أكد وزير الاتصالات السورية عماد صابوني أن قرار حجب المواقع الالكترونية في سورية قرار جماعي يؤخذ من قبل عدد من الجهات, مؤكدا بشكل قطعي أن المؤسسة العامة للاتصالات لا تنفرد به، مشيرا إلى أن سياسة الحجب بشكل أو بآخر موجودة في كل مكان، ولا توجد أية دولة في العالم لا تستخدم الحجب، ومنوها إلى أنه "نعلم ما يحدث في أميركا بما يتعلق بمراقبة البريد الالكتروني من قبل جهات أمنية".

وأشار صابوني إلى أن دوافع الحجب قد تكون مختلفة، وتتراوح ما بين "لأسباب سيادية تمس سيادة الدولة، وهذا موقف، وإلى حجب المواقع الكترونية المسيئة للمجتمع أو للاقتصاد وعلى رأسها المواقع الإباحية التي تنادي بعض الدول بعدم حجبها".

مؤكدا أنه و"بشكل عام الانترنت اليوم فضاء مفتوح لا يمكن لأحد في العالم السيطرة عليه، ولا توجد لدى أحد القدرة على الحجب مائة بالمائة, القضية اليوم مرتبطة أكثر بالتربية والتوعية وتوضيح أسباب الحجب وهذا ما نعمل عليه".

فيما لم ينفي صابوني لملحق جريدة تشرين السورية الاقتصادي "الاتهامات بوجود شبهة فساد في المفاصل التنفيذية المرتبطة بالمواطنين في قطاع الاتصالات" بالقول: "لا يمكن أن أقول لا". مشيرا إلى أن هذا الموضوع يعالج على مستوى الاقتصاد السوري بكامله، أنا لا أظن أن مؤسسة الاتصالات فيها فساد أكثر أو أقل من غيرها فهي بالنهاية تعاني ما تعانيه المؤسسات العامة الأخرى الموجودة في سورية، ولفت إلى أن "هذا هم والحل يكمن في قطع أسبابه وليس الذهاب إلى الأطراف فعندما تكون هناك مثلاً وفرة في خطوط ADSL ستنتهي أسباب الرشوة للحصول على الخط، وعندما نؤتمت أعمالنا ونتجه لحلول كالحكومة الالكترونية نتجه أيضاً إلى الشفافية بعملنا، هناك حلول كثيرة لمعالجة الفساد ونحاول نحن وغيرنا العمل عليها ووضع الحلول المثلى".

وحمّل الوزير صابوني شركتي الخلوي في سورية مسؤولية التأخير في احتساب التسعيرة بأجزاء الدقيقة لأن العرض المقدم منهما لم يكن مقبولاً ولا بد من انتظار عرض آخر جديد, لأنه وفق العقد الموقع مع الشركتين هناك آلية ناظمة للتسعير الذي يتم عن طريق ما يسمى لجنة التنسيق، وقال صابوني: الآلية هذه لا تسمح لنا بفرض تسعيرة معينة على شركات الخليوي, هناك قضايا أخرى سيادة الدولة فيها أوضح, لذلك يجب أخذ قرار التسعير بالاتفاق.

وقال صابوني إن قرار المشغل الثالث للخليوي بيد الحكومة، كاشفاً عن وجود شركة استشارات ألمانية تض

وقال وزير الاتصالات إن هناك 4 ـ 5 ملايين مواطن قادرون على الوصول إلى شبكة الانترنت, وهناك 400 ألف مشترك سيدخلون الحزمة العريضة خلال 3 سنوات، ومشكلة الانترنت ليست البطء ولكن نقص بوابات الحزمة العريضة.

وأن اختناقات الهاتف الثابت ترتبط بقضايا التخطيط والاستثمار, وحوالي 19 بالمائة من السكان يستخدمونه. وهناك 8 ملايين مشترك بالخليوي 85 بالمائة منهم سابق الدفع.ع السيناريوهات ويتوقع أن تنجز عملها في الشهر الأول من العام القادم, ويبقى القرار النهائي لمجلس الوزراء.


المرصد السوري

أكد وزير الاتصالات السورية عماد صابوني أن قرار حجب المواقع الالكترونية في سورية قرار جماعي يؤخذ من قبل عدد من الجهات, مؤكدا بشكل قطعي أن المؤسسة العامة للاتصالات لا تنفرد به، مشيرا إلى أن سياسة الحجب بشكل أو بآخر موجودة في كل مكان، ولا توجد أية دولة في العالم لا تستخدم الحجب،



كذاب بنص عينك, مافي غير الدول الشمولية الفاشلة متل دولتك اللي بتستخدم الحجب

اما عن المسؤول عن الحجب فهني نفس اللي مسؤولين عن تعيينك في هذا المنصب انت و زملاءك وزراء الغفلة




وأشار صابوني إلى أن دوافع الحجب قد تكون مختلفة، وتتراوح ما بين "لأسباب سيادية تمس سيادة الدولة، وهذا موقف، وإلى حجب المواقع الكترونية المسيئة للمجتمع أو للاقتصاد وعلى رأسها المواقع الإباحية التي تنادي بعض الدول بعدم حجبها".



كمان كذاب, مين ايمتى المواقع الاباحية محجوبة بسوريا؟؟ الحجب مركز فقط تجاه اي موقع بينشر اي شي مخالف للبروباغاندا الحكومية



مؤكدا أنه و"بشكل عام الانترنت اليوم فضاء مفتوح لا يمكن لأحد في العالم السيطرة عليه، ولا توجد لدى أحد القدرة على الحجب مائة بالمائة, القضية اليوم مرتبطة أكثر بالتربية والتوعية وتوضيح أسباب الحجب وهذا ما نعمل عليه".



مرة تالتة كذااااااب , لانو بعمركن ما بررتو سبب حجب اي شي, مثلا الويكيبيديا ليش محجوبة يا معالي الوزير المسخرة.






وقال وزير الاتصالات إن هناك 4 ـ 5 ملايين مواطن قادرون على الوصول إلى شبكة الانترنت



ايوا هدول المواطنين اللي ما بتخلون يستخدمو الانترنت الا لتسجلوا اسم ابون وامن و رقم الهوية و تعرفوا كل شي عنن




انو بيضحكوا هدول الاراكوزات الملقبين وزراء لما بدن يبيضوا واقع اسود متل وجوهن.

اي يحجبو عمي يحجبو

.:larg:

اذا بس وقفت الشغلة عالحجب بسيطة ... ما هي معضلة ما في شي ماله حل .
بس في شغلة ما فهمتها ... يعني كيف لما شركة الموبايلات ما قدمت عرض مناسب اول مرة ... بتاخد كل هالوقت لحتى تقدم عرض تاني ... ولا الشغلة خلصت قدمنا عرض ما مشي معكن بطلنا ...
بعدين لجنة التنسيق هي تابعة لمين؟؟ ... والتسعيرة بالاتفاق مع مين ؟؟ ولمصلحة مين ؟؟؟
مبينة يمكن ما هيك ما بدها جواب

يعني يا سعادة الوزير.........بطلي هل الطزمير
مسخرة:frown:

يا أخي صار الواحد يستحي يعلق على هؤلاء السخيفين من كثرة تكرار التخلف عندنا و كأننا نراوح في مكاننا

اليوم في المداس يستطيع أولياء أمور التلميذ أقول التلميذ أي ليسى الطالب

أن يزورو صفحة التلميذ على النت و معرفة أخر ما وصل أليه التلميذ في العلامات و الوظيفة و سلوكه المدرسي من دون الذهاب الى المدرسة

يعني ما في داعي تسأل الولد هل عندك وظيفة أم لا

و لسى معالي الوزير بقلك و بكل صراحة أني خمس ملايين يستخدمون النت

طيب و السبعة عشر الباقين ماذا عنهم

احم :)

هلا في مواقع ما بعرف ليش محجوبة :s

بس بشرى سارة رجعو فتحو الويكبيديا :]

ءءءءءء

بالنسبة للadsl
بتمنى ما يجيبو سيرتو قدامي:frown:

هالحكي وين ماكان ,,
والحجب عطول بنفكرو بدون داعي
يعني المواقع اللي لازم تنحجب بنلاقيها مفتوحة وذلك للفت الأنظار لإلها ولحتى يلتهو فيها العالم
متل ماعم يصير هون بالخليج
المواقع السياسية كلها محجوبة والمواقع الإباحية أو اللي ممكن تتخللها إباحيات أو دعايات أو شي بتلاقيها مفتوحة عادي




أنا المهم عندي مايحجبو اليوتيوب ولاّ بطق بلاه :cry:

هالحكي وين ماكان ,,
والحجب عطول بنفكرو بدون داعي
مزبوط..

ثم.. نحنا شو بيعرّفنا!!

الحكومة أدرى بمصلحتنا

وأشار صابوني إلى أن دوافع الحجب قد تكون مختلفة، وتتراوح ما بين "لأسباب سيادية تمس سيادة الدولة، وهذا موقف، وإلى حجب المواقع الكترونية المسيئة للمجتمع أو للاقتصاد وعلى رأسها المواقع الإباحية التي تنادي بعض الدول بعدم حجبها".
اي كزاب بنص عينك ... منشان هيك بيفوتوا عناصر الامن على محلات الانترنت .. وبيقولوا لناس .. بدكن تفتحوا سكس افتحوا سكس .. بس لا تقربوا ع السياسة :pos:
مؤكدا أنه و"بشكل عام الانترنت اليوم فضاء مفتوح لا يمكن لأحد في العالم السيطرة عليه، ولا توجد لدى أحد القدرة على الحجب مائة بالمائة, القضية اليوم مرتبطة أكثر بالتربية والتوعية وتوضيح أسباب الحجب وهذا ما نعمل عليه".
من ايمتا هي يا تقبر حالك ... ما كل ما ينط شي حدا مسؤول ويبرر مثلاً عن حجب الفيس بوك .. بتلاقي انو بيحطلك مليون وطلطعشر حجة غير منطقية وغير واقعية بنوب ... قال توضيح قال :frown:
وحمّل الوزير صابوني شركتي الخلوي في سورية مسؤولية التأخير في احتساب التسعيرة بأجزاء الدقيقة لأن العرض المقدم منهما لم يكن مقبولاً ولا بد من انتظار عرض آخر جديد, لأنه وفق العقد الموقع مع الشركتين هناك آلية ناظمة للتسعير الذي يتم عن طريق ما يسمى لجنة التنسيق، وقال صابوني: الآلية هذه لا تسمح لنا بفرض تسعيرة معينة على شركات الخليوي, هناك قضايا أخرى سيادة الدولة فيها أوضح, لذلك يجب أخذ قرار التسعير بالاتفاق.

الله ياخدكن .
انو قلتلولي سيادة دولة .. اي تقبروا حالكن ... خلوه ياخد راحتو لـ رامي مخلوع بالتفكير ... حرام ... بدو يحسبها بالاول .. معقولة هوي يقل ربحو... والمواطن يترفه شوي .. ما معقولة بنوب :?


انشالله بعدمك وبعدم يلي علمك هالكلمتين على اهون اتصال :pos:

مزبوط..

ثم.. نحنا شو بيعرّفنا!!

الحكومة أدرى بمصلحتنا

ما هيك ابو شريك وانا هيك رايي كمان

يعني متل لما بيعتقلو شي واحد نحني فورا منفكر انو اعتقالو بلا داعي بس هو اكيد الو داعي ونحني بعقولنا الصغيرة عاجزين عن تدبر هذا الداعي!!


اي كزاب بنص عينك ... منشان هيك بيفوتوا عناصر الامن على محلات الانترنت .. وبيقولوا لناس .. بدكن تفتحوا سكس افتحوا سكس .. بس لا تقربوا ع السياسة ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////



وانت ليش زعلان ما هني عم يعملو هيك لمصلحة الشباب, يعني اذا جربت تفتح مواقع سياسة رح تضعف نفسيتك و نفسية القاعدين معك ونفسية الأمة كلها معك
بينما لو جربت تفتح مواقع سيكس نفسيتك و نفسية كل الشباب و الأمة معكن رح تصير بالعلالي :lol:

اصلا الثقافة الوحيدة المضمونة العواقب في سوريا الاسد هي ثقافة السيكس

وانت ليش زعلان ما هني عم يعملو هيك لمصلحة الشباب, يعني اذا جربت تفتح مواقع سياسة رح تضعف نفسيتك و نفسية القاعدين معك ونفسية الأمة كلها معك
بينما لو جربت تفتح مواقع سيكس نفسيتك و نفسية كل الشباب و الأمة معكن رح تصير بالعلالي :lol:

اصلا الثقافة الوحيدة المضمونة العواقب في سوريا الاسد هي ثقافة السيكس
قلتلي بالعلالي :lol:
اي لكان .. لالي لالي لالي .. يا علمنا لالي بالعالي :pos:

اي طبعا

ما كل القرارات عنا جماعية
فانو شو؟؟؟؟

وأشار صابوني إلى أن دوافع الحجب قد تكون مختلفة، وتتراوح ما بين "لأسباب سيادية تمس سيادة الدولة، وهذا موقف، وإلى حجب المواقع الكترونية المسيئة للمجتمع أو للاقتصاد وعلى رأسها المواقع الإباحية التي تنادي بعض الدول بعدم حجبها".


بما أنو أخوية مو موقع إباحي





فهل يعني أنو نحنا عم نهدد سيادة الدولة ...!!





تسالي ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

مشيرا إلى أن سياسة الحجب بشكل أو بآخر موجودة في كل مكان، ولا توجد أية دولة في العالم لا تستخدم الحجب، ومنوها إلى أنه "نعلم ما يحدث في أميركا بما يتعلق بمراقبة البريد الالكتروني من قبل جهات أمنية"
بيعجبوني مسؤولينا.. عندهن طريقة بالإقناع فظيعة..

ما بتحكي مع حدا بأي مشكلة.. إلا بيقلّك: "موجودة بكل العالم"

عن شو عم تحكي؟

عن الفساد؟
ليش بأورومبا ما في فساد فكرك؟
أففففففف شو في فساد بأورومبا (ولذتهن أوقات بيحكولك أسماء وأرقام وتفاصيل عن الفساد هونيك.. تقول متابعين المشاكل هونيك أكتر من عندنا!!)


مخابرات وأمن وملاحقة؟

شوف بأميركا قديش في مخابرات.. وتنصّت.. وملاحقة.. وبيقعد بيعدلّك لبكرة عن حوادث قال صارت هونيك.. لدرجة بتحسّو قلبو عم يوجعو ع المتواطنين الأميركان!!


حجب مواقع؟

بكل الدنية موجودة.. (مو هيك يا حزن؟)


ولك مرة كنا عم نحكي عن الطرقات.. عن الحفر بشوارعنا..

طلع مع أخ من لقاليق المسؤولين.. إنو الطرقات بكندا أسوأ من عندنا!!

طولك بالك يا أستاذ.. كندا فرد مرة!! تخينة شوي مو؟

وقعد يحكيلنا خبريات لما كان رايح بسيارتو من فانكوفر لمدري وين.. كام حفرة لقي بالطريق!!

شي متل الكذب..

(ولذتهن أوقات بيحكولك أسماء وأرقام وتفاصيل عن الفساد هونيك.. تقول متابعين المشاكل هونيك أكتر من عندنا!!)

لا يا ناصر لما بيحكيلك حدا عن الفساد هونيك وبيجبلك ارقام ما شرط يكون عم يكذب
لانو هونيك بايا نشرة اخبار بتسمع عن الفساد وعن حجمو .. عن الرشاوي وعن حجمها ومسؤوليها
عن القتل ومسببو .. كلو بينحكا .. هلق اكيد برايي ع الاقل ما بيحكو الا يلي بدون ياه .... بس المهم بيحكو .. وبيعملو احصاءات
هلق اذا بدي احكي معك عن الوضع عنا فينا انت او انا نقول انو انذكر بالبرنامج فلاني نقلا عن الاحصائية الفلانية انو معدل الفساد بسورية كذا؟؟ او انو نسبة السرقة والرشاوي كذا ؟؟؟ مستحيل
مستحيل لانو عنا ما حدا بيسترجي يحكي عن هيدا الموضوع

اي انا كمان بقول انو في مشاكل بكل العالم متل ما عنا .. بس يلي بيفقع قلبي انو العالم بتعترف فيها وبتحكي عنها وبتعمل دراسات وبتقيسها .. واحيانا في برامج من شان تخفيفها وقوانين جديدة للحد منها او المعاقبة
الا عنا .. كلو ع السبحانية وانو سورية اله حاميها ( وما رح خصص سورية .. كل الدول يلي ع شاكلتها كمان )

فهل يعني أنو نحنا عم نهدد سيادة الدولة ...!!

انو انت مستقل باخوية يعني :jakoush:
لكن شو مفكر .. جايين من عيلة صغيرة :pos:
هيبة الامة كلها انوهنت بسبب اخوية
شو لكن :sly:

نـــــــــــــــــاصـــــ ـــر الإقتباس عندي ماعم يشتغل مدري ليش:(

إيه فعلا حجب المواقع (والأفواه)موجود بكل مكان (ولاتقولولي ببلاد الغرب في حرية مشان الله) ,,
بس هادا مو بيعني إنو يكون هو عذر لإقناع الناس,,
والله لأنو موجود بكل مكان بقى شو عـ راسنا ريشة؟ونحنا كمان بنحجب وعين الله علينا
المضر والغير مضر كمان !(لك مشتهية أعرف شو هددن الويكيبيديا؟)
كل اللي ذكرتو حضرتك أنا معو :هي أعذار أقبح من ذنب وهادا شي مو مختلفين عليها بنوب
وأنا متدايقة من أسلوبهم بتوجيه فئران (قصدي الماوس :lol:) الشباب ليدخلو عصفحات ممنوعة أخلاقيا ولكن مسموحة نتّياً والعكس صحيح..


بس شو بدي قلك روق أخ ناصر ولاتعصب ليش هيك طلع خلقك وعصبت
ليكنا مو فارقة معنا عم نفوت ونطلع ونكتب ونستهجن وماعم نصدق حدا واسم الله حولنا :p:D

أما بالنسبة لكندا؟؟؟؟؟؟ له له له نزلت من عيني هالبلد :frown:

وبما إنو نحنا شعب مش فارقه معاه فبنستاهل وخرجنا :larg:

الحجب ليس شي جديد وهو موجود من زمان
بس الشاطر بيعرف شلون يكسر الحجب وانا شفت ناس كسرت الحجب بسهولة