو جماعة أو حزب إنما مؤسس ومدعوم مادياً من قبل أفراد منذ تاسيسه"

هلأ بالنسبة للكلمات المظللة بالاحمر
سؤالي كان "هل الاعضاء الذين يحملون جنسيات اخرى مرتزقة وليس لهم دور في هذا المنتدى؟
وهل فعلاً اخوية سورية فقط وليست عربية؟
انا لا انكر ان فكرة اخوية كانت سورية الاصل ولكن بعد شوط طويل قطعته اخوية قد جمعت شمل الكثير من ابناء الوطن العربي وكل منّا نحن -غير السوريين- كان له دور جيد وفعال ولكل منا علاقته مع بعض الافراد سوريين وغير ذلك

-فهل كانت كلمة مقصودة حرفيا-؟
انتظر بفارغ الصبر
:D

x52

27/11/2009, 20:20

انتظرت وانتظرت

وما حدا بيجاوب

شو متوقع اني افهم يا ابضايات

من كل قلبي "اخوية بالقلب"

x52

01/12/2009, 23:56

يوم جديد بدون رد

شكلي رح اكتب خاطرة فيكم

حلو ...........صار في شي جديد انتظره كل يوم

TheLight

02/12/2009, 01:31

مرحبا حبيب...كأني سمعت منك انك عم تدور علي..فأجيت على ملا وشي بما اني كنت شوي هونيك وتعبان..عم حاول ارتاح....بس لقيت الشباب عاملين لمة هون وعم يصرخوا فقلت لاجي جاوبك عن الموضوع ونفرط القصة...

خيو هلق لما ارسنال /مثلا/ بيلعب...شو بيقولو؟؟؟
ما بيقولو نادي ارسنال الانكليزي؟؟؟
اي على علمي لساتهن هيك بيقولو...مع انو مدرب ارسنال فرنسي...لعيبتو تلت ارباعهم مو انكليز...اسم الملعب Emirates stadium (ستاد الامارات)...والجمهور من كل انحاء العالم...ومالكي الاسهم من جنسيات مختلفة...واصحاب البطاقات الموسمية نصهن من هنود وباكستانية لندن (طبعا الاغنياء منهم)
بس سبحان الله لحد هلق بيقولو انو انكليزي.....انو ليش ما بعرف...
هلق بعد ما قلبتها راسي ومالقيت جواب....بحبشت ع انترنت وكمان ما لقيت جواب شافي...
بس خطرت ع بالي بالاخير فكرة...
هل لأنو المالك انكليزي؟؟؟طلع كمان لاء مو هاد السبب لانو مثلا مانشيستر يونايتد لساته انكليزي مع انو مالكه الحالي امريكي..

بقا حلها ياسيدي اذا بتنحل معك وخبرني...

ومن هون لوقتها...أخوية سورية...ومتل ماكانت سورية البلد كل عمرها مفتوحة الاذرع للاشقاء العرب...فكمان...أخوية بتضل هيك...

ميت وردة ولا تواخذنا اذا طولنا عليك...بس مضطر ارجع لهونيك هلق....
:D

x52

03/12/2009, 23:30

بتعرف شو الحلو فيك

انو بتعرف تتمسخر

يا سيدي الحكي يللي حكيتو حلو ومعلوماتك قوية خليها بتفيدك هونيك.....ايه

بتمنى لو انك ما جاوبت واجيت وتعبت حالك

صحيح ....تعبتك نسيت قلك يعطيك العافية يا بطل

وبهنى اخوية فيك يا احلى مشرف:D

بس بتعرف احلى شي تكون عم تمزح

TheLight

04/12/2009, 15:38

ولو يا زلمة...عذابك راحة..بعدين نحنا شغلتنا نوضح الشغلات المبهمة والغايبة عن اذهان البعض...

سواء كان الاسلوب مسخرة او جد...فهاد ما بيغير من الجواب شي..واخوية سورية حتى تلاقي حل الحزيرة بالرد اعلاه...

نورت اخوية بوجودك اللطيف...حبيب

x52

05/12/2009, 23:24

TheLight

07/12/2009, 18:32

......

:D