بلا طول سيرة ...

في ئصّة وحابب أحكيها ....

الئصة بلّشت بـ
أنا .....:devil:
هو .....:aah:

هي ....:fnail:

...........

الفصل الاول :

:aah: : لك الله !! ....لك شو عاملة هي الدبّة !!
:devil: : خير معلم ...شبك معصّب ...!!
:aah:: لك أنا محوّل لحساب الشركة 100 ألف دولار ....ليش ناقصين 15 دولار !!
:devil: : والله يامعلّم هي مخلوقة مصروفا كبير و مابتسأل على حدا , مع انو كتير كتير نصحتا انو تخفّ شوي عالمصروف ..وانو المعلم صاحب الشركة بيزعل و بيقول انو مافي مكاسب للشركة...قالتلي " بالجهنم !! "
:aah: : بالجهنم ...!! هيك قالتلتك....!! والله لاخرب بيتها والله ....شو مفكرة حالها أه !!! ليكون لانو هي مديرة العلاقات العامة بتفكّر انو ممكن تتتجاوزني و تلغيني ....لا حبيبي لا ....ماحزرت بنوب ..والله لارجعها من محل ما أخدتها والله ....
:devil: : طوّل بالك معلم ...معلش ...حطّ النقط عالحروف و عرّف كل واحد حجمو ....
:aah:: سماع يا :devil: ...روح جيب دفتر الحسابات و دفاتر البنك لاشوف .....
:devil: : أمرك معلم ......:yahoo:
.............................
الفصل التاني :

:fnail: : هاي .....
:aah:: هاي !! ....الله لاكان جابك ..وينك لهلاء ....ليش متأخرة عالشغل روحي ...انشالله خلصتي تعفيس و تخبيص و لا شو ....!!
:fnail: : يــه !!! ...شبك ..!! ليش معصّب ..؟
حبيبي انت بتعرف انو مابقدر على زعلك و انك لمّا بتكون معصّب بتصير بتخوّف .....
طول بالك و كل شي بيتصلح ....ليكني عمبتعلم ...البارحة بس البارحة خلصت صفحة طباعة لحالي ....
:aah:: وين المصاري ....ليش الحوالة نافصة 15 ألف دولار ...!! أأه ...!!!!
:fnail:: حبيبي كنت البارحة مع سوسو رفيقتي بمعرض سيارات ....اي وشفت سيارة حلوة كتير ..ئمت اشتريتا..
:devil: : "بقلبي من ورا الباب" سيارة يابنت الكلب .....بيلبقلك ....ياحمارة

اي معلم ....هي دفاتر البنك و الحسابات ...
:aah: : سمعي ....خلااااااص طفح الكيل ....مابقى أقدر أستحملك أكتر ...
:devil: : "بقلبي " اوف اوف ....مشي حالنا ....رح تنقلع هالبهيمة ...يخرب بيتها شو لزّقة ...ورحّ أصير الكل بالكل هون
:fnail:: ايه ...!! وشو يعني ....!!
يااستاذ :aah: ممكن كلمتين هيك على انفراد ..!!
:aah:: تفضلي لاشوف أخرتا معك ...
----------------
بعد شوي
----------------
:aah:: يا :devil: ....حسبلي أديش بقيان معنا مصاري ...الكل ...الكاش و الرصيد بالبنك و كلشي .....
:devil: : أمراااااااااااااك ......ديبك انا
ياسيدي معنا كاش 35 ألف دولار ....وبالبنك فيه 50 ألف ....
:aah: : حلو كتير .....كتوب بالورقة
أنا المدعو :devil: أستلمت مبلغ 85 ألف دولار ....35 ألف نقدي و 50 ألف بالبنك ...
وعليه أوقع ...
:devil: : وهاااي توقيع .....
ماشي هيك ..!!!

......................
هو صار هيك :evil:


:evil: : ماشي الحال ....
وهلاء روحو كل واحد على شغلتو .....

أنا صرت هيك :?

:? : كيف يعني ....بس انا ماستلمت المصاري ...!!

:evil: : اي معلش المصاري ببيبقو مع :fnail: بس انته المسؤول أدامي ...ايوا ..انا بدّي رجال تتحمل

مسؤوليات ...وخلونا نشتغل بقا ....

:? : كيف كيف ....!!!
لك كيف أنا رح أتحمل مسؤولية شغلة مالها بين أيدي .....
:evil:: اي وشو عليه ....يا أخي تعاونو ....نسّقو بين بعض !!!
.............................

بلا طول سيرة .....

انا صرت هيك :shock: و بعدين هيك :krimbow: .............أي وبعدين هيك :waa3:

وهو كان هيك :aah: بعدين هيك :evil: ............وبالاخير صار هيك :angel:

وهي كانت هيك :fnail: و ساوت هيك :blow: لـ:evil: ....... وبالاخير عملتلي هيك :lala:


------------------------------------------------------------------------------------------------------------

بنتعرض كتير بحياتنا المهنية لمواقف المنافسة بين الموظفين و وبين رؤوساء الاقسام وحتّى المدراء
بمعظم طلبات التوظيف اللي بتطلبها الشركات انو الشخص المتقدم على وظيفة لازم يتمتع بروح الفريق

كيف بتشوف نفسك ....كيفك مع المنافسة


- نقطة تانية : القصّة اللي فوق قصّة واقعية و كتير واردة انو تحصل مع أي حدا مننا ....وبتفرض عدّة قضايا متفشيّة بمجتمعنا المهني " الغيرة - الحسد - مايعرف بـ ( طق البراغي ) " ....وبالطرف المقابل " خلط الامور الشخصية بالعمل - البحث الحثيث من بعض أرباب العمل عن فتيات جميلات بغضّ النظر عن مستواهن العملي و الفكري "
كل هالقضايا حابب انو نناقشها هون

ماهي الاسباب وراء تفشّي هذه الظواهر
شو الطريقة الفعّالة للتغلب على هيك حالات اذا صادفتنا


هاتو لنشوف
:D

موضوع حلو كتير .. والو اهمية كبيرة كتير بحياتنا .. العملية والشخصية .. لانو بطبيعتنا البشرية .. نحنا .. منحب العالم والخلطة .. والاجتماعيات .. هلا ..

من ناحية .. روح الفريق والجماعة اي .. بحبا جدا .. وعنجد .. بشتغل من قلب ورب معهم .. بس المشكلة .. وعنجد المشكلة .. اني من اللي بيتخوزقو جدا .. من العالم اللي ما بتاخد مواعيدا .. ولا بتنفذ اللي عليها ..

ولدرجة انو عندي استعداد افقس كل الموضوع .. واشتغلو كلو لحالي ولو بدي انضغط ضغط الدنيا .. ولا حدا يفقس معي بهي الطريقة ..

خليني خبرك على مستوى اصغر من الشغل اللي هوة الجامعة .. كان عنا بروجكت السنة الماضية .. وكبير بدو شغل وتعب بالـ AIS .. بدي اعمل للدكتور .. نظام محاسبي كامل .. وسلمو ياه مع الرسم DFD .. وكلو عـ كلو ..

فتت اول شي .. انا اجاني شبين .. بعرفن ما خرج شغل كتير بدن يفوتو معي ليلزقوني ياه .. ما قبلت .. الدكتور قلي عملو لحالك ما بياكل معك وقت .. قلتلو اوك .. يعني .. ما عندي مشكلة ..

بس شفت شب بعرفو والله للامانة انو شغيل وهيك وتعيب .. رحنا قلنالو اوك منبلش .. قلي بس بدي فوت رفيقي خريج وما بعرف شو وما بيدايقنا .. وساعدنا ومدري شو قلتلو ماشي بس انو .. ما كل هالقد يفوت المهم ..

بلشنا .. وبقيان شي شهر عالتسليم .. يا معليم خلينا نبلش .. ويأجل فيني ويقلي منلحق .. والمكشلة انو نزل اسمك بجروب ..فـ مضطر انك تبقى بالجروب .. ومدري شو لحتى تم يومين .. قبل تسليم البحث .. لحتى انا كنت مبلش بالبحث ... ومشتغل تقريبا تلتينو لحالي بدون ما خبرو .. اجاني .. وخبرني انو .. ما عجبو وبدو يغير الشركة كلا وبدو وبدو .. قلتلو اخي نقطة انتهى .. الك شهرين قاعد منيمني .. وبعدين اجيت تعملي .. المهم من كلمة لكلمة .. اضطريت اني وافق كمل .. بس انو بدو يعدل معنا .. وخلاني روح على امتحان مادة مالي فاتحها .. كرمال هالشي اللي عملو .. حتى اقدر سلم المشروع بوقتو ..

الخلاصة يا مرحوم البي .. عندي حاليا مشروع تخرج وبست التوبة .. من ورا هالقصة .. ورغم انو لح يلتعن السلسفيل تبعي بالبحث .. بس اخدتو لحالي .. وما لح انزل لا بجروب ولا هم يحزنون ..

مشان هيك قصص ..

شغلة .. البنات .. وما بنات وتفويت الامور ببعضا .. ممكن تصير ضمن نطاق الجامعة كمان ما بس بالشغل عفكرة .. بتلاقي دكتور .. بيرد عالبنت بكل اريحية وبس يحكي الشب ولا كانو .. قدامو نملة عم تحكي ولا بيتلفت عليك .. يعني موجودة وبما اني ما فتت عجو الشغل لسا ما لح احكي فيا .. كتير .. بس انو موجدة فعلا ..

واللي بدو شركتو وشغلو يتمو .. بأحسن حال .. ما بدو هالشغلة كلا .. لانو حتجبلو وجع الراس ..ولو شو ما كان ..

سوري عالاطالة .. بس زكرتني .. قديش انقهرت .. وقديش عم اتعب هلا .. عالبحث تبعي .. بس .. معلشي ..

هيك راسي بيتم مرتاح .. وما بدي اركد ورا هاد .. وورا هداك ..

:D

هلق متل ما بيقولوا أنو أيد وحدة ما بتزفق فأنو العمل الجماعي هو شي كتييير مهم

لان الجماعة بالأخير هي مكان ممكن كل شخص يا إما يتكيف معها و يبدع

أو أنو فيه يعيش بلا الجماعة بطابع فردي تميزي

هلق كشخص أنو يعيش لحالوا و يشتغل لحالو ما رح تزبط أبدا

أنو لازم يكون في جو جماعي معين هو يلي بوفر البيئة الصحيحة للنجاح

بس أنو الفكرة أنو هي الجماعة أذا بعض الأشخاص بداخلها سعوا للتفرد و التميز و المنافسة فهاد الشي بالأخير رح يضر بالجماعة و يفضها كينونتها

فأنو متل ما حكيت العمل الجماعي هو عمل مهم بس أنو لازم يكون صحيح و ظابط

و كمان أنو انا ما ني مضطر فوت بجماعة عارف مسبقا أنها ممكن تسببلي شي سيء يعني أنو الشغلة بترجع نسبية

نحنا ماتعلمنا بحياتنا غير شي واحد....العمل بروح التنافس القبلي الشرس وكل قبيلةالها راية وكل راية الها لون وكل لون بيعكس ريحة شكل والريحة العامة شي بيسطل:jakoush:

شو الطريقة الفعّالة للتغلب على هيك حالات اذا صادفتنا

الطريقة الفعّالة؟

إلعب وحدك.. ترجع راضي..



إلي صديق راح ع اليابان..

وحضر مرّة تدريبات ولاد المدارس اللي بيتمرّنوا عليها كرمال "التصرف الأفضل" وقت حدوث الزلزال

واحد من هالتمارين ما فهم شو ربو!!

قال يشوف مجموعة ولاد.. واقفين جنب بعض (بصف أفقي).. وماسكين حبلة.. ممدودة من عند الولد الأول لعند الولد الأخير.. بشكل مستقيم

ويركضوا هالولاد وهنّي ماسكين الحبلة.. ومحافظين ع "استقامتها"



راح سأل.. إنو شو دين رب هالتمرين؟ مشان شو؟


شو طلع يا حزركن؟


قال مشان الولاد يتعوّدوا يفكّروا تفكير رجل واحد.. ويتصرّفوا بشكل جماعي


يعني هيك بيصير المتل اللي قلناه فوق:

إلعب وحدك.. ترجع راضي.. أو شارك ياباني :)

شو الطريقة الفعّالة للتغلب على هيك حالات اذا صادفتنا
للأسف مافي طريقة غير القتل أن تقوصو قواص:frown:

انا للاسف عم مر بتجربة شبيها نسبيا

ومع هيك مقتنعة بالفكرة ككل انو في شللية ومحسوبيات بمكان العمل وفي اشخاص متل مابيقولو من عضام الرقبة بالنسبة للــ boss
لذلك اقل مايمكنك فعله يكون شغلك مرتب ومنسق وع الاربعاعشرين قيراط

مثلا مديرتي صرلها 15 سنة بالشركة رح يقلعها كرمالي ؟؟:shock:لوكان معي الحق :sick:

لذلك هيا بينا نربط الدونكي محل مابدو صاحبو:pos:

موضوع حلو كتير .. والو اهمية كبيرة كتير بحياتنا .. العملية والشخصية .. لانو بطبيعتنا البشرية .. نحنا .. منحب العالم والخلطة .. والاجتماعيات .. هلا ..

من ناحية .. روح الفريق والجماعة اي .. بحبا جدا .. وعنجد .. بشتغل من قلب ورب معهم .. بس المشكلة .. وعنجد المشكلة .. اني من اللي بيتخوزقو جدا .. من العالم اللي ما بتاخد مواعيدا .. ولا بتنفذ اللي عليها ..

ولدرجة انو عندي استعداد افقس كل الموضوع .. واشتغلو كلو لحالي ولو بدي انضغط ضغط الدنيا .. ولا حدا يفقس معي بهي الطريقة ..

خليني خبرك على مستوى اصغر من الشغل اللي هوة الجامعة .. كان عنا بروجكت السنة الماضية .. وكبير بدو شغل وتعب بالـ AIS .. بدي اعمل للدكتور .. نظام محاسبي كامل .. وسلمو ياه مع الرسم DFD .. وكلو عـ كلو ..

فتت اول شي .. انا اجاني شبين .. بعرفن ما خرج شغل كتير بدن يفوتو معي ليلزقوني ياه .. ما قبلت .. الدكتور قلي عملو لحالك ما بياكل معك وقت .. قلتلو اوك .. يعني .. ما عندي مشكلة ..

بس شفت شب بعرفو والله للامانة انو شغيل وهيك وتعيب .. رحنا قلنالو اوك منبلش .. قلي بس بدي فوت رفيقي خريج وما بعرف شو وما بيدايقنا .. وساعدنا ومدري شو قلتلو ماشي بس انو .. ما كل هالقد يفوت المهم ..

بلشنا .. وبقيان شي شهر عالتسليم .. يا معليم خلينا نبلش .. ويأجل فيني ويقلي منلحق .. والمكشلة انو نزل اسمك بجروب ..فـ مضطر انك تبقى بالجروب .. ومدري شو لحتى تم يومين .. قبل تسليم البحث .. لحتى انا كنت مبلش بالبحث ... ومشتغل تقريبا تلتينو لحالي بدون ما خبرو .. اجاني .. وخبرني انو .. ما عجبو وبدو يغير الشركة كلا وبدو وبدو .. قلتلو اخي نقطة انتهى .. الك شهرين قاعد منيمني .. وبعدين اجيت تعملي .. المهم من كلمة لكلمة .. اضطريت اني وافق كمل .. بس انو بدو يعدل معنا .. وخلاني روح على امتحان مادة مالي فاتحها .. كرمال هالشي اللي عملو .. حتى اقدر سلم المشروع بوقتو ..

الخلاصة يا مرحوم البي .. عندي حاليا مشروع تخرج وبست التوبة .. من ورا هالقصة .. ورغم انو لح يلتعن السلسفيل تبعي بالبحث .. بس اخدتو لحالي .. وما لح انزل لا بجروب ولا هم يحزنون ..

مشان هيك قصص ..

شغلة .. البنات .. وما بنات وتفويت الامور ببعضا .. ممكن تصير ضمن نطاق الجامعة كمان ما بس بالشغل عفكرة .. بتلاقي دكتور .. بيرد عالبنت بكل اريحية وبس يحكي الشب ولا كانو .. قدامو نملة عم تحكي ولا بيتلفت عليك .. يعني موجودة وبما اني ما فتت عجو الشغل لسا ما لح احكي فيا .. كتير .. بس انو موجدة فعلا ..

واللي بدو شركتو وشغلو يتمو .. بأحسن حال .. ما بدو هالشغلة كلا .. لانو حتجبلو وجع الراس ..ولو شو ما كان ..

سوري عالاطالة .. بس زكرتني .. قديش انقهرت .. وقديش عم اتعب هلا .. عالبحث تبعي .. بس .. معلشي ..

هيك راسي بيتم مرتاح .. وما بدي اركد ورا هاد .. وورا هداك ..

:D
والله مبيّن عليك متلوّع كتير .........:lol:

بس في شغلة يمّون .....

بحالتك انته مخيّر ...نص مصيبة

بس المشكلة ازا انجبرت تنسّق أو تشتغل مع طفيليات و متسلقين .....

هلق متل ما بيقولوا أنو أيد وحدة ما بتزفق فأنو العمل الجماعي هو شي كتييير مهم

لان الجماعة بالأخير هي مكان ممكن كل شخص يا إما يتكيف معها و يبدع

أو أنو فيه يعيش بلا الجماعة بطابع فردي تميزي

هلق كشخص أنو يعيش لحالوا و يشتغل لحالو ما رح تزبط أبدا

أنو لازم يكون في جو جماعي معين هو يلي بوفر البيئة الصحيحة للنجاح

بس أنو الفكرة أنو هي الجماعة أذا بعض الأشخاص بداخلها سعوا للتفرد و التميز و المنافسة فهاد الشي بالأخير رح يضر بالجماعة و يفضها كينونتها

فأنو متل ما حكيت العمل الجماعي هو عمل مهم بس أنو لازم يكون صحيح و ظابط

و كمان أنو انا ما ني مضطر فوت بجماعة عارف مسبقا أنها ممكن تسببلي شي سيء يعني أنو الشغلة بترجع نسبية
بس في شغلة ابو القوص ...
انو أغلب البشر لما بيشوفو واحد متميّز ..بدل ما يتعلّمو منّو ...و يحتكّو فيه لاكتساب خبرتو ....بيحاولو بكافة الطرق ....المشروعة حين ....والغير مشروعة أحياناً أكتر ..انو يتأمرو عليه و يفشلوه ....
وهاد بحد ذاتو كارثة .....

يعني تخيّل مثلاً ....واحد بيكون بيعرف شغلات كتيرة و حرك ..وكرمال انو يثبت بالشغل ....وماحدا يطقلّو برغي ...دايماً بيطالع حالو عادي و مابيتدخل و متواكل ...

من جدّ عمبفكّر انو لازم يكون في رقابة حكوميّة على المؤسسات و الشركات الخاصّة ..الكبيرة منها أو صغيرة
انو مثلاً يعملو برامج ادارة أعمال لرؤوساء الاقسام و مسؤولي مفاصل العمل الحساسّة..و يتم توعيتهن بأهميّة اختيار الكادر الوظيفي على أساس الخبرات و المؤهلات ....وانعكاسو على جودة العمل ...وبالتالي على نجاح مؤسساتهم..

مثلا مديرتي صرلها 15 سنة بالشركة رح يقلعها كرمالي ؟؟:shock:لوكان معي الحق :sick:


لا ما بيقلعها كرمالك ....

بس انو شغلك كلّو عالاربعاوعشرين..والمخلوقة فجأة غضبت عليكي ....ممكن كتير انو تخسري وظيفتك ..كرمال سبب تافه أو موقف صغير ....أو ولدنة منها :pos:

ولها السبب بتلاقي أغلبنا عايش تحت أرهاب خسارة عملو ...ازا ماكان ...من جماعة المعلم

:frown:
ابو نجبو لا تعيدها هه ولا تتعدى ع غيرك
انا ملك السمايلات باخوية
:pos:

:frown:
ابو نجبو لا تعيدها هه ولا تتعدى ع غيرك
انا ملك السمايلات باخوية
:pos:
أول مرّة و أخر مرّة .....

التوبة مابئى عيدها.....:lol:

من وقت كنت بصف العاشر لما كنت بالجامعة اشتغلت مليون شغلة.. وبأجواء مختلفة .. وبجو عمل جماعي وبجو فردي..
وبعد هالتجربة الطويلة:pos: بحس انو في عنا أحيانا فهم خاطئ لكلمة العمل الجماعي.. انا بحس انو العمل الجماعي مو هوي اني كون وكيلة عن اعمال الاخرين وعن مدى تنفيذون لأعماهون على اكمل وجه.. ومراقبة الهون.. وبحس انو اريح طريقة للعمل هيي
1- اعمل شغلي بدون ما اهتم للاخرين اذا انجزو شغلون او لأ
2- ما بنبرع بحالي وبأظهر مهاراتي.. لأنو بصير حمار شغل خلال شهر وبينرمى على ظهري شغل الدنية كلها..
3- يكون رد فعلي بارد وصارم دايما تجاه المشاكل اللي ممكن تعترضني والصوت الواطي هوي اهم شي بالشغل
4- لازم يكون واضح بالنسبة الي مين الشخص المسؤول عني ومن مين لازم اتلقى الاوامر. ولازم يكون واضح شو هيي صلاحياتي وشو هوي المطلوب مني.. ولا بشتغل عن حدا .. ولا حدا بيشتغل عني
5- قصص تطبيق الموظفات ما بتهمني.. المهم انا ما يطبقوني
6- بضحك بوجه الكل.. بس بحافظ منيح انو ما يصير الي علاقات خارج العمل بزملائي.. وبس روح على البيت بشيغل الشغل من مخي تماما..
7- رغم انو مبدئيا انا ضد الحياد السلبي.. بس بالشغل لازم نكون حياد سلبي.. يعني لا دخلني ولا خرجني..

هي القصص كلها اذا كنت عم تشتغل لتعيش.. يعني الشغل هوي تحصيل حاصل بحياتك.. اما اذا كان هاد الشغل هوي مشروع انت مشارك فيه واحلام حياتك جزء من هادا الشغل فمنكون عم نحكي بقصة تانية
:D لابو نجبو والشباب الطيبة