كنت قد قرأت هذا الصباح مقال في صحيفة الكترونية وهو لقاء مع شخصية فنية وهو الفنان غسان مسعود
وضمن هذا المقال لفتني واقع الاحترام في بلدنا لأشخاص قدموا لهذا االبلد والوطن ككل الشيء الكثير .
وسأنقل حرفياً ماجاء على لسان الفنان غسان مسعود ..


"حيث كشف مسعود في حديثه عن معلومة يعلنها لأول مرة وهي الحديث الذي قاله له أحد نجوم مصر الكبار والذي رفض مسعود الكشف عن اسمه " حيث استغرب النجم المصري جلوس النجم والرمز الفني السوري والعربي دريد لحام في الصف السابع خلال افتتاح مهرجان دمشق السينمائي في حين جلست في الصفوف الأولى أسماء لا يقارن تاريخها الفني بجزء من تاريخ النجم الكبير دريد لحام " .
وقال مسعود : عندما حادثني صديقي النجم المصري بذلك لم أستطع أن أرد بحرف واحد وشعرت بالخجل لإساءة الاحترام والتقدير لنجومنا الكبار مثل دريد لحام وخصوصا عندما قال لي صديقي "دريد لحام رمز فني كبير ولو أنه في مصر لكان جلس في الصف الأول لأن لا أحد أهم من الرموز الفنية التي قدمت الكثير والكثير جدا لبناء السينما والدراما "
وختم مسعود حديثه : لا يظن الناس من هذا الحديث أن الهدف من الجلوس في الصف الأول هو " البروظة " وإنما يجب علينا الانتباه إلى مسألة الاحترام وإلى أهمية الصورة التي تنقل للمشاهد و الفنان وغيرهم لأن الصورة لها معنى هام جدا .


مالمعنى الهام لهذه الصورة ومسألة الاحترام ؟

///

مالمعنى الهام لهذه الصورة ومسألة الاحترام ؟[/SIZE]

///



نحنا ما وعينا عدريد لحام وما كتير معروف النا , من قريب كان اله مسلسل ابو الهنا ............!!!!
لو تذكر لنا بعض انجازاتو لنصير نحترمو نحنا كمان....

يعني الاحترام بيتم التعبير عنه بالتصرفات والتقدير مش بكلمة "أنا بحترمك" وبس!
والاحترام ضروري جداً بالعلاقات وبالحياة

:D

الاحترام مو نحن اللي منوجهو الشخص اللي بيوجهو لنفسو

يعني شخص محترم ما فينا الا نكون محترمين معو

.:D

انا برأيي دريد لحام اساء لتاريخو الفني بالفترة الاخيرة كتير

واعمالو صايرة تهريج ومسخرة مابعرف ليش ؟؟

شفناه بعودة غوار وابو الهنا وبرامج كتير ماكانت بمستواه الفني ايام زمان

:D

لوبدنا نلخص تاريخ التلفزيون السوري منقول دريد لحام
لو بدنا نقول شوكانت بدايات التلفزيون السوري منقول دريد لحام

بغض النظر عن اي شيء انا بعتبر جلوس الفنان دريد لحام بالمقعد السابع وجلوس الفنان جمال سليمان بالمقعد الاول هي قمة قلة الاحترام
هل للأن جمال سليمان اجاد اللغة الصعيدية والمصرية يكون مصيره فوق الكبار؟؟!

وبتخيل هالامر هاد رح يشكل بصمة عار بحق منظمين الحفل وبحق الاشخاص يلي نظمو الحفل
يعني لفت انتباهي شيء بالمهرجان يوم الافتتاح عندما تم تكريم الفنانة نيللي

قالت وربما تقصدت القول بانها تتمنى لو تم دعاء فنان غيرها وتكريمه لانها اصبحت مكرمة من قبل مهرجان دمشق السينمائي عدة مرات

وقالت اعتذرت السنة الماضية رغبة مني في ان ينال الجائزة احد غيري يستحقها
واعتذرت عن هذه السنة ايضا ولكنهم اصروا حضوري

مع الاحترام للفنانة نيللي فهي معتزلة الفن منذ زمن بعيد على ماذا تكرم؟؟؟
على فيلم عمره عشرات السنين ؟؟؟!!!
علما انها كانت تجلس في الصف الاول

يا وزير الثقافة لو قبلت اعتذار الفنانةنيللي وجعلت مقعدها مكانا للفنان دريد لحام الذي اتحف تاريخك الثقافي وتيلفزيونك بالكثير واعطيت جائزتها له اما كان هذا نوعا من احترامك لفنك ولشخصك قبلها

استوى الماء والخشب...ودمتم

انا برأيي دريد لحام اساء لتاريخو الفني بالفترة الاخيرة كتير

واعمالو صايرة تهريج ومسخرة مابعرف ليش ؟؟

شفناه بعودة غوار وابو الهنا وبرامج كتير ماكانت بمستواه الفني ايام زمان

:D

عندما يتدنى مستوى فنان كبير فهذا يكون لقلة الاعمال ولشح العرض
اكيد هذا ليس بعذر
ولكن هذه هي لقمة عيشهم

معظم اعمال الفنان دريد لحام جاءت بسعي منه وليس بغيره

لا ننكر تدني مستواها لكن ان نكرنا ماضيه نكون كالذي يتنكر لاصله

فاصل التلفزيون السوري هو صح النوم ملح وسكر مقالب غوار وين الغلط etc

وبتخيل من غير العدل ان نرمي به بالمقعد السابع لانه قدم اعمال متدنية بالسنوات الاخيرة
ونكرم شخص من عشرين سنة لايوجد بتاريخه عمل فني واحد

نحنا ما وعينا عدريد لحام وما كتير معروف النا , من قريب كان اله مسلسل ابو الهنا ............!!!!
لو تذكر لنا بعض انجازاتو لنصير نحترمو نحنا كمان....


يللي بمثل دريد لحام أفضل تمثيل ... هو المسرح برأيي

و أهم مسرحياتو

غربة

كاسك يا وطن

ضيعة تشرين

يللي هني برأيي من أهم ما قُدم بالمسرح العربي ... و بيتفوقو على ما قدمو الاخوين رحباني مثلاً


و أهم أعمالو بالسينما ..
الحدود

التقرير

و بالتلفزيون قدم كمان كتير أعمال
الأفضل برأيي أنا


وين الغلط

وادي المسك

الدغري



مع أنو صح النوم هو الأكتر شعبية

انا برأيي دريد لحام اساء لتاريخو الفني بالفترة الاخيرة كتير

واعمالو صايرة تهريج ومسخرة مابعرف ليش ؟؟

شفناه بعودة غوار وابو الهنا وبرامج كتير ماكانت بمستواه الفني ايام زمان

:D

يعني إذا منرجع لنص الموضوع
أنتي بتشوفي انو مافيها شي يقعد دريد لحام بالصف السابع بافتتاح مهرجان سينمائي ببلده وبالتالي كلام غسان مسعود خاطئ ؟

الاحترام واجب يمليه الشخص المحترم على نفسه قبل ان يقدم احترامه للاخرين


و فهمكن كافي

حيث يجلس نابليون يكون الصدر .........

الاحترام للي بيستاهل الاحترام واجب

يعني بحالة متل هي انا من راي غسان مسعود

لان بمجال التمثيل السوري دوريد لحام اسم عريق وقدم كتير

وهو بهاد المجال يستحق الاحترام والتقدير

وكل شخص عمل بجهد في اي مجال لحتى يكون بيستحق الاحترام لازم يحترم

يعني الاحترام ليش واجب وكمان ( ماذا ) :larg:

لان احيانا انتي مضطرة تحترمي مديرك بالشغل مع انه ما بيستاهل اي ذرة احترام

هاد الشخص بيفكر حالو محترم مع انه انتي جواكي نازلة فيه بس قدامو محترمتيه

فالاحترام الحقيقي للاشخاص الي بيستاهلوه

:D

مع أني مع المبدأ اللي بيمثل موضوع النقاش وهو ضرورة احترام الكبار وأصحاب التاريخ المشرف، بس اللي بعرفو من لقاءات مع كتير من هالناس أنو هني أصلاً ما بيحبو يقعدو بالصفوف الأولى (إلا البعض منهن طبعاً) وبيفضلو يكونو بالظل والابداع بالنسبة إلهن مانو بغرض الظهور أو التكريم وإنما هو من ضروريات الحياة.
بالنسبة لدريد لحام، فهو أكيد إلو تاريخ كبير ومهم وعندو موهبة كبيرة، بس المشكلة أنو هو اللي أساء لنفسو بسبب بعض الغرور اللي موجود عندو برأيي، يعني هو فشل لما فكر أنو موهبتو بتتجاوز التمثيل، يعني هو ممثل ممتاز بس الإبداع شي مختلف، مشان هيك أعمالو الناجحة هي اللي كان في وراها مبدعين متل نهاد قلعي ومحمد الماغوط وعمر حجو وغيرهن، وبرأيي هو كمان ما احترم هالمبدعين اللي ساعدوه لما حاول يقلل من دورهن وينسب جزء كبير من الفضل لنفسو.

نحنا ما وعينا عدريد لحام وما كتير معروف النا , من قريب كان اله مسلسل ابو الهنا ............!!!!
لو تذكر لنا بعض انجازاتو لنصير نحترمو نحنا كمان....



رح تحترميه .... ؟ يكفي أنه علم من أعلام الفن العربي وكثير من يذكره بأعماله الهادفة والموجهة للصغير والكبيرأظن أنه أفضل من يوميات سبايس تون الذي ترينها الأن :pos:

إنه إنسان قبل أن يكون فنان يحترم نفسه لذلك يجب أن يحترم

يعني الاحترام بيتم التعبير عنه بالتصرفات والتقدير مش بكلمة "أنا بحترمك" وبس!
والاحترام ضروري جداً بالعلاقات وبالحياة

:D





الحياة فيها أخد وعطا وكل شخص بيعبر عن الاحترام حسب مفهومو
لكن هنا أظن أن فنان بقيمة دريد لحام يستحق أن يُحترم لعطاءه وللكلمة الصادقة التي كان يدافع عنها
ومازال وبما أنه انسان ذو قيم ومبادئ يجب أن يلقى الاحترام المناسب
أشكرك ساندرا :D

الاحترام مو نحن اللي منوجهو الشخص اللي بيوجهو لنفسو

يعني شخص محترم ما فينا الا نكون محترمين معو

.:D

ومين قلك دريد لحام مابيحترم نفسو
وأنه في يوم ما كان رمز

لكن الذي تغير هي النفوس

وهي الك :D

انا برأيي دريد لحام اساء لتاريخو الفني بالفترة الاخيرة كتير

واعمالو صايرة تهريج ومسخرة مابعرف ليش ؟؟

شفناه بعودة غوار وابو الهنا وبرامج كتير ماكانت بمستواه الفني ايام زمان

:D

اذا كنا رح نرجع نقيم الفنان بعمل أوبعملين غير ناجحين في مسألة احترامو أو عدم احترامو
معناها مالازم نحترم حدا
الفن نجاح وفشل هبوط وصعود لكن قيمته الأخلاقية تبقى ثابتة

يا راما ...يبقى أفضل ألف مرة من عادل امام الذي كان في القمة وأصبح الأن أسفل السافلين سواء بأفكاره وتصريحاته وأفلامه الهابطة ودون المستوى الاخلاقي حاليا

ومع ذلك مازال محترم في بلده لماضيه وليس لحاضره .

:D

لوبدنا نلخص تاريخ التلفزيون السوري منقول دريد لحام
لو بدنا نقول شوكانت بدايات التلفزيون السوري منقول دريد لحام

بغض النظر عن اي شيء انا بعتبر جلوس الفنان دريد لحام بالمقعد السابع وجلوس الفنان جمال سليمان بالمقعد الاول هي قمة قلة الاحترام
هل للأن جمال سليمان اجاد اللغة الصعيدية والمصرية يكون مصيره فوق الكبار؟؟!

وبتخيل هالامر هاد رح يشكل بصمة عار بحق منظمين الحفل وبحق الاشخاص يلي نظمو الحفل
يعني لفت انتباهي شيء بالمهرجان يوم الافتتاح عندما تم تكريم الفنانة نيللي

قالت وربما تقصدت القول بانها تتمنى لو تم دعاء فنان غيرها وتكريمه لانها اصبحت مكرمة من قبل مهرجان دمشق السينمائي عدة مرات

وقالت اعتذرت السنة الماضية رغبة مني في ان ينال الجائزة احد غيري يستحقها
واعتذرت عن هذه السنة ايضا ولكنهم اصروا حضوري

مع الاحترام للفنانة نيللي فهي معتزلة الفن منذ زمن بعيد على ماذا تكرم؟؟؟
على فيلم عمره عشرات السنين ؟؟؟!!!
علما انها كانت تجلس في الصف الاول

يا وزير الثقافة لو قبلت اعتذار الفنانةنيللي وجعلت مقعدها مكانا للفنان دريد لحام الذي اتحف تاريخك الثقافي وتيلفزيونك بالكثير واعطيت جائزتها له اما كان هذا نوعا من احترامك لفنك ولشخصك قبلها

استوى الماء والخشب...ودمتم


الله عليكي بتفشي القلب فاهمة الامر صح لأنو الامر حساس المسألة ليست مسألة الاحترام بل المبدأ
مبدأ التهميش لكن مقابل من ؟؟؟
دريد لحام عالاقل هو هرم ويجب الحفاظ عليه وتقديره أكثر كشخصية داعمة في المسرح كدرجة أولى
من ينسى مسرحية غربة وضيعة تشرين وكاسك ياوطن رغم عدم وعيي عليها إلا أنها مازالت حاضرة للأن
هذا اذا كنا مهتمين على ماذا بني المسرح السوري
وأفلامه السينمائية وان كانت كوميدية أو وطنية فقد كانت قبلة للصغار والكبار
أما بداياته مع غوار الطوشة الذي ارتبط بسوريا وبالوطن العربي ككل .

أما بالنسبة ل.. نيللي يبدو أن وزير ثقافتنا يحب الشقروات ولايرى أمامه غيرها ولو اطلعنا على قائمة أفلامها الفرق كبير وشاسع بينها وبين دريد لحام أو منى واصف .


والله ياوردة يابيضا كل شي جائز :oops:

:D

يللي بمثل دريد لحام أفضل تمثيل ... هو المسرح برأيي

و أهم مسرحياتو

غربة

كاسك يا وطن

ضيعة تشرين

يللي هني برأيي من أهم ما قُدم بالمسرح العربي ... و بيتفوقو على ما قدمو الاخوين رحباني مثلاً


و أهم أعمالو بالسينما ..
الحدود

التقرير

و بالتلفزيون قدم كمان كتير أعمال
الأفضل برأيي أنا


وين الغلط

وادي المسك

الدغري



مع أنو صح النوم هو الأكتر شعبية


رغم انك أكيد لم تعي تلك الفترة لكن لك ذاكرة مكتسبة الذي يبحث ويحب الفن يجد أمامه كل شيء

وأشكرك جدا لأنك هنا :D

يعني إذا منرجع لنص الموضوع
أنتي بتشوفي انو مافيها شي يقعد دريد لحام بالصف السابع بافتتاح مهرجان سينمائي ببلده وبالتالي كلام غسان مسعود خاطئ ؟


وين الخطأ :shock: بكلامو

اذا كان غسان مسعود موضح السبب في قوله هذا الشغلة مو بروظة

انتي بنظرك هل من المعقول أن يجلس مثلا باسم ياخور بالمقعد الأول ودريد لحام بالسابع وين المنطق بس
كمان الاحترام فيه وجهة نظر
/

الاحترام واجب يمليه الشخص المحترم على نفسه قبل ان يقدم احترامه للاخرين


و فهمكن كافي


مقولة : اللي بيحترم حالو بيحترمو الاخرين ;)

حيث يجلس نابليون يكون الصدر .........




كل واحد فينا ........ نابليون :cry:

الاحترام للي بيستاهل الاحترام واجب

يعني بحالة متل هي انا من راي غسان مسعود

لان بمجال التمثيل السوري دوريد لحام اسم عريق وقدم كتير

وهو بهاد المجال يستحق الاحترام والتقدير

وكل شخص عمل بجهد في اي مجال لحتى يكون بيستحق الاحترام لازم يحترم

يعني الاحترام ليش واجب وكمان ( ماذا ) :larg:

لان احيانا انتي مضطرة تحترمي مديرك بالشغل مع انه ما بيستاهل اي ذرة احترام

هاد الشخص بيفكر حالو محترم مع انه انتي جواكي نازلة فيه بس قدامو محترمتيه

فالاحترام الحقيقي للاشخاص الي بيستاهلوه

:D


وانا بحترم عامل النظافة بالشارع لأنو جهدوا بعرق جبينو وبيستاهل احترام الكل

وكل انسان بذل جهد في سبيل لقمة العيش الكريم أو اعلاء كلمة الحق أو تمثيل وطن أو أي من الاشياء
وبأي جهد كان يستحق الاحترام


بشكرك :D

مع أني مع المبدأ اللي بيمثل موضوع النقاش وهو ضرورة احترام الكبار وأصحاب التاريخ المشرف، بس اللي بعرفو من لقاءات مع كتير من هالناس أنو هني أصلاً ما بيحبو يقعدو بالصفوف الأولى (إلا البعض منهن طبعاً) وبيفضلو يكونو بالظل والابداع بالنسبة إلهن مانو بغرض الظهور أو التكريم وإنما هو من ضروريات الحياة.
بالنسبة لدريد لحام، فهو أكيد إلو تاريخ كبير ومهم وعندو موهبة كبيرة، بس المشكلة أنو هو اللي أساء لنفسو بسبب بعض الغرور اللي موجود عندو برأيي، يعني هو فشل لما فكر أنو موهبتو بتتجاوز التمثيل، يعني هو ممثل ممتاز بس الإبداع شي مختلف، مشان هيك أعمالو الناجحة هي اللي كان في وراها مبدعين متل نهاد قلعي ومحمد الماغوط وعمر حجو وغيرهن، وبرأيي هو كمان ما احترم هالمبدعين اللي ساعدوه لما حاول يقلل من دورهن وينسب جزء كبير من الفضل لنفسو.


وماااا أدرنا نحن بالحقيقة ؟؟
نحن نتحدث عنه كشخص له موهبة وقدمها للناس بغض النظر عن الذين أوصلوه لما هو فيه رغم اننا لاا يجب نكرانهم نحن وهو ..
الغرور واشياء اخرى معرض للاصابة فيها أي شخص ويعود ويتنازل عنها
لكن ومع كل هذا وذاك لا ننكر أنه مبدع ولو كان غير ذلك لما ارتبط معه الماغوط ولا نهاد قلعي ولاغيرهم
فقد كانوا مكملين لبعضهم البعض وهذا طبيعي بالفن وحتى خارجه .


:D

مع اني ما بحبو ا بس كان لازم يحترمو شوي يعني ازا مش في الاول في التاني
الصراحه انه تقدير الفنان في بلده اهم بكتير من تقديره بالخارج
وهلأ استنو شوي بكره لما بيموت بيصير
اسطوره وبتطلع الاغاني والأشعار لتكريمه

مقولة : اللي بيحترم حالو بيحترمو الاخرين ;)

فهمتيني بالمقلوب ياسمين ;)


قصدي انو منظمين المهرجان مو محترمين حالون لحتى نحترمون و ما كتير بينعتب على هالشخصيات

قصدي انو منظمين المهرجان مو محترمين حالون لحتى نحترمون و ما كتير بينعتب على هالشخصيات

اي هلأ ما بيكرموه و بيشلفوه بالمقعد السابع

و بكرا بس يموت خود بقا على تكريمات و خطب و مزايدات و تبييض وش بلا طعمة

هيك نحنا دايماً .. كأنو منستكتر عالفنان يفرح بحالو و إنجازاتو على حياة عينو ..!

شوفي يا أختي أنا أولا بشكرك على الموضوع واسمحيلي بهامرور المتواضع,,,,,,,,
أنا برأيي إنو الاحترام بتم على مرحلتين:
الأولى هي احترام الشخص لنفسه يلي بيجي من التصرفات الذاتية ...
والثانية يلي بتنتج عن الأولى وهي الأهم ،،، احترام الناس للشخص
وطبعا هالاحترام متل ما حكت ساندرا انو مو بكلمة أنا بحترمك وانما بالتصرفات يلي بيعملوها الناس معو
وبالتالي الاحترام واجب لمن يحترم نفسه فقط.....
تحياتي

مع اني ما بحبو ا بس كان لازم يحترمو شوي يعني ازا مش في الاول في التاني
الصراحه انه تقدير الفنان في بلده اهم بكتير من تقديره بالخارج
وهلأ استنو شوي بكره لما بيموت بيصير
اسطوره وبتطلع الاغاني والأشعار لتكريمه

اي ساعتها بيعرفوا بقيمتو وبيشعروا بخسارتو وبتكتر الخطب وبتعلى التهاليل

نحنا العرب مامنكون عرب اذا ماكنا هيك بعد فوت الفوت والآوان :cry:

فهمتيني بالمقلوب ياسمين ;)


قصدي انو منظمين المهرجان مو محترمين حالون لحتى نحترمون و ما كتير بينعتب على هالشخصيات


:shock: اي انطسيت يامحسن .. الا انت ما افهمك بالمقلوب بعد التسئ حرمت :o

هالشخصيات بعدين مبهورين بالجديد عالساحة ازيك ياصعيدي والنهاردة حرمت احبك :p وغيروووووووو

وماعاد بيحبوا فطوم فطوم فطومة يخبوني ببيت المونة ...:sosweet:

شوفي يا أختي أنا أولا بشكرك على الموضوع واسمحيلي بهامرور المتواضع,,,,,,,,
أنا برأيي إنو الاحترام بتم على مرحلتين:
الأولى هي احترام الشخص لنفسه يلي بيجي من التصرفات الذاتية ...
والثانية يلي بتنتج عن الأولى وهي الأهم ،،، احترام الناس للشخص
وطبعا هالاحترام متل ما حكت ساندرا انو مو بكلمة أنا بحترمك وانما بالتصرفات يلي بيعملوها الناس معو
وبالتالي الاحترام واجب لمن يحترم نفسه فقط.....
تحياتي


شكراً لمرورك أخي مشلف :D