-
دخول

عرض كامل الموضوع : عن داروين والعلم وسخف الاعلام العربي

اممي
04/10/2009, 03:40
""أردي" تطعن بصحة نظرية داروين"
قناة الجزيره
علماء اميركيون : اقدم هيكل بشري يسقط نظرية داروي
موقع سيريا نيوز

" إسقاط نظرية دارون عن "النشوء والارتقاء
صحيفة الوطن

طبعا هاد فيض من غيض وكالات الاعلام العربيه الي المفترض الها ان تمثل اداة توعيه وتنوير للشعب العربي
للاسف هالخبر المنقول اعلاه والردود الي ممكن تنقرا باي موقع او باي منتدي اذا بيدل فبيدل علي مدى تخلف وجهل الي وصلت الو شعوبنا وبنفس الوقت الي مدى تامر وكالات الاعلام علي هالشعب لتكرس فيه روح الرجعيه والتخلف .
اردي الي هوه كائن له وجه قرد واطراف تساعده بالتعلق بالاشجار مع تشكيل عظمي شبيه بالانسان والي ضل العلماء عم يحللو فيه من لاكثر من 15 سنه مابيدل الا علي حلقة الوصل الي كانت مفقوده ضمن نظريه داروين (الي هيه اوسع بكثير من تفسير اصل الانسان فقط) وبيدل بكل بساطه علي ان الانسان والشمبانزي تطورو بشكل متوازي من اصل واحد وهاد تاكيد مكمل لنظريه النشوء والارتقاء وضربه جديد للنظريات الي وردت بالكتب المقدسه (وخلقنا الانسان في احسن تقويم) وايات اخرى
قمه سخافه الاعلام العربي كان باستضافه دكتور برتبه نصاب اسمو زغلول نجار افتى وبدون فحص ومن غرفتو ان هالمستحاثه الي انوجدت ما عمرها 4 مليون سنه بل مو اكثر من 400 الف سنه وكانو نسيان ان ابسط مقومات التصريح العلمي ان يقوم علي اساس البحث والكشف وان القصة اكبر من حزيره او سهريه رمضانيه فيه يتحف فيها اطفال او رجال يتمسكون بتفكير اطفال بنضريات خرندعيه هدفها الاول والاخير تضليل الشعب العربي وليكفي دورو كشريك لوكلات اعلام مالها دور غير ان تكون بوق سلطة او مزمار شيخ بيجر فيه قطيع الفيران للبحر
هشام ابو شرار
04/10/2009, 03:45
يعني ممكن يكون اصل الانسان قرد او شمبازي؟والله الواحد بحس بهيك شي مرات وخاصة لما يزور حديقة الحيوان بتحس الواحد متعاطف كتير مع القرد وبيوقف حده يطعمه فستق وموز وبطنش كل الحيوانات الباقية؟قولك في منو هالحكي؟
اممي
04/10/2009, 03:49
يعني ممكن يكون اصل الانسان قرد او شمبازي؟والله الواحد بحس بهيك شي مرات وخاصة لما يزور حديقة الحيوان بتحس الواحد متعاطف كتير مع القرد وبيوقف حده يطعمه فستق وموز وبطنش كل الحيوانات الباقية؟قولك في منو هالحكي؟

بيكفي تسمع تصريحين لزغلول نجار وجماعتو لتتاكد ان مافي داعي لكل هالبحوث وان اصل القروده هيك قروده
هشام ابو شرار
04/10/2009, 03:50
ايه والله صحيح هولي هني القروده الحقيقيين:clap:
suryoyo
04/10/2009, 04:15
هي مو اول مرة الاعلام العربي يركتب خطايا مميتة .. بس هل مرة غير شكل

و الاهم من هذا .. تعود العالم العربي على نااس تحكي بمصطلحات ما تعرف عنها اي شي .. و تنعجب بهكذا عقول ..
(و الدكتوراه زينة ) :lol:
الأندلسية
04/10/2009, 04:25
اكيد ادم تخلق بشر مو قرد
هل القرده تميل الى التفاح؟
التقرير الجوال
04/10/2009, 04:29
طيب هلأ إذ إفترضنا جدلاً بأوالإنسان و الشمبانزي من فصيل أو سلالة وحدة .. بفكرك أنت أو بفكر العلماء .. شو هوي يللي طوّر القرد لإنسان و عطاه العقل .. و شو هوي يللي ترك القرد الحيوان على ماهوي .. يعني من دون فكر! و شو هي الأسباب- هي غذا كانت موجودة- يللي وقفت هالتطور من التكرار .. يعني الشمبانزي تطور و صار إنسان بظروف معينة .. شو المانع من تكرار هالتطور,عالأساس بأنو حصل .. و إذا حصل بالماضي فأكيد ممكن يحصل هلأ أو منقبل ...
برأيك الشخصي ممكن هلأ بوقتنا شي شمبانزي بيطور لإنسان:lol: إذا بتآمن بنظرية الإرتقاء و النشوء و الإصطفاء فأكيد رح يكون جوابك: نعم ...
لكن نحن مضطرين نناقش نظرية دارون و لكن هل أثبتت النظرية صحتها واقعياً!؟
سمعت خبر عن شي قرد تحوّل لإنسان بالوقت الحاضر أو قبل مآت السنين؟
الأندلسية
04/10/2009, 04:36
طيب هلأ إذ إفترضنا جدلاً بأوالإنسان و الشمبانزي من فصيل أو سلالة وحدة .. بفكرك أنت أو بفكر العلماء .. شو هوي يللي طوّر القرد لإنسان و عطاه العقل .. و شو هوي يللي ترك القرد الحيوان على ماهوي .. يعني من دون فكر! و شو هي الأسباب- هي غذا كانت موجودة- يللي وقفت هالتطور من التكرار .. يعني الشمبانزي تطور و صار إنسان بظروف معينة .. شو المانع من تكرار هالتطور,عالأساس بأنو حصل .. و إذا حصل بالماضي فأكيد ممكن يحصل هلأ أو منقبل ...
برأيك الشخصي ممكن هلأ بوقتنا شي شمبانزي بيطور لإنسان:lol: إذا بتآمن بنظرية الإرتقاء و النشوء و الإصطفاء فأكيد رح يكون جوابك: نعم ...
لكن نحن مضطرين نناقش نظرية دارون و لكن هل أثبتت النظرية صحتها واقعياً!؟
سمعت خبر عن شي قرد تحوّل لإنسان بالوقت الحاضر أو قبل مآت السنين؟
العلماء بيقولو انو معدل ذكاء القرد يعادل ذكاء طفل بعمر 3 سنوات
افهم يا الفاهم
التقرير الجوال
04/10/2009, 04:43
العلماء بيقولو انو معدل ذكاء القرد يعادل ذكاء طفل بعمر 3 سنوات

افهم يا الفاهم


عفواً شو هي افهم يا الفاهم؟ هاد الحكي لمين موجه؟
اممي
04/10/2009, 04:48
اكيد ادم تخلق بشر مو قرد
هل القرده تميل الى التفاح؟




هاي ليكون في ادم اصلا :D

طيب هلأ إذ إفترضنا جدلاً بأوالإنسان و الشمبانزي من فصيل أو سلالة وحدة .. بفكرك أنت أو بفكر العلماء .. شو هوي يللي طوّر القرد لإنسان و عطاه العقل .. و شو هوي يللي ترك القرد الحيوان على ماهوي .. يعني من دون فكر! و شو هي الأسباب- هي غذا كانت موجودة- يللي وقفت هالتطور من التكرار .. يعني الشمبانزي تطور و صار إنسان بظروف معينة .. شو المانع من تكرار هالتطور,عالأساس بأنو حصل .. و إذا حصل بالماضي فأكيد ممكن يحصل هلأ أو منقبل ...
برأيك الشخصي ممكن هلأ بوقتنا شي شمبانزي بيطور لإنسان:lol: إذا بتآمن بنظرية الإرتقاء و النشوء و الإصطفاء فأكيد رح يكون جوابك: نعم ...
لكن نحن مضطرين نناقش نظرية دارون و لكن هل أثبتت النظرية صحتها واقعياً!؟
سمعت خبر عن شي قرد تحوّل لإنسان بالوقت الحاضر أو قبل مآت السنين؟

قبل كلشي صديقي ياريتك مدقق بالمكتوب فوق او مطلع علي كتاب اصل الانواع لداروين او قاري حتة النص الاصلي للورقه العلميه تبع العلماء الي عملو الكشف الاخير
قصة التطور مابتصير بدفشه سنه او سنتين بدها مئات الاف من السينين مع ضروف خاصه تجبر الكائن ليتكيف ضمنها لينحط امام اما البقاء او الفناء وبهالاصطفاء فنت ملاين من الكائنات عالطريق للشكل الحديث للطبيعه الي نحنا عايشين فيها
النظريه الاخيره بتاكد وجود اصل واحد متفرع منو الانسان والشمبانزي قبل اكثر من 6 مليون سنه فاذا صبرت 6 مليون سنه وحطيت الشمبانزي بنفس الضروف الي مر فيها الانسان باكدلك ان راح يطلع معك شكل اكيد مو نفس شكل الشمبانزي الي بتعرفو اليوم
رغم ان الشمبانزي نفسو كائن جدا ذكي...ان علي سبيل المثال في نوع شمبانزي بيصنع ادوات وبيملك سكاكين بدائيه ليقطع فيها اغصان شجر ,عند الشمبانزي انواع دواء محدد ياخدها بوقت المرض وكتير شغلات تانيه بتميزو عن غيرو من الكائنات
ثم بيعد عن داروين ونضريتو ...فيني افهم شو عندك من نظريه منطقيه علميه بتفسر اصل الانسان :?
بكل الاحوال هالموضوع نزل ليناقش استهتار الاعلام العربي بعقول شعوبنا وتحريفو لنص علمي فيك تتطلع عليه بالالغة الانكليزيه مابيتعارض لامن قريب ولا من بعيد مع نظريه داروين
saman
04/10/2009, 04:56
سمعت خبر عن شي قرد تحوّل لإنسان بالوقت الحاضر أو قبل مآت السنين؟ليك في محل نظارات جنبنا ... ممكن يعطيك نظارة بسماكة 50 سانتي ليبين معك شو بتحكي نظرية التطور
مين قال انو الانسان اصلو قرد ؟؟؟
يا عم يلي انقال انو الانساان والقرد الهن جد واحد ... الهن اصل واحد
وبيدل بكل بساطه علي ان الانسان والشمبانزي تطورو بشكل متوازي من اصل واحديعني ازا بدك تفهمها لولد صغير فيك تفهمو ياها بهالطريقة يلي عم فهمك فيها هلأ :
انو جدو الكبير ...اجاه ولدين واحد بابا والتاني عمو ... بابا جابني انا ... وعمو جاب ابن عمو ... انا بشبه بابا ...بس ما بشبه عمو الا شوي ... وما بشبه ابن عمو بنوب ... وابن عمو ما بيشبهني بنوب .. بس بيشبه عمو .. وبيشبه بابا شوي ...وصلت الفكرة ...؟
يعني انا مو ابنو لابن عمو .. انا ابن بابا يلي هوي ابن جدو
وتوتة توتة خلصت الحتوتة



انشالله تكون وصلت الفكرة المبسطة .... يلي خرج تنعمل كتاب للاطفال
التقرير الجوال
04/10/2009, 04:58
فيك تحطلي رابط النص العلمي من بعدها منشوف
اممي
04/10/2009, 05:03
فيك تحطلي رابط النص العلمي من بعدها منشوف

فيك تشوفو بعدد مجلة ساينس تبع اولت امبارح او فيك تفوت علي موضوع اردي الموجود باخويه
ويفضل اذا صار نقاش ناقش هونيك لان هونيك قسم العلوم وهون الصالون
بالنهايه هونيك فينا ناقش مضمون النظريه فيحين هون الفكره المطروحة هيه عن الاعلام العربي كاداة لتشويه الواقع وتضليل الشعوب :D
التقرير الجوال
04/10/2009, 05:10
ليك في محل نظارات جنبنا ... ممكن يعطيك نظارة بسماكة 50 سانتي ليبين معك شو بتحكي نظرية التطور :pos:
مين قال انو الانسان اصلو قرد ؟؟؟
يا عم يلي انقال انو الانساان والقرد الهن جد واحد ... الهن اصل واحد


بالبداية احترم حالك و اعرف مع مين انت عم تحكي .. انا مش واحد من رفقاتك يللي بتكتب معهن بشو عم تفكر و إلا اكتب رسالة لعشيقتك.. فتّح عينك و احكي مدوزن معي و أولو و آخرو مو أنت و لا أمثالك يللي انا إحكي معهن.

استناداً لنظرية دارون بيكون الإنسان من منشأ واخد .. أصل واحد يعني تركيبة وحدة .. الجد الأصل أشبه ما يكون للقرد بسلوكو و صفاتو الحيوانية .. لاهاد الجد يللي أنتج القرد يللي بيشبه الجد الأول و كمان الأنسان- يللي أنت واحد منهن- اجا كفرع من نفس الأصل يعني الجد يللي هوي أول سلالة للقرود متل ما هوي مذكور.
التقرير الجوال
04/10/2009, 05:12
فيك تشوفو بعدد مجلة ساينس تبع اولت امبارح او فيك تفوت علي موضوع اردي الموجود باخويه
ويفضل اذا صار نقاش ناقش هونيك لان هونيك قسم العلوم وهون الصالون
بالنهايه هونيك فينا ناقش مضمون النظريه فيحين هون الفكره المطروحة هيه عن الاعلام العربي كاداة لتشويه الواقع وتضليل الشعوب :D
طيّب بيكون خير بس بالأول خلينا نشوف شو في مكتوب بالمجلة
saman
04/10/2009, 05:42
بالبداية احترم حالك و اعرف مع مين انت عم تحكي .. انا مش واحد من رفقاتك يللي بتكتب معهن بشو عم تفكر و إلا اكتب رسالة لعشيقتك.. فتّح عينك و احكي مدوزن معي و أولو و آخرو مو أنت و لا أمثالك يللي انا إحكي معهن.

استناداً لنظرية دارون بيكون الإنسان من منشأ واخد .. أصل واحد يعني تركيبة وحدة .. الجد الأصل أشبه ما يكون للقرد بسلوكو و صفاتو الحيوانية .. لاهاد الجد يللي أنتج القرد يللي بيشبه الجد الأول و كمان الأنسان- يللي أنت واحد منهن- اجا كفرع من نفس الأصل يعني الجد يللي هوي أول سلالة للقرود متل ما هوي مذكور.
بالبداية عرفت مع مين عم احكي ... شنو شكلهن نظارات شت 50 سانطي سماكة ما نفعوا معك
صاير عم تربط شوي بحالك ومفكر حالك شي شخصية مهمة بهالنظارات ... ايه يا زمن ... بحمد ربي وبشكرو انو ما بلبس نظارات 50 سانطي

المهم خالتي ... استنادأص لنظرية داروين بيكون الانسان من منشأ واحد ... ماشي الحال استفادة طفيفة من النظارات
بس اصل واحد يعني تركبة واحد ة... كيف ضبطت معك هي ؟؟
6 مليون سنة بين الجد الاول والانسان ... بيطلع معك انو التنين تركيبة وحدة والله سمعة ... !
هلأ بزمتك بزمتك ... انت وجدك ابو ابوك مو ابو امك ... نفس التركيبة تنيناتكون ؟؟ ... ازا هيك مصيبة
ومنين طلع معك انو الجد الاول هوي اصل سلالة القرد ... لك خالتي ... ما قريت شو مكتوب بالحكاية فوق ... والله الحكاية بالعربي مو بالانكليزي ليكون بدها ترجمة
رح بسطلك ياها اكتر وبطريقة علمية بحتة ... (لا حياء في الدين ) :
الجد الاول يا سيدي كان عم يتمشى بالغابة واز بيلاقي جدايتنا الاولانية الله يزكرها بالخير ... بيقوموا بيقرروا يتجوزوا جواز عرفي .. شنو ما كان في محكمة بهداك الوقت ... وبلا طول سيرة هاد بليلة الدخلة عمل دورين ... اول دور ... ولدت مرتو فوراً من ورا هالدور شنو كان قاسي شوي ... قام طلع شي على شكل بيشبه شكل "الاردي" ... وهاد بعد كم مليون سنة انفكحوا رجليه وصاروا واقفين وتسحسلو ايديه وانقطش دنبو ... قام صار انسان
منرجع للدور التاني ... يا سيدي بهاد الدور الجد الاول الله يصلحو قسي شوي على ستنا ... قام دغري طلعوا الولاد بس مطعوجين شوي ... اجو بالغلط يا حرام ... وبعد كم مليون سنة تطوروا وقصروا من قلة مروتهن ... وصاروا شمبانزي ...

وبالتالي نستنتج من هازا البحث العلمي الخطير ... انو الجد الاولاني شيتنا وشيت القرود واحد ... بس هالجد ما كان قرد وما كان انسان ... وهوي متل ما كان جد القرود كان جد ولاد عمنا القرود ...


وصلت الفكرة العظيمة يلي ما بتوقع انو تكون وصلت ....؟؟؟
اممي
04/10/2009, 16:21
لوسي واردي وقبل كل التسلسل للمستحاثات الي انوجدت مابترقي عندك لدليل علي صحة هالنظريه
بس بعيد عن كل هالتاريخ الطويل وباعتبار انك طالبه بيولوجيا فبعتقد انك بتوافقي ان الفيروس بيطور ومع مرور الوقت بيصير بيغير شكلو ومنشان هيك بيستعصي علي الدوا
طيب اذا انت بتوافقي عن الفايروس وعن الاف من مظاهر التطور منها تغير شكل البشر لونن طولن هاد غير تنوع الفصائل الهائل للاحياء حوالينا,ان كل هالادله الملموسه مابتقنعك اكثر من فكره بني ادم نزل من السماء لان اكل تفاحة؟
ان فيني اعرف وين الدليل العلمي عن هالقصة ؟هالياترى حدا لقي الطياره الي نزل فيها ادم من السما ؟بقايا التفاحة ؟مستحاثه بدل علي ان شو كان شكلو لهالرفيق؟؟
انا مستعد لوافق معك وابصملك بالعشره اذا جبتيلي اي نظريه بتفسر اصل الانسان بشكل منطقي والو علاقه بالعلم :D
الأندلسية
04/10/2009, 16:33
هاي ليكون في ادم اصلا :D





لكان مين كان محله؟
Reemi
04/10/2009, 16:37
اشراف:

حذفنا ردود خارجة عن اداب النقاش والحوار المحترم وخالفنا من يستحق المخالفة




** ياريت ماحدا يعطي لنفسو الحق بالتعبير عن مشاعر القرد وبما يتشرف وبمالايتشرف لانو على حد علمي القرد ماعطى تفويض لحدا يعبر عن مشاعرو..


كراي شخصي النقاش علمي ومنطقي ولايتعلق برغباتنا الشخصية اذا بدنا يكون اصلنا قرود او تماسيح.. الحكي هون علم ومنطق لوسمحتو
اممي
04/10/2009, 19:03
لكان مين كان محله؟

سوالك اكثر من رائع ...بس قبل مانحط الجواب خلينا نسال شويه اسئله تانيه
ان شو السبب في بشر لونن اسود وانوفن كبيره وشفايفن غليظة وبشر تانين لونن ابيض وانوفن مدببه وعيونن ملونه؟
شو السبب ان في عدد هائل من فصائل الكلاب والنمور والقطط والطيور والافاعي وان هلق هدول كلن كانو هيك من لما انوجدو ولا في شي عم يطور معن مع مرور الوقت ؟
سؤال اكثر بساطة وموضوعيه ... هل ياترى الكائن بيتاثر ببيئتو ولا بيظل متل ماهوه وليش في فصائل كامله بتنقرض وغيرها بيضل مكفي ؟
هلق منشان تعرفي شو راي العلم بهالموضوع بدك تروحي علي المكتبه عنا باخويه
وتقري كتاب داروين الي اسمو اصل الانواع
بهالكتاب داروين بيفسر وعن طريق ملاحظاتو و المستحاثات الي لقاها من خلال رحلتو الي دامت اكثر من 20 سنه اصل الانواع الحيه الي موجوده اليوم
والبحث اكثر من رائع ومابيركز بس علي اصل الانسان بل بيتعداه لعدد كبير من الحشرات والثديات والطيور
هالكتاب بيمثل لليوم ركازه هامه جدا بالنسبه لكل جامعات البيولوجيا بالعالم ومافي قسم علوم بجامعة الا وبتلاقي مقرر او اكثر بيتطرق للداروينيه بشكل مفصل :D


اشراف:

حذفنا ردود خارجة عن اداب النقاش والحوار المحترم وخالفنا من يستحق المخالفة




** ياريت ماحدا يعطي لنفسو الحق بالتعبير عن مشاعر القرد وبما يتشرف وبمالايتشرف لانو على حد علمي القرد ماعطى تفويض لحدا يعبر عن مشاعرو..


كراي شخصي النقاش علمي ومنطقي ولايتعلق برغباتنا الشخصية اذا بدنا يكون اصلنا قرود او تماسيح.. الحكي هون علم ومنطق لوسمحتو

:D
DARKNESS
04/10/2009, 19:13
الشغلة صايرة شغلة حرب ضد افكار داروين مو دفاع عنها يعني كتير عالم ارتدت و الحدت بعد ما طلع بنظريتو التطور الارتقاء
و اللي تطورت حاليا للدارونية الحديثة

داروين ما هاجم اي معتقد ديني او روحي كل اللي عملو عمل بحث و دعمو بأدلة استنتجها مع انو معظمها تغير و تبدل
بالوقت الحالي و عا فكرة في كتير افكار اخدها داروين من علماء قبلو بنظريتو

هاي نقطة النقطة التانية النظرية عم تتطور بشكل بجوز انو ما ضل من النظرية الاساسية غير الاسم
و ذلك بسبب وجود مشاهدات كثيرة عجز داروين على انو يفسرها متل لون العيون و غير شغلات
الشغلة ما بدها هالحساسية كلها هي مجرد نظرية علمية ما بتهاجم اي دين او مذهب فكري ولا بتدعم اي مبدأ فكري كمان
هي بتدعم العلم
:D
ALEPPO
04/10/2009, 20:41
الشغلة صايرة شغلة حرب ضد افكار داروين مو دفاع عنها يعني كتير عالم ارتدت و الحدت بعد ما طلع بنظريتو التطور الارتقاء
و اللي تطورت حاليا للدارونية الحديثة

داروين ما هاجم اي معتقد ديني او روحي كل اللي عملو عمل بحث و دعمو بأدلة استنتجها مع انو معظمها تغير و تبدل
بالوقت الحالي و عا فكرة في كتير افكار اخدها داروين من علماء قبلو بنظريتو

هاي نقطة النقطة التانية النظرية عم تتطور بشكل بجوز انو ما ضل من النظرية الاساسية غير الاسم
و ذلك بسبب وجود مشاهدات كثيرة عجز داروين على انو يفسرها متل لون العيون و غير شغلات
الشغلة ما بدها هالحساسية كلها هي مجرد نظرية علمية ما بتهاجم اي دين او مذهب فكري ولا بتدعم اي مبدأ فكري كمان
هي بتدعم العلم
:D
انا ما كنت عمدافع عن فكر او اتجاه معين بس انا بني ادم و كرامتي ما بتسمحلي انو اقبل نظرية بتقول انو الانسان اصله حيوان او قرد
هشام ابو شرار
04/10/2009, 21:13
يعني بعتقد انه القرد شي مهم مسلي بغض النظر عن اصله وفصله مع انه بعرف في شي 12سمة فسيولوجية ونفسية واجتماعية مشتركة بين السعدان والانسان منها الفصائلية والمرح والابتسامة وبعض التكوينات الجسدية يعني ممكن نوصل لتسوية انه القرد خيو للبني آدم في الفصيلة
قرصان الأدرياتيك
05/10/2009, 01:17
الصديق أممي الأصدقاء الأعزاء

في نقطتين حابب أحكي فين بغضّ النظر عن الرّدود السّابقة!

النقطة الأولى وهيّ "الدّين" و"فهم الدّين" انطلاقاً من الكتب المقدّسة (أي كتاب كان) ومن تفسير هالكتب. دراسة النصوص "علميّاً" والدّين "ثقافيّاً واجتماعيّاً (وعقلانياً)" بيأكّد أنّو النصوص الواردة في الأديان هيّ نصوص تعليميّة روحيّة أخلاقيّة قانونيّة (مانها علميّة). والنّظر إليها من منظار علمي بيفقدها هويتها!
بمعنى أنّو الكتب المقدّسة بتحكي عن خلق آدم (وآدم باللغة العبريّة بتعني "إنسان" ومانو "اسم علم")، ومن المعروف أنّو آدم إذا عملنا حساباتنا التاريخيّة (العلميّة) ما بيطلع عمرو أكثر من 10 آلاف سنة (دينيّاً كمان)، برغم وجود آثار للبشر من ملايين السّنين. وعند رواية خلق آدم القصّة تعليميّة أكثر منها علميّة... يعني بتريد توصّل فكرة أنّو الله هو خالق الإنسان... كيف وشلون ووين وإيمتا؟ مو من شأن الرواية الدينيّة. ومن الصعب نوصل لجواب يقينيّ، وطريقة العرض بتتمّ بلغة معيّنة وثقافة معيّنة وبيئة معيّنة... إلخ!
من الضروري مراعاة هالجوانب عند قراءة أي نص ديني وإلا صرنا متل اللي عم يحطّ كاسيت مسجّلة بقارئة قرص مضغوط!! هاد من منظور ديني وبالتأكيد ما بيهمّ العلميّين أو أي شخص بينطلق من منطلقات أخرى عدا "الدين"!

ولهالسبب (وهون النقطة الثانية) لمّا بدنا نحكم على الإعلام العربيّ لازم نعرف منطلقاته ونفهمها بشكل منيح بدون أحكام أوليّة... يعني إذا مجموعة هالمجتمعات أو البلدان منطلقاتها دينيّة فبالتأكيد قراءاتها وتفسيراتها وعيشها لأي حدث أو واقع أو حقيقة رح يكون من منطلق ديني بحت! طبعاً ما عم ناقش هون إذا المنطلق صحيح أو غير صحيح. لأن بالنسبة ألي مانو صحيح إذا طبّق عالعلوم التجريبيّة وصحيح (نوعاً ما مع التحفّظ) إذا طبّق عالعلوم الأخلاقيّة... إلخ!

خارج هالحلقة الغرب كمان مهتمّ بالحديث عن نظريّة النشوء والارتقاء، ومهتمّ بنقدها وإخضاعها للدراسة والتجارب والبحث، بس من منطلقات علميّة لا أكثر وهون يكمن الاختلاف عن العالم العربي وإعلامه.

على سبيل المثال أول مبارح "الجمعة" (بحكم عدينا الساعة الأولى من نهار جديد) قريت بالجريدة مقال بيحكي عن عالم أميركي بينقض نظريّة داروين عن طريق عكسها وعندو دراسة عن الموضوع رح تنشر قريباً... وهاد الخبر متل ما ورد بالجريدة بالتفصيل:

أصل القرد إنسان وليس العكس
قال العالم الانتروبولوجي الاميركي البروفسور في جامعة كنت والمتخصص في اصل الانسان سي اوين لوفجوي ان "اصل القرد انسان، وليس العكس". وافاد انه "اجرى دراسة على الانسان البدائي المعروف باسم "Ardipithecus ramidus" الذي عاش قبل 4,4 ملايين سنة في اثيوبيا"، ويقدم نتائجها المؤلفة من 11 صفحة الاثنين المقبل في عدد خاص من مجلة "علم".
وقال: "شاعت فكرة ان البشر نسخة متطورة من الشمبانزي، لكن درس الانسان البدائي ساهم في تأكدنا انه لا يمكن ان يتطور البشر من الشمبانزي او الغوريلا". واضاف: "القردة هي التي تطورت منا".
("ي ب أ"، جريدة "النهار"، السبت 3 تشرين الأوّل 2009، السنة 77، العدد 23833).

أخيراً بتبقى نظريّة داروين "نظريّة" والنظريّة من التنظير، والتنظير مانو شيء ثابت أو يقينيّ، فهو قابل للتبدّل أو التغيير... وبرغم بعض الأدلّة ومجموعة من الاكتشافات والاستنتاجات (نسميها استنتاج) ما زالت النظريّة قيد الدراسة ورح تبقى بحكم هالقيد، وخاصّة أنّنا عم ندرس الماضي والماضي البعيد وصعب جداً نطلق حكم ثابت على ماضي ما في ين إيدينا منّو إلا نتفات من التجارب والمشاهدات والاكتشافات...
ما عم أنفي أو أثبت... بالعكس أنا برحب بأيّة نظرية أو استنتاج أو بحث علميّ إنساني همّو زيادة معرفة الإنسان وتوقه إلى اكتشاف الحقيقة.

وميت مرحبا بأحلى شباب :D.
اممي
05/10/2009, 01:44
يسلمن رفيق قرصان علي مداخلتك بس عندي تنويه صغير
المصادر الي انا بلشت فيهن الموضوع تعتبر منابر للطبقات التقدميه يعني منها قنوات دينيه
فجريده الوطن او السيريا نيوز الي بتمثل الموقع الاخباري لطبقة كبيره من المثقفين مافينا ننظر الها من مبدا ان هالخبر عم ينقل مع مراعاة حساسيات دينيه وخصوصا الموضوع علمي بحت واي نقل غير موضوعي لالو بيشكك بمصداقيه ناقل هالخبر وتصير وصمه عار بتاريخو المهني
يا اخي بيعرفو هالخبر بيزعج العديد من اصحاب اللحا الي هنن بيطمحو ليرضوهن طيب ليش لينقلو الخبر من ارضو!!؟
بنرجع لفكره الغوغائيه والتضليل الي عم تتمارس علي شعوبنا منشان تظل متخلفة ومضحكه لكل شعوب العالم
هشام ابو شرار
05/10/2009, 01:56
انا شخصيا وعلى الصعيد الدايلاكتيكي الفلسفي بقول انه الانسان كتير بيرد للقرد سلوكيا بس لمامنحكي علم ازا كان الانسان اصله قرد فبيكون اصل الفراشة خفاش ...وبعدين ماعادت تفرق كتير ازا كان الانسان اصله قرد ولاخنفسه المهم الاداء البشري العام في هالزمن القرداوي
..Jimy
05/10/2009, 02:21
هلئ هيك بيكونو عم يدرسوهم بكليات الاعلام؟
‏
خيو تسالي.."اعلام" تسالي..
التقرير الجوال
05/10/2009, 05:04
طيب .. أنا مشغول هلأ مافيني ترجمهن للمقالات الواردين بمجلة العلوم بس في نقطة بدّي أممي يفكر فيها جليّاً مليّاً ..
هلأ الإصطفاء يللي بحث في دارون كان عبارة عن بقاء إصطفائي نوعي لمخلوقات موجودة عالأرض .. كمان تغير في شكل بعض الحيوانات .. بس يا أخي حتى دارون ما قدر يوصل لحلقة مفقودة ببحثو متل ما هوي ذكر و هي ..
شو هي الطريقة يللي تحول فيها الإنسان من أصلو كقرد ليصير على الشكل المعروف كإنسان حديث.

هاد الكلام ذاكرو دارون تحت عبارة الحلقة المفقودة يللي تتوسط الإنتقال من طبيعة القردة لطبيعة الإنسان الحديث
طيب وقفة زغير عند جينات القرد و الإنسان .. هلأ برأيك مو المفروض تكون الجينات وحدة؟ هاد حاصل و إلا لأ؟
طيب الشبه التكويني للقرد و الإنسان برأيك كافي ليخدم النظرية؟ ماهو في عندك كتير حيوانات بتتصرف تصرفات متل الإنسان .. هل هاد بيعني بأنو إلهن منشأ واحد أو جد واحد؟

بعدين النظرية للأمامة انرفضت من كل رجال الدين مش بس من طرف ديانة معيّة, لك يا أخي العقل التفكير الأحاسيس و المشاعر هي كلهن بيميزو البشر و كلهن مش موجودين عند الحيوان بشكل نسبي طبعاً ..
الحيوانات المفترسة مافيك تربيهن عندك بالبيت لأنك مهما عملت معهن و طعميتهن ممكن بلحظة يهاجمك .. في عندك فصيلة من القرود مفترسة .. منرج لأهم شيئ بيميّز البشر .. التفكير و العقل هلأ إذا إفترضنا بأنو الإنسان كان نتيجة ارتقاء قرد فيا ترى أي فصيل من القرود .. هل هوي القرد الحالي .. أو القرد المستحاثة؟ طبعاً القرد الحالي تمييزو أكتر و أكبر عن القرد المستحاثة لأنو الحالي هوي الأذكى أما البدائي فأكيد من دون تفكير .. طيب هلأ إذا قلنا الانسان تطور من القرد المستحاثة .. سؤال بيطرح نفسو ليش بقي الإنسان و انقرض القرد المستحاثّة؟ .. ليش الفصيلين ماتمّو بالطبيعة و تطورا جنباً لجنب؟ طيب ممكن الإنسان كان نتاج لتطور غير القرد و القرد المستحاثة نتاج تطورو هوي القرد الحالي! ممكن؟
عزيزي دماغ الانسان يللي هوي محور الحديث بهالموضوع للليوم الحالي بيعتبر لغز مش مفكوك منو غي القليل .. بدّك ترجع تقللي تطور الدماغ كان عبر ملايين السنين .. طيب ليش ماصار هالتطور مع القرد الموجود هلأ باعتبار المنشأ واحد؟
عبر المحيط
05/10/2009, 05:59
""أردي" تطعن بصحة نظرية داروين"
قناة الجزيره
علماء اميركيون : اقدم هيكل بشري يسقط نظرية داروي
موقع سيريا نيوز

" إسقاط نظرية دارون عن "النشوء والارتقاء
صحيفة الوطن

طبعا هاد فيض من غيض وكالات الاعلام العربيه الي المفترض الها ان تمثل اداة توعيه وتنوير للشعب العربي
للاسف هالخبر المنقول اعلاه والردود الي ممكن تنقرا باي موقع او باي منتدي اذا بيدل فبيدل علي مدى تخلف وجهل الي وصلت الو شعوبنا وبنفس الوقت الي مدى تامر وكالات الاعلام علي هالشعب لتكرس فيه روح الرجعيه والتخلف .
اردي الي هوه كائن له وجه قرد واطراف تساعده بالتعلق بالاشجار مع تشكيل عظمي شبيه بالانسان والي ضل العلماء عم يحللو فيه من لاكثر من 15 سنه مابيدل الا علي حلقة الوصل الي كانت مفقوده ضمن نظريه داروين (الي هيه اوسع بكثير من تفسير اصل الانسان فقط) وبيدل بكل بساطه علي ان الانسان والشمبانزي تطورو بشكل متوازي من اصل واحد وهاد تاكيد مكمل لنظريه النشوء والارتقاء وضربه جديد للنظريات الي وردت بالكتب المقدسه (وخلقنا الانسان في احسن تقويم) وايات اخرى
قمه سخافه الاعلام العربي كان باستضافه دكتور برتبه نصاب اسمو زغلول نجار افتى وبدون فحص ومن غرفتو ان هالمستحاثه الي انوجدت ما عمرها 4 مليون سنه بل مو اكثر من 400 الف سنه وكانو نسيان ان ابسط مقومات التصريح العلمي ان يقوم علي اساس البحث والكشف وان القصة اكبر من حزيره او سهريه رمضانيه فيه يتحف فيها اطفال او رجال يتمسكون بتفكير اطفال بنضريات خرندعيه هدفها الاول والاخير تضليل الشعب العربي وليكفي دورو كشريك لوكلات اعلام مالها دور غير ان تكون بوق سلطة او مزمار شيخ بيجر فيه قطيع الفيران للبحر


وانت ليه حارق اعصابك ...يعني النظرية لم يثبتها العلماء بأدله قاطعة..مازالت نظرية وراح تظل نظرية الى أن يكتشف العلماء الدليل . وبعد الدليل لك الحق تزعل على الكتب المقدسة وعلى زغلول النجار.......
Nasserm
06/10/2009, 10:27
لكان مين كان محله؟
يقول سيدنا ومولانا وشفيعنا أبو العلاء المعرّي:

وما آدمُ في مذهبِ العقل واحداً............ولكنه عند القياسِ أوادمُ
Nasserm
06/10/2009, 10:40
(...)
ومن المعروف أنّو آدم إذا عملنا حساباتنا التاريخيّة (العلميّة) ما بيطلع عمرو أكثر من 10 آلاف سنة (دينيّاً كمان)، برغم وجود آثار للبشر من ملايين السّنين.

عشر تالاف سنة!! عم تتبعزق كتير يا قرصان!!

رئيس أساقفة إيرلندة بالقرن السابع عشر.. قعد وحسب وقعد وحسب.. طلع معو شو؟

طلع معو إنو الأرض خلقت صباح يوم 26 تشرين الأول عام 4004 قبل الميلاد!!

مو آدم هه.. لأ.. خلق الأرض قشة لفة (والأرض تعني الكون بهداك الوقت)

طيب..

القديس أوغسطين طلع معو إنو العالم انخلق قبل المسيح بـ 5000 سنة


رغم إنو بالمتحف الوطني بالشام (اللي تلات رباع السوريين مو فايتينلو)

فيه نسختين من إنسان "كرومانيون" اللي بيرجع لحوالي 30 ألف سنة (كان موجود بـ كهوف يبرود والنبك حوالين الشام)
قرصان الأدرياتيك
06/10/2009, 12:20
[/right]
عشر تالاف سنة!! عم تتبعزق كتير يا قرصان!!
رئيس أساقفة إيرلندة بالقرن السابع عشر.. قعد وحسب وقعد وحسب.. طلع معو شو؟
طلع معو إنو الأرض خلقت صباح يوم 26 تشرين الأول عام 4004 قبل الميلاد!!
مو آدم هه.. لأ.. خلق الأرض قشة لفة (والأرض تعني الكون بهداك الوقت)
طيب..
القديس أوغسطين طلع معو إنو العالم انخلق قبل المسيح بـ 5000 سنة
رغم إنو بالمتحف الوطني بالشام (اللي تلات رباع السوريين مو فايتينلو)
فيه نسختين من إنسان "كرومانيون" اللي بيرجع لحوالي 30 ألف سنة (كان موجود بـ كهوف يبرود والنبك حوالين الشام)

والصدق يا رفيق أنا تبعزقت شوي كرمال مَ حدا يزعل، وإذا ملاحظ أنّو أنا كاتب "أكتر" قبل السنوات، يعني باب "الأقل" مفتوح!
وبالنسبة لرئيس أساقفة إيرلندا (ق. 17) والقدّيس أوغسطينوس يا ريت من بعد إذن شواربك تذكر المرجع أو المصدر! وعلى ما أعتقد بظن أنّو التنين غلطانين بكام ألف سنة :larg:.
وميت مرحبا :D.
Nasserm
06/10/2009, 12:59
يا ريت من بعد إذن شواربك تذكر المرجع أو المصدر!
محاضرة بعنوان "أصل الكون" لـ ستيفن هوكنغ ألقاها 1987 بـ كامبردج احتفالاً بالمئوية التالتة لإنجاز نيوتن العبقري "كتاب المبادئ الرياضية في فلسفة الطبيعة"

نشرت فيما بعد بكتاب "الثقوب السوداء والأكوان الطفلة" (Black Holes and Baby Universes)
DARKNESS
06/10/2009, 13:14
لرئيس أساقفة إيرلندا (ق. 17)

اسمو جيمس أشر JAMES USSHER 1650

و عا فكرة كانت العالم بتعتبر بحثو علمي بديك الفترة
Nasserm
06/10/2009, 13:28
اسمو جيمس أشر JAMES USSHER 1650

و عا فكرة كانت العالم بتعتبر بحثو علمي بديك الفترة
طبعاً.. طريقة جد علمية إنك تقعد تحسب أعمار البشر اللي مذكورة أسمائهن بـ سفر التكوين


على فكرة ذكرتني بقصيدة بعنوان "سفر التكويم".. بركي بحطها قريباً :)
DARKNESS
06/10/2009, 13:39
يمكن بحث جيمس ارثر كان بداية الحلقة تبع نظرية التطور

و عا فكرة كمان جدو لداروين( إرازموس داروين ) الو دور بهالنظرية لأنو هوي اللي اعتبر انو اصل كل الانواع واحد