أكمل الفراغ التالي ....
بأحدى الجلسات مع صديقي لي ما بيحب الروتين دار الحديث التالي :
هو : ليك شو رأيك نحكي بموضوع بعيد شوي عن الروتين ؟
انا : كيف يعني ؟ ما انت بتعرف انو حديثنا دائما متجدد ؟؟ وانا بكره الروتين .
هو : شو رايك بالانسان و الانسانية ؟؟
انا : الانسان؟! ولو هدا موضوع روتيني بحت , وكل العالم بتحكي فيه
هو : طيب , شو رايك بالانسان المعقد و الانسان الفارغ؟
انا : ما افهمت ؟ ممكن توضح اكتر
هو : هلق انت انسان معقد ولا انسان فارغ؟
انا : (تفكير ) و بقاطعني
هو : شوف , عنا لما الانسان بيخلق بيكون عندو فراغ (حنان ) و فراغ (أمومي ) و هالشي بيكتشفوا لما بيكبر و بيصير مراهق , و بس يصير شب بيكتشف انو عندو فراغ (عاطفي ) و لما بيكبر لمرحلة اكبر بيكتشف انو عندو فراغ (اجتماعي ) و لما بيكبر كمان شوي بيكتشف انو عندو فراغ ( مادي ) ولما بيكبر كمان شوي بيكتشف انو عندو فراغ (براسو ) و هون بيصير المجتمع لي من حولوا يفكر انو معقد , علما انو هوي (فراغ) و ما عندو شي لحتى يتعقد
فمعقول , انو الفراغ بيخليك تصير معقد ؟؟
انا : بيجوز , بس (يقاطعني )
هو : طيب انت انسان معقد ؟
انا : لا يمكن فارغ
هو : شفت انو انت معقد , لانو هدا جواب معقدين و يمكن لازمك دكتور نفسي
انا : حل عني , انت لي بدك دكتور
هو : شايف انك معقد
و يستمر الحديث الفارغ ......