أنا بهالفترة صاير نشاطي عشرين ضعف ، فتحملوني شوي ..
في فكرة براسي " ما متبلورة تماما " ، فساعدوني ببلورتها وتزبيطها

المشروع : موقع انترنتي ، يضم الجمعيات ، والمؤسسات والمشاريع وإي خطوة تطوعية شبابية بسورية
الهدف : بدنا الشباب السوري يتطوع " يعمل شي ، يعني نحنا بأخوية جماعة عنا هدف مو ؟ " إي عنا ، يمكن أوقات ما مننتبهلو ، اوقات في ناس حاملتو اكتر من ناس .. وناس لسى ما وعيتلو ، بس بالنهاية عنا هدف "
ومدام هدفنا بنائي لهالشباب السوري ، فبدنا ياه يعمل شي ، يا فرحتي هالشباب السوري عم ينبنى بالنهاية ما عم يعمل شي عالأرض ، يمكن لأنو ما في جمعيات عم تخاطبو ، يمكن ما عم يعرف يوصلها ، يمكن .. يمكن .. يمكن ، بالنهاية ما بيهم السبب
بالنتيجة في غياب للعمل التطوعي ..
نحنا اللي علينا منعملو ، وانا شايفة انو اللي علينا نقدم للشخص اللي حابب يتطوع بإي مدينة بسوريا ، الفرصة أنو يعرف ويوصل ويختار .. ونقدم لهالأعمال دعم معنوي ولو صغير بأنو ننوه ألها ونبشر فيها وندعو العالم ألها
وظيفتنا نلغي الحجة عند اللي عم يقول أنو الشباب السوري .. ما طالع بإيدو يعمل شي ، ما في جمعيات وما في وما في ..
وظيفتنا .. نحنا نعمل جسر .. بلكي هالبنوتة اللي قاعدة عم تحضر عاصي وبعدو الحب المستحيل وبعدو مسلسل تركي بايخ ما بعرف اسمو .. بالدعايات إذا لقطت الموقع ، تقرر أنو يعني تشارك بشي عمل مفيد
بلكي هالشب اللي ما عرفان يلاقي جماعة ينتميلا .. وقضية بتعنيه جوجل يسوق رجلو لهالموقع ؟


هلق اللي بدي تساعدوني فيه :
- رأيكن بالفكرة ؟
- مدى قدرتكن على العمل بواحد من فروع تنفيذ الفكرة ، ( اللي رح اكتبن تحت )
- اقتراحات تطويرات .. إلخ إلخ

المشروع : تطوع ،

خطوات التنفيذ :

المجموعة الأولى : المجموعة التقنية "تصميم موقع بيحوي تصنيف للمؤسسات بسوريا

بالنسبة للمحافظات
وواحد بالنسبة للقضية ، اللي عم يدعمها
ومحل لأخبار متجددة ( يعني حملة تطوعية شغلة بينزل خبرها هون )

مكان يكون فيه ( واقع العمل التطوعي في سوريا )

مكان بيكون فيه مقالة بتدعو الناس تتطوع ..

ومكان بيقول " مشوار الميل خطوة ، " هون الناس بتقترح مشاريع تطوعية صغيرة .. يعني عمي تطوع بأنك تدرس ابن الجيران درس انت حافظو ، تطوع تقول لرفقاتك كل مرة بيكبو فيها بالشارع " عيب عليك " ، تطوع كلما حدا بيقول كلمة " معاق " على أنها مسبة ، أنك تقلو .. أنها مسيئة .. إلخ إلخ إلخ

ورابط يتصلو فينا الجمعيات في حال بدن يضيفو حالن
مهمتها ، تصميم واختيار الاسم والشعار و .. و ..

المجموعة الثانية : خربتشية
بدن يكتبو بلهجة عامية محببة قريبة من لهجة أخوية السورية .. مقالة هيك بتدعي الناس تتطوع
:)

المجموعة الثالثة : لم وتجميع
تجميع أكبر عدد من المقالات الموضوعية التي تصف حال العمل التطوعي بسوريا ، " نشرات امم متحدة ، تقارير .. إلخ إلخ "

المجموعة الرابعة : بحبوشين
هدول مهمتن يدورو ع الجمعيات وروابطها على النت .. مشان عند بدء العمل

المجموعة الخامسة : علاقات عامة
هدول بيراسلو أهم مواقع السورية ، انو عمي نحنا عملنا هالموقع وبدنا تتطوعو معنا بنشرو .. ولنو بزاوية بكلمة .. لأنو بالنهاية يعني مسؤوليتكن وواجبكن ومن هالكلام
:gem:

اي وبس اعتقد

بعد ما وصلت الفكرة منيح ... مع هالمشروع للعضم


- اقتراحات تطويرات .. إلخ إلخ

هدول برجعلهن بعد ما نتعمق بالتفاصيل أكتر :)

الموضوع مهم كتير وبده دراسة وتفكير لحتى نوصل لصيغة جماعية لخدمة المجتمع احنا بنحمل رسالة بدها شغل وهادا رد ارتجالي مو محسوب ....بس في افكار كتير راح نبداها وعن قريب

مرسيل اذا بدنا نحكي عن جد عن العمل التطوعي ......
أنا عندي فكرة كل الناس عندون ياها .... بعيدة عن العمل المؤوسساتي و الاقتصادي
والتكنولوجي .... الخ الخ الخ
عنا هالشوارع بالشام ..( بما انو نحنا بالشام يعني ) .... بدها تكون نظيفة
يعني نعمل حملة شاملة و واسعة تطوعية منظف هالشوارع ..... مع توعية للشعب
.... وماتكون بمنطقة معينة ..... بالعكس تكون بكل المناطق وخصوصي الفقيرة منها
مع حملة دعائية على أبسط الوسائل المتاحة .... متل الجرايد ......
هي شغلة بتصور أهم شغلة حاليا .......

ليك هيدا شي تقليدي وملعوب من زمان بتوقع القصد من الموضوع شبكة علااقات وطنية ثقافية وعصف ذهني مشترك يفضي الى صيغة تشاركية ..يعني تنظيم بس مو سياسي اجتماعي ممكن يتطور لpress groups(

حبيت الفكرة.. و بتمنى يكون في شي اقدر قدمو .... انا هون جنبك مرسيل.. ورح تابع التطورات دايماًً..

هلا فرصة هالمووضع المفيد يتحول لحلقة نقاش او مؤتمر قمة(بس مو زي تبع القمة العربي)وتنطرح افكار مو تعليقات ونعتبرها اوراق عمل وبعيدن نجنعا ونعمل فرق تنفيذ ونوزع المهام

انو حلوة الفكرة كتير.. مع اني ما فهمتها تماماً :?
لا تواخزيني مخي سميك ... عادي :p

المهم انو انا فيني كون من بين هالناس .. او بالاحرى بلاقي حالي بين هالمجموعة :
المجموعة الثالثة : لم وتجميع
تجميع أكبر عدد من المقالات الموضوعية التي تصف حال العمل التطوعي بسوريا ، " نشرات امم متحدة ، تقارير .. إلخ إلخ "
المجموعة الرابعة : بحبوشين
هدول مهمتن يدورو ع الجمعيات وروابطها على النت .. مشان عند بدء العمل

انو بصراحة تطوير وتصميم مواقع ما بيطلع بايدي ... :cry:
خربشة .. على حسب المزاج !:p

بس هي بقدر عليها :
تطوع تقول لرفقاتك كل مرة بيكبو فيها بالشارع " عيب عليك "

اما هي ... فا معناها انا بدي طوع حالي وقولها لحالي :sick::
تطوع كلما حدا بيقول كلمة " معاق " على أنها مسبة ، أنك تقلو .. أنها مسيئة .. إلخ إلخ إلخ

في شغلة كمان بدي قولها
انو تلات رباع الشعب عنا ما بيستخدم الانترنت بشكل صحيح
كيف رح تجمعي كل هالعالم ...؟
شوي صعبة الفكرة عالانترنت .... مو سهلة !

في شغلة كمان بدي قولها
انو تلات رباع الشعب عنا ما بيستخدم الانترنت بشكل صحيح
كيف رح تجمعي كل هالعالم ...؟
شوي صعبة الفكرة عالانترنت .... مو سهلة !
هي عندي ولو .. متل ما علمنا الشباب هون بالنت كافيه عالفيس بوك .. منعلمهن على هالقصة سهلة :larg:

معك مارسيل

صباحو ..
على ما يبدو الفكرة ما قدرت عبر عنها تمام
الموضوع ، هو بس .. كيف في موقع لتجميع المدونات ، مثلا ً و
يكون في موقع هالموقع هدفو يدعم العمل التطوعي بأنو يقول شو في عنا جمعيات ويحث عالعمل التطوعي

وضحت فكرتي ؟

أنا رح بلش بحبشة بالإنترنت (كتير شاطرة بهالشغلة أنا!! ) بس بعد ما خلص تعزيل اليوم :cry:. ومراسلة المواقع كمان ممكن ساعد فيها وقت يوصل دورها.

أنا رح بلش بحبشة بالإنترنت (كتير شاطرة بهالشغلة أنا!! ) بس بعد ما خلص تعزيل اليوم :cry:. ومراسلة المواقع كمان ممكن ساعد فيها وقت يوصل دورها.
:cry::cry: فهمتي علي شو بدي
للحظة حسيت اني كنت نعسانة وكرجت كل افكاري بأخوية ومن سرعة الحكي ما حدا عرف شو بدي :lol:
فحسيت أني متل أبو نجبو عم بحكي صيني :gem:

طيب هلق برجع بعمل تبسيط لكل المشروع ، بالرود اللي جاية ، ..

:D

اسم المشروع : " تطوع "
موقع الكتروني ، دليل الى الجمعيات والأعمال التطوعية في سوريا
هدف المشروع : دعم العمل التطوعي
المجموعات المشاركة في الإعداد :

- مجموعة تقنية ،
- مجموعة خربتشية
- مجموعة لم وتجميع
- مجموعة بحبوشين
- مجموعة علاقات عامة

( هلق بحكي كل مجموعة شو بتساوي )

المجموعة التنقية ،

فيها أحمد ، وجيمي ، وقصي
( وهي بتشتغل عالتصميم تبع الموقع )
( أقسام الموقع منتفق فيها ، بموضوع لحالو بالتصميم والجرافيكس .. مشان ما نطوش البشر هون)

المجموعة الخربتشية

اللي بتكتب المقدمة تبع ليش لازم يتطوع البني ادم ،
هي علي وعالكام واحد بقسم الخواطر ، منفتحلا موضوع بالخواطر

مجموعة لم وتجميع

فيها Nay و Maroochka
وبتمنى تراسلو عضوين أو تلاتة نشيطين بأخوية يساعدوكن فيها

مهمتكن تجميع مقالات عن العمل التطوعي ، وواقع العمل التطوعي بسوريا

بتقدرو تبدو شغل بحصاد المواقع ، موضوع جديد " مقالات في العمل التطوعي "

:D

مجموعة بحبوشين

فيها أبو وليم وسامان

تدوير على روابط وتفاصيل الجمعيات الخيرية بسوريا
وكمان يا ريت تراسلو كمان عضوين تلاتة
( او الأعضاء اللي بتتبرع بالموضوع )

:akh:

الفكرة حلوة و طموحة

ممكن ساعدكن بشغلات التصميم و الجرافيك و الانتر اكتيف للموقع
و في اقتراح كمان:
و اعملولكن شي جروب لأيميلات الشباب اللي بتحب تتطوع و صيرو راسلوا هالجروب
بأخر المستجدات و ااخبار من الموقع

اي خدمة نحن حاضرين

سلام:D

مجموعة لم وتجميع

فيها Nay و Maroochka
وبتمنى تراسلو عضوين أو تلاتة نشيطين بأخوية يساعدوكن فيها

مهمتكن تجميع مقالات عن العمل التطوعي ، وواقع العمل التطوعي بسوريا

بتقدرو تبدو شغل بحصاد المواقع ، موضوع جديد " مقالات في العمل التطوعي "

:D


وصل مرسيل..:D

كتير كتير كتير حلوة الفكرة وبتجننننننننننننننن

انا فيني ساعد باحدى المجموعات 2 , 3, 4

انا بشتغل متطوعة بمجال الاعاقة البصرية وعندي معارف من لبنان ومصر والاردن وسوريا طبعا بهل المجال
وبعرف كتير مواقع ارشادية وتثقيفية بهل المجال

وبحب ضيف اني يوم 15 هل الشهر بيصادف يوم العصا البيضاء للمكفوفين وفيني احكي عن العصا وانواعها وطرق استخدامها يعني مهارات التنقل والحركة للكفيف والشخص يلي معو

هلئ في موقع سوري بيشبه فكرتك مارسيل

موقع التطوع السوري


////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////


وموقع تاني تطوع


////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////


المهم انا معكون
ياريت حدا من المصممين يساعدني بتصميم شعار بهل اليومين عن العصا

يلي موافق يساعدني رح اعطيه الفكرة

خليننا ننشر التصميم بالشارع وبين العالم

وللحديث بقية

تحياتي ..:D:D:D

من بكرة الصبح رح بلش البحبشة، أفكارك كتير حلوة مارسيل :D

مجموعة لم وتجميع

--
مجموعة بحبوشين




انا هون ..
هون فور ايفر

حلو حلو حلو

هلق بشكل عام فكرة التطوع هي تعد من أنبل الأفكار لان الشخص فايت على شغلة مقتنع بالأساس أنو هو ما رح ينوبو أي شي مادي

يعني أنو هو عم يشتغل بشكل غير مادي و لكن مانوا ببلاش أبدا

يعني مثلا من زمان أشتركنا بحملة ياسمين الشام

فانوا رحنا و أشتركنا مع مجموعة من الشباب و كان الوضع جدا مفرح

يعني صح بالأخير ما أخدنا أي مردود مادي بس بكفي أنو كل واحد بيمر من جنبنا بيقلنا يعطيكم العافية

هلق الكلام وحدوا كان جدا رائع و غنانا عن مصاري الدني كلها

.
.
.
.
فبالأخير متى ما أمن الشباب بفكرة العمل يلي ما بيتج مادي أكيد في كتير أفكار بهي الحياة رح تتغير

و يعني كمان التطوع شغلة مفيدة للشباب على الناحية المادية

يعني بأغلب الشركات الكبيرة يلي بتسوي مقابلات عمل بتسئل الشخص هي أنت منتسب أو أنتسبت لمنظمات تطوعية ؟؟؟

و يعني من شان يعرفوا قدرة كل شخص على العطاء و محبتو للعمل يلي هو مقتنع فيه

فنهون نجد بالنهاية التطوع هو يلي عم يفيدنا أكتر ما أنو نحن يلي عم نفيدوا


يعني التطوع هو كسب خبرات و أفادة النا

هلق انا مستعد لاني شغلة

شو ما كانت المهم اني كون فيها مفيد

سواءاً بالتصميم أو بالبحبشة


.
.
هلق كمان في فكرة انو لازم يكون نسلط الضوء على كتير من الجمعيات يلي بتشتغل كتير و ما منسمع فيها

مثلا في جمعية أسمها أمال خاصة بالأشخاص المعاقين موجودة على طريق المطار بالشام

و بتشتغل شغل كتير حلو ..

و للأسف لهلق كتير قلال الناس يلي بيعرفوا عنجد شو هي

و في كتيييير غيرها و غيراتها مثلا كمان في عنا جمعية خاصة بالأطفال المشردين أي لهلق ما حدا عرفان عنها شي

هلق إذا قدرنا نسلط الضوء عيلهم منكون فعلا أشتغلنا شغل كتيييير حلو

فكرة حلوة بس بدها تطبيق ناجح و صحيح من شان ما تصير غوغائية و تضيع الطاسة

-------------------------------------------------------------------------------------------
عفكرة أنو بعد كل هالحكي

بس بدي أسألك قديش الراتب :o

سؤال رهيب لا تقليلي :o

سواءاً بالتصميم أو بالبحبشة


هلق كمان في فكرة انو لازم يكون نسلط الضوء على كتير من الجمعيات يلي بتشتغل كتير و ما منسمع فيها

مثلا في جمعية أسمها أمال خاصة بالأشخاص المعاقين موجودة على طريق المطار بالشام

و بتشتغل شغل كتير حلو ..

و للأسف لهلق كتير قلال الناس يلي بيعرفوا عنجد شو هي

و في كتيييير غيرها و غيراتها مثلا كمان في عنا جمعية خاصة بالأطفال المشردين أي لهلق ما حدا عرفان عنها شي

هلق إذا قدرنا نسلط الضوء عيلهم منكون فعلا أشتغلنا شغل كتيييير حلو

فكرة حلوة بس بدها تطبيق ناجح و صحيح من شان ما تصير غوغائية و تضيع الطاسة

--
تمام نحنا هادا هدفنا ، هدفنا نساعد هالجمعيات تصل للشبيبة ، ونساعد الشبيبة تصل ، ونساعد حالنا أنو نعرف يعني شغلة هيك كلها عبعضها فوايد بفوايد ..


موقع التطوع السوري
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////


وموقع تاني تطوع
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////




شكرا ً كتير عالرابطين ، هلق حلو جدا ً أنو نستفيد من خبراتن للرابطين
بس اللي براسي بعيد عن التنين
اللي براسي نحنا ما نحكي عن المعاق والفقير و .. و .. و .. يعني نحنا ما رح ناخد قضيتن ونحملها ع كتافنا ( أصلا ما حد افيه يحمل كل القضايا سوا ) .. نحنا بدنا نعمل دليل ، موسوعة روابط ، فهرس إذا بدك .. لكل شي عمل تطوعي بسوريا

هلق الرابطين فادوني بأنو شوف شو اللي ما بدنا ياه بالموقع !
نحنا ما بدنا نحكي عن شو القضية ، بدنا نحكي عن التطوع بمفهومه شو ما كان يكون .. ( هي مهمة لجماعة البحبشة .. لأنو بيطلع معن بعدين كتير كتير كتير كتير شغلات .. )
ونحنا ما بدنا تفاعل ، يعني الصفحة تبع المشاركات بالمنتدى تبع التطوع السوري ! الجديدة كلها مواضيع منتدى عادي ! ، نحنا ما بدنا نعمل منتدي ( بيكفي منتديات بتشبه بعضا ) ، ما بدنا البني ادم لا يسجل ولا من يحزنون ولا بدنا نجبلو كتب عن الاعاقة ولا .. ولا .. نحنا هدفنا نمسك بإيدو نوصلو لعند هالجمعيات
ويبقو هني يكفو
ونحنا ما بدنا اسم صعب ( يعني ملتقى الشباب التطوعي السوري MSV )

نحنا بدنا موقع بسيط ( موجز جدا ً ) مع إمكانية بحث ، وبس

:mimo:

لهلأ ما فهمت شو بدك .... :p
هلأ أنا ببولونيا ... شو ممكن اعمل :?

لهلأ ما فهمت شو بدك .... :p
هلأ أنا ببولونيا ... شو ممكن اعمل :?
:pos: عن حد ما فهمت شو بدي :cry:

بدي نعمل " دليل المشارع الخيرية التطوعية في سوريا "
موقع انترنت ... بس
ما بدي لم الناس من أقاصي الأرض واتطوع فين :lol:

طيب اوك


انا عندي روابط للجمعيات وغيروو وسواه
انا جاهزة:D:D:D

مجموعة بحبوشين
فيها أبو وليم وسامان
تدوير على روابط وتفاصيل الجمعيات الخيرية بسوريا
وكمان يا ريت تراسلو كمان عضوين تلاتة
( او الأعضاء اللي بتتبرع بالموضوع )

:akh:



انو بديت نواة البحبشة ، بتوقع في أكتر
المشكلة موقع الوزارة خارج التغطية يعني كلو قيد الإنشاء :? بلكي حدا بيعدي علين
بيقلن يعطونا ورقة فيها كل الجمعيات


انا هون ..
هون فور ايفر

اي يلا ورجينا همتك
طيب اوك


انا عندي روابط للجمعيات وغيروو وسواه
انا جاهزة:D:D:D
اي فيكي تساعدينا هون
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

بدنا نكفين ..

وصل عدد الجمعيات الاهلية في سورية الى 625

أنا قدرت لاقي 45

لهلأ ما فهمت شو بدك .... :p
هلأ أنا ببولونيا ... شو ممكن اعمل :?

متلي متلك وراء البحر
سالت حالي هالسؤال وطلعت معي فكرة بدي راي مرسيل وراي الحاضرين
هاد المشروع نفسو بعد ما يترتب بسوريا عن قريب ان شاء الله يتوسع ليصير شامل الدول العربية مبدئيا وعالمي بعدين
وخطرتلي فكرة جمعية افتراضية لا مركزية خطرلي اسم "الانسان انسان كيف ووين ماكان" كل عضو بيكون ملتزم امام ضميرو وانسانيتو
هدفها تطوعي طبعا يكون عندنا مكان عالنت نجمع فيه افكارنا وحماسنا
كافكار اولية ممكن نبدا بتنفيدها
زيارة لطفل مريض او لشيخ او عجوز بدار الشيخوخة اللي بيقدر يساعد ماديا بيكون كتير حلو واللي ما بيقدر ممكن زيارتو لحالها ترفع معنزياتو ومعنوياتهم وادا قدر يجر حدا من صحابو معاه بيكون ساهم بانتشار الوعي بهالواجب الانساني المهمل
كهدية ممكن ياخدها الواحد حتى وان كان مفلس
خطرلي نعمل مسابقة لقصص الاطفال القصيرة ومسابقة كمان بقسم الرسم على حسب مواضيع القصص
واللي يروح يزور اطفال كل اللي عليه يطبع القصة والرسومات عليها بتصور تطلع هدية حلوة معنويا وفكريا وما تكلف كتير
مابدي اسمع حدا يتحجج بفقرو او ببخلو حتى ما يعمل واجبو
ومرسي من قلبي لمرسيل وكل اللي اتحمس للفكرة
حاليا عندي مشكل بالنت ان انحل قبل ما تخلصو رح ساعدكم بالبحبشة
:D

كمان فكرة نسيتها
ينحط رابط الموقع الجديد بمهضلة المواقع بكل مدوناتنا وادا حبيتو كل واحد يكتب عن الموضوع باسلوبو وفي مدونتو
وفكرة اخرى نطبع عنوانو على وريقات معها كلمتين في العضم نوزعها على معارفنا ونفكر بطريقة توصلها اسرع ولاكبر عدد ممكن متلا اللي عندو امكانية يقنع شيء صحقي بالاداعة يحكي عنها

حلو حلو جدا كثيرا
معكون على طول الخط

كمان فكرة نسيتها
ينحط رابط الموقع الجديد بمهضلة المواقع بكل مدوناتنا وادا حبيتو كل واحد يكتب عن الموضوع باسلوبو وفي مدونتو
وفكرة اخرى نطبع عنوانو على وريقات معها كلمتين في العضم نوزعها على معارفنا ونفكر بطريقة توصلها اسرع ولاكبر عدد ممكن متلا اللي عندو امكانية يقنع شيء صحقي بالاداعة يحكي عنها
تماما ً هو موقع بيحوي فكرة انو ندعو العالم تتطوع
( مو انو نحنا نعمل جمعية )
يعني نحنا رح نكون صلة وصل بس

حبيت فكرة أنو يكون ألو شعار بنقدر نحطو بمدوناتنا ، هلق منقلن لجماعة التصميم ! و نكتب عنو بمدوناتنا كمان حبيتا :gem:

حلو حلو جدا كثيرا
معكون على طول الخط
أي هلا هلا

ما بعرف اذا بفيدكون بهالخبر
بس في عرض لفيلم My Sister's Keeper بسينما الشام .. بتعاون من جمعية بسمة

ممكن تاخودني على قد عقلي

يا انا صاير غبي زيادة عن اللزوم

يا اما الرشح و الكريب ضارب على انابيب الفهم براسي

لأنو للصراحة ما فهمت شي