شنّتْ الصُحف الأرجنتينية صباح اليوم هجوماً عنيفاً على مهاجم المنتخب ونادي برشلونة الإسباني ليونيل ميسي بعد الأداء الهزيل الذي ظهر به الأخير خلال مباراة منتخب "التانغو" الأخيرة أمام منتخب البيرو، والتّي انتهّتْ لمصلحّة الأرجنتين بنتيجة (2-1) ضمن تصفيات أمريكا الجنوبية المؤهلة إلى نهائيات كأس العالم المقبلة.
واتهمّت الصُحف الأرجنتينيّة ليونيل ميسي (23 عاماً) بالتقصير نحو منتخب بلاده ،معتبرةً إياه بأنه يفتقّد للمسؤوليّة وحب الوطن ولا يستحق ارتداء القميص رقم "10" الذي طالما ارتداه أميز لاعبي منتخب "التانغو" على مّرْ العصور.
وكشفتْ الصحف الأرجنتينيّة في أعدادها الصادر اليوم عدّة عنواين لعلّ أبرزها:
صحيفة "الجماهير": (ميسي لا يستحق أن يرتدي قميص المنتخب الأرجنتيني)
صحيفة "الرياضة اليوم": (ميسي قد يكون أفضل لاعب في العالم ولكن بقميص برشلونة فقط)
صحيفة "كلارين اليومية": (مارادونا: عليك إبعاد ميسي عن التشكيلة الأساسية)
من جهةٍ أخرى فقدْ أطرّتْ وسائل الإعلام الأرجنتينية على مواطنه غونزالو هيغواين مهاجم نادي ريال مدريد الإسباني والذي استُدعيّ للمرّة الأولى لتمثيل المنتخب الأرجنتيني قبل عدّةْ إيام منْ مواجهة البيرو الأخيرة، حيث وصفته باللاعب الذي يسعى لرفع اسم الوطن عالياً.
وكان هيغواين قدْ تصدّر حديث الشارع الرياضي في الأرجنتين في اليومين الماضيين بعدّ أنْ سجل أول أهدافه الدوليّة في أول ظهورٍ له بقميص المنتخب الأرجنتيني.


////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

أي الشغلة عاديّة..ميسي بأوروبة بيلعب مليح لأنو اللّعب مو خشن متل بأميركا..من عدا شي هوي شبر ونص ما بيلقى كتف:willi:

ولا يستحق ارتداء القميص رقم "10" الذي طالما ارتداه أميز لاعبي منتخب "التانغو" على مّرْ العصور.عفواً ... بس هاد أميز اللاعبين ... مو هوي اللي على دورو بس تبهدلت الأرجنتين هيك بهدلة بالتصفيات؟

عفواً ... بس هاد أميز اللاعبين ... مو هوي اللي على دورو بس تبهدلت الأرجنتين هيك بهدلة بالتصفيات؟

ما بعرف ازا قصدك انو عـ ماردونا .. بس ابدا سمحلي قلّك .. ما فيك تقارن مردونا مع ايا لاعب تاني لانو عتاريخ القدم كلا .. ما مر لاعب متلو ابدا .. لمرادونا ولا لح يمر ..

بغض النظر عن .. شكلو التدريبي .. وطريقتو ان نجح فيا او لا .. او بيفهم فيا او لا .. بس كـ لعب .. بدك تسمحلي حميد .. وهيك كان المقصود بالمقالة ..

اي قصدي عمارادونا يمون ...

ما عمقول انو سيء ... بالعكس ...
وما عمقارن ميسي فيه ... لانو قد ما كبر ميسي ... رح بيضل صغيـــــــــر قدامو

بس هاد الحكي كلو باللعب

بينما لما بدنا نجي ... نحط اللوم ... ونطلع الغلط ..

مو نجي نحط ميسي شماعة للأخطاء التدريبية

بس بسبب انو ... مارادونا ... كان ولا زال اسطورة .... / باللعب /

يعني كونو اسطورة ... ما بيشفعلو انو هوي سبب ضخم جداً.... باللي وصلو المنتخب حالياً

وبنفس الوقت .. ما عمانفي انو .. ميسي مع الأرجنتين ... سيء بالمقارنة مع ميسي برشلونة

يعني بالنهاية... عماقصد انو .. ميسي غلطان ... ومارادونا غلطان ...
بس مو نجي نقول ميسي بس الغلطان .. لأن مارادونا كبيـــر

:D

أي الشغلة عاديّة..ميسي بأوروبة بيلعب مليح لأنو اللّعب مو خشن متل بأميركا..من عدا شي هوي شبر ونص ما بيلقى كتف:willi:

معناتو حضرتك ما بتشوفو مبارياتو بالدوري الاسباني ..... قلتلي خشن لكن

عفواً ... بس هاد أميز اللاعبين ... مو هوي اللي على دورو بس تبهدلت الأرجنتين هيك بهدلة بالتصفيات؟
لا ابو حميد .... أميز اللاعبين لمّا بيكون محافظ على مستواه ......

...
بس مو نجي نقول ميسي بس الغلطان .. لأن مارادونا كبيـــر

:D

لا لا لا ميسي ولا مارادونا .... يعني مارادونا فاشل بالتدريب بس كلاعب لا .... ميسي ما عمل شي
لا بكوبا أمريكا ولا بالتصفيات هلأ .... هالشي ما بيعطيه التمييز

اي تمام حميد .. في كتير لعيبة هيك كان يصير معها .. واولها المنتخب الاسباني .. اللي .. اجتهم العقدة ليعرفو السر اقوى دوري ومنتخبهم ما عم يطلع معو شي ..

انتظرو عليه وما في داعي حدا .. يراهن عقدرات ميسي .. لانها معروفة .. " بغض النظر عن انو برشاوي " شنو ابو ريتا .. حكيو كلو طالع من مدريدتو القحة بعرف انا .. :p

صحيفة "الرياضة اليوم": (ميسي قد يكون أفضل لاعب في العالم ولكن بقميص برشلونة فقط)
من جهةٍ أخرى فقدْ أطرّتْ وسائل الإعلام الأرجنتينية على مواطنه غونزالو هيغواين مهاجم نادي ريال مدريد الإسباني

شو رأيكون جماعة برشلونة بهالحكي ؟ :p

اي تمام حميد .. في كتير لعيبة هيك كان يصير معها .. واولها المنتخب الاسباني .. اللي .. اجتهم العقدة ليعرفو السر اقوى دوري ومنتخبهم ما عم يطلع معو شي ..

انتظرو عليه وما في داعي حدا .. يراهن عقدرات ميسي .. لانها معروفة .. " بغض النظر عن انو برشاوي " شنو ابو ريتا .. حكيو كلو طالع من مدريدتو القحة بعرف انا .. :p
أنا مزبوط حاطط الخبر ... وماحدا بيعرف ليش حاطو ... إلا كم واح ....:larg:

يعني بتحملو فشل المنتخب على ميسي ؟؟

يعني بتحملو فشل المنتخب على ميسي ؟؟

بالنسبة الي .... لا .... ميسي انا كتير بحبو .... وما بحملو مسؤولية الفشل
أنا بحمّل مارادونا مسؤولية الفشل .....
أنا عم انتقد ميسي لإني بحبو .... ليش بتكون بالفورما يا ميسي لما بتلعب بإسبانيا
بس لما بتكون بمنتخب بلادك .... بتلعب من دون نفس ....

هيك بزعل منك

اذا الفريق كلو نجوم ليش حاطين اللوم على ميسي بس

الشي باين انو مافي انسجام بين بعضهم وهي مشكلة المدرب

اي عادي ينحكى هيك بمبارة مصيرية متل هي
كان المفروض فيا مسي يجيب كول متل مابيعمل بكل مباراة لبرشلونة
واعتبرو انو هو بالاوقات العصيبة للفريق ما جاب كول فهو ما بيستحق يلعب وخاصة انو محسوب عليون لاعب طراز اول

شجعوا اللعب الحلو لو مين كان عم يلعب ...

ميسي لاعب كبير ما فيها شك ... بس ما في لاعب يظل اسطورة بكل دقيقة .. و لا فريق يظل اسطورة بكل الاوقات

الخطأ كان بكل شي .. و اتمنى مارادونا و باقي الفريق يتداركوا الاخطاء و يشوفونا المشتوى الكبير لفريق عريق

و دمتم بود :D

المشكلة انو كرة القدم لعبة جماعية ... 11 لاعب ... وهي الصحف لم هاجمت ما هاجمت ل11 لاعب هاجمت لاعب واحد وكان المفروض تهاجم المدرب لل11 لاعب وايد وحدة ما بتسفق ... بالنسبة لمسي ...

بخصوص انو ما لعب شي طبيعي انو ما يلعب متل ما بيلعب مع برشلونا يعني ... في نادي برشلونة ميسي بيلعب صرلو فتره لا بأس بها وماخد على الارض وماخد على اللاعبين وطريقة اللعب من المنطق انو لم ينزل على ارض الارجنتين ويشوف لاعبي المنتخب كل واحد من مكان كيف بدو يتأقلم ويلعب لعب حلو معهم ... يعني الشغلة من العقل

بعدين لو جحش باللعبة الحق الاول والاخير على المدرب ...

ومردونا لاعب مش مدرب ولا عمرو رح يصير مدرب بيفهم .. مع احترامي الو وانا مع الارجنتين دائما ...

يا جماعة .... فشل المنتخب مو على ميسي ... نحنا ما عم نحكي هيك
الجماهير الأرجنتينية و أنا عم نعاتب ميسي ... عم ننتقدوا ... انو يا عمي خلصنا بقى
من مباراة بوليفيا الي خسرو فيها 6-0 مدري 6-1 ... ميسي ما عم يلعب لعبو المعهود
مو يعني مباراة وتنين ... لا أكتر من هيك بكتير .... لهيك ..... الشعب بيحبو للزلمي
بس لما يلعب ببرشلونة بيعطي أقوى ماعندو ... ومنشوفو تمام ... بس مع منتخبو
بتموت عندو الروح ...
برجع بقلكون الشغلة الي يحكي عنها الجمهور مو شغلة لعبة جماعية او فردية ... الشغلة
طريقة لعب ميسي ....

اليوم بدو مو بس الله ومحمد وابو عبدلله .... بدو سعدو وسطلو وأخوية مجتمعة :p
لنشوف كيف مارادونا رح يفوت بتشكيلة ,,,, ورح نشوف مستوى ميسي ...
صرلو اسبوعين بالارجنتين ... بلكي تعّود على أرضية الملعب ;)

هلئ لو خسرانة الأرجنتين ... ما كنا شفنالنا شي 30-40 زلمة هون... سعدو وملايكتو .. ما بتسكتهن ؟ :lol: