-
دخول

عرض كامل الموضوع : سابقة في مسائل الشرف

i m sam
21/10/2009, 12:10
أقدمت إحدى العائلات في قرية قترانية ( النفطية ) التابعة لناحية القحطانية في الحسكة, على طرد ابنتهم البالغة من العمر حوالي عشرين عاما من البيت بعد اكتشاف أمر حملها من شاب كانت على علاقة غير شرعية معه, وطلبت العائلة من ابنتهم ( ك. ر ) الالتحاق بالشاب الذي تبين أنه من مدينة القحطانية.
وذكر مصدر مقرب من العائلة بأن العائلة فضلت طرد الفتاة على قتلها وأنهم قالوا لها بأن تتحمل مسؤولية ما فعلت, وتعد هذه الحادثة من النوادر من طبيعتها في مسائل الشرف في الحسكة, إذ لم يسبق أن أقدم الأهل على ترك الفتاة التي تقوم بهكذا فعل دون عقاب كان في غالب الأحيان القتل, وتأتي هذه الحادثة بعد فترة من إلغاء المادة ( 548 ) التي كان القاتل يحتمي بها وبما في نصها من أعذار مخففة من العقوبة على القاتل بالمرسوم رقم 37 للعام 2009.

شوكوماكو - 2009-21-10

القامشلي - عامر خ مراد
Nay
21/10/2009, 12:40
معقول كتير يكون في علاقة بين الغاء المادة وبين الحادثة المذكورة..
على كل حال الزمن بيظهر والاحصاءات السنة القادمة رح تظهر حقيقة التطور اللي حصل..
شكرا على الموضوع
I_Love_Syria
21/10/2009, 12:53
على فكرة في كتير عائلات مابتستعمل اسلوب القتل وبتطبل وبتزمر بالقصة
يعني في شخص كتير قريب مني يعني أكتر من صديق عرفو انووحدة من العيلة كانت تنام مع شب وانو في شغلات كتير كانت تعملها كرمال هالشب لا قتلوها ولاعلقو مشنقتها كلشي ساوو إنو سفروها برات البلد كرمال إنو يختصرو العي والأخد والعطى وهلأ هي عايشة عند أخوها مع العلم إنو العائلة كتير ملتزمة
فالموضوع كلو مرتبط بالجهل والتخلف
الفكرة إلي بدي احكيها إنو متل ردات الفعل هي بتصير كتير وأكتر من القتل بس لأنو الناس بتفضل ماتحكي فيها لهيك ما بنسمع غير بالجرائم

:D
DARKNESS
21/10/2009, 13:06
اي احسن ما تندبح بس بجوز الحياة البدها تعيشها هلق رح تخليها تتمنى لو أنها أندبحت

للأسف في شغلات الواحد بيوقف قدامها مكتوف اليدين
يعني وين بدها تروح و الجنين الجايي مين بدو يطعميه و شو مصيرو

ما حدا بيعرف ...
I_Love_Syria
21/10/2009, 13:10
حكيك مزبوط بس كمان المفروض الواحد قبل مايتصرف هيك تصرف إن كان الشب أو البنت يحسبوها مزبوط ويكونوا قد المسؤولية يعني مو المهم إني عيش اللحظة بس, وطز طزين امشي ياترين شو بيصير بعدين
DARKNESS
21/10/2009, 13:16
حكيك مزبوط بس كمان المفروض الواحد قبل مايتصرف هيك تصرف إن كان الشب أو البنت يحسبوها مزبوط ويكونوا قد المسؤولية يعني مو المهم إني عيش اللحظة بس, وطز طزين امشي ياترين شو بيصير بعدين


يا اخي انا معك انن غلطانين ... بس انو غلطن مو مشكلة لألهن بس لأ لكل المجتمع يعني هلق هاي اذا ضلت حامل رح يجيها ولد هالولد اكيد رح يعيش بي أسوأ ظروف بظل انعدام الأب و الأم و بجوز يتبع اساليب منحرفة للمعيشة
بيصفي مشكلة الو و لغيرو
يعني بالعربي هاد اسمو تأثير الفراشة الإجتماعي

و الله يستر من هالشغلات
Government
21/10/2009, 13:52
بصراحة شي حلو .. بغض النظر ازا كانو عاملين شي خوفا من المرسوم اللي التغى او لأ
بس هادا بدل عند وعي كتير عند هالعيلة .. ولو كل العيل عنا بتصير هيك لكنا صرنا شغلة كبيرة

وياريت كل هالخلق تعمل متل ماعملت هالعيلة + انو في الف طريقة لمعاقبة البنت غير القتل
ونتايجن بتكون اكيد احسن من القتل والدبح المتخلف
Nay
21/10/2009, 21:32
حكيك مزبوط بس كمان المفروض الواحد قبل مايتصرف هيك تصرف إن كان الشب أو البنت يحسبوها مزبوط ويكونوا قد المسؤولية يعني مو المهم إني عيش اللحظة بس, وطز طزين امشي ياترين شو بيصير بعدين

بتعرف.. فعلا.. أحيانا بستغرب كيف بنت بهيك جو بتكون قادرة على اقامة علاقة من هاد النوع.. طبعا بغض النظر عن تعاطفي معها..
بس بستغرب كتير.. كيف بيتجرأو..
Nasserm
22/10/2009, 01:13
المفروض الواحد قبل مايتصرف هيك تصرف إن كان الشب أو البنت يحسبوها مزبوط ويكونوا قد المسؤولية يعني مو المهم إني عيش اللحظة بس, وطز طزين امشي ياترين شو بيصير بعدين

بتعرف.. فعلا.. أحيانا بستغرب كيف بنت بهيك جو بتكون قادرة على اقامة علاقة من هاد النوع.. طبعا بغض النظر عن تعاطفي معها..
بس بستغرب كتير.. كيف بيتجرأو..
أنا بستغرب كتير.. بس من شغلة تانية

إنو كيف هالشباب والبنات اللي عندهن جرأة على ممارسة حقهن بالحب.. ما عندهن معرفة ووعي كيف يتعاملوا مع قصة الحمل!!

إنو يا خيي.. ما في داعي توصلوا لهون.. في ألف طريقة قبل ما تصير القصة بتشلّق الأهل.. أو تصير بدها كورتاج ومدري شو!!


إنو شو بكن!! احسبوا يا خيي.. العمى بقلبكن.. ما بتعرفوا تعدّوا إيام!!
بقـ انسان ـايا
22/10/2009, 02:21
ممممم المشكلة انو هيك حالات بالدولة الاسلامية الها عقاب وعقابها ربنا موضحو .. هي شغلة مفروغ منها
نجي لشغلة تانية وهي الاهم ... ما تقنعني ولا بقنعك ما حدى بيعمل هيك من الباب للطائة يعني الدنيا كما تدين تدان والدنيا اخد وعطا ومتل ما بتعمل ببنات العالم بيجي يوم يعملو العالم بخواتك متل ما عملت ببنات العالم

هي شغلات مو شغلة وشغلة تانية او تالتة ما بعرف لم احنا نقرأ هيك خبر او نسمع بهيك خبر ... بيتبادر لعقولنا انو
شو بدهم يعملو بالولد وشو اهلها بدهم يعملو فيها واللزي منو وبننسى نقول شو وصلها لهالمواصيل ...

وقلة الكلام افضل بمليون مره بهيك قصة وكل انسان بيعرف حالو وبخصوص الجرأه فازا كان ابن حرام الشب والبنت ما بتجرأ بيوقعها وبيوقع ابوها كمان ... في مليون طريقة ... احنا مش بصدد نحكي عن طرق اسقاط البنات ...


شكرا الك ...
Nay
22/10/2009, 22:24
ممممم المشكلة انو هيك حالات بالدولة الاسلامية الها عقاب وعقابها ربنا موضحو .. هي شغلة مفروغ منها
نجي لشغلة تانية وهي الاهم ... ما تقنعني ولا بقنعك ما حدى بيعمل هيك من الباب للطائة يعني الدنيا كما تدين تدان والدنيا اخد وعطا ومتل ما بتعمل ببنات العالم بيجي يوم يعملو العالم بخواتك متل ما عملت ببنات العالم

هي شغلات مو شغلة وشغلة تانية او تالتة ما بعرف لم احنا نقرأ هيك خبر او نسمع بهيك خبر ... بيتبادر لعقولنا انو
شو بدهم يعملو بالولد وشو اهلها بدهم يعملو فيها واللزي منو وبننسى نقول شو وصلها لهالمواصيل ...

وقلة الكلام افضل بمليون مره بهيك قصة وكل انسان بيعرف حالو وبخصوص الجرأه فازا كان ابن حرام الشب والبنت ما بتجرأ بيوقعها وبيوقع ابوها كمان ... في مليون طريقة ... احنا مش بصدد نحكي عن طرق اسقاط البنات ...


شكرا الك ...
اهم شغلة بدي قلك ياها.. انو نحنا ولحسن الحظ مو بدولة اسلامية .. يعني قوانيننا كلها قوانين وضعية "من وضع الانسان" مو قوانين إالهية.. باستثناء قانون الاحوال الشخصية السوري
بمعنى اخر عقوبة الزنا أو عقوبة الحمل سفاحا مو مستمدة من القرآن ولا من التشريع الاسلامي..

مشان شو وصل لها المواصيل.. يمكن مننسى أحيانا الكبت الجنسي الفظيع ومننسى الفراغ وقلة الوعي عند الناس..
ومشان شو بدو يصير بالولد بتوقع هاد أول شي لازم يخطر على بالنا.. لأنو هاد الولد هوي البريء الوحيد بالقصة كلها
ritka
23/10/2009, 01:45
بصراحة شي حلو .. بغض النظر ازا كانو عاملين شي خوفا من المرسوم اللي التغى او لأ
بس هادا بدل عند وعي كتير عند هالعيلة .. ولو كل العيل عنا بتصير هيك لكنا صرنا شغلة كبيرة

وياريت كل هالخلق تعمل متل ماعملت هالعيلة + انو في الف طريقة لمعاقبة البنت غير القتل
ونتايجن بتكون اكيد احسن من القتل والدبح المتخلف ازا كانو عاملين اللي عاملينو خوفا مش اكتر .. هالشي ما بيدل ع وعي عند العيلة .. ولكن بيدل انو اللغي الو مفعول
شغلة تانية .. يا اخي خلينا نقول انت.. ع سبيل المثال يعني.. كشخص متدين بدك تعاقب بنتك.. عاقبها بس ما تقسى عليها و تخليها تتمنى انو تموت بدل العيشة اللي عم تعيشها بعد ما لغو هالمرسوم :D


ما تقنعني ولا بقنعك ما حدى بيعمل هيك من الباب للطائة يعني الدنيا كما تدين تدان والدنيا اخد وعطا ومتل ما بتعمل ببنات العالم بيجي يوم يعملو العالم بخواتك متل ما عملت ببنات العالم
عم يقلك انو كانت على علاقة "غير شرعية" معو.. مو اغتصبها لحتى يخاف ع خواتو !

شو بدهم يعملو بالولد وشو اهلها بدهم يعملو فيها واللزي منو وبننسى نقول شو وصلها لهالمواصيل ...
ما فهمت عليك .. اني مواصيل يعني؟
النقطة الي بدك توصلها.. انو قلة ترباية البنت كانت سبب "بهدر الشرف" اللي صارت بعدين متلا؟


مشان شو وصل لها المواصيل.. يمكن مننسى أحيانا الكبت الجنسي الفظيع ومننسى الفراغ وقلة الوعي عند الناس..
لك اني مواصيل؟ حسب ما فهمت انو مواصيل البنت تقيم علاقة مع شب
انو كبت جنسي اللي بيخلي البنت تمارس حقها بالحب؟..
بعتزر سلف ازا فهمت بالمقلوب :D
بقـ انسان ـايا
23/10/2009, 02:36
عم يقلك انو كانت على علاقة "غير شرعية" معو.. مو اغتصبها لحتى يخاف ع خواتو !
ما فهمت عليك .. اني مواصيل يعني؟

انتي بتعرفي قصة السقى ...؟؟؟ يلي كان كل يوم يمر على البيت ويملى جراري المي يلي كانت بالبيت والسقى كان معرفو .... وبنهاية لحكاية
انذكرت ههي الكلمة ... دقة بدقة لو زدتها لزادها السقة ...


النقطة الي بدك توصلها.. انو قلة ترباية البنت كانت سبب "بهدر الشرف" اللي صارت بعدين متلا؟

شوفي هلا انتي اعلم مني بطريقة ترباية البنات بصفتك بنت يعني تعي احكيلي هلا شو افضل الطرق لترباية الشباب بحكيلك مليون طريقة وكل الطرق بتأدي لانو الشب يمر بمرحلة الجهل والمراهقة بسلام وبدون اخطاء كبيرة

لك اني مواصيل؟ حسب ما فهمت انو مواصيل البنت تقيم علاقة مع شب
انو كبت جنسي اللي بيخلي البنت تمارس حقها بالحب؟..
بعتزر سلف ازا فهمت بالمقلوب :D

المواصيل يلي عم نحكي عليها هي يلي وصلولا "الزنا.. "

وبخصوص حقها بالحب الحب شغلة والجنس شغلة مختلفات ومتناسقات او بمعنى تاني متلازمات ..

بس اكيد الكل بيقدر يفصل بيناتون يعني مو معقول والله ازا اليوم حبيت لازم بعد ما احب انزل على الجنس !!!!!

شكرا الك .. :D
بقـ انسان ـايا
23/10/2009, 03:00
اهم شغلة بدي قلك ياها.. انو نحنا ولحسن الحظ مو بدولة اسلامية .. يعني قوانيننا كلها قوانين وضعية "من وضع الانسان" مو قوانين إالهية.. باستثناء قانون الاحوال الشخصية السوري
بمعنى اخر عقوبة الزنا أو عقوبة الحمل سفاحا مو مستمدة من القرآن ولا من التشريع الاسلامي..

مشان شو وصل لها المواصيل.. يمكن مننسى أحيانا الكبت الجنسي الفظيع ومننسى الفراغ وقلة الوعي عند الناس..
ومشان شو بدو يصير بالولد بتوقع هاد أول شي لازم يخطر على بالنا.. لأنو هاد الولد هوي البريء الوحيد بالقصة كلها


اصلا المشكلة كلها بالولد ول بالنسبة للشب ما في عليه شي لا بتطير عذريتو ولا شي البنت لو طارت عذريتا صحتين بما انو حبت تسلك هالطريق فصحتين على قلبا تتهنى...

يعني المشكلة كلها بتقع بالاخر بضهر الولد فلهيك الترباية الاساسية للبنت والشب هي يلي بتخلينا نتجنب هيك امور ...

شكرا الك .. :D
Black Orchid
23/10/2009, 07:36
وياريت كل هالخلق تعمل متل ماعملت هالعيلة + انو في الف طريقة لمعاقبة البنت غير القتل



ليش شو عملت هالعيله , رموا بنتن بالشارع , البنت غلطانه بس بهالوقت هي بحاجه لمساعده.
sona78
23/10/2009, 12:54
هوي يمكن حكي الاخ عن شرع الله بهالموضوع موضحو
بس وحق لربك .... انو مليون شغلة موضح الله عقوبتها .. وما حدا داير ع تنفيذها
شو قايل الله بالسرقة ؟
وشو قايل بالظلم
وشو قايل بقتل النفس من دون حق
والله ما بذكر انو الله قايل شي اسمو جريمة شرف
وحتى هي الله عمل عليها شروط كتير صعبة .. اول شي روح جيب اربع شهود ع الزنا وبعدين تعا عمول بشرع الله
بس من شان الله نفسو ... ما تستخدمو كلامو بالنص .. متل لا تقربو الصلاة ... وانكحوا ما طاب لكن مثى وثلاث ورباع
هيدون الهون تتمة بكلام الله .. متلهون متل جرم الزنا

حلنا نخلص من موضوع الشرف يلي ما الو غير محل واحد .. بين الاجرين
وبلكي فعلا الحادثة الها علاقة بتغيير القانون .. عل وعسى
Nay
23/10/2009, 13:52
ازا كانو عاملين اللي عاملينو خوفا مش اكتر .. هالشي ما بيدل ع وعي عند العيلة .. ولكن بيدل انو اللغي الو مفعول

الشي أكيد ما بيدل على وعي العيلة بس أنا دايما بقول انو بمجتمعاتنا الدولة بقوانينها بتفرض الوعي وبالتدريج على الناس.. متل ما عم يصير بتركيا اللي بعتبرها اهم مثال للنظام العلمان بالدول الاسلامية..
الدولة فارضة التحضر على الشعب بالصرماية وعذرا للتعبير.. وهيك اللي بدو يصير بخصوص جرايم الشرف ببلدنا.. الناس بدها تتصرف بتحضر كمان بالصرماية وعذرا للتعبير مرة تانية.. ورح تعمل حساب لجريمة القتل أكتر من قبل..

لك اني مواصيل؟ حسب ما فهمت انو مواصيل البنت تقيم علاقة مع شب
انو كبت جنسي اللي بيخلي البنت تمارس حقها بالحب؟..
بعتزر سلف ازا فهمت بالمقلوب :D
1-المواصيل الي قصدتها انا هيي مواصيل .. انو الصبية تعمل علاقة بتعرف مسبقا انو مجتمعها بيرفضها وانو رح يسببلها مشاكل هادا جهل.. بغض النظر عن موقفي الشخصي من الجنس قبل الزواج
2-ولما بدها البنت تحب وتمارس جنس لازم تكون قادرة على الخروج من الورطة اللي رح توقع فيها..
3- ممارسة الجنس بدون استخدام وسائل وقاية والوصول الى حمل وانجاب طفل "ابن حرام" وعذرا للتعبير كمان مرة.. هادا منسميه عادة مواصيل مأساوية..
والخلاصة: بهيك مجتمع لازم البنت تعد للمليون وتكون واعية وحذرة من ردة فعل أهلها ومن ردة فعل الشب اللي شاركتو جسدها رغم انو هوي كمان ابن نفس البيئة المكبوتة واللي نادرا يكون رد فعلو حضاري تجاه حبيبتو..
:D:D
بقـ انسان ـايا
23/10/2009, 14:25
للاسف الشديد من قرائتي للردود عم لاحظ انو احنا بنحكي على الموضوع كأنو شي عيب او كأنو قادرين على تحمل المسؤولية او لا انتو نسيتو انو هالامر "حرام" رح احكيلكم شغلة ازا مخافة الله ما منعتك من ممارسة الجنس معناها روح شوفلك دين تاني بيسمحلك تزني و...الخ

المشكلة انو احنا ما بنعطي الشباب حقوقهم وبدنا ناخد منهم حقوقنا ونسينا حق الخالق علينا جميعا ...

احنا ما بنعطي الشب حقو بأنو يتعلم ويعرف الصح من الغلط ... احنا بنعلمو انو هادا الامر عيب . نقطة وانتهى طيب انا لم كانو يفتحو موضوع او اسأل سؤال برات الطريق"بنظرهم" كانو يخجلو يجاوبوني ويحكولي عيب بس تكبر ولم الانسان يكبر بيكون واقع بمليون مطب وواقع لشوشتو بالحرام ولليوم بيحكولك عيب ... طيب انا مش من حقي انو اتعلم بالاول لحتى بالنهاية تجي حضرتك وحضرتك تحاسبوني"العائلة" ..؟؟؟!!!!
المشكلة العويصة انو بيبتعدو عن تعليم ابنائهم كل صغيرة وكبيرة وبيخلو الشارع يتكفل بتعليم ابنائهم الامور المتعلقة بكلمتهم "عيب" وبالتالي من الشارع واليه ... شو بدو يطلع واحد اتثقف بلغة الشارع ..؟؟ وتعلم من الشارع ..؟ اكيد بالنهاية بدو يطلع رئيس دولة او وزير او شي من هالقبيل لحتى يستمر في عملية تجهيل وت*** الشعب ..

لهيك يا جماعة انا بنظري الحل كلو هو عند الام والاب ... ولسبب بسيط ...
احنا بنتعلم بالمدارس ومن ورى التعليم بنفوت جامعات وبنبلش نشتغل بشغلات احنا تعلمناها واكيد ما في حدى بهي الدنيا تعلم محاسبة وراح فات دكتور جامعة بالاحياء ..!! يعني بالتالي كل انسان بيتعلم شغلة بيمشي فيها ...
طيب لم الام تزرع الخير والاخلاق بابنها من مصغرو بتتوقعو يطلع الولد مقطع موصل مو مخلي ولا بنت من شرو ..؟؟
اكيد لا يعن كل هالامور تحصيل حاصل .. ازرع بتحصد...

وما ننسى "الام مدرسة اذا اعددتها اعددت شعبا طيب الاعراق"
وكلامي عن الام ما بيخليني استثني الاباء لانو الاب هو يلي رح يمنع حدوث اي شي للطفل الام بتربي وبتحن على الولد وبتمشي معو بالحسنى والاب بيورجي الولد انو الغلط الو حساب ... كلام كتير وقليل
وبتمنى لم اي شخص يحكي عن هالموضوع يحكي بمنطق حرام او حلال وما يحكي بالقصة بانو عيب وانو الاهل شو عملو وشو بدهم يعملو ... ولحتى نوصل لحل بدنا نعرف شو الاسباب يلي وصلت لهي المواصيل ...
شكرا الكم .. اسف كتير على الاطالة ..
بقـ انسان ـايا
23/10/2009, 14:33
والخلاصة: بهيك مجتمع لازم البنت تعد للمليون وتكون واعية وحذرة من ردة فعل أهلها ومن ردة فعل الشب اللي شاركتو جسدها رغم انو هوي كمان ابن نفس البيئة المكبوتة واللي نادرا يكون رد فعلو حضاري تجاه حبيبتو..

يلي ما بيحسب حساب للي خلقو طز طزين بأهلو يعني الاهل شو بدهم يعملو ..؟؟؟ مت بوقتها او ما مت بوقتها بالنهاية رح اموت ورح اتحاسب عند ربنا لانو ربنا بينلنا انو هالامر حرام ... لهيك انا بحب نوه لشغلة انو يلي خايف من اهلو ونسيان ربو ما يقلق بحدى , الاهل ما بيحاسبو يوم لقيامة , واحيانا ما بيحاسبو بالدنيا ..
شكرا الك ..
sandra
23/10/2009, 16:18
تغير قانون جرائم الشرف !! هلا صرلي خبر


معقول كتير يكون في علاقة بين الغاء المادة وبين الحادثة المذكورة..
على كل حال الزمن بيظهر والاحصاءات السنة القادمة رح تظهر حقيقة التطور اللي حصل..
شكرا على الموضوع

اي بتوقع رح يصير تغيير بالاحصاءات
بس هل هاد رح يظهر حقيقة تطور حاصل !! تطور شو ! مجرد تفكيري بمستقبل هالإمراة وهالطفل الجايي ومنعرف أنو في متلهم كتار بتخليني قول ...ما بعرف !!

:D
Nay
23/10/2009, 16:51
يلي ما بيحسب حساب للي خلقو طز طزين بأهلو يعني الاهل شو بدهم يعملو ..؟؟؟ مت بوقتها او ما مت بوقتها بالنهاية رح اموت ورح اتحاسب عند ربنا لانو ربنا بينلنا انو هالامر حرام ... لهيك انا بحب نوه لشغلة انو يلي خايف من اهلو ونسيان ربو ما يقلق بحدى , الاهل ما بيحاسبو يوم لقيامة , واحيانا ما بيحاسبو بالدنيا ..
شكرا الك ..
هلأ شيل الله على جنب.. عم نحكي نقاش انساني.. بعيد عن قناعات كل واحد وايمانو بوجود الله أو لأ..
Nay
23/10/2009, 17:03
تغير قانون جرائم الشرف !! هلا صرلي خبر




اي بتوقع رح يصير تغيير بالاحصاءات
بس هل هاد رح يظهر حقيقة تطور حاصل !! تطور شو ! مجرد تفكيري بمستقبل هالإمراة وهالطفل الجايي ومنعرف أنو في متلهم كتار بتخليني قول ...ما بعرف !!

:D
اي ساندرا ..
الجمهورية العربية السورية
المرسوم التشريعي رقم (37)
رئيس الجمهورية
بناء على أحكام الدستور
يرسم مايلي ..

المادة 1- تلغى المادة (548 من قانون العقوبات ويستعاض عنها بالنص التالي..
يستفيد من العذر المخفف من فاجأ زوجه أو أحد أصوله أو فروعه أو أخته في جرم الزنا المشهود أو في صلات جنسية فحشاء مع شخص آخر فأقدم على قتلهما أو إيذائهما أو على قتل أو إيذاء أحدهما بغير عمد على أن لا تقل العقوبة عن الحبس مدة سنتين في القتل.

التغيير بالمادة هوي الغاء العذر المحل يلي كان بيعفي من كل عقاب والابقاء على العذر المخفف وتم التشديد على حالة المفاجأة وحالة الزنا المشهود حصرا وعدم تعميم حالات الزنا الغير مشهود او الزواج من غير الطائفة على المادة المذكورة وحكينا وقتها كتير بالموضوع هون باخوية..

وكان النا تحفظات على هي الخطوة المنقوصة برأيي وبرأي كتير ناس.. بس رغم هيك هيي خطوة.. وناطرين خطوات قادمة..
مشان التطور.. متل ما حكيت برد سابق بالمجتمعات المتخلفة التطور بيصير ابتداءا من القانون.. قبل ما يكون تطور اجتماعي...
بقـ انسان ـايا
24/10/2009, 01:49
هلأ شيل الله على جنب.. عم نحكي نقاش انساني.. بعيد عن قناعات كل واحد وايمانو بوجود الله أو لأ..

بما انو نحنا عم نعد حالنا مسلمين ما بيجوز افصل حياتي ونقاشاتي واموري كلها عن الدين وعن الخالق ..
ولم نتحول لشيوعيين هديك الساعة بيفرجها الله

هلا بخصوص النقاش الانساني لنفرض انو الغلط صار .. حلو هيك هلا هون شو ممكن انو يصير ...
اول شي هي البنت يلي صارت ام هيك بليلة ما فيها ضو قمر ... في عدة امور او يمكن تنحل هالقصة بعدة طرق
اول شي معرفة مين ابو الولد وتاني شي الزواج الاجباري يعني الدولة بما انو هي دولة تجبر الطرفين على انو يتزوجو لحتى الولد يربى بطريقة سليمة وبعيدة عن الملاجأ وعن دور رعاية الاطفال واللزي منو ..

وتالت شي الدولة تعمل على التالي انو تجمع الطرفين الغلطانين وتحملهم المسؤولية بتربية هالطفل يلي جاي
غير هيك انا بصراحة عقلي مسكر الليلة :lol:

كل الاحترام :D

بس شغل القتل واللزي منو مش احنا يلي بنحدد حياة شخص معين لحتى ناخد روحو وكل انسان خطاء وخير الخطائين التوابين ونقطة جنبها فاصلة وسطر جديد :p طفت معي الليلة ... :D
ritka
24/10/2009, 06:53
الشي أكيد ما بيدل على وعي العيلة بس أنا دايما بقول انو بمجتمعاتنا الدولة بقوانينها بتفرض الوعي وبالتدريج على الناس.. متل ما عم يصير بتركيا اللي بعتبرها اهم مثال للنظام العلمان بالدول الاسلامية..
الدولة فارضة التحضر على الشعب بالصرماية وعذرا للتعبير.. وهيك اللي بدو يصير بخصوص جرايم الشرف ببلدنا.. الناس بدها تتصرف بتحضر كمان بالصرماية وعذرا للتعبير مرة تانية.. ورح تعمل حساب لجريمة القتل أكتر من قبل.. يا ستي بتمنى هيك شي انا..
و بتمنى كمان انو ما يعاملو بنتهم المعاملة اللي بتخليها تتمنى انو لا يكون حدا حمل هالصرماية و عنو ما حدا ما تحضر !
يعني شخص.. ما عندو قدر كافي من الانسانية بيمنعو عن قتل بنتو.. ازا بتعد عن القتل
بيلاقي مية طريقة تانية يفرجيها فيها نجوم الضهر و "يغسل شرفو بايدو" .. هالمرة يمكن بطرق وحشية تانية جديدة و مبتكرة ..انا هاد اللي خوفي منو مش اكتر :D
والخلاصة: بهيك مجتمع لازم البنت تعد للمليون وتكون واعية وحذرة من ردة فعل أهلها ومن ردة فعل الشب اللي شاركتو جسدها رغم انو هوي كمان ابن نفس البيئة المكبوتة واللي نادرا يكون رد فعلو حضاري تجاه حبيبتو.. هون بيكون الشب عم يلعب ع الصبية مشان ياخد اللي بدو ياه منها.. هالشي للاسف موجود .. و منتشر كمان
و لكن مش الكل هيك.. و هون بتجي مسؤولية البنت اللي حكيتي عنها .. بانها تعرف شو عم تعمل .. معك انا :D
انتي بتعرفي قصة السقى ...؟؟؟ يلي كان كل يوم يمر على البيت ويملى جراري المي يلي كانت بالبيت والسقى كان معرفو .... وبنهاية لحكاية
انذكرت ههي الكلمة ... دقة بدقة لو زدتها لزادها السقة ...

شوفي هلا انتي اعلم مني بطريقة ترباية البنات بصفتك بنت يعني تعي احكيلي هلا شو افضل الطرق لترباية الشباب بحكيلك مليون طريقة وكل الطرق بتأدي لانو الشب يمر بمرحلة الجهل والمراهقة بسلام وبدون اخطاء كبيرة

المواصيل يلي عم نحكي عليها هي يلي وصلولا "الزنا.. "

وبخصوص حقها بالحب الحب شغلة والجنس شغلة مختلفات ومتناسقات او بمعنى تاني متلازمات ..

بس اكيد الكل بيقدر يفصل بيناتون يعني مو معقول والله ازا اليوم حبيت لازم بعد ما احب انزل على الجنس !!!!!

شكرا الك .. :D
اولا بحب نوه لشغلة انو في اختلاف جذري بطريقة التفكير بيناتنا :D

يا سيدي بدي قلك شغلة .. (بيني و بينك هاي ها :lol:) انا وحدة من الناس ضد انو تتسمى الحادثة هاي بالزنا
ولكنها ممارسة حب.. بنظري الي ع القليلة
ما قلتلك اول ما تحب مدري شو.. ولكن الفكرة.. بالوضع الطبيعي .. و بنظري ع القليلة
ما لازم تحمل كل هالعواقب .. لمجرد انو بنت مارست حقها بالحب "حسب مفهومي" .. و كمان بحب نوه لشغلة تانية ..انو وقت البنت تقدم ع هيك خطوة
بدها تعرف كتير منيح .. مين معها.. و شو بدها تكون العواقب
يعني مو اول شخص حبيتو و حسيتو ظريف بهديه حالي ع طبق من دهب !

بتمنى تكون وصلت الفكرة ..:D
Nay
24/10/2009, 17:34
بما انو نحنا عم نعد حالنا مسلمين ما بيجوز افصل حياتي ونقاشاتي واموري كلها عن الدين وعن الخالق ..
ولم نتحول لشيوعيين هديك الساعة بيفرجها الله

هلا بخصوص النقاش الانساني لنفرض انو الغلط صار .. حلو هيك هلا هون شو ممكن انو يصير ...
اول شي هي البنت يلي صارت ام هيك بليلة ما فيها ضو قمر ... في عدة امور او يمكن تنحل هالقصة بعدة طرق
اول شي معرفة مين ابو الولد وتاني شي الزواج الاجباري يعني الدولة بما انو هي دولة تجبر الطرفين على انو يتزوجو لحتى الولد يربى بطريقة سليمة وبعيدة عن الملاجأ وعن دور رعاية الاطفال واللزي منو ..

وتالت شي الدولة تعمل على التالي انو تجمع الطرفين الغلطانين وتحملهم المسؤولية بتربية هالطفل يلي جاي
غير هيك انا بصراحة عقلي مسكر الليلة :lol:

كل الاحترام :D

بس شغل القتل واللزي منو مش احنا يلي بنحدد حياة شخص معين لحتى ناخد روحو وكل انسان خطاء وخير الخطائين التوابين ونقطة جنبها فاصلة وسطر جديد :p طفت معي الليلة ... :D
لما بتكون عم تحكي مع ناس من مختلف الثقافات متل ما هوي باخوية .. ما بيفيد الحكي من منطلق ديني صديقي..
أخوية مجتمع افتراضي بيجمع ناس من كذا دين وكذا مذهب وفيه ناس علمانيين وناس شيوعيين وملحدين ..
واذا كنت بدك تحكي مع هدول الناس بدك تحكي منطق.. وما بيصير تحكي دين.. بدك تحكي من ناحية انسانية ومنطقية بعيد عن المعتقد الديني..
وبخصوص باقي الحكي انا معك:D
بقـ انسان ـايا
24/10/2009, 18:37
لما بتكون عم تحكي مع ناس من مختلف الثقافات متل ما هوي باخوية .. ما بيفيد الحكي من منطلق ديني صديقي..
أخوية مجتمع افتراضي بيجمع ناس من كذا دين وكذا مذهب وفيه ناس علمانيين وناس شيوعيين وملحدين ..
واذا كنت بدك تحكي مع هدول الناس بدك تحكي منطق.. وما بيصير تحكي دين.. بدك تحكي من ناحية انسانية ومنطقية بعيد عن المعتقد الديني..
وبخصوص باقي الحكي انا معك:D
بتوقع اطرقنا لهالكلام بموضوع اخر ... :D
بقـ انسان ـايا
24/10/2009, 18:45
اولا بحب نوه لشغلة انو في اختلاف جذري بطريقة التفكير بيناتنا :D

:p ما بعرف مين الصح فينا ...!!! يمكن تنيناتنا صح او العكس .. او واحد فينا :D

يا سيدي بدي قلك شغلة .. (بيني و بينك هاي ها ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////) انا وحدة من الناس ضد انو تتسمى الحادثة هاي بالزنا
ولكنها ممارسة حب.. بنظري الي ع القليلة
انا شغلة الحب بعتبرها اكبر كتير من شغلة الزنا ...

ما قلتلك اول ما تحب مدري شو.. ولكن الفكرة.. بالوضع الطبيعي .. و بنظري ع القليلة
ما لازم تحمل كل هالعواقب .. لمجرد انو بنت مارست حقها بالحب "حسب مفهومي" .. و كمان بحب نوه لشغلة تانية ..انو وقت البنت تقدم ع هيك خطوة
بدها تعرف كتير منيح .. مين معها.. و شو بدها تكون العواقب
يعني مو اول شخص حبيتو و حسيتو ظريف بهديه حالي ع طبق من دهب !

بتمنى تكون وصلت الفكرة ..:D

كل الاحترام ... :D
i m sam
24/10/2009, 18:52
بتوقع اطرقنا لهالكلام بموضوع اخر ... :D
طالما اتطرقت لهالموضوع معناها لازم صرت تعرف ومعناها ما الك عذر بطريقة طرحك لاقناع الاخرين بوجهة نظرك.
مع كامل احترامي الك والعذر منك لو كان كلامي مزعج :D
i m sam
24/10/2009, 19:11
أنا ما بظن انو الأهل ردعهم تغيير القانون عن القتل لأنو يلي كان يفكر بالقتل ليغسل شرفو مارح يرضى يخلي اختو مع نفس الشب متل ما كنا نشوف لما الوحدة تتزوج "وخلينا نشدد على زواج" بدون رضى الأهل كانت تنقتل كمان.
لذلك أظن انو تفكير الأهل هيك. انو البنت اختارت ولازم تتحمل تبعات اختيارها, مهما حسينا انو هالشي قاسي. لكن لو الكل ربى اولادو " شباب وبنات" على الاختيار وتحمل مسؤولية الاختيار والنتائج _ مو بس عن هالموضوع عم احكي_ لكنا حصلنا على جيل واعي أكتر.
ولتخلصنا من كتير مشاكل
النمر اللبناني
24/10/2009, 20:10
اي كس اختك عدد ما غرد الطير كس اختك بدون حجر وحجير كس اختك كل ما جورج غنا لسه الدنيا بخير
suryoyo
24/10/2009, 20:31
للاسف الشديد من قرائتي للردود عم لاحظ انو احنا بنحكي على الموضوع كأنو شي عيب او كأنو قادرين على تحمل المسؤولية او لا انتو نسيتو انو هالامر "حرام" رح احكيلكم شغلة ازا مخافة الله ما منعتك من ممارسة الجنس معناها روح شوفلك دين تاني بيسمحلك تزني و...الخ


سيدي ..
ما شفنا من المتدينين ...مواضيع عن التخويف من القمع الفكري .. او التخويف من السرقة او التخويف من عدم العمل في دوائر الدولة ... و الخ
مع انو الاديان تحث عليها ..

مع انو اللي يسرق و يختلس يبررها مشان يعيش و مشان ياكل خبز .. و مع ذلك يقلك الله رح يحاسبني و الله رح يفهم انو انا محتاج ..

و اللي يقتل اختو لان شافها مع واحد تاني .. يعرف انو القتل حرام .. بس يقتلها بدم بارد
تعرف ليش ؟؟ مو لانو متدين ... بس لانو تعلم هيك !

ثقافتو ما علمتو يقتل ابنو من يختلس ملايين من الدولة .


روح شوفلك دين تاني بيسمحلك تزني

يلي ما بيحسب حساب للي خلقو طز طزين بأهلو يعني الاهل شو بدهم يعملو ..؟؟؟

هي انت ضد وصاية الاهل ... بس مع فرض وصايتك انت على الابناء !




المشكلة العويصة انو بيبتعدو عن تعليم ابنائهم كل صغيرة وكبيرة وبيخلو الشارع يتكفل بتعليم ابنائهم الامور المتعلقة بكلمتهم "عيب" وبالتالي من الشارع واليه ... شو بدو يطلع واحد اتثقف بلغة الشارع ..؟؟ وتعلم من الشارع ..؟ اكيد بالنهاية بدو يطلع رئيس دولة او وزير او شي من هالقبيل لحتى يستمر في عملية تجهيل وت*** الشعب ..

سيدي ... الاهل ما يقدروا يعلمو الطفل كل شي ..

لازم يعلموه الاساس الاساس ( وهون اتفق معك) .. بس يظل الفرد هو جزء من المجتمع ...

هناك كثير عائل تنغلق على الابناء بكل الافكار و تتعامل بشكل حدي ... بالنتيجة اما يطلع مكبوت جدا او يطلع انفجاري


اللي اود اقوله .. انو التربية عملية مشتركة من كل الاطراف .. بس التربية لا تعني الملكية الخاصة
suryoyo
24/10/2009, 20:36
أنا ما بظن انو الأهل ردعهم تغيير القانون عن القتل لأنو يلي كان يفكر بالقتل ليغسل شرفو مارح يرضى يخلي اختو مع نفس الشب متل ما كنا نشوف لما الوحدة تتزوج "وخلينا نشدد على زواج" بدون رضى الأهل كانت تنقتل كمان.
لذلك أظن انو تفكير الأهل هيك. انو البنت اختارت ولازم تتحمل تبعات اختيارها, مهما حسينا انو هالشي قاسي. لكن لو الكل ربى اولادو " شباب وبنات" على الاختيار وتحمل مسؤولية الاختيار والنتائج _ مو بس عن هالموضوع عم احكي_ لكنا حصلنا على جيل واعي أكتر.
ولتخلصنا من كتير مشاكل

انا معك كل واحد لازم يتعلم يصلح اغلاطو ... و يتحمل النتائج

بس مو معقولة الواحد .. ابنو او بنتو تغلط مهما كان شنيع .. و يرميهم للشارع ... لان بهيدك الساعة ممكن يتعلموا كثير شغلات اسوأ و اشنع

هي انتقام اكثر من كونه عقاب (مع انو افضل من القتل بكل الاحوال)

الانسان يظل محتاج الاهل .. حتى من يصير اب او ام


لذلك اشك انو رح نحصل جيل واعي اذا تعاملنا مع الغلط بهذه الطريقة .. لان ممكن نحصل جيل تعبان جدا
بقـ انسان ـايا
24/10/2009, 23:38
طالما اتطرقت لهالموضوع معناها لازم صرت تعرف ومعناها ما الك عذر بطريقة طرحك لاقناع الاخرين بوجهة نظرك.
مع كامل احترامي الك والعذر منك لو كان كلامي مزعج :D

ميت هلا حبيب القلب ..
لفت انتباهي شغلة حلوه بردك ... هي انو صرت ... انا حابب احكيلك شغلة ما في طلع من بطن امو فيلسوف وعالم وكمان بروفوسور ... الانسان بيمر بعدت خطوات بحياتو وانا ازا ناقشت قبل هيك بكون ناقشت من ناحية دينية ولقيت انو هون للاسف البعض ما بيقتنع بالدين وبس ... الايام الجاية رح يختلف الوضع ...

اهلا وسهلا ..:D
بقـ انسان ـايا
24/10/2009, 23:42
انو التربية عملية مشتركة من كل الاطراف
حلو لهون .. ممكن اعرف مين هم الاطراف ..؟ الاهل وعرفنا بس مين الاطراف يلي رح تساعدنا بتربية هالاجيال الجديدة يلي كل همو غريزتو وبس .....
suryoyo
27/10/2009, 18:37
حلو لهون .. ممكن اعرف مين هم الاطراف ..؟ الاهل وعرفنا بس مين الاطراف يلي رح تساعدنا بتربية هالاجيال الجديدة يلي كل همو غريزتو وبس .....

البيئة اللي يعيش فيها الطفل , الحدث ... تكون اكبر من محيط العائلة و تكبر باستمرار

الجيران و الحارة كبداية ...
المدرسين و الزملاء في المدرسة

الانسان .. كائن اجتماعي .. و يصقل شخصيتو من خلال التفاعل مع المجتمع

لو نجي على موضوع الغريزة ..
كل انسان عندو الهو و الانا و الانا الاعلى

و الانا الاعلى دائما يكبت الهو (اللي يمثل الغرائز ) .. الانا الاعلى هو الضمير اللي يكون نتيجة الاهل و المجتمع

لو نجي على ميكانيزمات الكبت .. رح نفوت بموضوع طويل


بس اللي اؤكد لك ياه ... هناك جماعات تريد توحيد الانا الاعلى للآخرين و التحايل عليه حسب معرفتها

ما عم قلك انا مع العلاقات الجنسية ..
بس بنفس الوقت هناك زواج من القاصرات (بالجبر او بدون الجبر) و هناك البالسر او بلا عقد ... و هلم جرا ...