(بدنا نحكي عن سوريا) لعبة النقد البناء [الأرشيـــــف]

فايق ورايق ومدايق

21/09/2009, 20:16

بدنا نحكي عن سوريا
وبدنا تحديدا,,, نحكي عن الاصلاح,, بمعنى أنو كل واحد فينا يطرح فكره بسطر أو تنين عن شي, أي شي, حاسس أنو ممكن يساهم بلفت النظر, مش ضروري يكون سلبي
خلونا نحكي سلبي و ايجابي, خلونا نحكي بحضارية, اذا مدحنا لا نبالغ,, و اذا انتقدنا,,خلي نقدنا يكون بناء.
اللي بدو يشارك,, ( طبعا اذا عجبتكم الفكرة ) أرجو أنو ما يشارك بجمل من نوع:
فكره رائعه و شكرا لك
تقبل مروري
أحييك يا أخي
لا تحرمنا من سطورك
يعني هالنوع من المجاملات الممجوجه,,, أنو بلاها
و شكرا
مشاركتي الأولى رح تكون عن سيارات التكسي, أنو ليش لون شوارع سوريا كلو أصفر من كتر التكاسي,, و بنفس الوقت بتتطلع روحك ليحن عليك شوفير و يرضى يركبك معو,, كأنك عم تشحدو يعني
يعني ما شفتها ولا ببلد أنو شوفير التكسي يتشرط عليك اذا على طريقو بيوصلك و اذا مش على طريقو,,خليك منقوع بالشارع
جملة تقرأها في جميع تكاسي احدى البلاد العربيه أول ما بتركب بتقول:
عزيزي الراكب, الرحلة مجانية في حال لم يتم تشغيل العداد, رقم الشكاوي ................
صعب كتير تنفيذها؟؟؟؟

Mr WaEeL

21/09/2009, 22:41

رح نحكي بس بعدين
وهلأ من شان التكسي هل الشغلة بتصير بفترة الذروة يعني وقت انصراف الموظفين حوالي الساعة 3 ووقت طلعتهم على شغلهم يعني مو بكل الاوقات .. انا من حلب ونادراً لحتى تصير معي هل الشغلات انو ما يطالعني الشوفير .. وبالنسبة للبلاد العربية انا حالياً بالقاهرة صرلي كم شهر والله كل يوم عم تطلع روحي من شان الاقي شي تكسي يرضى ياخدني معو وهاد الحال عند كل شوفيرية القاهرة وقبل ما تركب معو ﻻزم تفاصلوا يعني من هون لهونيك اديش التوصيلة واسعارهم عالية كتير بالنسبة لسعر البانزين عندهم مع انو اغلب سياراتهم بشتغلوا على الغاز والغاز كتير رخيص يعني بمشي 20 كيلو ب 5 جنيهات يعني تقريباً 40 ليرة سوري

cute

21/09/2009, 22:47

بدي قول جملة وحدة وبس
سوريا الله حاميها
انا زرت كتير بلدان سوريامانا اسوأ من غيرا لك روحوا شوفوا اوروبا فيا المنيح وفيا البشع يلي ما بتتوقع انو يكون فيك هيك شي باوروبا ابداواذا بدنا نحكي عن شي من مبدأ الغيرة على البلد وشكرا

فايق ورايق ومدايق

22/09/2009, 00:21

يوميا....
الساعه 8 الصبح
على قناة صوت الشباب على ما أعتقد ( لأنو ما بيطلع اسم المحطه على الريسفر)
كل يوم يا جماعه,,,كل يوم,,, و يوم ورا يوم,,,,, بسمع فيروز من سوريا,,, مش من محطات لبنان (ما بيحطوها)
أجمل شي في العالم تسمع فيروز الصبح,,,, و من طفولتي,,,يعني أكتر من 30 سنه لورا... اذاعة دمشق بتحط فيروز الصبح,,,,, بربكم مو شي رائع؟؟ و غريب؟؟؟؟؟
فيروز,,, صوت من السماء,,, شكرا اذاعه دمشق,, و شكرا للقيمين عليها,,, و لا تتغيرو,, خليكم كبار,,, مهما انشتمنا.
المهم نسمع فيروز الصبح,

ابن التل

22/09/2009, 06:42

صباح الخير يا احلى شباب واحلى بلد
انا مقيم بالسعوديه بس مشتاق مشتاق كتير لاحلى بلد
بالنسبه لموضوعك اخي فايق ورايق في شغلات كتيره ببلدنا ايجابيه وفي شغلات كتير سلبيه بس بالنسبه النا لانو ما مستقرين بالبلد منلاقي كل شي حلو بالفتره اللي منعد فيها وما منشعر بالمشاكل متل اللي قاعد ومستقر بس يمكن اكتر مشكله منعاني منها وقت نوصل الزحمه بالصيف يعني الواحد يمشي مشي احسن ما يركب سياره شو حل الزحمة هي وشو بدك تحكي عن السواقه يا لطيف مستحيل نعرف نسوق بهيك شوارع العالم بتسوق بطريقه فظيعه وكل شوي بووقفك شرطي بقلك دفاع بدون سبب هي ضريبة مرور من الشارع وكمان الشوارع ما بتعرف وين ممنوع ووين لا وفجاه بتلاقي حالك معاكس السير بدون ما حدا ينبهك انو هاد اتجاه واحد ولا اشارات ولا شي بقا منفضل التكسي احسن هداك متعود يحارب بالزحمه بس بصراحه حلوة البلد بكل زحمتا حلوة بناسا واهلا وهواها وكل شي

W.E.G.A

22/09/2009, 13:30

يا اخي انا عم عاني من قصة

ما عم لاقي اي محل عام اقدر اقعد فيه واقرا مثلا او شارك بشي امسية متل الخلق

يعني الغريب انه الشباب بهالايام ( طبعا مو الكل بس الاغلبية )

بيقعدوا ساعات مع بعض على لعب ورق وطاولة واراكيل

وطبعا المحلات بدها تشتغل فتفتح مشان هدول الشغلات

بس ما في شي همه يرفع المستوى غريب ما هيك

وعفكرة فايق رغم التنبيه بس فعلا الموضوع حلو كتير

ورح يكون الي مشاركات كتير فيه

:D

فايق ورايق ومدايق

22/09/2009, 14:08

Mr WaEeL لو أنو نضل نحكي على سوريا بيكون احسن هيدي نقد أيجابي ومنو مقارنات نورت الصفحة حبيبي

cute لو انو الله مانو حامي سوريا كنت شفت نص الشعب ميت وشفتي العجب طبعاً الله حاميها لسوريا

ابن التل كل بلدك دائماً فاتحلك بابو وبنتمنى ترجعلنا تنور سوريا وتفرح أهلك وصحابك فيك

W.E.G.A بظن أنك الوحيد يلي فهمت الفكرة انا بانتظارك دائماً وياهلا فيك بموضوعك:D

فايق ورايق ومدايق

22/09/2009, 14:09

من أعجب ما صادفني بسوريا,,, الابتسامة على وجوه العاملين بالقطاع السياحي,, و أخص بالذكر,,, فنادق الدرجه الأولى ( 5 نجوم يعني), و اذا بدي كون أكثر تخصيصا,,, سلسلة فنادق الشام.
اسم الله حولهم,,, و حواليهم,,, بيحتارو كيف بدهم يرضوك,,, ضحوكييييييييييييييين,,, يعني شو بدي احكي؟؟؟؟
ما فينك ما تكرر زيارتك عندهم, لياقه,,, لباقه,,, فهم,,, لغات,, ابتسامه دائمه,,, نضافه,,,,
يعني بجد ,,بجد يعني,,,, بتلعن الساعه اللي نزلت عندهم من كتر ماهم متمرسين بالمهنه,,,السياحيه
شي عم قلكم متل الكذب,,,, كما قال زياد رحباني,,,
متل الكذب

sandra

22/09/2009, 14:36

شامي للنخاع

22/09/2009, 14:52

بطريقك بعد ما تطلع على جسر فيكتوريا و بعدين تفوت بشارع الثورة و بتمرق من تحت جسر الثورة بتشوف بوشك سوء الحرامييه ( جمع حرامي ) .
و بما أنو العصر عصر عولمة و عصر اقتصاد السوق و عصر العالم الذي تحول إلى قرية صغيرة و بعصر الانفتاح و الاندماج و الحاضنات و تحالفات الشركات و الانصهار و الذوبان و التأقلم و التعايش و علوم التسويق و الادارة و ادارة الاموال ................
فـ بظن أنو ينهد سوء الحرامييه و يعمروا برج عالي كتير و يسموه اللصــــــــوص مـــــــــول ....................و بودعك آخر وداع

W.E.G.A

22/09/2009, 20:19

يا اخي في شي غريب بطريقة قيادة السيارات عنا

شي غريب عجيب

قسما بالله لو ماشي بسباق فورملا ما بتشوف هيك طحيشة

والمشاة شي كتير مهم بالنسبة لالن

يعني في عنا بحلب شوارع ما فيها اشارات مثلا

يا زلمة عندك واحد من حلين اما بدك تكون انتحاري وتقطع والعمر واحد والرب واحد

او بدك تستنى شي مذوق يهدي مشان تقطع

وطبعا الحل التاني مستحيل

فدوما بتلاقي حالك ستريت مان streetman

هاد رح ينزل بدل سوبر مان

الأندلسية

22/09/2009, 21:09

وتبقى دمشق اقدم عاصمة بالتاريخ
اي شو بدكن اكتر من هيك :larg:

فايق ورايق ومدايق

22/09/2009, 22:14

دمشق أقدم عاصمة بالتاريخ طبعاً ياسيدتي ياأندلسية وأضيف على كلماتك

دمشق عاصمة الثقافة العربية

دمشق مرجع الشعراء وملاذ الكتاب

دمشق الحضارة الأرقى بالتاريخ

دمشق بلد بردى والياسمين والتسامح والأخوة

دمشق بلد رمضان وبلد العرقسوس والدالية الشامية

دمشق بلد المقاومة والثوار ودماء الشهداء المعجون بنهر بردى

دمشق بلد الأولياء والكنائس والمساجد

دمشق بلدنا بلد العظماء بلد الأنبياء والأولياء والشهداء والحضارات

دمشق عاصمة الأسد وعاصمة البلد المحمي من الله ....

من لايفتخر أنه من هذا البلد العظيم ....؟؟

ياأصدقائي في موضوعي لاأقصد الإسائة إلى والدتي سوريا إنما أتكلم وأنتم على مايخرب هذا البلد ويجعله متخلف .... اتمنى أنت تصل الفكرة ........

فايق ورايق ومدايق

22/09/2009, 22:16

إثر وفاة مريض .. هجوم على طبيب في المشفى الوطني بحمص
من العنوان,,, واضح شو بدي أحكي,,,
بغض النظر عن التفاصيل,,,, لك شو هالعادة؟؟؟؟؟؟ شي مش طبيعي,,, دكتور بياكل قتله لأنو مريضو مات؟؟؟؟
يعني الطبيب قتلو للمريض قصد؟؟ وين الايمان بالقضاء و القدر؟؟ وين الاحتكام للقانون؟؟؟
ايمتى (بعضنا) بدهم يفكرو بدماغهم مش بايديهم
لك عيب يا ناس,,,, والله عيب

النمر اللبناني

22/09/2009, 22:22

يقتلو الطبيب والا عزريين ليش حامك حالك كتير طريعزووووووزز:jakoush:

الأندلسية

22/09/2009, 22:26

whiterose

22/09/2009, 22:29

مشاركتي الأولى رح تكون عن سيارات التكسي, أنو ليش لون شوارع سوريا كلو أصفر من كتر التكاسي,, و بنفس الوقت بتتطلع روحك ليحن عليك شوفير و يرضى يركبك معو,, كأنك عم تشحدو يعني
يعني ما شفتها ولا ببلد أنو شوفير التكسي يتشرط عليك اذا على طريقو بيوصلك و اذا مش على طريقو,,خليك منقوع بالشارع
جملة تقرأها في جميع تكاسي احدى البلاد العربيه أول ما بتركب بتقول:
عزيزي الراكب, الرحلة مجانية في حال لم يتم تشغيل العداد, رقم الشكاوي ................
صعب كتير تنفيذها؟؟؟؟

نسيت تحكي عن شغلة عداد ونص هي الشغلة ميأستني حياتي

يعني ولله حرام سكان الضواحي

وسكان المناطق البعيدة متل حرستا وضواحيها فوق تعتيرون منعترون

انا عن نفسي بقلو شعل العداد:pos:
واذا مامعو يا مابطلع يا بنتشارط

whiterose

22/09/2009, 22:33

ااذا تطور النقاش وارتفع مستوى المواضيع والاراء

خلونا نكتب عنوان الموضوع نغيروا من إلى التالي::

الطريق إلى بيت خالتك :lol:

MadMax

22/09/2009, 22:39

نسيت تحكي عن شغلة عداد ونص هي الشغلة ميأستني حياتي

يعني ولله حرام سكان الضواحي

وسكان المناطق البعيدة متل حرستا وضواحيها فوق تعتيرون منعترون

انا عن نفسي بقلو شعل العداد:pos:
واذا مامعو يا مابطلع يا بنتشارط

العداد و نص قانونية في حال كانت المنطقة بتبعد عن مركز المدينة أكتر من 40 كيلو

بس السائقين عم يحسبو أي منطقة خارج دمشق الادارية عداد و نص ..
و بهالحالة أنا ما بناقش ..
و لما بوصل بزتلو عدادو و بقللو ......... حليـــــــق

و على أيام الجيش عنا نطعميه دولاب :devil:

النمر اللبناني

22/09/2009, 22:43

اتلاتيئيباا

مجنون يحكي وعاقل يسمع

22/09/2009, 22:53

رايق وفايق مرحبا
شوف حبيب حابب قلك كام كلمة منيحة منشان الموضوع اللي طرحتو يمشي صح لازم يكون في بعض الضوابط للمشاركات أهمها
1- ينحط مدة زمنية لمناقشة كل فكرة يتم طرحها حتى لا يتم تداخل النقاشات وتشتت المواضيع فمثلاً :أنت طرحت أزمة السير والنقل والمرور في دمشق ووضعت يدك على كارثة من كوارث دمشق التي نعد للمئة قبل زيارتها بسبب ضجيج السيارات وهالة الدخان التي تغطي سماء المدينة ، لنترك مثلاً أربعة أيام لمناقشة هذه المشكلة ، وبعدها يتم طرح المشاكل الأخرى ويحدد منها اللموضوع الأهم للمناقشة وهكذا
2- المشاركات التي ذكرتها مثل سوريا الله حاميه ، أو المشاركات المعاكسة لهذه المشاركة التي لا ترى إلا الأسود
يتم إلغائها حتى لا يتحول الحواؤ إلى حمام مقطوعة ميتو متل العادة أي استخدام العقل في النقاش
والله يخليك رايق على طول لك خاي

فايق ورايق ومدايق

22/09/2009, 22:55

الطريق إلى بيت خالتك.....؟؟؟؟!!!!
هيدا هو اللغز أو الغول يلي بيخاف منو كتير من السوريين طيب ليش فيكوون تجاوبوني ....

عم يطعميه دولاب....
كمان هيدي الشغلة المتداولة لدى السوريين كمان ليش مين يجاوبني ...

هيدي هي وللأسف الأشياء يلي عم تخلينا ورا ورا ورا .....

خلونا نحكي عن الشي يلي مدايقنا ببلدنا يعني أكيد أذا حكينا شي رح يخلينا نصير قدام مارح نشوف خالتنا ولا رح نشوف الدالوب مش هيك ولا حكي غلط

الأندلسية

22/09/2009, 22:58

فايق ورايق ومدايق (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////) , هاد بيسموه سجع :p

فايق ورايق ومدايق

22/09/2009, 23:00

مجنون يحكي ياصديقي لو بتقرا موضوعي من الأول او بتشوف الموضوع عنوانو انو نقد بناء وليس نقد إيجابي

ماكان بدي ألجأ أبداً لموضوع سوريا الله حاميها أو المدح بسوريا أو المدح بدمشق لأنو من قوانين النقد النقد يتعارض مع المدح.... ولكن رد على الأعضاء يلي محسبين انو الموضوع أساءة على البلد بالعكس الفكرة واضحة يمكن ....

وكرمال المدة الزمنية مالها داعي لأنو بالأساس الموضوع مانو نقاش الموضوع كل واحد بيحط وجهة نظر بيحط شغلة مدايقتو وبيحكي عنها بالطريقة يلي بيحبها .....

ودمتم بخير

مايسترو

24/09/2009, 05:17

يا سيدي اكتر شغلة بتدايقني بس لانزل عالشام لما بفوت على شي مطعم بباب توما وبيقولولي مافي فوتة..ما معك صبايا..
انو هي شو ربها مثلا؟تاثير فكر خارجي؟غلاظة واكل هوا؟انو شو يعني؟

Nirvana

24/09/2009, 10:17

الطريق إلى بيت خالتك.....؟؟؟؟!!!!
هيدا هو اللغز أو الغول يلي بيخاف منو كتير من السوريين طيب ليش فيكوون تجاوبوني ....

حتى أشخاص مو سوريين .. بس حبيت ضيف أنو بسمع كتير ناس بيخافو ينزلو عسوريا ... وسمعت قصص كتيرة عن ناس راحت على بيت ابن خالتها كمان وتعددت الأسباب والموت واحد.. يعني اسم على اسم .. عاملو شي ما بيستاهل .. بتضل قصص يعني مالا مصداقية لكن... !
كوني شخص بغار على سوريا حتى لو مالي سورية .. بتمنى تتغير الصورة ..
وهالشي مرتبط كمان بوضع أو سمعة سوريا أمام العالم .. يعني من ناحية حقوق الانسان وما شابه.

وهي برأي مشكلة مهمة .. صورة سوريا أمام العالم!

stormsmaker

24/09/2009, 14:26

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

فايق ورايق ومدايق

24/09/2009, 14:32

اليوم الصبح,,, تفرجت عالفضائيه السوريه و هيك عندي كم كلمه:
مكياج مقدمات البرامج,,,, متل الساحرات الشريرات,,, يعني عدم المؤاخذه بلا مكياج احلى.(و اذا مو احلى,, فعلى الأقل بيكون مقبول), مكركبات,,, ملبكات,,, حايصات... و مستظرفات حتى القرف.
مهندس الصوت,,,, متل كأنو ولد و قاعد ورا الكونترول,,, كل آله موسيقيه عم تجعر لوحدها,,, هيدا غير جعير المطربين بمناسبه العيد السعيد.
المخرج,,, الله يجيرنا من نقلاتو و حركاتو بين الكاميرات,و بين المحافظات المحتفله معنا نحن الشعب بالعيد,,,, شي بيخزي
يا جماعه هيدا علم,,, و حياة القرآن العظيم علم,,, لك تعلمو و بعدين تعو طبقو على سمانا,,, ما تطبقو و تدربو فينا,,,, و بعدين تكتشفو انو لازم تتعلموو
الفن و كل ما هو مرتبط به,,, موهبه و علم,,, يمكن الشباب و الصبايا متعلمين كل في مجاله (و لو اني بشك),,, بس ما الكم علاقه بالموهبه,,,, و سامحونا
برسم وزير الاعلام الموقر,,,جدا

marochka

24/09/2009, 14:45

rama1985

26/09/2009, 03:44

المطار هو واجهة البلد وهو اول ما يراه الزائر كان سائح ام ابن الوطن
ومطار دمشق الدولي شوو مطار؟؟ منيح إذا منقلو كراج.
يعني السؤال الوحيد اللي ببالي
ما عيب يكون اسمو مطار دمشق الدولي؟؟
يعني حرام يكون عندنا على القليلة مطار واحد متل العالم؟؟؟
أما وقت اللي بتجيب اغراضك متل اللي واقف بفرن خبز. عنجد مطار!!!

W.E.G.A

26/09/2009, 13:14

اليوم بدي احكي عن القوالب الجاهزة

الي منكبر ونحن اخدين عنها نفس الفكرة

يعني البنت المحجبة عنا قديسة

والنت السبور ولي شو انها فلتانة

( مع العلم انه في كل بنت سبور بتشرف اكبر محجبة والعكس صحيح )

ابن المدينة شخص رائع لا بل دمه ازرق

ابن الريف جحش وما بيفهم وما فيه براسه مخ

( مع العلم انه في ابن ريف افهم من افهم ابن مدينة )

الشخص الغني حرامي

والشخص الفقير شريف

( مع انه الفقير هاد على الاغلب مو صاححلو يسرق ليهك اخد دور الشريف )

يعني امتا بدنا نفهم انه بكل كتلة في جزء سيء وجزء جيد

وما في كل جيد او كل سيء

مابعرف
:pos:

sandra

26/09/2009, 14:13

أنو صحيح هالشغلة محيرتني كتير، أنو ليش السوريين نجحو بصناعة الدراما والمسلسلات، وبالبرامج بيضلو فايتين بالحيط؟؟ حتى الممثلين اللي بينجحو كتير بالتمثيل بالبرامج بتلاقيهن تقل دم وغلاظة؟
كأنو مذيعات الأبيض والأسود كانو أحسن من هلأ، يعني آخر مذيعة بتنطسّ بتذكرا هي منى كردي :cry:

بالمجمل كنت شوف مذيعات القناة التانية أحسن من الأولى ... هالحكي من شي 10 سنين :p

وهلا كل ما حنيت وفتحت الفضائية السورية ... ما في شي بحسو تغير وأكتر من ربع ساعة ما بقدر ضل
معقول لهلا ما عم يعرفو يزبطو هالمذيعات ... ولا ديكور بينشاف .. ولا حتى فكرة برامج
وبالعودة لموضوع المذيعات
يعني الممثلات السوريات وهنن عم يمثلو بيطلعو عفويات أكتر من هالمذيعات
وطبعاً المذيعين مو أحسن
:pos:

Nasserm

26/09/2009, 14:35

كأنو مذيعات الأبيض والأسود كانو أحسن من هلأ، يعني آخر مذيعة بتنطسّ بتذكرا هي منى كردي
وآخر مذيع بينشاف "مروان صواف"

الله يرحم إيامات "إذا غنى القمر" كنت إنطرو مناطرة

هلق فيه محمد سعيد.. جيد

معقول لهلا ما عم يعرفو يزبطو هالمذيعات ...
(...)
يعني الممثلات السوريات وهنن عم يمثلو بيطلعو عفويات أكتر من هالمذيعات
وطبعاً المذيعين مو أحسن
ليش قولتك؟

التوك مانو بالمذيعين والمذيعات..

هاي زينة يازجي بالعربية ولونة الشبل وأحمد جادة بالجزيرة ورائدة وقاف وداليا محمد بالبي بي سي والغليظ مصطفى الآغا بالإم بي سي!!

وحدة من المذيعات اللي ذكرت أسمائهن فوق هي صديقتي.. وبعرف "معاناتها" بالهيئة العامة للإذاعة والتلفزيون.. وبعرف كيف طفّشوها تطفيش.. وما عطوها فرصة متل الخلق.. وبأول فرصة برّا صارت مذيعة "عالمية" :)

rama1985

29/09/2009, 03:58

مرة عم تابع برنامج اغاني العيد
المزيعة: الو مين معنا
المتصل : محمد من الكويت
المذيعة : اهلين و سهلين و عيد سعيد
المتصل: بدي اهدي اغنية جورج وسوف
المزيعة : لمين بتحب تهديها:؟
المتصل للاهل و الاقارب بحمص
المزيعة: اي ان شا الله الاسبوع الجايي بنحطلك الغنية
المتصل: مافي مجال اليوم؟
المزيعة لا و الله لانو عنا اليوم غنية لنجوى كرم
الاسبوع الجايي بنحطلك الغنية:shock:
انولشو البرنامج و الاتصالات من اصلو :pos:

المشكلة عنا مشكلة كادر كامل ...
اعداد و اخراج و ديكور و افكار من عام الف و تسعمية وخشبة :?

rama1985

29/09/2009, 04:04

والغليظ مصطفى الآغا بالإم بي سي!!

هلأ مصطفى الآغا غليظ :shock:

هاد الفين مليون تريليون غليظ :pos:

شو مشان هاد الموضوع اكتر من رائع

بس انو حددو موضوع معين للنقاش لانو المشاركات فايته ببعض :D

MadMax

29/09/2009, 13:35

المشكلة عنا مشكلة كادر كامل ...
اعداد و اخراج و ديكور و افكار من عام الف و تسعمية وخشبة :?
المشكلة هيي ذاتها بكل القطاع العام بسوريا

قطاع فاشل و بجدارة

whiterose

29/09/2009, 14:14

يا سيدي اكتر شغلة بتدايقني بس لانزل عالشام لما بفوت على شي مطعم بباب توما وبيقولولي مافي فوتة..ما معك صبايا..
انو هي شو ربها مثلا؟تاثير فكر خارجي؟غلاظة واكل هوا؟انو شو يعني؟

موهيك لانو اجواء المطاعم بالشام القديمة صارت عم تاخد طابع عائلي انو من باب مو اعدة شباب ع الحل

انو يا صديقتك يا عائلة كريمة هيك يعني

:lol:

whiterose

29/09/2009, 14:20

بالمجمل كنت شوف مذيعات القناة التانية أحسن من الأولى ... هالحكي من شي 10 سنين :p

وهلا كل ما حنيت وفتحت الفضائية السورية ... ما في شي بحسو تغير وأكتر من ربع ساعة ما بقدر ضل
معقول لهلا ما عم يعرفو يزبطو هالمذيعات ... ولا ديكور بينشاف .. ولا حتى فكرة برامج
وبالعودة لموضوع المذيعات
يعني الممثلات السوريات وهنن عم يمثلو بيطلعو عفويات أكتر من هالمذيعات
وطبعاً المذيعين مو أحسن
:pos:

شوفي رح اختلف معك لانو بصراحة التطور موجود وبشكل ملحوظ وكبير
الديكورات كلها اتغيرت
في شي حلو وفي شي انو :cry:

حتى المذيعات اتغيرو صح مو بالكفاءة يلي بيتمتعوا فيها اللبنانيات والفضائيات بس انو في تغير واضح

اتحي على برنامج صباح الخير يلي بيطلع الصبح على الفضائية السورية بتلاقي هالتغيير يلي عم احكي منو

بكفي غياب ام عمار وامل مكارم حتى يكون التلفزيون متغير
ودمتم ودام الطلفزيون العربي السوري وسمعوني حماة الديار :gem:

مايسترو

29/09/2009, 14:26

موهيك لانو اجواء المطاعم بالشام القديمة صارت عم تاخد طابع عائلي انو من باب مو اعدة شباب ع الحل

انو يا صديقتك يا عائلة كريمة هيك يعني

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

بس هاد ماله مبرر مقنع نهائيا نسرين

انو لانو اجوائها هيك فانو ما بفوتك..ولما بفوتك وبمننك بهالفوتة يعني بيشلفوك مدري وين..وبتكون الخدمة سيئة كتير..

فايق ورايق ومدايق

29/09/2009, 15:06

الله يعطي العافية للكل شو رأيكون اليوم نبعد عن التفزيون والمذيعات قدس الله سرون....
وخلونا عم نحكي على التلفزيون السوري أدامه الله فوق رؤوسنا..

يعني اليوم كمان وبكل فخر بعد مارجعت من الوظيفة فتحت التلفزيون وإذا تبدأ الدعايات السورية بالانهمار علينا وكلها بتحكي عن العلكة والمحارم وادوية الغسيل وبيحطوا دعايات من عصور الديناصور عن جد شي بيخجل والله انا بستحي قول لحدا هي دعاياتنا معقول الاستخفاف بالمشاهد يوصل لهلدرجة شو المشاهد يللي قاعد متخلف عقلي ولا مخبول والله شي بيخللي الواحد يكسر التلفزيون من الغضب يعني المسخرة لها حدود بس هذا الشي اكتر من مسخرة..

وطبعاً وبكل فخر بينحطو الدعايات على القناة الفضائية كرمال فضيحتنا تكمل. متل
- كل دعايات شوكولا ..... بدو استثناء والأكثر إزعاجا قرد ضغير لابس شروال عأساس وعم يبيع شوكولا .... بباب الحارة
- دعاية محارم ..... الأثرية بكل معنى الكلمة واللي ألها بتنعرض عالتلفزيون فوق العشر سنين
- كل دعايات العلكة "يعني لازم كلورتس تتعلم منون"
- دعاية لمبة توفير الطاقة .... وحدة عم تتنوط من محل لمحل بالبيت وبتطلع لمبة وبتركبها لحتى تعرف تجهز حالها ما المحروس ناطرهاواللي ما ركبت اللمبة ما جهزت عالوقت

يعني وبنقولها وبكل تم مليااااان الأعلانات السورية أربعون عاماً نزداد غبائاً"
وتحياتي لوزير الأعلام الموقر...

Nasserm

29/09/2009, 16:59

هاي زينة يازجي بالعربية ولونة الشبل وأحمد جادة بالجزيرة ورائدة وقاف وداليا محمد بالبي بي سي والغليظ مصطفى الآغا بالإم بي سي!!

أيمن جادة

بس كنت محشش وقتها شوي.. لا تواخزونا

Nasserm

29/09/2009, 17:01

عن الإعلانات بالتلفزيون السوري؟

الإعلان عمي فايق.. هو صناعة.. حرفة.. فيه علم وإبداع..

فـ التوك اللي مخلّي برامج التلفزيون السورية بتهوّي.. نفس التوك اللي مخلّي "الإعلان التلفزيوني" بيخجّل..

رغم إنو.. ما بيخلى الأمر أوقات.. ينفد شي إعلان هيك متل الخلق (نفس الشي مع البرامج)

بس بتضل السمة الأبرز.. هي الفشل

وجرزة الفشل.. أرخص طبعاً من جرزة البقدونس

MadMax

29/09/2009, 18:20

وإذا تبدأ الدعايات السورية بالانهمار علينا وكلها بتحكي عن العلكة والمحارم وادوية الغسيل وبيحطوا دعايات من عصور الديناصور عن جد شي بيخجل والله انا بستحي قول لحدا هي دعاياتنا معقول الاستخفاف بالمشاهد يوصل لهلدرجة شو المشاهد يللي قاعد متخلف عقلي ولا مخبول والله شي بيخللي الواحد يكسر التلفزيون من الغضب يعني المسخرة لها حدود بس هذا الشي اكتر من مسخرة..

هلأ هون عم تحكي عن موضوعين مختلفين

أول الشي الدعايات عن شو .. من علكة و محارم .... فهي بتعكس النشاط اللاقتصادي يللي بالبلد
هون تذكرت بالتسعينات لما نزل قانون رقم 10 و يللي قدم بوقتا شوية تسهيلات إدارية لتشجيع النشاط الاقتصادي بشكل عام
وقتها ما شفنا غير شركات النقل + مصانع العلكة
يعني ما شفنا اي صناعي اجا اشتغل على شي منشأة اقتصادية استراتيجية
كلو اشتغل على الصناعات الخفيفة السريعة الربح ... و معظم الصناعيين كانو عم يفكروا أنو يفتحو منشآتون و يسكروها قبل ما تخلص مدة الاعفاء الضريبي

تاني شي عن صناعة الإعلان ... هي كمان كلها شركات و مكاتب خاصة ... بس بتفتقد للخبرة متل مو مبين .. أو للزوق ما بعرف
الاعلان قبل ما يكون صناعة هو فن ... برأيي ما لازم يشتغل فيه غير الفنانين ... أو عالأقل يللي عندون حس فني

و لحد الآن عم نشوف بعض المنشآت الاقتصادية ... عم تعمل إعلاناتها برا البلد

يعني بالحالتين .. بما يخص الاعلانات .. برأيي التفزيون ما دخلو فيها
القصة كلها بالقطاع الخاص ... يللي لسا نظرتو للتسويق قاصرة شوي

Nasserm

29/09/2009, 18:58

يعني بالحالتين .. بما يخص الاعلانات .. برأيي التفزيون ما دخلو فيها
القصة كلها بالقطاع الخاص ... يللي لسا نظرتو للتسويق قاصرة شوي
شلون ما دخلو؟

مو هو اللي عم يعرضها؟

ما فيه يعمل "رقابة" على "سخافة" الإعلان مثلاً؟

بيعمل رقابة على كل شي.. بدءاً من الحكي.. ومو انتهاءً بـ طول تنورة المذيعة.. (سمعت بآخر تفنكة لوزير الإعلام لما فرض ع ضيوف التلفزيون يجوا بـ البدلة والكرافة؟)

كلن هيدول بتتدخّل فيهن "رقابة" الهيئة العامة.. بس ما بتتدخل بسوية الإعلان؟

ليش بالله؟

إنو الشركة العامة للإعلان (شو كان اسمها دخلك؟)

بس شغلتها تقص مصاري؟

فيهن.. يحددوا "عتبة" دنيا.. للسخافة المسموحة بالإعلانات.. بيمشي الحال

ثم هيدا تلفزيون حكومي.. ما لازم يكون هدفو الأول الربح..

أوكي لازم يربح.. وبيقدر يربح طبعاً.. بس مو على حساب الشي اللي عم يفرجينا ياه.. لإنو هيدا تلفزيون البلد.. ما فيني حاسبو متل ما بحاسب تلفزيون شي متموّل (متل قناة شام مثلاً) اللي هدفو الأول والأخير الربح!

بس إذا كان رب التلفزيون بالطبل ضارباً.. فـ شيمة الإعلانات كليتها السخافة

MadMax

29/09/2009, 19:16

شلون ما دخلو؟

مو هو اللي عم يعرضها؟

ما فيه يعمل "رقابة" على "سخافة" الإعلان مثلاً؟

لا ما فيه ..
القضية تجارية بحتة ..
المنتج بياخد هالاعلان و بيقصد محطة معينة ... و بيطلب عرضو لقاء مقابل مادي ... و خالصين

نفس هالإعلانات الفاشلة عم تنعرض أحياناً عالمحطات اللبنانية .. خاصة NEW TV

و بيقدرو يعرضوها بأي محطة لما بيدفعو

المشكلة برأيي بصاحب هالمنتَج ... يللي عم يقبل هالإعلان السخيف يعبّر عن منتجو

رجل من ورق

29/09/2009, 19:22

خيو اليوم الشركات الكبرى عم تعمل اعلانها برا وعم يطلع ظابط
خيو لا تروح لبعيد في اعلانات مو تجارية بس ناجحة متل البركة بالشباب او تبع الاسلام ملون كتير حلوين
او اللي عملتون الدولة بلبنان خلال الانتخابات تبع بدنا نصير لبنانيي وهيدول كتير نجحوا
هون عنا فشل ذريع لانو لسا مو مقتنعين العالم يدفعوا شوي زيادة كرمال اعلان محترم

Nasserm

29/09/2009, 19:38

لا ما فيه ..
القضية تجارية بحتة ..
المنتج بياخد هالاعلان و بيقصد محطة معينة ... و بيطلب عرضو لقاء مقابل مادي ... و خالصين

نفس هالإعلانات الفاشلة عم تنعرض أحياناً عالمحطات اللبنانية .. خاصة NEW TV

و بيقدرو يعرضوها بأي محطة لما بيدفعو

المشكلة برأيي بصاحب هالمنتَج ... يللي عم يقبل هالإعلان السخيف يعبّر عن منتجو
معك إنو في مشكلة بصاحب المنتوج..

بس أنا هون مانو همّي الأخ..

لإنو فيه يروح يعمل إعلان سخيف ويحطّو بـ قنوات الهشّك بشّك..

هاي مانها مشكلة (انتبه.. حتى بعد ما يصير عنا "مخ" اقتصادي مهم بالقطاع الخاص.. رح يضل في "جلابيط اقتصاد" صغار.. يعملوا إعلانات تافهة.. ويحطّوها بالقنوات الخاصة)

أنا مشكلتي مع التلفزيون السوري.. هيدا تلفزيونا.. المفروض يعبّر عنا..

وما لازم تكون -بالتلفزيون السوري حصراً- القصة تجارية بحتة متل بغير تلفزيونات

رجل من ورق

29/09/2009, 19:46

طب ما هوي كمان بدو يربح
الواحد بدو يلحق مصلحته

Nasserm

29/09/2009, 19:54

طب ما هوي كمان بدو يربح
الواحد بدو يلحق مصلحته
يا خيي يربح.. ليش أنا ما بدّي ياه يربح؟

بس إنو.. ما فيه يربح إلا ع ضهري؟ ع حساب صحتي؟

الفكرة بسيطة.. متل ما طلع وزير البريستيج بقرار يفرض ع ضيوف التلفزيون يلبسوا بدلة وكرافة.. كان الأولى فيه يعمل قرار يخفف النطوطة والبياخة بالإعلان..

يا خيي.. هلق بعض جلابيط المطربين.. بيدفعوا حتى تنحط أغانيهن بالفضائيات

بيقبل التلفزيون السوري يعرضهن؟

لأ..

لإنو فيه شي اسمو رقابة على "سوية الغنية".. بيدققوا ع كلماتها حصراً.. وشوي.. ع المشلحة بالكليب..

هلق مطبقة.. صحيح ما كتير عم يلتزموا فيها بطريقة صح.. بس إنو في هيك شي..

مثلاً.. عندك علم إنو غنية فارس كرم "تقبر قلبي هالضحكة" ممنوعة.. بالإذاعة والتلفزيون؟

قال ليش؟

لإنو بيشجّع فيها ع الانحلال والفسق والفجور لما بيقول: "شفافك ما خلقت ت تحكي.. شفافك خلقت ت تنباس" :lol:

طيب هلق بحياة ربّك.. هيدي الغنية تنمنع.. ودعاية علكة آرتيست.. تنعرض!!

مشان شو؟

مشان الربح!!