-
دخول

عرض كامل الموضوع : تعديل بدل خدمة العلم بسورية ليصبح 6500 دولار للبلدان العربية والأجنبية

أم الجود
24/11/2009, 14:08
لور أديب - أريبييان بزنس

23/11/2009


علمت أريبيان بزنس أن لجان مجلس الشعب السوري تناقش حاليا تعديل قانون خدمة العلم، وأن المناقشات تدور حول تعديل مبلغ البدل الخارجي ليصبح 6500 دولار لكلا البلدان العربية والأجنبية، إضافة لمناقشة بعض الأمور الأخرى مثل تحديد مبلغ 500 دولار بدل إعفاء لتجاوز السن القانوني للسوق للخدمة وهي 42 سنة.

وكان الرئيس السوري أصدر مرسوما تشريعيا ألغى بموجبه الفقرة الأولى من المادة 13 من المرسوم التشريعي رقم 30 الصادر بتاريخ 3-5-2007 والمتضمن قانون خدمة العلم والتي كانت تنص على " قبول البدل النقدي من المكلف بالخدمة الإلزامية، الذي تقرر وضعه بخدمة ثابتة لقاء مبلغ نقدي يسدد للخزينة العامة".

كما كان مجلس الشعب أقر في العام 2008 مشروع قانون يتضمن تخفيض مدة الخدمة الإلزامية للمكلفين السوريين ومن في حكمهم إلى واحد وعشرين شهرا تبدأ من تاريخ السوق وبدأ العمل في هذا القانون في بداية 2009، وكان هذا التعديل الثاني على فترة الخدمة حيث تم تخفيضها في العام 2005 من سنتين ونصف إلى سنتين بموجب المرسوم التشريعي رقم 1 للعام 2005.

ويذكر أن المرسوم التشريعي رقم 30 للعام 2007 المتضمن قانون خدمة العلم، حدد مدة الخدمة الإلزامية وأسس التكليف وقواعد تأجيل الخدمة الإلزامية وقواعد الإعفاء من الخدمة الإلزامية كما حدد كيفية قبول البدل النقدي من المواطنين العرب السوريين ومن في حكمهم الخاضعين لخدمة العلم والمقيمين خارج الجمهورية العربية السورية في دول عربية وأجنبية، كما حدد المرسوم أيضا قواعد الخدمة الاحتياطية والمستبعدين من الخدمة الاحتياطية.

ويذكر أن كل سوري تجاوز الثامنة عشرة من عمره يدعى إلى خدمة العلم وتؤجل الخدمة لمن يتابع الدراسة حيث يعاد طلبه مع انتهاء دراسته ويبدأ التكليف في اليوم الأول من شهر كانون الثاني من السنة التي يتم فيها المواطن الثامنة عشرة من عمره وينتهي بإتمامه مدة الخدمة الإلزامية أو بإعفائه منها أو بتجاوزه سن الثانية والأربعين.

ويعفى من الخدمة كل من يقدم وثائق تثبت أنه وحيد أمه، أو مريض بمرض مزمن لا يمكنه من ممارسة أي جهد، وما ينطبق على السوريين ينطبق على الفلسطينيين المقيمين في سورية والذي جاؤوا إليها بعد نكبة 1948 أما من جاء إليها بعد ذلك يعتبر نازحا ولا يساق لخدمة العلم.



المصدر All4Syria (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)
abosleman
24/11/2009, 22:28
يعني انو الخبر صحيح .. اي مبروك علينا .. والله يخليلنا هالبلد
من طيـ.. حدا بيرجع
jankasanova
24/11/2009, 22:43
لور أديب - أريبييان بزنس

23/11/2009

علمت أريبيان بزنس أن لجان مجلس الشعب السوري تناقش حاليا تعديل قانون خدمة العلم، وأن المناقشات تدور حول تعديل مبلغ البدل الخارجي ليصبح 6500 دولار لكلا البلدان العربية والأجنبية، إضافة لمناقشة بعض الأمور الأخرى مثل تحديد مبلغ 500 دولار بدل إعفاء لتجاوز السن القانوني للسوق للخدمة وهي 42 سنة.

يلا هانت ماضل شي شغلة عشرين سنة كمان وبصير 42 ولوقتها بنشوف:lol:...
6500 دولار قال :lol:...
هدوء البحر
25/11/2009, 10:24
باقيلي شهرين لحتى اخلص

على حظي طلع القرار !!

مافي بالعادة يتم تنفيذ القرارات بهي السرعة

يعملو شي مفيد اكتر
ابو نجبو
25/11/2009, 12:10
لو كان قانون لصالح البلد كانو بقو عمبيدرسو فيه سنين وايام.....

بهنّي مجلس الشعب على كل قرار حكيم بيطفّش فيه الشباب أكتر و أكتر .....

ياعيب الشوم بسّ.....
DARKNESS
25/11/2009, 17:39
مبارك عليكم يا شباب :frown:
achelious
26/11/2009, 18:47
يا خبر بفلوس بوكرا يبقى ببلاش...........

مشكورة ام الجود:D
أم الجود
26/11/2009, 19:12
كل شي قاعد بالخليج مشان يفك عسكريتو بفهم أسبابو ليتضايق من هيك قرار .. بس كمان في كتير شباب قاعدة بأوروبا و بغير مطارح استفادت منو ، بسبب تقليص المدة لـ5 سنين (بدال 15 أو 10) و المبلغ كمان 6500 بدال 10000
zen
27/11/2009, 02:28
القرار ما طلع لسا عم يندرس
وحتى ألغاء مادة الخدمة الثايتة ما التغت
أم الجود
27/11/2009, 02:35
وحتى ألغاء مادة الخدمة الثايتة ما التغت

لأ هي بدك تسمحلي خالفك فيا

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)
TheLight
27/11/2009, 09:31
كل شي قاعد بالخليج مشان يفك عسكريتو بفهم أسبابو ليتضايق من هيك قرار .. بس كمان في كتير شباب قاعدة بأوروبا و بغير مطارح استفادت منو ، بسبب تقليص المدة لـ5 سنين (بدال 15 أو 10) و المبلغ كمان 6500 بدال 10000


أنو عراسي خيتي بس معليش تقوليلنا كيف العالم استفادت منو للقرار ولسى القرار اصلا ما طلع؟

خصوصا موضوع تقليص المدة لخمس سنين (ماني شايف ذكر لهالنقطة بمشروع القرار المذكور بالمقالة ولا سبق وسمعت شي بهالخصوص...



ع هامش الموضوع...
بخصوص المساواة بين المقيمين بالبلدان العربية والاجنبية...فبتخيل انو منطقي..سواء المساواة بالفترة او بحجم البدل....يعني قلبتها من كل الجهات وماكنت افهم ليش هدول 5 سنين و 5000 دولار وهدوليك 10 او 15 سنة و 10000 او 15000 الف دولار...ما على علمي في بط اسود وبط ابيض بالبلد....
أم الجود
27/11/2009, 10:24
أنو عراسي خيتي بس معليش تقوليلنا كيف العالم استفادت منو للقرار ولسى القرار اصلا ما طلع؟
خصوصا موضوع تقليص المدة لخمس سنين (ماني شايف ذكر لهالنقطة بمشروع القرار المذكور بالمقالة ولا سبق وسمعت شي بهالخصوص...

أنا ما قصدت استفادت و خلصت ، أنا عم قول انو في حال أقروه -و بالجلسة السابقة لمجلس السابق تصادق على معظمو و رح تستكمل المصادقة عليه بالجلسة الجاية يوم الثلاثاء 1 كانون الأول- فبهالحالة بيستفيد منو المغتربين ببلدان تانية ...
L.A.
28/11/2009, 07:29
في فكرة براسي ما عم اعرف صيغا .........:confo:


1_ إنو المطوع بالجيش ايكون راتبو عالي شوي......و هيك بيكون تعداد الجيش ما تغير.... لأنو في (كتييييييير) شباب بلا شغل بشهادة و بلا شهادة و عما اتدور على لقمة العيش من عمر 18-42 سنة.

2_ بدل داخلي لمن يرغب (مرة وحدة)....أو دفع ضريبة سنوية (على طريقة طلاب التعليم المفتوح)..... بهالطريقة بتزيد ميزانية الجيش و مندفع رواتب المتطوعين......و بيصير فينا نشتري كلاشينكوفات روسية أصلية مو حموية ذات الصبتانة الملتوية.:p


بالمجمل بنكون نحنا الشباب شلنا من راسنا فكرة السفر و ضيعان العمر وبنكون فدنا بلدنا و أهلنا و استفدنا، و بنفس الوقت بيكون الجيش بألف خير لأنو المتطوعين رح يبقو (لل42 فرضا) متل موظفين الحكومة.



هاتشوو:
إزا حدن فهم الفكرة و حابب ايوضحها بصيغة تانية، مافي مانع....و إزا حدن ما فهم، كمان مافي مانع !!
ayhamm26
29/11/2009, 19:31
بزمانو ب سنة 2002 واحد عراقي عم يحكيلي انو اي عراقي مطلوب للجيش بيقدر يروح على سفارة بلدو ويعمل معاملة بدل نقدي بتكلفو شي 200 يورو, هي صدام حسين اللي دخل شعبو على مدى عشرين سنة كذا حرب بينما نحني عنا قال الشباب اللي الن 40 سنة ما دخلو حرب بدن 6500 دولار , هدول راتبي شي شهرين ......... يعني انا لازم اقعد شهرين بلا اكل وشرب مشان الشباب يحدثوا اسطول السيارت تبع ضباط الامن و الجيش

ما فشرتوا بنص عينكن يا حرامية
TheLight
29/11/2009, 22:56
بزمانو ب سنة 2002 واحد عراقي عم يحكيلي انو اي عراقي مطلوب للجيش بيقدر يروح على سفارة بلدو ويعمل معاملة بدل نقدي بتكلفو شي 200 يورو, هي صدام حسين اللي دخل شعبو على مدى عشرين سنة كذا حرب بينما نحني عنا قال الشباب اللي الن 40 سنة ما دخلو حرب بدن 6500 دولار , هدول راتبي شي شهرين ......... يعني انا لازم اقعد شهرين بلا اكل وشرب مشان الشباب يحدثوا اسطول السيارت تبع ضباط الامن و الجيش

ما فشرتوا بنص عينكن يا حرامية

والله معناتها يا معلم انت واحد مقرش وبما انو البدل 6500 دولار هو راتب شهرين فرح نخليلك الك خص نص البدل تبعك اذا حابب تدفع...رح نخليه 15000 دولار...وكلمة وحدة تانية بتحكيها بالموضوع بدنا نعملك تسعيرة لحالك ع 30 الف دولار...

امممم...والله الهيئة في سورين بالغرب مقرشين...و بيقبضو بالشهر مبلغ محترم...معناتها...لنخلي البدل 15000 الف دولار...

وهي سكرنا ع اقتراح المرسوم الجديد...واحمض ما عندك اطبخوه....شعب نمرود :sly:
abo abdo
29/11/2009, 23:03
انشالله الف الف الف الف الف مليون ترليون مبروك للشعب السوري
بهيك مجلس كعب عفوا شعب بيدور على مصالح الشعب والشباب المتغربة
10000 ليرة تبع المازوت راح يخلص الشتا ماكانو يعرفو يوزعوهون عالمعترين
اما الزيادة تبع البدل بيوم وليلة بيصير
أم الجود
03/12/2009, 20:18
مجلس الشعب يقر قانون البدل النقدي للمغتربين .. و نائب رئيس مجلس الشعب السوري لـ عكس السير "تم اعادة دراسة الموضوع و القانون أقر بتصويت الأغلبية " (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)
يمان Rooooonaldo
04/12/2009, 12:03
هربونا اكتر واكتر .. وطالعونا اكتر واكتر .. وخلوكم كل واحد فيكم انت وولادكم وقرايبينكم .. ورا مكاتبكم .. عم تقرّو وتعملو وتعملو ..

ولك ازا العالم اللي عم تشتغل ما عم تلحق حالا .. الطلاب اللي هلا بدا تتخرج واللي عم يدرس بالجامعات .. لك شو يساوو بحالن يا جماعة .. شو !!! ..

لك الغولنا التعليم الاجباري وخلصونا طيب .. خلو الواحد قبل ما يفوت عالبلكلوريا يرحلو .. سنتين عالجييش ويخلص من اختن .. بعدين يرجع يدرس .. مشان ما يقطع جامعتو .. اي شبكم وبيتخرجو بعدين عال 26 او ال 27 .. ان شا اللله .. اي تمام .. وبعدين بقا عود ازا محظوظ يلاقيلو شي فرصة ويسافر فيا برا البلد .. يضلللو شي 3 سنين ليثبت رجلو بقا .. بيكون فات بحيطان ال 30 .. خلوه بقا .. ليلملو قرشين ظراف .. ليتجوز فيهم .. لل 34 .. اي تمام .. بيروح عالبلد .. بدو يتجوز .. بيتكن وبيرجع ..

بيعدلو شي 100000 سنة تانيات .. بيكون جمّع حق .. بيت بالحجر الاسود .. او بالقدم ..


اي اي .. عنجد قرارات مدروسة كتير .. والتصويت بالأغلبية ..

الله ينتقم منكم ..
mblue
05/12/2009, 02:21
طول بالك ابو اليمن ... ما هي حرزانة ... كلها 6500 دولار شبنا ... بعدين حسبتك هي ما هي مظبوطة ... شو معنى السنين والايام مقابل خدمة الوطن و"الذود" عن حماه ... يعني هي خدمة سنتين زمان وبرجع لهالوطن شي من اللي قدملي ياه ... ولا شو قولتك ... خلينا عم ناخد ما نعطي ... معقولة يعني .
بعدين خيو متل نص هالعالم اللي بالجيش ... رسمالها اول شهرين بعدين بتقضيها تفييش ...
اي ... اي ... متل ما عم قلك ... والقادم مذهل اكثر .
انعل البي
05/12/2009, 17:37
اللللللللله ياخدون واحد واحد لعما بدون حرء هدول

عوفوون حياتون لشباب هالبلد
W.E.G.A
07/12/2009, 01:46
لك الله يعين هالمغتربين

والله يجعلنا منهم

ههههههههههه

:D