^^^^^فكرة موضوع جديد^^^^^ [الأرشيـــــف]

عرض كامل الموضوع : ^^^^^فكرة موضوع جديد^^^^^

حنين.

02/10/2009, 05:49

مرحبا

بتمر اوقات بيخطرلنا اكتر من فكرة لموضوع جديد
ونتحمسلها
بس ما نقدر نعملهم كلهم فرد مرة
فنعمل وحدة او اتنين
ولما يمر وقت ونحب نعمل شيء جديد
يطيرو الافكار

حبيت يكون هاد الموضوع متل اجندة جماعية
اللي خطرتلو فكرة ومو قدران ينفذها حاليا
يحطها هون
ان اهتم حدا غيرو وعملها
بيصير متل تنافس شريف طبعا
ما ممكن غير انو يفيد في اثراء الموضوع

وهيك اللي عندو وقت وماخطرتلو افكار يستفيد
ويفيد
وحتى صاحب الفكرة الاصلي
ممكن يعدلها ويطورها من خلال النقاش
ورايين احسن من راي واحد

بتمنى ما تبخلوا علينا
بوقتكم وبافكاركم
:D

حنين.

02/10/2009, 05:59

رح ابدا انا اول وحدة

من زمان ببالي اعمل موضوع بقسم الصحة بيحتوي على اهم الاسعافات الاولية يلي بتعرفو كتير ضرورية وممكن تساهم في انقاذ حياتك او حياة غيرك

مثلا الاسعافات الاولية في حالات الحروق او الكسور او الازمات التنفسية معروفة عند فئة قليلة من العامة ومجهولة عند الباقي
وفي امراض كتير اخرى ممكن تصادفنا ونحنا بالشارع او باي مكان وما نعرف كيف نتصرف متل ازمات الصرع والازمات القلبية

الفكرة امامكم ومابدكم عزيمة
:D

حنين.

02/10/2009, 06:12

الفكرة التانية كمان بالصحة
مسابقة طبية
بنجمعلها لجنة تحكيم من اطباء وطلبة طب
ونترك باقي الاعضاء يطرحو تساؤلاتهم يعني اي سؤال واي استفسار ممكن يخطرلهم
والي بيعرف جواب بيجاوب واللجنة تتدخل في حال انحطت معلومة غلط

الهدف هو زيادة الثقافة الطبية اللي بايامنا صارت دات اهمية قصوى خصوصي مع انتشار اللامبالاة والتساهل وكثرة الاخطاء الطبية بعالمنا العربي خصوصا
يمكن بهالطريقة نقدر نتفادى اخد دواء بسبب تشخيص طبي خاطئ
او التساهل مع الاعراض الخطيرة
وتضخيم الاعراض البسيطة وغيرو
اليكم االحط :ss:

حنين.

02/10/2009, 13:41

فكرة تالتة بس مابعرف ادا ممكن تضبط
مواضيع لتعليم واخرى تساعد على استرجاع اللغات الاحنبية الي كنا نعرفها ونسيناها مو بالضرورة بس دروس
يعني برامج نصائح مفيدة
ترجمة لعبارات او حكم وغيرها
هاد الاقتراح لاني حاسة ان اخوية ظالمتنا من هذه الناحية من ناحية انها تشدنا كتير للغة العربية وتبعدنا عن غيرها

قرصان الأدرياتيك

02/10/2009, 15:39

marochka

02/10/2009, 16:00

والله يا هدهودي إذا القصّة أفكار ومشاريع وملفات فمليان ملي...
هلا عندي مشروع مهم جداً إذا حدا بينفذوا بدالي: سفرة عالهند وزيارة توثيقيّة... مين طالع عَ بالو ينفذها بدالي بيريحني ويرتاح :larg:.
بالنسبة للمشاريع الداخليّة المحليّة، في أفكار عن ترجمات الآداب العالميّة للغة العربيّة، إذا حدا طالع عَ بالو يقترح مشروع ترجمة عن الإيطاليّة أو الفرنسيّة أو السريانيّة... فميت هلا بيشيل كتف وأنا مستعدّ لتنقيح الترجمة وصياغة العربيّة... شو؟! :D.

والله هي فكرة، أنا من زمان عم فكربالترجمة لأنو بدي اشتغل بالبيت، بس بدي مين ينقحّلي الترجمة، واللغات اللي عم فكر فيها هي الإيطالية والفرنسية والإنكليزية، بس بعد ما عم أعرف نقي شو بدي ترجم!! والطباعة والتسويق في مين يساعد فيهون.

قرصان الأدرياتيك

02/10/2009, 19:13

والله هي فكرة، أنا من زمان عم فكربالترجمة لأنو بدي اشتغل بالبيت، بس بدي مين ينقحّلي الترجمة، واللغات اللي عم فكر فيها هي الإيطالية والفرنسية والإنكليزية، بس بعد ما عم أعرف نقي شو بدي ترجم!! والطباعة والتسويق في مين يساعد فيهون.
هلا والله حي الله إي والله... الله لا يسامحك يالـ نمس!
المهمّ بالنسبة للتنقيح الأوّل والصياغة العربيّة فهلا والله هالرقبة سدّادة (مع صعوبة لفظ السين)!
وإذا أنتِ عم تفكري باللغات المذكورة أعلاه، فشو رأيك تبلشي بالإيطالية؟! وإذا ما بتعرفي تختاري في عندي حتّة دين كتاب ممكن نرزق من وراه وممكن لأ! قصدي عندي أكتر من كتاب... كتب علمية ممكن يكون من وراها مردود مادي لا بأس به، وكتب أدبيّة للدخول بعالم الأدب والكتابة! وللصراحة العمياء أنا مبلش بكتاب في من وراه دينارو شنّو مفلّس وبحاجة هالدينارو الملعون!
أختارلك الكتاب؟! :D.

قرصان الأدرياتيك

02/10/2009, 19:16

صحي مروشكا نسيت أسألك شو رأيك بمشروع الهند؟! :p.

عطر المغرب

02/10/2009, 19:30

مشكورة على الموضوع الحلو تسلم ايدك
وانشاء الله لما تكون عندي فكرة بقترحها

حنين.

02/10/2009, 21:28

والله يا هدهودي إذا القصّة أفكار ومشاريع وملفات فمليان ملي...
هلا عندي مشروع مهم جداً إذا حدا بينفذوا بدالي: سفرة عالهند وزيارة توثيقيّة... مين طالع عَ بالو ينفذها بدالي بيريحني ويرتاح :larg:.
بالنسبة للمشاريع الداخليّة المحليّة، في أفكار عن ترجمات الآداب العالميّة للغة العربيّة، إذا حدا طالع عَ بالو يقترح مشروع ترجمة عن الإيطاليّة أو الفرنسيّة أو السريانيّة... فميت هلا بيشيل كتف وأنا مستعدّ لتنقيح الترجمة وصياغة العربيّة... شو؟! :D.
هلا بالقرصان:D
سفرة عالهند انا لها بروح بدالك بس امتى الله اعلم بدك تصبر كتييييييييير ومن هون لوقتها بتكون علمتني كيف اعمل زيارة توثيقية:p
هو فعلا ابتديت تجربة ترجمة بتعرف انت من اي لغة هي وحدة ومافي غيرها وناطرة رايك فيها مع انها مو ترجمة ادبية ابدا بس محتاجة خبرتك:D بتحب تشوفها هلق ولا تستنى لتخلص تعرف اني ببطئ السلاحف:lol:
وعلى هالاقتراح ال:Dعظيم رح يصير عندك زبائن كتار
مرسي ابو القراصنة وابو الافكار:gem:

marochka

02/10/2009, 21:33

صحي مروشكا نسيت أسألك شو رأيك بمشروع الهند؟! :p.

هاد أحلى مشروع، بس بدك تأجلي ياه شي 15 سنة ليكبرو ولاد ويخلصو مدارس.
أما الترجمة فَ يللا نقي الكتاب ومنبلش وإذا بدك أول كتاب خود الدينارو كلو على اعتبار أنو بعدني عم جرب عضلاتي بالترجمة، بعدين أنا ملاقية مين يصرف عليي :p.

حنين.

02/10/2009, 21:43

والله هي فكرة، أنا من زمان عم فكربالترجمة لأنو بدي اشتغل بالبيت، بس بدي مين ينقحّلي الترجمة، واللغات اللي عم فكر فيها هي الإيطالية والفرنسية والإنكليزية، بس بعد ما عم أعرف نقي شو بدي ترجم!! والطباعة والتسويق في مين يساعد فيهون.
فكرة حلوة كتير وبتمنالك النجاح
بالنسبة للاختيار هاد راجع الك ولميولك ولقيمة الكتاب الي بدك ترجميه وادا مترجم من قبل او لا
انا بس عم جرب حالي بالترجمة يعني لسا مابعرف ادا ماشي حالي او لا خصوصي ان تكويني ابعد مايكون عن اللغات والاداب
يعني ادا شايفة اني ممكن انفعك بشيء اي شيء لغتي التانية فرنسية وانا بالخدمة
نورتي مروشكا:D

قرصان الأدرياتيك

03/10/2009, 02:22

هلا بالقرصان:D
سفرة عالهند انا لها بروح بدالك بس امتى الله اعلم بدك تصبر كتييييييييير ومن هون لوقتها بتكون علمتني كيف اعمل زيارة توثيقية :p
هو فعلا ابتديت تجربة ترجمة بتعرف انت من اي لغة هي وحدة ومافي غيرها وناطرة رايك فيها مع انها مو ترجمة ادبية ابدا بس محتاجة خبرتك:D بتحب تشوفها هلق ولا تستنى لتخلص تعرف اني ببطئ السلاحف:lol:
وعلى هالاقتراح ال:Dعظيم رح يصير عندك زبائن كتار
مرسي ابو القراصنة وابو الافكار:gem:
سنة 2010 حضري حالك، وبالنسبة للتوثيق سهلة جداً دفتر وقلم وكاميرا ومجموعة كتب بتحكي عن الهند وكترة أسئلة من يوم ما تدخليها ليوم ما تطلعي منها!
إذا اللغة بعرفها أهلا وسهلا وبكل الأحوال بقدر ساعدك بصياغة الترجمة... وأهلا بالزباين إذا كانوا متلك :D.

هاد أحلى مشروع، بس بدك تأجلي ياه شي 15 سنة ليكبرو ولاد ويخلصو مدارس.
أما الترجمة فَ يللا نقي الكتاب ومنبلش وإذا بدك أول كتاب خود الدينارو كلو على اعتبار أنو بعدني عم جرب عضلاتي بالترجمة، بعدين أنا ملاقية مين يصرف عليي :p.
شو رأيك بالكاتب اليهودي الإيطالي Primo Levi؟ عندو مذكرات se questo è un uomo من أروع ما كتب باللغة الإيطاليّة! رائع لدرجة النشوة... إذا وافقتِ لنبلّش! وإذا ما قدرتِ تحصلي عليه بدبرو أنا... وإذا ما عجبك بنقي غيرو!
:D.

saman

03/10/2009, 02:35

بما اني بحب الصحافة .. فا كان ببالي عدة مواضيع اجتماعية خرج الطرح ... :pos:

الأطفال المشردين ... أو الأطفال الموظفين في مهنة التسوّل ... هي كنت حابب اعمل فيها تحقيق مع صور وقصص ... بس ما صحلي وقت ... ولسا الفكرة ببالي ...:cry:

الفكرة التانية ... في ختيارة ضريرة بعرفها من اول ما وعيت عالدنية ... بتروح من بيتها الكائن بحي القيمرية وبتجي ع باب توما ... لتبيع خبز كل يوم ... وع حسب ما عرفت انو هالشغلة عم تشتغلها صرلها اكتر من عشرين سنة فيها... وبطبيعتي الصحفية الحشرية ... كنت حابب اعمل معها تحقيق واعرف عن حياتها اكتر وكمان لهلأ ما صحتلي فرصة ... :cry:

هي خلصت من المواضيع الاجتماعية يلي ببالي هلأ ... :pos:

في موضوع موسيقى ... كنت حابب ساويه واسمو مساحات شرقية ... في البومات لموسيقيين شرقيين من عدة بلدان شرقية متل تركيا , ايران , آذربيجان , أرمينيا ... وهيك ... انو الموضوع عبارة عن هالالبومات ولمحة عن الموسيقي ... وعن الابومات ... وهيك ... بس كمان ما صحلي فرصة ... لأنو نص الالبومات يلي عندي مستعارين من قبل بعض الاصدقاء ( بيعرفو حالهن :p) ...

فا انو ترقبوا بهالخمسين سنة اللي جايين ينزلو هالمواضيع يلي حكيت عنهن :lol:

:D

حنين.

03/10/2009, 10:22

مشكورة على الموضوع الحلو تسلم ايدك
وانشاء الله لما تكون عندي فكرة بقترحها
هلا بعطر المغرب:D
مو ضروري نحط بس افكار هاد الموضوع افكارو معروضة للسرقة
اللي بيسرق فكرة بيكون مشكور من القلب واكتر من صاحب الفكرة

حنين.

03/10/2009, 10:37

سامان افكارك انسانية وبتستاهل نستناها لانو مافيني اسرقها واعمل تحقيقات:p:D

marochka

03/10/2009, 11:16

سنة 2010 حضري حالك، وبالنسبة للتوثيق سهلة جداً دفتر وقلم وكاميرا ومجموعة كتب بتحكي عن الهند وكترة أسئلة من يوم ما تدخليها ليوم ما تطلعي منها!
إذا اللغة بعرفها أهلا وسهلا وبكل الأحوال بقدر ساعدك بصياغة الترجمة... وأهلا بالزباين إذا كانوا متلك :D.

شو رأيك بالكاتب اليهودي الإيطالي Primo Levi؟ عندو مذكرات se questo è un uomo من أروع ما كتب باللغة الإيطاليّة! رائع لدرجة النشوة... إذا وافقتِ لنبلّش! وإذا ما قدرتِ تحصلي عليه بدبرو أنا... وإذا ما عجبك بنقي غيرو!
:D.

أنا من يوم الاتنين بقدر بلش، بيكون العزا اللي عنا خلص والولاد بيكونو بلشو مدرسة مظبوط، الكتاب بدي جرب لاقيه، عالأنترنت يمكن في نسخ تورنت، وأنا فايتة بالحيط بالتورنت، وفيني أطلب نسخة ورقية من مكتبة أنطوان. بس إذا فيك تأمنو Pdf بيكون منيح وأسرع.

saman

03/10/2009, 22:12

مو ضروري نحط بس افكار هاد الموضوع افكارو معروضة للسرقة
اللي بيسرق فكرة بيكون مشكور من القلب واكتر من صاحب الفكرة
سامان افكارك انسانية وبتستاهل نستناها لانو مافيني اسرقها واعمل تحقيقات:p:D
صحيح حنين .. لازم تعطي لكل واحد بيحط فكرة او افكارو بهالموضوع .. براءة افتكار ...:pos:
شو الشغلة سايبة :jakoush:
:p

حنين.

03/10/2009, 22:37

صحيح حنين .. لازم تعطي لكل واحد بيحط فكرة او افكارو بهالموضوع .. براءة افتكار ...:pos:
شو الشغلة سايبة :jakoush:
:p
اي اكيد طبعا
مدام رح يطلعلي اكبر عدد من براءات افتكار ماعندي مشكل
وبراءة من السرقة للي بياخد الافكار:gem:

حنين.

07/10/2009, 14:53

قرصانو :D
سؤال
ليكون المترجم ناجح ومعترف به مالازم يكون عندو تكون خاص ؟
يعني اي هاوي ترجمة حتى لو كان بعيد عن الادب واللغات ممكن يصير مترجم عن جد؟

قرصان الأدرياتيك

07/10/2009, 17:09

قرصانو :D
سؤال
ليكون المترجم ناجح ومعترف به مالازم يكون عندو تكون خاص ؟
يعني اي هاوي ترجمة حتى لو كان بعيد عن الادب واللغات ممكن يصير مترجم عن جد؟
حنّونة :D....
جواب: الترجمة يا صديقتي الأعزّ بتعتمد أساساً اللغة، من بابها لمحرابها. يعني قواعد اللغة ونحوها وصرفها وأساليب التعامل معها وفيها، بالإضافة للفنون الأدبيّة الأخرى من بلاغة وبديع وبيان... إلخ!
وبالتأكيد لازم يكون المترجم خبير باللغتين المنقول عنها وإليها. والخبرة هون بمعنى اختبار الشيء أكثر من درسه!
هلا رح تقولي: أف ليكو القرصان الضرسان صعّبها وعقّدها وسكّر كل بوابها...

لأ يا حنّونتي لأ... أنا عم أحكي عن الترجمة السّليمة القويمة يللي بتُقرأ بدون إحساس بأنها ترجمة.
فأمّا ترجمات الأيّام الحاليّة فبصراحة وبكل صدق أقرا فيها كام صفحة وبعدها بحس أنّي رح أستفرغ (بالمعنى الأدبي)! أوّلاً بسبب الأخطاء النحويّة والإملائيّة الكتيرة، وثانياً بسبب عدم معرفة استعمال الأفعال وتعديتها، وثالثاً أخطاء النّقل ذاته، يعني أخطاء في فهم المعنى باللغة الأجنبيّة ويؤدّي إلى أخطاء في كتابته بالعربيّة، ورابعاً الفنون معدومة والتقنيّات تعبانة، وشكل اللغة أدبيّاً مطفّي عالآخر!

من كام يوم كنت عم أقرا بجريدة النهار ترجمة قصّة قصيرة منقولة عن الروسيّة لوضّاح الحلو (ما بذكر الاسم بالضبط) وهو متعوّد يترجم بالجريدة نفسها عن الروسيّة. وشفتو أنّو مستعمل الفعل "رضخ" بمعنى "خضع" وهاد خطأ! لأن الفعل رضخَ ما بيجي بهالمعنى إطلاقاً فمن وين اخترع حضرتو هالاستعمال، هاد اسمو تشويه!

هلا نجي على تسهيل الأمور...
إذا الواحد حابب يشتغل بهالكار، فأكيد بحاجة شوي شوي لممارسة، والممارسة تتطلّب تصليح حتّى تزداد معرفة المبتدئ على قدر خبرة المصلّح. ممكن يبلّش بقصص تاريخيّة قصيرة، أو حكايات أطفال، أو نصوص أدبيّة روائيّة ما فيها تعقيد ومصطلحات وتقنيّات عجيبة غريبة. وهكذا شوي شوي ينتقل لمرحلة تانية وهلمّ جرّا...
يعني برأيي بيقدر الواحد إذا عندو تصميم وإرادة وقدرة عالقراءة والتحليل ودراسة الكتب اللغويّة أنّو يصير مترجم...

بعتذر عالإطالة حنّون، أنا حرّار شوي :D.

حنين.

11/10/2009, 17:55

قرصان الأدرياتيك

11/10/2009, 21:39

مرسي ابو القراصنة
يعني في امل :gem: بس مشكلتي الاساسية والرئيسية اني اكره الاعادة
يعني بعد ما ترجم النص ماعندي استعداد ارجع اقراه مرة تانية مهما حصل وعليه بس خلص اللي بايدي بشوف ادا رح استمر في المحاولة او
تسلم عالشرح الكافي الوافي:D
ولذلك بنصحك تبلشي بنصوص قصيرة جداً، ولعيونك هالرقبة سدادة، أنا مستعد عيد القراءة بدلاً عنّك طبعاً "وكلٌّ على قدرِ طاقتِه" :D.

حنين.

25/10/2009, 19:39

ولذلك بنصحك تبلشي بنصوص قصيرة جداً، ولعيونك هالرقبة سدادة، أنا مستعد عيد القراءة بدلاً عنّك طبعاً "وكلٌّ على قدرِ طاقتِه" :D.
:oops: والله خجلانة تشوف الاخطاء الفضيعة اللي عاملتها:oops:

قرصان اجتني فكرة ما بيقدر عليها غيرك:D انت او اللامنتمي:D
موضوع للنقد الادبي
يعني موضوع خاص تشرف عليه انت والاعضاء اللي بتشوف عندهم هيك قدرة
وكل عضو خربشاتي او شاعر او .. بيحب يعرف الاخطاء الموجودة بموضوعو كل اللي عليه يحط الموضوع اما ايديكم
يعني اللي بدو يظل يسمع رائع ومذهل والى الامام وما يشوف النقائص اللي عندو ما حدا رح يجيب موضوعو ويقوم بتشريحو
شو رايك؟

jovia

26/10/2009, 06:51

حنين.

26/10/2009, 10:44

فكرتك حلوة والله يا هدهود يعني بصراحة في كتير ناس قلة فوتتها عالمنتدى بسبب قلة وندر المواضيع اللي بتستاهل انو ينحكى فيها .. انا من بين الناس يلي قلة فوتاتي عالمنتدى واهم سبب هوي مافي افكار جديدة ولا شي بيستاهل النقاش الجاد يعني بستغرب شلون هالمواضيع الغير هادفة او بالاحرى يلي ما من وراها شي تنزل بالمنتدى ..يمكن ما عم بعرف عبر منيح بس اكيد وصلت الفكرة وانا من المؤيدين وبشد على اياديكم :deal:
هلا جوفيا
المواضيع الحلوة موجودة بس ما بتبين ليش لانو نحنا ما بندور بالاقسام بنكتفي بشوفة صفحة المواضيع الجديدة
ولما بنشوف موضوع حلو يمكن ما نرد عليه بنفس الحماس اللي بنرد بيه وقت يكون موضوع تافه طبعا اغلب الردود بتجي سخرية بس كمان بتخلي الموضوع باول صفحة;)
ستي الفكرة اللي طرحتها بعيدة عن هالحكي كلو
امنيتي لما تفوتي ويصيبك ملل وما تعرفي شو تعملي بدل ما تطلعي تعملي طلة هون وتنقيلك شيء فكرة وتفتحيلنا موضوع على ذوقك:D

jovia

26/10/2009, 17:02

اكيد انا عم دور على فكرة وموضوع يكون عن جد مثير ومفيد بنفس الوقت وخرج ينحكى فيه بس حاليا ما عم لاقي واكيد اول ما لاقيه وبعد ما فبركو ح نزلو بمكانو

يعطيكي العافية هدووش:D

قرصان الأدرياتيك

26/10/2009, 22:51

:oops: والله خجلانة تشوف الاخطاء الفضيعة اللي عاملتها:oops:
قرصان اجتني فكرة ما بيقدر عليها غيرك:D انت او اللامنتمي:D
موضوع للنقد الادبي
يعني موضوع خاص تشرف عليه انت والاعضاء اللي بتشوف عندهم هيك قدرة
وكل عضو خربشاتي او شاعر او .. بيحب يعرف الاخطاء الموجودة بموضوعو كل اللي عليه يحط الموضوع اما ايديكم
يعني اللي بدو يظل يسمع رائع ومذهل والى الامام وما يشوف النقائص اللي عندو ما حدا رح يجيب موضوعو ويقوم بتشريحو
شو رايك؟
شونو الأمور؟! :D.

بالنسبة للأخطاء فهي أمر طبيعي، كلنا عنا ياها... لا تخجلي ولا شي، إذا بدك ابعتيلي النصوص مع اللغة الأصليّة طبعاً، وبوعدك أشتغل عليها شوي شوي...

حلو فكرة موضوع النقد الأدبي بس برأيي وبكل صراحة ما رح ينجح، لأن أنا مجربها أكتر من مرة وللأسف مَ حدا تقبل هيك نقد أو تصليح إلا شخص واحد هو اللامنتمي، ومع أنّو تقبّل النقد بس ما غيّر شيء من الأخطاء المشار إليها... ولذلك قررت أنو ما عيدها وإذا ملاحظة مبطل فوت على قسم الخواطر والأشعار إلا نادراً... والمرات اللي فتن كانوا على طلب من الأشخاص أصحاب المواضيع بس كمان طلعنا إيد من ورا إيد من قدام...

وآخر مثل كان مع السيد ناصر يللي سأل سؤال لغوي ولما بينتلو وين الغلط النحوي قال هو كتابتو النحو :shock:. يعني الخطأ بكتابتو بيعتبر صحيح :?. وبصراحة هالأمر بيعني أنو ما في جديّة... متلن متل غيرن بيكتبوا وبيشلفوا وما عم أفهم شو الغاية.

لذلك أنا مستعد شاركك إلك فقط بأي خاطرة بتحطيها على المحكّ، بس بشرط تتحمّلي كل شي. وكمان حلو الواحد يعترف بمحدوديتو... لأني لا لغوي ولا ناقد ولا دارس أدب عربي، فالموضوع هواية وفينا نتناقش فيه :D!

حنين.

27/10/2009, 19:01

شونو الأمور؟! :D.

بالنسبة للأخطاء فهي أمر طبيعي، كلنا عنا ياها... لا تخجلي ولا شي، إذا بدك ابعتيلي النصوص مع اللغة الأصليّة طبعاً، وبوعدك أشتغل عليها شوي شوي...

حلو فكرة موضوع النقد الأدبي بس برأيي وبكل صراحة ما رح ينجح، لأن أنا مجربها أكتر من مرة وللأسف مَ حدا تقبل هيك نقد أو تصليح إلا شخص واحد هو اللامنتمي، ومع أنّو تقبّل النقد بس ما غيّر شيء من الأخطاء المشار إليها.... وبصراحة هالأمر بيعني أنو ما في جديّة... متلن متل غيرن بيكتبوا وبيشلفوا وما عم أفهم شو الغاية.

لذلك أنا مستعد شاركك إلك فقط بأي خاطرة بتحطيها على المحكّ، بس بشرط تتحمّلي كل شي. وكمان حلو الواحد يعترف بمحدوديتو... لأني لا لغوي ولا ناقد ولا دارس أدب عربي، فالموضوع هواية وفينا نتناقش فيه :D!
شو شايفتك يئست
خلص اتفقنا انت افتح الموضوع وانا اول زبونة عندك
والباقيين احرار الليماعندو شجاعة لا يقرب علينا
بس تفتحو خبرني لصلحهم قبل ما حطهم:p
لانو انا بكتب وبنشر بسرعة كانو بدي اخلص منهم
وما بدي تعبك كتير
:D