وصلتني الرسالة مأخرة يوم :) (اليوم المقصود هو الأحد 11/10/2009)

بس فكرتها حلوة


كن لطيفاً لـ يوم..

وابتعد - لـ يوم - عن الأنانية والتعصب والغضب والخوف والضغينة أو أي شعور عدائي مماثل..

كي لا تزيد الشر والظلم في هذا العالم



////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

كيفك اليوم
الطبيعة الانسانية فيا الحلو والبشع
وبشع انو يمر يومك كلو بدون ما يكون فيه تشكيلة مشاعر وتصرفات
خلونا عالطبيعة احسن
متل ما في نور في عتمة كمان:D

انا لطيف أغلب الايام .....:angel:

كيفك اليوم
لطيف



الطبيعة الانسانية فيا الحلو والبشع
وبشع انو يمر يومك كلو بدون ما يكون فيه تشكيلة مشاعر وتصرفات
لا ستي مو بشع..

إنو.. في عندنا 365 يوم بالسنة..

معظمهن عم نقضّيهن (ولو بدون انتباه) أبعد ما نكون عن "اللطف"..

إنو ما فينا نتفق على يوم بالسنة -يوم بس- بلا تعصيب وخناق وبوزمة وتكشير وقلة ذوق؟


ما بعرف..

أنا الفكرة عجبتني..




:D

انا لطيف أغلب الايام .....:angel:
بدك تكون لطيف مع الكل أبو نجبو..

مو بس مع الصبايا الحلوين ;)




الدعوة هون -متل ما فهمتها على الأقل- إنو نكون "لطفاء" بوجودنا.. يعني مو بس نتعامل بلطف مع محيطنا البشري القريب..

لأ..

نكون لطيفين مع كل شي بهالدنية.. شي متل دعوة مولانا إبن عربي (الشعور بـ وحدة الوجود) يعني


على طريقة إيليا أبو ماضي:



أيقظ شعورك بـ "اللطافة" إن غفى............لولا شعور الناس كانوا كالدمى




كـُـنْ بـَـلـْـسـَـمـَـاً..



كـُـنْ لـطـيـفـاً..



:)

هلق الفكرة كفكرة حلوة
بس بكرا بتصير ايامنا مخصصة يوم للطف ويوم للفرح ويوم للطيبة
وبكرا بيزعل الحزن بيصير بدنا نخصصلو يوم وبنخصص يوم للكره ويوم للغضب
وهيك بتصير مشاعرنا مخصخصة وخالية من اي مضمون
يعني مثلا تخيل بيوم اللطف انا ما عندي مراق كون لطيفة ولازم كون لطيفة قديش بيطلع هالطف غليظ
متل احتفالنا بشي مناسبة وطنية او دينية غصب عنا
على كل ما بيمر يوم ما بتجي فيه شي ربع ساعة لطف مهما كان الوضع:lol:

ليش ماحكيتو لنا من الصبح ؟؟؟؟؟؟

كنت أجلت الخناقه لبكرة :shock:

انا لطيف أغلب الايام .....:angel:

يا لطيف!!!

اللطف حلو بس ما بينفع عا طول
و متل ما بيقول ابو تمام



السَّيْفُ أَصْدَقُ أَنْبَاءً مِنَ الكُتُبِ

فِي حَدهِ الحَدُّ بَيْنَ الجِد واللَّعِبِ

بيضُ الصَّفَائِحِ لاَ سُودُ الصَّحَائِفِ فِي

مُتُونِهنَّ جلاءُ الشَّك والريَبِ

والعِلْمُ فِي شُهُبِ الأَرْمَاحِ لاَمِعَةً

بَيْنَ الخَمِيسَيْنِ لافِي السَّبْعَةِ الشُّهُبِ

أَيْنَ الروايَةُ بَلْ أَيْنَ النُّجُومُ وَمَا

صَاغُوه مِنْ زُخْرُفٍ فيها ومنْ كَذِبِ

تَخَرُّصَاً وأَحَادِيثاً مُلَفَّقَةً

لَيْسَتْ بِنَبْعٍ إِذَا عُدَّتْ ولاغَرَبِ

اي ليش لا بنجرب
بس كيف
نستنى 11 اكتوبر الجاي؟:p

طبعا انتو ما حاولتو بيوم من الايام تظلوا لطفاء .. :lol:


الفكرة مو بس حصريا اللطف .. انما نخلي اللطف يطغي على مشاعر اخرى ... انا جربتها مشي الحال :gem:

طبعا انتو ما حاولتو بيوم من الايام تظلوا لطفاء .. :lol:


الفكرة مو بس حصريا اللطف .. انما نخلي اللطف يطغي على مشاعر اخرى ... انا جربتها مشي الحال :gem:
مشي الحال
طيب احكيلنا عن تجربتك وشو استفدت وشو الصعوبات
مارح قول لو سمحت لانك لطيف:lol: انت هيك قلت

انا لما بكون فايق الصبح احياناً وبكون رايق .. او عالقليلة ماني متدايق من شي :gem:

بقول لحالي انا لازم كون لطيف اليوم ... وكتير احيان بيمشي الحال :larg:
بس في بعض الاحيان بتجيلك شغلة من عز دين الصبح بتنزعلك مراقك وبتخربلك كل اللطف :frown:

بس انو حلوة الفكرة .. بطبقها صومطايمز :clap:

:D

هلأ غير اللطف .. شو ممكن يساوي الواحد هون ؟

و متل ما بيقول ابو تمام



السَّيْفُ أَصْدَقُ أَنْبَاءً مِنَ الكُتُب

السيف أصدقُ إنباءً

الهمزة من تحت..


بس إنو.. شو خص إبن قرية جاسم الحورانية باللطف؟

بس بكرا بتصير ايامنا مخصصة يوم للطف ويوم للفرح ويوم للطيبة
وبكرا بيزعل الحزن بيصير بدنا نخصصلو يوم وبنخصص يوم للكره ويوم للغضب
وهيك بتصير مشاعرنا مخصخصة وخالية من اي مضمون
يعني مثلا تخيل بيوم اللطف انا ما عندي مراق كون لطيفة ولازم كون لطيفة قديش بيطلع هالطف غليظ
متل احتفالنا بشي مناسبة وطنية او دينية غصب عنا
ممممممممممم..

في شي ما يقال هون..

هلق أنا.. وانطلاقاً من موقف عقائدي سياسكري ثابت.. ضد الخصخصة.. وضد رامي مخلوف

إنو.. إي..

بشعة الواحد يحس حالو مضطر يبرمج حالو.. أيمتى يفرح.. وأيمتى يحزن.. وأيمتى يكون لطيف وأيمتى كذا.. وأيمتى مذا..

مزبوط..

ومثالك عن الأعياد جيّد جداً..

كتير بيساقب عندي ترم النكد بشي مناسبة اجتماعية مفروض تكون سعيدة قال..

وكتير إيام.. -لأ بالحقيقة صايرة قليلة هالإيام- مننبسط فيها أكتر من كل شي أعياد فيها بهجة وحبور وسرور ومدري شو..


كنت قول لحالي قبل.. مش ضروري نعيّد ونسهر وننبسط فقط بـ راس السنة والميلاد والأضحى والفطر والفالانتاين والما بعرف شو..

أيا نهار.. بيساقب فرح وسهر وحباب وصحاب وكذا مذا.. هو عيد..


بس المشكلة.. إنو على عجقة الحياة والمشاغل.. ما بقى عم تساقب متل قبل.. ولا عم تزبط إلا إنو نسهر بأعياد مبرمجة من قبل..


فـ بظن الدعوة لـ اللطف هون.. نفس الشي..

بين عجقة هالدنية والحياة والتطور.. ما عم يصرلنا نتذكر نكون "لطفاء"..

فـ إذا كان تخصيص يوم بيرجع يذكّرنا.. فـ إي.. ليش لأ؟







قلنالك كل عام وإنتي بخير؟

(شوفي بأعياد الميلاد قديشنا منصير لطفا :) )




:D

هلأ غير اللطف .. شو ممكن يساوي الواحد هون ؟
شاي أخضر

والشاي الأخضر اذا كترت منو بينقلب ضدك ;)

انك تاخد كل الأمور بهالدني بلطافة وطولة بال شي حلو
بس الفرح لا يمكن يدخل عالقلب الا اذا كان حقيقي حتى الاعياد
والمناسبات مرتبطة بأشخاص يكونوا معك منشان تكون داخليا
مرتاح وتشعر بالسعادة واللطافة اللي ترجع لذاتك
بس الدني هي اللي مو لطيفة معنا ومافيها عدل حتى نتلاطف معها
وبسببها الواحد بيلعن وجودو
وانك تخصص يوم للطافة مو ظابطة :pos:

مشي الحال
طيب احكيلنا عن تجربتك وشو استفدت وشو الصعوبات
مارح قول لو سمحت لانك لطيف:lol: انت هيك قلت

ما انتبهت على ردك :oops:

يا ستي .. كان تجربة حلوة .. انو الواحد ما يعصب حالو و ما يحاويمرق المشاكل بدون وجع راس

صح يجوز الواحد يحس حالو مغدور ... بس رح يكشتف انو الزعل على كثير شغلات ما يجيب نتيجة ايجابية الو

رح احكي على احد المواقف بس مو اليوم :D

ما انتبهت على ردك :oops:

يا ستي .. كان تجربة حلوة .. انو الواحد ما يعصب حالو و ما يحاويمرق المشاكل بدون وجع راس

صح يجوز الواحد يحس حالو مغدور ... بس رح يكشتف انو الزعل على كثير شغلات ما يجيب نتيجة ايجابية الو

رح احكي على احد المواقف بس مو اليوم :D
مرحبا اب سارة
عادي ولا يهمك انا كمان لطيفة ومارح ازعل:p
وكمان صبورة ورح استنى تفاصيل الموقف
بماانو الطيبة صارت غباء واللطافة قريبة الطيبة فطبيعي الانسان اللطيف يحس احساس بالقهر حتى وقت يصطدم بناس بيفهمو اللطف جبن وخوف او مجاملة وتصنع وتملق بس احسن شيء يرمي وراه كل المشاكل والحروب الجانبية
وان ما قدر يخليهم يصير بلطفو على الاقل ما يسمحلهم يخلوه يصير بفضاضتهم
:D

شكرا على الفكرة
ولا اتصور ان هناك من لا يملك جانب من اللطف
و المطلوب هو محاولت النظر الى كل الامور بلطف
...........
لا تكن لينا فتعصر ولا تكن صلبا فتكسر