حقائق مقلقة [الأرشيـــــف]

DARKNESS

20/10/2009, 12:38

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

المعلومات التالیة نشرت في مجلة The Economist 25 (عدد یولیو 2009 )، ونظراً لأھمیتھا وخطورة الواقع الذي
تصوره، كان من الضروري تقدیمھا إلى قرائنا وذلك لمعرفة نقاط الضعف والمشكلات التي تواجھ عالمنا العربي
والمواطنین المقیمین فیھ... فتحدید المشكلات والاعتراف بوجودھا ھو الخطوة الأولى في البحث عن علاجات ناجعة
لھا والسبیل الأمثل للخروج من ظروف تسببت في خلقھا أحداث وحقائق عانت منھا مجتمعاتنا خلال العقود
والقرون الماضیة.

وفقاً لتقریر "برنامج الأمم المتحدة للإنماء UNDP الصادر ھذا العام، فإن مواطنین اثنین من كل خمسة في
العالم العربي یعیشون بدولارین أو أقل في الیوم.
سیتوجب على دول العالم العربي خلق 50 ملیون وظیفة جدیدة بحلول العام 2020 ، نظراً للزیادة المضطردة وغیر
المنظمة في أعداد السكان.
باستثناء النفط ، إذا تم جمع صادرات كل الدول العربیة، سنجد أنھا أقل من صادرات دولة كالفلبین (التي یبلغ عدد
سكانھا نحو ثلث عدد سكان العالم العربي) أو إسرئیل (التي لا یزید عدد سكانھا عن سكان مدینة الریاض).

بین الأعوام 1980 و 2000 سجلت السعودیة والإمارات ومصر والأردن والكویت وسوریا ما مجموعھ 367 براءة
واسم تجاري في الولایات المتحدة؛ في حین سجلت كوریا الجنوبیة (في الفترة ذاتھا) 16328 وسجلت إسرائیل 652
براءة واسم تجاري.
عدد الكتب التي تتم ترجمتھا من جمیع لغات العالم كل عام إلى لغة الضاد في الدول العربیة مجتمعة یعادل الخُمس
%20 ) مما تتم ترجمتھ من قبل الیونان وحدھا إلى الیونانیة سنویاً.
من المتوقع أن یزید عدد سكان العالم العربي بنحو 150 ملیون شخص خلال العقدین القادمین؛ إلا أن نسبة البطالة في
الدول العربیة ھي الأعلى في العالم وبشكل خاص فیما یتعلق بفئة الشباب التي تشكل الأعداد الأكبر في التركیبة
السكانیة لتلك الدول.
ھذه ھي المعلومات الي نعتقد أنھا تدق ناقوس الخطر فیما یرتبط بمستقبل العالم العربي وبأجیالھ القادمة... وإذا أضفنا
إلى كل ھذا أنھ لا توجد أي جامعة عربیة في قائمة أفضل مئتي جامعة في العالم... فالواقع یصبح مقلقاً أكثر.
وقت التغییر ھو الآن.

نقلا عن مجلة أفاق العلم

DARKNESS

20/10/2009, 12:41

انا حسيت في بهورة بالموضوع كتير بس كمان الواحد ما بيعرف :?

حنين.

20/10/2009, 13:24

انا حسيت في بهورة بالموضوع كتير بس كمان الواحد ما بيعرف :?
بغض النظر عن وجود مبالغة او لا
كلنا بيعرف اننا في الحضيض ولازم لازم وبسرعة نبدا عالاقل نتحرك

ورده بغداد

20/10/2009, 13:28

فعلا

حان وقت التغيير

Nasserm

20/10/2009, 13:29

بین الأعوام 1980 و 2000 سجلت السعودیة والإمارات ومصر والأردن والكویت وسوریا ما مجموعھ 367 براءة
واسم تجاري في الولایات المتحدة؛ في حین سجلت كوریا الجنوبیة (في الفترة ذاتھا) 16328 وسجلت إسرائیل 652
براءة واسم تجاري.

عدد الكتب التي تتم ترجمتھا من جمیع لغات العالم كل عام إلى لغة الضاد في الدول العربیة مجتمعة یعادل الخُمس
%20 ) مما تتم ترجمتھ من قبل الیونان وحدھا إلى الیونانیة سنویاً.

حقائق مخجلة..

حنين.

20/10/2009, 14:26

بغض النظر عن وجود مبالغة او لا
كلنا بيعرف اننا في الحضيض ولازم لازم وبسرعة نبدا عالاقل نتحرك
بس امتى كيف ومن وين رح نبدا نتحرك؟
السؤال يبقى مطروح والوقت يجري وتخلفنا يتفاقم ونحن بس بنقول صعب ومستحيل وشو بايدينا
هل فعلا فات الاوان!!

عربي عربي

20/10/2009, 14:32

لازم نتغير, انا معاكو

وردة حماة

20/10/2009, 14:50

المشكلة انو الغرب خلا العرب يتعودو انو يجيون كل شي عالبارد والمستريح
والعرب عجبن هيك:pos:

عربي عربي

20/10/2009, 16:36

العربي مو عاجبو غير الاكل و النوم, اصلا هاي الشغله الكويسه منو, لانه ازا حك طيزو رح يخبص

Nay

20/10/2009, 19:56

المشكلة انو الغرب خلا العرب يتعودو انو يجيون كل شي عالبارد والمستريح
والعرب عجبن هيك:pos:

الغرب خلا العرب يتعودو..؟؟؟..
ومنكم نستفيد

عربي عربي

20/10/2009, 21:28

الغرب خلا العرب يتعودو..؟؟؟..
ومنكم نستفيد

ايه, استفيدي, شكلو جلدة راسك خميله :?

suryoyo

21/10/2009, 00:58

اساسا الشغلة مو بس امة عربية ...

الشغلة عالم ثالث ...

و السبب الرئيسي .. هو الرجعية .. و الفقر ... و االواساطات و المحسوبيات و الفساد الاداري ...

كل هذه بتصب بهذه الارقام و يمكن هي الارقام مو دقيقة اساسا

Nasserm

21/10/2009, 01:06

و السبب الرئيسي .. هو الرجعية .. و الفقر ... و االواساطات و المحسوبيات و الفساد الاداري ...

كل هذه بتصب بهذه الارقام و يمكن هي الارقام مو دقيقة اساسا
شو خص الرجعية والواسطات والمحسوبيات والفساد الإداري.. بإنو الناس بهالمنطقة ما بتقرا؟

بيبقى عندك الفقر سبب.. بس مو رئيسي

suryoyo

21/10/2009, 01:45

شو خص الرجعية والواسطات والمحسوبيات والفساد الإداري.. بإنو الناس بهالمنطقة ما بتقرا؟

بيبقى عندك الفقر سبب.. بس مو رئيسي
الجامعات كتير من الشغل و البحوث تعاني من قلة الاجهزة و الفحوصات ...
و ما ننسى انو كثير امور بسيطة مبنية على العلاقات و الواسطات ... حتى دخول بعض المختبرات باعتبار هي قليلة

ثانيا .. الطالب كل همو يشتغل بالجامعة بعد الدراسات العليا .. و اذا ما حصل فرصة عمل بالجامعة شهادته العليا ما رح تكون فعالة بسبب فرص العمل ..

لذلك الشهادات العليا غير مستغلة في الجانب العملي ..

ثالثا الفقر و عدم توفر الخدمات ... تخلي الواحد يركض ورا الاكل و الشرب و التلفون و الموبايل ...

رابعا .. تحول المجتمع الى مجتمع استلاكي و الصناعي صار تاجر ...

لذلك كل هي العوامل .. ادت الى ان الانسان العربي لا يفكر بالصناعة و لا يفكر بالتطور ... لان كلشي يجيه جاهز بلا تعب و تفكير

و لذلك اقتصاد العالم العربي متدهور (معتمد على التصدير النفط او غير شي)

خامسا الحرب الفكرية (بكل التوجهات) على الفرد العربي .. و كل شوي تطلع لو قضية اهم من اكلو و شربو و تطور المجتمع .. (اذا تتذكر كولدشتاين)

و اذا تلاحظ كثرة القنوات السياسية الموجهة و الدينية ... و كثرة متابعيها

بالاضافة الى ثقافة المجتمع اللي تقول لطالب العلم ... شو رح تعمل بشهادتك ...
فكر تفتح مصلحة خاصة حتى تعيش مرتاح ...

كل هذه العوامل ... مجتمعة ... وصلتنا الى هذه المرحلة :D

butterfly

21/10/2009, 11:38

[/center]
[/size][/color]حقائق مخجلة..

للأمم المتحدة مو ؟ ( أنت قصدك أنو هالحقائق لازم تخجل منها الأمم المتحدة :? )
يعني انت .. اكيد ما كنت عم تقصد أنو اللي عايش بدولارين هو اللي كان المسؤول لحالو عن اللي صار
يا جماعة نحنا ما فتحنا عيوننا عالدنيا إلا ونحنا مكتوب ع جبيننا عالم تالت ، ما بدي ياهن يساعدوني ! بس كمان أوقات إذا بيحلو عنا بيكون منيح
يعني الأمم المتحدة ، بلكي بتتذكر أنو صار حربين .. وانو اسرائيل عم تتسلى فينا ..
فأنو نظرية الأمن تبعها ! ما شكلها زابطة عالميا ً مع الكل

أي عمي ، عنا فقر و تخلف و .. و .. و..
بس أخي هني عاطين حكوماتنا شماعة المواجهة والحرب والضغوط الخارجية ؟!
وأنو نوعى عالدنيا ونحنا عم يقولولنا ميزانية البلد رايحة للدفاع ( لك صح أو غلط ، ما هادا المهم .. المهم أنو في مبرر ، في شي بإيدن يستندو عليه )

بالفعل حقائق مقلقة ،

DARKNESS

21/10/2009, 11:53

للأمم المتحدة مو ؟ ( أنت قصدك أنو هالحقائق لازم تخجل منها الأمم المتحدة :? )
يعني انت .. اكيد ما كنت عم تقصد أنو اللي عايش بدولارين هو اللي كان المسؤول لحالو عن اللي صار
يا جماعة نحنا ما فتحنا عيوننا عالدنيا إلا ونحنا مكتوب ع جبيننا عالم تالت ، ما بدي ياهن يساعدوني ! بس كمان أوقات إذا بيحلو عنا بيكون منيح
يعني الأمم المتحدة ، بلكي بتتذكر أنو صار حربين .. وانو اسرائيل عم تتسلى فينا ..
فأنو نظرية الأمن تبعها ! ما شكلها زابطة عالميا ً مع الكل

أي عمي ، عنا فقر و تخلف و .. و .. و..
بس أخي هني عاطين حكوماتنا شماعة المواجهة والحرب والضغوط الخارجية ؟!
وأنو نوعى عالدنيا ونحنا عم يقولولنا ميزانية البلد رايحة للدفاع ( لك صح أو غلط ، ما هادا المهم .. المهم أنو في مبرر ، في شي بإيدن يستندو عليه )

بالفعل حقائق مقلقة ،

طيب نحن اذا لمنا الأمم المتحدة من زيح الذنب من على جنبنا ؟:?

عملت شي الزمم المتحدة لدعم الصين لتصير من الدول العظمى ؟

استرجت الأمم المتحدة و أمريكا و كل العالم يسوو شي ضد كوريا الشمالية بعد ما صار عندها أسلحة نووية

الأمم المتحدة سلاح مصلط علي من يعادي مصالح الدول الكبري و هني اللي بقررو شو تعمل
و مانها موجودة شي لتثقفنى و تحسن أحوالنا هاد حكي فاضي

مين اللي بترجم الكتب للغة العربية الأمم المتحدة لما دور النشر؟
سؤال بس ؟ كم مسلسل تركي سخيف تمت ترجمتو للغة العربية ؟ فينا نقارن بترجمة الروايات العالمية اللي نصها ما وصلنا؟
رواية السيلميليرون تبعت جرر تولكين لحد هلق ما تم ترجمتها للغة العربي ليش؟
من الأمم المتحدة؟
سلسلة هاري بوتر ما ضل لغة بالعالم ما ترجمة لألها الا العربية ؟ ليش؟

كتب الفلسفة و العلوم ما في عا مستوى الوطن العربي كلو موسوعة موثقة عن الكواكب او الكون ؟ ليش ؟

هاد ما أسمو تقصير؟

اللي بيهتمو بنور و لميس قد اللي بيهتمو ببرنامج ناسا الفضائي و عملياتو؟

اللي بهتمو بصور الممثلين و فيديوهاتن و مسلسلاتن قد اللي بيهتمو بصور هابل او ناشيونال جيو غرافيك؟

نحن منضل نلقي اللوم علي غيرنا لأسباب عجزنا عن التغيير

.:D

butterfly

21/10/2009, 15:31

انا قلت نحنا ما عنا مشااكلنا :? ؟ لأ ما قلت ولا رح قول
بس مجرد كنت عم عبر ، عن كافي امتعاضي .. من كل الدور تبع الامم المتحدة
لا أكثر

هاد ما أسمو تقصير؟
ما بعرف شو أسمو ، بس يا عمي بدنا نحاول نعمل شي بهالبلدان .. يا أخي بس ما تقلي الشعب هو المشكلة !
ما تقلي أنو هالشعب عندو الظروف المواتية للنمو .. وما عم ينمى

بس دايس على البرعم تبع فكرو ... ومانعو يرفع راسو ليشوف الشمس .. ومحاوطو بمية نظرية خوف وحرب و ...
وبعدين بدك تقلو ، ليش ما أنتجت ؟

والله ما أنتجت يمكن لأنو ملعون ديني :lol:

DARKNESS

21/10/2009, 15:44

انا قلت نحنا ما عنا مشااكلنا :? ؟ لأ ما قلت ولا رح قول
بس مجرد كنت عم عبر ، عن كافي امتعاضي .. من كل الدور تبع الامم المتحدة
لا أكثر

ما بعرف شو أسمو ، بس يا عمي بدنا نحاول نعمل شي بهالبلدان .. يا أخي بس ما تقلي الشعب هو المشكلة !
ما تقلي أنو هالشعب عندو الظروف المواتية للنمو .. وما عم ينمى

بس دايس على البرعم تبع فكرو ... ومانعو يرفع راسو ليشوف الشمس .. ومحاوطو بمية نظرية خوف وحرب و ...
وبعدين بدك تقلو ، ليش ما أنتجت ؟

والله ما أنتجت يمكن لأنو ملعون ديني :lol:

يمكن ...
علي كل حال التقصير نحن بشكل عام منحملو للعروبة و العربان و منقول انو والله هاي حياة العرب ما بهتمو بشي
المشكلة مشكلة بشرية بشكل عام بجوز العربي لسا ما تبلور تفكيرو بس مو انو العربي وحدو هوي الجاهل و الغير مثقف
في مشاكل غريزية تانية بتعود للنفس البشرية بشكل عام يعني كل البشر تقريبا بيهتمو بيفلام هوليود اكتر من اهتمامن ببرنامج ناسا او تكنلوجيا النانو او علوم تانية بالرغم من انو نسبة المهتمين بتختلف من بلد لأخر بحسب درجة وعي الشعب اللي فيه.

ما بعرف اذا بقدر اوضحها للمشاكل الصايرة عنا...
من مناهج فكر يسارية و يمينية و وسطوية و ما بعد حدثاوية و شيوعية و غيرها اللي عم تخلينا ضايعين اكتر بسبب تبنيها و التفكير فيها و نسيان هدفها الرئيسي او من تفكيرنا اللمنحصر بتأمين الزساسياة للحياة فقط .
يعني انا ما بعرف شو قيمة الحياة لمجرد التنفس و الزكل و الشرب فقط:shock:

Nasserm

22/10/2009, 01:25

للأمم المتحدة مو ؟ ( أنت قصدك أنو هالحقائق لازم تخجل منها الأمم المتحدة :? )

هـء يا فراشة..

النقطتين اللي حددتهن أنا (نسبة الكتب المترجمة، عدد براءات الاختراع) هيدول إلهن علاقة بشكل أساسي بالناس.. بالشعب.. بطريقة حياة.. كانت موجودة قبل الأمم المتحدة.. وعصبة الأمم.. والاحتلال الفرنسي وسايكس بيكو.. ومدري شو من هالمؤامرات..

في ناس مقاطعة القراية.. مقاطعة المعرفة..

مو لإنو ما معها حق كتاب.. ومو لإنو حكوماتها عم تلهيها بهموم حياتية تانية

بعرف صعب الواحد يهجي شعبو وولاد بلدو.. بس للأسف الوضع هيك..

وما بيتغيّر هالوضع.. إذا الناس ما تركوا الريموت كونترول.. ومسكوا الكتاب (ع قولة د.أبو خليل)..
ويصير الواحد يرجع ع البيت كل يوم.. وبدل عشرات كياس الخضرة.. يكون راجع ومعو كام كتاب

OSHAH

22/10/2009, 03:31

حلبي

22/10/2009, 04:30

نعم هذه أول ملاحظة وضعتها على شعبنا في بداية غربتي ألا و هي عدم القرائه

لقد شاهدت الناس في حافلات النقل الداخلي تقراء الكتب بدل الألتفات يمين و يسار و النظر الى بعضعم البعض الخ ؟؟؟؟؟؟؟؟؟؟؟؟؟؟

لماذا هم هكذا و نحن لا ؟

كثيراً ما كنت أسأل نفسي و أحاول أن أبرر بكلام لم أقتنع به

المهم مرت سنين و الحمد لله أتتنا النت و هناك الكثير من الأسئلة تستطيع الحصول على أجوبتها و خاصة عند العم غوغل

للأسف بل للأسف كثير ما أعاني من البحث عن موضيع لا أجدها في المواقع العربية فأطر الى اللجوء اللغة الأنكليزية لكي أجد ضالتي

أين العلماء من الأمة اللذين يعيشون في الغرب و عندهم كل ما يتمنون لماذا لا يقومون في الكتابة على النت

تصورو أني أعيش في بلد لا يتجاوز عدد اللذين يتكلمون لغته عن الأربعين مليون نسمة في كل أنحاء العالم و كثيراً ما أجد في هذه اللغة نتيجة لبحث قبل اللغة العربية

في أحدى المرات طلب مني أبني الصغير أن أكتب له كلمة الله على الباحث غوغل فقلت له لماذا تريد ذلك قال أريد أن تكتب لي الله لكي أراه على النت أكتب الله و سوفا يظهر لك الله في النت

تصورو من كثرة لجوئنا الى النت في كل مانحتاج أعتقد الطفل أنه يمكن أن يرى الله في النت

ما أريد أن أقوله أن الحياة هنا أصبحت مواكبة للعصر و أي سؤال تحتاج يمكن أن تحصل على الأجابة

ألا العربية لا يوجد جواب

جرب أكتب أسم أي علم من علوم الدنيا ستجد المليون موقع على اللغة الأنكليزية

أما بالعربي فستجد من يتحدث عن هذه العلم في مقال عابر أو في حديث بين أثنين على موقع شات محادثة لا غير

نعم نحن المخطئ

نعيب الدهر و العيب فينا

مشكور على الموضوع أخي الكريم :D

Nasserm

22/10/2009, 15:53

نعم هذه أول ملاحظة وضعتها على شعبنا في بداية غربتي ألا و هي عدم القرائه
(...)
للأسف بل للأسف كثير ما أعاني من البحث عن موضيع لا أجدها في المواقع العربية فأطر الى اللجوء اللغة الأنكليزية لكي أجد ضالتي
(...)
تصورو أني أعيش في بلد لا يتجاوز عدد اللذين يتكلمون لغته عن الأربعين مليون نسمة في كل أنحاء العالم و كثيراً ما أجد في هذه اللغة نتيجة لبحث قبل اللغة العربية
(...)
ما أريد أن أقوله أن الحياة هنا أصبحت مواكبة للعصر و أي سؤال تحتاج يمكن أن تحصل على الأجابة

ألا العربية لا يوجد جواب

جرب أكتب أسم أي علم من علوم الدنيا ستجد المليون موقع على اللغة الأنكليزية

أما بالعربي فستجد من يتحدث عن هذه العلم في مقال عابر أو في حديث بين أثنين على موقع شات محادثة لا غير
بتعرف أبو حميد؟

في مليون مصطلح جديد ما إلو مقابل باللغة العربية!!

إنو الفكرة.. تقصيرنا مو فقط بإنتاج العلم (والعلم هو اللي بيخلق مصطلحات جديدة)

لأ..

كمان تقصيرنا بمواكبة الإنتاج العلمي..

إلي صديق قلّي معلومة مرّة.. بغض النظر عن دقتها.. بس مرعبة

ما يُنشر باللغة الإسبانية في سنة واحدة.. يفوق ما نـُشر باللغة العربية من عهد المأمون حتى اليوم

بسدّق هيك قصّة لسببين..

الأول:
إنو اللغة الإسبانية هي اللغة الثقافية الأولى بالعالم

التاني:
إلي علاقة شوي بدور النشر.. وبعرف أهم دور النشر شو الكتب اللي بتنشرها.. وأتخن كاتب وأهم موضوع.. قديش بينطبع منو.. وقديش بينباع من الطبعة!!
هاد بالإضافة للإحصائيات اللي بتحكي عن "معدّل قراءة الفرد العربي" بالسنة..

شي بيأسـّي صراحة..

في مثل بالفرنسي.. كتير مهم.. بيقول:

الجهل كالفقر.. يحدّ من الحريّة

ياسمين_الشآم

22/10/2009, 16:58

والله ياناس في أشخاص مخاخها بتوزن بلد بس وين بتروح
الكل بيعرف وين بتروح ومين بيتحفظ عليها وبيستهلكها لأنن عارفين قيمتها
ونحنا هون منغض النظر عنهم
راح يتخصص في فرنسا بعلم الذرة اوفدوه ايفاد قال لحالو برجع بفيد بلدي بالرغم انهم اتمسكوا فيه كتير
رجع الزلمي قاموا حطوه ورا مكتب والزلمي مخ كبير ماعجبوا الحال أفاقوا وأحلاموكبيرة وكتيرة راح رجع عافرنسا وعم يشتغل باختصاصوا وحرصاً على عبقريتو
مابيقدر حدا يشوفوا إالا بموافقة القيادات العليا هناك .
طبعا الأمثلة كتيرة

بدنا ناس تمسك بزمام الأمور بشكل صحيح للتوجيه بشكل دقيق للمعرفة
والعلم لكن للأسف بالهم مشغوول بكيفية جمع الأموال والبزخ وغيره.

شكرا عالموضوع

ritka

23/10/2009, 00:48

بغض النظر ان كانت الارقام دقيقة او لا .. انو .. للاسف يعني.. بتعبر عن الواقع

هل فعلا فات الاوان!!
لا .. ما فينا نقول فات الاوان.. عمرو ما فات ولا عمرو رح يفوت
احسن هلا نغير.. من انو نستنى كمان 500 سنة و يجي غيرنا و يقول معقول فات الاوان؟ و يقتنعو انو فات و بعد 500 سنة يجي غيرهم و يسالو .. الخ
الاوان ما فات .. احنا عايشين اليوم.. مبارح راح.. و ما عاد فينا نغيرو بس بكرة بايدينا :)

لازم نتغير, انا معاكو
العربي مو عاجبو غير الاكل و النوم, اصلا هاي الشغله الكويسه منو, لانه ازا حك طيزو رح يخبص
بحياة الله ما حسيت انك عم تناقض حالك؟
لك لسة هداك اليوم كتبت خربوشة بالعامية عن هاد الموضوع :lol:

ما بعرف شو أسمو ، بس يا عمي بدنا نحاول نعمل شي بهالبلدان .. يا أخي بس ما تقلي الشعب هو المشكلة !
ما تقلي أنو هالشعب عندو الظروف المواتية للنمو .. وما عم ينمى

بس دايس على البرعم تبع فكرو ... ومانعو يرفع راسو ليشوف الشمس .. ومحاوطو بمية نظرية خوف وحرب و ...
وبعدين بدك تقلو ، ليش ما أنتجت ؟

والله ما أنتجت يمكن لأنو ملعون ديني ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

ما تقولي الحكومة هي المشكلة !
يا اخي التنين اتعس من بعض.. الشعب و الحكومة..
الحكومة ما رح احكي عنها هلا ما طالع ع بالي.. + انو صار دور الحكومة شي بديهي نوعا ما
منجي ع المواطن.. يا اخي المواطن العربي .. ما منختلف .. اي نعم عايش عيشة صعبة جدا
و ملتعن دينو نظامي.. بس المشكلة وقت يجي شب ينخلق و هو عم يسمع هالشي
و يكبر يكبر .. و تصير هالفكرة قناعة داخية غير قابلة للتغير
و خود اقنع فيه انو يا ربي..انت ما بتعرف قديشك مهم.. و ما بتعرف شو بيطلع معك ازا استغليت نقاط قوتك و شغلتها بالمكان الصحيح.. انو اي شخص بحاول اقنعو باهلحكي بيطلع فيني نظرة العمش شو متفائلة :lol:
لك انو نوصل لمرحلة اي حدا يجيب سيرة التغير و نقاط قوة الشباب اللي ما عم يستغلوها .. تكون هاي ردة الفعل .. منكون احنا فعلا وصلنا لمرحلة مش مطمنة

شبابنا .. عم يربى ع فكرة انو هق ما في امل.. فات الاوان.. انا الحكومة لاعنة ديني.. يلعن هيك عيشة ... الخ لخ الخ
سدقيني اغلب الشبيبة عنا ما عم تحاول تغير.. او عم تقنع حالها انها عملت اللي عليها.. و هي ما عملت شي.. او عم تتخذ الوضع المعيشي السيء كعذر

وما بيتغيّر هالوضع.. إذا الناس ما تركوا الريموت كونترول.. ومسكوا الكتاب
لك ما بدي كتاب.. يفتحو ع الجزيرة الوثائقية و انا بكون في غاية الزهزهة

بعدين قرات رد كمان ... قال انو الغرب عود العرب :lol: ع انو يوصلهم كل شي ع البارد المستريح... يا بنتي (او يا ابني ما بعرف ع التمام).. انو المهم
بشرفك.. شو خطر للصين تسوق لغشاء بكارة بالشرق الاوسط؟ ع سبيل المثال لا الحصر يعني

و انو بالنهاية .... نحن مخيرون في الكثير من الامنا

:D

حلبي

23/10/2009, 03:38

بتعرف أبو حميد؟

في مليون مصطلح جديد ما إلو مقابل باللغة العربية!!

إنو الفكرة.. تقصيرنا مو فقط بإنتاج العلم (والعلم هو اللي بيخلق مصطلحات جديدة)

لأ..

كمان تقصيرنا بمواكبة الإنتاج العلمي..

إلي صديق قلّي معلومة مرّة.. بغض النظر عن دقتها.. بس مرعبة

ما يُنشر باللغة الإسبانية في سنة واحدة.. يفوق ما نـُشر باللغة العربية من عهد المأمون حتى اليوم

بسدّق هيك قصّة لسببين..

الأول:
إنو اللغة الإسبانية هي اللغة الثقافية الأولى بالعالم

التاني:
إلي علاقة شوي بدور النشر.. وبعرف أهم دور النشر شو الكتب اللي بتنشرها.. وأتخن كاتب وأهم موضوع.. قديش بينطبع منو.. وقديش بينباع من الطبعة!!
هاد بالإضافة للإحصائيات اللي بتحكي عن "معدّل قراءة الفرد العربي" بالسنة..

شي بيأسـّي صراحة..

في مثل بالفرنسي.. كتير مهم.. بيقول:

الجهل كالفقر.. يحدّ من الحريّة

نعم أخي ناصر أنا سمعت عن هذا الموضوع من حوالي الخمس سنوات عن ترجمت الكتب في أسبانيا

و هناك من يقول لماذا طرح هكذا مواضيع

ما هي الغاية من طرح هذا الموضوع

هل يمكننا أن نتهم صاحب الموضوع بالخيانة العظمى و أنه يريد أحباط الأمة

لا يا أخواني أنه للتذكير بأننا متجهون نحو الهاوية نحن بحاجة الى أن نحث بعضنا البعض على أن نصحح أخطائنا

هناك الكثير من العلماء ضحو بحياتهم من أجل العلم بل من أجل كلمة كم تساوي كلمة

أخواني منذو مدة شاهدة فيلم وثائقي بتحدث عن أحد العلماء الكيمائيين

كان هذا العالم يقوم بتجارب على نفسه ليكتشف أثر الدواء و ردة الفعل على جسده شخصياً

هذا هو الهوس بعينه لقد أصبح غريب الأطوار

لكنه قدم للبشرية دواء أنهى مرض الطاعون و أمراض عديدة

و لم يكن عنده أي دعم من الملك و لا من أي راس مالي ليكمل أبحاثه

أين علمائنا من هذا العالم

في النهاية كفانا كبر :gem:

ميمان لا يتعلمان : مستحي و متكبر

و دمتم :D

عربي عربي

23/10/2009, 11:19

بحياة الله ما حسيت انك عم تناقض حالك؟
لك لسة هداك اليوم كتبت خربوشة بالعامية عن هاد الموضوع :lol:

لا والله ما حسبت اني عم ناقض حالي :shock:
ايمتا كتب خربوشة بالعامية :shock:
لك انتي شو عم تخبصي, انتي مخربطه بيني وبين حدا تاني :?
باين عليكي بتشغلي مخك وبتحكي قبل ما يحمي الزيت تبعو, :nono:
ناقصك تمارين صباحيه للمخ عشان تصيري تجمعي قبل ما تحكي, اوكي :shisha:

ritka

24/10/2009, 07:13

لا والله ما حسبت اني عم ناقض حالي :shock:
ايمتا كتب خربوشة بالعامية :shock:
لك انتي شو عم تخبصي, انتي مخربطه بيني وبين حدا تاني :?
باين عليكي بتشغلي مخك وبتحكي قبل ما يحمي الزيت تبعو, :nono:
ناقصك تمارين صباحيه للمخ عشان تصيري تجمعي قبل ما تحكي, اوكي** :shisha:

مو انت اللي كتبت خربوشة .. هاد انا اللي كتبت خربوشة :lol:
الخربوشة كان محتواها باختصار.. انو شبابنا ما عم يحاول يتغير .. لانو بشكل اساسي اقتنع بانو مافي مجال للتغير و انو احنا ما خرجنا تغير و ما بيطلع بايدنا ... الخ

و كتير احيان و قت تحكي مع حدا عن التغير .. في شباب بتوافق نظريا .. بس وقت تيجي ع العملي الكل بيتكتف و بيرجع لنفس الاسطوانة .. بدون ما يحس بانو ناقض حالو .. و بالردين .. تطلع منيح يعني (تمعن) بتلاقي انك كتبت انو انا معكو ع التغير .. و بعدين حكيت شغلة العربي اللي ما خرجو يعمل شي
يعني مثال حي يرزق علّي كتبتو هداك اليوم ..

__________
** بخصوص اللي بالاحمر.. ما بتزكر اني حكيت معك قبل هيك , و لا بتخيل انو في موانة و خدني جيتك بيننا.. و بتخيل كمان انو احنا بالمنبر .. يعني لا بـ ع الطاير ولا بالمسابقات ولا حتى بالسقيفة
فـ بتمنى انو تخلي بـ كلامك قدر من الاحترام .. لشخص ما بتعرفو.. و لمكان عم يدور فيه حوار عن "حقائق مقلقة" :D

Nasserm

25/10/2009, 15:27

لك ما بدي كتاب.. يفتحو ع الجزيرة الوثائقية و انا بكون في غاية الزهزهة
شو قصتك مع الزهزهزة والتزهزه؟ :lol:

بعدين قرات رد كمان ... قال انو الغرب عود العرب :lol: ع انو يوصلهم كل شي ع البارد المستريح...

هاي أنا ما قريتها.. سمعتها بهالزمانات من هابّرلو مادنة جامع بخطبة الجمعة..

طلع مع الشيخ -فض فوه- يومتها.. إنو الله سخّرلنا الغرب وأهل الغرب حتى يخترعولنا وسائل راحة.. سيارات.. طيارات.. تلفزيونات.. مراوح.. كل شي.. هاي شغلتهن بالحياة..

بينما نحنا ما لازم نشغل حالنا إلا وفقط إلا بعبادة الله..

أما علم واختراع وقراية ومدري شو!! كش برّا وبعيد..

jano.

25/10/2009, 15:46

قرصان الأدرياتيك

25/10/2009, 17:36

الأرقام ما بتخوف...
الي بيخوف أكتر شي (بنظري) أنو فوق التخلف وفوق ما نحنا ثقافياً وعلمياً وأخلاقياً متذيلين أمم العالم تقريباً
فوق هالشي كلّو وبنعتبر حالنا أفضل من التانيين وبننظرلهم بفوقيّة وقرف و و و
لأ وبنعتبر غيرنا سبب بتخلفنا كمان.
بقى انسوا الأرقام :hashish:
حيّك يا ابن القصوارنة حيّك... أحياناً بتحك راسك وبيطلع معك أشيا خيلة :p.
وحياة هالدّني التعبانة مشتقلك قدّ البغل... قصدي قدّ البحر :D.

حنين.

25/10/2009, 17:43

بغض النظر ان كانت الارقام دقيقة او لا .. انو .. للاسف يعني.. بتعبر عن الواقع

لا .. ما فينا نقول فات الاوان.. عمرو ما فات ولا عمرو رح يفوت
احسن هلا نغير.. من انو نستنى كمان 500 سنة و يجي غيرنا و يقول معقول فات الاوان؟ و يقتنعو انو فات و بعد 500 سنة يجي غيرهم و يسالو .. الخ
الاوان ما فات .. احنا عايشين اليوم.. مبارح راح.. و ما عاد فينا نغيرو بس بكرة بايدينا :)

بحياة الله ما حسيت انك عم تناقض حالك؟
لك لسة هداك اليوم كتبت خربوشة بالعامية عن هاد الموضوع :lol:

ما تقولي الحكومة هي المشكلة !
يا اخي التنين اتعس من بعض.. الشعب و الحكومة..
الحكومة ما رح احكي عنها هلا ما طالع ع بالي.. + انو صار دور الحكومة شي بديهي نوعا ما
منجي ع المواطن.. يا اخي المواطن العربي .. ما منختلف .. اي نعم عايش عيشة صعبة جدا
و ملتعن دينو نظامي.. بس المشكلة وقت يجي شب ينخلق و هو عم يسمع هالشي
و يكبر يكبر .. و تصير هالفكرة قناعة داخية غير قابلة للتغير
و خود اقنع فيه انو يا ربي..انت ما بتعرف قديشك مهم.. و ما بتعرف شو بيطلع معك ازا استغليت نقاط قوتك و شغلتها بالمكان الصحيح.. انو اي شخص بحاول اقنعو باهلحكي بيطلع فيني نظرة العمش شو متفائلة :lol:
لك انو نوصل لمرحلة اي حدا يجيب سيرة التغير و نقاط قوة الشباب اللي ما عم يستغلوها .. تكون هاي ردة الفعل .. منكون احنا فعلا وصلنا لمرحلة مش مطمنة

شبابنا .. عم يربى ع فكرة انو هق ما في امل.. فات الاوان.. انا الحكومة لاعنة ديني.. يلعن هيك عيشة ... الخ لخ الخ
سدقيني اغلب الشبيبة عنا ما عم تحاول تغير.. او عم تقنع حالها انها عملت اللي عليها.. و هي ما عملت شي.. او عم تتخذ الوضع المعيشي السيء كعذر

لك ما بدي كتاب.. يفتحو ع الجزيرة الوثائقية و انا بكون في غاية الزهزهة

بعدين قرات رد كمان ... قال انو الغرب عود العرب :lol: ع انو يوصلهم كل شي ع البارد المستريح... يا بنتي (او يا ابني ما بعرف ع التمام).. انو المهم
بشرفك.. شو خطر للصين تسوق لغشاء بكارة بالشرق الاوسط؟ ع سبيل المثال لا الحصر يعني

و انو بالنهاية .... نحن مخيرون في الكثير من الامنا

:D

حطيتي ايدك على الجرح تمام:D
الحكومة تقول الشعب ما بيشتغل والشعب يقول الحكام ربطوني وسرقوني وما بعرف شو كمان ولسا كل شيء مستحيل بنظرهم وفات الوقت وحتى في مثل بيقول
اللي قرا قرا بكري
يعني اللي ما درس واتعلم زمان بلاه العلم بهالعصر لتعيش لازم تتاجر ترشي تسرق تختلس ومافي حدا احسن من حدا
صايرين لصوص كلنا من كبيرنا لصغيرنا :lol:
وشغلة الاعلام الاسود المتشاءم هي كمان قصة لحالها بتحملي جريدة ما بتلاقي جملة وحدة تعطي امل تقولي كل يوم جنازة كنت بزعل وقت بيربطو بين التخلف والاستسلام والخنوع والتشاؤم واللغة العربية
بس وقت شوف اعلامنا برجع فكر ان معهم الف حق يفكرو هيك
الكل بيركض وراء المعلومة السهلة قديش في كوارث فسهل كتير تلاقي كارثة وتعلق عليها تعليق ماساوي
بس وين اللي بيدور على الحالات النادرة والناجحة ووين اللي بيكتب عن الفساد والتخلف وبنفس الوقت يحفز ويحرك القارئ ليعمل شيء مفيد مهما كان بسيط
الأرقام ما بتخوف...
الي بيخوف أكتر شي (بنظري) أنو فوق التخلف وفوق ما نحنا ثقافياً وعلمياً وأخلاقياً متذيلين أمم العالم تقريباً

فوق هالشي كلّو وبنعتبر حالنا أفضل من التانيين وبننظرلهم بفوقيّة وقرف و و و
لأ وبنعتبر غيرنا سبب بتخلفنا كمان.

بقى انسوا الأرقام :hashish:
هم فعلا احد اسباب تخلفنا ما تنسى الاستدمارات والتخريب التقافي وسرقة الثروات والاستغلال حاليا والف ومليون شغلة
بس ليش ننسى ان هم بشر ونحن بشر متل ما الهم عقل عندنا عقل
ليش عقولنا نغلفها بالاسود ونعتبرها ما بتصلح لشيء من وين جايبين هالقناعة:? ما بعرف
:D

عربي عربي

26/10/2009, 13:27

مو انت اللي كتبت خربوشة .. هاد انا اللي كتبت خربوشة :lol:
الخربوشة كان محتواها باختصار.. انو شبابنا ما عم يحاول يتغير .. لانو بشكل اساسي اقتنع بانو مافي مجال للتغير و انو احنا ما خرجنا تغير و ما بيطلع بايدنا ... الخ:D
صحيح

و كتير احيان و قت تحكي مع حدا عن التغير .. في شباب بتوافق نظريا .. بس وقت تيجي ع العملي الكل بيتكتف و بيرجع لنفس الاسطوانة .. بدون ما يحس بانو ناقض حالو .. و بالردين .. تطلع منيح يعني (تمعن) بتلاقي انك كتبت انو انا معكو ع التغير .. و بعدين حكيت شغلة العربي اللي ما خرجو يعمل شي
يعني مثال حي يرزق علّي كتبتو هداك اليوم .. :D
انا بقصد هون انو كل العرب ما رح يتغيرو, بس انا عن حالي مستعد اني كون مع التغيير :)

__________
** بخصوص اللي بالاحمر.. ما بتزكر اني حكيت معك قبل هيك , و لا بتخيل انو في موانة و خدني جيتك بيننا.. و بتخيل كمان انو احنا بالمنبر .. يعني لا بـ ع الطاير ولا بالمسابقات ولا حتى بالسقيفة
فـ بتمنى انو تخلي بـ كلامك قدر من الاحترام .. لشخص ما بتعرفو.. و لمكان عم يدور فيه حوار عن "حقائق مقلقة" :D

اوكي :?

DARKNESS

26/10/2009, 13:30

انا بقصد هون انو كل العرب ما رح يتغيرو, بس انا عن حالي مستعد اني كون مع التغيير

التغيير بيصير قول و فعل

مو أنو منقول بدنا نتغير و ما بنعرف شو بدنا نعمل

في شي أسمو أحترام متبادل

مو انو والله انا أفهم من كل العالم:frown:

عربي عربي

26/10/2009, 13:43

التغيير بيصير قول و فعل

مو أنو منقول بدنا نتغير و ما بنعرف شو بدنا نعمل

في شي أسمو أحترام متبادل

مو انو والله انا أفهم من كل العالم:frown:

مزبوط, قول وفعل,واكيد لازم يكون في تعاون زي ما بتحكي بس شو الحل عشان الواحد يبلش وكيف

butterfly

26/10/2009, 16:02

تسؤ ما اقتنعت أنا لسى ، :lol: ( أحيانا بتضربني من حيثما شوية تناحة )

وفقاً لتقریر "برنامج الأمم المتحدة للإنماء UNDP الصادر ھذا العام، فإن مواطنین اثنین من كل خمسة في
العالم العربي یعیشون بدولارین أو أقل في الیوم.
سیتوجب على دول العالم العربي خلق 50 ملیون وظیفة جدیدة بحلول العام 2020 ، نظراً للزیادة المضطردة وغیر
المنظمة في أعداد السكان.
باستثناء النفط ، إذا تم جمع صادرات كل الدول العربیة، سنجد أنھا أقل من صادرات دولة كالفلبین (التي یبلغ عدد
سكانھا نحو ثلث عدد سكان العالم العربي) أو إسرئیل (التي لا یزید عدد سكانھا عن سكان مدینة الریاض).

بین الأعوام 1980 و 2000 سجلت السعودیة والإمارات ومصر والأردن والكویت وسوریا ما مجموعھ 367 براءة
واسم تجاري في الولایات المتحدة؛ في حین سجلت كوریا الجنوبیة (في الفترة ذاتھا) 16328 وسجلت إسرائیل 652
براءة واسم تجاري.
عدد الكتب التي تتم ترجمتھا من جمیع لغات العالم كل عام إلى لغة الضاد في الدول العربیة مجتمعة یعادل الخُمس
%20 ) مما تتم ترجمتھ من قبل الیونان وحدھا إلى الیونانیة سنویاً.
من المتوقع أن یزید عدد سكان العالم العربي بنحو 150 ملیون شخص خلال العقدین القادمین؛ إلا أن نسبة البطالة في
الدول العربیة ھي الأعلى في العالم وبشكل خاص فیما یتعلق بفئة الشباب التي تشكل الأعداد الأكبر في التركیبة
السكانیة لتلك الدول.
حسب التقرير أنو نصف الأفراد بالوطن العربي ، بيقبضو باليوم 2 دولار تمام ؟

أنا في عالم عندو نظرية بحبها ، أسمها هي النظرية نظرية الاحتياجات (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)
هرم ماسلو (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)" اسمو هو العالم ماسلو "

وهي صورتو للهرم
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// %D9%84%D9%84%D8%AD%D8%A7%D8%AC%D8%A7%D8%AA+%D8%A7% D9%84%D8%A7%D9%86%D8%B3%D8%A7%D9%86%D9%8A%D9%87.pn g

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
هلق إذا جينا ع سوريا وطلعنا ع التقرير اللي صدر من نفس الأمم المتحدة الإنمائية ، بال 2006
منشوف
أن نسبة الفقراء في سوريا ممن يعيشون تحت مستوى خط الفقر الادنى هي 11.4% من اجمالي السكان أي 2.1 مليون فقير ' معدم ' لم يتمكنوا من الحصول على حاجاتهم الغذائية الاساسية ، بينما وجدت نفس الدراسة أن نسبة السوريين الذين يعيشون تحت خط الفقر الأعلى هي حوالي 30.1% من اجمالي عدد السكان '
يعني بعملية جمع بسيطة منكتشف أنو نص الشعب السوري إلا شوي 41.5 % فقير
يعني الاحتياجات ، الماء .. السكن ، البقاء .. الطعام ( هي المفروض شاغلة بالو ورح تشغل بالو على مدى السنين القادمة ) فهادا بدكن تستثنو معظم هي الطبقة من مشاريع الإبداع والاختراع وتحقيق الذات .. وما إلى هنالك اللي هي بأعلى هرم الاحتياجات

:) هادا من دون ما أدخل بخانة تبع الاحترام وقدي الإنسان عنا حاسس حالو محترم ومحقق عندو هالحاجة الاجتماعية فلهيك بيكفي لهون لنفهم عمي .. بدها حلول اقتصادية ، وسياسية .. و .. و .. كوشة شغلات الله وكيلك ( باقي على اللي ما شاغل بالو لا انو يجيب بيت ، ولا أنو يلاقي شغل ، ولا أنو يدفع دوا ضغط ودوا شحوم ودوا مدري شو ، واللي بيشكلو نص راتبو ) باقي على هالكمالة " اللي المفروض أنو هي تكون قدام مسؤولياتها .. ( لو بيعملولنا قدي من هدول اللي ما بيشغل بالن هالقصص .. هني نصابين و فاسدين في الدولة .. وما بيعنيلن لا إبداع ولا اختراع ولا هباب السخن )
وقتا منقدر نعرف قدي في نسبة ناس فينا تبدع وتخترع وتقرا وما عم تبدع وتخترع وتقرا
:pos:

DARKNESS

26/10/2009, 16:27

نسبة الفقراء في سوريا ممن يعيشون تحت مستوى خط الفقر الادنى هي 11.4% من اجمالي السكان أي 2.1 مليون فقير ' معدم ' لم يتمكنوا من الحصول على حاجاتهم الغذائية الاساسية ، بينما وجدت نفس الدراسة أن نسبة السوريين الذين يعيشون تحت خط الفقر الأعلى هي حوالي 30.1% من اجمالي عدد السكان '

مممممم

هلئ التقريرفا جأني شوي من ناحية كذا شغلة اول شي ناحية براءة الأختراع و شغلة الترجمة هول موجودين بكل الوطن العربي

بالنسبة للوضع المادي فيكي تقولي انو بسوريا في نوع من الأتزان بس يعني انو الزلمة صاير في متل المتل (ما حدا بيموت من الجوع)
يعني عايش عيشة بسيطة جدا متل العصفور بفيق جوعان بينام شبعان و بس

ما عندو مخططات لتبديل عفش البيت او ليجرب شي مطعم او يروح يعمل سبور الصبح او يتصفح شي كتاب و شغلات غايبة عن تفكيرو بشكل كامل ..

بالنسبة للترجمة و الحركة الثقافية لاحظت شغلة عنا انو الشباب بميلو للتجمعات الثقافية او الفكرية ليييييش
من شان يشوفو بنات و يستعرضو العضلات الفكرية ادامن و عا قولة ماركس قال و تشي تصرف و اليسارية بتعمل
و الراديكالية سوت .... اي الله يرحمو جدك يا شيخ ..:frown:

طبعا انا ما عم اشمل

بس بجوز من النهج التعليمي اللي عنا نحن هيك تعودنا

حلول للترجمة بصراجة ما في غير انو الواحد يتعلم لغة تانية من شان يدعم حالو لأنو المراجع لكل الأبحالث بالعالم تقريبا معدومة بالعربي
و الله يستر ما انو نضل هيك ترا لغتنا رح تنقرض.

ritka

28/10/2009, 06:00

تسؤ ما اقتنعت أنا لسى ، :lol: ( أحيانا بتضربني من حيثما شوية تناحة )

حسب التقرير أنو نصف الأفراد بالوطن العربي ، بيقبضو باليوم 2 دولار تمام ؟

أنا في عالم عندو نظرية بحبها ، أسمها هي النظرية نظرية الاحتياجات (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)
هرم ماسلو (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)" اسمو هو العالم ماسلو "

وهي صورتو للهرم
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// %D9%84%D9%84%D8%AD%D8%A7%D8%AC%D8%A7%D8%AA+%D8%A7% D9%84%D8%A7%D9%86%D8%B3%D8%A7%D9%86%D9%8A%D9%87.pn g

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
هلق إذا جينا ع سوريا وطلعنا ع التقرير اللي صدر من نفس الأمم المتحدة الإنمائية ، بال 2006
منشوف

يعني بعملية جمع بسيطة منكتشف أنو نص الشعب السوري إلا شوي 41.5 % فقير
يعني الاحتياجات ، الماء .. السكن ، البقاء .. الطعام ( هي المفروض شاغلة بالو ورح تشغل بالو على مدى السنين القادمة ) فهادا بدكن تستثنو معظم هي الطبقة من مشاريع الإبداع والاختراع وتحقيق الذات .. وما إلى هنالك اللي هي بأعلى هرم الاحتياجات

:) هادا من دون ما أدخل بخانة تبع الاحترام وقدي الإنسان عنا حاسس حالو محترم ومحقق عندو هالحاجة الاجتماعية فلهيك بيكفي لهون لنفهم عمي .. بدها حلول اقتصادية ، وسياسية .. و .. و .. كوشة شغلات الله وكيلك ( باقي على اللي ما شاغل بالو لا انو يجيب بيت ، ولا أنو يلاقي شغل ، ولا أنو يدفع دوا ضغط ودوا شحوم ودوا مدري شو ، واللي بيشكلو نص راتبو ) باقي على هالكمالة " اللي المفروض أنو هي تكون قدام مسؤولياتها .. ( لو بيعملولنا قدي من هدول اللي ما بيشغل بالن هالقصص .. هني نصابين و فاسدين في الدولة .. وما بيعنيلن لا إبداع ولا اختراع ولا هباب السخن )
وقتا منقدر نعرف قدي في نسبة ناس فينا تبدع وتخترع وتقرا وما عم تبدع وتخترع وتقرا
:pos:

اي ميمو؟ و بعدين؟
وضعنا عم يمشي من سيئ لـ اسوأ.. بدنا نستنى يتغير لحالو هيك؟ فجأة؟ او يا ستي بعد شي مليون سنة؟ كمان بدو يتغير لحالو؟
ما رح يتغير ازا احنا ما غيرناه..
بدك تستني يصير احسن .. عمرو ما حدا بيبدع ولا حدا بيغير

شو قصتك مع الزهزهزة والتزهزه؟ ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
شي متل مصطلحي المفضل فيك تقول.. بستخدمو بدون ما حس :lol:

هاي أنا ما قريتها.. سمعتها بهالزمانات من هابّرلو مادنة جامع بخطبة الجمعة..

طلع مع الشيخ -فض فوه- يومتها.. إنو الله سخّرلنا الغرب وأهل الغرب حتى يخترعولنا وسائل راحة.. سيارات.. طيارات.. تلفزيونات.. مراوح.. كل شي.. هاي شغلتهن بالحياة..

بينما نحنا ما لازم نشغل حالنا إلا وفقط إلا بعبادة الله..

أما علم واختراع وقراية ومدري شو!! كش برّا وبعيد..
عم تمزح انت؟ :shock:.. معقول؟ :shock:

حطيتي ايدك على الجرح تمام////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
بيسعدني رأيك .. :D

butterfly

28/10/2009, 08:54

اي ميمو؟ و بعدين؟
وضعنا عم يمشي من سيئ لـ اسوأ.. بدنا نستنى يتغير لحالو هيك؟ فجأة؟ او يا ستي بعد شي مليون سنة؟ كمان بدو يتغير لحالو؟
ما رح يتغير ازا احنا ما غيرناه..
بدك تستني يصير احسن .. عمرو ما حدا بيبدع ولا حدا بيغير

لأ ما بدي استنى ، بدي حاول ( وفي كتير ناس عم يحاولو .. كونو ما حدا عم يسمع فين منكن بس ما بيعني أنن ما موجودين )
بس انو وقت عم يكون الناس هيك ما عم اخجل ابدا :) ولا عم حسها حقائق بتخجل .. عم اتفهم
انو وقت بيكون هاجس كل عيلة أنها إذا مرض حدا من عندا ممكن تبيع اللي فوقها واللي تحتها
انو هالعيلة ما يكون يعني تاركة كل شي من إيدها وقاعدة عم تترجم كتاب مشان ما تلاقي دار نشر تنشرو لأنو ما بيبيع .. فهكذا يعني
:D

DARKNESS

28/10/2009, 09:17

sandra

28/10/2009, 17:42

قريت أغلب الردود وفي أفكار بوافق عليها وأفكار لا
أنا معكم أنو الشباب عنا مقضيها حكي عالتلفون والموبايل والنت وهمو يلحق الموضة و شو عمل فلان وفلانة
وفعلاً كل ما بنزل عسوريا كان يضرب على عصبي هالنماذج التافهة

هلا ليش شعبنا مو متعود عالقراءة ولا مهتم بالعلم ولا بالبحث العلمي
في غلط أكيد بس هالغلط شو مصدرو !! شبابنا تافه ؟ مافيه عقل؟ مانو ذكي ؟؟ لا

في ناحيتين
الناحية الأولى متل ما قالت بترفلاي
أنا ما فيني لوم شعب عايف حالو وهمو يلاقي لقمة عيشو
ومافيني قارن شب عم يكدح ليل نهار ليقدر بيوم من الايام يشتري بيت ويأسس عيلة ويرتبط بالبنت يلي بيحبا مع شاب عايش ما عندو ربع هالمشاكل المادية وعندو تأمين صحي :?
الناحية االتانية وهي نظام التربية والتعليم وهون الحديث يطول جدا وجدا :lol:
العلم في الصغر كالنقش على الحجر .. تمام
مثلاً من خلال تجربتي ببعض المدارس الفرنسية بتلاقي قاعة للمطالعة فيها كل الكتب يلي من الممكن يقرأها الطفل والقصص والمجلات ..
هي ما عدا في واجبات مدرسية بأنو كل طفل لما بيقرا قصة بيحكي ادام رفقاتو هو شو قرأ وبعدا بيعطي رأيه بالقصة
وركزولي على كلمة يعطي رأيه ... ومن هون بيبدا التفكير النقدي ... هالشي نحن عنا مش موجود بمدارسنا ولا حتى بالتنشئة الاجتماعية عنا
وين المكتبات بالمدارس ؟ وين التحفيز عالقراءة ؟ وين تشجيع المواهب ؟؟ مافي

منجي عالجامعة وعأساس الوضع هنيك أفضل
بيفوت الدكتور وبدو حلقات بحث والطلاب بيتحمسو .. بيروحو على مكتبة الكلية .. بدنا هالكتاب مو موجود وهاد مُعار وأخيراً بتشوف كتاب موجود بس بدك ترجعو بعد بوكرا :? وإلا منحرمك من الاعارة
طيب مناخدو لهالكتاب ومننسخ منو كم فقرة ومنغير فيهم ومنعطي حلقة البحث للدكتور وخالصين

يعني نظامنا التعليمي والتربوي فااااااااشل ومعتمد عالتلقين والحفظ الصم

فمنيح منو هالطفل لما عم يكبر عم يفوت جامعة بفرع غالباً مش رغبتو كان ويتخرج وبعدا بتبلش معركة الحياة وهون منرجع للنقطة الأولى وهي يأمن لقمة عيشو والله يحميه من الأمراض مشان ما ينخرب بيتو ومستقبلو
:D

DARKNESS

28/10/2009, 17:53

شب عم يكدح ليل نهار ليقدر بيوم من الايام يشتري بيت ويأسس عيلة ويرتبط بالبنت يلي بيحبا مع شاب عايش ما عندو ربع هالمشاكل المادية وعندو تأمين صحي

انا هاد المعقدني عنا انو الواحد بيشق حالو ليعمر غرفة .. غرفة واحدة ها .. فوق السطوح و يجيب اوضة نوم و يروح يخطب و يتجوز بشغلة
100 الف لك يا شيخ ما بدك تجيب ولاد و تعترن بالعيشة لما اللهم اني أسألك نفسي.

يعني ليش طموح الشب انو يتجوز شو هاد هدف الحياة التكاثر بس:shock:

صفينا شو منفرق عن اي مخلوقات دنيا تانية:shock:

اذا ما راحت هالأفكار ما رح نتطور بنوب

شو تعريفنا للمستقبل نحن ؟

الزواج بس.

sandra

28/10/2009, 18:15

انا هاد المعقدني عنا انو الواحد بيشق حالو ليعمر غرفة .. غرفة واحدة ها .. فوق السطوح و يجيب اوضة نوم و يروح يخطب و يتجوز بشغلة
100 الف لك يا شيخ ما بدك تجيب ولاد و تعترن بالعيشة لما اللهم اني أسألك نفسي.

يعني ليش طموح الشب انو يتجوز شو هاد هدف الحياة التكاثر بس:shock:

صفينا شو منفرق عن اي مخلوقات دنيا تانية:shock:

اذا ما راحت هالأفكار ما رح نتطور بنوب

شو تعريفنا للمستقبل نحن ؟

الزواج بس.

لا مو بس الزواج بس أحدها الزواج والزواج مو بس غايتو التكاثر ... الزواج هو رابط بين 2 لينمو مع بعض بظل هالعلاقة
أستخدمت الزواج كبديل عن مصطلح الارتباط العاطفي يلي هو مهم بحياتنا كبشر
لأن الارتباط العاطفي شوي صعب ببلدنا خارج إطار الزواج لهيك الشباب بيطمح الو ...
في حين بغير بلاد الزواج مش مهم لكن العلاقات العاطفية والمساكنة موجودة ويلي هي بتشبه الزواج ببلادنا لكن الفرق هو الشرعية القانونية أو الدينية

الإنسان كائن اجتماعي وبالتالي بحاجة لعلاقات اجتماعية وأيضاً عاطفية
وعندو غريزة الحياة "الايروس" وهي متصلة بالحب
ولاحظ بسلم الحاجات عند موسلو العلاقات الأسرية والحب والعاطفة والألفة الجنسية بتجي قبل أشيا كتيرة
:D

DARKNESS

28/10/2009, 18:21

الإنسان كائن اجتماعي وبالتالي بحاجة لعلاقات اجتماعية وأيضاً عاطفية

معناتو خلي العاطفة و الحب ينفعنا ما بزمانو الحب جاب غير الخراب

دخلك في شي غير العاطفة دهورنا

الحب ما بأمن بهالكلمة بنوب

achelious

29/10/2009, 05:27

معناتو خلي العاطفة و الحب ينفعنا ما بزمانو الحب جاب غير الخراب

دخلك في شي غير العاطفة دهورنا

الحب ما بأمن بهالكلمة بنوب
لشو التجني؟

العاطفة هي ما يميّز الكائن الحي عن الآلة,
هي وراء الترجمة والاختراع والابداع بأنواعه;
الي ما بيعرف يحب مابيعرف يعمل شي

:D

Nasserm

30/10/2009, 22:55

لأ ما بدي استنى ، بدي حاول ( وفي كتير ناس عم يحاولو .. كونو ما حدا عم يسمع فين منكن بس ما بيعني أنن ما موجودين )
بس انو وقت عم يكون الناس هيك ما عم اخجل ابدا :) ولا عم حسها حقائق بتخجل .. عم اتفهم
انو وقت بيكون هاجس كل عيلة أنها إذا مرض حدا من عندا ممكن تبيع اللي فوقها واللي تحتها
انو هالعيلة ما يكون يعني تاركة كل شي من إيدها وقاعدة عم تترجم كتاب مشان ما تلاقي دار نشر تنشرو لأنو ما بيبيع .. فهكذا يعني
:D

في ناس عم يحاولوا.. (كل واحد مفروض ينطلق من حالو) بس سدقيني مش كتار.. أبداً..

مدري شو صاير للعالم بهالبقعة!! شو نكبتهن ما كنت أعرف!!

متمسحين؟ مضروب ع قلبهن؟ منوّمين مغناطيسياً! الله بيعرف؟!

بدك نحكي عن الظروف الحياتية الـ*ـرائية؟.. ما منخلص لبكرة

وفينا نلاقي مبررات لكل شي..

بس إنو خلينا نشوف شعوب تانية حوالينا.. ما كانوا أحسن منا.. من كذا سنة بس

بتعرفي الصين كيف كانت من خمسين سنة بس؟ كام مليون حشاش كان فيها (بعد حرب الأفيون اللي عملتها إنكلترا عليها) مثلاً..

اليابان كيف طلعت بعد الحرب؟ وقامت من تحت قنبلتين نوويات؟
شايفة صور هيروشيما وناغازاكي اليوم؟

طيب إلمانيا؟ اللي ما كان في بيت بـ برلين إلو سقف بعد الحرب!!

الثورة الصناعية اللي بدأت باختراع المحرك البخاري نهاية القرن التمنطعش.. أخدت مع إنكلترا 130 سنة.. بينما صارت بإلمانيا خلال 44 سنة.. وبالصين خلال 34 سنة

طيب كيف؟

ما كانت ظروفهن أحسن منا.. أبداً..

التخلف والفقر (ع صعيد جمعي مش فردي) مشربكين ببعض.. ما فينا نخلص من وحدة طالما التانية موجودة..

ونحنا مشغولين بس بالفقر..

بس ما رح نطلع منو إذا ما اشتغلنا ع التنتين سوى

إذا بدنا نحكي ع صعيد فردي..
كتار طلعوا من الفقر.. بس ما طلعوا من التخلف..

من هيك.. وضعنا بيخجّل.. نعم

وهيدي مش من نظرة فوقية للناس والشعب.. أبداً..

بس لازم نعرف إنو في توك فينا نحنا.. مدري شو هو..

وما نركن لـ "الزعما عم يستغلوا الشعب.. والشعب معتّر"..

مش مزبوطة هاي بس
إنو لحالها.. مش مزبوطة.. من كل بز في شي معها.. أكيد

يمكن في إشارات عم تطلع من الأرض.. توصل ع مخو للزلمة.. ويعكف..
لازم نبحش بالأرض.. نشوف شو بدنا نعمل..

ودق.. بيفتحوا.. سعيدة يابا.. ودعوس.. :)

Nasserm

30/10/2009, 22:59

العاطفة هي ما يميّز الكائن الحي عن الآلة,
هي وراء الترجمة والاختراع والابداع بأنواعه;

"هكذا تكلم باولو كويلو" :)

ritka

31/10/2009, 00:46

لأ ما بدي استنى ، بدي حاول ( وفي كتير ناس عم يحاولو .. كونو ما حدا عم يسمع فين منكن بس ما بيعني أنن ما موجودين )

بس انو وقت عم يكون الناس هيك ما عم اخجل ابدا :) ولا عم حسها حقائق بتخجل .. عم اتفهم
انو وقت بيكون هاجس كل عيلة أنها إذا مرض حدا من عندا ممكن تبيع اللي فوقها واللي تحتها
انو هالعيلة ما يكون يعني تاركة كل شي من إيدها وقاعدة عم تترجم كتاب مشان ما تلاقي دار نشر تنشرو لأنو ما بيبيع .. فهكذا يعني
:D

و لا انا قلتلك اني بخجل.. ولكني بخاف.. بقلق
بفكر بـ بكرا بالمستقبل .. بالواقع .. باليوم
بشبابنا اللي عم يكش دبان و بيتصنف لـ 3 اصناف:
1- "مشكوووووووووووووووووورررر رررررررر :D:D:D"
2- شعارات ما بيطبق منها شي.. او يأس و يلعن عيشتي (حطيتهم بخانة وحدة عمدا)
3- عم يحاول يغير ع قدو

ما اختلفنا.. الناس دايما بتفكر بالاولويات بشكل اساسي
ولكن.. هالشي ما بيعطينا الحق انو نوقف و نركن ع جنب لحتى يتحسن وضعي و يصير فيني اقرا كتاب!

هلا .. نسبة اللي بتغير بالمجتمع.. قدي؟
كونو ما حدا بيسمع فيهم ما بينفي انهم موجودين.. ولكن ما بينفي ايضا انهم مش منتشرين بالقدر الكافي
لحتى نقول انو.. اي في ناس عم تغير
هاي النسبة .. طبيعي تكون موجودة.. نسبة ضئيلة لو ما كانت موجودة مصيبة كتير.. بس وجودها ما بيرمز للوضع المنيح.. و الفرص الكبيرة لمستقبل زاهر..
الكل لازم يكون ايد بايد.. و الكل لازم يقتنع بحالو اولا.. مشان يصير في تغير ملموس :D

معناتو خلي العاطفة و الحب ينفعنا ما بزمانو الحب جاب غير الخراب

دخلك في شي غير العاطفة دهورنا

الحب ما بأمن بهالكلمة بنوب
الحب هو الامل.. هو الفيتامين اللي بيعطيني و بيعطيك القوة لحتى تتمالك نفسك رغم كل شي و تكفي طريقك
هو الشي الاساسي اللي ما فيك تستغني عنو.. و تتخيل انو رح يطلع معك شي.. ان ما حبيت الناس حواليك.. ان ما بيت الاشياء الحواليك
لو ما حبيت الشمس ... الربيع .. لو ما حبيت اهلك.. لو ما حبيت حبيبتك

لك احنا بلا حب ما منسوى يا مخلوق :fhair:
من هيك.. وضعنا بيخجّل.. نعم

وهيدي مش من نظرة فوقية للناس والشعب.. أبداً.. طبيعي ما تكون نظرة فوقية للشعب
ليش انت مين؟ لك اي اي .. انت الشعب و الشعب انت !

ازا بدنا نمشي لقدام.. ما بدنا نخجل من حالنا
بدنا نتصالح مع حالنا.. نلملمها متل ما هي.. نشكل منها شي جديد..
و نكفي فيها للامام :D

rama1985

31/10/2009, 13:30

النظام التربوي بالدول العربيه متل ماحكت ساندرا نظام فااااشل وبجدااااارة
انا بعلم بمدرسه ولاحظت هاد الشي المناهج كلها مناهج تعتمد على التلقين والحفظ
مافيا ايا مجال للتفكير والابداع كلو حشوبحشو
والهدف بالنسبه للطالب النجاح ومن المعلم يدرس هالمنهج ويينهيه
حسب المواعيد المحددة وبيتحاسب على هاد الشي وبس
بس تخرجت كان عندي شغلات كتير براسي اعملها بس اصطدمت بالواقع
المنهج بيربط الايدين انو مافي مجال منوب الحصة بتكون ساعه الاربع
والدرس مليااااااان معلومات مطلوب تلقيها ع الطلبه ويحفظوها
مافي مجال نهائيا تحكي غير معلومات الدرس
مافي مجال تحاور الطلاب تناقشهن تسألهن عن رأيهن بالمعلومات يلي سمعوها انو احفظ وبس
غير هيك لاحظت المناهج مرتبطه بالماضي بشكل غريب انو حلو الواحد يفتخر بأمجادو
بس انو كل شي بتحكي العالم العربي الفلاني شو اخترع والعلتاني شو ساوى
وانو نحنا العرب كان النا الريادة بالعلم الفلاني أي وبعدين؟؟هلأ شو؟؟
انو خلص اكتفينا بهاي الشغلات وخلص ماعد في داعي نعمل شي ولانخترع مافي داعي نشغل مخنا ونفكر؟؟؟
لك حتى لاحظت شغله غريبه الطالب يلي بيكون نبيه وذكي وبيسأل وبيستفسر وبيشغل مخو وبدو يفهم
هاد طالب مو طبيعي وبتمارس عليه كل انواع القمع والعلاج لحتى يسكت وماعد يفتح تمو
ومايحرج الانسه بالفصل بأسئلتو يلي بلا طعمي
عم نقتل بايدينا ايا مخ بيحاول يفكر وازا صدف ومخ مانقتل وكبر وحكى
بيتكمم تمو من النظام او بيهرب برا وبيخلص يعني مقتول مقتول كبير ولا صغير
المناهج بتغذي ثقافة التطرف والعنف والارهاب وكره الاخرعند الصغار وهاد الشي لاحظتو بنفسي
ماعم تعلمهن ثقافة التسامح ماعم تعلمهن يتعاملو مع الاخر كانسان بغض النظر عن دينو وملتو وفكرو
بتربي فيهن التعامل مع الاخر بفوقيه وانو نحنا الافضل
وهنن كفار وغلط ونحنا الصح عم يكبرو سطحيين انانيين اتكاليين.
غير المناهج الانظمة عودت شعوبها على الطاعه والانقياد والخضوع والاستسلام
خلت شعوبها ع الاغلب طبقات كادحة وفقيرة وربطتهن بقيود
الخوف والضعف والجهل والفقر والمرض والأمية
حتى يضلو يسفقوا للحاكم ويهتفو باسمو ويسبحو بحمدو
طمعا في ايا شي بيرميه الحاكم إلهن من فتات الاكل والمصاري والدواء.
انوعم نحكي ونحكي وبس مافي شي فعلي عم بيصير
صحي في ناس عندها الاستعداد والحماس للتغيير للافضل
بس هدول قله والامكانيات مابتسمحلهن بهاد التغيير لزلك منضل نحكي ونحكي وخلص

تصبحو على خير!!!!!

ritka

01/11/2009, 07:21

لأ ما بدي استنى ، بدي حاول ( وفي كتير ناس عم يحاولو .. كونو ما حدا عم يسمع فين منكن بس ما بيعني أنن ما موجودين )

بس انو وقت عم يكون الناس هيك ما عم اخجل ابدا ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// ولا عم حسها حقائق بتخجل .. عم اتفهم
انو وقت بيكون هاجس كل عيلة أنها إذا مرض حدا من عندا ممكن تبيع اللي فوقها واللي تحتها
انو هالعيلة ما يكون يعني تاركة كل شي من إيدها وقاعدة عم تترجم كتاب مشان ما تلاقي دار نشر تنشرو لأنو ما بيبيع .. فهكذا يعني
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
و لا انا قلتلك اني بخجل.. ولكني بخاف.. بقلق
بفكر بـ بكرا بالمستقبل .. بالواقع .. باليوم
بشبابنا اللي عم يكش دبان و بيتصنف لـ 3 اصناف:
1- "مشكوووووووووووووووووورررر رررررررر :D:D:D"
2- شعارات ما بيطبق منها شي.. او يأس و يلعن عيشتي (حطيتهم بخانة وحدة عمدا)
3- عم يحاول يغير ع قدو

ما اختلفنا.. الناس دايما بتفكر بالاولويات بشكل اساسي
ولكن.. هالشي ما بيعطينا الحق انو نوقف و نركن ع جنب لحتى يتحسن وضعي و يصير فيني اقرا كتاب!

هلا .. نسبة اللي بتغير بالمجتمع.. قدي؟
كونو ما حدا بيسمع فيهم ما بينفي انهم موجودين.. ولكن ما بينفي ايضا انهم مش منتشرين بالقدر الكافي
لحتى نقول انو.. اي في ناس عم تغير
هاي النسبة .. طبيعي تكون موجودة.. نسبة ضئيلة لو ما كانت موجودة مصيبة كتير.. بس وجودها ما بيرمز للوضع المنيح.. و الفرص الكبيرة لمستقبل زاهر..
الكل لازم يكون ايد بايد.. و الكل لازم يقتنع بحالو اولا.. مشان يصير في تغير ملموس :D

معناتو خلي العاطفة و الحب ينفعنا ما بزمانو الحب جاب غير الخراب

دخلك في شي غير العاطفة دهورنا

الحب ما بأمن بهالكلمة بنوب

الحب هو الامل.. هو الفيتامين اللي بيعطيني و بيعطيك القوة لحتى تتمالك نفسك رغم كل شي و تكفي طريقك
هو الشي الاساسي اللي ما فيك تستغني عنو.. و تتخيل انو رح يطلع معك شي.. ان ما حبيت الناس حواليك.. ان ما بيت الاشياء الحواليك
لو ما حبيت الشمس ... الربيع .. لو ما حبيت اهلك.. لو ما حبيت حبيبتك
لك احنا بلا حب ما منسوى يا مخلوق :fhair:

من هيك.. وضعنا بيخجّل.. نعم

وهيدي مش من نظرة فوقية للناس والشعب.. أبداً..
طبيعي ما تكون نظرة فوقية للشعب
ليش انت مين؟ لك اي اي .. انت الشعب و الشعب انت !

ازا بدنا نمشي لقدام.. ما بدنا نخجل من حالنا
بدنا نتصالح مع حالنا.. نلملمها متل ما هي.. نشكل منها شي جديد..
و نكفي فيها للامام :D

ما بعرف ليش ردي طالع عندي نصو :lol:, يعني عم يطلع اول كام كلمة بس ,, و ما بعرف ان كان طالع نصو عند الكل كمان..
الاخوية عندها تحشيشاتها شو بدك بالحكي :gem:
قمت قلت لحالي برجع بحطو استحياطيا :D

Joe

03/11/2009, 09:05

و الله انا بلشت إقلق فعلا.. شي مقلق

مو المقال يلي مقلقني .. هالمشاركات يلي مقلقتني.. و انا على فكرة قلقتي صعبة يعني بيصير معي اشمخرار بالوريد الأفعر

و مو سهلة هه

على كل حال.. يلي أقلقني هوي ليش ما حدا جاب سيرة الدين. الكل عم يلف و يدور و يحاول يلاقي سبب مقنع بس بصراحة مافي سبب مقنع اكتر من الدين

الانسان العربي ما بيقرأ و لما بيقرأ بيقرأ عن الدين.. حتى الروايات يلي بيقرأوها هيي روايات دينية. الشعب السوري بعمرو ما فتح كتاب برات المنهاج الدراسي بس فجأة بخاويش القلب صار كتاب شيفرة دافنشي "كتابهم المفضل".. على اساس الواحد منهم عندو خمسين كتاب على القائمة و هادا المتصدر حاليا

لما الإنسان العربي بدو يرفّه عن نفسه.. كمان بيلتحق بمؤسسات دينية.. بيروح و بيجتمع و بيقضي اسابيع يمكن عم يخيم و يلعب و يسمع محاضرات بلا طعمة لا بتقدم و لا بتأخر (اذا كان مسيحي).. و يمكن بيختم القران خمس ست مرات و بيروح بيحج اذا كان مسلم..

يعني انا بطفولتي لما اهلي احتاروا فيني انو شو لازم يعمل هادا الصبي نشاطات.. بعتوني على الاخوية مشان نقعد نلوّن و نلعب طابة و نسمع حصة ديانة بايخة و بلا طعمة .. و يا ريت منستفيد منها شي حقيقي كلو كلام سطحي

كل طاقات الإنسان العربي موجهة نحو الدين.. ان كان بشكل رسمي او بشكل غير رسمي

هي حكينا فوق عن الغير رسمي.. يعني هي هواياتنا الشخصية

بس في توجهات رسمية من قبل المؤسسات الدينية. في تيارات دينية بتغضب عليك و بتكفرك اذا انت بتضيع وقتك بقراءة كتب "تافهة" بدل ما تكون قاعد عم تقرأ قران و تسبح الخالق

هالهجمة الدينية و التشبث المرعب بخرافات نبذتها كل الشعوب المتحضرة من اليابان لأميركا عم تسبب تحجر عقلي و تكلّس بواسير دماغي

الدين عم يعمل الإنسان العربي انسان نقوز و عصبي ما بيتقبل اي كلمة.. هلق انا و عم احكي رأيي اكيد بكون أكلت خمسين مسبة. مع انو هادا رأيي الطبيعي و انا حر فيه و حر اتمسخر كيف ما بدي .. بس الإنسان العربي بسبب التكوينة الطائفية القبلية هوي انسان لا ديمقراطي بذات نفسه (و بيقولولنا بدنا ديمقراطية)

انا لازم روح ضب الجاجات بالبراد (مطبوخين مو أحياء يرزقون).. بس بظن الفكرة واضحة

بدنا شوية تفتيحة ذهن و flexibility ذهنية بينا و بين انفسنا اول شي.. (قبل ما نحكي على رعاع الشعب).. لنقدر نحنا نتقبل انو حدا ينتقد الدين تبعنا و المقدسات تبعوتنا.. و بعدين منقدر نحلم بشوية انفتاح ثقافي و ثورة علمية

اما ثورة علمية هيك جاهزة للإخوة المؤمنين ترباية المؤسسات الدينية فهادا مستحيل

ما عم نحكي على إزالة الدين بالغصب.. بس على الأقل يفك عن رقبة العالم شوي و يكون متل ما المفروض يكون.. مجرد رأي شخصي ما بيحمل اي قدسية معينة