بالفترة الاخيرة تم تداول عدة مواضيع لها علاقة بالدعارة والعلاقات غير المشروعة ..
ولفت نظري دراسة كان قد أعدها المحامي علاء السيد عن بيوت الدعارة المرخصة بحلب والتي كان مسموحا بوجودها قبل العام 1062
عمدت الى تلخيص الدراسة.. وذكر اهم ما فيها..

في عام 1901 م قرر والي حلب العثماني رائف باشا افتتاح دار دعارة
مرخصة في حلب ، أسوة بباقي مدن السلطنة العثمانية ،كما ذكر الطباخ في كتابه إعلام النبلاء بتاريخ حلب الشهباء ، و كان الهدف منها حصر و تنظيم عمل المومسات في هذا المجال منعا من تواجدهن في مختلف الأحياء و فرض رقابة صحية عليهن ، و انقسم الناس حينها بين مؤيد لفكرة حصر الدعارة في أماكن محدودة ، و معارض بشدة للترخيص الرسمي لها
و تقرر إقامة بيوت الدعارة المرخصة في حلب - التي أطلق عليها اسم المحل العمومي - في حي بحسيتا ،التابع لحارة القلة ، قرب ساعة باب الفرج الحالية .

كان المحل العمومي الذي تم ترخيصه للدعارة ، مؤلف من مدخل ضيق يحمل رقم 142 في لوحة معلقة على جداره ، و لذلك اشتهر هذا الرقم كرمز للمنزول .

و تنفذ من المدخل الى زقاق ضيق ، على طرفيه مجموعة من الدور العربية، لكل دار حوش و عدة غرف موزعة في أطرافه ، لبعضها غرف علوية ( مربع ) .

و في نهاية الزقاق منفذ آخر له باب مغلق لا يفتح إلا في أحوال خاصة كاستقبال الجنود الفرنسيين و المليس ( و هي كلمة مشتقة من ميليشيا ) او لدخول الأطباء و موظفي الصحة .

قرب المحل العمومي كانت توجد حمام عامة تحمل اسم حمام الهنا ، و قد خصصت أوقات محددة فيها لفتيات الكرخانة ، و قد هدمت الآن .
يتبع.............
و قرب المنزول مشفى خصصته الدولة لفحص الفتيات و لمعالجة الأمراض التناسلية .

في الأربعاء من كل أسبوع ، تخرج الفتيات من الباب الخلفي للزقاق المخصص لهذا الأمر ، ليقمن بزيارة الطبابة الشرعية - التي كانت قريبة من المنزول - لإجراء الفحص الدوري ، و في حال تبين إصابة أي منهن بمرض ما ، تعزل و تحجر حتى تتماثل للشفاء في المستوصف القريب من المنزول . و توجد فيه غرف تشبه الزنزانات ، كما تحجر الفتيات فيه طوال فترتهن النسائية الشهرية ، لمنعهن من العمل خلالها .

كانت الفتيات تلجأن لكيّ الرحم منعا من حصول الحمل ، و الى الإجهاض في حال تم حدوثه ، فقد كانت تربية الأطفال ممنوعة داخل المحل العمومي .

شو هالخبرية هاي؟؟؟معقول هالحكي؟

شو هالخبرية هاي؟؟؟معقول هالحكي؟
كمان بدمشق كان في بيوت دعارة مرخصة..
كانو يسموه المحل العمومي..
بمنطقة ساحة الجمارك تماما بنفس محل كلية الهندسة المدنية حاليا
وبالمنطقة المقابلة الها كمان..
على كل حال اسأل أهلك.. بيخبروك.. انا مو أول مرة بسمع بالقصة..

قريت المقالة وأنا عم ببتسم.. ومبسوط من التنظيم.. والترتيب.. مشفى وحمام.. ورقابة صحية دورية..

كتير حلو..

لحد ما قريت هاي..

كانت الفتيات تلجأن لكيّ الرحم منعا من حصول الحمل


قشعر بدني

:? حسبنا الله ونعم الوكيل ...
يسلمو على هالمعلومات !!!!!
ما شاء الله تنظيم ... ولا بالاحلام ...

أمام مدخل المنزول مباشرة يوجد مسرح ضخم لتقديم العروض الفنية ، مؤلف من ثلاث طوابق ، على واجهته الحجرية كتابة قديمة هي ( قهوة السلام ) ، و قد اشتهر آخر أيام عمل المنزول باسم ( مسرح غازي )، و كانت الفتيات اللواتي يملكن مواهب فنية يقدمن عروضا فيه، و يسمين حينها الخوجات و مفردها خوجة ، و لا يشترط بالخوجة ان تمتهن الدعارة .

في المنزول تقيم عشرات الفتيات البالغات من مختلف الأعمار و الجنسيات، و كلهن غريبات من خارج المدينة ، فلا تضع السلطة فتاة من ذات المدينة في منزول المدينة ، لأنها تتعرض للقتل فورا من قبل أفراد عائلتها .

السبب الأكبر الذي كان يدفع الفتيات للدعارة ، و من ثم الإقامة الجبرية في المحل العمومي بعد القبض عليهن ، هو الفقر و الظروف الاجتماعية و الأسرية السيئة ، و أغلب المومسات لسن جميلات .

كان للعساكر يوم خاص هو الخميس مساءاً ، من الساعة السابعة حتى التاسعة مساءاً ، و تم تغييره لاحقاً الى يوم الجمعة ، و لهم تخفيض خاص في السعر يصل حتى النصف ، و يأتون برفقة عريف و يصطفون بالدور برتل عسكري ، قد يصل الدور الى العشرات ، و تستبدل يومها مفرزة الشرطة التي تحرس مدخل المنزول بعناصر من الشرطة العسكرية.

في الأربعينات كانت هناك ثلاث تسعيرات متعارف عليها ، و هي ليرتين ، و ثلاث ليرات ، و خمس ليرات ، تبعا لعمر الفتاة و مستوى جمالها ، و قد زادت هذه التسعيرة لتصل الى إحدى عشر ليرة في أواخر أيام المحل العمومي .

يمضي الشاب مع الفتاة فترة قصيرة لقاء هذا المبلغ لا تزيد عن ربع ساعة ، في حال رغب بتمديدها لمدة ساعة كان عليه ان يطلب فنجان قهوة و يدفع ثمنا له ليرة كاملة، أما إذا رغب بتمضية ليلة كاملة فيدفع تسعيرة مرتفعة و يسمى هذا الأمر الأنكاجيه ( و هي كلمة من اصل لاتيني يستعملها الفرنسيون و الإنكليز و تفيد التعليق و الانشغال ) .
يتبع...

أحيانا تقع الفتاة في هوى رجل فتستقبله مجاناً ، و غالباً بعد منتصف الليل ، و ينبغي على الفتاة التعويض على القوادة من مالها الخاص .

الرجل الذي تقع الفتاة في هواه و يقع في هواها ، تقيم له حفلا يسمى البالو ( و يبدو أن الاسم مشتق من كلمة ball التي تستعمل في الانكليزية و تعني حفلة راقصة مختلطة ) ، تدعو إليه صديقاتها من المومسات و يدعو هو بعض أصدقائه - إذا شاء - و تصبح محرمة على أصدقائه كما يصبح هو محرما على صديقاتها .

و يتحول الى متردد دائم عليها و يقوم بحمايتها و مبادلتها الهوى ، و تقوم هي بالإنفاق عليه إذا شاء ، و أطلق الحلبيون على هذا الرجل لقب السيفونجي ، و قد كان محتقراً جدا في المجتمع، و لقبه مشتق من الكلمة الفرنسية ( سيفون ) و التي يطلقها الحلبيون على مجرى تصريف المياه الوسخة .

و قد يتورط أحد شباب العائلات المعروفة بقصة حب مع فتاة من المحل العمومي فيطرده أهله و يمنعوا عته المال ، فيتحول الى سيفونجي .

يتبع....................

حسبنا الله ونعم الوكيل على هالشغلة
انا سمعت عنو هادا المنزول بس انا عم اتعرف عليه بشكل افضل:shock:
شكرا على المعلومات :o

كمان بدمشق كان في بيوت دعارة مرخصة..
كانو يسموه المحل العمومي..
بمنطقة ساحة الجمارك تماما بنفس محل كلية الهندسة المدنية حاليا
وبالمنطقة المقابلة الها كمان..
على كل حال اسأل أهلك.. بيخبروك.. انا مو أول مرة بسمع بالقصة..


صحيح الكلام كان جدى يتكلم عن نفس المكان و على كتف المعرض ووالد صديقى أكد هذا الكلام إيه بس هالحكى كان أيام العزه و الشهامه لأنو منطقه الجمارك كانت تعتبر خارج حدود المدينه أما اليوم فهى لب البلد و ما زالت مكن للتجمعات العلميه

لهيك ماكان في ايدز

دعارة مرخصة ومنظمة كانت مهنة يعيشوا منها كمان لذلك كانت مراقبة صحياً
وأماكن محددة بيتواجدوا فيها مو متل هلق الدني مخلطة وكترت الأمراض
والأعوذ بالله

في عام 1958 ، أيام الوحدة بين مصر وسورية ، أصدر الرئيس الراحل جمال عبد الناصر القانون رقم 10 للقطرين السوري و المصري ، قضى هذا القانون بإلغاء البغاء وإغلاق كل دور الدعارة .

و عاقب القانون في حينه كل مدير للمحل العمومي يستمر بالعمل ، بالحبس لمدة تصل حتى أربع سنوات ، و قد نص القانون أن على وزير الشؤون الاجتماعية والعمل إيداع البغايا المرخص لهن من تاريخ العمل بهذا القانون بمؤسسة خاصة ، وللمدة التي يراها مناسبة لتأهيلهن لحياة كريمة وتدريبهن على الكسب الشريف .

من غرائب القانون المذكور ، الذي ألغى ترخيص بيوت الدعارة -علما انه القانون الساري حتى يومنا هذا - ان الرجل لا يعاقب بأي عقوبة في حال ضبط مع فتاة دفع لممارسة الدعارة معها ، بل تعاقب الفتاة فقط .

أما عقوبة من يسهل الدعارة و هي القوادة أو القواد الحبس حتى ثلاث سنوات ، ويحكم بإغلاق المحل ومصادرة الأمتعة والأثاث الموجود به ، و في حال قام هؤلاء بإكراه و إجبار الفتاة على الدعارة او استقدموا المومسات من خارج القطر ، يكون الحبس حتى خمس سنوات .

أخيراً … بعد أربعة و سبعين عاما ، قررت بلدية حلب هدم منطقة المحل العمومي ، في إطار مشروع تحسين منطقة باب الفرج.

و فعلا هُدم المنزول ، و ما زال مكانه خراباً حتى هذا التاريخ ، و تفرقت المومسات إلى أماكن مختلفة في المدينة ، منهن من تابت ، و منهن من استمرت في ممارسة الدعارة السرية .

و انتقلت بعضُ منهن الى مدن بعيدة لتجنب الاقتراب من أهلهن ، مثل مدينة دير الزور ، و مدينة القامشلي التي سمي المحل العمومي فيها باسم (البيت الأبيض) .

أخيرا …و في نهاية هذه الدراسة أقول : سمعت تعليقا طريفا كرره الكثيرون أمامي عند جمعي لمعلومات هذه الدراسة ، و لا أدري فيما إذا كانوا محقين به : ( من زمان كان الوضع أفضل ..فقد كانت الدعارة محصورة في المحل العمومي في حي بحسيتا ، أما الآن فقد صارت قرب بيوتنا ، في العديد من الأحياء ، و في المنازل الخاصة و المزارع المقامة في الضواحي).

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
هي رابط الموضوع كاملا.. وبحب وضح انو انا لخصت الموضوع لسهولة القراءة لأنو لقيتو كبير كتير..

لهيك ماكان في ايدز

دعارة مرخصة ومنظمة كانت مهنة يعيشوا منها كمان لذلك كانت مراقبة صحياً
وأماكن محددة بيتواجدوا فيها مو متل هلق الدني مخلطة وكترت الأمراض
والأعوذ بالله
ما كان في ايدز لانو الايدز لسا ما كان معروف.. بس كان في أمراض جنسية متل السفلس "الزهري" وغيرو..
والحقيقة انو انا ما بعرف اذا بوافقك أنو على الاقل بوقتها كانت الدعارة بمكنا محدد أما حاليا فدمشق كلها بيت دعارة كبير..

هلا.. انا بشكل عام ضد الدعارة.. بعتبرها غير انسانية .. و انو ما في وحدة بتشتغل هالشغلة بكامل رضاها.. يعني ضد كتير ما بحبها

ولكن .. كونها موجودة و موجودة.. ما منقدر نلغيها .. لانو بكتير احيان ما بيكون في خيار احسن للبنت انو تختارو
مع و مع جدا.. للعضم يعني .. انو يكون في تنظيم و ترتيب للموضوع


قال يا سيدي في ناس بتمشي لقدام... و ناس بترجع لورا !

عجبتني شغلة التنظيم .... هلا سؤال مين منكم مع بيوت الدعارة ومين ضداا ..؟

تنظيم الدعارة ومراقبتها صحيا .. افضل بمليون مرة من العشوائية وغياب المتابعة الصحية الها
بالتاكيد موضوع تسليع المراة بكل اشكالو ... من الدعارة وحتى الاعلان موضوع مرفوض بالنسبة الي اخلاقيا وانسانيا
بس هي فعلا اقدم مهنه بالتاريخ ... وما زالت رغم كل القيود يلي عليها من قبل كتار دول
وللاسف كل ما انغلق المجتمع على نفسو كل ما زادت ..( هالمعادلة صعبة الفهم .. كل ما ازداد التدين زادت نسبة العلاقات اغير المشروعة .. مو بس عنا بالدول العربية .. وانما كمان بدول تانية )
يعني خلص يسلمو بهيك امر ... يتابع قانونيا .. ويحدو من التوزيع العشوائي لهيك اماكن .. يلي بدو علاقة جنسية ع الماشي بيصير بيعرف وين وقديش بتكلف .. لانو كمان حسب ما فهمت الشغلة الها مستويات
الموضوع بحد ذاتو فيي قول مقرف بالنسبة الي
بس المقرف اكتر منو تجاهل هالشي والاستمرار انو اعوذ بالله عنا ما بيصير هالشي بالمرة وانو هيك دعوات من شان تفشي الفجور
ما هوي متفشي وخالص .. خلونا نحطلو حدود واضحة .. بدل الحكي

ما في ولا حد ولا حل الا حل واحد ومعرفو بس احنا عم نحاول نشوف بديل الو وهو
انو نرجع لدين رب العزة ...

وربنا يمهل ولا يهمل .. وربنا سبحانو ربط الزنا بمرض الايدز ولاحظو زمان لم كان يصير في عمليات زنا ما كان يصير معهم امراض كان يطبق عليهم احكام الاسلام وهي الجلد والرجم وال.. وكانت الامراض شبه منقرضة بالنسبة لوقتنا الحالي بس بوقتنا الحالي الزنا بيحصل وشي طبيعي ويومي في ميات الحالات او الاف الحالات يلي بتصير ما الها رادع وما الها عقاب فبتوقع انو رحمه من ربنا لهلا ما لقيو علاج للايدز ...

وبتوقع لو يلاقو علاج للايدز رح يصير بدل ما يزني 10 باليوم رح يصيرو 1000 والله يتلطف فينا يا رب ...

تنظيم الدعارة ومراقبتها صحيا .. افضل بمليون مرة من العشوائية وغياب المتابعة الصحية الها
بالتاكيد موضوع تسليع المراة بكل اشكالو ... من الدعارة وحتى الاعلان موضوع مرفوض بالنسبة الي اخلاقيا وانسانيا
بس هي فعلا اقدم مهنه بالتاريخ ... وما زالت رغم كل القيود يلي عليها من قبل كتار دول
وللاسف كل ما انغلق المجتمع على نفسو كل ما زادت ..( هالمعادلة صعبة الفهم .. كل ما ازداد التدين زادت نسبة العلاقات اغير المشروعة .. مو بس عنا بالدول العربية .. وانما كمان بدول تانية )
يعني خلص يسلمو بهيك امر ... يتابع قانونيا .. ويحدو من التوزيع العشوائي لهيك اماكن .. يلي بدو علاقة جنسية ع الماشي بيصير بيعرف وين وقديش بتكلف .. لانو كمان حسب ما فهمت الشغلة الها مستويات
الموضوع بحد ذاتو فيي قول مقرف بالنسبة الي
بس المقرف اكتر منو تجاهل هالشي والاستمرار انو اعوذ بالله عنا ما بيصير هالشي بالمرة وانو هيك دعوات من شان تفشي الفجور
ما هوي متفشي وخالص .. خلونا نحطلو حدود واضحة .. بدل الحكي
نحنا دايما منخبي راسنا ببالتراب.. ومنقول ما في خطر..
انا مع تشريع الدعارة .. رغم انو بشارك سونا بالرأي حول تسليع المرأة.. وبشارك ريتيكا انو ما في امرأة بتمارس الدعارة وهيي مبسوطة..
بس متل كلشي بيلتقالها حل شرعي مشان يرتاحو الناس..
وعلى الاقل بتنحصر الدعارة بمكان محدد ومعروف.. وما بتضل بيوت الدعارة حوالينا وين ما رحنا بالشام وبغيرا من المدن السورية

تشريع الدعارة هو اعتراف بمشكلة موجودة بكل المجتمعات، وطريقة لوضع هالمشكلة بنصابها القانوني الصحيح وحصر أضرارا، وبالتالي بتكون معالجتها أسهل وأشمل. عدم تشريع الدعارة ما رح يلغيها، وإنما بيخلي التعامل مع المشكلة أصعب.

تشريع الدعارة هو اعتراف بمشكلة موجودة بكل المجتمعات، وطريقة لوضع هالمشكلة بنصابها القانوني الصحيح وحصر أضرارا، وبالتالي بتكون معالجتها أسهل وأشمل. عدم تشريع الدعارة ما رح يلغيها، وإنما بيخلي التعامل مع المشكلة أصعب.


و أنا كمان مع هالرأي

:D:D:D

انو اي منيحة


تنفيسة للشعب الفقير

انو اي منيحة


تنفيسة للشعب الفقير

بتعرف كلامك في منو بحيث انا بعرف قصة عن محاسب اردني او سوري ما بعرف هيك بليلة قعد مع نفسو حسب تكاليف العرس وتكاليف السكن والاكل واللزي منو في 50 سنة او ما بعرف بالزبط وحسب كم ليلة بيكون قادر يكون بجانب زوجته فطلع الليلة يلي بيجاور فيها زوجته بتكون تكلفتو على سبيل المثال 40 وبيت الدعارة طلع عليه ب20

يمكن كلامي مو بمحلو بس رح احكيلكم ازا صار في تشريع للدعارة وصار في اماكن خاصة للدعارة رح يصفي في مشكلة اكبر ورح تفتح عيون الشباب ورح تزيد الطين بلة ... :D والمشكلة الاكبر متل ما قلتو انو هي مشكلة بس حلها مو بتشريع الدعارة ..

طيب خلينا نفرض جدلاً أن الحل يجب ترخيص الدعارة و تنظيمها .

طيب هل أنتهت المشكلة على حسب التوقعات بلنسبة الى الذكور

أنتهت المشكلة .

أذاً أين الحل بلنسبة للأناث ؟

هل يجب أن تكون هناك بيوت للدعار للأناث لكي يفرغنا شهواتهن أم أن الأناث ليسو بأصحاب هذه الغريزة

طيب كمان أقمنا بيوت للأناث

ماذا عن المثليين أيضاً هم أصحاب غريزة و يجب أن تفرغ

و ماذا عن السحاقيات أيضاً هم على الائحة

و خلينا نحكي بلمشرمحي

و ماذا عن حبابين الأولاد

أخواني هكذا هو المنزلق الى أي هاوية نحن منزلقين ؟؟؟؟؟؟

هلأ القصة كالتالي انو هي ظريفة .. ومنظمة وظريفة الفكرة ..
واهم الشي بتخفف هالامراض والعلل وخلافو وبتخلي هالشخص اللي بدو هيك متعة يفرغ شهوتو بامان وبالتالي يامن ع غيرو من الابرياء اللي ممكن تنتقلن هالامراض عن طريقو وهييييييك رح يكون الافوائد كبيرة قصة هالتنظيم هي ع الافراد وع الجماعات وهالشي اكيد رح يصير .. بغض النظر انو اكيد الناس مارح تتقبل هالفكرة ورح تلاقيا شي غريب ومابستغرب انو يصير مظاهرات ضدا .. وخلافو هادا ماعدا نظرة الناس بالدول التانية للدولة اللي رح يصير فيا هالشي .. بالعموم ماعلينا

بس مثلا هلأ بصرراحة .. انو لو بصير هيك في ناس بتلغي فكرة الزواج من بالا بتاتا بتاتا .. وبعملوا اللي بدن يعملو بهالبيت مثلا
طبعا هادا الحكي غلط لانو اكيد ما اختلفنا انو الزواج مو بس للجنس وهادا الحكي مافي اي حدا عاقل بيختلف عليه الزواج كزا شغلة غير الجنس وكلياتن مامنختلف عليهن ومنعرفن ومابدنا نعددن
بس كمان بالمقابل في ناس مابتحب شيل مسؤولية حدا وبمعلومكن الزواج مسؤولية وتفاهم وعيلة بدك تشيل مسوؤليتا من كل النواحي المعيشية والادبية والتربوية وخلافو .. و مثلا في ناس من النوع اللي مالو كتير متشوق ليتحمل هيك مسؤولة بوضع حتى لو كان هو مقتدر فيه او مالو مقتدر ماديا او معنويا فمثلا بالحالتين في كتير ناس مابتحب تشيل مسؤولية وتحس حالا مسؤولة عن شي .. وازا شلنا هالشغلات صفا عنا الاستفادة الوحيدة من قصة الزواج هي قصة الجنس فازا الجنس موفرلن فليش هالجواز من اصلو وازا مابدو يتحمل اعباء الزواج التانية
وبالتالي رح تلاقي حالات كتير وكبيرة جدا من هالنوع .. وهادا رح يولد نسبة عنوسة كبيرة واناث بدا تفرغ شهوتا كمان ومارح تلاقي متل ماقال حلبي .. وبالتالي رح تخلق عنا مشكلة تانية

وهكزا

ما في ولا حد ولا حل الا حل واحد ومعرفو بس احنا عم نحاول نشوف بديل الو وهو
انو نرجع لدين رب العزة ...

وربنا يمهل ولا يهمل .. وربنا سبحانو ربط الزنا بمرض الايدز ولاحظو زمان لم كان يصير في عمليات زنا ما كان يصير معهم امراض كان يطبق عليهم احكام الاسلام وهي الجلد والرجم وال.. وكانت الامراض شبه منقرضة بالنسبة لوقتنا الحالي بس بوقتنا الحالي الزنا بيحصل وشي طبيعي ويومي في ميات الحالات او الاف الحالات يلي بتصير ما الها رادع وما الها عقاب فبتوقع انو رحمه من ربنا لهلا ما لقيو علاج للايدز ...

وبتوقع لو يلاقو علاج للايدز رح يصير بدل ما يزني 10 باليوم رح يصيرو 1000 والله يتلطف فينا يا رب ...هلا في كم شغلة بدي قولها
1- وقت تحكي مع عالم ما بتعرف كيف بيفكرو .. احسن شي انك تبعد توجهاتك الدينية من الحوار
لانو اللي انا بآمن فيه .. مش بالضرورة يكون نفسو اللي انت بتامن فيه يعني وقت تيجي تناقش حدا و تحاول تقنعو بافكارك .. لازم تيجيه بطريقة يفهمها .. لحتى انتو الجوز تطلعو بنتيجة اخر النقاش ... فـ بتمنى انك تحط شرع الله ع جنب وقت تحاور.. ع القليلة بهاد المكان (اخوية يعني) كونو بيحمل توجهات كتير:D
2- بخصوص الايدز .. لو كان هالحكي مزبوط كان ما شفت حدا "بيزني" هالايام + طمن بالك .. ما حدا بيقدر "يزني" 100 مرة باليوم :lol: + وقت يكون في تنظيم و كشف و فحوصات طبية .. هالشي رح يحد كتير من هالامراض



أخواني هكذا هو المنزلق الى أي هاوية نحن منزلقين ؟؟؟؟؟؟

اغلبنا - عم قول اغلبنا لاني ما بعرف ع الاكيد ازا كلنا اتفقنا او لا - تشارك بنقطة انو الدعارة مرفوضة
ولكن كمان اتفقنا ع انو هي واقع ما فيك تغيرو..
ما قلنا انو حلينا المشكلة ولكن انظر للموضوع من منظور .. شي ما فيني غيرو ولكن فيني حسنو .. او ع القليلة اعمل ع الحد من مشاكلو (الامراض متلا).. انا بشوفها فكرة كتير ظريفة ... شي بيبعدنا عن الهاوية اللي انت خايف منها :D


بس مثلا هلأ بصرراحة .. انو لو بصير هيك في ناس بتلغي فكرة الزواج من بالا بتاتا بتاتا .. وبعملوا اللي بدن يعملو بهالبيت مثلا
طبعا هادا الحكي غلط لانو اكيد ما اختلفنا انو الزواج مو بس للجنس وهادا الحكي مافي اي حدا عاقل بيختلف عليه الزواج كزا شغلة غير الجنس وكلياتن مامنختلف عليهن ومنعرفن ومابدنا نعددن
بس كمان بالمقابل في ناس مابتحب شيل مسؤولية حدا وبمعلومكن الزواج مسؤولية وتفاهم وعيلة بدك تشيل مسوؤليتا من كل النواحي المعيشية والادبية والتربوية وخلافو .. و مثلا في ناس من النوع اللي مالو كتير متشوق ليتحمل هيك مسؤولة بوضع حتى لو كان هو مقتدر فيه او مالو مقتدر ماديا او معنويا فمثلا بالحالتين في كتير ناس مابتحب تشيل مسؤولية وتحس حالا مسؤولة عن شي .. وازا شلنا هالشغلات صفا عنا الاستفادة الوحيدة من قصة الزواج هي قصة الجنس فازا الجنس موفرلن فليش هالجواز من اصلو وازا مابدو يتحمل اعباء الزواج التانية
وبالتالي رح تلاقي حالات كتير وكبيرة جدا من هالنوع .. وهادا رح يولد نسبة عنوسة كبيرة واناث بدا تفرغ شهوتا كمان ومارح تلاقي متل ماقال حلبي .. وبالتالي رح تخلق عنا مشكلة تانية

وهكزا
لا ولو.. ما بتخيل انو هالبيوت رح تكون سبب بالعنوسة .. لانو هالشي واقع هلا
يعني مش صرعة جديدة اخترعناها و هي ما كانت من قبل.. ولكنها شي موجود, بس تنظم
فـ انو .. ما بعرف ان كنت بتفق معك بهالنقطة :D

هلأ القصة كالتالي انو هي ظريفة .. ومنظمة وظريفة الفكرة ..
واهم الشي بتخفف هالامراض والعلل وخلافو وبتخلي هالشخص اللي بدو هيك متعة يفرغ شهوتو بامان وبالتالي يامن ع غيرو من الابرياء اللي ممكن تنتقلن هالامراض عن طريقو وهييييييك رح يكون الافوائد كبيرة قصة هالتنظيم هي ع الافراد وع الجماعات وهالشي اكيد رح يصير .. بغض النظر انو اكيد الناس مارح تتقبل هالفكرة ورح تلاقيا شي غريب ومابستغرب انو يصير مظاهرات ضدا .. وخلافو هادا ماعدا نظرة الناس بالدول التانية للدولة اللي رح يصير فيا هالشي .. بالعموم ماعلينا

بس مثلا هلأ بصرراحة .. انو لو بصير هيك في ناس بتلغي فكرة الزواج من بالا بتاتا بتاتا .. وبعملوا اللي بدن يعملو بهالبيت مثلا
طبعا هادا الحكي غلط لانو اكيد ما اختلفنا انو الزواج مو بس للجنس وهادا الحكي مافي اي حدا عاقل بيختلف عليه الزواج كزا شغلة غير الجنس وكلياتن مامنختلف عليهن ومنعرفن ومابدنا نعددن
بس كمان بالمقابل في ناس مابتحب شيل مسؤولية حدا وبمعلومكن الزواج مسؤولية وتفاهم وعيلة بدك تشيل مسوؤليتا من كل النواحي المعيشية والادبية والتربوية وخلافو .. و مثلا في ناس من النوع اللي مالو كتير متشوق ليتحمل هيك مسؤولة بوضع حتى لو كان هو مقتدر فيه او مالو مقتدر ماديا او معنويا فمثلا بالحالتين في كتير ناس مابتحب تشيل مسؤولية وتحس حالا مسؤولة عن شي .. وازا شلنا هالشغلات صفا عنا الاستفادة الوحيدة من قصة الزواج هي قصة الجنس فازا الجنس موفرلن فليش هالجواز من اصلو وازا مابدو يتحمل اعباء الزواج التانية
وبالتالي رح تلاقي حالات كتير وكبيرة جدا من هالنوع .. وهادا رح يولد نسبة عنوسة كبيرة واناث بدا تفرغ شهوتا كمان ومارح تلاقي متل ماقال حلبي .. وبالتالي رح تخلق عنا مشكلة تانية

وهكزا
أنو يصير مظاهرات ما رح يصير لأنو اذا كان بأوائل القرن الماضي الناس اتقبلو حل مشكلة الدعارة على شكل تشريع فهلأ أكيد رح يتقبلوها.. بس بدون فتوى.. وبحكم انو الفتاوى ما في أسهل من تطليعها فأنا بضمنلك موضوع الفتوى الدينية .. المسألة متلها متل زواج فريند وزواج المسيار وغيرو ..بل وبيتميز عنو انو تنائجو أفضل..

مشان الشق التاني من ردك.. الدعارة هلأ موجودة بسوريا ويمكن أكتر من أي بلد بالعالم وتنظيم الدعارة ما رح يزيد الطين بلة أكتر من هلأ.. على الأقل فيك تضمن عدم الاتجار بالفتيات وبالأطفال بأسواق الجنس المغلقة والمليانة فساد مشترك بين المجرمين والمسؤولين..

ما في ولا حد ولا حل الا حل واحد ومعرفو بس احنا عم نحاول نشوف بديل الو وهو
انو نرجع لدين رب العزة ...

وربنا يمهل ولا يهمل .. وربنا سبحانو ربط الزنا بمرض الايدز ولاحظو زمان لم كان يصير في عمليات زنا ما كان يصير معهم امراض كان يطبق عليهم احكام الاسلام وهي الجلد والرجم وال.. وكانت الامراض شبه منقرضة بالنسبة لوقتنا الحالي بس بوقتنا الحالي الزنا بيحصل وشي طبيعي ويومي في ميات الحالات او الاف الحالات يلي بتصير ما الها رادع وما الها عقاب فبتوقع انو رحمه من ربنا لهلا ما لقيو علاج للايدز ...

وبتوقع لو يلاقو علاج للايدز رح يصير بدل ما يزني 10 باليوم رح يصيرو 1000 والله يتلطف فينا يا رب ...
ممكن مصدر المعلومات لو سمحت..
مين قال انو الله ربط الزنا بالأيدز.. على علمي الايدز مرض ظهر حديثا.. ومين قلك انو االايدز بينتقل بس عن طريق الجنس!!
مين كمان قال انو لما كان يصير زنا ما كان يصير أمراض جنسية.. وأنو الامرض كانت منقرضة بالنسبة لهلأ.. منين عم تجيب هالقصص !!
معليش اذا بتريد!!

أنو يصير مظاهرات ما رح يصير لأنو اذا كان بأوائل القرن الماضي الناس اتقبلو حل مشكلة الدعارة على شكل تشريع فهلأ أكيد رح يتقبلوها.. بس بدون فتوى.. وبحكم انو الفتاوى ما في أسهل من تطليعها فأنا بضمنلك موضوع الفتوى الدينية .. المسألة متلها متل زواج فريند وزواج المسيار وغيرو ..بل وبيتميز عنو انو تنائجو أفضل..

مشان الشق التاني من ردك.. الدعارة هلأ موجودة بسوريا ويمكن أكتر من أي بلد بالعالم وتنظيم الدعارة ما رح يزيد الطين بلة أكتر من هلأ.. على الأقل فيك تضمن عدم الاتجار بالفتيات وبالأطفال بأسواق الجنس المغلقة والمليانة فساد مشترك بين المجرمين والمسؤولين..

على عيني بالنسبة للقسم الاول من حكيك .. انا بصراحة شايف انو ازا شغلة صرات هلأ رح يكون الا انعكاسات ويصير عليها زخم اكتر من اول .. مع مراعاة الفروق الكبيرة بين وقتنا اليوم وبالوقت االلي كان فيو مسموح بهالشي بس مابظن عندن بوقتا كان هالمحطات وهالكم كبير من رجال الدين اللي كل واحد منن الو طريقتو وفكرو الخاص فيه والله بدو حلم الله ليتقبل الفكرة وطبعا لبين مابتقبلا بكون عمل زخم وقصص بدا حلم الله لتهديا وتهدي الخلق وراها وقيس ع هالشي عدد رجال الدين اللي بهالوقت والمحطات والتحريم والتحليل والتكفير والخ .. اللي صاير بهالوقت عنا . ومن كل شغلة صغيرة بتلاقي صار وراها قصص كبيرة .. وبظن عبتشوفي قصة صغيرة متل قصة النقاب صارت شغلة اللي مالو شغلة .. وماضل برنامج ع التلفزيون الا صارت سيرتو هالسيرة ولا رجل دين الا سيرتو هالسيرة ع قصة مي مستاهلة متل هي ..

ومشان القسم التاني انو ما اختلفنا في دعارة منظمة ومتوفر اكتر بكتير من انو تصير بتراخيص
بس برأيك حدا ضامن حالو من المرض ؟؟ الايدز وخلافو هادا هو اللي عبوقف هالشي .. والناس طبعا عندا رهبة وخوف وعتوقف لما بتسمع بهيك شي .. بينما بحالة التراخيص رح يزول الخوف من الامراض وخلافو ورح يزيد الاقبال .. وبالتالي رح تخلق المشكلة اللي زكرتا سايقا ..
:D

طيب خلينا نفرض جدلاً أن الحل يجب ترخيص الدعارة و تنظيمها .

طيب هل أنتهت المشكلة على حسب التوقعات بلنسبة الى الذكور

أنتهت المشكلة .

أذاً أين الحل بلنسبة للأناث ؟

هل يجب أن تكون هناك بيوت للدعار للأناث لكي يفرغنا شهواتهن أم أن الأناث ليسو بأصحاب هذه الغريزة

طيب كمان أقمنا بيوت للأناث

ماذا عن المثليين أيضاً هم أصحاب غريزة و يجب أن تفرغ

و ماذا عن السحاقيات أيضاً هم على الائحة

و خلينا نحكي بلمشرمحي

و ماذا عن حبابين الأولاد

أخواني هكذا هو المنزلق الى أي هاوية نحن منزلقين ؟؟؟؟؟؟
بالغرب في شوارع خاصة لهي الامور.. اللي حابب يعمل اي نشاط الو علاقة بالجنس بيروح على هي المنطقة .. بيكون فيها اوتيلات للدعارة.. عروض خلاعية.. بارات .. سوبر ماركت للبضاعة المتعلقة بالجنس..
وهي الشوارع على فكرة بالغرب أكتر زوارها من السياح العرب..
هلأ بس يكون ببلدي متل هادا الشارع .. بروح عليه أو ما بروح هادا بيكون خيار شخصي وانا حر فيه.. وهاد الحل أفضل من أنو يكونو جيراني بالبناية بيت دعارة.. وما بسترجي اشتكي عليهون..

أنا مع مجتمعيا َ و ضد إنسانيا ً ( يعني بجانب ما ما عم اعرف اتخذ قرار .. )
يعني عمي صحيا َ ، وأعمار الأشخاص اللي عم تفوت وأعمار اللي عم تمارس الدعارة بتكون مضبوطة وقت بيكون في قوانين واضحة بهالخصوص




بس مثلا هلأ بصرراحة .. انو لو بصير هيك في ناس بتلغي فكرة الزواج من بالا بتاتا بتاتا .. وبعملوا اللي بدن يعملو بهالبيت مثلا

أنو أحسن ، بيصير اللي مجوز مشان يمارس الجنس ، وعم يفرخ الولد ورا الولد وهو ما بيمتلك النضج ليربيهن ، وما حابب يلتزم .. ما بيتجوز !!

هلا في كم شغلة بدي قولها
1- وقت تحكي مع عالم ما بتعرف كيف بيفكرو .. احسن شي انك تبعد توجهاتك الدينية من الحوار
لانو اللي انا بآمن فيه .. مش بالضرورة يكون نفسو اللي انت بتامن فيه يعني وقت تيجي تناقش حدا و تحاول تقنعو بافكارك .. لازم تيجيه بطريقة يفهمها .. لحتى انتو الجوز تطلعو بنتيجة اخر النقاش ... فـ بتمنى انك تحط شرع الله ع جنب وقت تحاور.. ع القليلة بهاد المكان (اخوية يعني) كونو بيحمل توجهات كتير:D

اول شي كلامك على راسي بس معلومة بسيطه راجعي كل الديانات كلها ضد تفريغ الشهوات بالطريقة المذكورة وتشريع الدعارة .. وما بتوقع في هون ناس بتعبد البقر ول بتعبد الاصنام لليوم .. "رح امشي معكم وبطريقتكم لعلي اوصل لنتيجة منيحة معكم " وازا بتقصدي بكلامك انو انا بامن بالله وغيري بيامن بالبقر فأنا تلقائي اكيد رح انسحب من النقاش لانو انا زلمة ما بفهم بالبقر ..!!!! وما رح اقدر اوصل معلومة وبالتالي ما رح يفوت بعقلي شي ... :lol:...
ورح اتبع نصيحتك :D

2- بخصوص الايدز .. لو كان هالحكي مزبوط كان ما شفت حدا "بيزني" هالايام + طمن بالك .. ما حدا بيقدر "يزني" 100 مرة باليوم :lol: + وقت يكون في تنظيم و كشف و فحوصات طبية .. هالشي رح يحد كتير من هالامراض

هلا بخصوص انو يزني 100 مره باليوم انا ما قصدت شخص واحد انا قلت اليوم بيزني 10"اشخاص" بكره بيزني 1000 "شخص"
:D

مين قال انو الله ربط الزنا بالأيدز..
مرحبا اول شي .. هلا بخصوص مين قال بتوقع انو انتي فهمتي كلامي غلط .. يا اما انا كنت مو واضح بكتابة الرد هي شغلة.. وفي شغلات كتيرة مو محتاج اي شخص يقول لحتى نمشي وراه ونعرفها ...

على علمي الايدز مرض ظهر حديثا..
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
اقرأي الموضوع ..

ومين قلك انو االايدز بينتقل بس عن طريق الجنس!!
انا بعرف انو طرق انتقالو كتيرة بس الطريقة الرئيسية هي الاتصال الجنسي .. وموضح باللنك طريقة انتقالو ..
وللمعلومة انا بكتابتي في الرد السابق ما انكرت انو الايدز بينقتل بطرق غير الاتصال الجنسي ...


مين كمان قال انو لما كان يصير زنا ما كان يصير أمراض جنسية..
عندك دليلي على عكس كلامي ..؟؟

وأنو الامرض كانت منقرضة بالنسبة لهلأ..
كلامي السابق في شي ..؟؟ بالله سؤال ... سريع هيك في اي شخص بينكر تضاعف الامراض من سنوات سابقة الليوم ...؟؟ لك من ايمتا بنعرف انفلونزا الطيور والخنازير وشوي البقر وبعد شوي مدري الحمام ...
مين بينكر انو الامراض بازدياد بشكل رهيب ...

انا لم حكيت بالرد السابق انو الامراض كانت منقرضة مع هلا كان قصدي فيها انو ازا كان في 10 امراض هلا ال10 امراض بنكتشفهم بيوم وازا كان في 100 مكل يوم بيطلع ميت حالة وميت مرض وميت فايروس مو معروف شو هم ..؟؟ ول كلامي غلط ..؟
منين عم تجيب هالقصص !!
معليش اذا بتريد!!
انا عم اخترع ... :lol: كيف اختراعاتي ..؟؟
:D

التنظيم الفعلي .. الو ايجابيات و سلبيات

اول شي ... رح يخصص المكانات الخاصة .. و تصير منمنطقة محددة

ثاني شي.. لازم يتشرع قانون يمنع الاستغلال الجنسي للقاصرات و حتى للبالغات ..
يعني وقت ما تريد تبطل .. تبطل ... لكن بوضع المحلات الحالية ... ما ممكن تبطل لان ممكن تنام بالشارع او ممكن حتى يؤذوها


تنظيم البيوت بدون قانون يمنع الاستغلال ... رح يؤدي الى زيادة المستغـَلّين ... و زيادة العشوائية ... لانو بساطة شديدة .. رح تصير باب رزق اكبر للقوادين (بدون القانون)

مو بسبب زيسادة الزبائت .. بقدر زيادة ثروات اصحاب البيوت المرخصة


لذلك انا مع التنظيم بمكان واحد و زيادة الرقابة الشاملة الصارمة على كل الموجودين ... و المرتادين ...

مرحبا اول شي .. هلا بخصوص مين قال بتوقع انو انتي فهمتي كلامي غلط .. يا اما انا كنت مو واضح بكتابة الرد هي شغلة.. وفي شغلات كتيرة مو محتاج اي شخص يقول لحتى نمشي وراه ونعرفها ...


////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
اقرأي الموضوع ..
قريت وما في شي جديد الو علاقة بأنو الايدز مرض قديم متل العادة قايلين اول حالة ظهرت عام 81 يعني متل ما حكيت مسبقا الايدز مرض حديث

كلامي السابق في شي ..؟؟ بالله سؤال ... سريع هيك في اي شخص بينكر تضاعف الامراض من سنوات سابقة الليوم ...؟؟ لك من ايمتا بنعرف انفلونزا الطيور والخنازير وشوي البقر وبعد شوي مدري الحمام ...
مين بينكر انو الامراض بازدياد بشكل رهيب ...

:D
رغم انو انا مو مختصة طبيا بس من المعروف للمطلع البسيط انو في امراض بتظهر وامراض بتختفي.. وانو كمان معدلات ارتفاع عمر االنسان كتير عالية بالنسبة للمعدلات اللي كانت موجودة من قبل..
واذا كانو بالازمنة الماضية جاهلين وما بيعرفو الامراض بأسمائها الا انو هاد ما بينفي انو كانو يوتو كتير بدون ما يعرفو اسباب الوفاة بدقة.. بيقولو مرض ومات بدون ما يبحثو ويمحصو..

انا يلي شايفو انو محلات الدعارة منظمة بس مو بشكل علني
رغم انو في محلات مو منظمة و في تجاوزات و الخ الخ الخ........



قولتكن شوفاتي قلال؟

انا يلي شايفو انو محلات الدعارة منظمة بس مو بشكل علني
رغم انو في محلات مو منظمة و في تجاوزات و الخ الخ الخ........



قولتكن شوفاتي قلال؟
كيف منظمة.. ما فهمت..
بيجوز قصدك انو عم يتم الاشراف عليها مو هيك؟؟
أكبر مشكلة انا بلاقيها انو صارت كل الشام بيت دعارة.. ووين ما سكنت على الاغلب يطلعلك بيت دعارة ببنايتك..

لماذا نذهب بعيد

ألسنا هنا في أخوية عبارة عن سوريا المصغرة

كان هناك موضوع أسمه نكت رزيلة في قسم على الطاير و قد تم حذفه لماذا ياترى ؟؟؟

أذاً فكيف سنقبل بأن ترخص الدعارة في سوريا تحت حجة تنظيمها

المسألة تحتاج الى حل جذري و ليسى و ضع الزيت على النار

أنا أعيش في الغرب و أعرف جيداً عن ماذا أتحدث

مثال على ذلك نفس الداعرة يأتي أليها عدة زبائن من عائلة واحدة الأب و الأبن و أبن العم و الخال و هل تستطيع الداعرة أن تطلب من كل زبون أن يأتي بشجرة العائلة لكي لا تقع في الممارسة مع أبيه أو أبنه الخ

هناك أشياء أكثر بكثير مما تتصورو عن أفات هذه الفكرة

أما عن أعتراض الناس

عدة مرات تكررت كلمة الفتوة جاهزة و الناس ستعترض في البداية و مع مرور الوقت ستعتاد الناس و يصبح الأمر عادي

أقول لا يمكن مقارنة الوقت الحاضر مع الوقت الذي كانو الأتراك في قمة الأنحطاط في حكم الدولة العثمانية و من أسباب سقوط دولتهم هو الإنحطاط الذي كانو به ولذا أصبحو هباء منثور

الأن الوضع أفضل فهناك وعي لدى الناس و لا يقارن بمثل الوعي الذي كانو عليه أبان الأنحطاط أواخر القرن التاسع عشر

مجرد ما خرج الأتراك جاء الفرنسيين يعني بيكفي هذا المثل و كأن البلد سلعة يتبادلها الأتراك ثم الفرنسيين

نحن بحاجة الى حل جذري يرضي الجيل القادم من الشباب و البنات

نحتاج لتكوين عائلة قوية متينة و هذا من واجب المثقفين و النخبة من الناس

هناك أخطاء يجب أن نبدء بحلها أعتباراً من أنفسنا

ترخيص الدعارة برأيي المتواضع هو هروب و ليسى حلاً

و دمتم :D

كان هناك موضوع أسمه نكت رزيلة (شوي) في قسم على الطاير و قد تم حذفه لماذا ياترى ؟؟؟

أذاً فكيف سنقبل بأن ترخص الدعارة في سوريا تحت حجة تنظيمها
ملعوبة أب حلب..

يعني هيك فينا نقول:

كل مين وافق ع ترخيص الدعارة.. لازم يطالب بإرجاع الموضوع المحـزوف (ولا ضير من الانتباه إلى إنو موضوعي ما كان إلو علاقة للدعارة)

مو مشان شي.. بس مشان "الاتساق الفكري المطلبي" :)

ملعوبة أب حلب..

يعني هيك فينا نقول:

كل مين وافق ع ترخيص الدعارة.. لازم يطالب بإرجاع الموضوع المحـزوف (ولا ضير من الانتباه إلى إنو موضوعي ما كان إلو علاقة للدعارة)

مو مشان شي.. بس مشان "الاتساق الفكري المطلبي" :)

الله يمسيك بالخير أخي ناصر

يعني ما عندي أي فكرة عن أسباب حزف الموضوع لكن عندي بعض التوقعات و أحتفظ بها لنفسي

و لكن أستطيع أن أبوح بما يجول في خاطري أن الأخوى المشرفين كانو لفترى غائبين و لهذا السبب أمتد الموضوع حتى تلك الفترة
و عندما عادو حزفو الموضوع للأسباب التي دفعتهم لحزف الموضوع

أخي الكريم هناك أعتبارات يجب أن تأخذ بالحسبان لا يمكننا الأنسلاخ عن واقعنا نحن نتكلم عن سوريا التي لها محيط دولي و تاريخ عريق و أستطيع أن أشرح ما يطول عن سوريا من هي هذه الدولة أنتم أعلم مني فأنتم أهل البلد و تعيشون به

ليست سوريا دويلة تقع في جنوب أمريكا و يمكن أن نوافق على هذه الحلول بهذه البساطة و . نقطة أنتهى

هذه سوريا يا أخي

كيف منظمة.. ما فهمت..
بيجوز قصدك انو عم يتم الاشراف عليها مو هيك؟؟
أكبر مشكلة انا بلاقيها انو صارت كل الشام بيت دعارة.. ووين ما سكنت على الاغلب يطلعلك بيت دعارة ببنايتك..

تماما يتم الاشراف عليها من قبل وزارة الصحة
و الجهات الامنية

اكيد مو بشكل علني بس يلي بعرفو انو عم يغضو النظر عن هالبيوت يلي هيي معروفة من كل الجهات الرسمية
كيف و ليش ما بعرف

أول شي وقت عم ينقال دعارة منظمة ما مشابه لموضوع النكت النكت بيطلع عليها كل الأعمار بأخوية اللي ما فينا نحصرها ولا ننظمها ولا .. إلخ إلخ إلخ ( هادا بغض النظر إزا أنا كنت مع حزف المواضيع أو لأ .. ) بس أنو فعليا ً ، نحنا ما مجتمع أخلاقي " كما ندعي ويدعون " إزا كانت الإخلاق إجبارية يعني والله مانو عم يزني لأنو ما في محلات دعارة مرخصة ، .. أي لأ يا سيدي .. مانو موقف ومانو اختيار ولا حتى اخلاق بمفهوم العام للأخلاق + وقت ما عم يكون مرخص ، عم تكون البدائل شو ؟ علاقات مامعروف شو هي .. أمراض ، أعمار ما مراقبة عم تمارس دعارة ( يمكن دعارة أطفال ومراهقات ) ما بعرف البديل عن تنظيم الدعارة هل هو أحسن منها يعني ؟

أول شي وقت عم ينقال دعارة منظمة ما مشابه لموضوع النكت النكت بيطلع عليها كل الأعمار بأخوية اللي ما فينا نحصرها ولا ننظمها ولا .. إلخ إلخ إلخ ( هادا بغض النظر إزا أنا كنت مع حزف المواضيع أو لأ .. ) بس أنو فعليا ً ، نحنا ما مجتمع أخلاقي " كما ندعي ويدعون " إزا كانت الإخلاق إجبارية يعني والله مانو عم يزني لأنو ما في محلات دعارة مرخصة ، .. أي لأ يا سيدي .. مانو موقف ومانو اختيار ولا حتى اخلاق بمفهوم العام للأخلاق + وقت ما عم يكون مرخص ، عم تكون البدائل شو ؟ علاقات مامعروف شو هي .. أمراض ، أعمار ما مراقبة عم تمارس دعارة ( يمكن دعارة أطفال ومراهقات ) ما بعرف البديل عن تنظيم الدعارة هل هو أحسن منها يعني ؟

كتير بتشكرك أخي الكريمة على المشاركة

لأنك ذكرتيني بأهم السلبيات اللي تصدر عن بيوت الدعارة و سأذكر للأخوى شيئ رأيته بأم عيني و ليسى قيل عن قال و يمكن لمن لا يصدق أن يذهب ليرى بأم عينه

عندما كنت حدث صغير كنا نذهب الى لبنان لزيارة أقرباء العائلة و كانو يقطنون في حي رأس بيروت القريب من الجامعة الأمريكية في بيروت و كانت المنطقة قريبة من شاطئ البحر و كثيراً ماكنا نذهب الى البحر بين الشوارع الخلفية للشارع الرئيسي للبحر فكنا أنا و أولاد عمي نمر بجانب بيوت الدعارة و ما أكثرها

تصورو أن الداعرات و القوادين كانو يقفون أما البيت و كانو يتصيدون الزبائن و من جملة المحاولات كانو ينادوننا نحن الأولاد للدخول و في أحدى المرات قام القواد بأمساك أبن عمي لكي يدخل الى البيت و لولا ستر الله لحصل ما حصل ألا أنه تمكن من الأفلات منه و هربنا و لم نعد نمر بتلك الشوارع

كان عندهم كساد و هم لا يميزون بين طفل حدث و لا بالغ المهم أن يحصلو على المال

و هنا في الغرب كثير من الأحيان ترى شلة أحداث يرتادون بيوت الدعارة

أعرف هنا أن في المحاكم دعوات ضد نساء قامو بممارسة الجنس مع أحداث و الحكم له عواقب وخيمة على المدعى عليها و هي أمرأه عادية

فتصورو أن يذهب حدث الى تلك الأماكن و ما هي العواقب على ذلك النشئ

قال شو جابرك عالمر قللو الأمر منو

هلق من نظرة حدثاوية حلو التفكير انو والله ينظمو بيوت الدعارة طيب حدا فكر لهالشغلة من ناحية انسانية

يعني شو اللي جبر هالمخلوقة تسترزق من ورا هيك شغلة؟ هي بتحبه لهالشغلة يعني؟ ولا هواية؟

الأفضل يلاقو حلول أجتماعية لمشاكل العمل و الأفراد بعدين زذا ضل مين يشتغل بالدعارة

فصفت الشغلة انو الشخص مقتنع بهالشغلة و لازمو مين ينظملو الياها اما هلئ فبكير على هيك تصرف

الا اذا كان من باب الكحل احسن من العمى

طبعا .. بعد ماقريت التعليقات خطر ع بالي هالسؤال
.. هل سنتنتقل الدعارة عنا من عصر الهواية الى عصر الاحتراف ؟؟ .. :lol:

شكراااااااااااااااااااااا ااااااااااااااااااااااااا اااااااااا

لا تعرف إسمي..

ولا أعرف إسمك

لا تحمل همّي..

ولا إحمل همّك..

منتلاقى غربا..

منتفارق غربا..

بليلة سعادة..

روح ولا يهمّك..


يا مارق وضجران..

أنا بخفف ضجرك..

بغنيّلك ت تنسى..

اللي هجرتو.. وهجرك..


بسمّيك حبيبي ليلة..

والليل يطول..

السيف اللي بيجرح مرّة..

بيجرح ع طول..


بدّك تروح؟

روح ولا يهمّك..

لا تعرف إسمي..

ولا أعرف إسمك






من السغلات القليلة.. اللي بحبّها لـ كارول سماحة

لا تعرف إسمي..

ولا أعرف إسمك

لا تحمل همّي..

ولا إحمل همّك..

منتلاقى غربا..

منتفارق غربا..

بليلة سعادة..

روح ولا يهمّك..


يا مارق وضجران..

أنا بخفف ضجرك..

بغنيّلك ت تنسى..

اللي هجرتو.. وهجرك..


بسمّيك حبيبي ليلة..

والليل يطول..

السيف اللي بيجرح مرّة..

بيجرح ع طول..


بدّك تروح؟

روح ولا يهمّك..

لا تعرف إسمي..

ولا أعرف إسمك






من السغلات القليلة.. اللي بحبّها لـ كارول سماحة
أول مرة بسمع فيها.. ما بعرف اذا حلوة.. يمكن حلوة.. يسلمو ناصر:D

أول مرة بسمع فيها.. ما بعرف اذا حلوة.. يمكن حلوة.. يسلمو ناصر:D

الغنية من مسرحية "آخر إيام سقراط" لـ منصور الرحباني..

الحلو فيها.. موضوعها الجديد.. (بأعمال منصور وأولادو -بعد عاصي يعني-.. قليل ما لاقي شي جديد أو بيشد.. أو مهم)

بس هيدي من الأغاني اللي علقت ببالي..

رح بحبشلك ع رابط لإلها ع النت..

هلا ناي.. :D