أحبائي أعضاء اخوية الطيبين
زملائي الأرستقراطيين و النبلاء و المحافظين في كل قسم من أقسام أخويتنا المترامية الأطراف

تحية رأسمالية و بعد :larg:

نظراً للحركة اليسارية المتنامية ضد مصالحنا في مختلف المجالات،
و الثورة اللتي أُشعلت من قبل بعض الأعضاء الغوغائيين الذين أستغلوا الأوضاع المتردية للحركة السياسية في المنتدى بعد

أحداث ما بعد ال ٢٠٠٨ من:

1- إختفاء لقادة و أعضاء حزب يصطفلو الاجتماعي الديمقراطي و الحزب الأخوي القومي الحمصي.

2- إنحلال للأحلاف القديمة في اخوية و حل الحزب المشترك وهو : الحزب الأخوي القومي الأممي الديمقراطي الوحدوي للمصطفلين في الأرض.

3-غياب زعيم عصابة الطاشون في مناكبها في ظروف غامضة، و توقف صناعة حلاوة الجبن و محاولات طمس حضارتها.

4-إستغلال مرحلة ما بعد الأنقلاب العسكري (لحزب تحرير المشتركين) المأساوية و مرحلة التمرد النسائي في المنتدى التي تم قمعها من قبل جهاز الامن القومي للمنتدى بشكل صارم :adal:

5-غياب الزعيم الأول لحركة حفظ الامن القومي المنتدى الجنرال حشت نشت (المعروف بشعاره أمن المنتدى من أمن الوطن) و تقاعد معظم أعضاء الكوماندوز في كتائبه.

قررنا نحن أعضاء مجلس الأرستقراطيين الأخويين المحافظين الأحرار أن نظهر للعلن و نكسر حاجز الصمت في ظل تعاظم
دور القوى الثورية الرجعية و التي تنادي بتقليص دورنا النبيل و تأميم معاملنا و أملاكنا و تسليمها للمخربين تحت قيادة
قائدها الثورجي الرجعي التشي أبو سارة .

و في ظل ظروف المنتدى الحرجة نعلن ظهور حزبنا الحر الذي ليست له أي أهداف أستقلالية او رجعية تضر بالأمن القومي للمنتدى

نحن الأرستقراطيين الأخويين المحافظينن و بمكانتنا الأجتماعية المرموقة في المنتدى و علاقاتنا الطيبة مع المشرفين نناديكم يا أصحاب النفوذ و الأموال.
شاركونا لحماية حقوقكم من نهب القوى الرجعية و التخريبية
أنضمو لنا ففي وحدة صفوفنا لا تشي ابو سارة و لا اي من القوى العميلة سيجرؤ على المساس بحقوقنا و ثرواتنا و معاملنا


و في بادرة حسن نية و بمناسبة الظهور للعلن نقوم نحن الإرستقراطيين الأخويين المحافظين الأحرار و كعرفان بالجميل و تقدير للجهود بتقديم شقة فخمة و سيارة همر لكل مشرف من المشرفين الذين طاوعوا نداء الضمير و لم يجرفهم التيار الثوري او الخطاب
الديماغوجي للتشي ابو سارة

هذا و دمتم و دامت أخويتنا :D

أمين عام حزب الأرستقراطيين الأخويين المحافظين الأحرار
DARKNESS

تحية راسمالية وبعد!!!

اما بعد,

من منبري هذا اعلن وكعلامة لحسن النية, اقدم سيارات مرسيدس و بي ام دبليو, تقدمة شخصية مني لخير الحزب وخير اعضائه ولاحبائنا المشرفين والمؤسسين نظرا لامتلاكي نسبة 87% من اسهم الشركتين.
كم تم استلام شحنة من سيارات الهمر, مقدمة من قبل الامين العام لحزب الارستقراطيين الاخويين الاحرار ايضا للمشرفين والمؤسيين والاعضاء.

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

ودمتم ودامت اخويتنا :D

النائب الاول وكبير المستشارين للحزب!
Jankasanova

تحية رأسمالية وبعد!!!

اما بعد,

بعد المناقشة مع اقطاب واعضاء الحزب, للتوصل الى صيغة الانضمام والانتساب للحزب الارستقراطي الاخوي المحافظ, توصلنا لسلسلة الشروط التالية الواجب تحقيقها قبل تقديم طلب الانتساب للحزب, الذي سيتم في مرحلة لاحقة توضيح خطواته:

1- انتماء ارستقراطي بحت
2- من عشاق ومحبين جوني والكر
3- من مدخنين السيغار الكوبي الفاخر

ملاحظة:الشروط قابلة للتغير مع الوقت تبعا للظروف

ودمتم ودامت اخويتنا:D



النائب الاول وكبير المستشارين للحزب!
Jankasanova

يعني كل واحد بحط حالو بالمنصب يلي بدو ياه!
او في تعيينات من فوووق!:o

يعني كل واحد بحط حالو بالمنصب يلي بدو ياه!
او في تعيينات من فوووق!:o
تحية رأسمالية وبعد!!!

الى الليدي mary belle,

جوابا على سؤالك, التعيينات تأتي من قبل الادارة, بحيث يؤخذ بعين الاعتبار مدى ارستقراطية العضو في الحزب
وثروته ونشاطاته الارستقراطية الرأسمالية, وهالشي يعود لتقدير الادارة.

دمتم ودامت اخوية:D


النائب الاول وكبير المستشارين للحزب!
Jankasanova

شكرا عالتوضيح لورد!
و يا ريت الادارة تلاقيلي شي منصب مرتب! لأنو ارستقراطيا بحقلي !!:D

شكرا عالتوضيح لورد!
و يا ريت الادارة تلاقيلي شي منصب مرتب! لأنو ارستقراطيا بحقلي !!:D

تحية ارستقراطية وبعد!!!

ليدي mary belle,

الرجاء ارسال بياناتك للادارة,اما للامين العام للحزب, او لي, مرفقة بالاثباتات لاصولك الارستقراطية ليتم النظر ومعالجة الطلب لتعيينك في المنصب المناسب.

دمتم ودامت اخوية////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////


النائب الاول وكبير المستشارين للحزب!
Jankasanova

انا اعترض

:larg:

انا اعترض

:larg:

لك له له له و لك عزيزي اللورد ابو العبد أنت أكيد فهماننا غلط;)
نحن حزب حباب ما بدنا غير تكونو مبسوطين شو يعني اذا ما كنت ارستقراطي ما بتكون معنا؟

مين قللك نحن منسويك أرستقراطي:adal:

و تعبيرا عن حسن نيتنا رح اهديك هالبورش و ألك حرية أختيار اللون و اذا بدك خود التنتين حبيبي انت:hart:

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

شو لسا بدك كمان شغل؟:gem:

رح نفتحلك شركة انتاج فني للاغاني البدك ياها و رح رجعلك الأدعشري بي باب الحارة اذا بدك

نحن منحب نرضي الشعب

بس برضاي عليك بلالك شغلة الثورة و وجع الراس لك بلالك ياها شوف حياتك يا اخي انبسط :larg:

و أحلا تحية رأسمالية

و سيجار كوبي و كاس بلاك ليبل لعيونك :larg:

الأمين العام للحزب الأرستقراطي الأخوي المحافظ الحر
DARKNESS

لن اقبل

شنو انا معارضة مدعوم من قوى خارجية:larg:

لن اقبل

شنو انا معارضة مدعوم من قوى خارجية:larg:

من الأخر ادي المبلغ المطلوب :frown:

قد ما دفعولك نحن منعطيك دبلون :larg:

احم احم

الدوك I_Love_Syria من العائلة الملكية المريخية, أقدم دعم للحزب الأرستقراطي الأخوي المحافظ بقيمة 2 مليار دولار
للمساهمة بسحق القوى الإشتراكية المعارضة بقيادة التشي أبو سارة وجلب فئة المشرفين إلى ضفتنا

ودمتم ودام الحزب الأرستقراطي الأخوي المحافظ

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////


:larg:

و أنا معلش اجي معكون !؟ :?

لأنو متل ما بيقول المتل .. اللي ما بيجي معك تعا معو ...

احم احم

الدوك I_Love_Syria من العائلة الملكية المريخية, أقدم دعم للحزب الأرستقراطي الأخوي المحافظ بقيمة 2 مليار دولار
للمساهمة بسحق القوى الإشتراكية المعارضة بقيادة التشي أبو سارة وجلب فئة المشرفين إلى ضفتنا

ودمتم ودام الحزب الأرستقراطي الأخوي المحافظ

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////


:larg:


عزيزي الدوك I_Love_Syria تحية رأسمالية و بعد


أنه لمن دواع سروري بل و ليشرفني ويعز على قلبي مساهمتكم الكريمة للحزب المعطاء ضد أعدائه الرجعيين بقيادة التشي أبو سارة
و في غياهيب هذه المناسبة العظيمة نهيب بالسادة الأعضاء و الضيوف الكرام بأننا أعضاء المجلس الأعلى للحزب الأرستقراطي الأخوي المحافظ
سنقوم بإحياء حفل أرستقراطي في قصري الخاص و بحضور العديد من الوجوه الرأسمالية المسيطرة و الفنانين و المشرفين الأصدقاء بمناسبة
ظهور الحزب للعلن و فيه النشاطات الأحتفالية التالية:

1- كلمة يلقيها مؤسس الحزب و أمينه العام (DARKNESS) حفظه الرب من كل سوء

2- مجموعة من الصفقات مع لوردات العائلة الملكية المريخية لمناقشة سياسة أحتكار زراعة التبغ ، تجارة الألكترونيات و المتة بين الطرفين.

3- تسامر حتى الصباح مع إحتساء أجود أنواع ويسكي جوني والكر و السيجار الكوبي و شراب الورد لأحبابنا الملتزمين.

4- حفل فني بحضور الفنانة سيلين ديون و عزف للفنان ياني في صالة القصر الكبرى

و ختامها مسك مع كلمة للدوك I_Love_Syria بمناسبة ظهور الحزب للعلن و مفاجآت أُخرى سنكشف عنها يوم الحفل

و دمتم و دامت أخويتنا

الأمين العام و القائم بأمور الحزب الأرستقراطي الأخوي المحافظ الحر

DARKNESS

و أنا معلش اجي معكون !؟ :?

لأنو متل ما بيقول المتل .. اللي ما بيجي معك تعا معو ...

له له و لك ليدي ام الجود ما انت من اساس الارستقراطية :adal:

ما عم تقليلي ثيرون و حفلات و ما بعرف شو فأكيد أنت معنا:deal:

على كل حال منحكي بالحفل و أي سؤال نحن موجودين

بس ما تنسي البيانات عن أصولك الأرستقراطية من شان نوضحها و نعطيك المنصب المناسب :larg:

شو هاد انقلاب يعني؟
ولا حزب جديد؟
خيي حتى تعمل حزب وتعمل رئيس حزب لازم يكون عندك منتسبين لايقل عددون عن عشرتعش منتسب
لهيك عيني ربك عيني روح جيب اعضاء وتعا عمول رئيس
وانا اعترض :larg::larg:

من الأخر ادي المبلغ المطلوب :frown:

قد ما دفعولك نحن منعطيك دبلون :larg:


لن اقبل انا معارض وعميل نزيه:larg:
شو هاد انقلاب يعني؟
ولا حزب جديد؟
خيي حتى تعمل حزب وتعمل رئيس حزب لازم يكون عندك منتسبين لايقل عددون عن عشرتعش منتسب
لهيك عيني ربك عيني روح جيب اعضاء وتعا عمول رئيس
وانا اعترض :larg::larg:
كفو رفيقة كفو بس انو من انو جهه مدعومة:larg:

شو هاد انقلاب يعني؟
ولا حزب جديد؟
خيي حتى تعمل حزب وتعمل رئيس حزب لازم يكون عندك منتسبين لايقل عددون عن عشرتعش منتسب
لهيك عيني ربك عيني روح جيب اعضاء وتعا عمول رئيس
وانا اعترض :larg::larg:


مممم

تحية رأسمالية و بعد

بما انك من المعارضة يا ليدي بنفسجة فبدك تسوي بيان شجب لما جئنا به لتكوني قد المعارضة و حملها :larg:

هاد اولا تاني شي قليلنا شو مطالبك بالحوار البناء بركي بتنضميلنا ترا نحن حزب كريم و حباب

و بعدين المنتسبين حصرا من الطبقة الارستقراطية و النبلاء و الشرفاء بالمنتدى

و شو لي عرفك انت بعدد أعضائنا :pos:

جهزي بيان الشجب و بعدين تعي

يا انو سوي حزب مناهض بما انو عم تقولي انو عندك أعضاء و أنت معارضة

هذا و عاش النبلاء و الارستقراطيون و يسقط نظام الحكم الطوباوي الثائر على حقوقنا الشرعية

و دمتم و دامت اخويتنا العظيمة

لن اقبل انا معارض وعميل نزيه


لعمى ما عرفتك و لك عمو ايبو الحباب :shock: :shock: :shock:


كفو رفيقة كفو بس انو من انو جهه مدعومة


اول شي هي أحزاب جديدة عم تحاول تعارضنا من شان الشهرة بس :pos:

بعدين وين احزابكن انتو و شو انتمائكن و وين بيانات الشجب تبعتكون :frown:

و احلى جرزة فجل و خس لكل المعارضة و الأعوان و الأحباب :larg:

جاية جاية بس لخلص غدا
مافيي احكي ومعدتي فاضية
بس لاشبع رح انسفك نسفك
طول بالك هههههههههه

جاية جاية بس لخلص غدا
مافيي احكي ومعدتي فاضية
بس لاشبع رح انسفك نسفك
طول بالك هههههههههه

عم نستنى ليدي بنفسجة :larg:

بس يكون بعلمك نحن ناس منظمين ما منحب غير الشغل المنظم :sly:
مو هوجة عرب

بدنا بيان شجب اذا شفتي شي غلط و بدنا توضيح أسباب المعارضة و أسماء القياديين و التمويل
و اذا في الكن علاقة بالتشي ابو سارة بدك توضحي كمان ها

هذا و دمتم و دامت أخوية العظيمة بحمى آلهة نينورتا المقدسة

اي عدنا بعد ما شبعنا وكبينا ماتبقى من طعام
ايه سيد دارك نيس
ياسيدي اولا انا لست بليدي يعني اسمي بنفسجة من دون ليدي شنو انا من من الطبقة الارستقراطية يابعدي
تاني شي ياسيدي انا معارضة اي معارضة طبعا بدي كون معارضة بما اني لست من الارستقراطيين وحزبك بس ارستقراطيين
تالت شي انا كمعارضة لا اتعامل ببيانات الشجب والتنديد والرفض
خيي معروفة لمين هي البيانات :o
اصلا المعارضة شغلتا تشتغل مو تطالع بيانات ايها الارستقراطي
ولعبتك مكشوفة تماما تريد منا نحن المعارضة الالتهاء عن العمل للايقاع بكم يا رموز الارستقراطيه
تريدنا ان ننشغل بالبيانات والكلام على مبدا من كثر كلامه قل عمله
اي لا وستين لا
بعدين شو مجنون انت معارضة وبدنا نعطيك اسماء المنتسبين وماهيتنا مو ناقص غير تقلنا وين مقراتكون والله:sly:
بعدين نحنا الاصل وانتم لاشي لاااااااااااااااااااشي مجرد ناس خلقت في افواههم معالق من ذهب
ومصيركم الى المقصلة :jakoush:
تنظيمنا المعارض ليس غوغائيا والحجر يلي ما بيعجبك بيفجك يابعدي
ولاتنسى ها حتى تعمل حزب قيادي عم يقود المنتدى او الدولة اومدري مين لازم يكون عندك شعبية والا بتفرط بدون معارضة هع هع هع
قال ارستقراطية قال
وبعدين شو دخلك بالتشي ابو سارة اي طبعا انا معو للموت
ولاتنغش انا لي شعبية كبيرة اينما ذهبت (حتى اني عم فكر اترشح لمنصب الرئيس:lol:)
ومدعومة جدا كثيرا (هي لابو العبد رفيقي في المعارضة:larg:)
فبدك تعملي الف حساب
بعدين شو هي شو مطالبك حتى نتحاور وتصيري معنا؟
طيب بلكي انا بدي حاورك لحتى انت تجي معي؟
ليك شو واثق من حالو
انا لست ارستقراطية لهيك لايمكنني الانضمام الى حزبك ولانك عنصري وبتفرق الارستقراطيين عن غيرون فانا معارض لاخر رمق
ومابدي مين يقبضني محسوبتك يلي بتقبض العالم:larg::larg::larg:
تسقط الطبقات الارستقراطية تسقط تسقط تسقط:yahoo::yahoo:

في ناس مطنشتني!والهيئة ما بدا ياني كون معن!
انا ما رح احكي شي لأنو جذوري الارستقراطية النبيله ما بتسمحلي احكي مع حدا ما معبرني!
و ا اسفا عيلي عملتو بلارستقراطيه !!:pos:


بسيطه!
الا ما اعمل حزب معارض :sly:! .. او..:oops:

في ناس مطنشتني!والهيئة ما بدا ياني كون معن!
انا ما رح احكي شي لأنو جذوري الارستقراطية النبيله ما بتسمحلي احكي مع حدا ما معبرني!
و ا اسفا عيلي عملتو بلارستقراطيه !!:pos:


بسيطه!
الا ما اعمل حزب معارض :sly:! .. او..:oops:

ليدي ماري بيل انت ما قدمتيلنا البيانات المطلوبة من شان نشوف شو بيناسبك نحن ما منحب نتقل عليكي و خصوصي انك من النبلاء
يعني مننا و فينا مو متل بعض عالم:pos: الغوغائيين و صغار الكسبة :sly:

ليدي ماري بل منعرفك اكبر من هيك

بوركت و بوركت أخوية :larg:

يالله عن اذنك بدي جهز رد لجميلة بوحيرد العصر:frown:

تحية رأسمالية و بعد

نظرا لأننا حزب يؤمن بالديمقراطية و الحوار و بعيدون عن الديكتاتورية اللتي يتبعها البعض لحكم الشعوب البروليتارية رح جاوب عليكي شخصيا
يا جميلة بوحيرد العصر

ايه سيد دارك نيس

اي ليدي بنفسجة

ياسيدي اولا انا لست بليدي يعني اسمي بنفسجة من دون ليدي شنو انا من من الطبقة الارستقراطية يابعدي


السيدات كلهن ليديات و لو انو ما ولدو نبيلات فالنبل يكمن في حرق النفس لشخص أخر و ليس الولادة في نطاق ارستقراطي

احم احم

المهم بعيدا عن الرومانسيات: حسب مانك كاتبة فأنك من من الطبقة تبعتنا شو يعني الارستقراطية منت عليكي:?

تاني شي ياسيدي انا معارضة اي معارضة طبعا بدي كون معارضة بما اني لست من الارستقراطيين وحزبك بس ارستقراطيين


مين قللك بس للارستقراطيين قلتلك نحن حزب قيادتو للارستقراطيين المحافظين و نحن منحكم فيه بس اللي بدو ينضم منحولو لأرستقراطي متلنا
من مستوانا الأجتماعي الراقي و النبيل :larg:


تالت شي انا كمعارضة لا اتعامل ببيانات الشجب والتنديد والرفض


معناتو انتي بتلعي بس مو شاطرة بالخطابة السياسية :pos:

خيي معروفة لمين هي البيانات

لمين :?


اصلا المعارضة شغلتا تشتغل مو تطالع بيانات ايها الارستقراطي
ولعبتك مكشوفة تماما تريد منا نحن المعارضة الالتهاء عن العمل للايقاع بكم يا رموز الارستقراطيه
تريدنا ان ننشغل بالبيانات والكلام على مبدا من كثر كلامه قل عمله
اي لا وستين لا

طبعا لا

بعدين شو مجنون انت معارضة وبدنا نعطيك اسماء المنتسبين وماهيتنا مو ناقص غير تقلنا وين مقراتكون والله


خايفين مننا ترا نحن عاقلين ما منعض ها :frown:


بعدين نحنا الاصل وانتم لاشي لاااااااااااااااااااشي مجرد ناس خلقت في افواههم معالق من ذهب


انت ليش غيرانة

تنظيمنا المعارض ليس غوغائيا والحجر يلي ما بيعجبك بيفجك يابعدي


الحجر الما بيعجبني بس الحجر المو موجود ما بيعمل شي

ولاتنسى ها حتى تعمل حزب قيادي عم يقود المنتدى او الدولة اومدري مين لازم يكون عندك شعبية والا بتفرط بدون معارضة هع هع هع
قال ارستقراطية قال


مين قللك مدي قود المنتدى ما المنتدى قيادتو بتوقع عا كل واحد فينا و أنا لخير المنتدى سويت هالحزب

بكمل اول ما ارجع عالبيت

فاصل و نواصل :larg:

حكا بدري يلبعدي
اي شو هالاجوبة ياعيني يا ليلي
تسقط تسقط تسقط:larg:

انا معارض...

يعني خيو انا مو مع الثورة تبع اتشي ابو سارة

بس مو معك كمان بس معارض لالكن

تحية راسمالية وبعد!!!



اما بعد,

من منبري هذا اعلن وكعلامة لحسن النية, اقدم سيارات مرسيدس و بي ام دبليو, تقدمة شخصية مني لخير الحزب وخير اعضائه ولاحبائنا المشرفين والمؤسسين نظرا لامتلاكي نسبة 87% من اسهم الشركتين.
كم تم استلام شحنة من سيارات الهمر, مقدمة من قبل الامين العام لحزب الارستقراطيين الاخويين الاحرار ايضا للمشرفين والمؤسيين والاعضاء.


ودمتم ودامت اخويتنا :D




- تسامر حتى الصباح مع إحتساء أجود أنواع ويسكي جوني والكر و السيجار الكوبي و شراب الورد لأحبابنا الملتزمين.

4- حفل فني بحضور الفنانة سيلين ديون و عزف للفنان ياني في صالة القصر الكبرى



العلم لا يكيل بالباذنجان :pos:




النائب الاول وكبير المستشارين للحزب!


Jankasanova


ايامك !


حاصلو ... معارضة :sly:

انا معارض...

يعني خيو انا مو مع الثورة تبع اتشي ابو سارة

بس مو معك كمان بس معارض لالكن

عمي يامن يبدو انو لساتك متأثر ب حزب يصطفلو الاجتماعي الديمقراطي
مع انو انحل الحزب و قياداتو كلها ذات مصير مجهول

فيعني صار لازم تحدد موقفك:x :pos:

يا انو رجاع جمع اعضاء حزب يصطفلو الضائعين

يا انو انضملنا نحن الارستقراطيين اللي منقدر فنك :larg:

و بهالمناسبة بقللك متل ما قال الحكيم بالزمانات لقادة حزب يصطفلو الاجتماعي
الديمقراطي

و تصطفلووووووووووووووو

و دمتم و دامت اخويتنا

العلم لا يكيل بالباذنجان :pos:




شبك عمو جاي عبالك متبل



ايامك !


حاصلو ... معارضة :sly:


شو قصتكن المعارضة موضة

لما هيك العربان ما بيعرفو يسايرو

ارستقراطية:shock:
نبلاء:?
الحكم الكم وتعلمونا النبل:jakoush:
خلاصة ماعجبتوني ابدا ابدا
لنشوف حزب تشي ابو سارة وبعدين تسمعو قرارنا
للمعارضين :D
والكم كمان:D

ارستقراطية:shock:
نبلاء:?
الحكم الكم وتعلمونا النبل:jakoush:
خلاصة ماعجبتوني ابدا ابدا
لنشوف حزب تشي ابو سارة وبعدين تسمعو قرارنا
للمعارضين :D
والكم كمان:D

منحب نبلغ حزب التشي ابو سارة الثوري اليساري و أتباعوا الرجعيين

انو أعلى ما بخيلكون اركبوا:pos:

و أحمض ما بطبخكن اطبخو:frown:

ترا حزب الارستقراطيين الاخوي المحافظ صامد و أمواله مرصودة للتصدي لحركات نزع الأستقرار في المنتدى

و كما قال اللورد حشت نشت

أمن المنتدى من أمن الوطن

و دمتم و دامت اخوية:D:D:D:D:D

و ليخسأ الرجعيون الثورييون و أعوانهم من القوى الغوغائية

شو خيو بتسلم الحكم برضاك ولا شو
لان متل مالك شايف المعارضة اسهما زايدة:larg:

منحب نبلغ حزب التشي ابو سارة الثوري اليساري و أتباعوا الرجعيين

انو أعلى ما بخيلكون اركبوا:pos:

و أحمض ما بطبخكن اطبخو:frown:

ترا حزب الارستقراطيين الاخوي المحافظ صامد و أمواله مرصودة للتصدي لحركات نزع الأستقرار في المنتدى

و كما قال اللورد حشت نشت

أمن المنتدى من أمن الوطن

و دمتم و دامت اخوية:D:D:D:D:D

و ليخسأ الرجعيون الثورييون و أعوانهم من القوى الغوغائية


بس حبيت بلغك والفت نظرك انو حضرتنا لسا ما شفنا حزب التشي ابو سارة ولسا ما قررنا ادا رح ننظم الو او نعارضو
وانو اتسرعتو بكتابة هالرد
اللي رح يخسركم اصوات المترددين:o
عموما انا اطمنت انو هاد حزب ما بيستاهل تعاطفي ولا تاييدي ولا انتمائي:gem:

شبك عمو جاي عبالك متبل





شو قصتكن المعارضة موضة

لما هيك العربان ما بيعرفو يسايرو


عم قلك العلم لا يكيل بالباذنجان .. بتقلي موضة :pos:


عم تضحكو ع العالم .. و بدك ياهم يصفو معك !
عيش كتير بتشوف كتير :pos:

شو خيو بتسلم الحكم برضاك ولا شو
لان متل مالك شايف المعارضة اسهما زايدة:larg:


معلم شو مفكرني عم فرفط بلح و بعدين الشجرة المثمرة بيرموها بحجار كتير

و حبيت قول حتى انت يا ايبو:pos::shock:


بس حبيت بلغك والفت نظرك انو حضرتنا لسا ما شفنا حزب التشي ابو سارة ولسا ما قررنا ادا رح ننظم الو او نعارضو
وانو اتسرعتو بكتابة هالرد
اللي رح يخسركم اصوات المترددين:o
عموما انا اطمنت انو هاد حزب ما بيستاهل تعاطفي ولا تاييدي ولا انتمائي:gem:


جيد ليدي هدى موفقة و بتمنالكن التوفيق بثورتكن

عم قلك العلم لا يكيل بالباذنجان .. بتقلي موضة :pos:


عم تضحكو ع العالم .. و بدك ياهم يصفو معك !
عيش كتير بتشوف كتير :pos:

اي يقبرني الجدي انا:sosweet:

عجبني موقفك الجدي و حابب اعزمك عا كاسة نبيذ معتق بقصري :larg:

بركي منتفق:deal:


ويا مية جرزة فجل و خس للشباب و الصبايا

تحية راسمالية وبعد!!!

نظرا لاستقطاب الحزب للارستقراطين في الاراضي الاخوية, وجب علينا تعيين بعض المناصب والنظر في بعض طلبات الانتساب المقدمة لادارة الحزب.

تم تعيين أم الجود ك مستشارة العلاقات الخارجية ومنسقة العلاقات العامة.
تم البحث في اصول mary belle وتم ايجاد وثائق ترجع باصولها الارستقراطية لعقود قديمة, وبناء على ذلك تم تعيينها كمنسقة شؤون الحزب الداخلية.

هنيئا لنا وللحزب بكما!!!

ودمتم ودامت اخويتنا :D


النائب الاول وكبير المستشارين للحزب!
Jankasanova

تم تعيين أم الجود ك مستشارة العلاقات الخارجية ومنسقة العلاقات العامة.



كنت بدي قلك الله حيو :gem:

بعدين تذكرت انو نحنا هون بحزب ارستقراطي :larg:

فـ .... تانكس سير :ss:

تحية رأسمالية وبعد!!!

نظرا للتقدم اللذي يحرزه الحزب على الصعيدين الخارجي والداخلي, ونظرا للدعم الكبير الذي يتلقاه والجماهير الحاشدة مما ادى الى تزعزع ثقة التشي ابو سارة بنفسه وبحزبه, مما دفعه الى محاولة استجراري واغرائي بالانضمام الى حزبه نظرا المنصبي المهم في الحزب ودعمي الكامل للحزب ظنا منه بان محاولة استمالتي لحزبه سوف تضعف من موقف الامين العام للحزب واعضاء الحزب والمؤسسين. تم عرض منصب مدير الحسابات علي من قبل التشي ابو سارة.

من منبري هذا, اعلن ولائي التام للحزب الارستقراطي الأخوي المحافظ, واقول لكل من يحاول استمالتي لاي حزب اخر بأني حصن منيع امام اي محاولة استمالة.

هذا ودمتم ودامت اخويتنا :D


النائب الاول وكبير المستشارين للحزب!
Jankasanova

شنو لأنو أنا ما خارطين مشطي الارستقراطين
سجل عندك خالي معارض:pos:

كنت بدي قلك الله حيو :gem:

بعدين تذكرت انو نحنا هون بحزب ارستقراطي :larg:

فـ .... تانكس سير :ss:


ليدي ام الجود النبيلة يا زهرة النبلاء ماري بل يا مرضية

ابارك لنفسي و لأعضاء الحزب الارستقراطي الأخوي المحافظ انضمامكما لنا

و بهذه المناسبة اقدم علاوات كبيرة لكل العمال و الموظفين و الذين يتهمني التشي بسوء معاملتهم
و الضغط عليههم

انني و بشرف الحزب لا اضايق عاملا او موظفا عندي او عند اي عضو من أعضاء الحزب و ما يتناقله الأعلام و القنوات التابعة للتشي ابو سارة
هو مجرد عمل اعلامي فاشلل لا علاقة له بالواقع


هذا و دمتم يا شرفاء اخوية و دامت اعمالكم الطيبة لأخويتنا العظيمة


الامين العام و القائم بأمور الحزب الارستقراطي الاخوي المحافظ الحر
DARKNESS

يسقط الاقطاع و لا لسيطرة الدماء العريقة (او من تقول عن نفسها ) ...

و تعيش شمس الحرية التي لا تغيب ...

اي عدنا بعد ما شبعنا وكبينا ماتبقى من طعام
ايه سيد دارك نيس
ياسيدي اولا انا لست بليدي يعني اسمي بنفسجة من دون ليدي شنو انا من من الطبقة الارستقراطية يابعدي
تاني شي ياسيدي انا معارضة اي معارضة طبعا بدي كون معارضة بما اني لست من الارستقراطيين وحزبك بس ارستقراطيين

سقط الطبقات الارستقراطية تسقط تسقط تسقط:yahoo::yahoo:

تحية اخوية انسانية ... الى كل معارض للارستقراطية و الاقطاع :larg:



انا معارض...

يعني خيو انا مو مع الثورة تبع اتشي ابو سارة

بس مو معك كمان بس معارض لالكن

يا خيو رح قلك صير مع الشعب ... لا تصير مع اب سارة ... :D



ارستقراطية:shock:
نبلاء:?
الحكم الكم وتعلمونا النبل:jakoush:
خلاصة ماعجبتوني ابدا ابدا
لنشوف حزب تشي ابو سارة وبعدين تسمعو قرارنا
للمعارضين :D
والكم كمان:D

و يستمر النضال طالما الشعب يحب الحرية :lol:


عم قلك العلم لا يكيل بالباذنجان .. بتقلي موضة :pos:


عم تضحكو ع العالم .. و بدك ياهم يصفو معك !
عيش كتير بتشوف كتير :pos:

شايفة شايفة ...
بدون يضحكو ع العالم بصورة همر او مارسيدس :larg:

اساليب ملتوية ضد الثورة :lol:



شو خيو بتسلم الحكم برضاك ولا شو
لان متل مالك شايف المعارضة اسهما زايدة:larg:

ابو العبد ... و لو ما بعرف مين الجهة الداعمة :lol:

بس بدي وجه لك تحية لكونك معارض لمشروع الاقطاع :larg:

ولو نحنا ما ناخد دعم ابدا :lol:

كنت بدي قلك الله حيو :gem:

بعدين تذكرت انو نحنا هون بحزب ارستقراطي :larg:

فـ .... تانكس سير :ss:[/center]


له يا ام الجود ... له :cry:

اغروكي .. و سموكي ليدي .. :pos:

تحية رأسمالية وبعد!!!

نظرا للتقدم اللذي يحرزه الحزب على الصعيدين الخارجي والداخلي, ونظرا للدعم الكبير الذي يتلقاه والجماهير الحاشدة مما ادى الى تزعزع ثقة التشي ابو سارة بنفسه وبحزبه, مما دفعه الى محاولة استجراري واغرائي بالانضمام الى حزبه نظرا المنصبي المهم في الحزب ودعمي الكامل للحزب ظنا منه بان محاولة استمالتي لحزبه سوف تضعف من موقف الامين العام للحزب واعضاء الحزب والمؤسسين. تم عرض منصب مدير الحسابات علي من قبل التشي ابو سارة.

من منبري هذا, اعلن ولائي التام للحزب الارستقراطي الأخوي المحافظ, واقول لكل من يحاول استمالتي لاي حزب اخر بأني حصن منيع امام اي محاولة استمالة.

هذا ودمتم ودامت اخويتنا :D


النائب الاول وكبير المستشارين للحزب!
Jankasanova



نحنا قلنالك تعال صير معنا ... لا وعدناك باموال و لا صور همرات ... :larg:

عمي ما نريدك لانك طلعت رمز من رموز الاقطاع :pos:

له يا ام الجود ... له :cry:

اغروكي .. و سموكي ليدي .. :pos:

هو أنا بالأصل كونتيسة :larg:

بس ماشي الحال .. كرمالكون تواضعت و قبلت صير ليدي :ss:

هو أنا بالأصل كونتيسة :larg: بس ماشي الحال .. كرمالكون تواضعت و قبلت صير ليدي :ss:


ما عاش اللي بدو ينزل من قيمتك

يا كونتيسة ام الجود

رح نعلن الحرب اذا ماتم تسليم الحكم طوعيا خلال يومين وقد ازعر من انزر ياناموشة وينك وينك:larg:

هو أنا بالأصل كونتيسة :larg:

بس ماشي الحال .. كرمالكون تواضعت و قبلت صير ليدي :ss:
له ياام الجود كونتيسة ماحبيتلك ياها بتاتا:p

هو أنا بالأصل كونتيسة :larg:

بس ماشي الحال .. كرمالكون تواضعت و قبلت صير ليدي :ss:

كونتيسة :larg:

ستي .. ما في فرق بين دماء حمراء و زرقاء .. كلو احمر :larg:

ما زالت الدعوة انضمامك انتي .. قائمة :lol: