لوح أخوية المحفوظ




من فترة انا و غاطط بكتاب من كتب الميثلوجيا خطر عا عقلي حشيشة
انو اديش ما كانو فاضيين قديم لحتى يكتبو تراتيل و يعملو أساطير و حيوانات أسطورية
و ألهة و أربابو فأستنتجت اني أنا أفضى منون فقررت أعمل لأخوية لوح محفوظ
و أخط فيه أسماء ألهة و أمجد فيها و أحكي عن بطولاتها المستوحيها من الفكر القديم
بجوز أحيانا أوصف أسطورة شي عضو من الأعضاء أو صديق من الأصدقاء
بشكل تجريدي و رح يكون بكل التراتيل أله عظيم يحمينا من شرورنا
و منحكي عن ألهة أساطيرها مقتبسة من الواقع زو المنتدى بشكل
ترتيلة حتى قصص المنتدى بجوز تتحول للوح محفوظ كمان
بجوز شي يوم حدا يكتشف هالتراتيل بهارد متحجر
و ندخل التاريخ الميثلوجي من أوسع أبوابه
و رح أبلش بي أول ترتيلة مباركة من تراتيل لوح أخوية المحفوظ
بمدينتي الأسطورية ننوريتا و آلهة أسطورية و حيوانات اسطورية كمان
عساه مباركا علينا و عليكم
:D

عندما لم يكن هنالك شيء

وعندما لم يكن هنالك ما يكون

وحده هو كان..

وحده هو في ظلام الكون كان

اشتكى له الكونُ وحدته

فأشفق الرب الحكيم على كونه

أراد أن يساعده

فإلهنا الحكيم لا يحب كآبة الوحدة

خلق العظيم لصاحبه الكئيب أرضاً

خصّبَ العظيمُ الأرضَ فأعطته السماء

ومن صلبه بعث الأنهارَ

ومن طيبه أنبت النبات والأزهارَ

لم يكن هنالك كائنات فانية.. فلا حيوانات ولا طيور ولا بشر..

لا أحد سواه

إنه أله العالم..

إنه الربّ الحكيم

وهو المخصّب العظيم

كاتب الأقدار

ومقرّر المصائر

ملك معبد الكوبالت الأسطوري

الذي يتفيأ ظل شجرة الإجاص المباركة

خالق آلهة نينورتا الكبيرة

تعالت صفاته عمن سِـواه

موحي الإبداع للمبدعين

مكرم الكرماء

قوي الأقوياء

المخدوم

ذو الجسد العظيم

ذو العقل الحكيم

ذو الصلب الأسطوري
لا أحد سواه

إنه إله العالم

ترا انا ولي صالح لاتنساني ها:larg:

مدينتك الاسطورية اسمها
ننوريتا ... ياعيني عليك
يا ترى ليش حبيت مدينتك انا؟ :larg:


متابعة معك :D

لاتنسانا من الامور اللي بتخلي الصالحين يمشوا ورانا من شان "نخدمهم" بهاللوح المحفوظ...
:larg:ومابدنا غير الرضى بالآخرة عن جد

متابع لاخر الاسطورة


يعني للابد..

مين قلك انو هالاساطير حكي بالهوا وعلى الفاضي:pos:
يعني بكرا بعد الف سنة بس حدا يشوف هالمخطوط يلي عم تعملو رح يضحك عليك
اي خسا ورب هالمسا
مخطوطك رح ينكتب على جدار الزمن
تابع يابعدي تابع لنشوف شو بدك تخلد لتخلد بهالمخطوط

:sosweet:حبيبنا
:deal:
يابعد عيون المهتدين الى معبد الكوبالت الأسطوري الذي فيه سينال كل ذي عرفان آية غفران من ذي الصلب الاسطوري.... فطوبى لمن وعى بعقله, واختار عقل دربه..
ولن نكون ورائك الا من ابناء الاساطير التي ترفّ بأجنحة الأخوية الخالدة, ممجّدة للملك "هناك" ... وللكبيرة "هنا" ....
وبين هنا وهناك سنعلي مكانا لايشبه ايّاً من فوضويات الزوال النحاسي....
بانتظار يوم الجمال السرمدي للفرح .
:jakoush:
(ملاحظة: ماهو سبب التعلق بالكوبالت؟؟ هل هو رمز من اسرار اللوح المحفوظ أخوياً؟):larg::?

باركك الرب..
متابع خالي:D

بارككم المخدوم جميعا يا اخوتي من نسل الألهة يا أبناء نينورتا المباركة
سوف يكافئ كل منكم بتخليده في التراتيل المباركة للوحنا المحفوظ
في معبد الكوبالت ذو الجدران الزبرجدية المنقوشة بالياقوت السملقي
في المدينة الأسطورية حيث لا بشر فالكل آلهة مخلدون
حيث لا عذاب و لا أنين بحضور العظيم و القدماء الحافظون
التفتوا حيث شئتم ميمنة او ميسرة فلا ملل و لا ضجر و لا عذاب دنيوي
بوركتم ياأخوتي جميعا....

-----------------------
من شان شغلة الكوبالت يعني حبيت أحط لمسة حدثاوية عالتراتيل من شان من نتقيد بالقدماء مع المحافظة على مضمون الترتيلة
لأنو القدماء ما كانو يعرفو الكوبالت و هيك ما خطر عبالي غير هالعنصر

عا كل حال لسا معابد كتييييرررررر ما حكينا عنا نحن لحد هلئ لسانا بنينورتا لسا ما طلعنا براتها و لا دخلنا بالملاحم الأسطورية

ابو العبد : في ألك ترتيلة تخلد جهادك انت و ابو نجيبو ضد التحمولات ;)

ريتا: في ألك هدية

سوني جرين: رح تكون حامي الواح القدر و ناسك المعبد الأول

مايسترو: ألك ترتيلة ملحمية

بنفسجة: في أسطورة بدي أكتبلك الياها بس لمخمخ عليها

شامي للنخاع : باركك الرب.... و ما مننساك


انتظرونا:D

[quote=DARKNESS;1352863]بارككم المخدوم جميعا يا اخوتي من نسل الألهة يا أبناء نينورتا المباركة
سوف يكافئ كل منكم بتخليده في التراتيل المباركة للوحنا المحفوظ
في معبد الكوبالت ذو الجدران الزبرجدية المنقوشة بالياقوت السملقي
في المدينة الأسطورية حيث لا بشر فالكل آلهة مخلدون
حيث لا عذاب و لا أنين بحضور العظيم و القدماء الحافظون
التفتوا حيث شئتم ميمنة او ميسرة فلا ملل و لا ضجر و لا عذاب دنيوي
بوركتم ياأخوتي جميعا....

-----------------------
من شان شغلة الكوبالت يعني حبيت أحط لمسة حدثاوية عالتراتيل من شان من نتقيد بالقدماء مع المحافظة على مضمون الترتيلة
لأنو القدماء ما كانو يعرفو الكوبالت و هيك ما خطر عبالي غير هالعنصر

عا كل حال لسا معابد كتييييرررررر ما حكينا عنا نحن لحد هلئ لسانا بنينورتا لسا ما طلعنا براتها و لا دخلنا بالملاحم الأسطورية

ابو العبد : في ألك ترتيلة تخلد جهادك انت و ابو نجيبو ضد التحمولات ;)

ريتا: في ألك هدية

سوني جرين: رح تكون حامي الواح القدر و ناسك المعبد الأول

مايسترو: ألك ترتيلة ملحمية

بنفسجة: في أسطورة بدي أكتبلك الياها بس لمخمخ عليها

شامي للنخاع : باركك الرب.... و ما مننساك



وأنا العابد الفقير مالي بركه!!!!

اي مخمخ مخمخ
:lol: الأسطورة أول مشارك بتكوين الوعي السياسي ( فبدك تدير بالك .. يقوم حدا من الذين يعتبرك عم تأثر بالوعي الشو أسمو .. يقوم يشو أسمو .. ونخلص منك )

وأنا العابد الفقير مالي بركه!!!!


بركة المخدوم بتوصل للجميع

بوركت يا أختنا

الأسطورة أول مشارك بتكوين الوعي السياسي ( فبدك تدير بالك .. يقوم حدا من الذين يعتبرك عم تأثر بالوعي الشو أسمو .. يقوم يشو أسمو .. ونخلص منك )


ما تخافي حاسب حساب و عامللن موقع ميثلوجي :larg:

صحي انت بدك تكوني معنا ولا ضدنا؟

متابع معك يا لورد الظلام :larg:

[quote=DARKNESS;1352891]بركة المخدوم بتوصل للجميع

بوركت يا أختنا



طمنتني.اله الشواسمو يريح قلبك.

من الأول قلت رح يطلع معك إنجازات تاريخية لنشوف لوين رح تودي

متابع معك يا لورد الظلام


اهلين عمي يان و كمان هديتك دور ملحمي هام شنو انت شخصيتك فيها كم شغلة ممتازين للبنية الميثلوجية لبطل ملحمي (خمر و تقل و ترحال بين البلاد) و احلى كاس جوني ولكر بلاك ليبل لعيونك :nirvana:

طمنتني.اله الشواسمو يريح قلبك.

شو مشان لسا ما بلشنا بكم ترتيلة و انطلق الكفر بأخوتنا الألهة من نينورتا العظيمة
انتبهي في لعنة مهيئة لكل من يغضب مجمعنا الميثلوجي و يهين ألهتو المباركة
و الحلفان عنا بيكون يا براس المخدوم يا بمجمع الهة نينورتا
:larg:

لك الله يلعن ابو الغربه شو بتعمل بالواحد
طيب يا زعيم شعب الله المختار شو بدك تعطيني منصب بمدينتك الطاهره المطهره

لك الله يلعن ابو الغربه شو بتعمل بالواحد
طيب يا زعيم شعب الله المختار شو بدك تعطيني منصب بمدينتك الطاهره المطهره

بيوصلك حقك ما تخاف :larg:

حلو كتير حلو
اكتبلي بطريقك اسطورة عن اله الاختراعات العظيمة
هو اله اسود منير

في معبد الكوبالت ذو الجدران الزبرجدية المنقوشة بالياقوت السملقي
في المدينة الأسطورية

اما يعني وصف فوق الوصف!!
لك المجد ااامييين:p

ترا انا ولي صالح لاتنساني ها:larg:

اليوم منبدا مع الولي الصالح أبو العبد الكبير فارس المعبد الإحدى عشريي الأبواب و مقاتل التحمولات الشجاع الثاني بعد جامع الكلم و الحكمة أبو نجبو
هذه الترتيلة المباركة هدية مني لألك أبو العبد تكريما لمشاركاتك الأسطورية و الفريدة من نوعها
منحتك اللقب الميثلوجي إيبو الولي الصالح و رب المرح و العبث (:lol:شايف التناقض)




قِف فأنتَ على عتباتِ معبدِ إيبو العظيم

المعبد الأسطوري الإحدى عشريي الأبواب

إشرب من خمر ينابيعه العجيبة

احرق لفافة من لفافات تبغه المنثورة

الملفوفة من قبل حوريات المعبد الفاتنات

إسمع غنائهم و شاهد رقصهم

إنهل من كرم هذا الولي الصالح ابن مدينة لينارا الجميلة

ناطق الكلام الذي يفرح النفوس

رب العبث و المرح حامي طقوس السفارا طقوس البهجة و الفرح

إيبو يا مسكت الأعداء أيها اللاهي الذي لا يعرف معنى الضجر

ايها الضاحك في وجه الموت الكئيب

يا خليل المخدوم

لتباركك ارباب نينورتا

ايها الساعي بين النجوم


:D

هوبا رينا رينا هوبا رينارار
من بين ضلوعك اطلعلك من تحتو لكوعك اطلعلك اطلعلك من تحتو لكوعك:larg:

ياحبيباتي واحبابي انا عمو ايبو الحباب مابعض ترا يلا تعو تباركو تعو تعو حبيباتي انتو:larg:
البركة بخمسة والدين ممنوع :pos:
يسلمن نبينا انو صحيح شو اسمو هالدين

يسلمن نبينا انو صحيح شو اسمو هالدين

عمو ايبو الحباب باركك المخدوم

من جهتي انا ما بدي أسمي دين هاد لوح محفوظ بيمجد أبطالنا و أخوتنا في بعد أسطوري بعيد عن العالم الملموس
كمان ما بدي اتمرد عالأديان الموجودة لأني ما بحب الشرك :larg:

كل مين عا دينو الله يعينو


و ليباركك المخدوم و مجمع ألهة نينورتا كلون

عمو ايبو

.:D

في معبد الكوبالت ذو الجدران الزبرجدية المنقوشة بالياقوت السملقي
في المدينة الأسطورية
هلا ليك نبينا المبجل يعني مالقيت وصف للجدران احلى من هاد انا عني وعليي بما انو انا تفكيري دايما عاطل فانا فهمتا غلط يعني
انو وجب التنويه شريك:larg:

هلا ليك نبينا المبجل يعني مالقيت وصف للجدران احلى من هاد انا عني وعليي بما انو انا تفكيري دايما عاطل فانا فهمتا غلط يعني
انو وجب التنويه شريك

هوي شريك لازم الواحد يكون نيتو عاطلة احيانا و بالترتيلة تبعتك في مقطع مشفر :larg:(ذو النية الصافية و التفكير العاطل)

بس في لسا مفاجأت عن نينورتا لسا ما وضحناها:oops:

كمان في شغلات عن حوريات معبدك الأحدى عشريي الأبواب ما وضحت

:devil: :devil: :devil: :devil:

هوي شريك لازم الواحد يكون نيتو عاطلة احيانا و بالترتيلة تبعتك في مقطع مشفر :larg:(ذو النية الصافية و التفكير العاطل)

بس في لسا مفاجأت عن نينورتا لسا ما وضحناها:oops:

كمان في شغلات عن حوريات معبدك الأحدى عشريي الأبواب ما وضحت

:devil: :devil: :devil: :devil:
ايه الله يرضى عليك اهم شي الحوريات توصالنا بالموضوع زكات عينك:larg:
ايه على فكرة الي بدا تصير حورية بمعبدي ترا في مكان شاغر ابعتولي السيفيات ترا الرواتب مغرية عفكرة:devil:

اليك وحدك أسير ....

أبا العبد ....يامليكي

يامن تحوم من حوله التحاميل ....

خذني بيمينك أيها القوي ....

فكم من عشق يتسرب من حنايا كوعك المتلهلب ....

لـ أغدو حقنة تتراقص بين اصابع رمشك الكلواظي .....




الفصل الاول من الياذة " التحمولة السايخة "


كمّل كمّل أبو الدراكنيس ...حبيتا كتير :larg:

ايه على فكرة الي بدا تصير حورية بمعبدي ترا في مكان شاغر ابعتولي السيفيات ترا الرواتب مغرية عفكرة:devil:
بتقبل حوري مشعر منتهي الصلاحية !!:pos:



لكن يفيد بعلاج البواسير و ألام المفاصل ....:gem:

اهلين شباب اسطورتنا التانية حزينة جدا:tears:


اللي حساس كتير ... يبكي و يفش قهروا لأنو القصة بتبكي :tears:

:gem:بنشوف ادا قدرت تبكيني معناها فعلا قوية
يالله بلكي يخلص فصل الجفاف على ايدك
بس مابدي دميعة وحدة وبس

:cry: :cry: :cry:
هي بكينا سلف، هات لنشوف :larg:

اليوم نحن مع أسطورة جميلة و كئيبة نوعا ما مع أسطورة البنفسج و تعبيره الحزين

بنفسجة ايتها الوردة الكئيبة .....

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

إنك تقرأ لوح الكآبة

لوح قصة الحب التي أبكت الآلهة ...

القصة التي ذرف الحجر لها الدموع ...

بكت لها الجبال ، اهتزت لها الأم الأرض ....

جفت لها الينابيع ....

إنك تقرأ قصة نوّرا و حبيبها ميكيّل ...

كانت نوّرا حسناء من مدينة الشمس غوندور .....

من ضحكتها تنمو الزهور من بسمتها تغرد الطيور ...

المدينة كلها تفرح لرؤيتها و لامارتا آلهة النور باركت ولادتها ....

في يوم كانت نوّرا و صديقاتها تمرح في مروج غوندور الخضراء

تملأ السهول ضحكا على طول المدى و من نور وجهها الأبيض تضيء قطرات الندى

شعرها الأسود كالحرير يتمايل مع نسمات الهواء كجدول من ماء مسحور

لمحت نوّرا بعينيها اللامعتين الخضراوتين شابا بجمال بلورات الثلج

وجهه كالبدر في ليلة حلكاء

جسده رشيق كغزال في غابات القدَر

فٌتِنتْ العذراء بجمال ميكيّل

إقتربت مع صديقاتها لترى هذا الشاب عن كثب

انه يروي حصانه من بحيرة غوندر الشفافة كالكريستال السحري

لمح ميكيّل الفتيات و هن قادمات إليه

و لفت نظره وجه نوّرا المنير

لم يعرف ميكيّل إن كان ما يراه بشر أم آله

إنها بجمال حوريات معابد الآلهة في نينورتا التي تحاك حولها الأساطير و لكنه يراها أمامه

و كأي شاب وسيم تثاقل على الفتيات و أعرض عنهم

فهو فارس محارب و لا هم له في اللعب مع العذارى

انه الصياد القوي ابن باران الذي باركه المخدوم ذو الصلب العظيم

كانت الحسناوات تتردد كل يوم على سهول غوندور يلعبن و يركضن و يضحكن

و كان الفارس يأتي كل يوم يروي حصانه و يتفيأ تحت الأشجار متأملً البحيرة الأسطورية

و نوّرا الفاتنة ترمقه بنظرات الحب و الإعجاب

و هو يتابع مثاقلته و تهربه مع أن قلبه مكوي بنار الحب و الهيام

تحدثه احاديث الحب و الجمال و هو يضحك مدعيا عدم الأكتراث

و يحدثها عن الأبطال من الآلهة و يروي لها قصص يان و إيّبو و أبوّ .. الأبطال من الآلهة المخلدين

لم تيأس نوّرا من حبيبها المتثاقل فهي ترى الحب في بريق عينيه

و كانا يلتقيان كل يوم في السهل بالقرب من البحيرة الكريستالية

و يتحدثان و يتجادلان و نوّرا تتكلم عن الحب و ميكيّل يتكلم عن البطولة

في يوم من الأيام كان ميكيل ذاهباً في رحلة صيد

و أخبر نوّرا كم هو متشوق لهذه الرحلة و هو يغيظها مظهرا ان الرحلة أهم منها

وَدْعتْ نورا و صديقاتها ميكيّل و أصحابه و داعاً طيبا

و وعد الشبان الفتيات بصيدٍ وفير

صنعت نوّرا لميكيّل تاجا من الزهور و وضعته على رأسه

و واعدته على اللقاء في نفس المكان الذي كانا يلتقيان به

لم يعلم العاشقان بالفاجعة التي تنتظرهما

قرر ميكيّل أن يبوح لنوّرا بحبه فور عودتِه

و ودع حبيبته و في عينيها تلمع الدموع كحبات ماس منثور

قررت نوّرا ان تعد مفاجأة لميكيّل حين يعود

جاء اليوم المرتقب و الشبان سيصلون

نورا تخطط ليوم اللقاء

لبست فرو دب سميك و غطت وجهها المنير

و ذهبت الى المكان الموعود و أختبأت بين الأشجار

كانت تريد المزاح مع ميكيّل و اللهو معه فهي تعرف ولعه بالوحوش

و أرادت أن تريه بأنها خشنة كما يحب و يريد

عاد ميكيّل و قبل أن يتجه الى المدينة كان قلبه يلتوي بنيران الشوق لنوّرا

نال منه الحب ... فَتك بأعصابه الفراق .... دمره البعد

توجه فورا للمكان الموعود

لم يأبه للعودة الي البيت

لم يأبه لترك سلاح الصيد

لم يأبه للأصحاب

كل ما يريده لقاء المحبوبة

نعمته من الآلهة

لم يكن يعرف لما هو مٌقبلٌ عليه

اقترب ميكيّل من مكان اللقاء و لكنه لمح من بعيد وحش مختبئ بين الأشجار

لم يدري بأن هذا الوحش يخفي ورائه نوّرا الحبيبة

ظن انه سيخرب عليه اللقاء

و بشكل غريزي إستلَ الصياد قوسه و صوب إلى قلب الوحش و أطلق سهمه الملعون

أخترق السهم جسد نورا الرقيق بلمحِ البصر

كما يخترق الحقد بيت الأحلام الجميلة

كما يبث السم من انياب الأفاعي المجلجلة

اخترق السهم نورا المسكينة

ركض ميكيّل الى فريسته و عندما اقترب منها ضربته الصدمة كالبرق

لم يصدق عينيه

لم يستوعب ما فعل

نوّرا

صرخ بأعلى صوته

حمل ميكيّل جسد حبيبته المضجر بالدم

الدموع تنهمر من عينيه

نورا تلفظ أخر أنفاسها

ميكيّل يخاطبها ... نوّرا ماذا فعلتي ... لماذا يا نوّرا .... ماذا فعلت يداي

قالت نورا بصوت خافت يصارع الصمت الذي يسود

ميكيّل العزيز لم أرد الا أن تحبني أيها الغالي

ميكيّل العزيز أنت كل ما لدي في هذا العالم

ميكيّل و الدموع تنهمر على خديه


نوّرا العزيزة اني أحبك أنني لاأتخيل هذا العالم من دونك

أرجوك لا تذهبي

نوّرا تقول اني أسعد مخلوقة في هذه الأرض أنه يحبني لقد قالها لي

لا أريد شيئا أخر من الحياة و تبتسم بسمة منيرة كالشمس

ثم يسود صمت رهيب على المكان .....

نوّرا بسمة النور ماتت

قتلها حبها ...

لا أحد في الكون يستطيع وصف شعور ميكيّل

لقد قتل أهم ما في عالمه بيديه

ما أصعبها من لحظة ما أصعبه من موقف لقد قتل الفتاة التي يحب

يصرخ بصوت يائِس

نوّرا نوّرا و يكرر النداء و لكن ما من مجيب

بكى ميكيّل و بكى و ندِمَ ندمً لم يندمه أحد قط

يندب حظه و يلوم نفسه يقول في صوت باك حزين

آه يا نوّرا يا بسمة النور آه مني ما فعلت لك لقد أحببتك ضِعفَ ما أحببتني

أسف يا حبيبتي أسف يا نوّرا أسف

لقد ظلمتكِ يا عزيزتي

لقد قتلتكِ يا ملاكي

أطفأتُ النجمة التي أنارت حياتي بيدي

يالي من أحمق غبي

سامحيني يا نوّرا سامحيني

بكى ميكيل حتى صار الدمع دما

ثم قتل نفسه بطعنة خنجر مسنون

فعقله لم يعد يستحمل فكرة أنه قاتل من أحب

بكت الأشجار و الأنهار و الأرض لموت الشابين اللذان لم يبصر حبهما النور

وصل صوت النحيب إلى مدينة نينورتا مضجع الآلهة و مسكن المخدومين

فُجِعت لامارتا بموت نوّرا بسمة النور و وجه الضياء

لم يستطع أحد من الآلهة كبت دموعه حتى المخدوم نفسه لمعت عيناه

لكن لن يستطيعوا فعل شيء فما هو مكتوب في ألواح القدر مقرر و لا نقاش فيه.

المخدوم رفع نوّرا و ميكيل بين النجوم

قامت الآلهة بتخليد هاذين العاشقين بزهرة تبكيهما للأبد ...

من دم نوّرا .... و دم ميكيّل .... نبتت زهرة البنفسج الحزينة

البنفسجة الحزينة

التي فيها بسمة نوّرا ...

التي فيها عيون ميكيّل ...

من براعمها تكاد ترى عاشقين متعانقين ...

منذ ذلك الوقت قامت آلهة الحب بتغيير مفاهيم الحب تكريما لذكرى ميكيّل و نوّرا

فالشاب هو الذي يحب و الفتاة هي المتثاقلة دوما

مستحيل حدا قرأ هلقصه

وماانعصر قلبو وئشعر بدنو

واختنق ونزلو دموعو

:cry::cry::cry::cry:

هي مظبوط بتبكي وحزينة، بس أنا ما فيني ما قول أنو شو هالهبل تبعا هاد، بتعمل حالا دب لتفاجئو!!! دب!!! أنو واحد ماشي بالغابة وطلعلو دب شو متوقعة يعمل فيه؟؟؟

هي مظبوط بتبكي وحزينة، بس أنا ما فيني ما قول أنو شو هالهبل تبعا هاد، بتعمل حالا دب لتفاجئو!!! دب!!! أنو واحد ماشي بالغابة وطلعلو دب شو متوقعة يعمل فيه؟؟؟

ممم

ملاحظة حلوة يا ماروشكا

في شغلة لاحظتها بالتراتيل القديمة و هي وجود نوع من التناقض فيها بشكل بيفوت بالحيط

هالقصة فيها عامل بس أنا ما وضحتو وقت كنت عم أكتبها من شان ما أطولها أكتر من اللازم و حسيت انو نوع من الحشو و هو وجود آلهة شريرة بتوحيلها بهالفكرة الغبية


بالميثلوجيا البابلية في قصة حزينة عن حبيبين و شجر التوت و ليش لون ثمارو أحمر بدي أحطا بموضوع الأساطير قريبا

و بالخلاصة بيكون اللي بيخرب بين الحبيبين هوي ربة النميمة و الحسد

يعني في عالم عم تشتغل من وراء الكواليس

بعدين التناقض ميزة قوية بنصوص الميثلوجيا يا أنو لسوء ترجمة ياأنو لأختلاف في عمر الحضارات

يعني مثلا الآله أنكي رب الذكاء عن السومريين و رب الماء العذب و بيقلولو الحكيم:shock:

أغتصب بنتو و بنت بنتو منو و بنت بنت بنتو منو كمان:shock:

فشو رأيك ؟

هي مظبوط بتبكي وحزينة، بس أنا ما فيني ما قول أنو شو هالهبل تبعا هاد، بتعمل حالا دب لتفاجئو!!! دب!!! أنو واحد ماشي بالغابة وطلعلو دب شو متوقعة يعمل فيه؟؟؟

انو بتفكري ماروشكا بطريقه عقلانيه مو عاطفيه يمكن
ولهيك بتختلف ردات الفعل
انا شفتا انو هيي بتعرف اديش حبيبها بيحب الوحوش والصيد
وهي فكرت من هاد المنطلق يعني كان بدها ينبسط منها وتسعدو
ومافكرت شو رح يصير بعد هيك
هوي ازا فكرنا فيها بطريقه عقلانيه بيطلع فيها شي من الهبل والجنون اي

:D

انو بتفكري ماروشكا بطريقه عقلانيه مو عاطفيه يمكن
ولهيك بتختلف ردات الفعل
انا شفتا انو هيي بتعرف اديش حبيبها بيحب الوحوش والصيد
وهي فكرت من هاد المنطلق يعني كان بدها ينبسط منها وتسعدو
ومافكرت شو رح يصير بعد هيك
هوي ازا فكرنا فيها بطريقه عقلانيه بيطلع فيها شي من الهبل والجنون اي

:D

حلو يا راما التفكير العاطفي بيغير نظرتنا لكل المفاهيم
اذا الواحد بيقرى هالقصة بعواطفو غير اذا قراها بعقلوا
اعتمدت عا إثارة العواطف بشكل كبير بكتابة هالترتيلة اللي صارت قصة اكتر مانها ترتيلة

.:D

دارك نيس :cry::cry::cry:
كانو اسطورتي بتبكي الحجر
:cry::cry:

دارك نيس :cry::cry::cry:
كانو اسطورتي بتبكي الحجر
:cry::cry:

شايفة القوة

.:larg:

شايفة القوة

.:larg:


شايفة :cry:

لكان مش قليله عليك الالقاب ::o
لورد و دارك !و هلأ ميزوس(اسمك الالهي الاسطوري التاريخي ال.. الخ):p!

دارك نيس :cry::cry::cry:
كانو اسطورتي بتبكي الحجر
:cry::cry:
ما نفعت معي
يظهر اني صرت اقسى من الحجر:jakoush:

داماك يا اجمل المدن




داماك يا اجملَ مدنِ البسيطة

يا ذات الاسم المقدس يا غاليةً على القلوب

جمال جبالكِ يشخصُ الأبصار

يا مدينةً تنحني لها مدنُ الأرضِ سمعاً و طاعة

المدينة المبجلة في الأرض

المدينة المقدسة في السماء

يا مدينةً خطفت عين الآلهة

يا مدينةً سحرت قلوب العاشقين

يا ارض المخدوم المباركة

بين جدران بنيانك الساحر ولد الحب

و داخل اسوارك المنيعة ترعرع الإخاء

ضيائُكِ من نورِ وجه لاماراتا

ظلامك سحرٌ لا يقاوم

طعامكِ مباركٌ ليس له مثيل

آلهةُ المدنِ انتِ

وحدك تقررين مصير من يزورك

من يطأ أرضك مرة لا بد له ان يعود

و يشرب من ماء ينابيعك الدافقة

و يتفيأ أشجار جنات غوطتك الخصيبة

لأجلك تنزل الأمطار

لأجلك تثمر الأشجار

لأجلك تبرق النجوم

لأجلك تشرق الشمس

اي داماك يا اجمل المدن يا صورة نينورتا على الأرض ...


 

الله الله على هالمخطوط
حلوة دارك كتير حلوة
داماك عشقي الابدي

انو صرلنا زمان عم ننطر بقية الاساطير :oops:
داماك هيي دمشق :sosweet:

مو؟؟

روووعه :D

انا فتت بالحيط

هلا ننوريتا في الفضاء الخارجي؟

انا فتت بالحيط

هلا ننوريتا في الفضاء الخارجي؟


ممم

نينورتا موجودة بي بعد اثيري منزه عن الأبعاد البشرية الدنيوية عالم خاص ساحر عجيب مو محصور بقوانين العوالم الدنيوية
ما بيتقيّد بقوانين الفيزياء الكلاسيكية او النسبية

عالم نينورتا الأسطوري

في قلب النعيم

في بعدٍ اثيري منزّهٍ عن العوالم الدُنيا تُطِل

مدينةٌ شامِخة

أسطورية الجمال

لا توصفُ معالِمها و لو شردنا في أقصى ارض من اراضي الخيال

نينورتا الكبيرة ذاتُ الجبالِ الياقوتية

الأبوابِ البلاتينية أبوابها

النوافذِ الفضية نوافِذُها

الدروع البرونزية فيها

جدرانها كأنها السَّبَج الساحر

قلاعها لِبانُها من الزُبرجُدِ العجيب ذو اللون القاتم المهيب

قِببها من الزمردِ و السفير

أثاثها مُطعَمٌ بالكهرمان

أنهارها تجري بسواقٍ فيروزية

حورياتها الفاتِنات تتزينن بالياقوت

يمرحن في المروج الخصيبة

تيجانهم من ماس حليهم من زمردٍ مجونْ

النهر العظيم فيها

الجبل الكبير فيها

بساتين ألهة الخصب فيها

المخدوم يتفيأ أشجارها

يحميها أبّو فَارِس السيدراتِ المغوار

اي نينورتا يا مدينة المخدومين

يا دار الآلهة و الحُكماء المنزّهين

لم يصل لعزِك سواكِ أيتها المدينة القديمة

نينورتا المباركة

مخْدعِ المخدوم

و أرض العُظماء

بورِكت يا أعظَم أجْرَامِ الأثير




:D

روعه !!:D

ايه اوه ..
ويحك ..
فلتكمل حلّت عليك بركات الارباب رب ينطح رب ..