نهاية بعوضة... ! [الأرشيـــــف]

صفحات : [1] 2

قرصان الأدرياتيك

29/09/2009, 21:20

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

الأندلسية

29/09/2009, 21:35

ههههههههههههههههههه
اكيد انتا اجهزت عليها

bacteria

29/09/2009, 21:36

يا ظالم لك يوم
:tears::tears::tears:

لروح البعوضة :akh:

حنين.

29/09/2009, 22:56

:lol::lol:
بتستاهل مزعجة

saman

29/09/2009, 23:02

يخرب بيتها .. ماصة دم لحتى شبعانة هالبنت الحرام ! :?

حنين.

29/09/2009, 23:12

قرصان ليش حاسستك ناوي تغير اسمك قريبا

بدك تصير نمس:o

بليز لا

I_Love_Syria

29/09/2009, 23:14

يارجل قديش زاعجتك حتى آتلها هالأتلة

boozy

29/09/2009, 23:38

زين تسوي
تستاهل
بس انا الي لفت نظري الزوم تبع الكاميرا
رهيب

قرصان الأدرياتيك

29/09/2009, 23:39

ههههههههههههههههههه

اكيد انتا اجهزت عليها

الله وكيلك أجهزت عليها تقريباً عند الصّباح... وكفّيت النومة!
باللهِ شلون جريمة؟!
:D.

يا ظالم لك يوم
:tears::tears::tears:

لروح البعوضة :akh:
هلا أنا صرت الظالم؟ ما عم تشوفي أدّي شاربة من دمّي هالبنت الــ حرام!
العينُ بالعين والسنّ بالسنّ والبادئ أظلم :p.

ritka

29/09/2009, 23:43

مم كـ صورة لو ما في كل هالمساحات الفاضية حواليها كان طلعت ظريفة ..

نهاية بعوضة... !
خرجها الله لايقيمها.. يا لطيف شو بكره البعوض
من بعد ازنك قرصان لو فيني يعني حطها ع الديسك توب .. بلكي الباعوضة اللي ما بتخاف الله شافت مصيرها و هربت من باب البلكون :larg:

قرصان الأدرياتيك

29/09/2009, 23:44

:lol::lol:
بتستاهل مزعجة
أي نعم بتستاهل... جهنم وبئس المصير!
قولتك ظلمتا للمخلوقة؟

قرصان ليش حاسستك ناوي تغير اسمك قريبا
بدك تصير نمس:o
بليز لا
يا ناموسة وينك وينك، وينك وينك يا ناموسة؟!
ليكا مفعوسة عالحيط... انطرقت كفّ حولها حولة خلا جناحاتها يفوتوا براسها :lol:.
لا ما رح غيّر شي... خلّيني قرصان صايع ضايع بهالبلاد :D.

قرصان الأدرياتيك

29/09/2009, 23:49

يخرب بيتها .. ماصة دم لحتى شبعانة هالبنت الحرام ! :?
شفت على هالعملة؟ أنا هيك هيك بلا دمّ (مادياً مو مجازياً :larg:) وجاييتني تكمّل عليّ!
لك من كتر مو شربانة وسكرانة شنّو دمي فيه نيكوتين عالي التركيز كانت دايخة وما تلحلحت لإجاها الكفّ سطرها عالحيط وسوّاها لوحة فنيّة :lol:.

قرصان الأدرياتيك

30/09/2009, 00:08

يارجل قديش زاعجتك حتى آتلها هالأتلة
كتير الله وكيلك... بتطنّ وترنّ، روح أشعل الضوّ ما لاقيها، شي بتتخبّا تحت التخت، شي مدري وين، وتعا أنت نعسان وفرطان الحاق ناموسة فارطة من الجوع! ولمّا شقشق الضوّ كانت شبعانة ومو قدرانة تعلّي فنالت اللي فيه النصيب :D.

زين تسوي
تستاهل
بس انا الي لفت نظري الزوم تبع الكاميرا
رهيب

زين زين كلّج زين... :p.
العدسة مدري شو زومها بس بعرف أنها 14.2 ميجا بيكسيل
الله يرحم أيّام الموبايل :D.

suzaan

30/09/2009, 01:15

ههههههههههههههه

ضربتها الضربة القاضية روحت على روحها

بس بتستاهل كان لازمها هيك من اول مو هلا بس يلا لحقتها

mary belle

30/09/2009, 01:22

شو ماكله شي شحاطه ارض جو!!:p

حنين.

30/09/2009, 01:27

أي نعم بتستاهل... جهنم وبئس المصير!
قولتك ظلمتا للمخلوقة؟

يا ناموسة وينك وينك، وينك وينك يا ناموسة؟!
ليكا مفعوسة عالحيط... انطرقت كفّ حولها حولة خلا جناحاتها يفوتوا براسها :lol:.
لا ما رح غيّر شي... خلّيني قرصان صايع ضايع بهالبلاد :D.
لا ما ظلمتها
خليها عبرة لمن يعتبر
ماتعرف ان النوم مقدس المجرمة:lol:

suzaan

30/09/2009, 01:33

ههههههههههههههه

على قولتك لمن النوم بيجي الواحد مابيعرف امو وابو

النوم سلطان والله

بنفسجة

30/09/2009, 01:33

يعععععععععععععععععععععععع ع
قرصان صاير عم تقلد النمس اه
وبتقولولي ما بتحضرو باب الحارة
وياناموسة وينك وينك
ههههههههههههههههههههههههه هههه

sliman

30/09/2009, 01:34

سكابا يا دموع العين سكابا

suzaan

30/09/2009, 01:37

خرجا الله لايقيمها

جلنارالغالية

30/09/2009, 11:16

صورة فنية رائعة :p
رح أطبعها وعلئها عالحيط
عبرة لكل ناموسة لا تعتبر:lol:

Genifer

30/09/2009, 13:05

خرجها...... اتغديت فيها قبل ماتتعشى فيك

بس عن جد كأنه الصورة لوحة فنية ... ناقصها بس توقيع صغير

الأندلسية

30/09/2009, 13:26

لو قتلتها بالمبيد كان ارحم :lol:

DARKNESS

30/09/2009, 13:36

رهيبة و خليها تون عبرة لكل البراغش

ارسلان

30/09/2009, 13:40

خارج عن النص

لقد تأثرت لمشهد موتها
بعض الاعداء يفوزون بحبنا بعد موتهم

يدُك ودمُك رسما حبي وتضامني مع تلك البعوضة, ووجه الحائط الذي احمر عندما وجد البعوضة قد استشهدة على صدره ,

الأندلسية

30/09/2009, 13:41

تصدقو لو قلتلكم انو اخى لما كان صغير كان يصطاد الذبان لما كنا نروح ع الريف

يصطادون بئيدو و بيحطهم فى قلم فارغ لبين يصير لون القلم كله أسود هههههههههه

شقي

DARKNESS

30/09/2009, 13:43

خارج عن النص

لقد تأثرت لمشهد موتها
بعض الاعداء يفوزون بحبنا بعد موتهم

يدُك ودمُك رسما حبي وتضامني مع تلك البعوضة, ووجه الحائط الذي احمر عندما وجد البعوضة قد استشهدة على صدره ,

و الله يا ابو رفيف ذكرتني بفلم توم كروز ذا لاست ساموراي

وقت بيقلو الأعداء الكل بنزل طاقيتو احتراما لألو

بالفعل بعض الأعداء منحترمن بعد ما يموتو:D

حنين.

30/09/2009, 13:47

واخي كان يصطاد الذبانة
ويشيل جناحاتها ويقلها كملي مشيا على الاقدام هلق:lol: شريييييييييير

قرصان الأدرياتيك

30/09/2009, 15:13

مم كـ صورة لو ما في كل هالمساحات الفاضية حواليها كان طلعت ظريفة ..

خرجها الله لايقيمها.. يا لطيف شو بكره البعوض
من بعد ازنك قرصان لو فيني يعني حطها ع الديسك توب .. بلكي الباعوضة اللي ما بتخاف الله شافت مصيرها و هربت من باب البلكون :larg:
حاولت خفّف المساحات الفارغة بس فيني شيلن كمان على أي برنامج صور...
حطيها لقلّك بلكي بتصير عبرة لمن اعتبر من جيش البعوض :D.

قرصان الأدرياتيك

30/09/2009, 15:22

ههههههههههههههه
ضربتها الضربة القاضية روحت على روحها
بس بتستاهل كان لازمها هيك من اول مو هلا بس يلا لحقتها
يا ستنا ولا ضربة محمد علي كلاي بعزّ عزّو... هلأ روحها عم ترفرف فوق نار الجحيم!
إي والله لحقتها بعد ما روّحت نص دمّي :D.

شو ماكله شي شحاطه ارض جو!!:p
لا... ماكلة كفّ جو- حيط :D.

لا ما ظلمتها
خليها عبرة لمن يعتبر
ماتعرف ان النوم مقدس المجرمة:lol:
أجرمتْ وخلّصت وحاكمتها محاكمة عرفيّة وحكمت عليها بالإعدام دعساً حتّى الموت.
:D.

ههههههههههههههه
على قولتك لمن النوم بيجي الواحد مابيعرف امو وابو
النوم سلطان والله
وهكزا حرمتني النّوم... لك حبيبتي بعزّ الغرام ما كان تحرمني النّوم :p.

قرصان الأدرياتيك

30/09/2009, 15:30

يعععععععععععععععععععععععع ع
قرصان صاير عم تقلد النمس اه
وبتقولولي ما بتحضرو باب الحارة
وياناموسة وينك وينك
ههههههههههههههههههههههههه هههه
لك شو يع... اعتبريها لوحة من لوحات الجمال... ضروري تتخيّلي منظر الدّماء؟!
بعدين ما عنّا تقليد... شفتيه شي للنمس قاتل ناموسة عالحيط؟!
ومين قلّك ما كنت عم تابع باب لحارة! تابعتو بس آخر 3 حلقات راحوا عليّ بسبب السّفر... بوكرا بنجيبو وبنحضرو من أوّل وجديد :D.

سكابا يا دموع العين سكابا
هيك سمعت خواتها البعوض والبعوضات عم يترنّموا عند الصباح...
دخلك كان عندها عيلة أو أطفال وكانت جاية لعندي لتجيبلن أكل وتطعمين؟
:D.

خرجا الله لايقيمها
ما رح تقوم مسكينة... شو بدّو يقيّمها!

صورة فنية رائعة :p
رح أطبعها وعلئها عالحيط
عبرة لكل ناموسة لا تعتبر:lol:
واكتبي تحتها "جهنم وبئس المصير"!

بنفسجة

30/09/2009, 15:42

لك شو يع... اعتبريها لوحة من لوحات الجمال... ضروري تتخيّلي منظر الدّماء؟!
بعدين ما عنّا تقليد... شفتيه شي للنمس قاتل ناموسة عالحيط؟!
ومين قلّك ما كنت عم تابع باب لحارة! تابعتو بس آخر 3 حلقات راحوا عليّ بسبب السّفر... بوكرا بنجيبو وبنحضرو من أوّل وجديد :D.

!
ييييييييييييييييييييي
قال ما فعس ناموسة عالحيط قال
اي مبلا فعس وحدة لما كان عم يحكي هوو وابو دراع عن نقل الجثة شيت مدري مين
فعسا عالحيط
لوحة فنية ولا اجمل
وانا تابعتو حلقة حلقة :o:lol:

الأندلسية

30/09/2009, 16:46

واخي كان يصطاد الذبانة
ويشيل جناحاتها ويقلها كملي مشيا على الاقدام هلق:lol: شريييييييييير

و كأنو الذكور عندن غريزه القتل :o

و الله و الله امس شفت صبيان صغار بيتسلو بسلحفاة

كانو بدن يقتلوها للمسكينه .. و كأنو كان بدن يشقوها تيشوفو شو موجود جواتا

السيد المكاوي

30/09/2009, 17:25

الله لا يمسيها بخير ولك يحرق راس ابوها شو ها المخبلة

memo dark death

30/09/2009, 17:33

تسلم ايدك والله بتستاهل اكتررر من هيك شوف قديش ماخذا دم

قرصان الأدرياتيك

30/09/2009, 20:21

خرجها...... اتغديت فيها قبل ماتتعشى فيك
بس عن جد كأنه الصورة لوحة فنية ... ناقصها بس توقيع صغير
للأسف هيّ اللي تعشّت فيّ، بس أنا فطرت فيها :o.
إي إي الصّورة لوحة فنيّة مختارة بعناية ناموس لبنان وبعوض الجبل :D.

لو قتلتها بالمبيد كان ارحم :lol:

ليش لأصرف عليها مبيد، ليش إيدي شو بها؟
بعدين أنا زلمة بحب الطبيعة والأرض والمبيد مؤذي واستهلاك عالفاضي :p.

رهيبة و خليها تكون عبرة لكل البراغش
حاسسلك يا رفيق البراغش ما بتتّعظ لا من عبرة ولا من فعسة...
أمرنا لله حتّى بعوض لبنان مختلف :D.

جلنارالغالية

30/09/2009, 21:44

احمد ربك انها ناموسة لبنانية

لو كانت ناموسة سورية كنت بلغت عنك السلطات

لأنو مهما اقترفت بضلها مواطنة سورية:p

قرصان الأدرياتيك

30/09/2009, 23:23

خارج عن النص

لقد تأثرت لمشهد موتها
بعض الاعداء يفوزون بحبنا بعد موتهم

يدُك ودمُك رسما حبي وتضامني مع تلك البعوضة, ووجه الحائط الذي احمر عندما وجد البعوضة قد استشهدة على صدره ,

أنا ما كتير تأثّرت وقت الجريمة شنّو كنت معصّب منها بعد ما نزعت نهاري...
وللحقيقة والأمانة ما كان في بيناتنا أي عداوة بس يا أخي هيّ المغتصبة، بترضى حدا يشرب من دمّك غصباً عنّك؟
وبالنسبة للشهيدة البعوضة، أنا ما دخلني بنوب، هي كانت حاملة حزام ناسف مليان دمّ، فمجرّد ما سلختها كفّ انفجرت! يا رجل كلماتك حلوة عَ شوي رح أتضامن مع البعوض وقدّملن جسدي هديّة بلا جزيّة :D.

تصدقو لو قلتلكم انو اخى لما كان صغير كان يصطاد الذبان لما كنا نروح ع الريف
يصطادون بئيدو و بيحطهم فى قلم فارغ لبين يصير لون القلم كله أسود هههههههههه
شقي

الله يرحم أيّام زمان يوم كان يطردني الأستاذ بسبب هوايتي اصطياد الذّباب الطائر والجالس على السواء!

و الله يا ابو رفيف ذكرتني بفلم توم كروز ذا لاست ساموراي
وقت بيقلو الأعداء الكل بنزل طاقيتو احتراما لألو
بالفعل بعض الأعداء منحترمن بعد ما يموتو:D
كأنّو أنت وأب رفيف عملتو فيها دراما؟ شو رأيكن تكتبولنا عنها قصّة وبالآخر تطالعوني مجرم!
وتضل ذا لاست موسكويتو بعد سلسلة من الكفوف والشحاطات (لولتيما زنزارا) وتروح قال بعد ما يكون فعست كل الموسكويتيات وتقدم الولاء للإمبراطور ويقبل منها الولاء ويقلعوني برات الغرفة!

واخي كان يصطاد الذبانة
ويشيل جناحاتها ويقلها كملي مشيا على الاقدام هلق:lol: شريييييييييير
أنا كمان كنت أصطادن وحطن بعلبة كبريت أو بغطا قلم الرائد السوري إذا حدن بيتذكرو...
بس ما كنت قطع جناحاتن، كنت قطّع غير شي، مستحي قووووووول، بس رح قول :p!
كنت ميّز الذكر مالأنثى، وليللي ما بيعرف: الذكر مؤخرتو أسمن وعلى اصفرار أكتر ومجرّد عصرة صغيرة بيظهر شيء يسمّى "العضو التناسلي" فأنا كنت أقطع هالشيء وخلي الدبانة (الذكر) تطير...
وهكذا بنقطع النسل والتناسل :o.

بعدين شبكن كلكن متعاطفين مع البعوضة ومَ حدا متعاطف معي...
وشو بالنسبة لالتقاط الصورة وهذا كان القصد... الصورة بحد ذاتها حلوة وبتستاهل شهيدة من البعوض كرمال المشهد!

قرصان الأدرياتيك

30/09/2009, 23:43

ييييييييييييييييييييي
قال ما فعس ناموسة عالحيط قال
اي مبلا فعس وحدة لما كان عم يحكي هوو وابو دراع عن نقل الجثة شيت مدري مين
فعسا عالحيط
لوحة فنية ولا اجمل
وانا تابعتو حلقة حلقة :o:lol:
طيب صورها متلي شي؟ :p.
بس بتعرفي قصة الجثة نهفة ابتكرها المخرج كرمال إذا ما اتفق مع سامر المصري بتطلع جثتو، وإذا اتفق معو بتطلع جثة واحد أندبوري :lol:.
نيّال المخرجين بيموتوا البشر عَ كيفن :D.

و كأنو الذكور عندن غريزه القتل :o
و الله و الله امس شفت صبيان صغار بيتسلو بسلحفاة
كانو بدن يقتلوها للمسكينه .. و كأنو كان بدن يشقوها تيشوفو شو موجود جواتا

ما في شي جواتا... شوية لحم وأحشاء... ولحمها ما أشبو شي طيّب!
بعدين القتل من يوم البشرية موجود... إذا قابيل قتل أخوه هابيل بسبب الحسد فكيف زمانّا هاد العاطل؟!

الله لا يمسيها بخير ولك يحرق راس ابوها شو ها المخبلة
كأنّك كنت مطلّعني قبل شوي تووووووووووور... بيجوز انمحت تلقائيّاً :lol:.
عَ كل حال أطلع تور أحسن من غير شي :larg:.

تسلم ايدك والله بتستاهل اكتررر من هيك شوف قديش ماخذا دم
عيني ربّك... أنت معي لكن! :D.

ابو ريتا

30/09/2009, 23:59

شو بدي قوول ............
الله يرحما ويجعل مثواها الجنة

mhsen77

01/10/2009, 04:37

قرصان الادرياتيك للقضاء على الحشرات الزاحفة و الطائرة

يلزمنا موزعون لكافة انحاء البلاد

:o:o:o:o:o:o:o

marochka

01/10/2009, 07:32

بس عجبتني شغلة L'ultima Zanzara عنوان فني ظريف، عملّك كم صورة تانية من هالنوع وعمول معرض فني بهل الإسم إذا ما ظبط مشروع الفيلم

السيد المكاوي

01/10/2009, 09:07

كأنّك كنت مطلّعني قبل شوي تووووووووووور... بيجوز انمحت تلقائيّاً :lol:.
عَ كل حال أطلع تور أحسن من غير شي :larg:.

لا حبيب قلبي انا اللي مسحت كلمة ثور لأن بالأول ما كنت فهمان انو الثور هو اللي ذابحها :shock: عفوا اقصد ان هي اللي مصت دم الثور :? يا أخي لا تزعل مني انا من اول ما طالعت ع القصة من البدايه بس شفت الصورة وحكمت عليها
عم بمزح معك
البعوضه هي اللي بتستاهل لأن هي اللي اعلنت الحرب عليك اخي ، بشرفي انا لو شفت حدا من قرايبها لفش نيعو
تحياتي اخي

قرصان الأدرياتيك

01/10/2009, 21:34

احمد ربك انها ناموسة لبنانية
لو كانت ناموسة سورية كنت بلغت عنك السلطات
لأنو مهما اقترفت بضلها مواطنة سورية :p
لا وأنتِ الصادقة لو بتفعسي مليون بعوضة سوريّة (أو بشر) مَ حدا رح يسألك وينن، شنّو صاير السوري بهالزمان أرخص من قشر البصل بسوق الهال!

شو بدي قوول ............
الله يرحما ويجعل مثواها الجنة
آمين آمين :D.

قرصان الادرياتيك للقضاء على الحشرات الزاحفة و الطائرة
يلزمنا موزعون لكافة انحاء البلاد
:o:o:o:o:o:o:o
أنت أوّل موزّع شلّك كم صندوق وافتول على سوق الحراميّة بلكي بتمشي سلعتك!

بس عجبتني شغلة L'ultima Zanzara عنوان فني ظريف، عملّك كم صورة تانية من هالنوع وعمول معرض فني بهل الإسم إذا ما ظبط مشروع الفيلم
ما هيك؟! بلكي زكاتك تنظميلنا المعرض يوم الافتتاح... حاسس الفيلم فاشل من البداية!
لا حبيب قلبي انا اللي مسحت كلمة ثور لأن بالأول ما كنت فهمان انو الثور هو اللي ذابحها :shock: عفوا اقصد ان هي اللي مصت دم الثور :? يا أخي لا تزعل مني انا من اول ما طالعت ع القصة من البدايه بس شفت الصورة وحكمت عليها. عم بمزح معك. البعوضه هي اللي بتستاهل لأن هي اللي اعلنت الحرب عليك اخي ، بشرفي انا لو شفت حدا من قرايبها لفش نيعو
تحياتي اخي
مبينة خال أسفل المشاركة... تعديلك!
إيوااااااااااااااا... رجعنا على قصّة التوووووور؟!
خيّو كأنّك متوحّم على شي تور... روح شفلك شي واحد واعمول اللازم هيك بترتاح!
وميت هلا بالخال المكاوي :D.

ياسمين_الشآم

04/10/2009, 01:29

ضيعان دماتك اللي راحو هدر بس شفتها صعقت

قلت قرصان صار عندو فقر دم

سلامتك الف سلامة :D:D

بس شو صورة روعة ومطول بالك كمان :shock:

mhsen77

04/10/2009, 01:40

ضيعان دماتك اللي راحو هدر بس شفتها صعقت

لا تخافي عليه

بكرا بيقرصن شي سفينة بالصومال ناقلة دم لغواتيمالا

:larg:

قرصان الأدرياتيك

04/10/2009, 22:12

ضيعان دماتك اللي راحو هدر بس شفتها صعقت

قلت قرصان صار عندو فقر دم

سلامتك الف سلامة :D:D

بس شو صورة روعة ومطول بالك كمان :shock:
الله يسلمك وياخد بيدّك ويقهر أعدائك من البعوض والبعوضات المحلقات وغير المحلقات...
ما تخافي عليّ عندي كثافة بالدّم... بس اللي قاهرني أنّو زمرة دمّي نادرة بسورية، وبنك الدمّ عنّا بالمحافظة عَ طول مفلّس منّو... وجاييتني بعوضة وروّحت شي ربع ميليغرام... الله يكسر رقبتها!
يا هلا فيكِ :D.

لا تخافي عليه
بكرا بيقرصن شي سفينة بالصومال ناقلة دم لغواتيمالا
:larg:
خال... حاليّاً في خلافات بيناتنا! شنّو تبعوت الصومال ما بيخافوا الله...
:D.

عربية مطعوجة

05/10/2009, 16:52

عاشق السراب

06/10/2009, 14:02

ooooooooooooh

قرصان الأدرياتيك

06/10/2009, 21:37

ولك يسلملي على هالضربة القوية الكاسحة :lol: ...قولك هاي مدعوسة بصرماية منتظر الزيدي ولا صرمايتك الشخصية ؟؟؟ :o
بس والله زعلتني ع هالحيطة اللي توسخت .بصير صعب انضفها بعدين ،بدها دعك وعضلات مفتول لازالة آثار الجريمة النكراء .يعني مو لو ضربتها وهي على ركبتك بكون افضل .منو قتلة للبعوضة ومنو تحس انت بوجع البعوضة المسكينة ( البعوضة الشهيدة ) وااع :cry:
لا مو بصرماية... بكفّ!
هلا الحيط صار أفضل من بنطلوني؟! بعدين كيف كنت رح طلّع هاللقطة الحلوة؟!
ممكن سؤال: ليش اخترتِ هالاسم؟ يعني ليش مانك ساوية مثلاً؟!
:D.

ooooooooooooh
شو هاد؟! :?.